मंगलवार 5 दिसंबर 1989 की अव्यक्त मुरली

>

05-12-89 om shanti avyakt baapdaadaamdhuban

sada prasanna kaise rahen?

avyakt baapdaada apne bachchon prati bole

aaj baapdaada chaaron or ke bachchon ko dekh rahe the। kya dekha? har ek bachcha svayan har samay kitna prasanna rehta hai, saath-saath doosron ko svayan dvaara kitna prasanna karte hain। kyonki parmaatma sarva-praaptiyon ke pratyakshasvaroop mein prasannata hi chehre par dikhaai deti hai। ‘‘prasannata''brahman jeevan ka vishesh aadhaar hai। alpakaal ki prasannata aur sadaakaal ki sampannata ki prasannata - ismen raatdin ka antar hai। alpakaal ki prasannata,alpakaal ke praapti vaale ke chehre par thode samay ke liye dikhaai zaroor deti hai lekin roohaani prasannata svayan ko to prasanna karti hi hai parantu roohaani prasannata ke vibration anya aatmaon tak bhi pahunchte hain, anya aatmaaen bhi shanti aur shakti ki anubhooti karti hain। jaise phaldaayak vriksha apne sheetalta ki chhaaya mein thode samay ke liye maanav ko sheetalta ka anubhav karaata hai aur maanav prasanna ho jaata hai। aise parmaatma-praaptiyon ke phal sampanna roohaani prasannata vaali aatma doosron ko bhi apne praaptiyon ki chhaaya mein tan-man ki shanti aur shakti ki anubhooti karaati hai। prasannata ke vibration soorya ki kirnon samaan vaayumandal ko,vyakti ko aur sab baaten bhulaae sachche roohaani shanti ki, khushi ki anubhooti mein badal dete hain। vartamaan samay ki agyaani aatmaaen apne jeevan mein bahut kharcha karke bhi prasannata mein rehna chaahti hain। aap logon ne kya kharcha kiya? bina paisa kharcha karte bhi sada prasanna rehte ho na! va auron ki madad se prasanna rehte ho?baapdaada bachchon ka chart check kar rahe the। kya dekha? ek hain sada prasanna rahne vaale aur doosre hain prasanna rahne vaale। ‘sada'shabd nahin hai।

prasannata bhi teen prakaar ki dekhi - (1) svayan se prasanna, (2)doosron dvaara prasanna, (3) seva dvaara prasanna। agar teenon mein prasanna hain to baapdaada ko svatah hi prasanna kiya hai aur jis aatma ke oopar baap prasanna hai woh to sada saphaltaamoorta hain hi hain।

baapdaada ne dekha kai bachche apne se bhi aprasanna rehte hain। chhoti-si baat ke kaaran aprasanna rehte hain। pahla-pahla paath‘main kaun' isko jaante hue bhi bhool jaate hain। jo baap ne banaaya hai, diya hai - usko bhool jaate hain। baap ne har ek bachche ko full varse ka adhikaari banaaya hai। kisko poora,kisko aadha varsa nahin diya hai। kisko aadha va chautha mila hai kya?aadha mila hai ya aadha liya hai? baap ne to sabhi ko master sarvashaktivaan ka vardaan va varsa diya। aise nahin ki koi shaktiyaan bachchon ko deen aur koi nahin di। apne liye nahin rakhi। sarvagun sampanna banaaya hai, sarva praapti swaroop banaaya hai। lekin baap dvaara jo praaptiyaan hui hain usko svayan mein sama nahin sakte। jaise sthool dhan va saadhan praapta hote bhi kharcha karna na aaye va saadhnon ko use karna na aaye to praapti hote bhi usse vanchit rah jaate hain। aise sab praaptiyaan va khazaane sabke paas hain lekin kaarya mein lagaane ki vidhi nahin aati hai aur samay par use karna nahin aata hai। phir kehte - main samajhti thi ki yeh karna chaahiye,yeh nahin karna chaahiye lekin us samay bhool gaya। abhi samajhti hoon ki aisa nahin hona chaahiye। us samay ek second bhi nikal gaya to saphalta ki manjal par pahunch nahin sakte kyonki samay ki gaadi nikal gai। chaahe ek second let kiya chaahe ek ghanta let kiya - samay nikal to gaya na। aur jab samay ki gaadi nikal jaati hai to phir svayan se dilshikasta ho jaate hain aur aprasannata ke sanskaar emerge hote hain - mera bhaagya hi aisa hai, mera drama mein part hi aisa hai।

pahle bhi sunaaya tha - sva se aprasanna rahne ke mukhya do kaaran hote hain dilshikasta hona aur doosra kaaran hota hai doosron ki visheshta ko va bhaagya ko va part ko dekh eershya utpanna hona। himmat kam hoti hai,eershya jyaada hoti hai। dilshikasta bhi kabhi prasanna nahin rah sakta aur eershya vaala bhi kabhi prasanna nahin rah sakta। kyonki donon hisaab se aisi aatmaon ki ichchha kabhi poorn nahin hoti aur ichchhaaen - ‘achha'banne nahin deti। isliye prasanna nahin rehte। prasanna rahne ke liye sada ek baat buddhi mein rakho ki drama ke niyam pramaan sangamayug par har ek brahman aatma ko koi-nakoi visheshta mili hui hai। chaahe maala ka last 16,000vaala daana ho - usko bhi koi-na-koi visheshta mili hui hai। unse bhi aage chalo - nau laakh jo gaaye hue hain unhein mein bhi koi-na-koi visheshta mili hui hai। apni visheshta ko pahle pahchaano। abhi to nau laakh tak pahunche hi nahin hain to brahman janma ke bhaagya ki visheshta ko pahchaano। usko pahchaano aur kaarya mein lagaao। sirf doosre ki visheshta ko dekh karke dilshikasta va eershya mein nahin aao। lekin apni visheshta ko kaarya mein lagaane se ek visheshta phir aur visheshtaaon ko laayegi। ek ke aage bindi lagti jaayegi to kitne ho jaayenge? ek ko ek bindi lagaao to 10ban jaata aur doosri bindi lagaao to 100ban jaayega। teesri lagaao to …, yeh hisaab to aata hai na। kaarya mein lagaana arthaat badhna। doosron ko nahin dekho। apni visheshta ko kaarya mein lagaao।

jaise dekho, baapdaada sada ‘‘bholi-bhandaari'' (bholi daadi) ka misaal deta hai। mahaarthiyon ka naam kabhi aayega lekin inka naam aata hai। jo visheshta thi woh kaarya mein lagaai। chaahe bhandaara hi sambhaalti hai lekin visheshta ko kaarya mein lagaane se vishesh aatmaon ke misal gaai jaati hai। sabhi madhuban ka varnan karte to daadiyon ki bhi baaten sunaayenge to ‘bholi'ki bhi sunaayenge। bhaashan to nahin karti lekin visheshta ko kaarya mein lagaane se svayan bhi vishesh ban gai। doosre bhi vishesh najar se dekhte। to prasanna rahne ke liye kya karenge? - visheshta ko kaarya mein lagaao। to vriddhi ho jaayegi aur jab sarva aa gaya to sampanna ho jaayenge aur prasannata ka aadhaar hai -’sampannata'। jo sva se prasanna rehte woh auron se bhi prasanna rahenge, seva se bhi prasanna rahenge। jo bhi seva milegi usmein auron ko prasanna kar seva mein number aage le lenge। sabse bade-te-badi seva aapki prasannamoorta karegi। to suna, kya chart dekha! achha!

teachers ko aage baithne ka bhaagya mila hai। kyonki panda bankar aati hain to mehnat bahut karti hain। ek ko sukhdhaam se bulaayenge to doosre ko vishaal bhavan se bulaayenge। exercise achhi ho jaati hai। centre par to paidal karti nahin ho। jab shuru mein seva aarambha ki to paidal jaati thi na। aapki badi daadiyaan bhi paidal jaati theen। saamaan ka thaila haath mein uthaaya aur paidal chali। aajkal to aap sab bane - banaaye par aaye ho। to lucky ho na। bane-banaaye centre mil gaye hain। apne makaan ho gaye hain। pahle to jamunaaghaat par rahi theen। ek hi kamra - raat ko sone ka,din ko seva ka hota tha। lekin khushi- khushi se jo tyaag kiya usi ke bhaagya ka phal abhi kha rahi ho। aap phal khaane ke time par aai ho। boya inhonne, kha aap rahi ho। phal khaana to bahut sahaj hai na। ab aise phal swaroop quality nikaalo। samjha?kvaantiti (sankhya) to hai hi aur yeh bhi chaahiye। nau laakh tak jaana hai to kvaantiti aur quality - donon chaahiye। lekin 16,000 ki pakki maala to taiyaar karo। abhi quality ki seva par vishesh underline karo।

har group mein teachers bhi aati,kumaariyaan bhi aati hain। lekin nikalti nahin hain। madhuban achha lagta hai, baap se pyaar bhi hai। lekin samarpan hona sochna hai। jo svayan offer karta hai woh nirvighna chalta hai aur jo kahne se chalta woh rookta hai phir chalta hain। woh baar-baar aapko hi kahenge - hamne to pahle hi kaha tha surrender nahin hona chaahiye। koi-koi sochti hain - isse to baahar rahkar seva karen to achha hai। lekin baahar rah kar seva karna aur tyaag karke seva karna ismen antar zaroor hai। jo samarpan ke mahattva ko jaante hain woh sada hi apne ko kai baaton se kinaare ho aaraam se aa gaye hain, kai mehnat se chhoot gaye। to teachers apne mahattva ko achhi reeti jaanti ho na?naukri aur yeh seva - donon kaam karne vaale achhe va ek kaam karne vaale achhe? unhon ko phir bhi double part bajaana padta hai। bhal nirbandhan hain phir bhi double part to hai na। aapka to ek hi part hai। pravritti vaalon ko teen part bajaana padta - ek padhaai ka,doosra seva ka aur saath-saath pravritti ko paalne ka। aap to sab baaton se chhoot gai। achha!

sarva sada prasannata ki visheshta sampanna shreshtha aatmaaen, sada apni visheshta ko pahchaan kaarya mein lagaane vaali sensible aur insensaphul aatmaon ko,sada prasanna rahne vaale, prasanna karne ki shreshthata vaali mahaan aatmaon ko baapdaada ka yaadapyaar aur namaste।

aagra – raajasthaan:-

१. sada apne ko akaaltakhtansheen shreshtha aatma samajhte ho? aatma akaal hai to uska takhta bhi akaaltakhta ho gaya na! is takhta par baithkar aatma kitna kaarya karti hai। ‘takhtansheen aatma hoon' -is smriti se svaraajya ki smriti svatah aati hai। raaja bhi jab takhta par baithta hai to raajaai nasha, raajaai khushi svatah hoti hai। takhtansheen maana svaraajya adhikaari raaja hoon - is smriti se sabhi karmendriyaan svatah hi order par chalengi। jo akaal-takhta-nasheen samajh kar chalte hain unke liye baap ka bhi diltakhta hai। kyonki aatma samajhne se baap hi yaad aata hai। phir na deh hai,na deh ke sambandh hain,na padaartha hain, ek baap hi sansaar hai। isliye akaal-takhta-nasheen baap ke dil-takhta-nasheen bhi bante hain। baap ki dil mein aise bachche hi rehte hain jo ‘ek baap doosra na koi'hain। to double takhta ho gaya। jo sikeeldhe bachche hote hain, pyaare hote hain unhein sada godi mein bithaayenge,oopar bithaayenge neeche nahin। to baap bhi kehte hain takhta par baitho,neeche nahin aao। jisko takhta milta hai woh doosri jagah baithega kya?to akaaltakhta va diltakhta ko bhool deh ki dharni mein, mitti mein nahin aao। deh ko mitti kehte ho na। mitti, mitti mein mil jaayegi - aise kehte hain na! to deh mein aana arthaat mitti mein aana। jo royal bachche hote hain woh kabhi mitti mein nahin khelte। parmaatma-bachche to sabse royal hue। to takhta par baithna achha lagta hai ya thodi-thodi dil hoti hai - mitti mein bhi dekh len। kai bachchon ki aadat mitti khaane ki va mitti mein khelne ki hoti hai। to aise to nahin hai na! 63 janma mitti se khela। ab baap takhtansheen bana rahe hain, to mitti se kaise khelenge,jo mitti mein khelta hai woh maila hota hai। to aap bhi kitne maile ho gaye। ab baap ne svachchha bana diya। sada isi smriti se samartha bano। shaktishaali kabhi kamzor nahin hote। kamzor hona arthaat maaya ki beemaari aana। abhi to sada tanduroosta ho gaye। aatma shaktishaali ho gai। shareer ka hisaab-kitaab alag cheez hai lekin man shaktishaali ho gaya na। shareer kamzor hai, chalta nahin hai, woh to antim hai,woh to hoga hi lekin aatma powerful ho। shareer ke saath aatma kamzor na ho। to sada yaad rakhna ki double takhtansheen so double taajdhaari banne vaale hain। achha!

२. sabhi santushta ho na! santushta arthaat prasanna। sada prasanna rehte ho ya kabhi-kabhi rehte ho? kabhi aprasanna, kabhi prasanna - aise to nahin, kabhi kisi baat se aprasanna nahin hote ho? aaj yeh kar liya,aaj yeh ho gaya,kal woh ho gaya - aise patra to nahin likhte ho? sada prasannachit rahne vaale apne roohaani vibration se auron ko bhi prasanna karte hain। aise nahin - main to prasanna rehta hi hoon। lekin prasannata ki shakti phailegi zaroor। to aur kisko bhi prasanna kar sako - aise ho ya apne tak hi prasanna theek ho? doosron ko bhi karenge,phir to abhi koi patra nahin aayega। agar koi aprasannata ka patra aaye to vaapas usko hi bhejen na! yeh time aur yeh taareekh yaad rakhna। haan,yeh patra likho - O.ke. hoon aur sab mere se bhi O.ke. hain। yeh do line likho,bas। main bhi O.ke. aur doosre bhi mere se O.ke. hain। itna kharcha kyon karte ho, yeh to do line korda par hi aa sakti hai। aur baar-baar bhi nahin likho। nahin to roj korda bhej dete hain, roj nahin bhejna। maas mein do baar, 15 din mein ek ‘‘O.ke.''ka korda likho, aur kathaaen nahin likhna। apni prasannata se auron ko bhi prasanna banaana। achha!

gujraat group:- sada apne ko baap ke sikeeldhe samajhte ho?sikeeldhe arthaat bade sik se baap ne humein dhoondha hai। baap ne bade sik va prem se aapko dhoondha hai। aapne dhoondha lekin mila nahin। parichay hi nahin tha to mile kaise? lekin baap ne aapko dhoondha isliye kehte hain - ‘sikeeldhe'। to jisko baap dhuændhe woh kitne bhaagyavaan honge! duniya vaale baap ko dhoondh rahe hain aur aap milan mana rahe ho। kitne thode ho,bahuton ka part hai hi nahin। thodon ka part hai, isliye gaaya hua hai - koton mein koi। akshoni sena nahin gaai hui hai, koton mein koi gaaya hua hai। to yeh khushi va smriti sada emerge rahe। har kadam mein khushi anubhav ho। alpakaal ki praapti vaalon ke chehre par woh praapti ki rekha chamakti hai। aapko to sadaakaal ki praapti hai। to chehra sada khushi mein dikhaai de,udaas na ho। jo maaya ka daas banta hai woh udaas hota hai। aap kaun ho?maaya ke daas ho ya maalik ho? maaya ko apni athaarti se bhagaane vaale ho,aisi aatma kabhi udaas nahin ho sakti। koi phikra hi nahin hai na। koi phikra ya chinta hoti hai to udaas hote hain। aapko kaun-si chinta hai? paandavon ko chinta hai?kamaane ki,parivaar ko paalne ke liye paise ki chinta hai? lekin chinta se paisa kabhi nahin aayega। mehnat karo, kamaai karo। lekin chinta se kabhi kamaai mein saphal nahin honge। chinta ko chhodkar karmayogi bankar kaam karo,to jahaan yog hai vahaan kaarya kushal hoga aur saphalta hogi। chinta se kabhi paisa nahin aayega। agar chinta se kamaaya hua paisa aayega bhi to chinta hi paida karega। jaisa beej hoga vaisa hi phal niklega aur khushi-khushi se kaam karke kamaai karenge to woh paisa bhi khushi dilaayega। woh do roopaya bhi do hajaar ka kaam karega aur woh do laakh do roopaye ka kaam karega। itna pharka hain, isliye chinta kya karenge! sachchi dil vaalon ko sach ki kamaai milti hai। baap bhi daal-roti zaroor dete hain। susta rahne vaale ko nahin denge। kaam to karna hi padega kyonki pichhle hisaab bhi to chuktu karne hain। lekin chinta se nahin, khushi se। koi bhi kaam karo - yogayukta hokar karo। yogi ka kaarya sahaj aur saphal hota hai,aisa anubhav hai na! yaad mein koi bhi kaam karte to thakaavat nahin hoti। khushi-khushi se karte to thakte nahin। majboor hokar karte to thak jaate hain। baap ne direction diya hai - yog se hisaab-kitaab chuktu karo। to baap ke direction par khushi-khushi se woh kaam bhi karo, majboori se nahin। yeh to maaloom hai ki woh bandhan hai lekin ghadi-ghadi kahne se aur bhi bada kada bandhan ho jaayega।

maataayen bahut karke kehti hain - kab tak hamaara bandhan rahega? yeh bhi kya bandhan ban gaya? yeh to maaloom hai ki yeh bandhan hai lekin ab yeh socho ki yog se bandhanmukta kaise banen - yeh bhi jyaada nahin socho। sochne se kuchh nahin hota hai, karne se hota hai। sochte-sochte maano usi samay antim ghadi aa jaae to kya hoga? bandhan hai, bandhan hai yahi sochte jaayenge to kahaan jaayenge? pinjade mein hi jaayenge! ant mein agar bandhan yaad raha to garbha-jel mein jaana padega aur khushi-khushi se jaayenge to edvaansapaarti mein seva ke liye jaayenge,isliye kabhi bhi apne se tang nahin ho। khush raho। kya karen, kaise karen … yeh geet nahin gaao। khushi ke geet gaao।

pravritti vaale thakte to nahin ho na! seva samajh kar karo, bandhan samajh kar nahin karo। centre par bhi aa jaayenge to vahaan bhi seva ke bina to nahin rahenge। to woh bhi seva samajh kar karo। apne man se nahin bandho lekin direction se pichhla hisaab-kitaab chuktu kar rahe hain। majboori se nahin, pyaar se karo। phanso bhi nahin aur majboor bhi na ho। hans-hans ke kaam karo, jaise khel kar rahe hain। business karo, daphtar ka kaam karo lekin khel-khel mein karo। to khel mein maja aata hai na। khel mein thakte nahin hain। to yeh bhi ek khel kar rahe hain - aisi avastha sada rahe। sada yahi yaad rakhna ki humein svayan baap ne koton mein se koi ko chuna hai। baap ne dhoondha aur apna bana liya - isi nashe va khushi mein har kaarya karte saphaltaamoorta bante chalo। yahi smriti vardaan roop ban jaayegi,shaktishaali bana degi।

sada ateendriy sukh mein rehte ho?ateendriy sukh arthaat aatmik sukh। indriyon ka sukh nahin lekin aatmik sukh। aatma avinaashi hai to aatmik sukh bhi avinaashi hoga। indriyaan khud hi vinaashi hain to sukh bhi vinaashi hoga। koi bhi vinaashi yaani thode samay ka sukh nahin chaahte hain। agar kisi ko bhi kaho - 2ghante ka sukh le lo aur 22ghante ka duhkh le lo to kaun maanega। yahi sochega ki sada sukh ho, duhkh ka naam-nishaan na ho। to ateendriy sukh avinaashi hai। indriyon ke sukh ke anubhvi bhi ho aur ateendriy sukh ke anubhvi bhi ho। to kya achha lagta hai? ateendriy sukh achha ya indriyon ka sukh achha?to achhi cheez ka kabhi chhoda nahin jaata, bhoola nahin jaata, bhoolna chaahen to bhi nahin bhoolenge। to sada ateendriy sukh mein rahne vaalon ke paas duhkh ka naam-nishaan nahin aa sakta,asambhav। kai kehte hain - mere ko duhkh nahin hota lekin doosra duhkh deta hai to kya karen? doosra deta hai to lete kyon ho? koi bhi cheez aapko de aur aap nahin lo to woh kiske paas rahegi?uske paas hi rahegi na। dene vaale to denge, unke paas hai hi duhkh lekin aap nahin lo। aapka slogan hai - ‘sukh do, sukh lo। na duhkh do,na duhkh lo।'lekin galti kar dete ho। isliye thodi duhkh ki lahar aa jaati hai। koi duhkh de to use bhi parivartan kar usko sukh de do, usko bhi sukhi bana do। sukhdaata ke bachche ho, sukh dena aur sukhi rehna - yahi aapka kaam hai। achha!

ahamdaabaad hostel ki kumaariyon se:- kumaariyon ka lakshya kya hai? brahmaakumaari banengi ya engineer, doctor banengi? tokri uthaani hai ya taaj pahanna hai?sir par ya to aayegi tokri ya aayega taaj। taaj hai vishwa-seva va behad seva ka। to jo college mein padhti hain unhon ka lakshya kya hai? behad ki seva karengi ya doosron ko dekh karke dil hogi ki ek-do saal naukri bhi karke dekhen,peechhe chhod denge। naukri kya hoti hai,thoda yeh bhi dekh len। phir tokri utaar denge, taaj pahan lenge - aisa to nahin sochti ho? taajdhaari to sada shreshtha hote hain, tokri vaale ko shreshtha nahin kahenge। woh to majboori se tokri uthaate hain। koi naukri karte hain to zaroor koi majboori hogi - ya to man ki majboori ya sambandhiyon ki majboori। ya to mauj hai ya to majboori hai - donon mein se ek to hai। kyonki samay kam hai aur samay achaanak hi aana hai, bataakar nahin aayega। isliye kehte hain - jo karna hai woh ab karo,kal nahin, parson nahin, saal ke baad nahin। karna hai to ab। haan,koi circumstance hai aur jo nimitta bane hue hain, unhon ke direction se karte hain to phir aapki jimmevaari nahin। to kumaariyaan kya sochti ho?hostel mein kyon rehti ho?ghar mein bhi to padhaai padh sakti ho, centre mein bhi aa sakti ho, phir hostel mein kyon rehti ho?maa-baap yaad nahin aate? kabhi-kabhi yaad aate hain। jab bada din hota hoga tab yaad aate honge। achha!

beemaari ke time par maa-baap yaad aate hain? pakki ho? apne dil se gai ho,koi ke kahne se to nahin gai ho na। achha hai yeh bhi drama mein lucky kumaariyaan ho gai jo bachpan se shreshtha sang mila hai। phir bhi himmat rakhi hai to himmat vaalon ko phal bhi milta hai। maataayen bhi kumaariyon ko dekhkar khush hoti hain na! maataayen sochti hain - ham bhi itne jeevan mein aate to achha hota। lekin sabka ek jaisa part to ho nahin sakta। variety chaahiye। sarva ka pita hai to kumaar bhi chaahiye, kumaariyaan bhi chaahiye, adharkumaar-adharkumaariyaan bhi chaahiye - sarva sample chaahiye। paandav yeh to nahin sochte ki agar kumaari hote to teacher ban jaate,centre mil jaata। har ek ke part ki apni-apni visheshta hai,har ek ki visheshta alag aur mahaan hai। ek-do ke part ko dekhkar khush raho। apne part ko kam nahin samjho। sabka part achhe-te-achha hai। achha!

panjaab group:- sada apne ko sangamayugi beparvaah baadshaah hoon - aise samajhte ho?puraani duniya ki koi parvaah nahin। sada dil mein brahma baba samaan kya geet gaate ho? parvaah thi paar brahm mein rahne vaale ki, woh to pa liya, abhi kya parvaah! to beparvaah baadshaah ho, gulaam nahin। is baadshaahi jaisi aur koi baadshaahi nahin। kyonki yeh baadshaahi direct baap ne di hai। aur jo bhi baadshaahi milti hai woh ya to dhan daan karne se milti hai ya aajkal ke vote se milti hai aur aapko svayan baap ne raajtilak de diya। is raajtilak ke aage satayug ka raajtilak bhi koi badi baat nahin। to yeh raajtilak pakka laga hua hai ya mit jaata hai? abhi-abhi raaja aur abhi-abhi gulaam - aisa khel to nahin karte ho?beparvaah baadshaah - yeh kitni achhi sthiti hai! jab sab-kuchh baap ke havaale kar diya to parvaah kisko hogi - baap ko ya aapko? baap jaane। jab apne jeevan ki jimmevaari baap ke havaale ki hai to baap jaane। aise to nahin - thoda-thoda kahin apni authority ko chhipaakar rakha ho, manmat ko chhipaakar rakha ho। agar shreemat par hain to baap ke havaale hain। sachchi dil se baap ke havaale sab-kuchh kar diya to uski nishaani sada double light honge, koi bojh nahin hoga। agar kisi bhi prakaar ka bojh hai to isse siddha hai ki baap ke havaale nahin kiya। jab baap offer karta hai ki sab bojh mere ko de do aur tum halke ho jaao, to kya karna chaahiye? aisa servant phir nahin milega। anek janma bojh rakhkar dekh liya, bojh se kya hua?neeche hi hote gaye। ab double light ban udte raho। tan-man-dhan sab traansphar kar do। koi kehte hain - aur koi bojh nahin hai lekin thoda-thoda sambandh ka bojh hai। to sarva sambandh baap se nahin joda hai tab bojh hai। vaayda hai sarva sambandh ek baap se। to koi bojh nahin। aaraam se daal-roti khaao aur udti kala mein udo। kahaan bhi rehte baap ko bhog laga kar khaate ho to brahma bhojan khaate ho। brahma bhojan khaao, khoob naacho aur mauj manaao। abhi mauj mein nahin rahenge to kab rahenge! achha!

bombe group:- sabhi apne purooshaartha ki raphtaar ko jaante ho?main kaun hoon aur kya hoon - yeh donon hi baaten jaante ho na! to samay ki raphtaar pramaan apne purooshaartha ki raphtaar kya samajhte ho? samay ki raphtaar teevra hai ya aapki?samay rachna hai aur aap rachta ho। to rachna ki raphtaar tej aur rachta ki raphtaar dheeli hai to use kya kahenge?samay ko jaanne vaale bhi aap ho aur samay ko jaan kar varnan bhi aap hi kar rahe ho। woh to chalta rahega। aap to varnan karte ho ki abhi kaliyug ko badal kar satayug laayenge, to chalaane vaala dheela aur chalne vaala tej! to sada is smriti mein raho ki ‘main master rachayita hoon',isse raphtaar tej ho jaayegi। chal rahe hain, samay jaisa hai vaisa kar rahe hain - aise nahin। yeh to samay ke daas kahenge। aap kahenge - ham samay ko chala rahe hain। samay ko badalne ke nimitta aap ho na, yeh theka uthaaya hai na? to purooshaartha mein teevragti ka aadhaar kya hai? double light banna। bina double light bane teevragti nahin ho sakti aur double light banne ke liye ek shabd yaad rakho - ‘‘mera baba'', bas। koi bhi baat aa jaae, himaalay pahaad se bhi badi ho lekin baba kaha aur pahaad rooi ban jaayega। raai bhi nahin, rooi। raai bhi thodi majboot kadak hoti hai aur rooi bahut narma aur halki hoti hai। to kitna bhi bada pahaad rooi ban jaayega। duniya vaale dekhenge to kahenge - yeh kaise hoga aur aap kahenge - yeh aise hoga। buddhi mein ‘‘baba'' kaha aur touch hoga ki yeh aise hoga। har baat sahaj lagegi, kyonki sahaj yogi jeevan hai। jiski jeevan hi sahaj hai uske saamne koi bhi baat aayegi to sahaj ho jaayega। mushkil ke din khatma ho gaye। na brahman-jeevan mein mushkil shabd hai, na devta-jeevan mein। isliye baap ki mahima mein kehte ho - mushkil ko sahaj banaane vaale,to jo baap ki mahima woh aapki bhi mahima hai। achha!

dhuliya vaale abhi-abhi pahunche hain। (bas kharaab ho gai thi isliye let aaye hain) achha! dhuliya vaalon ke paap dhul gaye। jitna samay let hue utna samay baba-baba hi yaad tha na! to paap dhul gaye,jo bhi pichhla raha hoga woh dhul gaya। aap to khush the। duhkh ki lahar to nahin aai? aise time par achal rahe, isliye paap dhulaai ho gaye। abhi sada hi mauj mein chalte udte rahenge। achha!