मंगलवार 18 जनवरी 1994 की अव्यक्त मुरली

>

18-01-94 om shanti avyakt baapdaadaamdhuban

brahman janma ka aadi vardaan - sneh ki shakti

sneh ki shakti ke vardaan dvaara asambhav ko sambhav banaane vaale sneh ke saagar baapdaada bole-

aaj chaaron or ke sarva bachchon ki sneh bhari smritiyaan samartha baapdaada ke paas sneh ke saagar samaan pahunch gai। har ek bachche ke dil mein dilaaraam samaaya bahut badi shakti hai।

·sneh ki shakti mehnat ko sahaj kar deti hai। jahaan mohabbat hai vahaan mehnat nahin hoti। mehnat manoranjan ban jaati hai। khel lagta hai।

·sneh ki shakti deh aur deh ki duniya second mein bhoola deti hai। sneh mein jo bhulaana chaahen woh bhula sakte hain, jo yaad karna chaahen usmein sama jaate hain।

·sneh ki shakti sahaj samarpan kara deti hai।

·sneh ki shakti baap samaan bana deti hai।

·sneh sada har samay parmaatma saath ka anubhav karaata hai।

·sneh sada apne oopar baap ki duaaon ka haath chhatrachhaaya samaan anubhav karaata hai।

·sneh asambhav ko sambhav itna sahaj kar deta jaise kaarya hua hi pada hai।

·sneh nishpal (har samay)nishchinta anubhav karaata hai।

·sneh har karma mein nishchit vijayi sthiti ka anubhav karaata hai। aise sneh ki shakti anubhav karte ho na?

baapdaada jaante hain ki anek janma anek prakaar ki mehnat kar thaki hui aatmaayen hain। bhinna-bhinna bandhanon mein bandhi hui aatmaayen hone ke kaaran mehnat karti rahi hain। isliye baapdaada mehnat se mukta hone ke liye sahaj vidhi ‘sneh ki shakti’ sabhi bachchon ko vardaan mein dete hain। apne brahman jeevan ke aadi samay ko yaad karo। to janmate hi sabhi ko sneh ki shakti ne hi naya jeevan diya। sneh ki anubhooti ke liye mehnat ki? mehnat karni padi? sahaj anubhav kiya na। to yeh aadi janma ki anubhooti hi vardaan hai। pyaar-pyaar mein hi kho gaye। sada is sneh ke vardaan ko smriti mein rakho। mehnat ke samay is vardaan dvaara mehnat ko parivartan kar sakte ho। baapdaada ko bachchon ka mehnat anubhav karna achha nahin lagta। sneh ki shakti ki vismriti mehnat anubhav karaati hai।

kitni bhi badi kaisi bhi paristhiti ho pyaar se, sneh se paristhiti roopi pahaad bhi parivartan ho paani samaan halka ban sakta hai। patthar ko paani bana sakte ho। kaisa bhi maaya ka vikraal roop va royal roop saamna kare to second mein sneh ke saagar mein sama jaao to saamna karne ki maaya ki shakti samaapta ho jaayegi। aapke samaane ki shakti chhu-mantra nahin lekin shiv-mantra ban jaayegi। sabke paas shiv-mantra ki shakti hai na ki kho jaati hai? shiv sneh mein sama jaao, sirf dubki maarkar nahin nikal aao। thoda samay smriti mein rehte ho-meetha baba, pyaara baba, to dubki lagaakar phir nikal aate ho to maaya ki najar pad jaati hai। sama jaao, to maaya ki najar se door ho jaayenge। aur kuchh bhi nahin aae to sneh ki shakti janma ka vardaan hai। us vardaan mein kho jaao। kho jaana nahin aata hai? sneh to sahaj hai na! sabko anubhav hai na!koi hai jisko brahman jeevan mein roohaani sneh ka anubhav nahin ho, hai koi?

·sneh hi sahaj yog hai, sneh mein samaana hi sampoorn gyaan hai।

·aaj ke din ka mahatva bhi sneh hai।

amritvele se vishesh kis lahar mein lahra rahe ho? baapdaada ke sneh mein hi lahra rahe ho। sarva aatmaon ke andar ek baap ke sivaay aur kuchh yaad raha? sahaj yaad rahi na ki mehnat karni padi? to sahaj kaise bani? sneh ke kaaran। to kya sirf aaj ka din sneh ka hai? sangamayug hai hi parmaatma-sneh ka yug। to yug ke mahatva ko jaan sneh ki anubhootiyon ko anubhav karo। sneh ka saagar sneh ke heere-motiyon ki thaaliyaan bharkar de rahe hain। to apne ko sada bharpoor karo। thode se anubhav mein khush nahin ho jaao। sampanna bano। bhavishya mein to sthool heere-motiyon se sajenge। ye parmaatma-pyaar ke heere-moti anmol hain, to isse sada saje sajaaye raho।

chaaron or ke bachchon ki yaad, sneh ke geet baapdaada sada bhi sunte rehte hain lekin aaj vishesh sneh swaroop bachchon ko sneh ke return mein sada snehi bhav, sada sneh ke vardaan dvaara sahaj udti kala ka vishesh phir se vardaan de rahe hain। sada jaise chhote bachche hote hain, koi bhi mushkil baat aayegi va koi bhi paristhiti aayegi to maat-pita ki godi mein sama jaayenge, aise second mein sneh ki godi mein sama jaao to mehnat se bach jaayenge। second mein udti kala dvaara baapdaada ke paas pahunch jaao to kaise bhi swaroop mein aai hui maaya door se bhi aapko chhu nahin sakegi। kyonki parmaatma-chhatrachhaaya ke andar to kya lekin door se bhi maaya ki chhaaya aa nahin sakti। to bachcha banna arthaat maaya se bachna। bachcha banna to achha hai na। bachcha banne ka arth hi hai sneh mein sama jaana। achha!

chaaron or ke dilaaraam ke dil mein samaaye hue bachchon ko, sada mehnat ko mohabbat mein parivartan karne vaali shaktishaali aatmaon ko, sada parmaatma-sneh ke sangamayug komhaan anubhav karne vaali shreshtha aatmaon ko, sada sneh ki shakti se baap ke saath aur duaaon ke haath ko anubhav kar auron ko bhi karaane vaali vishesh aatmaon ko, sada sneh ke saagar mein samaaye hue samaan bachchon ko sneh ke saagar baapdaada ka yaad-pyaar aur namaste।

daadiyon se mulaakaatah -

aaj ke din kya-vaÌya yaad aaya? vishesh will power ke haath yaad aaye?will power sab kaarya sahaj kara deti hai। brahma baap jyaada yaad aaya ya baap-daada donon yaad rahe? phir bhi brahma baap ki yaad ke charitra sabhi ko vishesh yaad aate rahe। brahma baap brahma bana hi tab jab baap-daada combined hue। parmaatma-praveshta ke saath hi brahma ka kartavya shuru hua। is avyakt swaroop ke avyakt roop ke charitra bhi nyaare aur pyaare hain। 25 varsha ki seva ki history aadi se yaad karo-kitni teevra gati ki history hai। avyakt hona arthaat teevra gati se sarva kaarya hona। samay ka parivartan bhi fast aur seva ki vriddhi ki gati bhi fast। fast hui hai na? isliye avyakt hone se samay ko bhi teevra gati mili hai to seva ko bhi teevra gati mili hai। avyakt part mein aane vaali aatmaon ko bhi purooshaartha mein teevra gati ka bhaagya sahaj mila hua hai। avyakt part mein aai hui aatmaon ko last so fast, fast so first ka vardaan praapta hai। (sabha se)

vardaan ko kaarya mein lagaao, sirf smriti tak nahin। samay pramaan vardaan ko swaroop mein laao। vardaan ko swaroop mein laane se svatah hi fast gati ka anubhav karenge। avyakt paalna sahaj hi shaktishaali banaane vaali hai। isliye jitna aage badhna chaaho, badh sakte ho। baapdaada aur nimitta aatmaon ki aap sabke oopar vishesh sada aage udne ki duaaen hain। aise hai na? daadiyon ki bhi duaaen hain। sirf phaayda le lo। milta bahut hai, yoozkam karte ho। sirf buddhi ke kinaare rakhte nahin raho, khaao, kharcha karo। aata hai use karna, kharcha karna aata hai ki sambhaal kar rakhte ho? bahut achha, bahut achha-ye sambhaal kar rakhna hai। achchhaai ko svayan prati aur doosron ke prati kaarya mein lagaao। yahaan kharchana arthaat badhaana hai। jaise aajkal ka fashion hai na-jo amoolya cheezhoti hai woh kahaan rakhte hain? (locker mein)yoozanheen karte, locker mein rakhte hue khush hote hain। to kai baar aise karte hain-point badi achhi hai, vidhi badi achhi hai, sirf buddhi ke locker mein dekhkar khush ho jaate hain। to aap sabhi locker mein rakhte ho ya yoozkarte ho? achha!

paandav sena ka kya haal hai? (achha hai) sirf achha-achha kahne vaale to nahin na। aisi sena taiyaar ho jo second mein jo order mile kar le। aise taiyaar hain? shakti sena taiyaar hai? shaktiyon ki seva apni hai, paandavon ki seva apni hai। paandavon ke sahayog ke bina bhi shaktiyaan nahin chal sakti, shaktiyon ke sahayog ke bina bhi paandav nahin chal sakte।

(daadi ji ne maiksiko ki conference ka samaachaar baapdaada ko sunaaya)

achha hai science vaale to kaam mein lage hi hain। prayog karne mein science vaale hoshiyaar hote hain na। to ek bhi achhi tarah se yogi aur prayogi ban gaya to bade se bade mike ka kaam karega।

(laas enjilis mein bhookampa aaya hai) ye samay ke teevra gati ki nishaaniyaan samay prati samay prakriti dikha rahi hai। achha!

avyakt baapdaada ki personal mulaakaat

group nan. 1

phal ki ichchha chhod merciful ban shubh bhaavna ka beej daalte chalo

baapdaada dvaara sarva bachchon ko is sangamayug par vishesh kaun-saakhzaana mila ba hua hai? khazaane to bahut hain lekin vishesh khazaana khushi ka khazaana hai। to khushi kaakhzaana kitna shreshtha mila hai। to yeh sada saath rehta hai ya kabhi kinaare bhi ho jaata hai? jab anginat milta hai to har samay khazaane ko kaarya mein lagaana chaahiye na। log kinaare iseelie rakhte hain ki aaivel mein kaam mein aayega। lekin aapke paas to athaah hai। is janma ki to baat chhodo lekin anek janma yeh khushi kaakhzaana saath rahega। anginat hai to yoozakro na। baapdaada ne pahle bhi sunaaya hai ki praan chale jaayen lekin khushi nahin jaaye। isliye khushi ko kabhi bhi kinaare nahin rakho aur hi mahaadaani bano। kyonki vartamaan samay aur kuchh bhi mil sakta hai lekin sachchi khushi nahin mil sakti। alpakaal ki khushi praapta karne ke liye log kitna samay va dhan kharcha karte hain phir bhi sachchi khushi nahin milti। to aise aavashyakta ke samay aap aatmaon ko mahaadaani banna hai। kaisi bhi ashaanta aatma, duhkhi aatma ho agar usko khushi ki anubhooti kara do to kitni dil se duaayen degi। aap daata ke bachche ho to phraakdili se baanto। baantana to aata hai na? to kyon nahin baantate ho? samay ko dekh rahe ho? dil se raham aana chaahiye। jo ashaanti-duhkh mein bhatak rahe hain vo aapka parivaar hai na। parivaar ko sahayog diya jaata hai na। to vartamaan samay mahaadaani banne ke liye vishesh merciful ke gun ko emerge karo। aapke jad chitra vardaan de rahe hain। to aap bhi chaitanya mein raham dil ban baantate jaao। kyonki parvash aatmaayen hain। kabhi bhi ye nahin socho ki ye to sunne vaale nahin hain, ye to chalne vaale nahin hain। nahin, aap merciful bano, dete jaao। gaaya hua hai ki bhaavna ka phal milta hai। to chaahe aatmaon mein gyaan ke prati, yog ke prati shubh bhaavna nahin bhi ho lekin aapki shubh bhaavna unko phal de deti hai। aise nahin socho ki itna kuchh seva ki lekin phal to mila hi nahin। lekin phal ek jaise nahin hote। koi season ka phal hota hai, koi sada ka phal hota hai। to season ka phal season par hi phal dega na। to aapne shubh bhaavna ka beej daala, agar season ka phal hoga to season mein niklega hi। vaise bhi dekho jo kheti ka kaam karte hain, to jo season par cheeznikalne vaali hoti hai to ye nahin sochte hain ki 6 maas ke baad ye niklega isliye beej daalo hi nahin। to aap bhi beej daalte chalo। samay par sarva aatmaon ko jagna hi hai। aapki raham bhaavna, shubh bhaavna phal avashya degi। agar koi aapojishan bhi karta hai to bhi aapko apne raham ki bhaavna chhodni nahin hai aur hi socho ki ye aapojishan ya insult, gaaliyaan-ye khaad ka kaam karengi। to khaad padne se achha phal niklega। jitni gaaliyaan denge, utna aapke gun gaayenge। isliye har aatma ko daata ban dete jaao। achha maane to den, nahin। ye to levta ho gaye? lene ki ichchha nahin rakho ki vo achha bole, achha maane to den। nahin। isko kaha jaata hai daata ke bachche master daata। chaahe vritti dvaara, chaahe vibrations dvaara, chaahe vaani dvaara dete jaao। itne bharpoor ho na? sab khazaane hain?

double videshiyon ko dekh baapdaada double khush hote hain kyon? double purooshaartha karte hain। ek to apna reeti-rasma parivartan karne ka bhi purooshaartha karte hain। baapdaada dekhte hain ki umang-utsaah majority mein achha hai। agar kabhi umang-utsaah beech-beech mein neeche-oopar hota hai to aaj vidhi sunaai ki sama jaao, sneh ki godi mein chhip jaao, phir maaya aayegi hi nahin। ye to sahaj hai na। beej roop hone mein mehnat hai, ismen mehnat nahin hai। aur kuchh bhi nahin aaye lekin sneh mein samaana to aata hai ki ye mushkil hai? (nahin) to ye karo। abhi mushkil shabd nahin bolna। neeche aate ho to chhoti-si cheezabdi lagti hai, oopar chale jaao to badi cheezbhi chhoti lagegi। pharishte ho ya saadhaaran maanav ho? (pharishta) pharishta kahaan rehta hai? oopar rehta hai ya neeche? (oopar) to neeche kyon thaharte ho, achha lagta hai? kabhi-kabhi dil hoti hai neeche aane ki? nahin, phir kyon aate ho? baap ka saath chhodte ho tab neeche aate ho।

to double videshiyon ko double purooshaartha ka pratyaksha phal double chance hai। iska phaayda lo। is varsha mein kya karenge? double service। mahaadaani-vardaani banenge ya khud baap ke aage kahenge shakti de do auron ko bhi shaktiyaan do। achha hai, himmat rakhne mein number le liya। abhi fast purooshaartha kar aage udte chalo।

group nan. 2

ek bal ek bharose dvaara sada ekras sthiti ka anubhav karo

sabhi ek bal ek bharose ka anubhav karte ho? ek bal, ek bharose vaale ki nishaani kya hogi? ek bal, ek bharose mein rahne vaali aatma sada ek ras sthiti mein sthit hogi। ekras sthiti arthaat sada achal, halchal nahin। to aise rehte ho ki kabhi halchal, kabhi achal? halchal ke samay ek bal, ek bharosa kahenge ya anek bal, anek bharosa kahenge? jab ek baap dvaara sarvashaktiyaan praapta ho jaati hain to ek bal, ek bharosa chaahiye na। ek ko bhoolte ho tabhi halchal hoti hai। to achal rahne vaale ho na?

yahaan aapka yaadgaar kaun-sa hai? achal ghar hai ya halchal ghar hai? ya achal ghar kabhi halchal ghar ho jaata hai! yaadgaar aapka hi hai na। phir halchal mein kyon aate ho? practical ka hi yaadgaar bana hai na। to sada ye yaad karo ki ek bal ek bharose mein rahne vaale hain। kyonki bhakti mein anek ke oopar bharosa rakhkarke anubhav kar liya na to kya mila? sab kuchh ganva liya na। satayug ka itna saara dhan kahaan ganvaaya? bhakti mein ganvaaya na। achhi tarah se anubhav kar liya na। to jab bhi koi aise halchal ki paristhiti aati hai to apne yaadgaar achal ghar ko yaad karo। jab yaadgaar hi achal ghar hai to main kaise halchal mein aa sakti hoon! ye to sahaj yaad aayega na।

ekras sthiti ka arth hi hai ki ek dvaara sarva sambandh, sarva praaptiyon ke ras ka anubhav karna। to anubhav hota hai ki beech-beech mein aur koi sambandh bhi kheenchata hai? jab sarva sambandh ek dvaara anubhav hota hai to doosre sambandh mein aakarshan hone ki to baat hi nahin hai। sarva sambandh ka anubhav hai ki koi-koi sambandh ka anubhav hai? sarva sambandh se baap ko apna banaaya hai ki koi sambandh kinaare rakh diya hai? sarva hain ki ek-do mein attention jaata hai? koi ka bhaai mein, koi ka bachche mein, koi ka potre mein! nahin? nibhaana alagcheez hai, aakarshithona alag cheez hai। to nashtomoha ho? paandavon ko paise kamaane mein moh nahin hai? trustee hokar kamaana alagcheez hai। lagaav se kamaana, moh se kamaana alag cheezhai।

kabhi dhan mein moh jaata hai? thoda-thoda jaata hai? kya hoga, kaise hoga, jama kar len, kuchh kar len, pata nahin kitne varsha ke baad vinaash hota hai, das varsha lagte hain ya 50 varsha lagte hain… ye nahin aata? nashtomoha bankar, trustee bankarke chalna aur moh se chalna kitna antar hai! nashtomoha ki nishaani kya hogi? kabhi kamaane mein, dhan sambhaalne mein duhkh ki lahar nahin aayegi। kabhi kam, kabhi jayaada mein duhkh ki lahar aati hai? potra-dhotra thoda beemaar ho gaya to duhkh ki lahar aati hai? nashtomoha hain? kuchh bhi ho jaayebefrik ho? nashtomoha arthaat duhkh aur ashaanti ka naam-nishaan nahin। aise ho ya banna hai? to ek bal, ek bharosa arthaat jara bhi duhkh ke lahar ki halchal nahin ho। sada ye smriti swaroop ho ki sada ek bal, ek bharose vaale hain aur aage bhi sada rahenge। khushi rahe ki main hi tha, main hi hoon aur main hi banoonga। achha!

group nan. 3

sthiti ka aadhaar smriti hai, smriti ka parivartan kar karma mein shreshthata laao

sabhi apne ko sangamayugi purooshottam aatmaayen anubhav karte ho? purooshottam arthaat purooshon mein uttam puroosh। to abhi saadhaaran nahin ho purooshottam ho। kyonki brahman arthaat shreshtha। braahmanon ko sada ooncha dikhaate hain। mukh vanshaavli dikhaate hain na। to brahman ban gaye arthaat shreshtha ban gaye। saadhaaran puroosh aap purooshottam aatmaon ki pooja karte hain kyonki brahman arthaat pavitra ban gaye na। to pavitrata ki hi pooja hoti hai। saadhaaran aatma bhi pavitrata ko dhaaran karti hai tomhaan aatma kahlaati hai। to aap sab pavitra aatmaayen ho na ki mix aatma ho? thodi-thodi apvitrata, thodi-thodi pavitrata! nahin। pavitra aatma ban gaye। to pavitrata hi shreshthata hai। pavitrata hi poojya hai। to ye nasha rehta hai ki ham pujaari se poojya ban gaye? braahmanon ki pavitrata ka gaayan hai। koi bhi shubh kaarya hoga to braahmanon se karaayenge। ashubh kaarya braahmanon se nahin karaayenge। ashubh kaarya brahman karen to kahenge ye naam ka brahman hai, kaam ka nahin। to aap naamdhaari ho ya kaamdhaari? naamdhaari brahman to bahut hain। lekin aap jaisa naam vaisa kaam karne vaale ho। saadhaaran aatma nahin ho, vishesh aatma ho। ye khushi hai na। kal saadhaaran the aur aaj vishesh ban gaye। to vishesh aatma samajhne se jaisi smriti hogi vaisi sthiti hogi aur jaisi sthiti vaise karma honge। check karo jab sthitikamzor hoti hai to karma kaise hote hain। karma mein bhi kamzori aa jaayegi aur sthiti shaktishaali to karma bhi shaktishaali honge। to sthiti ka aadhaar hai smriti। smriti khushi ki hai to sthiti bhi khush। karma bhi khushi-khushi se karenge। foundation hai smriti। to baap ne smriti badal li। saadhaaran se vishesh aatma bane to smriti change ho gai। chaahe karma saadhaaran hon lekin saadhaaran karma mein bhi visheshta ho। maano khaana bana rahe ho to ye to saadhaaran karma hai na, sab karte hain lekin aapka khaana banaana aur doosron ke khaana banaane mein pharka hoga na। aapke yaad ka bhojan aur saadhaaran bhojan mein antar hai। vo prasaad hai, vo khaana hai। to visheshta aa gai na। yaad mein jo khaana khaate ho ya banaate ho to usko brahma bhojan kehte hain। to sada yaad rakhna ki purooshottam vishesh aatmaayen ban gaye to saadhaaran karma kar nahin sakte।

group nan. 4

sada vighna vinaashak banne ke liye apne mastak par parmaatma haath ka anubhav karo

baambe mein sabse jyaada pooja kiski hoti hai? ganesh ki। ganesh ko vighna vinaashak kehte hain। aap sab vighna vinaashak ho? koi vighna ke vash to nahin hote ho? vighna vinaashak kaun banta hai? jismen sarvashaktiyaan hain vahi vighna vinaashak hai। to sarvashaktiyaan aapka janma-siddha adhikaar hain। sada ye nasha rakho ki main master sarvashaktimaanhoon aur sarvashaktiyon ko samay pramaan kaarya mein lagaao। aise nahin ki samay par kaarya mein nahin lagaao, samay beet jaane ke baad socho ki aise karna chaahiye tha। to sabhi vighna vinaashak ho? phalak se kaho ki ham master vighna vinaashak hain। kitne bhi roop se maaya aaye lekin aap knowledgeful bano। maaya ki bhi knowledge hai na। achhi tarah se samajh gaye ho ya kabhi ghabra jaate ho, naya roop samajhte ho। maaya se ghabraate ho? kabhi haar, kabhi vaar-aise to nahin? maaya ka janma kaise hota hai, pata hai? jaante bhi ho ki maaya ka janma aise hota hai phir bhi janma de dete ho! maaya se pyaar hai kya? to knowledgeful aatma kabhi bhi maaya se haar nahin kha sakti। maayaajeet ka title hai, maaya se haar khaane vaale nahin। baapdaada ka sada haath aur saath hai to sada maayaajeet hain। to sada saath hai ya kabhi akele bhi ho jaate ho? combined rehte ho na। apne mastak par sada hi baap ki duaaon ka haath anubhav karo। to jiske oopar parmaatma haath hai vo vighna vinaashak hoga na। jiske oopar duaaon ka haath hai vo sada nishchit aur nishchinta rehta hai। sabhi ke mastak par vijay ka tilak laga hua hai। yeh avinaashi tilak hai। to vijay ke tilakdhaari arthaat vighna vinaashak। sada amritvele vijay ke tilak ko smriti mein laao। bhakta bhi roj taiyaar hokar tilak zaroor lagaayenge। aapka to avinaashi tilak hai hi।

sabhi sada khush rehte ho ya khushi kabhi kam hoti hai, kabhi badhti hai? brahman jeevan ki khuraak khushi hai। to sada khuraak khaate ho ya kabhi-kabhi khaate ho? khush naseeb hain aur khushi ki khuraak khaane vaale hain aur khushi baantane vaale hain - ye yaad rehta hai? dil se nikalta hai ki mere jaisa khushanseeb aur koi ho nahin sakta? saare vishwa mein aur koi hai? london ki mahaaraani va America ka president hai? koi nahin? agar london ki raani aapko taaj takhta de to lenge? nahin lenge? abhi bhi le lo, bhavishya mein bhi le lena। takhta par baithenge to order to karenge na। (baba ka takhta mila hai us takhta ki jaroorat nahin hai) vo takhta aajkal takhta nahin hai, takhta hai। itna befrikhota hai। aur aap befrikbaadshaah ho। aisi befrikjeevan, saare kalpa mein is samay jo anubhav karte ho vo aur koi yug mein nahin hai। satayug mein befrikhonge lekin abhi aapko gyaan hai ki frikakya hai, befrik kya hai? vahaan gyaan nahin hoga।

baambe vaale double befrikho! kyonki baambe vaalon ko pata hai ki baambe agar gai to ham to theek hi rahenge। dekho na halchal hoti hai lekin brahman to safe hote hain। yogayukta aatma svatah hi safe ho jaati hai। to baambe vaale darte to nahin hain na ki saagar aa jaayega! pahle se hi nashtomoha ho gaye। achha, baambe vaalon ne kya naya plan banaaya hai? (kaar yaatra ka naya banaaya hai।) isse mike niklenge na? baambe vishwa mein business mein number one hai। to gyaan ki business mein kitna number hai? one number hai na। number tu to chandravansh ho jaayega। number one sooryavansh। to sooryavanshi hain ya chandravanshi? sabmen number hai to ismen peechhe kaise ho sakta hai। baambe vaalon ne saakaar paalna bhi li hai। ye bhi baambe ka bhaagya hai। abhi bhi nimitta bani hui baap samaan aatmaon ki paalna mil rahi hai na। to ismen bhi number one ho। dekhna, phir kabhi tu, kabhi one nahin banna। sada number one rehna। baambe vaalon mein himmat achhi hai। seva ke kshetra mein, har kaarya mein himmat rakhte hain। aur jo himmat rakhte hain usko baap ki gupta madad svatah hi milti hai। aur madad ki nishaani hai ki har kaarya sahaj hota hai। to sahaj lagta hai ya kabhi mushkil bhi lagta hai? mushkil ko sahaj banaane vaale auron ki mushkil ko mitaane vaale ho। to mushkil ko sahaj karne vaale hi vighna vinaashak hain। achha!

group nan. 5

yaad ki shakti dvaara second mein man-buddhi ko ekaagra karna aur seva dvaaraakhzaanon ko badhaana-yeh balance hi blessing praapta karne ka saadhan hai

sada yaad aur seva donon ka balance rakhne vaale ho? kyonki yaad se jo shaktiyon ki va gunon ki praapti hoti hai vo seva dvaara auron ko dena hai। to donon hi achhi tarah se check karte ho? ki kabhi seva jyaada hoti to yog kam, kabhi yog jayaada to seva kam-aise to nahin hota? seva karne se, jo khazaane mile hue hain woh badhte hain, to badhaane ki vidhi aati hai na? to seva mein hoshiyaar ho ya yaad mein hoshiyaar ho? yaad ki shakti ka arth hai ki jahaan buddhi ko lagaana chaaho, vahaan lag jaaye। aisi shakti hai? jab chaaho, jahaan chaaho, apni buddhi ko laga sakte ho ya time lagega? kitne time mein laga sakte ho? koi bhi vaayumandal hai lekin kaise bhi vaayumandal ke beech apne man ko, buddhi ko kitne samay mein ekaagra kar sakte ho? (second mein) kehte ho ya karte ho? kehna to sahaj hai lekin ekaagrata ki shakti hai va nahin hai-woh samay par maaloom padta hai। paristhiti halchal ki ho, vaayumandal tamoguni ho, maaya apne himmat se apna banaane ka prayatna kar rahi ho phir second mein ekaagra ho sakte ho ya time lagega? ye abhyaas sada karte raho to samay par shakti kaarya mein la sakte ho। isko kaha jaata hai jab chaahe, jahaan chaahe vahaan sthit ho sakte hain। kitna bhi vyartha sankalpon ka toofaan ho lekin second mein toofaan aage badhne ka tohpha ban jaaye। aisi controlling power ho to aisi shaktishaali aatma kabhi ye sankalp bhi nahin laayegi ki chaahte to nahin, lekin ho jaata hai। jo socha vo hua। aise nahin, sochte hain nahin hona chaahiye aur ho jaaye। kyonki agar samay par koi bhi shakti kaam mein nahin aai to praapti ke bajaay pashchaataap karna padta hai। to praapti swaroop bano। baapdaada ne sabhi aatmaon ko sarvashaktiyaan varse mein de di। to varse vaaleecheez sada yaad rehti hai। phalak se kahenge na ki ye shaktiyaan hamaara janma-siddha adhikaar hain।

sada ‘ek baap doosra na koi’ isi anubhav mein rehte ho na? bas ek hai, ki doosra-teesra bhi ho jaata hai? ek baap hi sansaar ban gaya। koi aakarshan nahin, koi karmabandhan nahin। apne koeekamzor sanskaar ka bhi bandhan nahin? koi kamzor sanskaar hain? koi puraana sanskaar abhi tak hai? kabhi thoda rob aata hai?kabhi chhoton ke oopar rob aata hai? (krodh aata hai) krodh to rob se bhi bada hai। krodh aata hai to iska arth hai karma ka bandhan hai। paandavon mein krodh aata hai aur maataaon mein moh aata hai। abhimaan bhi aata hai-main puroosh hoon, kabhi bachchon par, kabhi maataaon par abhimaan aata hai main bada hoon। adhikaar rakhte ho ki ye kyon kiya! meri hai, ye samajhte ho? seva ke saathi hain, na ki mere ka adhikaar hai। mera samajhne se hi krodh, abhimaan ya moh aata hai। agar mera nahin to krodh bhi nahin aayega। maataayen, bachchon ke oopar krodh karti ho? jab bahut chanchalta karte hain to krodh nahin karti?

jab baap sansaar hai, mera baba hai to aur sab mera-mera ek mere baap mein sama jaata hai। to abhi dil mein kya aata hai? mera ya tera? jaise bhakti mein kehte hain tera lekin maante hain mera to aise to nahin karte na। meraapan hi bojh hai, to bojh ko chhodna achhi baat hai na। to sada yeh yaad rakho ki ham yaad aur seva ka balance rakhne vaale baap ke blessing ke adhikaari aatmaayen hain।

group nan. 6

santushta rahne ka dridh sankalp lo to saphalta sada saath rahegi

sabhi aavaaj se pare rehna sahaj anubhav karte ho va aavaaj mein aana sahaj anubhav karte ho? sahaj kya hai? aavaaj mein aana ya aavaaj se pare hona? aavaaj se pare hona arthaat ashareeri sthiti ka anubhav hona। to shareer ke bhaan mein aana jitna sahaj hai, utna hi ashareeri hona bhi sahaj hai ki mehnat karni padti hai? second mein aavaaj mein to aa jaate ho lekin second mein kitna bhi aavaaj mein ho, chaahe svayan ho ya vaayumandal aavaaj ka ho lekin second mein full stop laga sakte ho ki comma lagegi, full stop nahin? isko kaha jaata hai pharishta va avyakt sthiti ki anubhooti mein rehna, vyakta bhaav se second mein pare ho jaana। iske liye ye niyam rakha hua hai ki saare din mein traiphak brake ka abhyaas karo। ye kyon karte ho? ki aisa abhyaas pakka ho jaaye jo chaaron or kitna bhi aavaaj ka vaataavran ho lekin ekdam brake lag jaaye। aatma ka aadi va anaadi lakshan to shant hai, to second mein order ho ki apne anaadi swaroop mein sthit ho jaao to ho sakte ho ki time lagega?sunaaya tha na ki lagaana chaahen bindi aur lag jaaye question mark to kya hoga? isko kis avastha ka abhyaas kahenge? sabhi pharishte sthiti ka abhyaas karte ho? abhi aur abhyaas karna hai ki jitna samay chaahe utna samay us vidhi se sthit ho jaayen। abhi dekho koi bhi prakriti ki aapda ya paristhiti ki aapda aati hai to achaanak aati hai na, aur din pratidin achaanak yeh prakriti apni halchal badhaati jaati hai। yeh kam nahin honi hai, badhni hi hai। achaanak aapda aa jaati hai। to aise samay par samaane va sametne ki shakti ki aavashyakta hai। aur kahaan bhi buddhi nahin jaaye, bas baap aur main, buddhi ko jahaan lagaana chaahen vahaan lag jaaye। kyon-kya mein nahin jaaye, ye kya hua, ye kaise hoga, hona to nahin chaahiye, ho kaise gaya-isko brake kahenge? to udti kala ke liye brake bahut power full chaahiye। jab pahaadi par oonche chadhte hain to baar-baar kya kehte hain ki brake check karo, brake check karo। to oonchi avastha mein ja rahe ho na to baar-baar ye brake check karo। koi bhi sankalp va sanskaar negative se positive mein parivartan kar sakte hain aur kitne samay mein kar sakte hain? samay hai ek second ka aur aap paanch second mein karo to kya hoga? to attention is parivartan shakti ka chaahiye। pahle svayan ko parivartan karo tab vishwa ko parivartan kar sakte ho। to sva-parivartak bane ho? pahle hai sva-parivartak uske baad hai vishwa parivartak। kyonki anubhav hoga ki vyartha sankalp ki gati bahut fast hoti hai। ek second mein kitne vyartha sankalp chalte hain, anubhav hai na। fast chalte hain na। to aise fast gati ke samay powerful brake lagaakar parivartan karne ka abhyaas chaahiye। to aaj ke din pharishtepan ka abhyaas kiya? sahaj anubhav hua ki mehnat lagi? abhi sarva aatmaayen aap shanti-sukh dene vaali pharishte aatmaon ko yaad karti hain ki koi pharishte aayen aur vardaan dekar jaayen। to vo pharishte kaun hain? aap ho? nasha rehta hai na ki ham hi kalpa-kalpa ki shreshtha aatmaayen hain। kitne baar yeh part bajaaya hai? yaad hai ki bhool gaye? pharishta swaroop kitna pyaara hai। kyonki pharishta daata hota hai, levta nahin hota hai। to dene vaale daata ho na ki lekar dene vaale ho? baap se lena alag baat hai। aur aatmaayen kuchh den to aap do aise to nahin? pharishta arthaat santushta rehna aur santushta karna। to santushta rehte ho ki koi-koi baat mein asantushta bhi ho jaate ho?kuchh bhi neeche-oopar ho jaaye, asantushta honge? koi insult kar de to bhi santushta rahenge? koi neeche-oopar karne ki koshish kare to santushta rahenge? pakka? koi kami ho jaaye to bhi santushta rahenge? dekho, soch-samajhkar javaab do। koi teacher ne aapko kam poochha, kam bola to santushta honge ya asantushta honge? record mangaayen? kuchh bhi ho jaaye, daata ke bachche daata hain to kisi bhi baat mein asantushta nahin ho sakte। santushtata braahmanon ka vishesh lakshan hai। svayan se bhi santushta aur auron se bhi santushta। jo part mila hai usmein santushta rehna hi aage badhna hai। aise santushta ho? maataayen santushta devi ho na? santoshi maa ka poojan hota hai, vo kaun hain? aap hi ho na। to kuchh bhi ho jaaye apni visheshta ko sada saath rakho। agar dridh sankalp hai to jahaan dridhta hai vahaan saphalta hai hi। dridh sankalp rakho ki santushtata ko kabhi chhodna nahin hai to saphalta aapke sada hi saath rahegi। sankalp mein bhi dridhta, bol mein bhi dridhta aur karma mein bhi dridhta। aise nahin ki sankalp to dridh kiya tha lekin karma mein thoda neeche-oopar ho gaya। nahin। is varsha sada santushta rehna arthaat saphal rehna, saphalta ko nahin chhodna hai। kitna bhi kada paper aa jaaye lekin santushta rehna hai aur santushta karna hai। kyonki aapka title hai vishwa kalyaankaari।

jaise aaj ke din ko smriti divas so samartha divas kehte hain to saara varsha hi samartha divas manaana। vthartha samaapta। dridh sankalp arthaat bahut teevra purooshaartha ke sankalp vaale। to purushaarthi nahin banna, teevra purushaarthi। achha!

kitni bhi badi kaisi bhi paristhiti ho pyaar se, sneh se paristhiti roopi pahaad bhi parivartan ho paani samaan halka ban sakta hai। patthar ko paani bana sakte ho। kaisa bhi maaya ka vikraal roop va royal roop saamna kare to second mein sneh ke saagar mein sama jaao to saamna karne ki maaya ki shakti samaapta ho jaayegi। aapke samaane ki shakti chhu-mantra nahin lekin shiv-mantra ban jaayegi।