गुरुवार 18 नवंबर 1993 की अव्यक्त मुरली

> 18-11-93 om shanti avyakt baapdaadaamdhuban

sangamayug ke raajdulaare so bhavishya ke raajya adhikaari

sneh ke saagar avyakt baapdaada apne snehi raaj dulaare bachchon prati bole -

aaj sarva bachchon ke dilaaraam baap apne chaaron or ke sarva raajdulaare bachchon ko dekh rahe hain। har ek bachcha dilaaraam ke dulaar ka paatra hai। yeh divya dulaar, parmaatma dulaar koton mein koi bhaagyavaan aatmaon ko hi praapta hota hai। anek janma aatmaon vaamhaan aatmaon dvaara dulaar anubhav kiya। ab is ek alaukik janma mein parmaatma pyaar va dulaar anubhav kar rahe ho। is divya dulaar dvaara raaj dulaare ban gaye ho। isliye dilaaraam baap ko bhi alaukik phakhar hai ki mera har ek bachcha raaja bachcha hai। raaja ho na? praja to nahin? sabhi apna title kya bataate ho? raajayogi। sabhi raajayogi ho va koi prajaayogi bhi hai? sab raajayogi ho to praja kahaan se aayegi? raajya kis par karenge? praja to chaahiye na? to vo prajaayogi kab aayenge? raajdulaare arthaat ab ke bhi raaje aur bhavishya ke bhi raaje। double raajya hai। sirf bhavishya ka raajya nahin। bhavishya se pahle ab svaraajya adhikaari bane ho। apne svaraajya ke raajya kaarobaar ko check karte ho? jaise bhavishya raajya ki mahima karte ho-ek raajya, ek dharma, sukh, shanti, sampatti sampanna raajya hai, aise he svaraajya adhikaari raaje, svaraajya ke raaj kaarobaar mein yeh sab baaten sada hain?

ek raajya hai arthaat sada mujh aatma ka raajya in sarva raajya kaarobaari karmendriyon par hai va beech-beech mein svaraajya ke bajaay par-raajya apna adhikaar to nahin karte? par-raajya hai-maaya ka raajya। par-raajya ki nishaani hai-par-adheen ban jaayenge। svaraajya ki nishaani hai-sada shreshtha adhikaari anubhav karenge। par-raajya, par-adheen va parvash banaata hai। jab bhi koi anya raaja kisi raajya par adhikaar praapta karta hai to pahle raaja ko hi kaidi banaata hai arthaat par-adheen banaata hai। to check karo ki ek raajya hai? ki beech-beech mein maaya ke raajya adhikaari, aap svaraajya adhikaari raajaaon ko va aapke koi bhi karmendriyon roopi raaj kaarobaari ko parvash to nahin bana dete hain? to ek raajya hai va do raajya hai? aap svaraajya adhikaari ka law aur order chalta hai va beech-beech mein maaya ka bhi order chalta hai?

saath-saath ek dharma, dharma arthaat dhaarna। to svaraajya ka dharma va dhaarna ek kaun-si hai? ‘pavitrata’। man, vachan, karma, sambandh, samparka sab prakaar ki pavitrata isko kaha jaata hai-ek dharma arthaat ek dhaarna। svapna maatra, sankalp maatra bhi apvitrata arthaat doosra dharma na ho। kyonki jahaan pavitrata hai vahaan apvitrata arthaat vyartha va vikalpa ka naam-nishaan nahin hoga। aise samartha samraat bane ho? va dheeledhaale raaje ho? va kabhi dheele, kabhi samraat? kaun se raaje ho? agar abhi chhota-sa ek janma ka raajya nahin chala sakte to 21 janma ka raajya adhikaar kaise praapta karenge? sanskaar ab bhar rahe hain। abhi ke shreshtha sanskaar se bhavishya sansaar banega। to abhi se ek raajya, ek dharma ke sanskaar bhavishya sansaar ka foundation hai।

to check karo-sukh, shanti, sampatti arthaat sada had ki praaptiyon ke aadhaar par sukh hai va aatmik ateendriy sukh parmaatma sukhmay raajya hai? saadhan va salvation va prashansa ke aadhaar par sukh ki anubhooti hai va parmaatma aadhaar par ateendriy sukhmay raajya hai? isi prakaar se akhanda shanti-kisi bhi prakaar ki ashaanti ki paristhiti akhanda shanti ko khandit to nahin karti hai?ashaanti ka toofaan chaahe chhota ho, chaahe bada ho lekin svaraajya adhikaari ke liye toofaan anubhvi banaane ki udti kala ka tohpha ban jaaye, lift ki gift ban jaaye। isko kaha jaata hai-akhanda shanti। to check karo-akhanda shaantimay svaraajya hai?

aise hi sampatti arthaat svaraajya ki sampatti gyaan, gun aur shaktiyaan hain। in sarva sampattiyon se sampanna svaraajya adhikaari hain? sampannata ki nishaani hai-sampannata arthaat sada santushtata, apraapti ka naam-nishaan nahin। had ke ichchhaaon ki avidya-isko kaha jaata hai sampattivaan। aur raaja ka arth hi hai daata। agar had ki ichchha va praapti ki utpatti hai to vo raaja ke bajaay mangata (maangane vaala) ban jaata hai। isliye apne svaraajya adhikaar ko achhi tarah se check karo ki mera svaraajya ek raajya, ek dharma, sukh-shanti sampanna bana hai? ki abhi tak ban rahe hain? agar raaja ban rahe hain to jab raajya adhikaari sthiti nahin hai to us samay kya ho? praja ban jaate ho va na raaja, na praja। beech mein ho? abhi beech mein nahin raho। yeh bhi nahin sochna ki ant mein ban jaayenge। agar bahutkaal ka raajya-bhaagya praapta karna hi hai to bahutkaal ke svaraajya ka phal hai bahutkaal ka raajya। full samay ke raajya adhikaar ka aadhaar vartamaan sadaakaal ka svaraajya hai। samjha? kabhi albele nahin rah jaana। ho jaayega, ho jaayega nahin karte rehna। baapdaada ko bahut meethi baaton se bahlaate hain। raaja ke bajaay bahut badhiya vakeel ban jaate hain। aisi-aisi law points sunaate hain jo baap bhi muskaraate rehte hain। vakeel achha ya raaja achha? bahut hoshiyaari se vakaalat karte hain। isliye ab vakaalat karna chhod do, raaj dulaare bano। baap ka bachchon se sneh hai isliye sunte-dekhte bhi muskaraate rehte hain। abhi dharmaraaj se kaam nahin lete।

sneh sabhi ko chala raha hai। sneh ke kaaran hi pahunch gaye ho na। to sneh ke response mein baapdaada bhi padamguna sneh ka return de rahe hain। desh-videsh ke sabhi bachche sneh ke vimaan dvaara madhuban mein pahunche ho। baapdaada saakaar roop mein aap sabko aur sneh swaroop mein sarva bachchon ko dekh rahe hain। achha!

sarva sneh mein samaaye hue sameep bachchon ko, sarva svaraajya adhikaari so vishwa raajya adhikaari shreshtha aatmaon ko, sarva praaptiyon sampanna shreshtha sampattivaan vishesh aatmaon ko, sada ek dharma, ek raajya sampanna svaraajya adhikaari baap samaan bhaagyavaan aatmaon ko bhaagyavidhaata baapdaada ka yaad-pyaar aur namaste।

daadiyon se mulaakaatah -

sabhi kaarya achhe chal rahe hain na? achhe umang-utsaah se kaarya ho raha hai। karaavanhaar kara rahe hain aur nimitta ban karne vaale kar rahe hain। aise anubhav hota hai na? sarva ke sahayog ki anguli se har kaarya sahaj aur saphal hota hai। kaise ho raha hai - ye jaadu lagta hai na। duniya vaale to dekhte aur sochte rah jaate hain। aur aap nimitta aatmaayen sada aage badhte jaayenge। kyonki befrikbaadshaah ho। duniya vaalon ko to har kadam mein chinta hai aur aap sabke har sankalp mein parmaatma chintan hai isliye befrikhain।befrik hain na? achha hai, avinaashi sambandh hai। achha, to sab theek chal raha hai aur chalna hi hai। nishchay hai aur nishchinta hain। kya hoga, kaise hoga-yeh chinta nahin hai।

teecharsako koi chinta hai? centres kaise badhenge-yeh chinta hai? seva kaise badhegi-yeh chinta hai? nahin hai? befrik ho? chintan karna alagcheez hai, chinta karna alag cheezhai। seva badhaane ka chintan arthaat plan bhale banaao। lekin chinta se kabhi saphalta nahin hogi। chalaane vaala chala raha hai, karaane vaala kara raha hai isliye sab sahaj hona hi hai, sirf nimitta ban sankalp, tan, man, dhan saphal karte chalo। jis samay jo kaarya hota hai vo kaarya hamaara kaarya hai। jab hamaara kaarya hai, mera kaarya hai to jahaan meraapan hota hai vahaan sab kuchh svatah hi lag jaata hai। to abhi brahman parivaar ka vishesh kaarya vaun-sa hai? teachers bataao। brahman parivaar ka abhi vishesh kaarya kaun sa hai, kismen saphal karenge? (gyaan sarovar mein) sarovar mein sab svaaha karenge। parivaar mein jo vishesh kaarya hota hai to sabka attention kahaan hota hai? usi vishesh kaarya ke taraph attention hota hai। brahman parivaar mein bade se bada kaarya vartamaan samay yahi hai na। har samay ka apna-apna hai, vartamaan samay desh-videsh sarva brahman parivaar ka sahayog is vishesh kaarya mein hai na ki apne-apne centre mein hai? jitna bada kaarya utni bada dil। aur jitni bada dil hota hai na utni svatah hi sampannata hoti hai। agar chhota dil hota hai to jo aana hota hai woh bhi rook jaata hai, jo hona hota hai woh bhi rook jaata hai। aur bade dil se asambhav bhi sambhav ho jaata hai। madhuban ka gyaan sarovar hai va aapka hai? kiska hai? madhuban ka hai na? gujraat ka to nahin hai, madhuban ka hai? mahaaraashtra ka hai? videsh ka hai? sabhi ka hai। behad ki seva ka behad ka sthaan anek aatmaon ko behad ka varsa dilaane vaala hai। theek hai na। achha!

man, vachan, karma, sambandh, samparka sab prakaar ki pavitrata isko kaha jaata hai-ek dharma arthaat ek dhaarna। jahaan pavitrata hai vahaan apvitrata arthaat vyartha va vikalpa ka naam-nishaan nahin hoga।

avyakt baapdaada ki personal mulaakaat

group nan. 1

sva-parivartan ka vibration hi vishwa parivartan karaayega

sabhi apne ko khushanseeb aatmaayen anubhav karte ho? khushi ka bhaagya jo svapna mein bhi nahin tha vo praapta kar liya। to sabhi ki dil sada yeh geet gaati hai ki sabse khushanseeb hoon to main hoon। yeh hai man ka geet। mukh ka geet gaane ke liye mehnat karni padti hai। lekin man ka geet sab ga sakte hain। sabse bade se bada khazaana hai khushi ka khazaana। kyonki khushi tab hoti hai jab praapti hoti hai। agar apraapti hogi to kitna bhi koi kisi ko khush rahne ke liye kahe, kitna bhi aarteephishalkhush rahne ki koshish kare lekin rah nahin sakte। to aap sada khush rehte ho ya kabhi-kabhi rehte ho? jab challenge karte ho ki ham bhagwan ke bachche hain, to jahaan bhagwan hai vahaan koi apraapti ho sakti hai? to khushi bhi sada hai kyonki sada sarva praapti swaroop hain। brahma baap ka kya geet tha? pa liya-jo tha paana। to yeh sirf brahma baap ka geet hai ya aap sabka? kabhi-kabhi thodi duhkh ki lahar aa jaati hai? kab tak aayegi? abhi thoda samay bhi duhkh ki lahar nahin aaye। jab vishwa parivartan karne ke nimitta ho to apna ye parivartan nahin kar sakte ho? abhi bhi time chaahiye, full stop lagaao। aisa shreshtha samay, shreshtha praaptiyaan, shreshtha sambandh saare kalpa mein nahin milega। to pahle sva-parivartan karo। yeh sva-parivartan ka vibration hi vishwa parivartan karaayega।

double videshi aatmaon ki visheshta hai- fast life। to parivartan mein fast hain? foreign mein koi dheela-dhaala chalta hai to achha nahin lagta hai na। to isi visheshta ko parivartan mein laao। achha hai। aage badh rahe hain aur badhte hi rahenge। pahchaanne ki drishti achhi tej hai jo baap ko pahchaan liya। abhi purooshaartha mein bhi teevra, seva mein bhi teevra aurmanzil par sampoorn ban pahunchne mein bhi teevra। first number aana hai na? jaise brahma baap first hua na to brahma baap ke saathi ban first ke saath first mein aayenge। brahma baap se pyaar hai na। achha, maataayen kamaal karengi na। jo duniya asambhav samajhti hai vo aapne sahaj karke dikha diya। aisa kamaal kar rahi ho na। duniya vaale samajhte hain ki maataayen nirbal hain, kuchh nahin kar sakteen aap asambhav ko sambhav karke vishwa parivartan mein sabse aage badh rahi ho। paandav kya kar rahe ho? asambhav ko sambhav to kar rahe ho na। pavitrata ka jhanda lahraaya hai na। haath mein achhi tarah se jhanda pakda hai ya kabhi neeche ho jaata hai? sada pavitrata ke challenge ka jhanda lahraate raho।

group nan. 2

roj amritvele combined swaroop ki smriti ka tilak lagaao

sada apne ko sahaj yogi anubhav karte ho? kitni bhi paristhitiyaan mushkil anubhav karaane vaali hon lekin mushkil ko bhi sahaj karne vaale sahajyogi hain-aise ho ya mushkil ke samay mushkil ka anubhav hota hai? sada sahaj hai? mushkil hone ka kaaran hai baap ka saath chhod dete ho। jab akele ban jaate ho to kamzor pad jaate ho aur kamzor ko to sahaj baat bhi mushkil lagti hai। isliye baapdaada ne pahle bhi sunaaya hai ki sada combined roop mein raho। combined ko koi alag nahin kar sakta। jaise is samay aatma aur shareer combined hai aise baap aur aap combined raho। maataayen kya samajhti ho? combined ho ya kabhi alag, kabhi combined? aisa saath phir kabhi milna hai? phir kyon saath chhod deti ho? kaam hi kya diya hai? sirf yeh yaad rakho ki ‘mera baba’। isse sahaj kaam kya hoga? mushkil hai? (63 janmon ka sanskaar hai) abhi to naya janma ho gaya na। naya janma, naye sanskaar। abhi puraane janma mein ho ya naye janma mein? ya aadha-aadha hai? to naye janma mein smriti ke sanskaar hain ya vismriti ke? phir naye ko chhodkar puraane mein kyon jaate ho? nai cheez achhi lagti hai ya puraaneecheez achhi lagti hai? phir puraane mein kyon chale jaate ho? roj amritvele svayan ko brahman jeevan ke smriti ka tilak lagaao। jaise bhakta log tilak zaroor lagaate hain to aap smriti ka tilak lagaao। vaise bhi dekho maataayen jo tilak lagaati hai vo saath ka tilak lagaati hain। to sada smriti rakho ki ham combined hain to is saath ka tilak sada lagaao। agar yugal hoga to tilak lagaayenge, agar yugal nahin hoga to tilak nahin lagaayenge। yeh saath ka tilak hai। to roj smriti ka tilak lagaati ho ya bhool jaata hai?kabhi lagaana bhool jaata, kabhi mit jaata! jo suhaag hota hai, saath hota hai woh kabhi bhoolta nahin। to saathi ko sada saath rakho।

yeh group sundar guldasta hai। variety phoolon ka guldasta shobhneek lagta hai। to sabhi jo bhi, jahaan se bhi aaye hain, sabhi ek-do se pyaare hain। sabhi santushta ho na? sada saath hain aur sada santushta hain। bas, yahi ek shabd yaad rakhna ki combined hain aur sada hi combined rah saath jaayenge। lekin saath rahenge to saath chalenge। saath rehna hai, saath chalna hai। jisse pyaar hota hai usse alag ho nahin sakte। har second, har sankalp mein saath hai hi। achha!

group nan. 3

samay amoolya hai-samay ko bachaana hi teevra purooshaartha hai

sada yeh nasha rehta hai ki ham abhi bhi shreshtha aatmaayen hain aur aage bhi anek janma dev aatma rahenge? vartamaan aur bhavishya donon ka nasha hai na। vartamaan ka nasha bhavishya ko pratyaksha kar raha hai। abhi shreshtha ho tabhi bhavishya devaatma banenge। vartamaan ka phal bhavishya mein milega। mahatva vartamaan ka hai। to vartamaan samay ke mahatva ko sada yaad rakhte ho? is samay ka ek-ek second kitna shreshtha hai? second bhi ganvaaya to second nahin ganvaaya lekin bahut kuchh ganvaaya। sangamayug ka second aur yugon ke ek varsha se bhi jyaada hai। to itna mahatva sada yaad rehta hai ya kabhi-kabhi yaad rehta hai? sada yaad rahe to har second parmaatma duaayen praapta karte rahenge। bhakta log to dua lene ke liye kitna purooshaartha karte hain। kitni takleeph lete hain। aur aapko baap ki duaayen har samay milti rehti hain। to duaayen jama karte ho ya kharcha ho jaati hain?jiski jholi parmaatma duaaon se sada bharpoor hai uske paas kabhi maaya aa nahin sakti। maaya aati hai ya door se hi bhaag jaati hai? ya najdeek aakar phir bhaagti hai? kyonki aayegi to phir bhagaana bhi padega। lekin door se hi bhaag jaayegi to bhagaane mein bhi samay nahin lagega। aise shaktishaali bano jo door se hi maaya aane ki himmat nahin rakhe। jaise kitne bhi khauphnaak jaanvar hote hain lekin agar aapke paas light hai, roshni hai to vo aage nahin aate। aise sarvashaktiyon ki light sada aapke saath hai to maaya door se hi bhaag jaayegi। to door se bhagaane vaale ho ya najdeek se bhagaane vaale ho? kyonki samay amoolya hai। samay ko bachaana yahi teevra purooshaartha hai। to teevra purushaartheeho ya purushaarthi ho? teevra purushaarthi arthaat maayaajeet। teevrapurushaarthi arthaat sada vijayi। yuddha karne vaale nahin। to sada vijayi ho kabhi haar nahin hoti? dekho gaaya hua bhi hai ki jahaan baap hai vahaan vijay hai hi। baap sada saath hai to vijay hai hi। thoda bhi kinaara kiya to yuddha karni padegi। to yuddha karne vaale nahin, vijayi ratna ho। kab tak yuddha karenge? yuddha karte-karte kya banna padega? chandravanshi। to chandravanshi ho ya sooryavanshi ho? sooryavanshi arthaat sada vijayi। to vijay janma-siddha adhikaar hai-ye anubhav ho, kehna nahin, anubhav ho। adhikaar kabhi rahe, kabhi nahin rahe, yeh nahin hota hai। adhikaar sada saath hota hai। achha!

teevra purooshaartha karne vaale ho na? seva karna arthaat khaata jama karna। seva nahin hai, meva hai। naam seva hai lekin hai meva। to sab jagah seva achhi chal rahi hai। seva aur sampoornata donon mein aage ho na। nirvighna seva mein aage ho? nirvighna seva-yahi sangamayug ki visheshta hai। to nirvighna seva hai ya vighna aate hain?samaachaar to baap ko pata padta hai na ki vighna aate hain। gujraat ko jitna sameepta ka vardaan hai aur dharni bhi saatvikta ke vardaan ki hai aise hi sada nirvighna rahne ke vardaan mein bhi sada aage rehna chaahiye। example banna chaahiye ki jitni jyaada seva utna hi nirvighna। to nirvighna seva mein number one lena hai। koi bhi centre par koi khitpit nahin hai ya andar thodi-thodi hoti hai? aatmaayen bahut achhi ho sirf thoda harek nirvighna ban aage badhne ka sankalp dridh karo। sankhya bhi achhi hai, seva bhi achhi hai। yeh visheshta hai। lekin ab yeh visheshta aid karo ki gujraat nirvighna seva mein number one ho। himmat hai? baap ko achhe lage tabhi to apna banaaya na। to achhe to ho hi। ab vighna aane nahin paayen। vijay ka adhikaar sada pratyaksha swaroop mein ho। achha, vijayi bhav।

group nan. 4

mansa seva ke liye svayan ki sthiti powerful banaao, nirantar sevaadhaari bano

sada apne ko baap ke snehi, sahayogi aur sada sevaadhaari aatmaayen samajhte ho? jaise sneh atoot hai na। parmaatma-sneh ko koi bhi shakti tod sakti hai? asambhav hai na ki thoda-thoda sambhav hai? yeh avinaashi sneh vinaash ho nahin sakta। sneh ke saath-saath sada sahayogi hain। kis baat mein sahayogi hain? jo baap ke directions hain usmein sada sahayogi hain। sada shreemat par chalne mein sahayogi hain aur sada sevaadhaari hain। aise nahin ki seva ka chance mila to sevaadhaari। sada sevaadhaari। brahman banna arthaat seva ki stage par hi rehna। braahmanon ka kaam kya hai? seva karna। vo naamdhaari brahman dhaama khaane vaale aur aap seva karne vaale। to har second seva ki stage par hain-aise samajhte ho? ki jab chance milta hai tab seva karte ho? chance par seva karne vaale ho va sada sevaadhaari ho? khaana banaate bhi seva karte ho? kya seva karte ho? yaad mein khaana banaate ho to yeh seva karte ho। koi bhi kaarya karte ho to yaad mein rahne se vaayumandal shuddh banta hai। kyonki vritti se vaayumandal banta hai। to yaad ki vritti se vaayumandal banaate ho। sevaadhaari arthaat har samay apne shreshtha drishti se, vritti se, kriti se seva karne vaale। jisko bhi shreshtha drishti se dekhte ho to shreshthadrishti bhi seva karti hai। to nirantar sevaadhaari hain। brahman aatma seva ke bina rah nahin sakti। jaise yeh shareer hai na to shvaas ke bina nahin rah sakta to brahman jeevan ka shvaas hai seva। jaise shvaas na chalne par moorchhit ho jaate hain aise agar brahman aatma seva mein busy nahin to moorchhit ho jaati hai। aise pakke sevaadhaari ho na। to jitna snehi hain, utna sahayogi, utna hi sevaadhaari hain। seva ka chance to bahut hai na ki kabhi kisko milta hai, kisko nahin milta? vaani se seva ka chance nahin milta lekin mansa se seva ka chance to har samay hai hi। sabse powerful aur sabse bade se badi seva mansa seva hai। vaani ki seva sahaj hai ya mansa seva sahaj hai? mansa seva ke liye pahle apne ko powerful banaao। vaani ki seva to sthiti neeche-oopar hote hue bhi kar lenge। bhaashan karke aa jaayenge। koi course karne vaala aayega to bhi course kara denge। lekin mansa seva aise nahin ho sakti। agar mansa thoda bhi kamzor hai to mansa seva nahin ho sakti। vaani ki kar sakte ho। aise karna nahin hai lekin chalta hai। to ab mansa, vaacha, karmana sab prakaar ki seva karo tab full marks le sakenge। nirantar sevaadhaari bano kyonki jitni seva karte ho utna pratyakshaphal milta hi hai। to sevaadhaari arthaat pratyakshaphal khaane vaale।

sabhi santushta aatmaayen ho na। sangam par santushta nahin rahenge to kab rahenge? sangamayug hai hi santushtata ka yug। to sabhi santushta hain ki thodi khitkhit hai? na svayan mein, na doosron ke samparka mein aane mein। svayan santushta hain lekin samparka mein aane mein santushtata, ismen thoda pharka hai। maala ke manke ho na। to maala kaise banti hai? sambandh se। agar daane ka daane se samparka nahin ho to maala banegi? to maala ke manke hain isliye sambandh-samparka mein bhi sada santushta rehna aur santushta karna। sirf rehna nahin hai, karna bhi hai tab maala ke manke bante hain। kyonki sabhi parivaar vaale ho, nivritti vaale nahin। parivaar ka arth hi hai santushta rehna aur santushta karna। baapdaada sabhi sthaanon ko ek-do se aage hi rakhte hain। aise nahin phalaana sthaan aage hai, doosre peechhe hain। baap ke liye sab aage hain। chaahe naye hain, chaahe puraane hain, lekin sab aage hain। aur agar gupta hain to sabse aage hain। jaise gupta daan mahaadaan kaha jaata hai। aise agar gupta purushaarthi hain, naam out nahin hota hai to aise nahin samjho ki peechhe hain lekin gupta purushaartheesda aage hain। gupta sevaadhaari sada hi aage hai। to sabhi kya yaad rakhenge? kaun ho? nirantar sevaadhaari। sada seva ki stage par part baja rahe ho। ghar mein nahin, stage par ho। centre par nahin, stage par ho। to stage par alert rehte hain, ghar mein jaayenge to alert nahin rahenge, albele ho jaayenge। stage par jaayenge to alert ho jaayenge। to sada seva ki stage par hain-is smriti se sada alert rehna hai। achha!

group nan. 5

maastarsarvashaktimaan ban samay par har shakti ko kaarya mein lagaao

apne ko sada maastarsarvashaktimaan anubhav karte ho? master ka arth hai ki har shakti ko jis samay aahvaan karo to vo shakti practical swaroop mein anubhav ho। jis samay, jis shakti ki aavashyakta ho, us samay vo shakti sahayogi bane-aise hai? jis samay sahanshakti chaahiye us samay swaroop mein aati hai ki thode samay ke baad aati hai? agar maano shastra ek minute peechhe kaam mein aaya to vijayi honge? vijay nahin ho sakegi na। to master sarvashaktimaan arthaat shakti ko order kiya aur haajar। aise nahin ki order karo sahan shakti ko aur aaye saamna karne ki shakti। to usko master sarvashaktimaan kahenge? jaise kai paristhiti mein sochte ho ki kinaara nahin karna hai, sahan karna hai lekin phir sahan karte-karte saamna karne ki shakti mein aa jaate ho। aise hi nirnay shakti ki aavashyakta hai। lekin nirnay shakti yathaartha samay par yathaartha nirnay nahin le to usko kya kahenge? maastarsarvashaktimaan yaakamzor? to aise trial karo ki jis samay jo shakti aavashyak hai us samay vo shakti kaarya mein aati hai? ek second ka bhi pharka pada to jeet ke bajaay haar ho jaati hai। second ki baat hai na। nirnay karna haan ya na। aur haan ke bajaay agar na kar liya to second ka nuksaan sada ke liye haar khilaane ke nimitta ban jaata hai। isliye master sarvashaktimaanka arth hi hai jo har shakti order mein ho। jaise ye shareer ki karmendriyaan order mein hain na। haath paanv jab chalaao, jaise chalaao vaise chalaate ho na aise sarvashaktiyaan itna order mein chalen। jitna yoozkarte jaayenge utna anubhav karte jaayenge।

maataaon mein samaane ki shakti hai ya thoda kuchh hota hai to krodh aa jaata hai? thoda bachchon par krodh aa jaata hai। paandavon ko gussa aata hai? bachchon par nahin, badon par aata hai? sada apna ye svamaan smriti mein rakho ki ham master sarvashaktimaan hain। is svamaan ki seat par sada sthit raho। jaisi seat hoti hai vaise lakshan aate hain। koi bhi aisi paristhiti saamne aaye to second mein apne is seat par set ho jaao। seat par set nahin hote to shaktiyaan bhi order nahin maanti। seat vaale ka order maana jaata hai। to set hona aata hai na। seat par baithne vaale kabhi upset nahin hote। ya to hai seat ya to hai upset। lakshya achha hai, lakshan bhi achhe hain। sabhi mahaaveer hain। kabhi-kabhi sirf thoda maaya se khel karte ho। ab ke vijayi hi sada ke vijayi banenge। ab vijayi nahin to phir kabhi bhi vijayi nahin banenge। isliye sangamayug hai hi sada vijayi banne ka yug। dvaapar-kaliyug haar khaane ka yug hai aur sangam vijay praapta karne ka yug hai। is yug ko vardaan hai। to vardaani ban vijayi bano।

naya plan koi banaaya hai? achha hai, jitni seva badhaate ho, utna svayan ko aage badhaate ho। auron ki seva karne ke pahle apni seva svatah hi ho jaati hai। ab koi aisa naameegraami mike nikaalo jo sneh ke saath sameep vaali aatma ban jaaye। jis ek dvaara anekon ki seva sahaj hoti rahe। abhi aisi vishesh aatmaayen maidaan par laao। samjha? achha!

group nan. 6

trikaaldarsheesthiti mein sthit hokar teenon kaalon ko dekho to sada khushi rahegi

sada yeh nasha rehta hai ki ham vishesh aatmaayen hain? to gaaya hua hai koton mein koi, koi mein bhi koi to pahle sunte the lekin abhi anubhav kar rahe ho ki ham hi koton mein koi aatmaayen thi aur hain aur sada banengi। kabhi socha tha ki itna vishesh part is drama ke andar hamaara noondha hua hai! lekin abhi practical mein anubhav kar rahe ho। pakka nishchay hai na। kalpa-kalpa kaun banta hai? kya kahenge? ham hi the, ham hi hain aur ham hi rahenge। teenon kaal ka gyaan abhi aa gaya hai। trikaaldarsheeban gaye na। ek second mein teenon kaal ko dekh sakte ho? kya the, kya hain aur kya honge-spashta hai na। kal pujaari, aaj poojya ban rahe hain। jab trikaaldarsheesthiti mein sthit hote ho to kitna maja aata hai। jaise koi bhi desh mein jab top point par khade hokar saare shahar ko dekhte hain to maja aata hai na। aise hi yeh sangamayug top point hai to is par khade hokar dekho to maja aayega। kal the aur kal banne vaale hain। itna spashta anubhav hota hai? kal kya banne vaale ho? devta। kitne baar bane ho? anek baar bane ho। to kitna sahaj aur spashta ho gaya। phalak se kehte ho na-ham hi to the aur kaun honge। abhi to yahi dil kehta hai na ki aur kaun banega, ham the, ham hi ban rahe hain isko kehte hain master knowledgeful। full knowledge aa gai hai na। ek kaal ki nahin, teenon kaal ki। to jaise baap knowledgeful hai, baap ki mahima mein full ke kaaran saagar kehte hain। saagar sada full rehta hai। to knowledgeful ban gaye। ek kaal ke bhi gyaan ki kami nahin। bharpoor। itna nasha hai?

sabse jyaada khushi kisko rehti hai? sada samaan rehti hai ki kabhi kam, kabhi jyaada rehti hai? kumaaron ko maaya nahin aati hai? chaahe kumaar hain, chaahe adhar kumaar hain lekin abhi brahmaakumaar hain। adhar kumaar bhi kumaar hain, adhar kumaari bhi brahmaakumaari hai। kumaari jeevan ya kumaar jeevan bahut shreshtha jeevan hai lekin brahmaakumaar hain to। to jo sada khush rehte hain vo brahmaakumaar hain। duniya vaale to sochte rah jaate hain aur aap sada sampanna ban gaye। vo sochte rehte hain pata nahin kya hoga, kab hoga aur aap kya kehte ho? jo hona tha vo ho raha hai, jo paana tha vo pa liya hai, challenge karte ho na।

maataaon ko sabse bade te badi khushi hai ki baap ne humein apna bana liya। naaummeed se sada ke ummeedvaar bane gaye। duniya vaalon ne naaummeed banaaya aur baap ne ummeedon ke sitaare bana liya। jo auron ko bhi ummeedon ke sitaare banaane ke nimitta bane। extra khushi yeh hai ki humein baap ne pasanda kar liya। kitna sahaj pasanda kiya। koi takleeph nahin। paandavon ko kya nasha hai? paandavon ko apna nasha hai, apni khushi hai। paandav sada baap ke saathi dikhaate hain। paandavon ne kabhi saath nahin chhoda, ant tak saath nibhaaya। vahi paandav ho na। paandav dil se gaate hain ki hamaara saathi sada bhagwan hai। sada saath rahne vaale hain। sada saath nibhaane vaale hain। aise paandav ho na? sada saath rahne vaali vardaani aatmaayen hain। jab vardaata saath hai to vardaan bhi saath hai na। vardaanon se sada jholi bhari hui hai। vardaan bharte-bharte itne vardaani bante ho jo anek janma anek aatmaon ko vardaani swaroop mein dikhaai dete ho। aapke jad chitron se vardaan lene aate hain na। aise vardaani aatmaayen ban gaye। kabhi vardaanon se alag ho hi nahin sakte। sada bharpoor hain। achha!

sevaadhaari

sevaadhaari arthaat har samay apne shreshthadrishti se, vritti se, kriti se seva karne vaale। jisko bhi shreshtha drishti se dekhte ho to shreshtha drishti bhi seva karti hai। to nirantar sevaadhaari hain। brahman aatma seva ke bina rah nahin sakti। jaise yeh shareer hai na to shvaas ke bina nahin rah sakta to brahman jeevan ka shvaas hai seva। jaise shvaas na chalne par moorchhit ho jaate hain aise agar brahman aatma seva mein busy nahin to moorchhit ho jaati hai।