सोमवार 5 दिसंबर 1994 की अव्यक्त मुरली

>

05-12-94 om shanti avyakt baapdaadaamdhuban

vartamaan samay ki aavashyakta - behad ke vairaagya vritti ka vaayumandal banaana

aaj sneh ke saagar baap apne sneh mein samaaye hue snehi bachchon ko dekh rahe hain। yeh eeshvareey sneh sivaae aap bachchon ke kisi ko bhi praapta nahin hota। aap sabhi ko ye vishesh praapti hai। praapti sabhi bachchon ko hai lekin pahli stage hai praapti hona aur aage ki stage hai praapti ke anubhav mein kho jaana। pahli baat, praapti ki nashe se sabhi kehte ho ki humein baap ka pyaar mila। baap mila arthaat pyaar mila। sabhi ke mukh se yahi nikalta hai ‘mera baba’। to pahli stage mein praapti sabhi ko hai। lekin anubhooti mein sada khoye rahen, ismen nambarvaar hain। jo parmaatma pyaar mein khoye hue rehte hain unko is pyaar se koi hata nahin sakta। parmaatma pyaar mein khoi hui aatma ki jhalak aur phalak, anubhooti ki kirnen itni shaktishaali hoti hain jo koi bhi sameep aana to door lekin aankh uthaakar bhi nahin dekh sakta। aisi anubhooti sada rahe to kabhi bhi kisi bhi prakaar ki mehnat nahin hogi। abhi yog lagaate­lagaate yuddha karni padti hai। baithte yog mein hain lekin anubhooti mein khoye hue nahin hone ke kaaran kabhi yog, kabhi yuddha donon chalte rehte hain। main baap ka hoon-ye baar­baar smriti mein laana padta hai। to baar­baar smriti mein laana, vismriti hai tab to smriti mein laate ho na? to haan­na, smritiyvismriti-ye yuddha lavleen anubhooti karne nahin deti hai। vartamaan samay bachchon ko jo yuddha va mehnat karni padti hai vo vyartha aur samartha ki yuddha jyaada chalti hai। koi­koi bachchon mein vyartha dekhne ke sanskaar natural nature ho gai hai। koi mein sunne ki, koi mein varnan karne ki, koi mein sochne ki-aisi natural nature ho gai hai jo vo samajhte hi nahin hain ki ye ham karte bhi hain। agar koi ishaara bhi dete hain to maaya ki samajhdaari hone ke kaaran apne ko bahut samajhdaar samajhte hain। ya to maaya ke samajhdaar ban jaate va albelaapan aa jaata-ye to chalta hi hai, ye to hota hi hai…। maaya ki samajhdaari se wrong mein bhi apne ko right samajhte hain। hoti maaya ki samajhdaari hai lekin samjhenge-mere jaisa gyaani, mere jaisa yogi, mere jaisa sevaadhaari koi hai hi nahin। kyonki us samay maaya ki chhaaya man aur buddhi ko aise vasheebhoot kar deti hai jo yathaartha nirnay kar nahin sakte। maayaavi yogi va maayaavi gyaani samajhdaar, eeshvareey samajh se kinaara kara deti hai। maaya ki samajhdaari bhi kam nahin hai। maaya se yog lagaane vaale bhi achal­atal yogi hain। isliye pharka nahin samajhte। us samay ke bol ka nasha bhi sabhi jaante ho na-kitna badhiya hota hai! isliye baapdaada sada bachchon ko kehte hain ki praaptiyon ki anubhootiyon ke saagar mein samaaye raho। saagar mein samaana arthaat saagar samaan behad ke praapti swaroop ban karma mein aana।

baapdaada ne chaaron or ke bachchon ka chart check kiya। kya dekha? samay ke sameepta ke pramaan vartamaan ke vaayumandal mein behad ka vairaagya pratyaksha swaroop mein hona aavashyak hai। behad ka vairaagya varnan bhi karte ho। points bahut nikaalte ho, bhaashan bhi bahut achhe karte ho। sabhi ke paas points hain na? points varnan karna va sochna-ismen to majority paas hain। in chhoti­chhoti kumaariyon ko bhi bhaashan taiyaar karke denge to kar lengi। yathaartha vairaagya vritti ka sahaj arth hai-chaahe aatmaon ke samparka mein aayen, chaahe saadhnon ke sambandh mein aayen, chaahe seva ke chance mein chancellor banne ka bhaagya mile lekin sarva ke sambandh­samparka mein jitna nyaara, utna pyaara-iska balance rahe। hota kya hai? kabhi nyaarepan ki percentage badh jaati aur kabhi pyaarepan ki percentage badh jaati। pyaaraapan ka arth hai nimitta bhaav, nirmaan bhaav। lekin iske badle merepan ka bhaan aa jaata। ye mera hi kaam hai, mera hi sthaan hai, mujhe hi sarva saadhan bhaagya anusaar mile hue hain, itni mehnat se mainne ye saadhan, sthaan va seva va seva saathi (students bhi saathi hain) banaayen hain। ye mera hai, kya meri mehnat ki koi value nahin hai? ye nimitta bhaav aur merepan ke bhaav mein antar hai ya ek hi hai? ye meraapan royal roop se badh gaya hai। ye merepan ki royal bhaasha, royal sankalp baap se roohrihaan mein bhi baapdaada bahut sunte hain। bahut pyaar se baap ko ya nimitta aatmaon ko manaane ya manvaane aate hain-baba aap hi ismen mere ko madad karna, aap kya samajhte ho ki ye mera kaam nahin hai, meri jimmedaari nahin hai, mera adhikaar mere ko hi milna chaahiye। baap ko bhi gyaan dene ke liye bahut hoshiyaari karte hain। baapdaada muskaraate rehte hain। nimitta hain, jo mila, jaise mila, jahaan bithaayenge, jo khilaayenge, jo karaayenge vahi karenge। ye pahla­pahla sabhi ka vaayda hai। vaayda hai na? ye vaayda hai ya sirf khaane­peene ke liye hai? merepan ke bhaav ka vairaagya hi behad ka vairaagya hai। naye­naye prakaar ke merepan aur emerge ho rahe hain। maaya vartamaan samay naye­naye prakaar ke merepan ki chhaaya daal rahi hai। isliye samay ki sameepta pratyaksha roop mein nahin aa rahi hai। gyaani, chaahe agyaani, donon jaante hain aur kehte bhi hain ki duniya ki haalten bahut kharaab hai, ye duniya kahaan tak chalegi, kaise chalegi? leviaan phir bhi duniya chal rahi hai। samay ki sameepta ka foundation hai - behad ki vairaagya vritti। baapdaada ne check kiya behad ki vairaagya vritti ke bajaay naye­naye prakaar ke chhote­chhote lagaav ka vistaar bahut bada hai। is vistaar ne saar ko chhipa liya hai। samjha? ab kya karna hai?

yeh lagaav bade tasty lagte hain। ek­do baar taste kiya to vo taste kheenchate rehte hain। seva kar rahe ho bahut achha lekin apni checking karo ki nimitta bhaav hai va lagaav ka bhaav hai? ‘baba­baba’ ke badle ‘mera­mera’ to nahin aa jaata? maanna hai tera aur ban jaata hai mera। to ab kya karenge? mera­mera pasanda hai? baapdaada ne pahle bhi sunaaya hai-ek bahut badi galti karte hain va chalte­chalte ho jaati hai, karna nahin chaahte hain lekin ho jaati hai, woh kya? doosre ke judge ban jaate hain aur apne vakeel ban jaate hain। banna hai apna judge aur bante hain doosron ka। isko yeh nahin karna chaahiye, inko badalna chaahiye। aur apne liye samjhenge-yeh baat bilkul sahi hai। main jo kehti hoon, vahi right hai, ye aise hai, ye vaise hai। vakeel log bhi siddha karte hain na-sach ko jhooth, jhooth ko sach। aur jitne pramaan dena vakeelon ko aata hai utna aur kisko nahin aata। apna judge banna-ye galti ho jaati hai। doosre ke liye remark dena bahut sahaj hai। lekin apne ko badalna hai। salogan bhi hai-’’sva parivartan se vishwa parivartan।’’ pahle ‘sva’ hai। suna, kya chart dekha?

baapdaada bhi maaya ki chaal ko dekh muskaraate rehte hain-maaya kitni chatur hai! master sarvashaktimaan aatmaon ko bhi apna bana leti hai। to abhi kya chaahiye? behad ki vairaagya vritti ka vaayumandal banaao। jaise seva ka vaayum­ ndal banaate ho na, programme banaate ho। sirf dimaag tak ye vritti nahin, dil tak pahunche। sabke dimaag mein to hai-hona chaahiye, karna chaahiye lekin dil mein ye lahar utpanna ho jaaye iski aavashyakta hai। samjha? sabhi ne achhi tarah se samjha? ki abhi samajh mein aaya phir uthne ke baad sochenge-ye kaise hoga, ye karna mushkil hai, sunna­bolna to sahaj hai, karna mushkil hai। to abhi aise nahin kahenge na?

sneh se aap bhi pahunch gaye hain aur baapdaada bhi pahunch gaye hain। sneh mein dekho kitni shakti hai! sneh avyakt ko vyakta mein le aata hai। aap sabko madhuban mein le aaya hai। sabhi sneh mein theek pahunch gaye hain na? kisne laaya? train ne laaya ki sneh ne laaya? jahaan sneh hai vahaan mehnat, mehnat nahin lagti, mushkil, mushkil nahin lagta। ye teen pair ke bajaay do pair prithvi bhi mile to kya lagta hai? satayug ke palangon se bhi shreshtha hai। sab aaraam se rahe hue hain ki majboori se? kya karen, rehna hi hai…। bhakti maarga mein to sirf paanv rakhne ke liye itni mehnat karte hain, aapko sone ke liye teen pair nahin to do pair to milta hai। aapne to maanga tha ki charnon mein jagah de do lekin baap ne charnon ki bajaay patraani bana diya। phir bhi madhuban ka aangan hai na। chaahe kahaan bhi sote ho lekin hain to madhuban ke aangan mein। itna baap ke sameep aane ka adhikaar milega-ye to svapna mein bhi nahin tha। to sab khush ho na? do pair ki bajaay ek pair mile to bhi raaji rahenge? baithe­baithe soyenge! kaiyon ko baithne mein neend achhi aati hai। soyenge to neend nahin aayegi। yog mein baithna aur sona shuru। paanch din akhanda tapasya karni pade to sab taiyaar ho? khaana bhi nahin mile to chalega? ki samajhte ho ye hona nahin hai? jocheez vahaan nahin khaate vo aur hi madhuban mein milti hai। lekin ever ready rehna chaahiye। mile to bahut achha, na mile to bahut­bahut achha। kyonki sabko amritvele dilkhush mithaai to milti hi hai aur saara din khushi ki khuraak bhi milti hai। to chal sakta hai na? ye bhi trial karenge। achha!

panjaab- sabheechalte phirte sada ye anubhav karte ho ki ham vishwa ki sarva aatmaon ke poorvaj hain? aapse hi sab nikle hain na? to sabse bade te bade poorvaj aap aatmaayen ho। poorvaj swaroop se sada vishwa ki sarva aatmaon ko raham ki bhaavna se dekhte, vardaani ban shubh bhaavna aur shubh kaamna ka vardaan dete raho। saadhaaran nahin, poorvaj hain। poorvaj arthaat merciful aatma। raham ki bhaavna, shubh bhaavna yahi vishwa ki aavashyakta hai। to sabhi apne ko aisa vishwa ka poorvaj samajhte ho ya kabhi­kabhi apne ko saadhaaran samajh lete ho? jaise brahma baap great­great grand father hai to brahman kya hain? poorvaj hain na? samjha?

panjaab ne kya kamaal ki hai? dekho, aapke vibrations se vaayumandal to badal gaya hai na। samajhte ho ki hamaare vibration ka prabhaav hai? yog tapasya to sabhi ne achhi ki na। to jo tapasya ka bal hai vo vyartha nahin jaata। phal zaroor nikalta hai। vaise bhi jab koi vighna aata hai to akhanda yog rakh dete ho na? usse pharka padta hai। to panjaab vaalon ko tapasya ka samay to bahut mila? achha vaayumandal parivartan hua hai to abhi dhoomdhaam se seva kar rahe ho? abhi chaaron or seva ki dhoom macha do। jitna bhi samay milta hai utna samay pramaan phaayda utha lo। ek se anek nikalte hain to us ek se jo anek nikalte hain unka vaayumandal par prabhaav padta hai। dharni ki sapalta badal jaati hai। to abhi jorshor se seva karo। abhi chance hai seva karne ka। lekin nimitta bhaav se karna, ‘mera’ nahin laana। achha!

aagra -aagra mein visheshta kya hai? aagra ko kehte hi hain taaj nagri। to aagra vaalon ko sada hi seva ki nirvighna vriddhi ki jimmedaari ka taaj dhaaran karna hai। seva ho lekin uski visheshta hai nirvighna seva। to seva ki jimmedaari ke taajdhaari aur saath­saath sada light ke taajdhaari arthaat sampoorn pavitrata ki jimmedaari ke taajdhaari honge na? seva aur light ye double taaj sada practical swaroop mein rahe। to ye taaj hi sarva aatmaon ko sahaj aakarshit karega। to seva mein bhi aage badho aur light ke taajdhaari ban doosron ko banaane mein bhi aage badho। samjha?

hubli, gulbarga - karnaatak ki visheshta kya hai? vahaan bhaavna jyaada hoti hai na। to jaise dharni ki visheshta hai bhaavna, vaise hi karnaatak nivaasi chaahe kisi bhi sthaan ke ho, sabhi vishesh har second, har sankalp mein shubh bhaavna, shubh kaamna - iske natural svaroopdhaari। karnaatak nivaasiyon ki visheshta hai ki vyartha ki samaapti aur shubh bhaavna, shubh kaamna swaroop sada rahe। vyartha ko full stop। shubh bhaavna aur shubh kaamna ka sada full stock। to stop lagaana aata hai? aur shubh bhaavna ka stock jama karna bhi aata hai? stock jama karne aur stop lagaane mein hoshiyaar ho na? jaise aage baithna pasanda karte ho aise sada har shreshtha dhaarna mein bhi aage se aage rehna। achha।

taamilnaadu, kerla -taamil vaale kya karenge? kya vishesh nasha rakhenge? sabse bade te bada roohaani nasha hai-ham baap ke aur baap hamaara। jo is nashe mein rehte hain vo sada hi nishchit sahaj vijayi hain। to taamil vaale va kerla vaale sada is roohaani nashe mein rahne vaale aur sada sahaj vijay praapta karne vaali shreshtha aatmaayen ho। samjha?

haidraabaad, sikandaraabaad - aandhra vaale bhaasha nahin jaante hain lekin bhaavna ki bhaasha jaante hain। to aandhra vaale kya karenge? aandhra mein bhi seva to achhi hai। sada apne ko ham koton mein koi aur koi mein bhi koi aatmaayen hain, aisa anubhav karte ho? jo gaayan hai koton mein koi, koi mein bhi koi, to vo kaun­si aatmaayen hain, kiska gaayan hai? aandhra vaalon ka hai? chaahe kaisi bhi aatmaayen ho lekin baap ki to pyaari ho na। to ye khushi sada rahe ki jo hoon, jaisi hoon lekin baap ki pyaari hoon isliye koton mein koi, koi mein bhi koi aatma banne ka bhaagya aapko mila hai। achha।

mahaaraashtra -‘mahaaraashtra’ naam lene se hi nasha chadhta hai na? desh ka naam bhi mahaanaaur brahman ban gaye to aatmaayen bheemhaan aur mahaanaaatmaaon ka kartavya hai sabhi aatmaon komhaan banaana। to mahaaraashtra vaalon ko har samay sankalp mein, bol mein, karma mein, sambandh mein ‘mahaan’ shabd sada smriti mein rahe। mahaan swaroop ke smriti swaroop। sankalp bhi saadhaaran nahin, mahaan। ek bol bhi saadhaaran nahin, mahaan। to aise mahaan ho? bolo, haan ji। mahaanhain aur mahaan banaane vaale hain to mahaanshabda sada swaroop mein rahe। sirf mukh mein nahin lekin swaroop mein।

Indore, hostel ki kumaariyon se - hostel ki kumaariyaan ho ya highest, holiesta kumaariyaan ho? highest bhi ho, holiesta bhi। oonche te oonche bhi ho aur mahaan pavitra aatmaayen bhi ho। kyonki kumaari jeevan ka arth hi hai mahaan pavitra। iseeliye kumaariyon ko poojte hain। aur kumaari se maata bani to sabke paanv chhoone padenge। agar bahu bankar ghar mein aai to kya karenge? sabke paanv chhuyenge aur kumaariyon ke paanv pooje jaate hain। to kumaari jeevan arthaatmahaanapvitra jeevan। aisi kumaariyaan ho na ki kabhi­kabhi josh aa jaata hai? aapas mein ek­do mein josh aata hai ki nahin aata? kyonki krodh bhi apvitrata hai। sirf kaam vikaar nahin, lekin uske aur bhi saathi hain। to mahaan pavitra arthaat apvitrata ka naamaynishaan nahin। isko kaha jaata hai holiest, highest kumaariyaan। to aisi ho ya thoda­thoda kabhi maaya ko chhutti de dete ho? maaya pyaari lagti hai na to aati hai! lekin maaya kabhi bhi na aaye iska sahaj saadhan hai ki sada godly student life mein raho, study, study, study। aur koi baaton mein nahin jaana। agar karmana seva bhi karte ho to vo bhi study ki subject hai। khaana banaana bhi study hai। karmayogi ka paath hai, to padhaai hui na? to kumaari jeevan mein saphalta ka aadhaar hai student life। aur baaton mein jaana hi nahin hai, raasta banda। aise hai ya kabhi­kabhi galat gali mein chali jaati ho? nahin। achha hai, apna bhaagya to bana liya। abhi bhaagya ki lakeer ko jitna lamba banaane chaaho, utna bana sakti ho। to chhoti lakeer nahin kheenchana, lambi kheenchana। baapdaada bhi khush hote hain ki kumaari jeevan mein bach gai। bhaagyavaan ban gayi। aur bhi kuchh sthaanon se kumaariyaan aai hain। training vaali kumaariyaan haath uthaao। training karna maana seva ki train mein chadhna। to seva ki train mein chadh gaye ki abhi phaisla kar rahe hain? seva mein lag gaye? achha hai, aadi se nihsvaartha sevaadhaari। sevaadhaari sabhi hain lekin nihsvaartha sevaadhaari, vo koi­koi hain। aap kis line mein ho? nihsvaartha sevaadhaari ya thoda­thoda svaartha to rakhna hi padega! nahin। foundation hi aisa majboot rakhna, kyonki seva mein svaartha mix karne se saphalta bhi mix milti hai। to achha hai, baapdaada khush hote hain, jo kumaariyaan himmat rakhkar seva mein aage badhti hain। aage badhne ki mubaarak। achha।

double videshi - (sabhi sthaanon se pahunche hain) hoshiyaar hain double foreigners। jaise sab desh ke ambassador bhejte hain na। to international brahman parivaar ho gaya na। double videshiyon ki visheshta hai ki sada haath mein haath hai aur saath hai। videsh ka fashion hai na haath mein haath dena। to abhi kiske haath mein ho? baap ke। sada baap ke haath se haath milaake aage chalne vaale। haath hai shreemat, to shreemat ka haath sada haath mein hai। pakka hai ki kabhi thak jaate hain to chhod dete hain? kabhi haath chhootta hai? maaya chhudaave to? nahin chhootta hai? to sada saath rahne vaale aur sada shreemat ke haath mein haath dekar chalne vaale। jiska saathi baap hai, jiska haath baap ke haath mein hai vo sada hi nishchinta, bephikra baadshaah hai। kyonki haath aur saath donon majboot hain। theek hai na? nairobi vaale, pakka haath aur saath hai na? chaahe saari duniya ke akshauhini log haath chhudaaye to chhootega? vo akshauhini shaktiheen hain aur aap ek master sarva shaktimaan hain। iseeliye double videshiyon ko nasha hai ki baapdaada ka extra haath aur saath hai, lift hai। achha।

teachers -jaise teachers ka title hai, to jaisa title hai vaise vishesh behad ke vairaagya vritti ka vaayumandal banaane mein tight rehna। halke nahin hona। kyonki nimitta teachers ka vaayumandal anekon tak pahunchta hai। to teachers abhi ye kamaal karke dikhaayen। jaise parivartan mein aagyaakaari to bane। aagyaakaari banne ka, haan ji karne ka ek paath to pakka kar liya। lekin doosra paath behad ke vairaagya vritti ka, abhi ye paath pakka karke dikhaao। kyonki nimitta ho na। to nimitta aatmaayen hi nirmaan ban nirmaan ka kartavya bahut sahaj kar sakti hain। abhi ye varsha to poora ho hi raha hai। lekin naye varsha mein is naveenta ki jhalak baapdaada bhi dekhenge। seva ki, centre khole, bahut badhaaya, aai.Ps bhi aa gaye, vi.aai.Ps bhi aa gaye, ye to hota hi rehta hai lekin seva mein behad ki vairaagya vritti anya aatmaon ko aur sameep laayegi। mukh ki seva samparka mein laati hai aur vritti se vaayumandal ki seva sameep laayegi। samjha? baapdaada to chart dekhte hi hain na? phir bhi seva ke nimitta ho-ye shreshtha bhaagya kam nahin hai! ye bhi vishesh varsa hai। to is vishesh varse ke bhaagya ke adhikaari bane ho। samjha? achha।

chaaron or ke sarvashreshtha bhaagyavaan aatmaon ko, sada sarva praaptiyon ke anubhootiyon mein samaaye hue shreshtha aatmaon ko, sada parakhne ki, nirnay karne ki shakti ko teevra banaane vaale sameep aatmaon ko, sada seva mein samartha ban samartha banaane ke nimitta aatmaon ko, sada nyaara aur pyaara donon ka balance rakhne vaali blessing ke paatra aatmaon ko baapdaada ka yaad­pyaar aur namaste।