गुरुवार 31 मार्च 1988 की अव्यक्त मुरली

>

31 - 03 - 88 om shanti avyakt baapdaadaamdhuban

‘vaacha' aur ‘karmana' - donon shaktiyon ko jama karne ki eeshvareey scheme

apne dil ke snehi bachchon ko baap samaan banne ka ishaara dete hue roohaani shama baapdaada bole –

aaj roohaani shama apne roohaani parvaanon ko dekh rahe hain। chaaron or ke parvaane shama ke oopar phida arthaat kurbaan ho gaye hain। kurbaan va phida hone vaale anek parvaane hain lekin kurbaan hone ke baad shama ke sneh mein ‘shama samaan'banne mein,kurbaani karne mein nambarvaar hain। vaastav mein kurbaan hote hi hain dil ke sneh ke kaaran। ‘dil ka sneh' aur‘sneh' -ismen bhi antar hai। sneh sabhi ka hai, sneh ke kaaran kurbaan hue hain। ‘dil ke snehi' baap ke dil ki baaton ko va dil ki aashaaon ko jaante bhi hain aur poorn karte hain। dil ke snehi dil ki aashaayen poorn karne vaale hain। dil ke snehi arthaat jo baap ke dil ne kaha aur bachchon ke dil mein samaaya। aur jo dil mein samaaya woh karma mein svatah hi hoga। snehi aatmaon ke kuchh dil mein samaata hai,kuchh dimaag mein samaata hai। jo dil mein samaata hai, woh karma mein laate hain; jo dimaag mein samaata hai usmein soch chalta hai ki kar sakenge va nahin, karna to hai, samay par ho hi jaayega। aise soch chalne ke kaaran soch tak hi rah jaata hai,karma tak nahin hota।

aaj baapdaada dekh rahe the ki kurbaan jaane vaale to sabhi hain। agar kurbaan nahin jaate to ‘brahman'nahin kahlaate। lekin baap ke sneh ke peechhe jo baap ne kaha woh karne ke liye kurbaani karni padti arthaat apnaapan, chaahe apnepan mein abhimaan ho va kamzori ho - donon ka tyaag karna padta hai। isko kehte hain - kurbaani। kurbaan hone vaale bahut hain lekin kurbaani karne ke liye himmat vaale nambarvaar hain।

aaj baapdaada sirf ek maas ki result dekh rahe the। isi season mein vishesh baapdaada ne ‘baap samaan'banne ka bhinna - bhinna roop se kitni baar ishaara diya hai aur baapdaada ki vishesh yahi dil ki shreshtha aasha hai। itna khazaana mila, vardaan mile! vardaan ke liye bhaag - bhaag kar aaye। baap ko bhi khushi hai ki bachche sneh se milne aate hain, vardaan le khush hote hain। lekin baap ke dil ki aash poorn karne vaale kaun? jo baap ne sunaaya usko karma mein kahaan tak laaya?mansa,vaacha,karmana - teenon ki result kahaan tak samajhte ho?shaktishaali mansa, sambandh - samparka mein kahaan tak aai?sirf apne aap baith manan kiya - yeh sva - unnati ke liye bahut achha hai aur karna hi hai। lekin jin shreshtha aatmaon ki shreshtha mansa arthaat sankalp shaktishaali hain, shubh - bhaavna, shubh - kaamna vaale hain। mansa shakti ka darpan kya hai?darpan hai - bol aur karma। chaahe agyaani aatmaayen, chaahe gyaani aatmaayen - donon ke sambandh - samparka mein bol aur karma darpan hain। agar bol aur karma shubh - bhaavna,shubh - kaamna vaale nahin hain to mansa shakti ka pratyaksha swaroop kaise samajh mein aayega?jiski mansa shaktishaali va shubh hai, unki vaacha aur karmana svatah hi shaktishaali shuddh hogi,shubh - bhaavna vaali hogi। mansa shaktishaali arthaat yaad ki shakti bhi shreshtha hogi, shaktishaali hogi, sahajyogi honge। sirf sahaj - yogi bhi nahin lekin sahaj - karmayogi honge।

baapdaada ne dekha - yaad ko shaktishaali banaane mein majority bachchon ka attention hai, yaad ko sahaj aur nirantar banaane ke liye umang - utsaah hai। aage badh bhi rahe hain aur badhte hi rahenge। kyonki baap se sneh achha hai, isliye yaad ka attention achha hai aur yaad ka aadhaar hai hi - ‘sneh'। baap se rooh - roohaan karne mein bhi sab achhe hain। kabhi - kabhi thodi aankh dikhaate bhi hain,woh bhi tab jab aapas mein thoda bigadte hain। phir baap ko ulhana dete hain ki aap kyon nahin theek karte? phir bhi woh sneh bhari muhabbat ki aankh hai। lekin jab sangathan mein aate,karma mein aate, kaarobaar mein aate, parivaar mein aate to sangathan ka bol arthaat vaacha shakti ismen vyartha jyaada dikhaai deta hai।

vaani ki shakti vyartha jaane ke kaaran vaani mein jo baap ko pratyaksha karne ka jauhar va shakti anubhav karaani chaahiye, woh kam hota hai। baaten achhi lagti hain, woh doosri baat hai। baap ki baaten repeat karte ho to woh zaroor achhi hongi। lekin vaacha ki shakti vyartha jaane ke kaaran shakti jama nahin hoti hai,isliye baap ko pratyaksha karne ki aavaaj bulanda hone mein abhi deri ho rahi hai। saadhaaran bol jyaada hain। ‘alaukik bol hon, pharishton ke bol hon'। abhi is varsha is par underline karna। jaise brahma baap ko dekha - pharishton ke bol the, kam bol aur madhur bol। jis bol ka phal nikle, woh hai yathaartha bol aur jis bol ka koi phal nahin,woh hai vyartha। chaahe kaarobaar ka phal ho kaarobaar ke liye bhi bolna to padta hai na,woh bhi lamba nahin karo। abhi shakti ko jama karna hai। jaise ‘yaad'se mansa ki shakti jama karte ho, silence mein baithte ho to‘sankalp - shakti' jama karte ho। aise,vaani ki shakti bhi jama karo।

hansi ki baat sunaate hain - baapdaada ke vatan mein sabke jama ki bhandaariyaan hain। aapke sevaakendra mein bhi bhandaariyaan hain na। baap ke vatan mein bachchon ki bhandaari hai। har ek ko saare din mein mansa, vaacha,karmana - teenon shaktiyaan bachat kar jama karte hain, woh hai bhandaari। mansa shakti kitni jama ki,vaacha shakti,karmana shakti kitni jama ki - iska saara potaamel hai। aap bhi kharche aur bachat ka potaamel bhejte ho na। to baapdaada ne yeh jama ki bhandaariyaan dekheen। to kya nikla hoga? jama ka khaata kitna nikla hoga?har ek ki result to apni - apni hai। bhandaariyaan bhari hui to bahut thi lekin chillar (rejgaari) jyaada thi। chhote bachche bhandaari mein chillar jama karte hain to bhandaari kitni bhaari ho jaati hai! to vaacha ki result mein vishesh yeh jyaada dekha। jaise yaad ke oopar attention hai, vaise vaacha ke oopar itna attention nahin hai। to is varsha vaacha aur karmana - in donon shaktiyon ko jama karne ki scheme (yojna) banaao। jaise government bhi bhinna - bhinna vidhi se bachat ki scheme banaati hai na। aise,ismen mool mansa hai - yeh to sab jaante hain। lekin mansa ke saath - saath vishesh vaacha aur karmana - yeh sambandh - samparka mein spashta dikhaai deti hai। mansa phir bhi gupta hai lekin yeh pratyaksha dikhaai dene vaali hai। bol mein jama karne ka saadhan hai - ‘kam bolo aur meetha bole, svamaan se bolo'। jaise brahma baap ne chhote athva badon ko svamaan ke bol se apna banaaya। is vidhi se jitna aage badhenge, utna vijay maala jaldi taiyaar hogi। to is varsha kya karna hai? seva ke saath vishesh yeh shaktiyaan jama karte hue seva karni hai।

seva ke plans to sabhi ne achhe - te - achhe banaaye hain aur abhi tak jo plan pramaan seva kar rahe hain, chaaron or - chaahe bhaarat mein, chaahe videsh mein, achhi kar bhi rahe hain aur karne vaale bhi hain। jaise seva mein ek do se achhe te achhi result nikaalne ki shubh - bhaavna se aage badh rahe ho, aise seva mein sangathit roop mein sada santushta rahne aur santushta karne ka vishesh sankalp - yeh bhi sada saath - saath rahe। kyonki ek hi samay teen prakaar ki seva saath - saath hoti hai। ek - apni santushtata,yeh hai sva ki seva। doosri - sangathan mein santushtata,yeh hai parivaar ki seva। teesri - bhaasha dvaara va kisi bhi vidhi dvaara vishwa ke aatmaon ki seva। ek hi samay par teen seva hoti hain। koi bhi programme banaate ho to usmein teenon seva samaai hui hain। jaise vishwa ki seva ki result va vidhi attention mein rakhte ho, aise donon sevaayen ‘sva'aur ‘sangathan'ki - teenon hi nirvighna hon, tab kahenge - seva ki number one saphalta। teenon saphalta saath hona hi number lena hai। is varsha teenon sevaaon mein saphalta saath - saath ho - yeh nagaada baje। agar ek kone mein nagaada bajta hai to kumbhakarnon ke kaanon tak nahin pahunchta hai। jab chaaron or yeh nagaada bajega,tab sabhi kumbhakran jaagenge। abhi ek jaagta hai to doosra sota hai, doosra jaagta hai to teesra sota hai। thoda jaagte bhi hain to ‘achha - achha' karke phir so jaate hain। lekin jaag jaaen aur mukh se va man se - ‘aho prabhu!' kahen aur mukti ka varsa leven,tab samaapti ho। jaagenge tab to mukti ka varsa lenge! to samjha, kya karna hai? ek do ke sahayogi bano। doosre ke bachaav mein apna bachaav arthaat bachat ho jaayegi।

seva ke plan mein jitna samparka mein sameep laao,utna seva ki pratyaksha result dikhaai degi। sandesh dene ki seva to karte aaye ho, karte rehna lekin vishesh is varsha sirf sandesh nahin dena, sahayogi banaana hai arthaat samparka mein sameep laana hai। sirf form bhara diya - yeh to chalta rehta hai lekin is varsha aage badho। form bharaao lekin form bharne tak nahin chhod do, sambandh mein laana hai। jaisa vyakti vaise samparka mein laane ke plans banaao। chaahe chhote - chhote programme karo lekin lakshya yeh rakho। sahayogi sirf ek ghante ke liye va form bharne ke samay tak ke liye nahin banaana hai lekin sahayog dvaara usko sameep laana hai। samparka mein,sambandh mein laao। to aage chal seva ka roop parivartan hoga। aapko apne liye nahin karna padega। aapki taraph se sambandh mein aane vaale bolenge,aapka sirf aasheervaad aur drishti deni padegi। jaise aajkal shankaraachaarya ko kursa par bithaate hain,vaise aapko poojya ki kursa par bithaayenge,chaandi ki nahin। dharni taiyaar karne vaale nimitta banenge aur aapko sirf drishti se beej daalna hai, do aasheervaad ke bol bolna hai। tab to pratyakshata hogi। aap mein baap dikhaai dega aur baap ki drishti, baap ke sneh ki anubhooti lete hi pratyakshata ke naare lagne shuru ho jaayenge।

abhi seva ki golden jubilee to poori kar li। abhi aur seva karenge aur aap dekh - dekh harshit hote rahenge। jaise, pope kya karta hai?itni badi sabha ke beech drishti de aasheervaad ke bol bolte। lamba - chauda bhaashan karne vaale doosre nimitta banenge। aap kaho ki humein baap ne sunaaya hai, uske badle doosre kahenge - inhonne jo sunaaya, woh baap ka hai, aur koi hai hi nahin। to dheere - dheere aise hands taiyaar honge। jaise sevaakendra sambhaalne ke liye hands taiyaar hue hain na, aise stage par aapki taraph se doosre bolne vaale,anubhav karke bolne vaale niklenge। sirf mahima karne vaale nahin, gyaan ki guhya point ko spashta karne vaale,parmaatma - gyaan ko siddha karne vaale - aise nimitta banenge। lekin uske aise - aise logon ko snehi, sahayogi aur samparka mein laate sambandh mein laao। is saare kaaryakram ka lakshya hi yeh hai ki aise sahayogi banaao jo svayan aap ‘might'ban jaao aur woh‘mike' ban jaayen। is varsha ke sahayog ki seva ka lakshya‘mike'taiyaar karne hain jo anubhav ke aadhaar se aapke ya baap ke gyaan ko pratyaksha karen। jinka prabhaav svatah hi auron ke oopar sahaj padta ho, aise mike taiyaar karo। samjha, seva ka uddeshya kya hai, itne jo programmes banaayen hain uska makkhan kya niklega? khoob seva karo lekin is varsha sandesh ke saathsaath yeh add karo। najar mein rakho - kaun - kaun aise paatra hain। aur usko samay prati samay bhinna - bhinna vidhi se samparka mein laao। aise nahin - ek programme kiya, phir doosra oopar se kiya, teesra oopar se kiya aur pahle vaale vahaan hi rah gaye,teesre aa gaye। yeh bhi jama ki shakti prayog mein laani padegi। har programme se jama karte jaao। last mein aise sambandh - samparka vaalon ki maala ban jaaye। samjha?baaki kya raha? milne ka programme।

is varsha baapdaada6 maas ke seva ki result dekhna chaahte hain। seva mein jo bhi plans banaaye hain, woh chaaron or ek do ke sahayogi ban khoob chakra lagaao। sabhi chhote - badon ko umang - utsaah mein laakar teenon prakaar ki seva mein aage badhaao। isliye baapdaada ne is varsha mein poora raat ko din banaakar seva de di। ab teenon prakaar ki seva ka phal khaane ka yeh varsha hai। aane ka nahin hai, phal khaane ka hai। is varsha aane ki noondh nahin hai। avyakt sakaash to baap ki sada hi saath hai। jo drama ki noondh hai,woh bata di। drama ki manjoori ko manjoor karna hi padta hai। seva khoob karo। 6maas mein hi result maaloom pad jaayega। baap ki aashaaon ko poorn karaane ka plan banaao। jahaan bhi dekho,jisko bhi dekho - har ek ka sankalp,bol aur karma baap ki aashaaon ke deep jagaane vaale hon। pahle madhuban mein yeh example dikhaao। bachat ki scheme ka model pahle madhuban mein banaao। yeh bank mein jama karo pahle। madhuban vaalon ko bhi vardaan to mil hi gaye। baaki jo rah gaye hain,unhon ko bhi is varsha mein jaldi poora karenge kyonki baap ka sneh to sabhi bachchon ke saath hai। vaise to har ek bachche ke prati har kadam mein vardaan hai। jo dil ke snehi aatmaayen hain,woh chalte hi har kadam vardaan se hain। baap ka vardaan sirf mukh se nahin lekin dil se bhi hai aur dil ka vardaan sada hi dil mein khushi,umang - utsaah ka anubhav karaata hai। yeh dil ke vardaan ki nishaani hai। dil ke vardaan ko jo bhi apne dil se dhaaran karte hain, uski nishaani yahi hai jo sada khushi aur umang - utsaah se aage badhte। kabhi bhi kisi baaton mein na atkenge,na rookenge,vardaan se udte rahenge। aur baaten sab neeche rah jaayengi। sidescenes bhi udne vaale ko rok nahin sakti।

aaj baapdaada sabhi bachchon ko jinhonne bhi dil se, athak ban seva ki,un sab sevaadhaariyon ko is season ke seva ki mubaarak de rahe hain। madhuban mein aakar madhuban ke shrringaar bane,aise shringaar banne vaale bachchon ko bhi baapdaada mubaarak de rahe hain aur nimitta bani hui shreshtha aatmaon ko bhi sada athak ban baap samaan apaani sevaaon se sarva ko refresh karne ki mubaarak de rahe hain aur rath ko bhi mubaarak hai। chaaron or ke sevaadhaari bachchon ko mubaarak ho। nirvighna ban badhte rahe ho aur badhte rehna hai। desh - videsh ke sabhi bachchon ko aane ki bhi mubaarak hai to refresh hone ki bhi mubaarak hai। lekin sada refresh rehna, 6 maas tak nahin rehna। refresh mein refresh hone bhale aana kyonki baap ka khazaana to sabhi bachchon ka sada hi adhikaar hai। baap aur khazaana sada saath hai aur sada hi saath rahega। sirf jo underline karaai, usmein vishesh svayan ko example banaae egjaam (pareeksha) mein extra marks lena। doosre ko nahin dekhna,apne ko example banaana। ismen jo ‘ote so arjun' arthaat number one। doosri baar baapdaada aave to pharishton ke karma, pharishton ke bol, pharishton ke sankalp dhaaran karne vaale sada hi har ek dikhaai de। aisa parivartan sangathan mein dikhaai de। har ek anubhav kare ki yeh pharishton ke bol, pharishton ke karma kitne alaukik hain! yeh parivartan samaaroh baapdaada dekhna chaahte hain। agar har ek saare din ka bol apna tape karo to bahut achhi tarah se maaloom pad jaayega। check karo to maaloom pad jaayega ki kitna vyartha jaata hai? man ki tape mein check karo, sthool tape mein nahin। saadhaaran bol bhi vyartha mein jama hota hai। agar 4 bol ke bajaae 24bol bole to 20 kis mein gaye?energy jama karo, tab aapke do bol aasheervaad ke, ek ghante ke bhaashan ka kaam karenge। achha!

chaaron or ke sarva kurbaan jaane vaale roohaani parvaanon ko, sarva baap samaan banne ke dridh sankalp se aage badhne vaale vishesh aatmaon ko, sada udti kala dvaara kisi bhi prakaar ki sidescene ko paar karne vaale double light bachchon ko roohaani shama baapdaada ka yaadapyaar aur namaste।''

daadiyon ne baapdaada ko bhi mubaarak di, shukriya kaha

baap bachchon ko shukriya deta, bachche baap ko। ek - do ko shukriya dete - dete aage badhe ho, yahi vidhi hai aage badhne ki। isi vidhi se aap logon ka sangathan achha hai। ek - do ko ‘haan ji' kaha, ‘shukriya'kaha aur aage badhe isi vidhi ko sab follow karen to pharishten ban jaayenge। baapdaada chhoti maala ko dekh karke khush hote hain। abhi kangan bana hai, gale ki maala taiyaar ho rahi hai। gale ki maala taiyaar karne mein lage hue ho। abhi attention chaahiye। jyaada seva mein chale jaate hain to apne oopar attention kahaan - kahaan kam ho jaata hai। ‘vistaar' mein ‘saar'kabhi merge ho jaata hai, emerge (pratyaksha) roop mein nahin rehta hai। aap log hi kehte ho ki abhi yeh hona chaahiye। kabhi aisa bhi din aayega jo kahenge - jo hona chaahiye,vahi ho raha hai। pahle deepkon ki maala to yahaan hi taiyaar hogi। baapdaada aap logon ko harek ka umang - utsaah badhaane ka example samajhte hain। aap logon ki unity hi yagya ka kila hai। chaahe 10ho, chaahe 12 ho lekin kile ki deevaar ho। to baapdaada kitna khush honge! baapdaada to hai hi, phir bhi nimitta to aap ho। aisa hi sangathan doosra, teesra group ban jaaye to kamaal ho jaae। abhi aisa group taiyaar karo। jaise pahle group ke liye sab kehte hain ki inhon ka aapas mein sneh hai। svabhaav bhinna - bhinna hain,woh to rahenge hi lekin ‘regard'hai, ‘pyaar'hai, ‘haan ji' hai, samay par apne aapko mould kar lete - isliye yeh kile ki deevaar majboot hai, isliye hi aage badh rahe hain। foundation ko dekhkar khushi hoti hai na। jaise yeh pahla poor dikhaai deta hai, aise shaktishaali group ban jaaen to seva peechhe - peechhe aayegi। drama mein vijay maala ki noondh hai। to zaroor ek - do ke najdeek aayenge,tab to maala banegi। ek daana ek taraph ho, ek daana ek se door ho to maala nahin banegi। daane milte jaayenge, sameep aate jaayenge tab maala taiyaar hogi। to example achhe hon। achha!

abhi to milne ka quota poora karna hai। sunaaya na - rath ko bhi eksatra sakaash se chala rahe hain। nahin to saadhaaran baat nahin hai। dekhna to sab padta hai na। phir bhi sab shaktiyon ki energy jama hai,isliye rath bhi itna sahayog de raha hai। shaktiyaan jama nahin hoti to itni seva mushkil ho jaati। yeh bhi drama mein har aatma ka part hai। jo shreshtha karma ki poonji jama hoti hai to samay par woh kaam mein aati hai। kitni aatmaon ki duaayen bhi mil jaati hain, woh bhi jama hoti hai! koi - na - koi vishesh punya ki poonji jama hone ke kaaran vishesh part hai। nirvighna rath chale - yeh bhi drama ka part hai। 6 maas koi kam nahin raha। achha! sabhi ko raaji karenge।