शुक्रवार 26 मार्च 1993 की अव्यक्त मुरली

>

26-03-93 om shanti avyakt baapdaadaamdhuban

avyakt varsha mein lakshya aur lakshan ko samaan banaao

aaj niraakaari aur aakaari baapdaada sarvashreshtha brahman aatmaon ko aakaar roop se aur saakaar roop se dekh rahe hain। saakaar roop vaali aap sabhi aatmaayen bhi baap ke sammukh ho aur aakaari roopdhaari bachche bhi sammukh hain। donon ko baapdaada dekh harshit ho rahe hain। sabhi ke dil mein ek hi sankalp hai,umang hai ki-ham sabhi baap samaan saakaari so aakaari aur aakaari so niraakaari baap samaan banen। baapdaada sabhi ke is lakshya aur lakshan ko dekh rahe hain। kya dikhaai diya?

majority ka lakshya bahut achha dridh hai lekin lakshan kabhi dridh hain,kabhi saadhaaran hain। lakshya aur lakshan mein samaanta aana-yeh nishaani hai samaan banne ki। lakshya dhaaran karne mein 99% bhi koi hain, baaki nambarvaar hain। lekin sada, sahaj aur natural nature mein lakshan dhaaran karne mein kahaan tak hain-ismen minority 90% tak hain, baaki aur nambarvaar hain। to lakshya aur lakshan mein aur lakshan ko bhi natural aur nature banaane mein antar kyon hai? samay pramaan, circumstance pramaan, samasya pramaan kai bachche purooshaartha dvaara apne lakshya aur lakshan ko samaan bhi banaate hain। lekin yeh natural aur nature ho jaaye,usmein abhi aur attention chaahiye। yeh varsha avyakt pharishta sthiti mein sthit rahne ka mana rahe ho। yeh dekh baapdaada bachchon ke pyaar aur purooshaartha-donon ko dekh-dekh khush hote hain, ‘‘vaah bachche,vaah’’ ka geet bhi gaate hain। saath-saath abhi aur aage sarva bachchon ke lakshya aur lakshan mein samaanta dekhna chaahte hain। aap sab bhi yahi chaahte ho na। baap bhi chaahte,aap bhi chaahte-phir beech mein baaki kya hai? woh bhi achhi tarah se jaante ho। aapas mein workshop karte ho na!

baapdaada ne lakshya aur lakshan mein antar hone ki vishesh ek hi baat dekhi। chaahe aakaari pharishta, chaahe niraakaari nirantar, natural nature ho jaaye-iska mool aadhaar hai nirhankaari banna। ahankaar anek prakaar ka hai। sabse vishesh kahne mein bhal ek shabd ‘deh-abhimaan’hai lekin deh-abhimaan ka vistaar bahut hai। ek hai mote roop mein deh-abhimaan,jo kai bachchon mein nahin bhi hai। chaahe svayan ki deh, chaahe auron ki deh-agar auron ki deh ka bhi aakarshan hai, vo bhi deh-abhimaan hai। kai bachche is mote roop mein paas hain,mote roop se deh ke aakaar mein lagaav va abhimaan nahin hai। parantu iske saath-saath deh ke sambandh se apne sanskaar vishesh hain, buddhi vishesh hai, gun vishesh hain, koi kalaayen vishesh hain, koi shakti vishesh hai-uska abhimaan arthaat ahankaar,nasha, rob-ye sookshm deh-abhimaan hai। agar in sookshm abhimaan mein se koi bhi abhimaan hai to na aakaari pharishta natural-nirantar ban sakte, na niraakaari ban sakte। kyonki aakaari pharishte mein bhi dehbhaan nahin hai, double light hai। deh-ahankaar niraakaari banne nahin dega। sabhi ne is varsha attention achha rakha hai,umang-utsaah bhi hai, chaahna bhi bahut achhi hai, chaahte bhi hain lekin aage aur attention please! check karo-’’kisi bhi prakaar ka abhimaan va ahankaar natural swaroop se purushaarthi swaroop to nahin bana deta hai? koi bhi sookshm abhimaan ansh roop mein bhi raha hua to nahin hai jo samay pramaan aur kahaan seva pramaan bhi emerge ho jaata hai?’’ kyonki ansh-maatra hi samay par dhokha dene vaala hai। isliye is varsha mein jo lakshya rakha hai, baapdaada yahi chaahte hain ki lakshya sampanna hona hi hai।

chalte-chalte koi vishesh sthool roop mein-us din,us samay-koi bhool bhi nahin karte ho lekin kabhi-kabhi ye anubhav karte ho na ki-’’aaj va abhi naamaaloom kya hai jo jaisi khushi honi chaahiye vaisi nahin hai,na-maaloom aaj akelaapan va niraasha va vyartha sankalpon ka achaanak toofaan kyon aa raha hai! amritvela bhi kiya, class bhi kiya, seva bhi, job bhi kiya-parantu ye kyon ho raha hai?’’ kaaran kya hota hai?mote roop ko to check kar lete ho aur usmein samajhte ho ki koi galti nahin hui। lekin sookshm abhimaan ke swaroop ka ansh sookshm mein prakat hota hai। isliye koi bhi kaam mein dil nahin lagegi, vairaagya,udaas-udaas feel hoga। ya to sochenge-koi ekaanta ke sthaan par chale jaayen, ya sochenge-so jaayen, rest mein chale jaayen ya parivaar se kinaara kar len thode time ke liye। in sab sthitiyon ka kaaran ansh ki kamaal hoti hai। kamaal nahin kaho, dhamaal hi kaho। to sampoorn nirhankaari banna arthaat aakaari-niraakaari sahaj banna। jaise kabhi-kabhi dil nahin hoti ki kya sada ek hi dincharya mein chalna hai, change to chaahiye na?na chaahte bhi yeh sthiti aa jaati hai।

jab nirhankaari ban jaayenge to aakaari aur niraakaari sthiti se neeche aane ki dil nahin hogi। usi mein hi lavleen anubhav karenge। kyonki aapki oreejinal anaadi stage to niraakaari hai na। niraakaar aatma ne is shareer mein pravesh kiya hai। shareer ne aatma mein nahin pravesh kiya, aatma ne shareer mein pravesh kiya। to anaadi oreejinal swaroop to niraakaari hai na। ki shareerdhaari hai?shareer ka aadhaar liya lekin liya kisne? aap aatma ne, niraakaar ne saakaar shareer ka aadhaar liya। to oreejinal kya hua-aatma ya shareer? aatma। ye pakka hai?to oreejinal sthiti mein sthit hona sahaj ya aadhaar lene vaali sthiti mein sahaj?

ahankaar aane ka darvaaja ek shabd hai,vo kaunsa? ‘main’। to yeh abhyaas karo-jab bhi ‘main’shabd aata hai to oreejinal swaroop saamne laao-’main’kaun? main aatma ya phalaana-phalaani?auron ko gyaan dete ho na-’main’shabd hi udaane vaala hai, ‘main’ shabd hi neeche le aane vaala hai। ‘main’ kahne se oreejinal niraakaar swaroop yaad aa jaaye, ye natural ho jaaye to yeh pahla paath sahaj hai na। to isi ko check karo,aadat daalo-’main’ socha aur niraakaari swaroop smriti mein aa jaaye। kitni baar ‘main’shabd kehte ho! mainne yeh kaha, ‘main’yeh karoongi, ‘main’ yeh sochti hoon…-anek baar ‘main’shabd use karte ho। to sahaj vidhi yeh hai niraakaari va aakaari banne ki-jab bhi ‘main’shabd use karo, phauran apna niraakaari oreejinal swaroop saamne aaye। ye mushkil hai va sahaj hai? phir to lakshya aur lakshan samaan hua hi pada hai। sirf yeh yukti-nirhankaari banaane ka sahaj saadhan apnaakar ke dekho। yeh dehbhaan ka ‘main’ samaapta ho jaaye। kyonki ‘main’shabd hi deh-ahankaar mein laata hai aur agar ‘main’niraakaari aatma swaroop hoon- yeh smriti mein laayenge to yeh ‘main’shabd hi deh-bhaan se pare le jaayega। theek hai na। saare din mein 25-30baar to zaroor kehte honge। bolte nahin hon to sochte to honge-’main’yeh karoongi,mujhe yeh karna hai…। plan bhi banaate ho to sochte ho na। to itne baar ka abhyaas, aatma swaroop ki smriti kya bana degi? niraakaari। niraakaari ban,aakaari pharishta ban kaarya kiya aur phir niraakaari! karma-sambandh ke swaroop se sambandh mein aao, sambandh ko bandhan mein nahin laao। deh-abhimaan mein aana arthaat karma-bandhan mein aana। deh sambandh mein aana arthaat karma-sambandh mein aana। donon mein antar hai। deh ka aadhaar lena aur deh ke vash hona-donon mein antar hai। pharishta va niraakaari aatma deh ka aadhaar lekar deh ke bandhan mein nahin aayegi, sambandh rakhegi lekin bandhan mein nahin aayegi। to baapdaada phir isi varsha mein result dekhenge ki nirhankaari,aakaari pharishte aur niraakaari sthiti mein-lakshya aur lakshan kitne samaan hue?

mahaanta ki nishaani hai nirmaanta। jitna nirmaan utna sabke dil mein mahaan svatah hi banenge। bina nirmaanta ke sarva ke master sukhdaata ban nahin sakte। nirmaanta nirhankaari sahaj banaati hai। nirmaanta ka beej mahaanta ka phal svatah hi praapta karaata hai। nirmaanta sabke dil mein duaayen praapta karaane ka sahaj saadhan hai। nirmaanta sabke man mein nirmaan aatma ke prati sahaj pyaar ka sthaan bana deti hai। nirmaanta mahima yogya svatah hi banaati hai। to nirhankaari banne ki vishesh nishaani hai- nirmaanta। vritti mein bhi nirmaanta,drishti mein bhi nirmaanta,vaani mein bhi nirmaanta,sambandh-samparka mein bhi nirmaanta। aise nahin ki meri vritti mein nahin tha lekin bol nikal gaya। nahin। jo vritti hogi vo drishti hogi, jo drishti hogi vo vaani hogi,jo vaani hogi vahi sambandh-samparka mein aayega। chaaron mein hi chaahiye। teen mein hai, ek mein nahin hai-to bhi ahankaar aane ki margin hai। isko kaha jaata hai pharishta। to samjha, baap-daada kya chaahte hain aur aap kya chaahte ho? ‘chaahna’ donon ki ek hai, abhi‘karna’bhi ek karo। achha!

aage seva ke naye-naye plan kya banaayenge?kuchh banaaya hai, kuchh banaayenge। chaahe yeh varsha,chaahe aage ka varsha-jaise aur plan sochte ho ki bhaashan bhi karenge, sambandh-samparka bhi badhaayenge,bade programme bhi karenge, chhote programme bhi karenge-ye to sochte hi ho lekin varta-maan samay ke gati pramaan abhi seva ki bhi fast gati chaahiye। vo kaise hogi? vaani dvaara,sambandh-samparka dvaara to seva kar hi rahe ho, mansa-seva bhi karte ho lekin abhi chaahiye-thode samay mein seva ki saphalta jyaada ho। saphalta arthaat result। uski vidhi hai ki vaani ke saath-saath pahle apni sthiti aur sthaan ke vibrations powerful banaao। jaise aapke jad chitra kya seva kar rahe hain? vibrations dvaara kitne bhakton ko prasanna karte hain! double videshiyon ne mandir dekhe hain? aapke hi to mandir hain na! ki sirf bhaarat vaalon ke mandir hain?aapke chitra seva kar rahe hain na! to vaani dvaara bhal karo lekin abhi aisi planning karo,vaani ke saath-saath vibration ki aisi vidhi banaao jo vaani aur vibration double kaam kare। vibration bahutkaal rehta hai। vaani se suna hua kabhi-kabhi kaiyon ko bhool bhi jaata hai lekin vibration ki chhaap jyaada samay chalti hai। jaise-aap log apne jeevan mein anubhvi ho ki koi ka ulta vibration agar aapke man mein ya buddhi mein baith jaata hai, to ulta kitna samay chalta hai! vibration andar baith jaata hai na। aur bol to usi samay bhool jaayega lekin vibration ke roop mein man aur buddhi mein chhaap lag jaati hai। aur kitna samay usi vibration ke vash, us vyakti se vyavhaar mein aate ho? chaahe ulta ho, chaahe sulta ho lekin vibration mushkil se mitta hai।

lekin yeh roohaani vibrations phailaane ke liye pahle apne man mein, buddhi mein vyartha vibrations samaapta karenge tab roohaani vibration phaila sakenge। kisi ke bhi prati agar vyartha vibrations dhaaran kiye hue hain to roohaani vibrations nahin phaila sakte। vyartha vibration roohaani vibration ke aage ek deevaar ban jaati hai। chaahe soorya kitna bhi prakaashmay ho,agar saamne deevaar aa gai,baadal aa gaye-to soorya ke prakaash ko prajjvalit hone nahin dete। jo pakka vibration hai-vo hai deevaar aur jo halke vibration hain-vo hai halke baadal ya kaale baadal। vo roohaani vibrations ko aatmaon tak pahunchne nahin denge। jaise saagar mein koi jaal daalkar anek cheejon ko ek hi baar ikaththa vra dete hain ya kahaan bhi apni jaal phailaakar ek samay par anekon ko apna bana lete hain, to vibrations ek hi samay par anek aatmaon ko aakarshit kar sakte hain। vibrations vaayumandal banaate hain। to aage ki seva mein vritti dvaara roohaani vibration se saath-saath seva karo, tabhi fast hogi। vibration aur vaayumandal ke saath-saath vaani ki bhi seva karenge to ek hi samay par anek aatmaon ka kalyaan kar sakte ho।

baaki programmes ke liye aage bhi bani banaai stage ka prayog aur jyaada karo,usko aur badhaao। samparka vaalon dvaara yeh sahayog lekar is seva ko vriddhi ko praapta kar sakte hain। sahayogiyon ka sahayog kisi bhi vidhi se badhaate chalo to svatah hi seva mein sah-yogi banne se sahaj yogi ban jaayenge। kai aisi aatmaayen hoti hain jo seedha sahajyogi nahin banengi lekin sahayog lete jaao, sah-yogi banaate jaao। to sahayog mein aage badhte-badhte sahayog unhon ko yogi bana deta hai। to sahayogi aatmaon ko aur stage par laao,unhon ka sahayog saphal karo। samjha, kya karna hai?koi ek aatma bhi sahayogi banti hai to woh aatma practical mein sahayog lene se, dene se, pratyaksha duaaon se sahaj aage badhti hai aur anekon ki seva ke nimitta banti hai।

saath-saath varsha mein maas mukar karo-kuchh maas vishesh svayan ke purooshaartha va shreshtha shakti dhaaran karne ke abhyaas ke,jisko aap tapasya, retreat ya bhatthiyaan kehte ho। harek desh ke pramaan do-do maas fix karo, jaisi season ho। do maas tapasya ke, do maas chhoti-chhoti sevaaon ke, do maas bade roop ki sevaaon ke- aise fix karo। aise nahin ki 12 maas seva mein itne busy ho jaao jo sva ki pragti ke liye time kam mile। jaisa desh ka season ho, kai samay aise hote hain jismen baahar ki vishesh seva nahin kar sakte, vo samay apne pragti ke prati vishesh roop se rakho। saara saal seva nahin karo-yeh bhi nahin ho sakta, saara saal sirf tapasya karo-yeh bhi nahin ho sakta। isliye donon ko saath-saath lakshya mein rakhte hue apne sthaan ke pramaan mukar karo jismen seva aur sva ki pragti-donon saath-saath chalen।

achha,is varsha ki season ki samaapti hai। samaapti mein kya kiya jaata hai?samaapti mein ek to samaaroh kiya jaata hai aur doosra aadhyaatmik baaton mein svaaha kiya jaata hai। to samaaroh to kal mana liya hai। (kal 10 saal se puraane double videshi bhaai-bahnon ki ceremony manaai gai thi) dekhne vaalon ne bhi manaaya ya sirf baithne vaalon ne, sirf das varsha vaalon ne manaaya? sabhi ne manaaya na! abhi svaaha kya karenge?ek baat vishesh man-buddhi se svaaha karo,vaani se nahin, sirf padh liya woh nahin, man-buddhi se svaaha karo। phir dekho,sva aur seva mein teevra gati kaise hoti hai! to aaj ki lahar hai-kisi bhi aatma ke prati vyartha vibration ko svaaha karo। svaaha kar sakte ho? ki thoda-thoda rahega? aise nahin samjho ki yeh hai hi aisa to vibration to rahega na! kaisa bhi ho lekin aap naigetiv vibration ko badal positive vibration rakhenge to woh aatma bhi naigetiv se positive mein aa hi jaayegi, aani hi hai। kyonki jab tak yeh vyartha vibration man-buddhi mein hai, to fast gati ki seva ho hi nahin sakti।

vritti dvaara roohaani vibrations phailaane hain। vritti hai rocket, jo yahaan baithe-baithe jahaan bhi chaaho,jitna bhi powerful parivartan karne chaaho woh kar sakte ho। yeh roohaani rocket hai। jahaan tak jitnon ko pahunchaane chaaho, utna powerful vritti se vibration,vibration se vaayumandal bana sakte ho। chaahe vo real mein wrong bhi ho lekin aap uska wrong dhaaran nahin karo। wrong ko aap kyon dhaaran karte ho? ye shreemat hai kya? samajhna alag cheej hai। knowledgeful bhale bano lekin knowledgeful ke saath powerful bankar ke usko samaapta kar do। samajhna alag cheej hai, samaana alag cheej hai,samaapta karna aur alag cheej hai। bhal samajhte ho-ye wrong hai,ye right hai,ye aisa hai। lekin andar woh samaao nahin। samaana aata hai,samaapta karna nahin aata hai। gyaan arthaat samajh। lekin samajhdaar usko kaha jaata hai jisko samajhna bhi aata ho aur mitaana bhi aata ho, parivartan karna bhi aata ho।

is varsha mein man aur buddhi ko bilkul vyartha se free karo। yahi fast gati ko saadhaaran gati mein le aati hai। isliye ye samaapti samaaroh karo arthaat svaaha karo। bilkul clean। kaisa bhi hai, lekin kshama karo। shubh bhaavna, shubh kaamna ke vritti se shubh vibrations dhaaran karo। kyonki last mein aage badhte hue yahi vritti-vibration aapki seva badhaayegi, tab jaldi se jaldi kam se kam 9 laakh bana sakenge। samjha, kya svaaha karna hai? vyartha vritti, vyartha vibration svaaha! phir dekho, natural yogi aur nature mein pharishta bane hi hue hain। is anubhav par retreat karo,workshop karo-’’kaise hoga, nahin;aise hoga।’’achha!

anek bachchon ke desh-videsh se apne vijay ke,purooshaartha ke aur sneh ke aur bhinna-bhinna utsav ke prati patra,card bhi bahut aaye hain aur sneh ki saugaat bhi bahut aai hain। jis sneh se sabhi bachchon ne yaad,pyaar,saugta bheji hai, baapdaada ne un har ek bachche ki yaad,pyaar va saugaat padma guna sneh sampanna sveekaar ki। baapdaada ke paas sabke man ke sankalp aur dil ke pyaar ki diliyaan sab pahunch gai। isliye messenger bankar laaye ho to phir ye yaad,pyaar ka return, sandesh sandeshi bankar ke sabko dena। baapdaada jaante hain ki sabhi bachche door baithe bhi dil ke sameep hain aur jo sahayog adhikaar ke roop se bachche baap se maangate hain ya kehte hain,to adhikaari bachchon ko sahayog ka adhikaar praapta hai aur ant tak praapta hona hi hai। chaahe sammukh ho, chaahe door baithe sammukh hain- sabhi bachchon ko baap ka sneh, sahayog,sarva shaktiyon ka adhikaar avashya praapta hai। isliye kabhi bhi koi na kamjor banna,na dil-shikasta banna, na purooshaartha mein saadhaaran purushaarthi banna। baap combined hai,isliye umang-utsaah se badhte chalo। kamjori, dilshi-kastapan baap ke havaale kar do, apne paas nahin rakho। apne paas sirf umang-utsaah rakho। jo kaam ki cheej nahin hai vo kyon rakhte ho! isliye sada umang-utsaah mein naachte raho,gaate raho aur brahma bhojan karte raho। sada pharishta arthaat deh-bhaan se nyaara, nirhankaari,deh-ahankaar ke rishte se nyaara aur baap ka pyaara।

sada svayan ko baar-baar oreejinal swaroop ‘main niraakaari hoon’-aise nishchay aur nashe mein udne vaale, sada nirmaanta dvaara mahaanta ki praapti ke anubhvi aatmaayen, aise nirmaan, sada mahaan aur sada aakaari niraakaari sthiti ko nature aur natural banaane vaale sarva shreshtha aatmaon ko baapdaada ka bahut-bahut-bahut yaad, pyaar aur namaste।

madhuban nivaasiyon ko seva ki mubaarak dete hue baapdaada bole -

achha,vishesh madhuban nivaasiyon ko bahut-bahut mubaarak ho। saara season apni madhurta aur athak seva se sarva ki seva ke nimitta bane। to sabse pahle saari season mein nimitta sevaadhaari vishesh madhuban nivaasiyon ko bahut-bahut mubaarak। madhuban hai hi madhu arthaat madhurta। to madhurta sarva ko baap ke sneh mein laati hai। isliye chaahe haal mein ho,chaahe chale gaye ho lekin sabhi ko vishesh ek-ek department ko baapdaada vishesh mubaarak seva ki de rahe hain aur ‘‘sada athak bhav,madhur bhav’’ ke vardaanon se badhte, udte chalo।

avyakt baapdaada ki personal mulaakaat

group nan.1

albelaapan kamjori laata hai, isliye alert raho

sabhi sangamayugi shreshtha aatmaayen ho na! sangamayug ki visheshta kya hai jo kisi bhi yug mein nahin hai?sangamayug ki visheshta hai-ek to pratyaksha phal milta hai aur ek ka padma guna praapti ka anubhav isi janma mein hi hota hai। pratyaksha phal milta hai na। agar ek second bhi himmat rakhte ho to madad kitne samay tak milti rehti hai! kisi ek ki bhi seva karte ho to khushi kitni milti hai! to ek ki padma guna praapti arthaat pratyakshaphal is sangam par milta hai। to taaja fruit khaana achha lagta hai na। to aap sabhi pratyaksha phal arthaat taaja phal khaane vaale ho, iseelie shaktishaali ho। kamjor to nahin hain na। sab powerful hain। kamjori ko aane nahin dena। jab tandaroosta hote hain tab kamjori svatah khatma ho jaati hai। sarvashaktivaan baap dvaara sada shakti milti rehti hai,to kamjor kaise honge। kamjori aa sakti hai? kabhi galti se aa jaati hai? jab kumbhakran ki neend mein albele hokar so jaate ho tab aa sakti hai, nahin to nahin aa sakti hai। aap to alert ho na। albele ho kya? sabhi alert hain? sada alert hain? sangam-yug mein baap mila sab-kuchh mila। to alert hi rahenge na। jisko bahut praaptiyaan hoti rehti hain vo kitna alert rehte hain! rivaaji businessman ko business mein praaptiyaan hoti rehti hain to albela hoga ya alert hoga? to aapko ek second mein kitna milta hai! to albele kaise honge?baap ne sarva shaktiyaan de deen। jab sarva shaktiyaan saath hain to albelaapan nahin aa sakta hai। sada hoshi-yaar,sada khabardaar raho!

yu.ke. ko to baapdaada kehte hi hain O.ke.। to jo O.ke. hoga woh jab alert hoga tab to O.ke. hoga na। foundation powerful hai,isliye jo bhi taal-taaliyaan nikli hain woh bhi shaktishaali hain। vishesh baapdaada ne-brahma baap ne apne dil se london ka pahla foundation daala hai। brahma baap ka vishesh laadla hai। to aap pratyaksha phal ke sada adhikaari aatmaayen ho। karma karne ke pahle phal taiyaar hai hi। aise hi lagta hai na। ya mehnat lagti hai? naachte-gaate phal khaate rehte ho। vaise bhi double videshiyon ko phal achha lagta hai na। baapdaada bhi yu.ke. arthaat sada O.ke. rahne vaale bachchon ko dekh harshit hote hain। apna yeh title sada yaad rakhna-O.ke.। yeh kitna badhiya title hai! sabhi sada O.ke. rahne vaale aur auron ko bhi apne chehre se,vaani se,vritti se O.ke. banaane vaale। yahi seva karni hai na! achha hai। seva ka shauk bhi achha hai। jo bhi jahaan se bhi aaye ho lekin sabhi teevra purushaarthi aur udti kala vaale ho। sabse jyaada khush kaun rehta hai?nashe se kaho-main! sivaae khushi ke aur hai hi kya!‘khushi’ brahman jeevan ki khuraak hai। khuraak ke bina kaise chalenge। chal rahe ho, to khuraak hai tabhi to chal rahe ho na। sthaan bhi badh rahe hain। dekho, pahle teen pair prithvi lena badi baat lagti thi aur abhi kya lagta hai?sahaj lagta hai na। to london ne kamaal ki hai na। (abhi 50acre jameen mili hai) himmat dilaane vaale bhi achhe hain aur himmat rakhne vaale bhi achhe hain। dekho, aap sabki anguli nahin hoti to kaise hota। to sabhi yu.ke. vaale lucky hain aur anguli dene mein bahaadur hain।

group nan.2

apni sarva jimmevaariyaan baap ko dekar bephikra baadshaah bano

sada apne ko bephikra baadshaah anubhav karte ho? ya thoda-thoda phikra hai? kyonki jab baap ne aapki jimmevaari le li, to jimmevaari ka phikra kyon? abhi sirf responsibility hai baap ke saath-saath chalte rahne ki। woh bhi baap ke saath-saath hai,akele nahin। to kya phikra hai? kal kya hoga-ye phikra hai? job ka phikra hai?duniya mein kya hoga- ye phikra hai? kyonki jaante ho ki-hamaare liye jo bhi hoga achha hoga। nishchay hai na। pakka nishchay hai ya hilta hai kabhi ? jahaan nishchay pakka hai, vahaan nishchay ke saath vijay bhi nishchit hai। ye bhi nishchay hai na ki vijay hui padi hai। ya kabhi sochte ho ki pata nahin hogi ya nahin?kyonki kalpa-kalpa ke vijayi hain aur sada rahenge-ye apna yaadgaar kalpa pahle vaala abhi phir se dekh rahe ho। itna nishchay hai na ki kalpa-kalpa ke vijayi hain। itna nishchay hai? kalpa pahle bhi aap hi the ya doosre the? to sada yahi yaad rakhna ki ham nishchaybuddhi vijayi ratna hain। aise ratna ho jin ratnon ko baapdaada bhi yaad karte hain। ye khushi hai na?bahut mauj mein rehte ho na। is alaukik divya shreshtha janma ki aur apne madhuban ghar mein pahunchne ki mubaarak।

group nan.3

baap aur aap - aise combined raho jo kabhi koi alag na kar sake

sabhi apne ko sada baap aur aap combined hain-aisa anubhav karte ho? jo combined hota hai use kabhi bhi, koi bhi alag nahin kar sakta। aap anek baar combined rahe ho, abhi bhi ho aur aage bhi sada rahenge। ye pakka hai? to itna pakka combined rehna। to sadaiv smriti rakho ki-combined the, combined hain aur combined rahenge। koi ki taakat nahin jo anek baar ke kamba-inda swaroop ko alag kar sake। to pyaar ki nishaani kya hoti hai? (combined rehna) kyonki shareer se to majboori mein bhi kahaan-kahaan alag rehna padta hai। pyaar bhi ho lekin majboori se kahaan alag rehna bhi padta hai। lekin yahaan to shareer ki baat hi nahin। ek second mein kahaan se kahaan pahunch sakte ho! aatma aur paramatma ka saath hai। paramatma to kahaan bhi saath nibhaata hai aur har ek se combined roop se preet ki reeti nibhaane vaale hain। harek kya kahenge-mera baba hai। ya kahenge-tera baba hai? harek kahega-mera baba hai! to mera kyon kehte ho? adhikaar hai tab hi to kehte ho। pyaar bhi hai aur adhikaar bhi hai। jahaan pyaar hota hai vahaan adhikaar bhi hota hai। adhikaar ka nasha hai na। kitna bada adhikaar mila hai! itna bada adhikaar satayug mein bhi nahin milega! kisi janma mein parmaatma-adhikaar nahin milta। praapti yahaan hai। praalabdha satayug mein hai lekin praapti ka samay abhi hai। to jis samay praapti hoti hai us samay kitni khushi hoti hai! praapta ho gaya-phir to common baat ho jaati hai। lekin jab praapta ho raha hai, us samay ka nasha aur khushi alaukik hoti hai! to kitni khushi aur nasha hai! kyonki dene vaala bhi behad ka hai। to daata bhi behad ka hai aur milta bhi behad ka hai। to maalik kiske ho-had ke ya behad ke? teenon lok apne bana diye hain। mool vatan, sookshm vatan hamaara ghar hai aur sthool vatan mein to hamaara raajya aane vaala hi hai। teenon lokon ke adhikaari ban gaye! to kya kahenge- adhikaari aatmaayen। koi apraapti hai?to kya geet gaate ho? (paana tha woh pa liya) paana tha woh pa liya, abhi kuchh paane ko nahin raha। to ye geet gaate ho? ya koi apraapti hai-paisa chaahiye,makaan chaahiye! neta ki kursi chaahiye?kuchh nahin chaahiye। kyonki kursi hogi to bhi ek janma ka bhi bharosa nahin aur aapko kitni guarantee hai? 21 janma ki guarantee hai। guarantee-card maaya to chori nahin kar leti hai? jaise yahaan passport kho lete hain to kitni mushkil ho jaati hai! to guarantee-card maaya to nahin le leti hai?chhupa-chhupi karti hai। phir aap kya karte ho? lekin aise shaktishaali bano jo maaya ki himmat nahin।

group nan.4

trikaaldarshi ban bankar har karma karo

sabhi apne ko takhtansheen aatmaayen anubhav karte ho?abhi takhta mila hai ya bhavishya mein milna hai, kya kahenge? sabhi takhta par baithenge? (diltakhta bahut bada hai) diltakhta to bada hai lekin satayug ke takhta par ek samay mein kitne baithenge? takhta par bhale koi baithe lekin takhta adhikaari royal family mein to aayenge na। takhta par ikatthe to nahin baith sakenge! is samay sabhi takhtansheen hain। isliye is janma ka mahatva hai। jitne chaahen, jo chaahen diltakhtansheen ban sakte hain। is samay aur koi takhta hai? kaunsa hai? (akaaltakhta) aap avinaashi aatma ka takhta ye bhrikuti hai। to bhrikuti ke takhtansheen bhi ho aur diltakhtansheen bhi ho। double takhta hai na! nasha hai ki main aatma bhrikuti ke akaaltakhtansheen hoon! takhtansheen aatma ka sva par raajya hai,iseelie svaraajya adhikaari hain। svaraajya adhikaari hoon-yeh smriti sahaj hi baap dvaara sarva praapti ka anubhav karaayegi। to teenon hi takhta ki knowledge hai। knowledgeful ho na! powerful bhi ho ya sirf knowledgeful ho?jitne knowledgeful ho,utne hi powerful ho। ya knowledge-full adhik, powerful kam? knowledge mein jyaada hoshiyaar ho! knowledgeful aur powerful-donon hi saath-saath। to teenon takhta ki smriti sada rahe।

gyaan mein teen ka mahatva hai। trikaaldarshi bhi bante hain। teenon kaal ko jaante ho। ya sirf vartamaan ko jaante ho?koi bhi karma karte ho to trikaaldarshi bankar karma karte ho ya sirf ekdarshi bankar karma karte ho?kya ho-ek darshi ya trikaaldarshi?to kal kya hone vaala hai-woh jaante ho? kaho-ham yeh jaante hain ki kal jo hoga woh bahut achha hoga। ye to jaante ho na! to trikaaldarshi hue na। jo ho gaya vo bhi achha, jo ho raha hai woh aur achha aur jo hone vaala hai woh aur bahut achha! yeh nishchay hai na ki achhe se achha hona hai,bura nahin ho sakta। kyon? achhe se achha baap mila, achhe se achhe aap bane, achhe se achhe karma kar rahe ho। to sab achha hai na। ki thoda bura, thoda achha hai? jab maaloom pad gaya ki main shreshtha aatma hoon, to shreshtha aatma ka sankalp, bol,karma achha hoga na! to yeh sada smriti rakho ki-kalyaankaari baap mila to sada kalyaan hi kalyaan hai। baap ko kehte hi hain vishwa-kalyaankaari aur aap master vishwa-kalyaankaari ho! to jo vishwa ka kalyaan karne vaala hai uska akalyaan ho hi nahin sakta। isliye yeh nishchay rakho ki har samay,har kaarya,har sankalp kalyaankaari hai। sangamayug ko bhi naam dete hain-kalyaankaari yug। to akalyaan nahin ho sakta। to kya yaad rakhenge? jo ho raha hai woh achha aur jo hone vaala woh bahut-bahut achha। to yeh smriti sada aage badhaati rahegi। achha,sabhi kone-kone mein baap ka jhanda lahra rahe ho। sabhi bahut himmat aur teevra purooshaartha se aage badh rahe ho aur sada badhte rahenge। future dikhaai deta hai na। koi bhi poochhe- aapka bhavishya kya hai? to bolo-hamko pata hai, bahut achha hai।

group nan.5

svaraajya hamaara janmasiddha adhikaar hai - is nashe mein rahkar har karma karo

sabhi teen bindu ke rahasya ko jaante ho?jaante ho ya practical mein bhi anubhvi ho? teen bindi lagaani aati hain? ya kabhi bhool jaate ho, kabhi lagaate ho? kyonki ye teenon hi yaad rakhna aavashyak hai। agar ek baap bindu ko yaad karo to donon aur bindu sahaj hi yaad aa jaayenge। to baap ko yaad karna sahaj hai ya mushkil hai?sahaj hai to sada kyon nahin? maaya powerful hai ya master sarvashaktivaan powerful? master to aur hi tej hota hai। phir maaya powerful kaise ho jaati hai? (apni kamjori ke kaaran) kamjori kab tak rahni hai?phir doosre varsha bhi to nahin kahenge?chaahe maaya kitna bhi shaktishaali ho lekin sarvashaktivaan baap se koi shaktishaali hai nahin। to bhool jaate ho ki ham master hain। kya yeh kabhi bhoolte ho ki main phalaani hoon?shareer nahin bhoolte ho aur apne aapko bhool jaate ho! ye wonder (Wonder; aashyarcha) nahin hai! to aap wonder karte ho?ye wonder nahin karna। sada baap aur aap saath hain, combined hain, to bhool kaise sakte hain। baap se alag rehte ho kya? to yahi kaho ki na bhoolte hain, na bhoolenge। baap se pyaar hai na। to sabse pyaara bhool sakta hai?bhoolna chaahen to bhi nahin bhool sakte। jab anubhav kar liya ki baap hi sansaar hai, to sansaar ke sivaae aur kuchh hai kya? phir bhoolte kyon ho? khel karte ho? kaho-bhool nahin sakte। socho ki saare kalpa mein baap abhi mila hai,phir mil nahin sakta। golden ej mein bhi baap nahin hoga। brahma baap saath hoga। shiv baap abhi milte hain, to bhool kaise jaayenge? to abhi kya kahenge-bhoolna mushkil hai ya yaad karna mushkil hai? (jo combined hai usko alag karna mushkil hai)

master sarvashaktivaan ban har shakti ko kaarya mein lagaao। sarva shaktiyon jo mili hain woh hain hi samay par use karne ke liye। agar samay par koi cheez kaam mein nahin aai to us cheej ka mahatva hi kya raha! samay par use karte-karte abhyaasi ho jaayenge। maalik bankar shaktiyon ko order karo। maalik bankar order karenge to shaktiyaan maanengi bhi। agar kamjor hokar order karenge to nahin maanengi। shaktiyaan aapke order ko maanne ke liye sada taiyaar hain,sirf maalikpan nahin bhoolo। baapdaada sabhi bachchon ko maalik banaate hain, kamjor nahin banaate। sabhi raajayogi ho, kamjor yogi to nahin ho na। raaja kamjor hota hai kya? raajayogi ho। baap ko yahi khushi hai ki har bachcha raaja hai, koi praja nahin hai। saare kalpa mein aisa koi nahin hoga jiske itne saare bachche raaja hon! to sab raaja ho। svaraajya adhikaari ban gaye। to yahi khushi aur nasha rakho ki ham sabhi svaraajya adhikaari hain। koi poochhe-svaraajya mila hai? to kya kahenge?kaho- svaraajya hamaara janmasiddha adhikaar hai। ye nasha rakho ki svaraajya birth-right hai। birth-right koi chheen nahin sakta। abhi sabhi jo bhi aaye ho-agle varsha teen guna jyaada sankhya badhaana। dekhenge-kaun jyaada badi maala banaakar laate hain। saare vishwa ki aatmaayen sukh-shanti ki bheekh maangane ke liye aapke saamne aani hain। aap daata ke bachche master daata sabko maalaamaala karenge। kyonki sivaae ek baap ke aur kahaan jaayenge? to apne sarva khazaanon se bhandaare bharpoor karte jaao-jo koi bhi aave to khaali haath nahin jaaye, bharpoor hokar jaaye। ye nazaara aage chalkar anubhav karenge।

vidaai ke samay sabhi ne baapdaada ko badhaaiyaan deen aur geet gaaya। respaanda dete hue baapdaada bole -

sabhi santushta hue। achha,jo sada santushta hain woh taali bajaao। (sabhi ne khoob taaliyaan bajaai) baap ko har bachcha ati-ati pyaara hai। yeh season nirvighna aur utsaah bhari utsav sampanna samaapta hui। kitne utsav manaaye hain? dekho, shivraatri manaai, holi manaai aur 10varsha vaalon ke kitne function manaaye! to kitne utsav manaaye? to yeh season kaunsi rahi ? to sada aise utsaah mein rehte utsav manaate udte rehna। utsav achha lagta hai na। achha lagta hai?to sada manaate rehna। baap saath hai to saara parivaar beej mein hai। jab bhi apne ko akela samjho to madhuban mein pahunch jaana bina ticket। kaun-si plen milegi?divya buddhi ke vimaan mein bina ticket aa sakte ho। yeh plen to sabke paas hai na। ever ready hai। is plen ki kabhi strike (hadtaal) bhi nahin hogi aur let bhi nahin aayega, time par aayega। achha!

baap akela kuchh nahin kar sakta। aap sabka baap ke saath dhanyavaad hai।