शुक्रवार 18 फ़रवरी 1994 की अव्यक्त मुरली

>

18-02-94 om shanti avyakt baapdaadaamdhuban

svamaan ki smriti ka switch on karne se - deh bhaan ke andhakaar ki samaapti

taaj, takhta aur tilak ki smriti dilaakar pharishte swaroop mein sthit karaane vaale akaalmoorta baapdaada apne akaal takhtansheen bachchon prati bole-

aaj akaal moorta baap sabhi akaal takhtadhaari, vishwa kalyaan ke taajdhaari, mastak mein chamakte hue bindi ke tilakdhaari bachchon ko dekh rahe hain। har ek takhtadhaari bhi hain, taajdhaari bhi hain, tilak bhi sabhi ka chamak raha hai। sabhi ke mastak beech aatma bindi sitaare ke samaan dikhaai de rahi hai। aap sabhi bhi apne takhta, taaj aur tilak ko dekh rahe ho। saari sabha baapdaada ko taaj aur tilakdhaari, takhtansheen dikhaai de rahi hai। ye alaukik sabha, kaliyugi raajya sabha aur satayugi raajya sabha se kitni nyaari aur pyaari hai! to aisi sabha ki adhikaari aatmaayen kitni pyaari hain! aap sabhi ko bhi apna ye takhta, taaj aur tilakdhaari swaroop pyaara lagta hai na! jab akaal takhtansheen, akaalmoorta, shreshtha aatma sthiti mein sthiti ho takhta par baithte ho to yeh sthiti kitni shreshtha hai! sabhi ke shreshtha sthiti ki jhalak is soorat ko pharishta bana deti hai। saadhaaran soorat nahin, pharishta soorat। to pharishta soorat bhi kitni pyaari hai! pharishte sabhi ko bahut pyaare lagte hain। kyonki pharishta sarva ka hota hai, ek-do ka nahin। behad ki drishti, behad ki vritti, behad ki sthiti vaala hai। pharishta sarva aatmaon ke prati parmaatma sandesh vaahak hai। pharishta arthaat sada udti kala vaala। pharishta arthaat sarva ka rishta ek baap se jutaane vaala hai। pharishta arthaat double light। deh aur deh ke sambandh se nyaara, halka। pharishta arthaat sarva ko svayan ki chalan aur chehre dvaara baap samaan banaane vaala। pharishta arthaat sahaj aur svatah anaadi aur aadi sanskaar sada emerge swaroop mein dikhaane vaala। pharishta arthaat nimitta bhaav, nirmaan svabhaav aur sarva prati kalyaan ki shreshtha bhaavna vaala। aise pharishte ho na? phalak se kaho-ham nahin honge to kaun hoga! phalak hai na! to baapdaada aise pharishton ki darbaar dekh rahe hain। sirf isi svamaan mein sthit rahne se dehbhaan svatah hi samaapta ho jaayega।

baap dekhte hain ki bachche dehbhaan ko chhodne ki bahut mehnat karte hain। ek dehbhaan ke roop ko chhodte hain to doosra aa jaata hai, phir doosre ko chhodte hain to teesra aa jaata hai। lekin chhodna sada mushkil hota hai aur dhaaran karna sahaj hota hai। to baapdaada kehte hain ki svamaan mein sada raho। jahaan svamaan hai vahaan dehbhaan aa hi nahin sakta। to chhodne ki mehnat nahin karo lekin svamaan mein sthit rahne ka attention rakho aur sangamayug par svayan baap dvaara kitne achhe-achhe svamaan praapta hain। praapta karna nahin hai, praapta hain। apne svamaan ki list nikaalo। kitni badi list hai! saare kalpa mein kitne bhi svamaan arthaat titles kisi bhi naameegraami aatma ke hon, chaahe raajneta ho, chaahe abhineta ho, chaahe dharmaatma ho, chaahe mahaan aatma ho, unke agar title ginti bhi karo to aapke svamaan ki list se jyaada ho sakte hain? aur roj savere-savere baapdaada svamaan ki smriti dilaate hain, svamaan mein sthit karaate hain। roj bhi ek naye te naya svamaan smriti mein rakho to svamaan ke aage dehbhaan aise bhaag jaata jaise roshni ke aage andhakaar bhaag jaata। na samay lagta, na mehnat lagti। to baar-baar bhinna-bhinna dehbhaan ko mitaane ki mehnat kyon karte ho? svamaan ki smriti ka switch on karna nahin aata hai kya? kitna bhi gahra kaala baadal soorya ki roshni ko chhipaane vaala ho lekin aapke paas automatic direct parmaatma light ka connection hai। direct line hai na? line clear hai ya leakage hai? kiska link hota hai lekin leakage ho jaati hai। to direct line kitni powerful hoti hai! direct connection hai ya indirect hai? sabhi ki direct line hai na? sabhi ko direct line mil gai hai? phir to ek baadal kya, saare baadal aa jaayen, andhakaar kar sakte hain kya? smriti ka switch direct line se on kiya aur itni light aa jaayegi jo svayan to light mein honge hi lekin auron ke liye bhi light house ho jaayenge। aise hota hai na? anubhvi ho na? lekin kabhi-kabhi anubhav ko kinaare rakh dete hain। sahaara mila hai lekin kabhi-kabhi sahaare ke bajaay kinaare ho jaate hain। mehnat lagti hai kya? sada nahin lagti, kabhi-kabhi lagti hai! switch on karna bhool jaate ho kya? vaastav mein agar ek master sarvashaktimaanka svamaan bhi yaad ho to mehnat ki koi baat hi nahin hai। maarga mehnat ka nahin hai lekin haai-ve ke bajaay galiyon mein chale jaate ho va manzilke nishaane se aur aage badh jaate ho to lautne ki mehnat karni padti hai। baapdaada sada apne sneh aur sahayog ki godi mein bithaakar manzilpar le ja rahe hain। godi mein baithkarmanzil par pahunchne mein mushkil kyon hota hai? sneh aur sahayog ki godi se nikal kabhi aur aakarshan kheenchati hai to chakkar lagaane nikal jaate ho। thak bhi jaate ho phir mehnat bhi mahsoos karte ho। to is varsha kya karenge? mehnat samaapta। mohabbat mein, lav mein leen ho jaao, lavleen ho har kaarya karo। jo leen hota hai usko aur kuchh dikhaai nahin deta, aakarshitanheen karta। to lav mein rehte ho। aisa koi hoga jo kahe-mujhe baap se pyaar nahin hai, lav nahin hai! sabhi ka lav hai na! lekin kabhi lav mein rehte ho, kabhi lav mein leen rehte ho। nahin to dekho man-buddhi dvaara sthiti mein baap ka sarva sambandhon se saath hai। saath bhi hai aur seva mein baap har samay saathi hai। to sthiti mein saath hai aur seva mein saathi hai। jahaan sada saath bhi hai aur saathi bhi hai to vahaan kya mushkil hai? param aatma ki mahima hi hai mushkil ko sahaj karne vaale। aisa baap aapke saath hai aur saathi hai to mushkil ho sakta hai? phir kyon mushkil karte ho?

sarva sambandhon ki sarva samay pramaan baap svayan har bachche ko offer karte hain। jaisa samay vaise sambandh se saath raho va saathi banaao। koi samay to sambandh se saathi banaate ho aur koi samay saathi ko kinaare kar dete ho। phir kehte hain ki akelaapan feel hota hai। chalte-chalte akelaapan lagta hai। aur akelaapan hone se kya hota hai? apna shreshtha jeevan saadhaaran jeevan anubhav hota hai। phir kehte hain boring life ho gai hai, kuchh change chaahiye। ek taraph baapdaada ko khush karte hain ki ham to combined hain। combined kabhi akela hota hai kya? badi achhi-achhi baaten karte hain-baba, ham to hain hi combined। phir 15-20 varsha beetta to kehte hain change chaahiye, akele ho gaye hain। vaise bhi dekho duniya mein agar change chaahte hain to koi saagar ke kinaare par jaakar so jaate hain, koi manoranjan mein chale jaate hain, dance karte hain, koi geeton ke mauj mein mauj manaate hain, koi company ya companion ka saath lete hain। yahi karte ho na! khel karte ho? khelon ki duniya mein bageeche mein chale jaate ho! yahaan gyaan saagar ka kinaara hai yeh bhool jaate ho। agar saagar pasanda hai to saagar ke kinaare baith jaao। baap gyaan saagar hai na। baap companion nahin hai kya? usse maja nahin aata hai? ki samajhte ho bindi se kya maja aayega! aap sabhi ko sada bahlaane ke liye to brahma baap bhi avyakt hue। lekin yahaan to sada ka saathi chaahiye na। jab bhi apne ko akelaapan anubhav karo to us samay bindu roop nahin yaad karo। woh mushkil hoga, usse bor ho jaayenge। lekin apne brahman jeevan ki bhinna-bhinna samay ki ramneek anubhav ki kahaaniyaan smriti mein laao। anubhav ki kahaaniyon ka kitaab sabhi ke paas hai। jab bor ho jaate hain to novels padhte hain na। to aap apne kahaaniyon ka kitaab kholo aur use padhne mein busy ho jaao। apne svamaan ki list ko saamne laao, apne praaptiyon ki list ko saamne laao। brahman sansaar ke vichitra practical kahaaniyon ko smriti mein laao। jaise apne ko change karne ke liye samaachaar patra padhne ka bhi aadhaar lete hain to brahman sansaar ke kitne alaukik samaachaar aadi se ab tak dekhe hain va sune hain, samaachaar patra bhi aapke paas hain। kaiyon ko paper padhne ke bina chain nahin aata hai। paper bhi aapke paas hai। paper padho। dance aur saaz to jaante hi ho। bina thakaavat ke dance karte ho। manamnaabhav hona hi sabse bada manoranjan hai। kyonki sarva sambandhon ka ras va anubhootiyaan karna hi manamnaabhav hai। sirf baap ke roop mein ya vishesh teen roopon ke sambandh se anubhav nahin hai lekin sarva sambandhon ke sneh ka anubhav kar sakte ho। sambandhon se yaad to karte ho lekin pharka kya ho jaata hai? ek hai dimaag se knowledge ke aadhaar par sambandh ko yaad karna aur doosra hai dil se us sambandh ke sneh mein, lav mein leen ho jaana। aadha to karte ho baaki aadha rah jaata hai। isliye thoda samay to theek rehte ho, thode samay ke baad sirf dimaag se hi sambandh ko yaad kiya to dimaag mein doosri baat aane se dil badal jaata hai। phir mehnat karni padti hai। phir kya kehte ho-hamne yaad to kiya, baba mera companion hai, lekin companion ne tod to nibhaai nahin, anubhav to kuchh hua nahin - ye dimaag se yaad kiya। dil mein sneh ko samaaya nahin। jab bhi koi baat dimaag mein aati hai to woh nikalti bhi jaldi hai। lekin dil mein sama jaati hai to usko chaahe saari duniya bhi dil se nikaalna chaahe, to bhi nahin nikaal sakti। to sarva sambandhon ko samay pramaan, jis samay jis sambandh ki aavashyakta hai, aavashyakta hai phrend ki aur yaad karo baap ko to maja nahin aayega। isliye jis samay, jis sambandh ki anubhooti chaahiye, us sambandh ko sneh se, dil se anubhav karo। phir mehnat bhi nahin lagegi aur bor bhi nahin honge, sada manoranjan। to is varsha kya karenge?

mehnat se nikalna hai। har maas sirf O.ke. likhna, aur kuchh nahin likhna। O.ke. se samajh jaayenge ki mehnat se nikal gaye। lambe-lambe patra nahin likhna। nahin to kehte hain ki patra to likha, javaab nahin milta। aise nahin hai ki aapke patra pahunchte nahin hain। patra likhna shuru karte ho aur vahaan computer mein pahle aa jaata hai, post mein peechhe pahunchta hai। vaise baapdaada itne lambe patron ka roj ki murli mein sabko javaab deta hai। roj patra likhte hain। itna lamba patra koi likhta hai! to itne apne svamaan ko dekho-paramatma ka kitna pyaar hai aap sabse। paramatma ka pyaar hai tab patra likhte hain arthaat murli mein uttar bhi dete hain aur yaad-pyaar bhi dete hain। agar koi bhi question uthta hai ya koi bhi samasya saamne aati hai to murli se response milta hai। to phir kabhi shikaayat nahin karna ki uttar nahin aaya। baaki achha karte ho jo dil mein baat aati hai vo baap ke aage rakhna arthaat dil se nikaal diya। vo bhale karo, lekin short likho। patra jab likhte ho to usi samay dil to halki ho jaati hai na। kyonki de diya na। phir doosre din ki murli us vidhi se dekho ki jo mainne patra likha uska uttar kya hai? response milta to hai na। behad ka baap hai to patra bhi behad ka likhega, chhota thode hi likhega।

baapdaada ne dekha ki chaaron or ke double videshi bachche seva mein achhi lagan se lage hue hain। ek-ek ko dekhte hain to har ek ek-do se pyaare lagte hain। agar naam lenge to kitne naam lenge! iseeliye sabhi apne naam se vishesh seva ki return mubaarak sveekaar karna। naam lena shuru karenge to maala banaani padegi। lekin maala ke sabhi manke baapdaada ke saamne hain। samay prati samay behad ki seva aur saphalta sampanna hoti ja rahi hai। vartamaan samay vishesh videsh mein do sevaaon ka result achha pratyaksha hua। anek prakaar ki sevaayen to chalti hi rehti hain lekin vishesh ek ye global book, jo mehnat karke taiyaar kiya hai, uske nimitta chaaron or vishesh aatmaon ka sambandh-samparka mein aana sahaj ho gaya। to jin bachchon ne dil va jaan, sik va prem se samay diya, sahayog diya, uske pratyakshaphal seva ke nimitta aatmaon ko baapdaadaapdam guna mubaarak de rahe hain। aur saath-saath jo abhi doylaag va retreat kiya uski result bhi pahle se achhe te achhi rahi। aur sabhi desh vaalon ne ismen jo sahayog diya, un sabko bhi mubaarak। lakshya achha rakha। to chaaron or abhi is do prakaar ki seva ki achhi dhoom-dhaam chal rahi hai aur aage bhi chalti rahegi। baapdaada ko yaad hai ki pahle videsh se vi.aai.Ps. to chhodo, aai.Ps. laana bhi mushkil lagta tha। aur abhi to sahaj lagta hai na! to yeh seva ka pratyakshaphal hai। aur kitnon ki duaayen mileen! jiske haath mein book jaata hai, un sabki duaayen kiske khaate mein jama hoti hain? jo nimitta bante hain। chaahe dene ki seva, chaahe banaane ki seva, chaahe idea nikaalne ki, chaahe likhne ki-sabko duaayen milti hain। to kitni duaayen mil rahi hain! bahut duaayen milti hain, aap sirf receive karo। apne mein hi busy rehte ho to duaayen receive nahin karte ho। aur jo bhi aai.Ps. ya vi.aai.Ps. samparka mein aate hain to ek kitnon ko anubhav sunaayenge to un sabhi ki duaayen brahman aatmaon ko bahut-bahut praapta hoti hain। agar duaayen receive karo to bhi sampanna to ho hi jaayenge। book bhi achha nikaala aur ye programme bhi bahut achha hai। aur bhaarat vaalon ki vishesh seva abhi kaar yaatra ki chal rahi hai। (business wing ke bhaai-bahinon ne 11 car ki ek reli raajkot se baambe tak nikaali hai, jismen anek prakaar ki sevaayen ho rahi hain) uski bhi result bahut achhi nikal rahi hai aur aage ek bhi nimitta ban gaye to anekon ke bhaagya jagaate rahenge। to ye bhi seva ki result achhi dikhaai de rahi hai। jo bhi is seva mein nimitta hain, umang-utsaah se badh rahe hain, un sabhi ko bhi, chaaron or ke bhaaratvaasi bachchon ko, sahayogi bachchon ko, nimitta bachchon ko baapdaada mubaarak dete hain। mehnat naam maatra aur saphalta jyaada, ab aisi seva ke plan banaao। is seva mein bhi yeh dikhaai deta hai ki mehnat kam, result jayaada। aise videsh ke donon programme mein bhi aise hain। achha।

desh-videsh ke sarva seva mein umang-utsaah se aage badhne vaale, athak ban auron ko daan-vardaan dene vaali aatmaon ko, chaaron or ke baap ke sarva sambandh ke lav mein leen rahne vaali lavleen aatmaon ko, sada sahaj anubhav karne, auron ko bhi sahaj anubhav karaane vaali sahajyogi aatmaon ko, sada svayan ko svamaan dvaara sahaj dehbhaan se mukta karne vaali jeevanmukta aatmaon ko, sada baap ko saath anubhav karne vaale aur saathi anubhav karne vaale sameep aatmaon ko baapdaada ka yaad-pyaar aur namaste।

ritreetav videsh sevaamen sahayogi bhaai bahenon se tatha daadiyon se avyakt baapdaada ki mulaakaat -

sabhi khushi se seva karte hain to uska result bhi aisa nikalta hai। jaisa samay sameep aa raha hai, samay ke saath saphalta bhi sameep aa rahi hai। kuchh samay pahle saphalta door lagti thi lekin abhi saphalta kitni sameep anubhav ho rahi hai। abhi koi bhi kaarya karte ho to aata hai na ki saphalta hui padi hai। sabki sthiti bhi sahajyogi ki badhti jaati hai na। to jitni sthiti sahajyogi ki badhti hai utni saphalta bhi svayan aage aati hai। saphalta ke peechhe nahin jaate, lekin saphalta svayan aati hai। achhi vidhi hai। abhi svayan offer karte hain। pahle contact karna mushkil tha। baapdaada ko jayanti (london ki jayanti behen) ki baat yaad aati hai। jab baahar ki seva kehte the to sabhi ko kehti thi bada mushkil hai, videsh hai। aap logon ko videsh ka pata nahin। aur abhi vyakti milte hain, sthaan kam hai। madhuban mein bhi dekho sthaan ke kaaran number milta hai। sabhi ne mehnat achhi ki। mohabbat mein rahkar mehnat ki isliye mehnat mohabbat mein badal gai। (bahnon ne baapdaada ko global book tatha jvel aaph light book dikhaai, baapdaada ne sabhi seva mein sahayog dene vaalon ko stage par bulaaya) international hai na। jab cheez taiyaar ho jaati hai to kitni khushi hoti hai। pahle banaaya jaata hai phir jab taiyaar ho jaati hai to sabhi ke saamne aa jaati hai। london, America, ostreliya sabhi ne ismen sahayog achha diya hai। isliye jo bhi nimitta bane sabhi apne-apne naam se yaad sveekaar karna। baapdaada sabhi nimitta bane hue bachchon ko mubaarak dete hain। (chikaago ki konpherensabhi achhi rahi) conference ki saphalta bhi achhi hui। sabhi ne achhi seva ki। achhi himmat rakhi aur himmat ka pratyakshaphal sarva ki madad mili। brahman samaachaar patron mein to vishesh naam aa gaya। jo bhi vishesh seva karte hain uska pratyakshaphal pahle man mein khushi hoti hai aur saath-saath braahmanon ke book mein jama ho jaata hai। (maiksiko ki conference bhi achhi hui) sunaaya na ki har kaarya mein saphalta sameep aa rahi hai। jo bhi, jahaan bhi seva kar rahe ho to sarva ke sangathan ke vibration se vishesh kaarya mein saphalta mil rahi hai। jaise building banti hai na to ek-ek kan ka sahayog hota hai, ek-ek eet ka sahayog hota hai tab building banti hai। kahne mein to aisa hi aata hai ki phalaane kontrektar ne banaaya lekin eet nahin hoti to kontrektar kya karta? to aap sabhi seva ke saphalta ke building ki ek-ek vishesh eet ho, foundation ho। baaki jis kaarya ke liye jo nimitta banta hai unka vishesh naam ho jaata hai। (yeh yu.N.ki golden jubilee hai। family year chal raha hai) to golden saphalta laayenge na। aapka to har varsha family year chal raha hai। family badh rahi hai, family sukhi ho rahi hai। family planning to aapka hai hi। family control planning nahin, family badhne ka planning। duniya vaale kehte hain chhota parivaar sukhi parivaar aur yahaan kehte hain bada parivaar, sukhi parivaar। sabhi achhi mehnat karte hain। ‘mehnat’ shabd ke bajaay, achhi seva karte ho। ‘mehnat’ shabd thoda achha nahin lagta। seva dvaara pratyakshaphal kha rahe ho। doylog achha hua na? seva se sabhi khush hain? sab aage badh rahe hain aur badhte hi rahenge। buddhi achhi chalaate ho। ab aisa plan banaao jo koi bhi aatma brahman parivaar se kinaare nahin ho jaaye। kile ko aisa majboot karna pade jo koi ja hi nahin sake। abhi phir bhi sunte hain achhe-achhe chale gaye, kyon chale gaye, kahaan chale gaye? to aisa kila majboot karo to jo koi soche to bhi ja nahin sake। jaise chaaron or current ki taaren laga dete hain na to aap bhi vibration dvaara current ki taaren laga do, jo unhon ko smriti aa jaaye। achha!

avyakt baapdaada ki personal mulaakaat

group nan. 1

sarvakhzaanon se bharpoor rahne vaala hi vishwa kalyaankaari hai

sabhi apne ko vishwa kalyaankaari baap ke bachche vishwa kalyaankaari aatmaayen anubhav karte ho? vishwa kalyaankaari aatmaon ki visheshta kya hogi? vishwa ka kalyaan karne vaali aatma pahle svayan sarva khazaanon se sampanna hogi। to sarva khazaanon se bharpoor ho? kitnekhzaane hain? bahut hain na! to sab khazaanon se bharpoor aatmaayen hi auron ko de sakengi। agar gyaan ka khazaana hai to full gyaan ho, koi bhi kami nahin ho tab kahenge bharpoor। to full hai ya kabhi koi kam bhi ho jaata hai? hai lekin samay par kaarya mein laga sake-ye checking sada karte raho। to samay par yoozkar sakte ho ki samay beet jaata hai peechhe sochte ho? phir kya kehna padta hai-aise karte the, aise hota tha to ‘the’ aur ‘tha’ hota hai। kya check karna hai ki samay par jokhzaana chaahiye vo khazaana kaarya mein laga ya nahin? vishwa kalyaankaari aatmaayen sada har samay chaahe mansa, chaahe vaacha, chaahe karmana, chaahe sambandh-samparka mein, har samay seva mein busy rehti hain। to itne busy rehte ho? sabse jyaada seva mein busy kaun rehta hai? kyonki jab naam hi hai vishwa kalyaankaari to yeh occupation ho gaya na। to jo occupation hota hai uske bina rah nahin sakte। to sada busy hain aur sada rahenge। saara din buddhi mein kya rehta hai? koi aatma mile aur sandesh den। achha hai, bhaaratvaasi apne vidhi se seva mein aage badh rahe hain aur Malaysia vaale apni vidhi se, Russia vaale apni vidhi se, lekin sabhi yaad aur seva ki lagan se aage badh rahe hain।

baapdaada ko bhi sabhi bachchon ko dekh khushi hoti hai ki kahaan-kahaan se bichhudi hui aatmaayen apne parivaar mein pahunch gai। aap sabhi ko bhi khushi hai na?apna parivaar dekh khushi mein naachte ho na? vishwa kalyaankaari hain to chaaron or ke vishwa ki aatmaon ka part noondha hua hai। ek bhi kona rah jaayega to vishwa nahin kahenge। achha, Russia mein seva achhi badh rahi hai। Malaysia to hai hi aage na! achhi result hai। bhaarat to hai hi foundation। bhaarat jaga tab to videsh jaga na। to har sthaan aur har bachche ki achhi khushbu baap ke paas aati rehti hai। bhaaratvaasiyon ko anek taraph ki aatmaon ko dekh aur jyaada khushi hoti hai। bhaaratvaaseephraakdil hain। khushi badhti hai na-vaah, hamaara parivaar। aap sabko dekh karke sabhi ke dil se duaayen nikalti hain। bahut achha, jo hamaare bichhde hue bhaai-bahnen mil gaye। koi bichhda hua aakar parivaar mein mil jaaye to kitni khushi hoti hai! to aapko bhi khushi aur sabhi ko bhi khushi hoti hai। shreelanka vaale bhi lucky hain। kyonki naam hi hai shreelanka। shri sada shreshtha ko kehte hain। to shreshtha aatmaayen ban gaye hain na! kitna bhi kahaan hangaama hota rahe lekin aap safe ho। yaad ki chhatrachhaaya mein ho। achha!

group nan. 2

svayan aur samay ke mahatva ko jaankar bhavishya praalabdha jama karo

sada apne ko baap ke saath rahne vaali shreshtha aatmaayen anubhav karte ho? sada saath rahne vaale va kabhi-kabhi saath rahne vaale kya samajhte ho? jab baap ka saath chhootta hai to aur koi saathi bante hain? maaya to saathi banti hai na! kitne janma maaya ke saathi rahe? bahut rahe na। aur baap ka saath practical mein kitne samay ka hai? sangamayug hai na aur sangamayug hai bhi sabse chhota yug। to kya karna chaahiye? sada hona chaahiye। kyonki saare kalpa mein kitna bhi purooshaartha karo to bhi saath ka anubhav kar sakenge? (nahin) to iska salogan kya hai? (abhi nahin to kabhi nahin) yeh yaad rehta hai? samay ka bhi mahatva yaad rahe aur svayan ka bhi mahatva yaad rahe। donon mahatva vaale hain na! is sangamayug ke samay ko, jeevan ko-donon ko heere tulya kaha jaata hai। heere ka moolya kitna hota hai! to itna mahatva jaante hue ek second bhi sangamayug ke saath ko chhodna nahin hai। second gaya, to second nahin lekin bahut kuchh gaya। aisi smriti rehti hai? saare kalpa ki praalabdha jama karne ka samay ab hai। agar season par season ko mahatva nahin dete to sada ke liye vanchit rah jaate hain। to is samay ka mahatva hai, jama karne ka samay hai। agar raajya adhikaari bhi bante ho to bhi abhi ke jama ke hisaab se aur poojya bhi bante ho to is samay ke jama ke hisaab se। ek chhote se janma mein anek janmon ki praalabdha jama karna hai। ye yaad rehta hai ki kabhi-kabhi? sam time hai? to ye sam time shabd kab khatma karenge? samaapti samaaroh kab manaayenge? raavan ko bhi maarne ke baad jalaakar khatma kar dete hain? to abhi maara hai, jalaaya nahin hai। achha, ye variety group hai। baapdaada ek-ek ratna ki value ko jaante hain। usi amoolya ratna ki drishti se dekhte hain। hai na amoolya ratna! kam bhaagya nahin hai jo oonche te oonche bhagwan ke ban gaye। to khush raho aur khushi baantate chalo। bharpoor hain na ki thoda kam hai? jo full hota hai woh fail nahin hota। to vijayi hain na? achha!

group nan. 3

sapoot ban svayan par shreemat aur vardaanon ka haath anubhav karte hue samaan banne ka saboot do

sabhi ka lakshya baap samaan banne ka hai na। baap samaan banna hai ya bane hain? phalak se kaho ki ham hi bane the, ham hi hain aur ham hi bante rahenge। aap sabhi ka salogan hai ‘follow father’। to follow father karne vaale ko kya kahenge? samaan hue na। jo baap ke kadam vo aapke kadam, tabhi to pholophaadar kahenge। to pholophaadar hai? baapdaada sabhi bachchon ko sada sapoot bachchon ke roop mein dekhte hain। sapoot bachcha kisko kaha jaata hai? jo har karma mein sapoot ban baap ko saboot de। sapoot arthaat saboot dene vaale। pratyakshaphal kha rahe ho na ki bhavishya ke liye sirf jama hota hai, vartamaan mein nahin। ek kadam seva ka karte ho va yaad mein rehte ho to shakti milti hai, khushi bhi milti hai, anubhav hai? pratyakshaphal khaane vaale arthaat sada healthy, wealthy aur happy rahne vaale। to sabhi wealthy bhi ho। kitne khazaane hain? bahut khazaane hain na। bharpoor ho na? ya thoda-thoda khaali hain? jitnaakhzaanon se bharpoor rahenge to jo sampanna hota hai usmein halchal bhi nahin hoti aur doosri cheezbhar bhi nahin sakti। sapoot bachche arthaat sada baap ke shreemat ka haath aur saath anubhav karne vaale। to shreemat ka haath sada apne oopar anubhav karte chalo। sada haath hai? to jahaan baap ka haath hai vahaan saphalta hai hi hai। baap ki shreemat ka haath arthaat vardaan ka haath। koi bhi kaarya karte ho to pahle ye smriti mein laao ki shreemat ka haath, vardaan ka haath sada hamaare oopar hai। anubhav karte ho na aur baap ko bhi sapoot bachchon ko vardaan dene mein khushi hoti hai। kabhi bhi ye vardaan ka haath chhoot nahin sakta। koi chhuda sakta hai, hai kiski taakat ki kabhi-kabhi maaya ki ho jaati hai? maaya ne vidaai kar li ya kabhi-kabhi usko bula lete ho? kamzor hona arthaat maaya ko bulaana।kamzor hote ho kya? chaahte nahin ho lekin ho jaate ho? nahin, ho hi nahin sakte। maastarsarvashaktimaanaaurkamzor ho sakta hai kya? roshni ke hote andhakaar hoga kya? to sarvashaktimaanaaurkamzor donon baaten milti hain kya?phir maaya ko kyon bulaate ho? bulaate nahin ho, vo jabardasti aati hai। maaya ka aapse pyaar hai, aapka maaya se nahin? sada amritvele apne aapko vijay ka tilak lagaao aur baar-baar use refresh karo। anek baar ke vijayi ho। ye to pakka hai na! jab itni himmat rakh baap ke ban gaye to banne ke baad himmat ki padma guna madad milti hai। ek kadam ki himmat aur padam kadam ki madad। yeh anubhav hai na?padamguna madad anubhav karne vaale arthaat sada baap samaan vijayi hain hi hain। sabse jyaada pyaar baap se hai na। to jisse pyaar hota hai us jaisa to banna hi hai। pyaar ka response hai samaan banna। achha, sabhi apne ko baap ke sameep, baap ke pyaare te pyaari aatmaayen anubhav kar udte chalo।

group nan. 4

sada baap ke diltakhtansheen, parmaatma pyaare bano to befrik baadshaah ban jaayenge

sabhi last so fast ho na। first division mein aane vaale ho? first aane vaale arthaat raajya adhikaari aatmaayen। to sabhi raajya adhikaari ho? satayug-treta ke vishwa raajya ke takhtansheen samay pramaan kitne banenge?sab banenge! to takhta par baithenge ya baithne vaale ke saathi honge? jab sabhi ko sunaate ho 21 janma hain, to kitne nambarvaar takhta par baithenge?ikaththe-ikaththebaithenge ya tarna by tarna baithenge? sabse bade se bade raajya adhikaar ka anubhav ab sangam par svaraajya ka hota hai। maja to svaraajya adhikaari ka abhi anubhav kar rahe ho na। svaraajya ka nasha hai na ya satayug mein jab takhta par baithenge tab hoga? abhi ka nasha bada hai ya satayug ka nasha bada hai? (abhi ka) to nishchay se sada kehte ho ki svaraajya adhikaari so vishwa raajya adhikaari। svaraajya hamaara brahman janma ka adhikaar hai। yaad rehta hai na ki kabhi praja bhi ban jaate ho?praja ka arth hai adheen rehna aur raaja ka arth hai adhikaari। to sada adhikaari rehte ho ya kabhi adheen bhi ho jaate ho? abhi sangamayug par bhi agar ‘sam time’ hoga to ‘sada’ kab hoga? abhi ka sada hai ya bhavishya ka? paandav vijayi ho gaye? is samay vijayi ho ya vahaan bhi jaakar rahenge, kya hoga?kyonki aap sabhi baap ke pyaare ho na to dil takhtansheen ho। to jo dil takhtansheen hain, dil ke pyaare hain uska chitra svatah hi dil mein khinchata hai। aap sabhi kya kehte ho ki ham sada kahaan rehte hain? baap ke dil mein rehte ho na?dil se juda ho hi nahin sakte। koi ki himmat nahin jo dilaaraam ke dil se aapko alag kar sake। ye pakka nishchay hai na? geet gaate ho na-ham juda ho nahin sakte। chaahe saari duniya alag karne ki koshish kare to bhi nahin ho sakte। kyonki koton mein koi ek aap ho, aur to aapke aage kuchh bhi nahin hain। fast group ki yahi nishaani hai na। shareer chhoot jaaye lekin diltakhta nahin chhoot sakta। itna pakka hai na? to ye takhta kisko milta hai? jo padmaapdambhaagyavaan hain। to chhodenge kaise? challenge karte ho ki bhale trial karo। itne atal ho na। bachchon ki himmat ko dekh baap bhi balihaar jaate hain। duniya ke aage phakhar se kehte ho ki ham parmaatma pyaare ban gaye। isi phakhar mein rahne vaale frik se pharig ho। friksab khatma ho gai na ki ek do kone mein rah gaya? koi jeb mein chhipa hua to rah nahin gaya? jab baap saath hai to befrikbaadshaah ho। baap ko sab frikde di na? dene mein hoshiyaar ho na? ki sambhaalne mein hoshiyaar ho? dene mein bhi hoshiyaar ho aur lene mein bhi hoshiyaar ho! kabhi galti se kehte ho ki mera man aaj thoda-sa udaas hai, to mera hai kya? ya tera ho gaya? ya us samay mera ho jaata hai? mera man nahin lagta, mera man nahin karta-ye bol hi vyartha bol hain। mera kehna maana mushkil mein padna। to man de diya hai ya rakh diya hai? ya kabhi-kabhi vaapas le lete ho? to braahmanon ki bhaasha kya hai? mera ya tera? to kyon sochte ho? ye dictionary ki bhaasha hi nahin hai। mera-mera kahkar maila kar dete hain। man de diya, tan de diya, dhan de diya, trustee ho, mera nahin hai। trustee ho ya grihasthi ho? grihasthi maana mera, trustee maana tera। kaun ho sabhi? apne mein trust hai? baap to svayan offer karta hai main aapke saath hoon। achha, vishwa kalyaan ke yagyakunda bhinna-bhinna deshon mein prajjavlit kar liye। baapdaada anek deshon mein message dene vaale sevaadhaari bachchon ko dekh bahut harshithote hain ki vaah mere bachche vaah! kaun ho? vaah-vaah bachche। vaah-vaah ho na। haay-haay karne vaale to nahin na? achha, baap vishwa kalyaankaari hai na to koi bhi area vanchit na rahe। kone-kone se, chaahe ek nikle, chaahe do nikle, lekin nikalne zaroor hain। to vriddhi to honi hai। to himmat hai, madad bhi hai।

jahaan baap ka haath hai vahaan saphalta hai hi hai। baap ki shreemat ka haath arthaat vardaan ka haath। koi bhi kaarya karte ho to pahle ye smriti mein laao ki shreemat ka haath, vardaan ka haath sada hamaare oopar hai।