सोमवार 10 जनवरी 1994 की अव्यक्त मुरली

>

10-01-94 om shanti avyakt baapdaadaamdhuban

vartamaan season mein ek point shabd ko teen roopon se smriti va swaroop mein laana-yahi safety ka saadhan hai

maaya ki chhaaya se safe rakhne ke liye gyaan ki light-might ke swaroop mein sthit karaane vaale sarva snehi baapdaada bole-

vishwa kalyaankaari baapdaada apne sarva master vishwa kalyaankaari bachchon ko dekh rahe hain। har ek bachche ka is brahman jeevan ka lakshya ati shreshtha hai। har ek number one purooshaartha karne ka lakshya rakhte hue aage udte ja rahe hain। lakshya sabhi ka number one ka hai lekin lakshan nambarvaar hain। to lakshya aur lakshan donon mein antar kyon hai? gyaan daata baap bhi ek hai, yog ki vidhi bhi ek hai, divya gun dhaaran karne ka sahaj pratyaksha pramaan saakaar brahma baap bhi ek hai, seva ke saadhan aur seva ki vidhi sikhaane vaala bhi ek hai। mukhya baat hai - padhaai aur paalna - donon hi dene vaala ek aur ek number hai, phir bhi pratyaksha jeevan mein lakshan nambarvaar kyon? ye to sabhi svayan ko achhi tarah se jaante hi ho ki lakshan dhaaran karne mein main kis number mein hoon? nambarvaar hone ka vishesh aadhaar hai ek hi shabd point। point swaroop ko anubhav karna। doosra, koi bhi sankalp, bol va karma vyartha hai usko point lagaana arthaat bindi lagaana। teesra, gyaan ki va dhaarna ki anek points ko manan kar sva prati va seva prati samay par kaarya mein lagaana। to shabd ek hi point hai lekin teenon swaroop ki point ko samay par smriti mein, swaroop mein laana-ismen antar pad jaata hai। smriti sabko rehti hai lekin smriti ko swaroop mein laana, ismen nambarvaar ho jaate hain। kai baar baapdaada sabhi bachchon ko dekhte hain ki smriti mein bahut hoshiyaar hote hain। aisa hona chaahiye-woh sochte bhi rehte hain; yeh right hai, yeh wrong hai-yeh gyaan bhi emerge hota hai। gyaan arthaat knowledge aur knowledge is light, knowledge is might kaha jaata hai to jahaan light bhi hai, might bhi hai vahaan ye hona chaahiye, nahin hota। kya sochte hain ki baapdaada yeh kehte to hain, banna to hai, gyaan to yeh hai, lekin us samay mere mein kya hai, woh chaahiye-chaahiye mein hi rah jaata hai। iska arth hai ki gyaan ko light aur might ke roop se samay pramaan kaarya mein nahin laga sakte। isko kaha jaata hai-smriti mein hai lekin swaroop mein laane ki shakti kam hai। jab light arthaat roshni hai ki ye wrong hai, ye right hai; ye andhakaar hai, ye prakaash hai; ye vyartha hai, ye samartha hai, to andhakaar samajhte bhi andhakaar mein rehna, isko gyaani va samajhdaar kahenge? gyaani nahin to kya hue?bhakta va adhoore gyaani? wrong samajhte bhi wrong karmon ke va sankalpon ke va svabhaav-sanskaar ke vasheebhoot ho jaaen to isko kya kaha jaayega? uska kya title hona chaahiye? baapdaada samay ki gati ko dekh sabhi bachchon ko baar-baar attention dilaate hain।

‘attention’ shabd ko bhi double andar line kara rahe hain ki ye prakriti ki tamoguni shakti aur maaya ki sookshm royal samajhdaari ki shakti apna kaarya teevra gati se kar rahi hai aur karti rahegi। prakriti ke vikraal roop ko jaanna sahaj hai lekin bhinna-bhinna vikraal halchal mein achal rehna ismen aur attention chaahiye। maaya ke ati sookshm swaroop ko jaanne mein bhi dhokha kha lete hain। maaya aisa royal roop rakhti hai jo wrong ko right anubhav karaati hai। hai bilkul wrong lekin buddhi ko aisa parivartit kar deti hai jo real samajh ko, mahsoosta ki shakti ko gaayab kar deti hai। jaise koi jaadu mantra karte hain na to parvash ho jaate hain, aisi mahsoosta shakti gaayab karne ki royal maaya real ko samajhne nahin deti hai। hoga bilkul wrong lekin maaya ki chhaaya ke vasheebhoot hone ke kaaran wrong ko right samajhte aur siddha karne mein maaya ke supreme court ka vakeel ban jaate hain। to vakeel kya karte hain? jhooth ko sach siddha karne mein hoshiyaar hote hain। sach ko sach siddha karne mein bhi hote hain lekin jhooth ko sach siddha karne mein hoshiyaar hote hain, donon mein hoshiyaar hote hain। iseeliye baapdaada ‘attention’ ko double andar line kara rahe hain। mahsoosta shakti ko parivartitkarne ki sookshm swaroop ki maaya ki chhaaya se sada apne ko safe rakho। kyonki vishesh maaya ka swaroop vishesh is swaroop mein apna kaarya kar raha hai। samjha? abhi kya karenge? careful rehna। agar koi bhi vishesh aatmaayen ishaara deti hain to achhi tarah se maaya ki is chhaaya se nikal baap ki chhatrachhaaya mein apne ko, vishesh man-buddhi ko is chhatrachhaaya ke sahaare mein laao। kyonki man mein negative bhaav aur bhaavna paida karne ka vishesh maaya ka prabhaav chal raha hai aur buddhi mein yathaartha mahsoosta ko samaapta karne ka vishesh maaya ka kaarya chal raha hai। jaise koi season hoti hai na to season se bachne ke liye usi pramaan vishesh attention rakha jaata hai। jaise baarish aayegi to chhaate, rain kot aadi ka attention rakhenge,sardi aayegi to garam kapde rakhenge, attention denge na। to man aur buddhi ke oopar prabhaav nahin pade-iske liye pahle hi safety ke saadhan vishesh apnaao। vo vishesh saadhan hai bahut sahaj, pahle bhi sunaaya hai-ek hi ‘point’ shabd। sahaj hai na। lamba-chauda to nahin sunaaya na। kehte rehte hain-haan, main aatma bindu hoon, jyoti roop hoon, lekin usmein tikte nahin hain। lagaana chaahte hain point lekan lag jaata hai question mark aur aashcharya ki nishaani। point lagaana sahaj ya aashcharya ki nishaani va question mark ki nishaani? kya sahaj hai? bindi lagaana sahaj hai na। phir question aur aashcharya mein kyon chale jaate hain? is vidhi ko apnaao। season hai-jhooth, sach siddha hone ka aur jhooth, satya se bhi spashta aur aakarshan vaala hoga। jaise aajkal ka fashion hai na-jhoothi cheezkitni aakarshan vaali hoti hai, uske aage sachche ki value kam ho jaati hai। real silver dekho aur white silver dekho-kya sundar lagta hai? real silver kaala ho jaayega aur white silver sada chamakta rahega। to aakarshan white karega ya real karega? to season ko pahchaano, maaya ke swaroop ko pahchaano, prakriti ke tamogun ke bhinna-bhinna rangat ko pahchaano। ek hai jaanna, doosra hai pahchaanna। jaante jayaada ho, pahchaanne mein kabhi galti kar dete ho, kabhi right kar dete ho। abhi kya karenge? safe rahenge na। phir ye nahin kehna ki hamne to samjha nahin, aisa bhi hota hai kya? yeh kya-kya nahin chalega। abhi to phir bhi baap thoda-thoda raham karta, thoda-thoda kadam uthaata hai। lekin phir ‘kya’ aur ‘kyon’ koi nahin sunega। aisa nahin, vaisa-ye vakaalat nahin chalegi। judge bano, maaya ka vakeel nahin bano। maja bahut aata hai jab vakaalat karte hain। anubhvi to sab ho na, anubhav hota hai na। sun-sunkar saakshi ho harshithote rehte hain। achhi tarah se samjha? paandavon ne, shaktiyon ne samjha, teachers ne samjha? sabhi haan-haan to kar rahe hain। photo nikal raha hai haan ka।

teesri season hai visheshkamzori ke svabhaav-sanskaar, sambandh-samparka mein aana। iska vistaar bhi bahut bada hai। vo aaj nahin sunaayenge। kai bachche kehte hain kya karen, pahle to tha hi nahin, abhi pata nahin kya ho gaya hai। ye sanskaar mere mein tha hi nahin, abhi aa gaya hai। iska kaaran aur iski vidhi ka vistaar phir kabhi sunaayenge। achha!

chaaron or ke baapdaada ke mahaavaakya sunne aur dhaaran karne vaale chaatrak bachchon ko, sarva subject ko smriti ke saath swaroop mein laane vaale sameep aatmaon ko, sada gyaan ke har baat ko light aur might ke swaroop se kaarya mein lagaane vaali shreshtha aatmaon ko, sada lakshya aur lakshan samaan karne vaale baap ke gyaani tu aatma bachchon ko, sada baap ki chhatrachhaaya mein rahne vaale, maaya ki chhaaya se safe rahne vaale, jaanna aur pahchaanna, donon ki visheshta ko jeevan mein laane vaale aise vishesh aatmaon ko baapdaada ka yaad-pyaar aur namaste।

daadiyon se mulaakaatah -

shakti sena teevra gati se chal rahi hai na। sena ko baapdaada ke saath-saath aap nimitta aatmaayen bhi chalaane ke nimitta ho। baap to sada saath hai aur sada hi rahenge। phir bhi baapdaada ki shreshtha bhujaayen to hain na। baap shakti dete hain, baap might roop mein hai lekin nimitta samjhaane ke liye mike to aap nimitta ho। kitni maje ki baaten sunte ho। khel lagta hai na। khel hai na। khel-khel mein vijayi ban sabhi ko maayaajeet vijayi banaana hi hai, ye to guarantee hai hi। lekin beech-beech mein ye khel dekhne padte hain। to thakte to nahin ho na? hansate, khelte, paar karte aur karaate chalte। koi bhi aisi baat sunte to dil se kya nikalta? vaah drama vaah! haay drama haay nahin nikalta। vaah drama! vaah-vaah karte hue sabhi ko vaah-vaah banna hi hai। ye sab paar karna hi hai। achha!

avyakt baapdaada ki personal mulaakaat

group nan. 1

vijay hamaara janma-siddha adhikaar hai, is nishchay aur nashe se nirvighna sthiti ka anubhav karo

jaise oonche se ooncha baap hai aise ham aatmaayen bhi oonche se oonchi shreshtha aatmaayen hain-yeh anubhav karte hue chalte ho? kyonki duniya vaalon ke liye to sabse shreshtha, oonche se oonche hain baap ke baad devtaayen। lekin devtaaon se oonche aap brahman aatmaayen ho, pharishte ho-ye duniya vaale nahin jaante। devta pad ko is brahman jeevan se ooncha nahin kahenge। ooncha abhi ka brahman jeevan hai। devtaaon se bhi oonche kyon ho, usko to achhi tarah se jaante ho na। devta roop mein baap ka gyaan emerge nahin hoga। parmaatma milan ka anubhav is brahman jeevan mein karte ho, devtaai jeevan mein nahin। brahman hi devta bante hain lekin is samay devtaai jeevan se bhi oonch ho, to itna nasha sada rahe, kabhi-kabhi nahin। kyonki baap avinaashi hai aur avinaashi baap jo gyaan dete hain woh bhi avinaashi hai, jo smriti dilaate hain woh bhi avinaashi hai, kabhi-kabhi nahin। to yeh check karo ki sada yeh nasha rehta hai va kabhi-kabhi rehta hai? maja to tab aayega jab sada rahega। kabhi raha, kabhi nahin raha to kabhi maje mein honge, kabhi moonjhe hue rahenge। to abhi-abhi maja, abhi-abhi moonjh nahin, sada rahe। jaise yeh shvaas sada hi chalta hai na। yadi ek second bhi shvaas rook jaaye ya kabhi-kabhi chale to use jeevan kahenge? to is brahman jeevan mein nirantar maje mein ho? agar maja nahin hoga to moonjhenge zaroor। to maataayen sada maje mein rehti ho? shaktiyaan ho na, saadhaaran to nahin ho ya ghar mein jaati ho to saadhaaran maataayen ban jaati ho? nahin, sada yeh yaad rahe ki ham shaktiyaan hain। had ke nahin hain, behad ke vishwa kalyaankaari hain। shaktiyaan arthaat asuron ke oopar ivjay praapta karne vaali। shaktiyon ko kehte hi hain - asur sanhaarni arthaat aasuri sanskaar ko sanhaar karne vaali। to sabhi shaktiyaan aisi bahaadur ho? aur paandav arthaat vijayi। paandav kabhi yeh nahin kah sakte ki chaahte nahin hain lekin haar ho jaati hai। kyonki aadha kalpa haar khaai, abhi vijay praapta karne ka samay hai to vijay ke samay par bhi yadi haar khaayenge to vijayi kab banenge? isliye is samay sada vijayi। vijay janma-siddha adhikaar hai। adhikaar ko koi chhodte nahin, ladaai-jhagda karke bhi lete hain aur yahaan to sahaj milta hai। vijay apna janma-siddha adhikaar hai। adhikaar ka nasha va khushi rehti hai na? had ke adhikaar ka bhi kitna nasha rehta hai! prime minister ko bhool jaayega kya ki main prime minister hoon? soyega, khaayega to bhoolega kya ki main prime minister hoon? to had ka adhikaar aur behad ka adhikaar kitna bhi koi bhulaaye bhool nahin sakta। maaya ka kaam hai bhulaana aur aapka kaam hai vijayi banna kyonki samajh hai na ki vijay aur haar kya hai? haar ke bhi anubhvi hain aur vijay ke bhi anubhvi hain। to haar khaane se kya hua aur vijay praapta karne se kya hua-donon ke antar ko jaante ho isliye sada vijayi hain aur sada rahenge। kyonki avinaashi baap aur avinaashi praapti ke adhikaari ham aatmaayen hain-yeh sada emerge roop mein rahe। aise nahin hain to! bane to hain! jaante to hain! aise nahin। practical mein hain। jo jaante hain vahi nishchay kar chalte hain। to har karma mein vijay ka nishchay aur nasha ho। nashe ka aadhaar hai hi nishchay। nishchay kam to nasha kam। iseeliye kehte hain nishchaybuddhi vijayi। to foundation kya hua? nishchay। nishchay mein kabhi-kabhi vaale nahin banna। nahin to ant mein result ke samay bhi praapti kabhi-kabhi ki hogi phir pashchaataap karna padega। abhi praapti hai, phir pashchaataap hoga। to praapti ke samay praapti karo, pashchaataap ke samay praapti nahin kar sakenge। kar lenge, ho jaayega! nahin, karna hi hai-yeh nishchay ho। kar lenge… dilaase par nahin chalo। kar to rahe hain na… aur kya hoga… ho hi jaayenge… nahin, abhi hona hai। gen-gen nahin, hain। jab doosron rvi challenge karte ho ki shvaas par koi bharosa nahin, auron ko gyaan dete ho na to pahle svayan ko gyaan do। kabhi karne vaale hain ya ab karne vaale hain? to sada vijay ke adhikaari aatmaayen ho। vijay janma-siddha adhikaar hai - is smriti se udte chalo। kuchh bhi ho jaaye, ye smriti mein laao ki main sada vijayi hoon। kya bhi ho jaaye, nishchay atal hai, koi taal nahin sakta।

achha - ab sabhi aisi kamaal karke dikhaao jo har sthaan vijayi arthaat nirvighna ho। koi bhi vighna na aaye। vighna aayenge lekin haar nahin honi chaahiye। to jahaan vijay hai, vighna hat jaayega to nirvighna ban jaayenge। sada nirvighna-ye kamaal karke dikhaao। koi bhi geeta paathshaala ho, up-sevaakendra ho, kendra ho lekin svayan nirvighna bano aur auron ko bhi nirvighna banaao। aisi kamaal dikhaao। karna hi hai। karenge, dekhenge! nahin। ge ge kahenge maana nishchay mein percentage hai। sab ye khushkhabri sune ki sabhi chhote-bade centres nirvighna hain। kisi prakaar ka vighna aa hi nahin sakta। doosre ke vighna ko bhi mitaayenge, vijayi banenge। aisa samaachaar aaye। kahaan se bhi, koi vighna ka samaachaar na aaye। aise nahin kehna ki ham to theek hain, ye karte hain, ham kya karen। teen maas vijayi rah karke dikhaao। teen maas mein hi pata pad jaayega। sabhi haan karte ho to ye kamaal karke dikhaao।

group nan. 2

pharishta banna hai to mere pan ke bojh ko samaapta karo, sabke pyaare bano

sada apne ko double light arthaat pharishta aatma anubhav karte ho? double light ka arth hi hai ki aatma light aur pharishta swaroop bhi light। karma karte bhi pharishta swaroop mein karma karne vaale। sabhi pharishta ho ya grihasthi ho? baal bachchon ka bojh nahin hai? sab bojh baap ke havaale kar diya? ya abhi tak koi mera hai? potra mera hai, yeh makaan mera hai, baaki main baap ka hoon-aise to nahin? sachche-sachche bin kaudi baadshaah hain। ek kaudi bhi nahin, lekin baadshaah hain। bin kaudi baadshaah kitna achha hai। sambhaalna bhi nahin pade aur ho bhi baadshaah। aise samajhte ho? jab deh hi mera nahin, to deh ke saathi, deh ke padaartha aur deh ke sambandh tan-man-dhan sab tera ki man tera aur dhan mera-aise to nahin? yog to lagaate hain lekin paisa to rakhna padega। meraapan nahin ho। meraapan bojh hai aur bojh neeche le aata hai, pharishta banne nahin dega। koi bhi meraapan, mera svabhaav, mera sanskaar, meri nature, kuchh bhi mera hai to bojh hai aur bojh vaala ud nahin sakta, pharishta nahin ban sakta। to pharishte ho ya koi na koi bojh abhi raha hua hai? aaivel ke liye thoda-thoda chhipaakar rakha hai?

mera-mera kehte maile ho gaye the, abhi tera-tera kehte svachchha ban gaye। to pharishta arthaat meraapan anshamaatra bhi nahin। sankalp mein bhi mere-pan ka bhaan aaye to samjho maila hua। kisi bhi cheezke oopar mail chadh jaaye to mail ka bojh ho jaayega na। to ye meraapan arthaat mailaapan। pharishte hain, puraani duniya se koi rishta nahin। seva arth hain, rishta nahin hai। seva bhaav se sambandh mein aate ho। grihasthi bankar seva nahin karte ho, sevaadhaari bankar seva karte ho। aise sevaadhaari ho? sevaasthaan samajhte ho ya ghar samajhte ho? to jaise seva sthaan ki vidhi hoti hai usi vidhi pramaan chalte ho ki grihasthi pramaan chalte ho? sevaasthaan samajhne ki vidhi hai nyaare aur baap ke pyaare। jara bhi merepan ka prabhaav nahin pade। aag hai lekin sek nahin aaye। kyonki saadhan hain na। jaise aag bujhaane vaale aag mein jaate hain lekin khud sek mein nahin aate, safe rehte hain kyonki saadhan hain, agar aag bujhaane vaale hi jal jaayen to log hansenge na। to chaahe vaayumandal mein paristhitiyon ki aag ho lekin prabhaav nahin daale, sek nahin aaye। aise nahin ki paristhiti nahin hai to bahut achhe aur paristhiti aa gai to sek lag gaya।

to aise pharishte ho na। pharishta kitna pyaara lagta hai! agar svapna mein bhi kiske paas pharishta aata hai to kitna khush hote hain। pharishta jeevan arthaat sada pyaara jeevan। baap pyaare se pyaara hai na to bachche bhi sada sarva ke pyaare se pyaare hain। sirf baal bachche, potre dhotron ke pyaare nahin, had ke pyaare nahin, behad ke pyaare। kyonki sarva aatmaayen aapka parivaar hain, sirf 10-12 ka parivaar nahin hai। kitna bada parivaar hai? behad। sarva ke pyaare। chaahe kaisi bhi aatma ho, lekin aap sarva ke pyaare ho। jo pyaar kare uske pyaare ho, ye nahin। sarva ke pyaare। ladaai karne vaale, kuchh bolne vaale pyaare nahin। aise nahin, sarva ke pyaare। aap logon ne dvaapar se baap ko kitni gaali di, phir baap ne pyaar kiya ya ghrina ki? pyaar kiya na। to pholophaadar। kaisi bhi aatmaayen ho lekin apni drishti, apni bhaavna pyaar ki ho-isko kaha jaata hai sarva ke pyaare। 12 ke pyaare hain, ek ke pyaare nahin। nahin, sarva ke pyaare। aise hai ya kisi aatma ke prati thoda-thoda aa jaata hai? koi thoda insult karte hain, koi ghrina karte hain to pyaar aata hai ya ghrina aati hai? nahin, parvash aatmaayen hain। sarva ke pyaare-isko kaha jaata hai pharishta। koi-koi ke pyaare hain to pharishte nahin।

abhi sochkar bataao ki kaun ho? maataayen kya kahengi? saasu bahut kharaab hai, nanda bahut kharaab hai। nahin, sab pyaare hain। kisi se aur koi bhaavna nahin। chaahe vo kya bhi kahe, kya bhi kare lekin aapki bhaavna shuddh ho। iska bhi kalyaan ho। sarva prati kalyaan ki bhaavna ho - isko kehte hain pharishta।manzil to oonchi hai na ya sahaj hai? to aisi oonchi avastha bhi hai? kyonki agar pharishta nahin to devta bhi kaise banenge? devtaai duniya mein jaayenge lekin pad praapta nahin kar sakte। naam to devta hoga lekin pad kya hoga? ek hi college se koi bada ban jaaye, engineer ban jaaye, doctor ban jaaye aur koi boot polish vaala ban jaaye to achha lagega? satayug mein to aayenge lekin pad kya praapta karna hai woh bhi sochna। ooncha pad paana hai ya jo mile vo theek hai? oonch pad paane ka saadhan hai-pharishta banna। to pharishte ki paribhaasha samjhi na। sabhi baap ke ban gaye। to baap ka banna arthaat baap samaan banna। jaise brahma baap pharishta bana na to follow father।

group nan. 3

main param poojya aatma hoon-is smriti se pavitrata ka foundation majboot karo

apne ko kalpa-kalpa ki poojya aatmaayen anubhav karte ho? smriti hai ki ham hi poojya the, ham hi hain aur ham hi banenge? poojya banne ka vishesh saadhan kya hai? kaun poojya bante hain? jo shreshtha karma karte hain aur shreshtha karmon ka bhi foundation hai pavitrata। pavitrata poojya banaati hai। abhi bhi dekho jo naam se bhi pavitra bante hain to poojya ban jaate hain। lekin pavitrata sirf brahmacharya nahin। brahmacharya vrat ko dhaaran kiya ismen hi sirf shreshtha nahin banna hai। yeh bhi shreshtha hai lekin saath mein aur bhi pavitrata chaahiye। agar mansa sankalp mein bhi koi negative sankalp hai to use bhi pavitra nahin kahenge, isliye kisi ke prati bhi negative sankalp nahin ho। agar bol mein bhi koi aise shabd nikal jaate hain jo yathaartha nahin hai to usko bhi pavitrata nahin kahenge। yadi sankalp aur bol theek hon lekin sambandh-samparka mein pharka ho, kisse bahut achha sambandh ho aur kisse achha nahin ho to use bhi pavitrata nahin kahenge। to aise mansa-vaacha-karmana arthaat sambandh-samparka mein pavitra ho? aise poojya bane ho? agar maano koi bhi baat mein kami hai to usko khandit kaha jaata hai। khandit moorti ki pooja nahin hoti hai। isliye jara bhi mansa, vaacha, karmana mein khandit nahin ho arthaat apvitrata na ho, tab kaha jaayega poojya aatma। to aise poojya bane ho? jad moorti bhi khandit ho jaati hai to pooja nahin hoti। usko patthar maanenge, moorti nahin maanenge।museum mein rakhenge, mandir mein nahin rakhenge। to aise pavitrata ka foundation check karo-koi bhi sankalp aaye, to smriti mein laao ki main param poojya aatma hoon। yeh yaad rehta hai ya jis samay koi baat aati hai us samay bhool jaata hai, peechhe yaad aata hai? phir pashchaataap hota hai-aise nahin karte to bahut achha hota। to sada pavitra aatma hoon, paavan aatma hoon। pavitrata arthaat svachchhata। svachchhata kitni pyaari lagti hai। agar mandir bhi ho, moorti bhi ho lekin svachchhata nahin to achha lagega? to main poojya aatma is shareer roopi mandir mein viraajmaan hoon-ye smriti sada jeevan mein laao। sirf socho nahin lekin jeevan mein laao। sochte to bahut hain na-ye bhi hoon, ye bhi hoon… lekin practical anubhav mein aaye। to kya yaad rakhenge? sampoorn poojya aatma han। percentage mein nahin-80% poojya, 20% khandit। nahin। to 100% poojya arthaat 100% pavitra। sabhi ko svachchhata achhi lagti hai ya kachra achha lagta hai? to apne se poochho ki man svachchha bana hai, buddhi svachchha bani hai? ya thodi-thodi svachchha bani hai, thodi-thodi asvachchha hai? agar yahaan kachra pada ho to aap us par baithenge? us par baithna achha nahin lagega na। to aise socho ki jara bhi apvitrata arthaat kachra hai to baap ko achha nahin lagega। kachra hai to baap ke pyaare to nahin hue na। brahman bane hi ho baap ka pyaara banne ke liye। poojya aatmaayen sarva ki pyaari hain। jad moorti hai lekin kitni pyaari lagti hai। apne chaitanya parivaar se itna pyaar nahin hoga jitna moorti se pyaar hoga। aapas mein jhagdenge lekin moorti ko pyaar karenge। kyon pyaar karte hain?pavitrata hai na। pavitrata arthaat jara bhi apvitrata nahin ho। sabhi ko sunaate ho na ki agar ek boond bhi vish ki ek man doodh mein pad jaaye to saara vish ho jaayega। aise agar jara bhi ashuddhi hai to kaun-si aatma kahlaayenge? shuddh ya ashuddha? kahenge aadhe, half caste hain। to sada har karma karte, sankalp karte, bol bolte ye check karo ki baap ko pyaare kaun hain? pavitra aatma ya mix aatma?pavitra aatma pyaari hai kyonki baap sada param pavitra hai to usko pyaari bhi pavitrata lagti hai। to is varsha mein kya karenge? jara bhi khandit nahin। sada parampoojya। kamaal karke dikhaayenge na ki sochenge, dekhenge? nahin। karenge। haath uthaane ka photo nikal raha hai। achha hai baap to sada hi bachchon mein nishchay rakhte hain। bahut achha aur badhte chalo, udte chalo। jo ote vo avval number arjun। baap to sabko avval number hi dekhta hain। second third to nahin aana hai na ki chalo, par upkaar karte hain, usko pahla number dete hain। aisa to nahin sochte? purooshaartha mein race bhale karo, aur baaton mein race nahin karo। to sirf poojya nahin param poojya aatmaayen hain - yeh sada smriti mein rahe। dekhna yahaan poojya kahkar jaao aur vahaan khandit ho jaao। phir kaho ki thokar lagi to khandit ho gaye। kitna bhi koi thokar lagaaye lekin khandit nahin ho। chaahe kitna bhi bada mota hammer lagaaye lekin khandit nahin hona। to pakka yaad rakhenge na। dekhenge result। achha!

group nan. 4

svayan santushta rehna aur doosron ko santushta karna-yahi karmayogi ki mukhya nishaani hai

sabhi apne ko sahajyogi anubhav karte ho? sahaj ki nishaani kya hai? usmein mehnat nahin hogi। woh sada hogi, nirantar hogi। mushkil kaam hota hai to sada nahin kar sakte। jo sahaj hoga woh svatah aur nirantar chalta rahega। to sahaj yogi arthaat nirantar yogi। kabhi saadhaaran, kabhi yogi, aise nahin? yogi jeevan hai to jeevan sada hota hai। isliye yog lagaane vaale nahin, lekin yogi jeevan vaale। brahman jeevan hai to yog kabhi neeche-oopar ho hi nahin sakta। kyonki sirf yogi nahin ho lekin karmayogi ho। to karma ke bina ek second bhi rah nahin sakte। agar soye bhi ho to sone ka karma to kar rahe ho na। to jaise karma ke bina rah nahin sakte aise yogi jeevan vaale yog ke bina rah nahin sakte। aise anubhav karte ho ya yog tootta hai, phir lagaana padta hai? phir kabhi lagta hai, kabhi time lagta hai-aise to nahin hai na। yog ka sahaj arth hi hai yaad। to yaad kiski aati hai? jo pyaara lagta hai। saare din mein dekho ki yaad agar aati hai to pyaareecheez hoti hai। to sabse pyaare se pyaara kaun hai? (baba) to sahaj aur svatah yaad aayega na। agar kahaan bhi, chaahe deh mein, deh ke sambandh mein, padaartha mein pyaar hoga to baap ke badle mein vo yaad aayega। kabhi-kabhi deh se pyaar ho jaata to body kaanshiyas ho jaate ho। to check karna hai ki sivaay baap ke aur koi aakarshit karne vaali vastu ya vyakti to nahin hai?karmayogi aatma ka har karma yogayukta, yuktiyukta hoga। agar koi bhi karma yuktiyukta nahin hota to samjho ki yogayukta nahin hai। agar saadhaaran karma hota, vyartha karma ho jaata to bhi nirantar yogi nahin kahenge। karmayogi arthaat har second, har sankalp, har bol sada shreshtha hai। to sahaj yogi arthaat karmayogi aur karmayogi arthaat sahajyogi। to check karo ki saare din mein koi saadhaaran karma to nahin hota? shreshtha hua? shreshtha karma ki nishaani hogi-svayan santushta aur doosre bhi santushta। aise nahin-main to santushta hoon, doosre hon ya nahin ho। yogi jeevan vaale ka prabhaav svatah doosron ke oopar padega। agar koi svayan se asantushta hai va aur usse asantushta rehte hain to samajhna chaahiye ki yogayukta banne mein koi kami hai। to sabhi santushta rehte ho ki apne ko khush karte ho ki main bilkul theek hoon?sabhi santushta hain ya koi santushta, koi asantushta? apne se santushta rehte ho ki kabhi koi kamzori aati hai to asantushta hote ho? kabhi hota hai ya sampoorn ho gaye?santushtata yogi jeevan ka vishesh lakshya hai। to aapke saathiyon se poochhen ki santushta hain ya nahin hain? vo haan kahenge ya thodi shakla aisi karenge? kyonki yogi jeevan ke teen certificate hain-ek-sva se santushta aur doosra-baap santushta aur teesra-laukik-alaukik parivaar santushta। to teenon certificate hain ki lena hai? jaise science ke saadhnon ka vaayumandal mein prabhaav padta hai na, eyarkandeeshan chalta hai to vaayumandal mein thandaai ka prabhaav padta hai, aise hi yogi jeevan ka prabhaav hota hai। aisa prabhaav hai? yog maana silence ki shakti। isko kaha jaata hai yogi jeevan arthaat silence ki shakti vaala jeevan। to aise hai ki haan-haan karte rehte ho? har roj ki checking ho। check karenge to change honge। achha!

group nan. 5

pratyakshaphal ki praapti hona - yahi sangamayug ki sabse badi visheshta hai

apne ko sangamayugi brahman aatmaayen samajhte ho? sangamayug ki mahima ko achhi tarah se jaante ho na? sangamayug ki sabse badi visheshta kya hai?baap aur bachchon ka, aatma aur paramatma ka mela sangam par lagta hai।

is samay sangamayug par hai baap aur bachchon ka mela aur logon ne yahaan nadiyon ke mele ko sangam bana diya hai। to yeh kisse copy ki hai? is samay ko copy ki hai na। aur sangamayug ki kya visheshta hai jo aur kisi yug ki nahin hai?sabse achhi visheshta hai ki sangamayug par hi pratyakshaphal milta hai। to ye visheshta hai na। satayug mein sangam ke karma ka phal milega। lekin yahaan baap ka bana aur varsa mila। seva ki aur seva karne ke saath-saath khushi mili। jo bhi yaad mein rahkar seva karte ho va koi bhi karma karte ho to karma ka pratyakshaphal anubhav karte jaao। agar karma kiya, seva ki aur pratyakshaphal ke roop mein koi anubhav nahin hota to check karo-kyon phal nahin mila? agar karma mein svaartha hoga, seva mein svaartha hoga to phal nahin milega। lekin yogayukta karma va yogayukta yathaartha seva ka phal khushi, ateendriy sukh ya double light ki anubhooti, koi na koi baap ke gunon ki anubhooti zaroor hoti hai। to pratyakshaphal khaane vaale ho na, khaate ho? to jo pratyakshaphal khaane vaala hai usko kya anubhooti hogi? sada man aur buddhi tandaroosta hogi। agar kamzor rehti hai to samjho taaja pratyakshaphal nahin khaate ho। log shareer ke liye fresh phrut kyon khaate hain? health ke liye khaate hain na। to ye aatma ke liye pratyakshaphal sada healthy banaata hai। isliye hi aapka slogan hai-ever healthy, ever wealthy aur ever happy। ever wealthy bhi ho na?kitne khazaane mile hain? gyaan ka khazaana, shaktiyon ka khazaana, gunon ka khazaana, samay kaakhzaana-sab khazaane hain na ya koi hai, koi nahin hai? itna jayaada hai jo doosron ko bhi dete rehte hain। mahaadaani ho na। roj dete ho ya kabhi-kabhi dete ho? akhanda mahaadaani। chaahe mansa se do, chaahe vaani se do, chaahe sambandh-samparka se do lekin dena zaroor hai। ye to sahaj hai ya chance milega to denge? kya sochte ho? akhanda hai na? pholophaadar karne vaale ho na? jisse pyaar hota hai usko pholokarna sahaj hota hai। to baap se kitna pyaar hai? (unlimited) tokhzaane bhi unlimited, seva bhi unlimited। behad hai na। had to nahin hai na। sada behad ki khushi, behad ka nasha, behad ki praapti।

double videshi is varsha mein kya naveenta karenge? (purooshaartha mein first number lenge) first number mein to aayenge lekin aur kya karenge? apne-apne sthaan par jahaan se bhi aaye ho, apne seva sthaan va apne desh mein saare vaayumandal ko aisa shaktishaali banaao jo sabke sab achal rahen, koi halchal mein nahin aaye। ye kar sakte ho? is varsha ek bhi brahman halchal mein nahin aaye। aisa vaataavran banaao। is varsha mein yahi dekhenge। svayan nirvighna to banna hi hai lekin auron ko bhi banaana hai। himmat hai na?

ek, point swaroop ko anubhav karna। doosra, koi bhi sankalp, bol va karma vyartha hai usko point lagaana arthaat bindi lagaana। teesra, gyaan ki va dhaarna ki anek points ko manan kar sva prati va seva prati samay par kaarya mein lagaana।