मंगलवार 15 मार्च 1988 की अव्यक्त मुरली

>

15 - 03 - 88 om shanti avyakt baapdaadaamdhuban

nai duniya ki tasveer ka aadhaar vartamaan shreshtha brahman jeevan

apni muskaraati hui moorta se sabko muskaraana sikhaane vaale,apni shreshtha takdeer ki tasveer se nai duniya ki tasveer banaane vaale - aise hoshiyaar aaaartista bachchon prati vishwa ke aadhaarmoorta baapdaada bole

aaj vishwa rachta,vishwa ki shreshtha takdeer banaane vaale baapdaada apne shreshtha takdeer ki tasveer - swaroop bachchon ko dekh rahe hain। aap sabhi brahman aatmaayen vishwa ki shreshtha takdeer ki tasveer ho। brahman jeevan ki tasveer se bhavishya ki shreshtha takdeer spashta dikhaai deti hai। brahman jeevan ka har shreshtha karma bhavishya shreshtha phal ka anubhav karaata hai। brahman jeevan ka shreshtha sankalp bhavishya ka shreshtha sanskaar spashta karta hai। to vartamaan brahman jeevan tasveer hai - bhavishya takdeervaan sansaar ki। baapdaada aise bhavishya ke tasveer bachchon ko dekh harshit hote hain। tasveer bhi aap ho, bhavishya ki takdeer ke aadhaarmoorta bhi aap ho। aap shreshtha bante, tab hi duniya bhi shreshtha banti hai। aapki udti kala ki sthiti to vishwa ki bhi udti kala hai। aap brahman aatmaayen samay prati samay jaisi stage se paas karte to vishwa ki stages bhi parivartan hoti rehti hai। aapki satopradhaan sthiti hai to vishwa bhi satopradhaan hai, golden aged hai। aap badalte to duniya bhi badal jaati hai। itne aadhaarmoorta ho!

vartamaan samay baap ke saath kitna shreshtha part baja rahe ho! saare kalpa ke andar sabse bade - te - bada vishesh part is samay baja rahe ho! baap ke saath - saath sahayogi ban vishwa ki har aatma ki anek janmon ki aashaayen poorn kar rahe ho। baap dvaara har aatma ko mukti va jeevanmukti ka adhikaar praapta karaane ke nimitta bane hue ho। sarva ki ichchhaaon ko poorn karne vaale baap samaan - ‘kaamdhenu' ho, kaamnaayen poorn karne vaale ho। aise har aatma ko ichchha - maatram - avidya ki sthiti ka anubhav karaate ho jo aadhaakalpa anek janma, na bhakti vaali aatmaon ko,jeevanmukta avastha vaali aatmaon ko koi bhi ichchha rehti hai। ek janma ki ichchhaayen poorn karaane vaale nahin lekin anek janmon ke liye ichchha - maatram - avidya ki anubhooti karaane vaale ho। jaise baap ke sarva bhandaare, sarva khazaane sada bharpoor hain, apraapti ka naam nishaan nahin hai; aise baap samaan, sada aur sarva khazaanon se bharpoor ho।

brahman aatma arthaat praapti swaroop aatma,sampanna aatma। jaise baap sada light - house, might house hai; aise brahman aatmaayen bhi baap samaan ho,laaithaaus ho। isliye har aatma ko apni manjal par pahunchaane ke nimitta ho। jaise baap har sankalp, har bol, har karma se har samay daata hain,vardaata hain;aise aap brahman aatmaayen bhi daata ho, master vardaata ho। aise brahman jeevan ki tasveer ho? koi bhi tasveer banaate ho to usmein sabhi visheshtaayen dikhaate ho na। aise vartamaan samay ki brahman jeevan ke tasveer ki visheshtaayen apne mein bhar li hai? bade te bade chitrakaar aap ho jo apna chitra bhi bana rahe ho। aapke chitra bante hi vishwa ka chitra banta ja raha hai। aise anubhav karte ho na।

kai poochhte hain na ki nai duniya mein kya hoga?to nai duniya ki tasveer hi aap ho। aapki jeevan se bhavishya spashta hota hai। is samay bhi apni tasveer mein dekho ki sada aisi tasveer bani hai jo koi bhi dekhe to sada ke liye prasannachitta ho jaae। koi bhi jara bhi ashaanti ki lahar vaala ho to aapki tasveer dekh ashaanti ko hi bhool jaaen, shanti ki lahron mein lahraane lage। apraapti swaroop, praapti ki anubhooti svatah hi anubhav kare। bhikhaari bankar aaye,bharpoor bankar jaaye। aapki muskaraati hui moorta dekh man ka va aankhon ka rona bhool jaaen, muskaraana seekh jaaen। aap log bhi baap ko kehte ho na - ki muskaraana sikha diya… to aapka kaam hi hai rona chhudaana aur muskaraana sikhaana। to aisi tasveer brahman jeevan hai! sada yeh smriti mein rakhon ki ham aise aadhaarmoorta hain, foundation hain। vriksha ke chitra mein dekha - brahman kahaan baithe hain?foundation mein baithe ho na। brahman foundation majboot hai, tab aadha kalpa achal - adol rehte ho। saadhaaran aatmaayen nahin ho, aadhaarmoorta ho, foundation ho।

is samay ki aapki sampoorn sthiti satayug ki 16 kala sampoorn sthiti ka aadhaar hai। ab ki ‘ek - mat'vahaan ke ek raajya ke aadhaarmoorta hai। yahaan ke sarva khazaanon ki sampannata - gyaan, gun,shaktiyaan,sarva khazaane vahaan ki sampannata ka aadhaar hain। yahaan ka deh ke aakarshan se nyaaraapan, vahaan ke tan ki tandaroosti ke praapti ka aadhaar hai। ashareeri - pan ki sthiti nirogi - pan aur lambi aayu ke aadhaar swaroop hai। yahaan ki bephikar - baadshaah - pan ki jeevan vahaan ke har ghadi man ki mauj jeevan, isi sthiti ke praapti ka aadhaar banti hai। ek baap doosra na koi - yahaan ki yeh akhanda - atal saadhna vahaan akhanda,chhota - sa sansaar baapdaada va maat - pita aur behen - bhaai, vahaan ke chhote sansaar ka aadhaar banta hai। yahaan ek maat - pita ke sambandh ke sanskaar vahaan bhi ek hi vishwa ke vishwa - mahaaraajan va vishwa - mahaaraani ko maat - pita ke roop mein anubhav karte hain। yahaan ke sneh - bhare parivaar ka sambandh,vahaan bhi chaahe raaja aur praja bante lekin praja bhi apne ko parivaar samajhti hai, sneh ki sameepta parivaar ki rehti hai। chaahe martabe rehte hain lekin sneh ke matarbe hain, sankoch aur bhay ke nahin। to bhavishya ki tasveer aap ho na। yeh sab baaten apni tasveer mein check karo - kahaan tak shreshtha tasveer ban karke taiyaar hui hai ki abhi tak rekhaayen kheench rahe ho?hoshiyaar aaaartista ho na!

baapdaada yahi dekhte rehte hain ki har ek ne kahaan tak tasveer taiyaar ki hai? doosre ko ulhana to de nahin sakte ki isne yeh theek nahin kiya, isliye aise hua। apni tasveer aapehi banaani hai। aur cheezen to sab baapdaada se mil rahi hain,usmein to kami nahin hai na। yahaan bhi khel sikhaate ho na jismen cheeje khareedkar phir banaate ho। banaane vaale ke oopar hota hai,jitna chaahe utna lo। lene vaale sirf le saken। baaki khula baajaar hai,baapdaada yeh hisaab nahin rakhta ki do lena hai ya chaar lena hai। sabse badhiya tasveer banaai hai na। sada apne ko aise samjho ki ham hi bhavishya ke takdeer ki tasveer hain। aise samajhkar har kadam uthaao। snehi hone ke kaaran sahayogi bhi ho aur sahayogi hone ke kaaran baap ka sahayog har aatma ko hai। aise nahin ki kuchh aatmaon ko jyaada sahayog hai aur kinhon ko kam hai। nahin। baap ka sahayog har aatma ke prati ek ke return mein padmaguna hai hi। jo bhi sahayogi aatmaayen ho, un sabko baap ka sahayog sada hi praapta hai aur jab tak hai, tab tak hai hi hai। jab baap ka sahayog hai to har kaarya hua hi pada hai। aise anubhav karte bhi ho aur karte chalo। koi mushkil nahin kyonki bhaagyavidhaata dvaara bhaagya ki praapti ka aadhaar hai। jahaan bhaagya hota, vardaan hota vahaan mushkil hota hi nahin।

jiski bahut achhi tasveer hoti hai, to zaroor first number aayega। to sabhi first division mein to aane vaale ho na। number first ek aayega lekin first division to hai na। to kismen aana hai? first division sabke liye hai। kuchh kar lena achha hai। baapdaada to sabko chance de rahe hain - chaahe bhaaratvaasi hon va double videshi hon। kyonki abhi result out to hui nahin hai। kabhi achhe - achhe result out ke pahle hi out ho jaate hain,to woh jagah mil jaayegi na। isliye jo bhi lene chaaho,abhi chance hai। phir board laga dete hain na ki abhi jagah nahin hai। yeh seat full ho jaayengi। isliye khoob udo। daudo nahin lekin udo। daudne vaale to neeche rah jaayenge,udne vaale ud jaayenge,udte chalo aur udaate chalo। achha!

chaaron or ke sarva shreshtha takdeer ki shreshtha tasveer swaroop mahaan aatmaon ko,sada svayan ko vishwa ke aadhaarmoorta anubhav karne vaali aatmaon ko,sada apne ko praapti swaroop anubhootiyon dvaara auron ko bhi praaptisvaroop anubhav karaane vaali shreshtha aatmaon ko,sada baap ke sneh aur sahayog ke padmaguna adhikaar praapta karne vaale poojya brahman so dev aatmaon ko baapdaada ka yaadapyaar aur namaste।''

personal mulaakaat - party se baap ka haath sada mastak par hai hi - aisa anubhav karte ho?shreshtha mat hi shreshtha haath hai। to jahaan har kadam mein baap ka haath arthaat shreshtha mat hai,vahaan shreshtha mat se shreshtha kaarya svatah hi hota hai। sada haath ki smriti se samartha ban aage badhaate chalo। baap ka haath sada hi aage badhaane ka anubhav sahaj karaata hai। isliye,is shreshtha bhaagya ko har kaarya mein smriti mein rakh aage badhte raho। sada haath hai,sada jeet hai।