गुरुवार 13 फ़रवरी 1992 की अव्यक्त मुरली

>

13-02-92 om shanti avyakt baapdaadaamdhuban

anek janma ka pyaar sampanna jeevan banaane ka aadhaar-is janma ka parmaatma-pyaar

(videsh mein 14February ke din ko premiyon ka din manaate hain isliye aaj om shanti bhavan ko sundar svarga ki scene seenriyon se sajaaya hai, usi beech baapdaada padhaare hain)

aaj sarva shaktiyon ke saagar aur sachche sneh ke saagar dilaaraam baapdaada apne ati snehi sameep bachchon se milne aaye hai। yeh roohaani sneh-milan va pyaar ka mela vichitra milan hai। yeh milan dilvaala baap aur sachche dil vaale bachchon ka milan hai। yeh milan sarva anek prakaar ke pareshaaniyon se door karne vaala hai। roohaani shaan ki sthiti ka anubhav karaane vaala hai। yeh milan sahaj puraane jeevan ko parivartan karne vaala hai। yeh milan sarvashreshtha praaptiyon ke anubhootiyon se sampanna banaane vaala hain। aise vichitra pyaare milan mele mein aap sabhi padmaapadma bhaagyavaan aatmaaen pahunch gai ho। yeh parmaatma mela sarva praaptiyon ka mela, sarva sambandhon ke anu-bhav ka mela hai। sarva khajaanon se sampanna banne ka mela hai। kitna pyaara hai! aur is anubhooti ko anubhav karne vaale paatra banne vaale aap koton mein koi,koi mein bhi koi parmaatma pyaari aatmaaen ho। koto ki kot aatmaayen is anubhooti ko dhoondh rahi hain aur aap milan mana rahe ho। aur sada parmaatma milan mele mein hi rehte ho। kyonki aapko baap pyaara hai aur baap ko aap pyaare hain। to pyaare kahaan rehte hain?sada pyaar ke milan mele mein rehte hain। to sada mele mein rehte ho ya alag rehte ho? baap aur aap saath rehte ho to kya ho gaya? milan mela ho gaya na। koi poochhe aap kahaan rehte ho? to phalak se kahenge ki ham sada parmaatma milan mele mein rehte hain। isi ko hi pyaar kaha jaata hai। sachcha pyaar arthaat ek do se tan se va man ve alag nahin ho। na alag ho sakte hain, na koi kar sakta hai। chaahe saari duniya ki sarva karodon aatmaaen prakriti, maaya,paristhitiyaan alag karne chaahe,kiski taakat nahin jo is parmaatma milan se alag kar sake। isko kaha jaata hai sachcha pyaar। pyaar ko mitaane vaale mit jaaen lekin pyaar nahin mit sakta। aise pakke sachche premi ho na?

aaj pakke pyaar ka din mana rahe ho na। aisa pyaar ab aur ek janma mein hi milta hai। is samay ka parmaatma pyaar anek janma pyaar sampanna jeevan ki praalabdha bana deta hai lekin praapti ka samay abhi hai। beej daalne ka samay abhi hai। is samay ka kitna mahatva hai। jo sachche dil vaale ke pyaare hain vo sada lav mein leen rahne vaale lavleen hain। to jo lav mein leen aatmaayen hain aise lavleen aatmaon ke aage kisi ke bhi sameep aane ki, saamna karne ki himmat nahin hai। kyonki aap leen ho, kisi ka aakarshan aapko aakaarshit nahin kar sakta। jaise vigyaan ki shakti dharni ke aakarshan se door le jaati hain, to yeh lavleen sthiti sarva had ki aakarshanon se bahut door le jaati hai। agar leen nahin hai to dagmag ho sakte hain। lav hai lekin lav mein leen nahin hai। abhi kisi se bhi poochhenge - aapka baap se lav hai, to sabhi haan kahenge na। lekin sada lav mein leen rehte hai? to kya kahenge ?ismen haan nahin kaha। sirf lav hai-is tak nahin rah jaana। leen ho jaao। isi shreshtha sthiti ko leen ho jaane ko hi logon ne bahut shreshtha maana hai। agar aap kisi ko bhi kehte ho ham to jeevanmukti mein aayenge। to vo samajhte hain ki ye to chakkar mein aane vaale hain aur ham chakkar se mukta ho karke leen ho jaaenge। kyonki leen hona arthaat bandhanon se mukta ho jaana। isliye ve leen avastha ko bahut ooncha maante hain। sama gaye, leen ho gaye। lekin aap jaante ho ki woh jo leen avastha kehte hain, drama anusaar praapta kisko bhi nahin hoti hai। baap samaan ban sakte hain lekin baap mein sama nahin jaate hain। unhon ki leen avastha mein koi anubhooti nahin, kaai praapti nahin। aur aap leen bhi hain aur anubhooti aur praaptiyaan bhi hain। aap challenge kar sakte ho ki jis leen avastha ya sama jaane ki sthiti ke liye aap prayatna kar rahe ho lekin ham jeete ji sama jaana va leen hona uski anbhooti abhi kar rahe hain। jab lavleen ho jaate ho, sneh mein sama jaate ho to aur kuchh yaad rehta hai?baap aur main samaan, sneh mein samaae hue। sivaae baap ke aur kuchh hai hi nahin to do se milkar ek ho jaate hain। samaan banna arthaat sama jaana, ek ho jaana। to aise anubhav hai na ? karma yog ki sthiti mein aise leen ka anu-bhav kar sakte ho ? kya samajhte ho ? karmayogi sthiti alag baith karke leen ho sakte ho ?mushkil hai ?karma bhi karo aur aur leen bhi raho - ho sakta hai ? karma karne ke liye neeche nahin aana padega ? karma karte hue bhi leen ho sakte ho ? itne hoshiyaar ho gaye ho ?

karmayogi banne vaale ko karma mein bhi saath hone ke kaaran extra madad mil sakti hai। kyonki ek se do ho gaye,to kaam but jaayega na। agar ek kaam koi ek kare aur doosra saathi ban jaaye,to woh kaam sahaj hoga ya mushkil hoga?haath aapke hain, baap to apne haath paanv nahi chalaayenge na। haath aapke hai lekin madad baap ki hai to double force se kaam achha hoga na। kaam bhal kitna bhi mushkil ho leviaan baap ki madad hai hi sada umang-utsaah,himmat,athakpan ki shakti dene vaali। jis kaarya mein umang-utsaah va athakpan hota hai woh kaam saphal hoga na। to baap haathon se kaam nahin karte lekin yeh madad dene ka kaam karte hain। to karmayogi jeevan arthaat double force se kaarya karne ki jeevan। aap aur baap, pyaar mein koi mushkil va thakaavat feel nahin hoti। pyaar arthaat sab kuchh bhool jaana। kaise hoga, kya hoga, theek hoga va nahin hoga - yeh sab bhool jaana। hua hi pada hai। jahaan parmaatma himmat hai, koi aatma ki himmat nahin hai। to jahaan parmaatma himmat hai, madad hai, vahaan nimitta bani aatma mein himmat aa hi jaati hai। aur aise saath ka anubhav karne vaale madad ke anubhav karne vaale ke sada sankalp kya rehte hain - naathing new,vijay hui padi hai, saphalta hai hi hai। yeh hai sachche premi ki anubhooti। jab had ke aashik ye anubhav karte hain ki jahaan hai vahaan tu hi tu hai। woh sarvashaktivaan na heen hai lekin baap sarvashaktivaan hai। saakaar shareerdhaari nahin hai। lekin jab chaahe,jahaan chaahe,second mein pahunch sakte hain। aise nahin samjho ki karmayogi jeevan mein lavleen avastha nahin ho sakti। hoti hai। saath ka anubhav arthaat lav ka practical saboot saath hai। to sahajyogi sada ke yogi ho gaye na ! lover arthaat sada sahajyogi। isliye direction bhi diya hai na ki yeh tapasya varsha to prize lene ke sameep aa raha hai lekin samaapta nahin ho raha hai। ismen abhyaas ke liye practice ke liye seva ko halka kiya aur tapasya ko jyaada mahatva diya। lekin is tapasya varsha ke sampanna hone ke baad prize to le lena lekin aage jo karma aur yog, seva aur yog, jo bhi balance ki sthiti bataai hui hai, bailansa ka arth hi samaanta, yaad,tapasya aur seva-yeh samaanta ho, shakti aur sneh mein samaanta ho, pyaare aur nyaarepan mein samaanta ho। karma karte hue aur karma se nyaara ho alag baithne mein sthiti ki samaanta ho। jo is samaanta ke balance ki kala mein number jeetega vo mahaan hoga। to donon kar sakte ho ki nahin saarvis shuru karenge to oopar se neeche aa jaayenge ? yeh varsha to pakke ho gaye ho na। abhi balance rakh sakte ho ya nahin। saarvis mein khitkhit hoti hai। ismen bhi paas to hona hai na। pahle sunaaya na ki karma karte bhi,karmayogi bante bhi lavleen ho sakte hain,phir to vijayi ho jaayenge na! abhi prize usko milega jo balance mein vijayi hoga।

aaj vishesh nimantran diya hai। aapka svarga aisa hoga ? baapdaada bachchon ke manaane mein hi apna manaana samajhne hain। aap svarga mein manaayenge, baap is manaane mein hi manaayenge। khoob manaana, naachna,khoob jhoolna, sada khushiyaan manaana। purooshaartha ki praalabdha avashya milegi। yahaan sahaj purushaarthi ho aur vahaan sahaj praalabdhi ho। lekin heere se gold ban jaayenge। abhi heere ho। poora sangamayug hi aapke liye vishesh baap aur bachche va kampeneeyan banne ka prem divas hai। sirf aaj pyaar ka din hai ya sada pyaar ka din hai ? yeh bhi behad daama ke khel mein chhote-chhote khel hain। to itna svarga sajaaya hai uski mubaarak ho। yeh sajaavat baap ko sajaavat nahin dikhaai deti lekin sabke dil ka pyaar dikhaai deta hai। aapke sachche pyaar ke aage yeh sajaavat to kuchh nahin hai। baapdaada pyaar ko dekh rahe hain। vaise jisko nimantran dete hain to nimantran mein aane vaala bolta nahin hai,nimantran dene vaale bolte hai। bachchon ka itna pyaar hai jo baap ke sivaae samajhte hain ki kuchh antar pad jaata hai iseelie dil ka pyaar pratyaksha karne ke liye aaj yeh khel racha hai। achha-

sarva sada sneh mein samaai hui aatmaon ko,sada sneh mein saath anubhav karne vaali aatmaon ko,sada ek baap doosra na koi aise sameep samaan aatmaon ko,sangamayug ke shreshtha kala ke anubhav karne vaali vishesh aatmaon ko,sada sarva had ke aakarshan se mukta lavleen aatmaon ko baap ka sarva sambandhon ke sneh-sampanna yaadapyaar aur namaste।

mahaarthi daadiyon tatha mukhya bhaaiyon se jo nimitta hain - usko sada sahaj yaad rehti hai। aap sabka bhi nimitta bani aatmaon se vishesh pyaar hain na। isliye aap sab samaaye hue ho। nimitta bani hui aatmaon ka drama mein shaktiyon aur paandavon ko saath-saath nimitta banaaya hai। to nimitta banne ki vishesh gift hai। nimitta ka part sada nyaara aur pyaara banaata hai। agar nimitta bhaav ka abhyaas svatah aur sahaj hai to sada sva ki pragti aur sarva ki pragti unhon ke har kadam mein samaai hui hai। un aatmaon ka kadam dharni par nahin lekin stage par hai। chaaron or ki aatmaayen stage ko svatah hi dekhti hain। behad ki vishwa ki stage hai aur sahaj purooshaartha ki bhi shreshtha stage hai। donon stage oonchi hain। nimitta bani hui aatmaon ko sada yeh smriti swaroop rehta hai ki vishwa ke aage ek baap samaan ka example hain। aise nimitta aatmaayen ho na ? sthaapna ki aadi se ab tak nimitta bane hain aur sadaiv rahenge। aise hain na। yeh bhi extra luck hai। aur luck dil ka lav svatah badhaata hai। achha hai, nimitta bankar plan bana rahe ho,baapdaada ke paas to pahunchta hai। practical mein svayan shaktishaali ban auron mein bhi shakti bharte pratyakshata ko sameep laate chalo। ab majority aatmaaen is duniya ko dekh dekh thak gai hain। naveenta chaahti hain। naveenta ke anubhav abhi kara sakte ho। jo kiya bahut achha, practical mein bhi bahut achha hona hi hai। desh-videsh ne plan achhe banaaye hain। brahma baap ko pratyaksha kiya arthaat baapdaada ko saath-saath pratyaksha kiya। kyonki brahma bana hi tab, jab baap ne banaaya। to baap mein daada,daada mein baap samaaya hua hai। aise brahma ko follow karna arthaat lavleen aatma banna। aise hai na, achha।

party se mulaakaat

sabhi ke dil ki baaten dilaaraam ke paas bahut teevragti se pahunch jaati hain। aap log sankalp karte ho aur baapdaada ke paas pahunch jaata hai। baapdaada bhi sabhi ke apne-apne vidhipoorvak sankalp, seva aur sthiti, sabko dekhte rehte hai। purushaarthi sabhi ho। lagan bhi sabmen hai lekin variety zaroor hain। lakshya sabka shreshtha hai aur shreshtha lakshya ke kaaran hi kadam aage badh rahe hain, koi teevragti se badh rahe hai,koi saadhaaran gati se badh rahe hai। pragti bhi hoti hai lekin nambarvaar। tapasya ka bhi umang-utsaah sabhi mein hai। lekin nirantar aur sahaj usmein antar pad jaata hai। sabse sahaj aur nirantar yaad ka saadhan hai-sada baap ka saath anubhav ho। saath ki anubhuti yaad karne ki mehnat se chhuda deti hai। jab saath hai to yaad to rahegi na। aur saath sirf aise nahin hai ki saath mein koi baitha hai lekin saathi arthaat madadgaar hai। saath vaala apne kaam mein busy hone se bhool bhi sakta hai lekin saathi nahin bhoolta। to har karma mein baap ka saath saathi roop mein hai। saath dene vaala kabhi nahin bhoolta hai। saath hai,saathi hai aur aisa saathi hai jo karma ko sahaj karma karaane vaala hai। woh kaise bhool sakta hai! saadhaaran reeti se bhi agar koi bhi kaarya mein koi sahayog deta hai to uske liye baar-baar dil mein shukriya gaaya jaata hai aur baap to saathi ban mushkil ko sahaj karne vaale hain। aisa saathi kaise bhool sakta hai ? achha।