गुरुवार 18 जनवरी 1990 की अव्यक्त मुरली

>

18-01-90 om shanti avyakt baapdaadaamdhuban

smriti divas par avyakt baapdaada ke mahaavaakya

aaj sarva bachchon ke snehi maat-pita apne snehi bachchon ke sneh ke dil ki aavaaj aur sneh men anmol motiyon ki maalaaen dekhe…dekh bachchon ko sneh ka return vishesh vardaan de rahe hain - ''sada sameep bhav, samaan samartha bhav, sada samman santushta bhav''sabke dil ka sneh aapke dil mein sankalp uthte hi baapdaada ke paas ati teevragti se pahunch jaata hai। chaaron or' ke desh-videsh ke bachche aaj pyaar ke saagar mein lavleen hai। baapdaada, usmein bhi vishesh brahma maa bachchon ko sneh mein lavleen dekh svayan bhi bachchon ke lav men, sneh mein samaaye hue hain। bachche jaante hain ki brahma mo ka bachchon me bishesh sneh raha aur ab bhi hai। paalna karne vaali maa ka svatah hi vishesh sneh rehta ho hai। to aaz brahma maa ek-ek bachche ko dekh harshit ho rahi hai ki bachchon ke man mein, buddhi mein, dil mein, naynon mein maat-pita ke sivaae or koi naheen hai। sab bachche "ek bal ek bharose se aage badh rahe hain' agar kaho rukte bhi hai to maat-pita ke sneh ka haath phir se samartha banaae aage badha deta hai।

aaz maat-pita bachchon ke shreshtha bhaagya ke geetta ga rahe the। kyoki aaj ka divas vishesh soorya,chandrama ka backbone hokar sitaaron ko vishwa ke aakaash mein pratyaksha karne ka din hai । jaise yagya ki sthaapna ke aadi mein brahma baap ne bachchon ke aage apna sab kuchh samarpit kiya arthaat 'will'ki। aise aaj ke divas par brahma baap ne bachchon ko sarvashaktiyon ki will ki arthaat will powers di। aaj ke divas naynon dvaara aur sankalp dvaara baap nai bachchon ko vishesh "san shows father'ki bishesh saugaat di। aaj ke divas baap ne pratyaksha saakaar roop mein karaavanhaar ka part bajaane ka pratyaksha roop dikhaaya। brahma baap bhi aaz ke din pratyaksha roop mein karaavanhaar baap ke saathi banai, karanhaar nimitta bachchon ko banaaya aur karaavanhaar maat-pita saathi bane। aaj ke din brahma baap ne apni seva ki reeti aur gati parivartan ki। aaj ke divas vishesh brahma baap deh se sookshm pharishta swaroop dhaaran kar oonche vatan,sookshm vatan nivaasi bane,kislie?bachchon ko teevragti se ooncha uthaane ke liye। bachchon ko farishte roop se udaane ke liye। itna shreshtha mahatva ka yeh divas hai। sirf sneh ka divas nahin lekin vishwa ki aatmaon ka, brahman aatmaon ka aur seva ki gati ka parivartan drama mein noondha hua tha, jo bachche bhi dekh rahe hai। vishwa ki aatmaon ke prati buddhivaano ki buddhi bane। buddhi ka parivartan hua,samparka mein aaye sahayogi bane। brahman aatmaon mein shreshtha sankalp dvaara teevragti se vriddhi hui। seva ke prati‘san shows father' ki gift se vihang-maarga ki seva aarambha ki। yeh gift seva ki lift ban gai। parivartan hua na! ab aage chal seva mein aur parivartan dekhenge।

abhi tak aap brahman -aatmaaye apne tan-man ki mehnat se programmes banaate ho, stage taiyaar karne ho,nimantran card chhapaate ho, koi vi.aai. pi. ko bulaate ho, radio, T. vi. vaalo ko sahayogi banaate ho, dhan bhi lagaate ho। lekin aage chal aap svayan vi.aai.pi. ho jaayengen। aapse bada koi dikhaai nahin dega। bani…banaaeen stage par doosre log aapko nimantran denge। a pa ne tan- man-dhan ki sevaaon ki svayan offer karenge। aapki minnate karenge। mehnat aap nahin karenge, woh request karenge ki aap hamaare paas aao। tab hi pratyakshata ki aavaaz buland hogeen aur sabki attention aap bachchon dvaara baap taraf jaayegi। woh jyaada samay nahin chalega। sabki nazar baap taraf jaana arthaat pratyakshata hona aur jay-jaykaar ke chaaron aur ghante bajegen। yeh drama ka sookshm raaz bana hua hai। pratyakshata ke baad anek aatmaae pashchaataap karegi। aur bachchon ka pashchaataap baap dekh nahin sakta। isliye parivartan ho jaayenga। abhi aap brahman-aatmaon ki oonchi stage sadaakaal ki ban rahi hai। aapki oonchi stage seva ki stage ke nimantran dilaayegi। aur behad vishwa ki stage par jay-jaykaar ka part bajaayenge। suna, seva ka parivartan।

baap ke avyakt banne ke drama men gupta raaz bhare hue the। kai bachche sochte hain - kam se kam brahma baap chhutti to leke jaate। to kya aap chhutti dete?naheen dete na। to balbaan kaun hua? agar chhutti lete to 'karmaateet'nahin ban sakte। kyoki blood-connection se padamguna jyaada aatmik-connection hota hai। brahma ko to karmaateet hona tha। ya sneh ke bandhan mein jaana tha? brahma baap bhi kehte hain - drama ne karmaateet banaane ke bandhan mein baandha। aur baandha kitne time men ! samay hota to aur part ho jaata। isliye ghadi ka khel ho gaya। bachchon ko bhi anjaan bana diya, baap ko bhi anjaan bana diya। inko kehte hain - vaah, drama vaah! aisa hai na। jab "vaah,drama vaah'hai to koi sankalp uth naheen sakta। fullstop laga diya na ! naheen to kam-se-kam bachche poochh to sakte the ki kya ho raha hai? lekin baap bhi chup,bachche bhi chup rahe। isko kehte hain - drama ka fullstop। us ghadi to fullstop hi laga na। peechhe bhale question kitne bhi uthe lekin us ghadi nahin। to "vaah drama vaah'kahengen na !'baba-baba'kah bulaaya bhi peechhe, pahle nahin bulaaya। yeh drama ki vichitra noondh honi hi thi aur hono hi hai। parivartansheel drama part ko bhi parivartan kar deta hai।

yeh sab teachers avyakt rachna hai - majority। saakaar ki paalna lene vaali teachers bahut thodi hain। fast gati se paida hueen ho। kyoki sankalp ki gati sabse fast hai। aadi ratna hai mukh-vanshaavli,aur aap ho sankalp ki vanshaavli। isliye brahma ki do rachna gaai hui hain। ek mukh vanshaavli, ek sankalp dvaara srishti rachi। ho to brahma ki rachna, tab to brahmaakumaar-brahmaakumaari kahlaate ho। shivkumaari to nahin kahlaate ho na। double phorenarsa bhi sab sankalp ki rachna hai । aise teevragti se sab teachers aage badh rahi ho? jab rachna hi teevragti ki ho to purushaartha bhi teevragti se hona chaahiye । sada yeh check karo ki sada teevra purushaarthi hoon va kabhi-kabhi hoon?samjha! ab 'kya' 'kyon', ka geet khatma karo।'vaah-vaah'ke geet gaao । achha!

chaaron or ke sarva sneh aur shakti sampanna shreshtha aatmaon ko,sada baap ke saath-saath teevragti se parivartan ke saathi sameep aatmaon ko, sada apni udti kala dvaara anya aatmaon ko bhi udaane vaale nirbandhan udte panchhi aatmaon ko,sada 'san shows father' ki gift dvaara svayan aur seva main teevragti se parivartan laane vaale, aise sarva lavleen bachcho ko is mahattva divas ke mahatva ke saath maat-pita ka vishesh yaad-pyaar aur namaste।

hubli zone se avyakt baapdaada ki mulaakaat

sada apne ko har kadam mein padmon ki kamaai karne vaale bhaagyavaan samajhte ho?yeh jo gaayan hai - har kadam mein padma…kiske liye gaayan hai?saare din mein kitne padma ikatthe karte ho? sangamayug bade-te-bade kamaai ke season ka yug hai। to season ke samay kya kiya jaana hai? itna attention rakhte ho? har samay yeh yaad rahe ki 'ab nahin to kab nahin।' jo ghadi beet gai woh phir se nahin aayegi। ek ghadi vyartha jaana arthaat kitne kadam vyartha gaye?padma vyartha gaye! isliye har ghadi yeh slogan yaad rahe - 'jo samay ke mahatva ko jaante hai woh svatahhi mahaan bante hai।'svayan ko bhi jaanna hai aur samay ko bhi jaanna hai। donon hi vishesh hai। is smriti divas par vishesh sada samartha banne ka shreshtha sankalp kiya?vyartha sankalp, bol,sab roop se vyartha ko samaapta karne ka din hai। jab knowledge mil gai ki vyartha kya hai, samartha kya hai- to knowledgeful aatma kabhi bhi samartha ko chhod vyartha taraph nahin ja sakti । aur jinna svayan samartha banenge utna auron ko samartha bana sakenge। ६३ janma ganvaaya aur samartha banne ka yeh ek janma hai। to is samay ko vyartha to nahin karna chaahiye na! amritvele se lekar raat tak apni dincharya ko check karo। aise nahin ki sirf raatri ko chart check karo lekin beech-beech mein check karo, baar-baar check karne se change kar sakenge। agar raat ko check karenge to jo vyartha gaya woh vyartha ke khaate mein hi ho jaayenga। isliye baapdaada ne beech-beech mein traffic control ka time fix kiya hai। traffic control karte ho ya din mein busy rehte ho?apna niyam bana rehna chaahiye । chaahe time kuchh badli ho jaay lekin agar attention rahega to kamaai jama hogi। us samay agar koi kaam hai to aadhe ghante ke baad karo lekin kar tau sakte ho। ghadi ke aadhaar par bhi kyon chalo। apni buddhi hi ghadi hen, divya buddhi ki ghadi ko yaad karo। jis baat ki aadat pad jaati hai to aadat aisi cheej hai jo na chaahte bhi apni taraph kheechegi । jab buri aadat rahne nahin deti, apni taraph aakarshit karti hai to achhe sanskaar kyon nahin apna bana sakte। to sada check karo aur change karo to sada ke liye kamaai jama hoti rahegi। achha।