बुधवार 15 अप्रैल 1992 की अव्यक्त मुरली

>

15-04-92 om shanti avyakt baapdaadaamdhuban

braahmanon ki do nishaaniyaan - nishchay aur vijay

avyakt baapdaada nishchaybuddhi shreshtha aatmaon prati bole h

aaj baapdaada chaaron or ke brahman bachchon ki vishesh do nishaaniyaan dekh rahe hain। brahman arthaat nishchaybuddhi aur nishchaybuddhi arthaat vijayi। to har ek brahman nishchaybuddhi kahaan tak bane hain aur vijayi kahaan tak bane hain! kyonki brahman jeevan ka foundation hai nishchay aur nishchay ka pramaan hai vijay। to nishchay aur vijay donon ki percentage ek hai ya antar hai? result kya dekhi hogi? nishchay ki percentage sabhi jyaada anubhav karte hain aur vijay ki percentage nishchay se kam anubhav karte hain। jab kisi se bhi poochhte hain ki nishchay kitna hai to sabhi kehte hain 100%, aur nishchay ki nishaani vijay kitni hai? usmein100% kahenge?aapka slogan nishchaybuddhi vijayanti। phir nishchay aur vijay mein antar kyon?nishchay aur vijay donon nishaaniyaan samaan honi chaahiye na?lekin antar kyon hai? iska kaaran kya? koi bhi foundation jab pakka kiya jaata hai to us sthaan ko chaaron aar attention dekar pakka kiya jaata hai। agar chaaron or mein se ek kona bhi kamzor rah jaae to pakka rahega ya hilta rahega? aise hi nishchay ka foundation chaaron or arthaat vishesh chaar baaton ka sampoorn nishchay chaahiye। woh chaar baaten pahle bhi sunaai hain:-

ek tobaap mein sampoorn nishchay। jo hai,jaisa hai, jo shreemat jaise baap ki di hui hai, usi vidhipoorvak yathaartha jaanna aur maanna aur chalna।

doosri baat - apne shreshtha svamaan sampanna shreshtha bhaagyavaan aatma swaroop ko jaanna,maanna aur chalna।

teesri baat - apne shreshtha brahman parivaar ko yathaartha vidhi se jo jaisa hai vaise jaanna,maanna aur chalna।

chauthi baat - saare kalpa ke andar is shreshtha purooshottam yug va samay ko usi mahattva se jaanna, maanna aur chalna। in chaar baaton mein jo atal nishchaybuddhi hain aur chaaron mein sampanna parsentej hai to usko kahenge sampoorn yathaartha nishchaybuddhi।

yeh chaaron hi nishchay ke foundation ke stambha hai। sirf ek baap mein nishchay hai aur teenon baaton mein se koi bhi stambha kamzor hai,sada majboot nahin hai, kabhi hilta kabhi achal hota hai, to woh halchal haar khilaati hai, vijayi nahin banaati। koi bhi halchal kamzor bana deti hai aur kamzor sada vijayi ban nahin sakta। isliye nishchay aur vijay mein antar pad jaata hai। baapdaada ke saamne bahut bachchen albele ban karke roohroohaan karte hain, ki humein nishchay to poora hai,baba main aapko aur aap mere ho, yeh pakka hai, 100% to kya 500% nishchay hai…। lekin halchal bhi hai। phir manaane ke liye kehte hain - aap to hamaare ho na,pakka karaate hain। bahut bholi baaten karte hain - main jo hoon, jaisi hoon, aapki ya aapka hoon। to baap bhi kehte hain aap jo ho, jaise ho, mere ho। lekin baap jo hai jaisa hai aapka hai? bhola banna achha hai,dil se bhole bano, lekin baaton mein aur karma mein bhole nahin bano। dil ke bhole bholaanaath ke pyaare hain। baaton mein bhole svayan ko bhi dhokha dete to doosron ko bhi dhokha de dete aur karma ke bhole apna bhi nuksaan karte hain to seva ka bhi nuksaan karte hain। isliye dil se bhole bano, bilkool saint, aise bhole। saint (Saint) arthaat mahaan aatma। lekin baaton mein trikaaldarshi ban karke baat suno aur bola। karma mein,har karma ke parinaam ko knowledgeful hokar jaano aur phir karo। aise nahin ki hona to nahin chaahiye tha lekin ho gaya, bolna nahin chaahiye tha lekin bol liya। isse siddha hai ki karma ke parinaam ko na jaan bholepan mein karma kar lete ho। aise nahin samjho ki ham bhole hain iseelie aise ho jaata hai - aise apne ko chhudaana nahin hai। dil ka bhola sabka pyaara hoga। to samjha bhola kismen banna hai? to nishchay aur vijay ko samaan banaane ki vidhi kya hui? chaaron taraph, chaaron baaton ka samaan parsentej vaala nishchay ho। kai bachche aur kya kehte hain ki baba aap mein to nishchay hai lekin apne aap mein itna nishchay nahin hai। kabhi hota hai, kabhi apne mein nishchay kam ho jaata hai। phir unhon ki bhaasha kya hoti hai? ek hi geet gaate hain। pata nahin, pata nahin,pata nahin…। pata nahin aise kyon hota hai,pata nahin mera bhaagya hai,pata nahin baap ki madad milegi va nahin, pata nahin saphalta hogi va nahin। jab master sarvashaktivaan ho to is nishchay mein kami hai tab pata nahin, pata nahin ka geeta gaate ho। aur teesre phir kya kehte hain?ki baba hamne to aapko dekh karke sauda kiya। aap hamaare ho ham aapke hain। is brahman parivaar se hamne sauda nahin kiya। brahman parivaar khitkhit hai, aap theek ho। braahmanon ke sangathan mein chalna mushkil hain, ek aapse chalna sahaj hai। to baapdaada kya kahenge? baapdaada muskaraate hain, aise bachchon se baapdaada ka ek prashn hai kyonki aisi aatmaaen prasanna-chitta nahin rehti, prashn bahut karti hai, ye aisa kyon, aisa hota hai kya, to woh prasanna-chitta aatma nahin hai,prashn chitta aatma hai। baapdaada bhi unhon se prashn karte hain ki aap aatma muktidhaam mein rahne vaali ho ya jeevanmukti mein aane vaali ho? mukti mein rehna hai phir jeevanmukti mein aana hai na। to jeevanmukti mein sirf baba brahma hoga ya raajdhaani hogi? sirf brahma aur sarasvati raaja raani honge?jeevanmukti ka varsa paana hai na। aap log challenge karte ho ki aadi sanaatan dharma aur anya dharma mein sabse bada antar hai। vo sirf dharma sthaapan karte hain, aur aap dharma aur raajya donon ki sthaapna kar rahe ho। yeh pakka hai na। dharma ki sthaapna aur raajya ki bhi sthaapna kar rahe ho na, to raajya mein kya hoga? sirf ek raaja, ek raani honge?ek raaja raani aur aap ek bachcha ya bachchi, bas। aisa raajya hota hai? to humein raajdhaani mein aana hai। yeh yaad rakho। raajdhaani mein aana arthaat brahman parivaar mein santushta rehna aur santushta karna,shreshtha sambandh mein aana। abhi baapdaada poochhenge sabhi se ki aap maala mein aane chaahte ho? ya kahenge maala se baahar rah gaye ho to bhi theek hai, harja nahin hai। maala mein aana hai। chaahe 108 mein aao chaahe 16000mein aao। lekin aana hai va nahin। (haan ji) phir abhi brahman parivaar se kyon ghabraate ho? jab koi baat hoti hai to kyon kehte ho hamaara to baba hai। bahnen kya karengi bhaai kya karenge? hamne bhaai-bahnon se vaayda nahin kiya hai, lekin yeh brahman jeevan shuddh sambandh ka jeevan hai, maala ki jeevan hai। maala ka arth hi hai sangathan। brahman parivaar ke nishchay mein agar koi sanshay aa jaata hai, vyartha sankalp aa jaata hai to woh nishchay ko dagmag kar deta hai। halchal mein laata hai। baba achha, gyaan achha, lekin ye daadiyaan achhi nahin,teachers achhi nahin,parivaar achha nahin…। yeh nishchaybuddhi ke bol hain?us samay nishchaybuddhi kahen ki sankalp buddhi kahen?vyartha sankalp prasannachitta buddhi rahne nahin dete, to samjha nishchay ki visheshta kya hai? chauthi roorrihaan kya karte hain?woh phir kehte ki samay shreshtha hai,purooshottam yug hai, aatma paramatma ke mele ka yug hai yeh sab maante hain phir kya kehte? abhi thoda samay to hai hi,itne mein vinaash to hona nahin hai, yeh to sthaapna ke samay se kehte aaye hain ki vinaash hona hai। doosri deevaali nahin aani hai। to vinaash ki baate to sthaapna ke samay se chal rahi hain। vinaash kehte-kehte kitne varsha ho gaye। abhi bhi pata nahin vinaash kab ho! thoda sa albele ke, aalasya ke, dheele purooshaartha ke Dunlop ke takiyen mein aaraam kar len। samay par theek ho jaayenge। baap ko bhi yeh pakka karaate hain ki aap dekhna ham samay par bahut number aage le lenge। lekin baapdaada aise bachchon ko sada saavdhaan karte hain ki samay par jaage aur samay pramaan parivartan kiya to yeh koi badi baat nahin hain। lekin samay ke pahle parivartan kiya to aapke purooshaartha mein yeh purooshaartha ki marks jama hogi aur agar samay par kiya to samay ko marks milegi aapko nahin milegi। to total result mein albele ya aalasya ke neend ke kaaran dhokha kha lenge। yeh bhi kumbhakran ke neend ka ansh hai। bada kumbhakran nahin hai, chhota hai। phir usko kya hua? apne ko bacha saka?nahin bach saka na! to ant samay mein bhi apne ko full paas ke yogya nahin bana sakenge। samjha! kabhi kaisi roohroohaan karte ho, kabhi bahut himmat ki bhi karte ho,kabhi naaz-nakhre ki karte ho aur kabhi khitpit ki karte ho।

aaj is varsha ke season ka sampanna hai। samaapti nahin kahenge,sampanna ho raha hai। isliye result suna rahe hain। to abhi kya karna hai? check karo ki nishchay ke foundation ke chaaron or mazboot hai ya chaaron mein se koi bhi baat mein mazboot hone ke bajaae baaton ke kaaran majboor hai। yeh check karo। abhi phir tapasya karni hai na। pahle bhi sunaaya ki pyaar ka saboot dena hai aur pyaar ko saboot hai samaan banna। aur doosri baat kya karni hai। yeh varsha ka hom work de rahe hain। ek work to suna। doosri baat - apne chaaron or ke foundation ko pakka karo। ek bhi baat mein kamzori nahin ho tabhi maala ke manke ban poojya aatma va raajya adhikaari aatma banenge। kyonki brahman so devta banna hai। sivaae brahman ke devta nahin ban sakte hain। braahmanon se nibhaana arthaat daivi raajya ke adhikaari banna। to parivaar se nibhaana padega। halchal ko samaapta karna padega। tab nishchay aur vijay donon ki samaanta ho jaayegi। yeh antar mitaane ka mahaamantra hai। chaaron or mazboot hona। chaar hi nishchay ki percentage samaan banaana hai। samjha! homework spashta hua na। achhe student ho na ya kahenge ki apne centre ke hom mein gaye,pravritti ke hom mein gaye to hom mein hi hom work rakhkar aaye। aise to nahin kahenge na। hoshiyaar student ki nishaani kya hoti hai? hom work mein bhi number one, to practical padhaai mein bhi number one। kyonki marks jama hoti hai। achha aur kya result dekhi?vartamaan samay bachchon ki do hoshiyaari dekheen। apni hoshiyaari to jaante honge na? pahli hoshiyaari kya dekhi? sva ko dekhna aur par ko dekhna। svadarshan chakradhaari banna ya par darshan chakradhaari banna। do baaten hain na। majority kis mein hoshiyaar hain? baapdaada ne pahle bhi sunaaya hai ki kai bachchon ki najdeek ki nazar bahut tej ho rahi hain aur kai bachchon ki phir door ki nazar bahut tej ho rahi hai। lekin majority ki door ki nazar tej hai, najdeek ki nazar kuchh dheeli hai। dekhna chaahte hain lekini spashta dekh nahin paate hain aur phir hoshiyaari kya karte hain?koi bhi baat hogi to apne ko safe rakhne ke liye doosron ki baat badi karke spashta sunaayenge। apni badi baat ko chhota karenge aur doosre ki chhoti baat ko bada karenge yeh hoshiyaari majority ki dekhi। doosri hoshiyaari kya dekhi? aajkal ek vishesh bhaasha bahut use karte hain ki hamse asatya dekha nahin jaata, asatya suna nahin jaata, isliye asatya ko dekh jhooth ko soon karke andar mein josh aa jaata hai। to yeh bhaasha right hai? agar woh asatya hai aur aapko asatya ko dekh josh aata hai to josh satya hai ya asatya hai? josh bhi to asatya hai na! ham yeh karke dikhaayenge,yeh challenge karna right hai?yeh sadaiv yaad rakho ki satyata ki nishaani kya hai! jo svayan satyata par hai aur asatya ko khatma karna chaahta hai,lakshya to bahut achha hai lekin asatyata ko khatma karne ke liye apne mein bhi satyata ki shakti chaahiye। aaveshta ya josh yeh satyata ki nishaani hai? satyata mein josh aayega? to agar jhooth ko dekh karke mujhe gussa aata hai, to right hai? koi aag lagaayega to sek nahin aayega ki sek proof ho sakte hain? agar humein knowledge hai ki yeh asatyata ki aag hai aur aag ka sek hota hai to pahle apne ko safe karenge na ki sek mein thoda sa jal bhi jaae to chalega, harja nahin। to sadaiv yeh yaad rakho ki satyata ki nishaani hai sabhyata। agar aap sachche ho,satyata ki shakti aapmen hai to sabhyata ko kabhi nahin chhodenge, satyata ko siddha karo lekin sabhyataapoorna। agar sabhyata ko chhod-kar asabhyata mein aakar ke satya ko siddha karna chaahte ho to woh satya siddha nahin hoga। aap satya ko siddha karna chaahte ho lekin sabhyata ko chhod karke agar satyata ko siddha karenge to jidda ho jaayega। siddha nahin। asabhyata ki nishaani hai jid aur sabhyata ki nishaani hai nirmaan। satyata ko siddha karne vaala sadaiv svayan nirmaan hokar sabhyataapoorvak vyavhaar karega। samjha - doosri hoshiyaari! aise hoshiyaar nahin banna। to yeh bhi homework hai ki aise hoshiyaari ko chhodkar nirmaan bano। bilkool nirmaan। main right hoon,yeh wrong hai yeh nirmaanta nahin hai। duniya vaale bhi kehte hain ki satya ko agar koi siddha karta hai to kuchh na kuchh samaaya hua hai। kai bachchon ki bhaasha ho gai hai main bilkul sach bolta hoon, 100% satya bolta hoon। lekin satya ko siddha karne ki aavashyakta nahin hai। satya aisa soorya hai jo chhip nahin sakta। chaahe kitni bhi deevaaren koi aage laaye lekin satyata ka prakaash kabhi chhip nahin sakta। sachcha aadmi kabhi apne ko yeh nahin kahega ki main sachcha hoon। doosra kahe ki aap sachche ho aur bhi hansi ke baat sunaaen?sunne ka interest achha hai। karne ka bhi hai na?

baapdaada ko ek baat par badi hansi aati hai। vartamaan samay kai bachchon ke samaachaar aate hain? baap ko bhi challenge kar rahe hain ki baapdaada ne kaha hai na ki teachers ko change karenge abhi dekhenge baba kya karta hai? jo kaha hai woh karta hai ya nahin karta hai। baap ne kaha hai to baap par hai। baap kare ya na kare। ya aise challenge karni hai ki kaha hai to karna hi hai। baap ko jo karna hai woh na kiske kahne se karenge। va kiske na kahne se nahin karenge। lekin baap ko bhi challenge ke bahut achhe patra aate hain। jo teachers se naaraaj hai unhon ko yeh chance bada mil gaya hai। kalyaankaari baap har kaarya mein jo bhi karega woh kalyaankaari hi hota hai। yeh bhool jaate hain phir direction ke patra likh rahe hain ki aap zaroor karna, baap ke bhi shikshak bahut ban gaye na to baap apne aise bachchon ko bhi mubaarak dete hain। lekin sada sanyam mein svayan ko aage badhaate chalo। sabhyata poorvak bol,sabhyata poorvak chalan,ismen hi saphalta hoti hai। agar satyata hai aur sabhyata nahin hai to saphalta nahin milti hai। aur saphalta nahin milti to aur josh mein aate hain। aur jab josh mein koi hosh nahin rehta। kya kar rahe hain, kya kah rahe hain woh bhi hosh nahin aata aur jab hosh nahin hota to maaya ko chance mil jaata hai behosh karne ka। isliye agar koi asatya baat dekhte bhi ho,sunte bhi ho to asatya vaayumandal nahin phailaao। kai kehte haink yeh paap karma hai na paap karma dekha nahin jaata aur svayan vaayumandal mein asatyata ki baate phailaana yeh kya hai? isko kya kahenge?punya kar rahe hain na ve,asatya dekha va suna, phir bhi parivaar hai,laukik parivaar mein bhi agar koi aisi baat dekhi jaati hai, suni jaati hai to kya kiya jaata hai?phailaaya jaata hai? akhbaar mein daala jaata hai? ki kaan mein suna aur dil mein chhipaaya। to yeh bhi vyartha baaton ka phailaav karna yeh bhi paap ka ansh hai। yeh chhote-chhote paap jo hote hain woh apni udti kala ke anubhav ko samaapta kar dete hain। kyonki sabse bhaari te bhaari hai paap। agar paap ka ansh bhi hai to udega kaise? bojh vaala udega?aajkal bahut royal bhaasha mein phailaav karte hain। kehte hain yeh naya samaachaar laaya hoon। aap to bahut buddhu ho aapko koi samaachaar ka pata nahin padta। ham dekho knowledgeful hain kitne samaachaar ka pata hai। aise samaachaar sunne vaalon ke oopar bhi paap aur sunaane vaale ke oopar aur jyaada paap। iseelie tapasya varsha mein yeh sookshm paapon ka bojh samaapta ro tab samaan ban sakenge। nahin to sochte hain ki hamne to koi galti ki nahin lekin yeh royal galti bahut karte hain। isko royal samajhte hain। mainne suna to aise hi suna diya। bhaav koi nahin tha mera। lekni result kya hai। phailaana arthaat bojh ke adhikaari banna। to aajkal yeh bhi ek rivaaj ho gaya hai। aapas mein milenge na to pahle to samaachaar sunaayenge,naye naye samaachaar। kahenge kisko sunaana nahin sirf aapko hi suna rahe hain। lekin baap ne to suna। register mein daag to hua ya nahin? isliye is baat ka bhi attention underline karo। aise nahin samjho ki baapdaada ko pata heen nahin padta। daadiyaan to kone mein baithi hain unko kya pata। daadiyon ko nahin pata lekin aapke register mein automatic note ho jaata hai। jab aajkal ke computer mein saara record bhar jaata hai to kya aapke register mein automatic yeh record bhar nahin jaayega। daadiyaan nahin dekhti, aur nahin dekhte lekin register dekh raha hai। to aisa parivartan karo। kyonki baapdaada ne result mein dekha ki tapasya powerful na hone ka kaaran kya hai? sada vijayi banne mein vighna roop kya hai? in vighnon ko svayan se samaapta karo। doosra badle to main badloon, inko change karo to ham change honge,yeh bhaasha yathaartha hai? badon ke aage baat rakhna iske liye sabko hak hai lekin satyata aur sabhyata poorvak।

ab kitne hom work mile। is varsha mein aise koi register mein sookshm daag bhi nahin aane chaahiye। tab baap kahega ki haan baap se pyaar hai,nahin to samajhte hain ki yeh baap ko bhi khush karte hain,apne ko bhi khush karte hain। vyartha samaachaar bilkul samaapta hone chaahiye। yeh ek hobby bahut badhti ja rahi hai। aur yahi tapasya ka vighna hai। har ek samjhe ki is hobby ko svayan mein samaapta karne ki main jimmevaari loon। samjha! doosre kar rahe the, to mainne bhi kar liya, chaar bol rahe the to mainne bhi ek shabd bol diya। to kya yeh right hai?is shauk ko khatma karne ki himmat hai? yeh abhi naya fashion nikla hai brahman kul mein। lekin hai ulta fashion। to iska samaapti samaaroh karne ki himmat hai? jo kehte hain koshish karenge,try try karne vaale haath uthaao। abhi dekhna baapdaada centre ka naam announce karega। is centre par is sthaan par yeh vaataavran hai। yeh pasanda hai ya darenge?yeh dar achha hai, ki hamaara naam nahin aave। dekhna haath uthaaya hai phir dharmaraaj puri mein bhi yeh haath uthega। baap ka saathi dharmaraaj bhi dekh raha hai ki sabhi ne haath uthaaya hai। lekin phaayda kisko। jitna kaayda utna phaayda hai। jo kaayde mein chalte hain unko svayan hi andar hi andar phaayda hota hai। baahar se koi phaayda deve, na deve lekin jo andar ka halkaapan aur andar ki khushi hoti hai woh phaayda sabse jyaada hai। koi achha kahe,na kahe lekin svayan mein achhe banne ki shakti aa jaati hai। samjha! varsha ki result suni,abhi kya karenge? sva parivartan karna। doosre ke parivartan ki chinta nahin karna। isko shubh chintak nahin kaha jaata hai। phir kehte hain ham chinta nahin karte hain,shubh chintak hai na! lekin sva ko bhool doosre ke shubh chintak banna isko shubh chintak nahin kaha jaata hai। sarva ke saath pahle sva hona chaahiye। sva nahin aur sarva ke shubh chintak banne chalo to teer nahin lagega, saphalta nahin milegi। pahle sva aur sva ke saath sarva yahi baapdaada ka bachchon se dil ka pyaar hai। pyaar ki nishaani hai ki pyaar karne vaale ki koi kami dekh nahin sakte। koi kami sun nahin sakenge usko bhi sampanna banaayenge। yeh hai dil ka sachcha pyaar। baapdaada dilvaala hai। isliye dil ka pyaar hai, har ek bachche ko samaan aur shreshtha dekhne chaahte hain। har ek bachche ko saphalta moorta dekhna chaahte hain। mehnat moorta nahin , saphaltaamoorta। achha। aaj to bada doj mila hai। hajam karne ki shakti hai na? ghabra to nahin gaye ki aaj baapdaada ne yeh kya kah diya। achha।

chaaron or ke sada nishchaybuddhi shreshtha aatmaon ko,sada nishchay aur vijay ko samaanta mein laane vaale teevra purushaarthi aatmaon ko,sada svamaan mein rah sva parivartan aur sarva ke parivartan ke yathaartha kalyaan ki bhaavna rakhne vaali aatmaon ko, sada baap ke samaan ban pyaar ka saboot dene vaali aatmaon ko, sada yathaartha roohrihaan kar baaton ko samaapta karne vaali aatmaon ko dilvaala baapdaada ka yaadapyaar aur namaste।

daadiyon se avyakt baapdaada ki mulaakaat

nirvidhna season sampanna hui। saakshi hokar bhinna-bhinna khel dekhne mein maja aata hai na। aur khel ka arth hi hai bhinnata। agar bhinnata nahin ho to khel mein maja nahin। isliye har baat mein achha achha kehte achha bante jaate aur har baat mein achchhaai samaai hui zaroor hoti hai। chaahe saari baat buri ho lekin ek do achchhaai bhi zaroor hoti hai। woh achha hi paath padhaati hai। doosre ka aavesh ho, doosra aavesh kar raha ho lekin aap kya paath padh rahi ho? jitna woh aavesh karta utna hi woh baat aapko dheeraj sikhaati hai। sahansheelta sikhaati hai। isliye kehte hain jo ho raha hai woh achda aur jo hona hai woh aur achha। achchhaai uthaane ki sirf buddhi chaahiye bas। buraai ko na dekh achchhaai utha len। isse hi number milte hain na। achha।

avyakt baapdaada ki personal mulaakaat

apne ko gyaan soorya ke bachche master gyaan soorya samajhte ho? soorya ka kaarya kya hota hai? andhakaar mitaana, prakaash dena। aise hi aap sabhi bhi agyaan andhera mitaane vaale ho na। kabhi svayan bhi andhiyaare mein to nahin aa jaate? svayan se andhiyaara samaapta ho gaya। svayan bhi aatma jyoti arthaat prakaash swaroop hai aur kaarya bhi hai prakaash phailaana। andhakaar mein manushya aatmaaen bhatakti hain - yahaan jaaen, vahaan jaaen, yeh raasta theek hai,yeh sthaan theek hai va nahin hai, bhatakte rahenge aur roshni mein second mein thikaana dikhaai dega। to sabhi ko roshni dvaara apna niji thikaana dikhaane ke nimitta ho। bhatakti hui aatmaon ko thikaana dene vaale। agar koi bahut samay bhatakta rahe aur usko koi dvaara thikaana mil jaaye to thikaana dikhaane vaale ko kitni duaaen dega! to aap bhi jab aatmaon ko roshni dvaara thikaana dikhaate ho, dikhaane ka anubhav karaate ho to aatmaon dvaara kitni duaaen nikalti hain aur jisko duaaen milti hain woh sada aage badhta jaata hai। uski har baat mein progress hoti hai kyonki duaaen lift ka kaam karti hain। sada sahaj aage badhte jaayenge। mehnat nahin karni padegi। isliye bhakti maarga mein bhi jab bhatakte-bhatakte thak jaate hain to baap ko kehte hain - abhi koi dua karo,kripa karo। to anek aatmaon ki duaaen aap aatmaon ko sahat udti kala ka anubhav karaayengi। ek baap ki duaaen aur aatmaon ki bhi duaaen milti hain। maa-baap bachchon ko duaaen karte hain - udte raho,badhte raho। lekin duaaen lene vaale paatra hone chaahiye। baap sabhi ko deta hai lekin lene vaale paatra hain to anubhav karte hain aur paatra nahin hai to daata deta hai lekin lene vaala nahin leta। paatra banne ka aadhaar hai svachchha buddhi। svachchha man aur svachchha buddhi। jiski svachchha buddhi svachchha man hai woh har samay baap ki,aatmaon ki duaaen svatah hi anubhav karte hain। laukik duniya mein bhi dekho agar koi aise samay kisko sahaara deta hai,mushkil ke samay aadhaar ban jaata hai to mukh se duaaen nikalti hain na - tum sada jeete raho, tum sada jeevan mein saphal raho, yeh duaaen zaroor nikalti hain। to apne se poochho ki baap ki duaaen,aatmaon ki duaaen anubhav hoti hai ya mehnat bahut karni padti hai?bahut sahaj vidhi hai - duaaen lete jaao aur sada bharpoor raho। kyonki jise duaaen milti hain woh sada bharpoor hoga, kabhi apne ko khaali nahin samjhega। to sabhi bharpoor ho ya ki kabhi-kabhi khaali ho jaate ho? aise nahin, yahaan se bharpoor hokar jaao aur vahaan jaao to khaali ho jaao। 63janma khaali hue abhi is samay bharpoor ho rahe hain। to bharpoor hone ke samay khaali nahin hona। bharte jaao। bhare hue mein bharo। khaali hokar nahin bharo। abhi khaali hon ka samay samaapta hua।

sabhi khush rehte ho? kaisi bhi paristhiti aa jaae, kitna bhi bada vighna aa jaae lekin khushi nahin jaae। vighna aata hai to chala jaayega। lekin apni cheez kyon chali jaae। woh aaya,woh jaae। apni cheez to nahin jaae na। aane vaala jaayega ya rahne vaala bhi chala jaayega?to khushi apni cheez hai। baap ka varsa hai na khushi। to vighna aata aur chala jaata hai। jab bhi vighna aaye na to yeh socho yeh aaya hai chale jaane ke liye। koi ghar ka mehmaan aata hai to aise nahin,mehmaan hokar aaya aur saari cheejen lekar jaaye। dhyaan rakhenge na। to vidhna aaya aur chala jaayega। lekin aapki khushi to nahin le jaaye। yada khushi saath rahe। baap hai arthaat khushi hai। agar paap hai to khushi nahin, baap hai to khushi hai। to sada khush raho। har ek samjhe ki main khush rahne vaala hoon। khush rahne vaale ko dekh doosra bhi khush ho jaata hai। rone vaale ko dekhenge to doosre ko bhi rona aa jaata hai। achha।