बुधवार 8 अप्रैल 1992 की अव्यक्त मुरली

>

08-04-92 om shanti avyakt baapdaadaamdhuban

brahma baap se pyaar ki nishaani hai - avyakt pharishta banna

avyakt baapdaada apni aadi rachna aatmaon prati boleh

aaj behad ka baap apni aadi shreshtha direct rachna ko dekh rahe hai। brahman aatmaayen direct shiv vanshi brahmaakumaar aur kumaariyaan ho। brahman aatmaayen aadi dev ki aadi rachna ho। isliye kalpa vriksha mein brahman phaaundeshan arthaat jad mein dikhaaye gaye hain। apna sthaan dekha hai na? to vriksha mein aap aadi rachna beej ke sameep jad mein dikhaaye gaye ho। isliye direct rachna ho। anya aatmaayen direct maat pita arthaat shiv baap aur brahma maata arthaat direct parmaatma rachna nahin hain। aap direct rachna ka kitna mahattva hai। direct beej ke saath sambandh hai,unhon ka indirect sambandh hai,aapka direct hai। aap sabhi roohaani nashe se kahenge ki ham parmaatma santaan hain। jo bhi dharma vaali aatmaayen aati hain woh sabhi apne ko Christian,bauddhi, islaami kahlaayengi। direct shiv vanshi va aadi dev brahma ki rachna nahin kahlaayengi। kraaistavanshi Christian kahenge, dharma pita Christ ke Christian hain - yahi jaante hain। woh sabhi dharma pita ke vansh hai। aur aap kahenge paramatma ke। to dharmapita aur parampita - kitna antar hai! double videshi kya samajhte hain parampita ke ho ya dharma pita ke ho?parampita ke arthaat direct rachna hona। to direct aur indirect mein kitna antar hai! nashe mein bhi antar hai to praapti mein bhi antar hai। isliye bhaktimaarga mein bhi indirect apne ishta dvaara baap ko yaad karte hain। agar koi shiv bhakta bhi hain to vo bhi shiv shankar ek maan karke yaad karte hain। to indirect ho gaya na! jaante bhi hain ki raam ka bhi raameshvar hai lekin phir bhi yaad raam ko hi karenge। to bhakti indirect ho gai na। kyonki bhakta aatmaon ki rachna bhi peechhe ki aatmaayen hain। aap direct parmaatma vanshi aatmaayen ho। dvaapar mein bhakti bhi karte ho, to bina pahchaan ke bhi pahle shiv baap ki bhakti karte ho। brahma, vishnu,shankar yeh sookshm devtaaon ki pooja peechhe shuru hoti hai,aadi mein nahin। to anya aatmaaen rachna bhi indirect aatmaon dvaara hain aur bhakti mein bhi indirect bhakti hai। aap direct bhakta ho, indirect nahin। arthaat shiv ki pooja hi aarambha karte ho।

to praapti mein bhi dekho aap direct aatmaon arthaat direct rachna ko anek janmon ke liye varsa jeevanmukti ka milta hai। anya aatmaon ko jeevanmukti ka varsa itne samay ka nahin milta hai। aapki jeevanmukti aadha kalpa chalti hai aur anya aatmaon ko jeevan-mukti aur jeevan-bandha donon hi aadha kalpa ke andar milta hai। woh bhi dvaapar se aadi vaali aatmaon ko। peechhe vaali aatmaon ko to thode janmon mein hi donon hi praapti hoti hai। aur visheshta yahi hai ki aapki jeevan-mukti arthaat golden, silver ej chakra ke bhi golden, silver samay par praapta hoti hai। aapki golden ej hai to yug bhi golden ej ka hai, prakriti bhi golden ej hai। chakra ko achhi tarah se jaante ho na aur anya aatmaon ki jab golden ej hai to yug copper ej ya iron ej hai, copper ej mein unhon ki golden ej hai aur aap ki golden ej mein golden ej hai। kitna antar hua! aap satopradhaan hain to prakriti bhi satopradhaan hai। woh rajo pradhaan prakriti mein satopradhaan stage ka anubhav karte hain। to direct aur indirect rachna ka kitna antar hai! itna nasha hai ki ham direct parmaatma rachna hain! sada nasha rehta hai ya kabhi-kabhi nasha chadhta hai? parsentej mein pharka pad jaata hai, kabhi 100% rehta hai to kabhi 50% | lekin rehna kya chaahiye?sada rehna chaahiye na, to chaahiye-chaahiye kab tak kahenge?sada nasha rehta hai yeh phalak se nahin kehte ho, rehna chaahiye kehte ho। to sampoorn banna arthaat jismen yeh chaahiye shabd samaapta ho jaaye sabhi ke mukh se yeh nikle ki sada hai, uske liye kitne varsha chaahien?baap bhi chaahiye poochhta hai। kitne varsha chaahiye,10 chaahiye ki usse bhi jyaada va kam chaahiye? kyonki tapasya varsha aarambha kiya,ab to samaapti ka samay aa gaya, lekin jab aarambha kiya to sabne kya sankalp kiya?sampanna ban jaayenge- yahi socha tha na। varsha to samaapta hua lekin aap sampanna ho gaye,ya hona hai?aur varsha chaahien? auron ko challenge karte ho ki second mein mukti jeevan-mukti ka varsa lo। ya kehte ho 25 varsha mein varsa lo ? to12 maas mein kitne second kitne din hue?to sabko sampanna ban jaana chaahiye ya abhi aur samay chaahiye, kya result hain?kitne varsha chaahiye yeh bata do nahin to doosra varsha samaapta hoga phir yahi geet gaayenge ki abhi samay nahin do doosra varsha samaapta hoga phir yahi geet gaayenge ki abhi samay chaahiye।

yeh chaahiye chaahiye ka geet kitne samay ka hai? geet ka bhi3 va 5minute time hota hai na। tapasya varsha mein dridh sankalp kiya ya sankalp kiya? dridhta ki nishaani hai saphalta। phir to is varsha aur force ki tapasya chaahiye na। ya seva karni hai?donon nahin kar sakte ho?aapka karmayogi title nahin hai yogi hain?vaise dekha jaaye to seva usko hi kaha jaata hai jismen sva aur sarva ki seva samaai hui ho। doosre ki seva karen aur apni seva mein albele ho jaaen to usko vaastav mein yathaartha seva nahin kahenge। seva ki paribhaasha hi hai - seva ke meve milte hain। seva arthaat meva - fruit (Dry Fruit), pratyakshaphal। seva karo, meva khaao। agar sva ke taraph albele ban jaate ho to woh seva mehnat hai, kharcha hai, thakaavat hai, lekin pratyakshaphal saphalta nahin hain। pahle sva ko saphalta, saath mein auron ko bhi saphalta ki anubhooti ho। saath-saath ho। sva ko ho aur auron ko nahin ho to bhi yathaartha seva nahin hai। aur auron ko ho,sva ko nahi ho to bhi yathaartha seva nahin hai। to seva mein seva aur yog donon hi saath-saath kyon nahin rehta,uska kaaran kya hai? ek ko dekhte ho to doosra dheela hota hai, doosre ko dekhte ho to pahla dheela hota - iska kaaran kya hai? kaaran hai ki seva ke plan (Plan) to bahut achhe-achhe banaate ho lekin plen (Plain) buddhi ban plan nahin banaate। plen buddhi arthaat seva karte aur koi bhi baat buddhi ko touch nahin karen, sivaae nimitta bhaav aur nirmaan bhaav। nirmaan karte nirmaan sthiti ki kami ho jaati hai isliye nirmaan ka kaarya jitna saphal karne chaahte ho utna saphal nahin hota hai। shubh-bhaavna va shubh-kaamna ka beej hi hai nimitta-bhaav aur nirmaan-bhaav। had ka maan had ka maan nahin। lekin nirmaan। isliye seva ke plan banaane ke pahle plen buddhi banaana ati aavashyak hai। nahi to plen buddhi ke bajaae agar buddhi mein aur aythaartha bhaav ka kichda mix ho jaata hai to jo seva ka plan banaate ho usmein bhi ratna jadit ke saath-saath patthar bhi jad jaate hain। ratna aur patthar mix ho jaate hain। 9 ratna jadenge to ek patthar mix karenge। koi bhi cheez mein 9real ho aur ek aartipheeshiyal ho to value kya hogi? aur hi lene vaale ke bhi sankalp chalenge ki yeh 9 bhi real hai ya mix hain?isliye seva ke plan ke saath-saath plen buddhi ka attention pahle rakho। agar plen buddhi hai aur seva ka plan itna bada nahin bhi hai, phir bhi plen buddhi vaale ko nuksaan nahin hai, bojh nahin hai। seva ka phaayda kam hai lekin nuksaan to nahin kahenge na। mikschar buddhi mein to nuksaan hai। isliye yeh varsha bhi tapasya ka karenge? seva mein to kehte ho ki neeche aa jaate hain, to kya karenge?sirf tapasya karenge।

jab svayan sampanna bano tab vishwa parivartan ka kaarya bhi sampanna hoga। aap sabke sampannata ki kami ke kaaran vishwa parivartan kaarya sampanna hone mein rooka hua hai। prakriti daasi ban aapke seva ke liye intazaar kar rahi hai ki brahman aatmaaain brahman so pharishta aur phir pharishta so devta banen to ham dil va jaan, sik va prem se seva karen। kyonki sivaae pharishta bane devta nahin ban sakte। brahman se pharishta banna hi pade। aur pharishta ka arth hi hai jiska puraani duniya, puraane sanskaar, puraani deh ke prati koi aakarshan ka rishta nahin। teenon mein paas chaahiye। teenon se mukta। vaise bhi drama mein pahle mukti ka varsa hai phir jeevanmukti ka। via mukti dhaam ke aap jeevan-mukti mein nahin ja sakte। to pharishta arthaat mukta aur mukt pharishta so jeevan-mukta devta banega। to kitne percent pharishte bane ho? ki brahman banne mein hi khush ho? pharishta banna arthaat avyakt pharishta swaroop brahma baap se pyaar ho। jiska pharishte se pyaar nahin to brahma baap nahin maanta hai ki mere se pyaar hai। pyaar ka arth hi hai samaan banna। brahma baap pharishta hai na! pharishta ban aap sabko pharishta banaane ke liye pharishton ki duniya mein rooke hue hain। sirf mukh se nahin kaho ki baap se bahut pyaar hai, kya varnan karen। lekin brahma baap sirf kahne se khush nahin hote,banne se hote hain। kahne vaale to bhakta bhi bahut hain। kitne pyaar ke geet gaate hai। itne pya ke geet gaate hain jo anekon ko hansa bhi deve to roola bhi deve। woh sab hai kahne vaale aur aap ho banne vaale। agar sirf kehte rehte hain to samjho abhi bhakti ka ansh raha hua hai। gyaani tu aatma, yogi tu aatma nahin kahenge, lekin bhakta yogi aatma kahenge। ab kya karenge?koi naveenta dikhaayenge ya jaise is varsha kiya wahin karenge? aisa bhi samay aayega jo baapdaada unhon se hi milenge jo karne vaale hain,jo banne vaale hain, sirf kahne vaale nahin। abhi to sabhi ko allow kar dete hain,bhaavna vaale bhi aa jaao, gyaani yogi tu aatma bhi aa jaao, lekin samay parivartan hona hi hai। isliye apne oopar aur das guna underline karke kaise hasega, aise kyon kiya। aap purooshaartha mein strikta nahin hote ho to baap ko strikta hona hi padega। abhi to baap ke pyaar swaroop se chal rahe ho,pal rahe ho। lekin satguru ka roop dharmaraaj nahin । satguru ki aagya sir maathe gaaya hua hai। abhi to baapdaada meethe bachche, pyaare bachche kah karke chala rahe hain। agar pyaar hai,milan ki pyaas hai, to samaan bankar milo। mahaan antar mein nahin milo। samaan bankar milan mein bahut maza hai। ye maza aur hai। achha baap se mil liya, drishti le liya, vahaan gaye to phir koi kamzori aa gai, shakti mili aur kaam mein laai, ek do baar vijayi bane, phir kamzor ban gaye। to yeh apne prakaar ka milna hai। lekin yathaartha pyaar, yathaartha milan isse bahut ooncha hai। bahut bahut pyaara hai - uska anubhav karo। samjha!

satguru ki koi ne aagya nahin maani to satguru hai na। baap ke aage to bachchon ke naaz,laad-kod chalte hain। agar baap se sachcha pyaar hai to is varsha mein pharishta samaan bankar dikhaao। abhi itne sab milne ke liye aayen hain, bahut achha hai lekin aur achhe te achha karna hai। pyaar karna aur pyaar nibhaana usmein antar hai। karne vaale sabhi ho। agar pyaar nahin hota to itne sab kyon aate। lekin karna aur nibhaana - ismen antar ho jaata hai। pyaar karne vaale anek hote hain aur nibhaane vaale kitne hote hai। to aap nibhaane vaale ho? nibhaane vaale phir chaahiye chaahiye nahin kahenge। practical hai sirf mukh se nahin। sunaaya na ki tapasya ke chart mein bhi apne ko marks, certificate dene vaale bahut hain, lekin sarva ke santushtata ka certificate koi koi ko praapta hota hai। chart rakhne vaale bhi bahut nikle। apne ko achhe te achha certificate dene vaale bhi bahut nikle। bahut nahin hai lekin kuchh hai।

second number vaale bahut hain। lekin sabke mukh se yeh nikle ki haan, yeh number one hai। sabke dil se yeh duaaon ka certificate mile isko kahenge number one। kai bachche kehte hain ki ham to theek hain,lekin koi koi aatma ko koi kada hisaab hai hamaare se,jo kitna bhi usko santushta karte lekin woh santushta nahin hota baapdaada ne pahle bhi kaha tha ki agar aisa koi kada hisaab kitaab hai bhi to bhi kam se kam95% certificate milne chaahien। 5% ka kada hisaab kitaab hai, woh bhi maaph hai। lekin 95% dil se duaaen den। kai aise kehte hain ki sabse santushta kaun hain? aisa to ek bhi dikhaai nahin deta। badon ke liye bhi sochte hain ki inse hi naaraaj hai to hamse hue to kya badi baat hai। lekin unhon se 95% dil se raaji hain। badon ki baat doosri hai। badon ko judge banna padta hai। to do mein se ek ki baat haan karenge woh kahenge bahut achhe,aur jisko na karenge woh kahenge ye bhi achhe nahin hain। to judge ek ko haan karega ya donon ko?to woh baate alag baat hain। lekin dil ki tapasya, dil ka pyaar, nimitta bhaav, shubh bhaav ka certificate saamne dekho। yeh nahin copy karo ki badon se bhi santushta nahin hain ham to paas ho jaayenge। aise nahin socho। 95% agar santushta hain to number mil jaayega। samjha! achha -

chaaron or ke aadi pita ke aadi rachna,direct rachna, shreshtha aatmaaen, sarva jeevanmukta ka varsa anek janma praapta karne vaali aatmaaen,sarva brahman so pharishta, pharishta so dev aatma banne vaali adhikaari aatmaaen,sada plen buddhi ban seva ke plan mein saphalta praapta karne vaali aatmaaen, baap se sachcha sneh sachcha pyaar nibhaane vaali sarva sameep aatmaon ko baapdaada ka yaadapyaar aur namaste।

daadiyon se avyakt baapdaada ki mulaakaat -

sabne achhi seva ki na। sabhi ne milkar sangathan ko sajaane ki seva achhi ki hai। sangathan ko sajaane ki seva kitni pyaari hai! jaise javaahri ek-ek ratan ko bedaag banaata hai, usko valuable banaata hai। to aap sabki bhi yahi seva hai। jo bhi chhote chhote daag hain - unko svchchha banaana,sampanna banaana, baap samaan banaana। to maja hai na - is seva। thak to nahin jaate,thakte to nahin hai na?aap sabke athak swaroop se auron ko bhi prerna milti hai। kyonki saakaar mein to nimitta saakaar roop aap hi ho। avyakt sthiti se avyakt ka laabh lena - woh to sabhi nambarvaar hain lekin saakaar roop mein example to aap hi ho। isliye nimitta ka prabhaav sabke oopar padta hai। achha part mila hai na,aapas mein miljulkar sangathan ko pakka kar aage badh rahi ho। aapka sangathan hi sabke aage ek saboot hai। achha - sabhi theek ho? raajdhaani ban rahi hai na। achha - badon ki sakaash svatah hi kaarya karaati rehti hai। kahne ki bhi aavashyakta nahin hai। basant to ban gaye, abhi roop banna hai। roop bankar sakaash dena bhi usi ki aavashyakta hai। baaki basanta banna to bada sahaj hai। achha।

party se avyakt baapdaada ki mulaakaat

sabhi apne ko raajayogi anubhav karte ho?yogi sada apne aasan par baithte hain to aap sabka aasan kaun sa hai? aasan kisko kahenge?bhinna-bhinna sthitiyaan bhinna-bhinna aasan hain। kabhi apne svamaan ki sthiti mein sthit hote ho to svamaan ki sthiti aasan hai। kabhi baap ke diltakhtansheen sthiti mein sthit hote to woh diltakhta sthiti aasan ban jaati hai। jaise aasan par sathit hote hain, ekaagra hokar baithte hain, aise aap bhi bhinna-bhinna sthiti ke aasan par sthit hote ho। to variety achha lagta hai na। ek hi cheej kitni bhi badhiya ho, lekin vahi cheej baar baar agar use karte raho to itni achhi nahin lagegi,variety achhi lagegi। to baapdaada ne variety sthitiyon ke variety aasan de diye hai। saare din mein bhinna-bhinna sthitiyon ka anubhav karo। kabhi farishte sthiti ka, to kabhi light house, might house sthiti ka, kabhi pyaar swaroop sthiti arthaat lavleen sthiti ke aasan par baith jaao। or anubhav karte raho। itna anubhvi ban jaao,bas sankalp kiya pharishta,second mein sthit ho jaao। aise nahin, mehnat karni pade। sochte raho main pharishta hoon,aur baar baar neeche aa jaao। aisi practice hai?sankalp kiya aur anubhav hua। jaise sthool mein jahaan chaahte ho baith jaate ho na। socha aur baitha ki yuddha karni padti hai - baithan ya na baithoon?to yeh man buddhi ki baithak bhi aisi easy honi chaahiye। jab chaaho tab tik jaao। isko kaha jaata hai - raajayogi raaja। raaja banne ka yug hai। raaja kya karta hai?order karta hai na? raajayogi jaise man-buddhi ko order kare, vaise anubhav karen। aise nahin ki man-buddhi ko order karo, pharishta bano aur neeche aa jaae। to raaja ka order nahin maana na। to raaja woh jiska praja order maane। nahin to yogya raaja nahin kaha jaayega। kaam ka raaja nahin,naam ka raaja kaha jaayega। to aap kaun ho?sachche raaja ho। karmendriyo order maanti hain?man-buddhi sanskaar sab apne order mein hon। aise nahin, krodh karna nahin chaahta lekin ho gaya। body conscious hona nahin chaahta lekin ho jaata hoon to usko taakat vaala raaja kahenge ya kamzor? to sadaiv yeh chaik karo ki main raajayogi aatma, raajya adhikaari hoon?adhikaar chalta hai? koi bhi karmendriyaan dhokha nahin deve। aagyaakaari hon। achha। omshaanti।