सोमवार 25 दिसंबर 1989 की अव्यक्त मुरली

>

25-12-89 om shanti avyakt baapdaadaamdhuban

bade din par avyakt baapdaada ke mahaavaakya

avyakt baapdaada apne bachchon prati bole

aaj bade-te-bade baap bachchon ko‘alaukik divya sangamayug' ke har din ki mubaarak de rahe hain। duniya vaalon ke liye vishesh ek bada din hota hai aur bade din par kya karte hain?woh samajhte hain bade dil se mana rahe hain। lekin aap jaante ho unhon ka manaana kya hai! unhon ka manaana aur aap bade-te-bade baap ke bade dil vaale bachchon ka manaana - kitna nyaara aur pyaara hai! jaise duniya vaalon ka bada din hai। khushi mein naachte-gaate ek-do ko us din ki mubaarak dete hain। aise aap bachchon ke liye sangamayug hi bada yug hai। aayu mein chhota hai lekin visheshtaaon aur praapti dilaane mein sabse bada yug hai। to sangamayug ka har din aapke liye bada din hai। kyonki bade-te-bada baap bade yug ‘‘sangamayug''mein hi milta hai। saath-saath baap dvaara bade-te-badi praapti bhi abhi hoti hai। baapdaada sabhi bachchon ko bade-te-bada -‘‘purooshottam'',ab banaate hain। jaise aaj ke din ki visheshta hai khushiyaan manaana aur ek-do ko gift dena,mubaarak dena aur father dvaara hi gift milne ka din manaate hain। aap sabko baap ne sangamayug par hi badete- badi gift kya di hai? baapdaada sada kehte hain ki mainne aap bachchon ke liye hatheli par svarga ka raajya-bhaagya laaya hai। to sabki hatheli par svarga ka raajya-bhaagya hai na। jisko kehte hain - ‘tiri par bahishta।'isse badi gift aur koi de sakta hai?kitne bhi bade aadmi badi gift den lekin baap ki gift ke aage woh kya hogi?jaise soorya ke aage deepak।

to sangamayug ki yaadgaar nishaaniyaan anya dharmon mein bhi rah gai hain। aapko bade yug mein bade baap ne bade-te-badi gift di hai,isliye aaj ke bade din par is vidhi se manaate hain। woh Christmas father kehte hain। father sada bachchon ko dene vaala ‘‘daata'' hai। chaahe laukik reeti se bhi dekho - father bachchon ka daata hota hai। yeh hai behad ka father। behad ka father gift bhi behad ki dete hain। aur koi bhi gift kitna samay chalegi? kitne achhe-achhe mubaarak ke card gift mein dete hain। lekin aaj ka din beet gaya,phir us card ko kya karenge? thoda samay chalta hain na। khaane-peene ki meethi cheezen bhi denge, woh bhi kitna samay chalengi! kitna samay khushi manaayenge! naachenge, gaayenge - ek raat। lekin aap aatmaon ko baap aisi gift dete hain jo is janma mein to saath hai hi lekin janma-janma saath rahegi। duniya vaale kehte hain khaali haath aaye aur khaali haath jaana hai। lekin aap kya kahenge?aap phalak se kehte ho ki ham aatmaaen baap dvaara mile hue khazaanon se bharpoor hokar jaayengi aur anek janma bharpoor rahengi। 21janmon tak yeh gift saath rahegi। aisi gift kabhi dekhi hai? chaahe kisi bhi foreign ke desh ke raaja va raani hon, aisi gift de sakte hain?chaahe poora takhta de deven,offer karen - yeh takhta aap le lo। aap kya karenge, koi lega? baap ke diltakhta ke aage yeh takhta bhi kya hai! isliye aap sabhi phakhur mein rehte ho,phakhur arthaat roohaani nasha। is roohaani phakhur mein rahne vaale kisi bhi baat ka phikra nahin karte, bephikra baadshaah ban jaate hain। abhi ke bhi baadshaah aur bhavishya mein bhi raajaai praapta karte ho isliye sabse badi aur sabse achhi yeh bephikra baadshaahi hai। koi phikra hai?aur pravritti mein rahne vaalon ko baal-bachchon ka phikra hai?kumaaron ko khaana banaane ka phikra jyaada hai, kumaariyon ko kya phikra hota hai? naukri ka ki achhi naukri mile,phikra hai kya? bephikra ho na! jisko phikra hoga woh bephikra baadshaahi ka maja nahin le sakenge। vishwa ki raajaai to 20janma hogi lekin yeh bephikra baadshaahi aur diltakhta-yeh ek hi is yug mein milte hain ek janma ke liye,to ek ka mahattva hai na!

baapdaada sada bachchon ko yahi kehte -’’brahman jeevan arthaat bephikra baadshaah''। brahma baap bephikra baadshaah bane to kya geet gaaya - ‘paana tha so pa liya, kaam baaki kya raha,'aap kya kehte ho? seva ka kaam baaki raha hua hai,lekin woh bhi karaavanhaar baap kara rahe hain aur karaate rahenge। hamko karna hai - isse bojh ho jaata hai। baap hamaare dvaara kara rahe hain-to bephikra ho jaayenge। nishchay hai - yeh shreshtha kaarya hona hi hai va hua hi pada hai isliye nishchaybuddhi,nishchint,bephikra rehte hain। yeh to sirf bachchon ko busy rahne liye seva ka ek khel kara rahe hain। nimitta banaae vartamaan aur bhavishya seva ke phal ka adhikaari bana rahe hain। kaam baap ka, naam bachchon ka। phal bachchon ko khilaate, khud nahin khaate hain। to bephikra hue na। seva mein saphalta ka sahaj saadhan hi yeh hai,karaane vaala kara raha hai। agar ‘‘main kar raha hoon''to aatma ki shakti pramaan seva ka phal milta hai। baap kara raha hai to baap sarvashaktivaan hai। karma ka phal bhi itna hi shreshtha milta hai। to sada baap dvaara praapta hui bephikra baadshaahi va hatheli par svarga ke raajya-bhaagya ki godly gift smriti mein rakho। baap aur gift donon ki yaad se har din to kya lekin har ghadi bade-te-badi ghadi hai, bada din hai-aisi anubhooti karenge। duniya vaale to sirf mubaarak dete hain। kya kehte hain? happy ho, healthy-wealthy ho… kah dete hain। lekin ban to nahin jaate hain na। baap to aisi mubaarak dete jo sada ke liye health-wealth happy vardaanon ke roop mein saath rehti hai। sirf mukh se kah karke khush nahin karte hai,lekin banaate hain aur banna hi manaana hai kyonki avinaashi baap ki mubaarak bhi avinaashi hogi na। to mubaarak vardaan ban jaati hai।

aap tana se nikle hue ho। yeh sab shaakhaayen hain,yeh sabhi dharma aapki shaakhaayen hain na! kalpa-vriksha ki shaakhaayen hain। isliye vriksha ki nishaani Christmas tree dikhaate hain। Christmas tree kabhi saji hui dekhi hai?ismen kya karte hain? (stage par do Christmas vriksha saje rakhe hain) ismen kya dikhaaya hai? vishesh chamakte hue, jage hue bulb dikhaate hain। chhote-chhote bulb se hi sajaate hain। iska arth kya hai? kalpa-vriksha ki aap chamakti hui aatmaayen ho aur jo bhi dharma pitaayen aate hain woh bhi apne hisaab se satopradhaan hote hain। isliye golden aged aatma chamakti hui hoti hai। isliye yeh kalpa-vriksha ki nishaani - anya dharma ki shaakhaaen bhi har varsha nishaani manaate rehte hain। saare vriksha ka great-great grand father hai na। kaun-sa baap great-great grand father hai? baap ne brahma ko aage rakha hai। saakaar srishti ki aatmaon ka aadi pati, aadinaath brahma hai। isliye great great grand father hai। aadi dev ke saath aap bhi ho na, ki akele aadi dev hai? aap aadi aatmaayen abhi aadi dev ke saath ho aur aage bhi saath rahengi,itna nasha hai?khushi ke geet sada gaate rehte ho na ya sirf aaj gaayenge?

aaj vishesh double foreigners ka din hai। aap ke liye roj bada din hai ya aaj hai? chaaron or desh-videsh ke bachche kalpa-vriksha mein chamakte hue sitaare dikhaai de rahe hain। sookshm roop mein to sab madhuban mein pahunche hue hain। woh bhi sab aakaari roop mein mana rahe hain। aap saakaari roop mein mana rahe ho। sabhi ka man baap ki godly gift ko dekh khushi mein naach raha hai। baapdaada bhi sarva saakaar roop aur aakaar roopdhaari bachchon ko ‘sada harshit bhav' ki mubaarak de rahe hain। sada dilkhush mithaai khaate raho aur praapti ke geet gaate raho। drama anusaar bhaarat vaalon ko vishesh bhaagya mila hua hai। achha!

sabhi teachers ne bada din manaaya ki roj manaati ho?bada baap hai aur bade aap bhi ho isliye jo duniya vaalon ke bade din hain usko mahatva dete hain। ismen bhi aap bade, chhote bhaaiyon ko utsaah dilaate ho। sabhi teachers bephikra baadshaah ho? baadshaah arthaat sada nishchay aur nashe mein sthit rahne vaale kyonki nishchay vijayi banaata hai aur nasha khushi mein sada ooncha udaata hai। to bephikra baadshaah hi honge na! koi phikra hai kya? seva kaise badhegi,achhe-achhe jigyaasu pata nahin kab aayenge, kab tak seva karni padegi - yeh sochte to nahin ho? asoch banne se hi seva badhegi,sochne se nahin badhegi। asoch ban buddhi ko free rakhenge tab baap ki shakti madad ke roop mein anubhav karenge। sochne mein hi buddhi busy rakhenge to baap ki touching,baap ki shakti grahan nahin kar sakenge। baba aur ham - combined hain, karaavanhaar aur karne ke nimitta main aatma। isko kehte hain - ‘asoch arthaat ek ki yaad।' shubhaachintan mein rahne vaale ko kabhi chinta nahin hoti। jahaan chinta hai vahaan shubhaachintan nahin aur jahaan shubhaachintan hai vahaan chinta nahin। achha!

chaaron or ke godly gift ke adhikaari, bade te bade baap ke bade te bade bhaagyavaan aatmaayen, aadi pita ke sada saathi aadi aatmaayen, sada bade-te-bade baap dvaara muhabbat ki mubaarak, avinaashi vardaan praapta karne vaale sarva saakaari roopdhaari aur aakaari roopdhaari - sabhi bachchon ko dilkhush mithaai ke saath yaadapyaar aur namaste।

poona - beedar group:- roj amritvele dilkhush mithaai khaate ho? jo roj amritvele dilkhush mithaai khaate hain vo svayan bhi saara din khush rehte hain aur doosre bhi unko dekh khush hote hain। yeh aisi khuraak hai jo koi bhi paristhiti aa jaae lekin yeh dilkhush khuraak paristhiti ko chhota bana deti hai, pahaad ko rooi bana deti hai। itni taakat hai is khuraak mein! jaise shareer ke hisaab se bhi jo tandaroosta va shaktishaali hoga woh har paristhiti ko sahaj paar karega aur jo kamzor hoga woh chhoti si baat mein bhi ghabra jaayega। kamzor ke aage paristhiti badi ho jaati hai aur shaktishaali ke aage paristhiti pahaad se rooi ban jaati hai। to roj dilkhush mithaai khaana maana sada dilkhush rahen। yeh alaukik khushi ke din kitne thode hain! devtaai khushi aur braahmanon ki khushi mein bhi pharka hai। yeh brahman jeevan ki parmaatma-khushi,ateendriy sukh ki anubhooti devtaai jeevan mein bhi nahin hogi। isliye is khushi ko jitna chaahe manaao। roj samjho aaj khushi manaane ka din hai। yahaan aane se khushi badh gai hai na! yahaan se neeche utrenge to kam to nahin hogi? udti kala abhi hai,phir to jitna paaya utna khaate rahenge। to sada yeh smriti mein rakho ki ham dilkhush mithaai khaane vaale hain aur doosron ko khilaane vaale hain kyonki jitna denge utna aur badhti jaayegi। dekho, khushi ka chehra sabko achha lagta hai aur koi duhkh ashaanti mein ghabraaya hua chehra ho achha nahin lagega na! jab doosron ka achha nahin lagega to apna bhi nahin lagna chaahiye। to sadaiv khushi ke chehre se seva karte raho। maataayen aisi seva karti ho?ghar vaale aapko dekhkar khush ho jaaen। chaahe koi gyaan ko bura bhi samajhte ho phir bhi khushi ki jeevan ko dekhkar man se anubhav zaroor karte hain ki inko kuchh mila hai jo khush rehte hain। baahar abhimaan se na bhi bolen lekin andar mahsoos karte hain aur aakhir to jhukna hi hai। aaj gaali dete hain kal charnon par jhukenge। kahaan jhukenge? ‘‘aho prabhu''kahkar jhukna zaroor hai। to aisi sthiti hogi tab to jhukenge na! koi bhi kisi ke aage jhukta hai to usmein koi badaapan hota hai, koi visheshta hoti hai - us visheshta par jhukta hai। aise to koi nahin jhukega na। dikhaai de - in jaisi jeevan koi ki hai hi nahin,sada khush rehte hain। rone ki paristhiti mein bhi khush rahen, man khush rahe। aise hi nahin hansate raho, lekin man khush ho। paandav kya samajhte hain? aisa anubhav doosron ko hota hai ya abhi kam hota hai?

khushmijaaj rahne vaale apne chehre se bahut seva karte hain। mukh se bolo ya nahin bolo lekin aapki soorat,gyaan ki seerat ko svatah pratyaksha karegi। to yahi yaad rakhna ki dilkhush mithaai khaani hai aur auron ko bhi khilaani hai। jo svayan khaata hai woh khilaane ke bina rah nahin sakta hai। achha!

belgaam - solaapur group:- apne is shreshtha jeevan ko dekh harshit hote ho?kyonki yeh jeevan heere tulya jeevan hai। heere ka moolya hota hai na! to is jeevan ko itna amoolya samajhkar har karma karo। brahman jeevan arthaat alaukik jeevan। alaukik jeevan mein saadhaaran chalan nahin ho sakti। jo bhi karma karte ho woh alaukik hona chaahiye, saadhaaran nahin। alaukik karma tab hota hai jab alaukik swaroop ki smriti rehti hai। kyonki jaisi smriti hogi vaisi sthiti hogi। smriti mein rahe - ‘ek baap doosra na koi।' to baap ki smriti sada samartha banaati hai, isliye karma bhi shreshtha alaukik hota hai। saara din jaise agyaani jeevan mein mera-mera karte rahe, ab yahi mera baap ki taraph laga diya na! abhi aur sab mera-mera khatma ho gaya। brahman banna arthaat sab kuchh tera kar diya। yeh galti to nahin karte ho - mere ko tera, tere ko mera to nahin bana dete ho? jab koi matlab hoga to kahenge - mera,aur koi matlab nahin hoga to kahenge tera। mera bhale kaho lekin - ‘‘mera baba'' kaho। baaki sab mera-mera chhodkar ek mera। ek mera kahne se mehnat se chhoot jaayenge,bojh utar jaayega। nahin to grihasthi jeevan mein kitna bojh hai! abhi halke double light ho gaye isliye sada udti kala vaale ho। udti kala ke sivaae rookti kala mein rookna nahin hai। sada hi udte chalo। baap ne apna bana liya - sada isi khushi mein raho।

variety group:- sada apne ko bhagwan ke bageeche ke roohaani gulaab samajhte hain?sabse khushboodaar pushpa hai - roohe gulaab। to aap ho roohaani gulaab jo chaaron or roohaani khushbu phailaate ho। khushbu svatah hi apni taraph aakarshit karti hai। agar kahaan badbu hogi to vahaan se bhaagne ki koshish karenge lekin khushbu hogi to najdeek aane ki koshish karenge। to roohaani khushbu sabhi ko aakarshit karti hai। aise roohaani gulaab ho na! gulaab ke saath kaanta laga hua to nahin hai? guldasta banaate hain to pahle kaante nikaalte hain na! kaante vaala guldasta nahin banaate,kaante nikaalkar saaph karke phir guldasta banaate hain। kisi bhi devta ke aage pushpa chadhaayenge to pahle saaph karenge,phir bhent karenge। aap bhi roohaani gulaab baap ke aage variety roop mein, guldaste ke roop mein ho। bhakti maarga mein bhi yahaan ki rasma chalti rehti hai। aap roohaani gulaab baap ke aage arpan hue ho, isliye devtaaon ko bhi pushpa hi arpan karte hain। roohaani gulaab arthaat kabhi bhi roohaaniyat se door hone vaala nahin। jaise phoolon mein khushbu samaai hui hoti hai na, alag to nahin hoti hai na। aise aap logon mein roohaaniyat ki khushbu samaai hui hai। aarteephshiyal baahar ki nahin hai। samaai hui hai ya kabhi-kabhi khushbu daal dete ho?aap khushboodaar bante ho, isliye mandiron mein aapke jad chitron ke aage bhi sadaiv khushbu jalaayenge। koi bhi mandir mein agarbatti kitne pyaar se jalaate hain! agar mandir mein khushbu nahin ho to kahenge-yahaan pujaari achha nahin hai, mandir ka vaataavran nahin hai। to yeh khushbu kyon rakhte hain? agarbatti kyon jalaate hain? kyonki aap khushboodaar bante ho। to yeh nasha hai ki yeh hamaare hi chitra hain? har ek samajhta hai ki yeh mere chitra hain। ek nahin - sabhi chitra aapke hain! paandav kya samajhte hain? hanoomaan, ganesh - yeh aapke chitra hain? aapmen hanoomaan va ganesh kaun hai?sabhi ganesh ho?ganesh arthaat vidyaapti। jo knowledgeful hain vo vidyaapti arthaat ganesh hain aur hanoomaan arthaat jiske hday mein sivaae baap ke aur koi nahin। sevaadhaari bhi hain aur hday mein baap samaaya hua hai। to aise ho ya dil mein kabhi-kabhi aur koi aa jaata hai?maataaon ke dil mein kya hai? aur koi potra-dhotra hai? potre-dhotre pyaare lagte hain na ya potra bhi baap hai to dhotra bhi baap hai? sab kuchh baap ko bana diya to koi yaad nahin aayega aur agar nahin banaaya to yaad aayega isliye baap kehte hain - sarva sambandh se yaad karo। achha!

doctors prati:- १. sabhi doctors ke dil mein kya hai? hospital to nahin hai?baap ko dil mein bithaana arthaat sada ke liye anekon ko shapha dena। aajkal to doctors bhi kehte hain ki davaai itna kaam nahin karegi jitna dua karegi। vo bhi davaaiyon se dilshikasta ho gaye hain। kyonki jaante hain na ki iski result kya hai aur kya niklegi! isliye abhi sabki najar duaaon taraph ja rahi hai। abhi yog exercise ke roop mein chaaron or badhta ja raha hai। abhi yog tak aaye hain, sahjayog tak aa jaayenge। davaaiyon ke bajaae doosri taraph abhi buddhi to gai hai na। aakhir thikaane par aa jaayenge to doctors yahi kaam karte ho na। sabki buddhi ko thikaane par lagaane vaale ho na? achha hai, himmat rakhne se baap ki madad svatah mil rahi hai,milti rahegi। jahaan himmat hai vahaan asambhav bhi sambhav ho jaayega। sabhi asambhav ko sambhav karne vaale ho। jo duniya vaale kehte hain man ko ekaagra karna bahut mushkil hai,asambhav bhi kah dete hain aur aap kya kehte ho? aapke liye to second ki baat hai na। bas, baba kaha aur man thikaane par pahuncha। to aapke liye second ka kaam hai aur unhon ke liye asambhav hai। kitna antar aa gaya! time to nahin lagta hai? aise to nahin - geet baje,laal batti jale tab hi man tikega?mehnat to nahin karni padti? apna baap hai na। koi doosre ka baap to nahin hai। apna baap nahin ho aur koi kahe-yeh aapka baap hai, ise yaad karo to yaad nahin kar sakenge na! lekin yeh to apna hai। apni cheez ko yaad karna kabhi mushkil nahin hota। paraaye ko yaad karna mushkil hota hai। aap to adhikaar se yaad karte ho ya bhagwan hai,bahut bada hai,soorya samaan hai - aise yaad karte ho? sab kuchh mera hai - is adhikaar se yaad karo।

२. roohaani gulaab ban saara din khushbu phailaate raho। khushbu aisi cheez hoti hai jo door vaalon ko bhi aakarshit karti hai। door se hi sochenge - yeh khushbu kahaan se aa rahi hai। to aapki roohaaniyat vishwa ko aakarshit karegi। dekho,roohaaniyat ki khushbu ne desh se videsh ko bhi aakarshit kiya na! videsh tak khushbu pahunchi na! koi bhi kaam karte shubh sankalp se yeh khushbu phailaate raho। koi bhi kaam karte check karo ki buddhi kitni taraph ja rahi hai? na chaahte bhi anek taraph jaati hai,ek taraph nahin hoti। to jab aur taraph ja sakti hai to seva bhi to kar sakte ho na,yaad bhi kar sakte ho। bahut thoda samay hota hai jo full buddhi us kaam mein rehti hai। jo aisa koi kaam hoga - jaise dotarsa operation karte hain, zaroori operation hai to full buddhi hogi। baaki davaai de rahe hain, dekh rahe hain to buddhi aur kaam bhi karti hai। jab woh kar sakti hai to yeh kyon nahin kar sakti। man aur buddhi ki aadat hai - chakra lagaane ki। chaahe gyaan ka chakra chalaao aur chaahe vyartha chalaao lekin chakkar chalta zaroor hai। aap svadarshan-chakra chalaao to aur chakkar khatma ho jaayenge।

३. to sabhi seva mein sahayogi ho?jise samay nahin milta,circumstance hain - woh haath uthaao। mansa seva to sab kar sakte ho na?busy rahne ke liye seva bahut achha saadhan hai। jitna apne ko busy rakhenge utna safe rahenge। chaahe mansa karo, chaahe vaacha karo, chaahe karmana karo lekin buddhi se busy zaroor raho। haath-paanv se to rehte ho lekin buddhi se busy raho। apna time-table banaao। jitna bada aadmi utna time-table fix hota hai। to aap bade-te-bade aadmi ho na! saare kalpa mein dhoondhakar ke aao - braahmanon se bada koi hai! devtaayen bhi nahin hain। chaahe aap hi devta banenge lekin is jeevan ke aage woh bhi kuchh nahin hai। jeevan hai to brahman jeevan ati shreshtha hai। achha।

४.apne ko bade-te-bada khushanseeb anubhav karte ho?aap jaisa khushanseeb aur koi hai? jiska naseeb arthaat bhaagya itna shreshtha hai uski nishaani kya hogi? sada khush rahenge। naseeb vaala sada sampanna hota hai। koi vidya mein, padhaai mein hoshiyaar hota hai to kehte hain iska naseeb bahut achha hai। achhe naseeb ki nishaani - woh har baat mein sampanna hoga,kamzor nahin hoga, bahaadur hoga। to aap sabhi khushanseeb ho na! sada khushi ke geet bajte rehte hain। jaise bhakti maarga mein kehte hain - ‘anhad'shabd chalta rahe to anhad shabd sunne ke liye, chalaane ke liye kitni mehnat karte hain, aap logon ne kya mehnat ki? sada khushi ke geet svatah bajte rehte hain, yeh kabhi khatma nahin hote। woh kitna bhi bada geet banaao to bhi band ho jaayega। automatic bhi hoga to bhi battery khatma ho jaayegi। jyaada time chalaayenge to battery khatma ho jaayegi ya garam ho jaayegi aur aapki battery kabhi khatma hoti hai? avinaashi geet hai, iseelie anhad hai arthaat had nahin hai। to anhad geet bajta hai ya bajaana padta hai? aur kaam hi kya hai! gaao aur naacho। yog lagaana bhi kya hai! khushi mein naachna hi to hai na। baap ki mahima gaate ho, khushi mein naachte ho aur kya karte ho! isi mein hi seva hai, isi mein hi yog hai,isi mein hi gyaan va dhaarna hai। naacho aur gaao, brahma-bhojan khaao। jab bhog lagaaya to brahma-bhojan ho gaya na। agar bhog lagaakar, yaad karke nahin khaaya to saadhaaran khaana ho gaya, usse taakat nahin aayegi, usse sirf pet bharega lekin aatma mein shakti nahin aayegi। to kya karna hai? khaao,naacho aur gaao। mehnat se chhuda diya hai na! nahin to kitni mehnat karte - praanaayaam chadhaao, ek hi moorti ko dekhte raho, man ko aman karo। kitni mehnat karaate hain, aap logon ne man ko baap ki taraph laga diya, bas,busy kar diya। man ko suman bana diya,daman nahin kiya। abhi aapka man shreshtha sankalp karta hai, iseelie‘su-man'hai। man ka bhatakna banda ho gaya। jab tak thikaana nahin hota hai to bhatakna hota hai। thikaane ka maaloom ho phir kaun bhatkega! agar phir bhi bhatke to kahenge-iska dimaag theek nahin hai। aapka dimaag to vishaal ho gaya। dooraandeshi,vishaal ho gaye। itni vishaal buddhi hain jo aadimadh ya-ant, past,present,future - teenon kaalon ko jaante ho। to sada yahi yaad rakhna ki khushanseeb hain,kabhi kamzor nahin banna hai,kamaal karne vaala banna hai। aadhaakalpa to kamzor rahe। abhi kamzor kyon rahen! to jo bhi sankalp chalen,bol nikle ya koi bhi karma ho to check karo - kamaal ka hai, kamzori ka to nahin?har sankalp,bol mein kamaal anubhav ho। achha।