शुक्रवार 23 दिसंबर 1994 की अव्यक्त मुरली

>

23-12-94 om shanti avyakt baapdaadaamdhuban

apne teen swaroop sada smriti mein rahen - 1­sangamayugi brahman, 2­brahman so pharishta aur 3­pharishta so devta

aaj baapdaada chaaron or ke bachchon ke teen roop dekh rahe hain। sabse shreshtha swaroop hai brahman aur brahman so pharishta aur pharishta so devta। brahman swaroop, pharishta swaroop aur devta swaroop। brahman swaroop ki visheshta sarva shaktiyon sampanna swaroop ki hai। kyonki brahman arthaat maayaajeet। to sarva shakti sampanna banna hi maayaajeet banna hai। pahla swaroop brahman-svayan ko dekho ki brahman swaroop ki visheshta (sarva shaktiyaan) dhaaran hui hain? sarva shaktiyaan hain va koi­koi shakti hai? agar ek shakti bhi kamzor hai va kam hai to brahman swaroop ke badle baar­baar kshatriy arthaat yuddha karne vaale ban jaate hain। kshatriy ka kartavya hai yuddha karna aur brahman ka kartavya hai - sada aur sahaj maayaajeet banna। brahman arthaat vijayi। sada sarva shaktiyaan arthaat sarvashastronse sampanna hain। aur kshatriy arthaat kabhi vijayi aur kabhi haar khaane vaale। kyonki shaktiyaan milte hue bhi dhaaran nahin kar sakte isliye samay aur paristhiti pramaan sada vijayi nahin ban sakte। brahman swaroop arthaat sada taaj, takhta aur tilakdhaari। vishwa kalyaan keejimmedaari ke taajdhaari, sada svatah smriti ke tilakdhaari, sada baap ke diltakhtansheen। kshatriy ekras, achal, adol na hone ke kaaran kabhi achal, kabhi halchal, kabhi adhikaari aur kabhi baap se shakti maangane vaale royal bhikhaari। brahman arthaat sada alaukik mauj ke jeevan mein rahne vaale। sada roohaani seerat aur soorat vaale। kshatriy arthaat kabhi aise, kabhi kaise। to apne se poochho main kaun? kabhi brahman, kabhi kshatriy ya sada brahman jeevan ki visheshtaaon se sampanna hain? lakshya brahman jeevan ka hai lekin kabhi brahman, kabhi kshatriy-aise lakshan to nahin hain? lakshya aur lakshan samaan hain va antar hai? bol aur karma samaan hain va antar hai? sabhi brahmaakumaar­ brahmaakumaari kahlaate ho na? ki kshatriy kahlaate ho? chandravanshi kahlaana bhi pasanda nahin karte na? koi kahe aap chandravanshi hain to pasanda aayega? nahin। aur karma kya hai? jis samay yuddha mein lage hue ho us samay ka photo apna nikaalo। photo nikaalne ka shauk bahut hota hai na? to apna photo nikaalna aata hai ya doosron ka photo nikaalna aata hai? to apna photo nikaalo ki main kaun hoon? agar photo bhi koi ka achha nahin nikalta hai to pasanda nahin karte ho na? to saare din mein va kitne baari samay prati samay brahman ke bajaay kshatriy ban jaate hain-ye check karo aur check karke change karo। sirf check nahin karna। check kiya jaata hai change karne ke liye। to sabhi ke paas parivartan shakti hai? ki koi ke paas nahin hai? ye to bahut achhi khushi ki baat hai ki sabhi ke paas hai। ab samay par kaam mein lagaana aati hai ya kabhi nahin bhi lagti hai? kyonki shakti hai to samay par kaam aave। dushman hai hi nahin aur shastrabhut badhiya hain mere paas aur jab dushman aave to shastra kaam mein hi nahin aave-kya usko shaktishaali kahenge? sirf ye check nahin karo ki shakti hai lekin karma mein samay pramaan jo shakti chaahiye vahi shakti kaarya mein lagaana aata hai? ki dushman vaar kar deta, peechhe shakti yaad aati hai? to brahman jeevan ki visheshtaaon ko check karo। brahman so pharishta banega। kshatriy so pharishta nahin। doosra swaroop hai pharishta। sabhi ko pharishta banna hi hai na? ki pharishta banna mushkil hai? sahaj hai ya mushkil? ya kabhi mushkil, kabhi sahaj? to pharishta swaroop ki visheshta sabhi jaante bhi ho ki pharishta arthaat double light? to double light hain? ki kabhi bojh uthaane ko dil karti aur utha lete ho? va uthaane nahin chaahte ho lekin maaya sir par tokri rakh deti hai? maaya apni artificial temparri shakti aisi dikhaati hai jo majboori se bhi bojh uthaana na chaahte bhi utha lete hain। kyonki kamzor hone ke kaaran kamzor sada par­adheen hota hai। to maaya bhi adheen bana deti hai। adhikaareepan bhool jaata hai aur adheen ban jaate। us samay bhaasha kya hoti hai? chaahte to nahin hain lekin pata nahin…। har baat mein ‘pata nahin’, ‘pata nahin’ kehte rahenge। adhikaari arthaat sada svatantra aur adheen arthaat sada parvash। to parvash kabhi bhi mauj ki jeevan mein nahin rah sakte। brahman arthaat mauj ki jeevan। agar koi bhi samay mauj ke bajaay moonjhate ho-ye kya hai, ye kaisa hai, kya yahi hota hai… to ye mauj nahin, ye moonjhane ki jeevan hai। agar koi bhi samay mauj ki kami anubhav karte ho to phir se ye paath pahla yaad karo ki main kaun hoon? sirf aatma nahin lekin kaun­si aatma hoon? iske kitne javaab aayenge? lambi list hai na! roj ki murli mein ‘main kaun’ ka bhinnabhinna paath padhte rehte ho, sunte rehte ho।

to pharishta arthaat double light। light arthaat halkaapan। halkaapan ka arth hai sirf paristhiti ke samay halka nahin lekin saare din mein svabhaav, sanskaar, sambandh, samparka mein light rahe? vaise theek hain lekin svabhaav­sanskaar mein bhi agar halkaapan nahin hai to pharishta kahenge? aur halke ki nishaani hai-halkeecheez sabhi ko pyaari lagti hai। koi bojh vaali cheez aapko deve to pasanda karenge? aur halki badhiya cheez ho to pasanda karenge na? to jo svabhaav, sanskaar, sambandh, samparka mein halka hoga uski nishaani-vo sarva ke pyaare aur nyaare honge। kyonki brahman svabhaav hai, alag svabhaav nahin। brahman arthaat sabke dil pasanda svabhaav­sanskaar va sambandh­samparka vaale ho। majority 95% ke dilapsanda zaroor ho-itni result zaroor honi chaahiye। 5% abhi bhi margin de rahe hain, ant tak nahin hai lekin abhi de rahe hain। 95% sarva ke dil pasanda arthaat sarva se light। aur vo halkaapan bol, karma aur vritti se anubhav ho। aise nahin, main to halka hoon lekin doosre mere ko nahin samajhte, pahchaante nahin। agar nahin pahchaante to aap apne will power se unhon ko bhi pahchaan do। aapke karma, vritti usko parivartan kare। ismen sirf parivartan karne mein sahanshakti ki aavashyakta hoti hai। aur pharishta arthaat jiska puraani deh aur puraani duniya se rishta nahin। ye sabhi ko yaad hai na? ki abhi bhi vo raha hua hai? puraani deh se lagaav hai kya? deh ke sambandh se halke ho gaye ho ki nahin? kaaka, chaacha, maama, usse nyaare ho gaye ho na? ki abhi bhi hain? nyaare aur pyaare hain? pyaare hain lekin nyaare hokarke pyaare bante hain, ye galti ho jaati hai। ye miss ho jaata hai। ya to nyaare ho jaana sahaj lagta hai ya to pyaara hona sahaj lagta। lekin ye deh ke sambandh kaaka, chaacha, maama, ye phir bhi sahaj hain। sahaj hain ya thoda­thoda svapna mein, sankalp mein aa jaata hai? jab brahman parivaar mein koi paristhiti aati hai to chaacha, kaaka, maama yaad aate hain? baapdaada dekhte hain ki paristhiti ke samay kai aatmaon ko brahman parivaar ke bajaay laukik sambandh jaldi smriti mein aata hai। paristhiti kinaare ke bajaay sahaara anubhav karaati hai। jab marjeeva ban gaye to agle janma ke sambandhi kaaka, chaacha, maa, baap, yaad hain kya? svapna mein bhi aate hain kya? to sambandh, janma badal gaya na। to pharishta arthaat puraane se rishta nahin, yahi paribhaasha bolte ho na? phir samay par kahaan se nikal aate hain? toota hua rishta jud jaata hai? mare hue se jinda ho jaate ho? pharishta arthaat puraane se rishta nahin, sab naya। baapdaada ne dekha ki pharishta banne mein jo rookaavat hoti hai uska kaaran ek pahli seedhi hai deh bhaan ko chhodna, doosri seedhi jo aur sookshm hai vo hai deh abhimaan ko chhodna। deh bhaan aur deh abhimaan। deh bhaan phir bhi common cheez hai lekin jitne gyaani tu aatma, yogi tu aatma bante hain utna deh abhimaan rookaavat daalta hai। aur abhimaan anek prakaar ka aata hai-apne buddhi ka abhimaan, apne shreshtha sanskaar ka abhimaan, apne achhe svabhaav ka abhimaan, apni visheshtaaon ka abhimaan, apni koi vishesh kala ka abhimaan, apni seva ki saphalta ka abhimaan। ye sookshm abhimaan deh bhaan se bhi bahut maheen hain। abhimaan ka darvaaja to jaante ho na? main­pan, meraapan-ye hai abhimaan ke darvaaje। to pharishta ka arth ye nahin ki sirf deh bhaan va deh ke aakarshan se pare hona va deh ke sthool sambandh se pare hona, lekin pharishta arthaat deh ke sookshm abhimaan ke sambandh se bhi nyaare hona। aur abhimaan ki nishaani-jahaan abhimaan hota hai vahaan apmaan bhi jaldi feel hota hai। jahaan abhimaan hota hai vahaan apmaan ki feeling bahut jaldi hoti hai। kyonki ‘main’ aur ‘mere’ ke darvaaje khule hue hote hain। pharishte ka yathaartha swaroop hai deh bhaan aur deh ke sambandh se, deh abhimaan se nyaara। agar koi gun hain, koi shakti hai to daata ko kyon bhool jaate hain? aur doosri baat isse sahaj nyaare hone ka raasta va vidhi bahut sahaj hai, ek akshar hai। ek akshar mein itni taakat hai jo deh abhimaan aur deh bhaan sada ke liye samaapta ho jaata hai। vo ek shabd kaun­sa hai? karnakraavanhaar baap kara raha hai। ‘karnakraavanhaar’ shabd bhaan aur abhimaan donon ko mita deta hai। ek shabd yaad karna to sahaj hai na? aur saari points bhool bhi jaao, bhoolna to nahin hai lekin agar bhool bhi jaao to ek shabd to yaad kar sakte ho na? karnakraavanhaar baba hai। to dekho, pharishte jeevan ka anubhav kitna sahaj anubhav hota। brahma baap pharishta bana-kis aadhaar se? sada karnakraavanhaar ki smriti se samartha ban pharishte bane।follow father hai na? ya follow maaya hai? kabhi maaya bhi mother father ban jaati hai, badi achhi paalna aur praapti karaati hai। lekin vo sab hai dhokhe ki praapti। pahle praapti, phir dhokha। parakhne ki shakti to hai na? maaya hai ya baap hai-isko samay par parakhna hai। dhokha khaakar parakhna, yeh koi samajhdaari nahin hui। dhokha khaakar to sab samajh jaate hain lekin gyaani tu aatma pahle yeh parakhkar svayan ko bacha leta hai। to samjha pharishta kisko kehte hain?

teesra hai pharishta so devta। abhi devta banna hai ya bhavishya mein banenge? devta arthaat sarva gunon se saje­sajaaye। ye divyagun sangam ke devta jeevan ke shrringaar hain। is samay divya gunon se saje­sajaaye hote ho tab hi bhavishya mein sthool shrringaar se saje­sajaaye rehte ho। to devta arthaat divyagunon se saje­sajaaye। aur doosra devta arthaat dene vaala। levta nahin, lekin devta। to master daata ho? va kabhi levta, kabhi devta? check karo ki divya gunon ka shrringaar sada rehta hai va kabhi koi shrringaar bhool jaata hai, kabhi koi shrringaar bhool jaata hai? sampoorn sarva gun sampanna… yahi devta jeevan ki nishaani hai। ye gun hi gahne hain। to dekho ki brahman swaroop ki sarva shaktiyaan, pharishte swaroop ki double light sthiti aur devta swaroop ki daataapan ki nishaani aur divya gunon sampanna bane hain? teenon swaroop anubhav karte ho? jaise baap ke teen sambandh-baap, shikshak, sadguru sada yaad rehte, aise ye teen swaroop sada yaad rakho। samjha? banna to aapko hi hai ya aur koi aane vaale hain? aapko hi banna hai na? aaj brahman, kal pharishta aur kal devta। apne pharishte swaroop ko gyaan ke darpan mein dekho। pharishte sada udte rehte hain aur message dete rehte hain। pharishta aaya, sandesh diya aur uda। to vo pharishte kaun hain? aap hi ho na? phalak se kaho-ham hi the, ham hi hain aur ham hi rahenge। pakka hai na? isko kaha jaata hai nishchaybuddhi vijayi। kshatriy ho va vijayi ho? kshatriy koi to banega? vo doosre banenge! to aap brahman ho। chalte­chalte kabhi kshatriy nahin banna। agar baar­baar kshatriy bante rahenge, yuddha karte rahenge to yuddha ke sanskaar le jaane vaale kahaan pahunchenge? chandravanshi mein ya sooryavanshi mein? to chandravanshi to pasanda nahin hai na, ki kabhi­kabhi ho gaye to bhi harja nahin? to sab kaun ho? brahman? pakke brahman ho ya thode­thode kachche? shaktiyaan pakki hain? paandav pakke hain? agar pakke hain to sada khushkhabri ke patra aaven। maaya aa gai, ye ho gaya, pata nahin kya ho gaya, kaise ho gaya-ye sankalp mein bhi nahin ho। baap to kehte hain svapna maatra bhi nahin। svapna mein bhi kyon, kya nahin-aise pakke ho? shaktiyaan maha pakki ho? kaho, paandav pakke to ham maha pakke। kyonki shaktiyon ko hi nimitta banaaya hai। to nimitta vaale hi kachche­pakke honge to auron ka kya haal hoga! paandav backbone hain। backbone banna achha lagta hai na? ya saamna karna achha lagta hai? backbone banna achha hai, safe ho bahut, nahin to maar khaate। achha।

sabhi apne sweet hom mein pahunch gaye। sankalp tha-jaana hai, jaana hai aur abhi phir kya sankalp hai? abhi bhi jaana hai na? seva arth ja rahe hain isliye khushi­khushi se jaate hain। seva par jaayenge ya dukaan par jaayenge, ghar mein jaayenge, daphtar mein jaayenge? chaahe daphtar ho, chaahe ghar ho, lekin sabhi seva ke sthaan hain। sevaadhaariyon ki har jagah seva hai। to madhuban mein aana aur umang­utsaah ka khazaana bharna aur phir seva par jaana। khushi­khushi se jaate ho na? ki majboori se jaate ho? seva maana khushi। hisaabkitaab hai, karz chukaane ja rahe hain, aise nahin। pharja chukaane ja rahe hain। ghar mein bagule bahut hain। agar bagule nahin honge to gyaan kisko denge? hans ko hans banaayenge kya? bagulon ko hi to hans banaayenge na? to kya yaad rakhenge? brahman so pharishta, pharishta so devta। pakka rahega na? ki train mein jaate­jaate ek bhool jaayega? apne sthaan par jaate­jaate baaki ek rah jaaye-aise to nahin hoga na?

sabhi aaraam se rahe hue hain? double foreigners phir bhi khataaraane hain aur bhaaratvaasi patraane। pat mein sona sahaj lagta hai na? palang yaad to nahin aate? haan, koi samay aisa aayega jo sabhi ko palang milega। lekin kab aayega? jab saara aabu apna banaayenge। ye sangathan ka sukh palang aur Dunlop se bhi jyaada hai। yahaan bhi aaraam se neend to aati hai na? gyaan amrit peete­peete so jaate ho, to kitni achhi neend karenge। gyaan amrit peena aur brahma bhojan khaana। sabhi ko bana­banaaya bhojan milta hai। sabhi khush hain। khushanseeb bhi hain aur khushmijaaj bhi hain। ki kabhi serious, kabhi khush mijaaj? kabhi shakla mein antar nahin aana chaahiye। jab krodh ya gussa aata hai to chehra laal­peela hota hai na? sada chehraaharshitmukh ho। isko kehte hain khushmijaaj rehna। achha, sabhi jitna baap ko yaad karte hain aur dil se pyaar karte to baap sabhi ko aapse padamguna yaad karte aur pyaar karte hain। baap se poochhte hain ki saara din kya karte ho? baap kya kehte hain ki saara din bachchon ko hi yaad karte hain। aur kaam hi kya hai? ye nasha hai na? duniya vaale baap ko yaad karte hain aur baap aapko yaad karte hain। achha!

gujraat -gujraat ko ever ready rahne, ji haan karne ka vardaan mila hua hai। gujraat mein do visheshtaaon ki nishaani abhi bhi dikhaai deti hai aur aage bhi dikhaate rehna hai। vo do nishaaniyaan va do visheshtaayen kaun­si hain? santushtata aur prasannata। prasannata bhi tab rehti hai jab santushtata hai। to ye do visheshtaayen vishesh hain aur sada rahengi। samjha? gujraat vaale kabhi asantushta na rahenge, na karenge। do visheshtaaon ke kaaran sada udte rahenge। gujraat vishesh brahma baap ne apne sankalp se sthaapan kiya। aur janmate hi sada sahayogi rahe hain aur ab bhi hain। samjha! sahayog ki anguli sada hai hi hai। dekho, koi bhi programme hota hai, season bhi hoti hai to brahma bhojan mein gujraat ki maataaon ko yaad karte hain na। kitni bhi koi roti banaave lekin gujraat jaisi nahin bana sakte, ye visheshta hai। to har kaarya mein ever ready rahne vaale। achha!

eastern -eastern ka soorya uday ho gaya। eastern zone vaale sada hi svayan ko aur auron ko poojya aatma banaane ki prerna dene vaale hain। kyonki eastern mein pooja bahut hoti hai। to pujaari bahut hain। to pujaariyon ko poojya banaana - is seva ka chance eastern zone ko bahut hai। aur jo jyaada mein jyaada pujaari se poojya banaate hain, uski pooja bahut janma aur bahut vidhipoorvak hoti hai। to eastern vaale poojya banaane ke kaaran bahut bade poojya aatma anek janma banne vaale hain। yahi seva karte ho na? pujaari se poojya bante hain ya sirf darshan karne vaale bante hain? kya hota hai? to eastern zone ko poojya banaane ka vishesh vardaan bhi mila hua hai aur chance bhi mila hua hai। to nasha rehta hai ki ham poojya aatmaayen hain aur auron ko bhi poojya banaane ke nimitta hain। samjha? eastern zone ki visheshta - brahma baap ki pratyakshata bhoomi hai। to bhoomi ko bhi vardaan hai। eastern zone mein hi brahma baap mein pratyakshata hui। to kitni shreshtha bhoomi hai! bhoomi bhi shreshtha, seva bhi shreshtha aur sevaadhaari bhi sada shreshtha। achha-(sabhi ne khoob taaliyaan bajaai) aise hi sada khushi mein taaliyaan bajaate rehna। khushi ki taaliyaan kaun­si hoti hain? khushi ki taali bajaane aati hain? ye taaliyaan to sthool hain। khushi ki taali kaun­si hai? khushi ki taali hai muskaraana। yahaan bhale bajaao, mana nahin hai lekin vahaan jaakar khushi ki taali sada bajaate rehna। sabhi aise karna। aapki khushi aur muskaraahat aisi ho jo aapko dekhne vaale bhi taali bajaana shuru kar den।

baambe, poona - poona aur baambe sada hi iphakra se phaarig rahne vaale। baambe bhi bephikrabaadshaahon ka sthaan hai aur poona bhi bephikra baadshaahon ka sthaan hai। to sabhi bephikraho? ya thoda­thoda iphakra hai? svayan bephikrabaadshaah hain aur doosron ke bhi iphakra ko mitaane vaale hain। sabhi ko bephikra baadshaah banaane vaale hain। to baadshaahi dene mein hoshiyaar ho na। gareeb ko baadshaah banaana aata hai? bephikrabaadshaah banaane vaale aur svayan bhi sada bephikrarahne vaale, yahi sangamayug ke shreshtha aatmaon ki visheshta hai-bephikrabaadshaah। to baadshaah ho ki kabhi praja bhi ban jaate ho? seva mein aage badh rahe hain aur badhte rahenge। poona vaalon ne kitne sevaasthaan banaaye hain? (22) aur geeta paathshaalaayen kitni hain? (300) to dekho seva mein hoshiyaar ho na। aur baambe mein sevaakendra kitne hain? (36) aur geeta paathshaalaayen? vo anginat! achha hai, vaise to chaaron or sevaayen vriddhi ko praapta kar hi rahi hain lekin seva ki duaaon dvaara sva ki udti kala aur sarva ki udti kala, aisi speed teevra banaate chalo। isliye baapdaada seva par sada khush hain। aap bhi khush ho na? abhi 9 laakh poore nahin kiye hain। abhi vo karna hai lekin phir bhi kar rahe hain, to jo kar rahe hain us par baapdaada khush hain। lekin abhi karne ki margin hai, samaapta nahin hua hai। abhi kitne taiyaar hue hain? (3 laakh) abhi to double pada hai। abhi ek percent bana hai, do percent rah gaya hai। to dekhenge 9 laakh ka haar (naulkha haar) baap ko kaun pahnaata hai? kaun taiyaar karta hai? achha।

karnaatak, aandhra pradesh -karnaatak mein majority snehi aatmaayen bahut hain, baap ke snehi majority hain। to sneh sahaj yaad ka saadhan hai। aur jo svayan snehi hota hai vo auron ko bhi sahaj snehi bana deta hai। to karnaatak ko vishesh yeh vardaan hai va visheshta hai। to sneh hai aur sneh ke kaaran vriddhi bhi hai। abhi sneh ko practical mein laate bhi ho aur aur jyaada sneh ki shakti se aur aage badhte rehna। to sneh ke kaaran baap ko bhoolte kam hain lekin bhoolte hain to bahut bhoolte hain। kyon? kabhi­kabhi bhoolne ke bhi samaachaar aate hain। lekin sneh ki visheshta ko kabhi bhi chhodna nahin। ye ek draamaanusaar karnaatak ko visheshta mili hui hai, isko use kar bhi rahe hain, aur bhi aage underline kar aage badhte rehna। aise taiyaar hain? achha। teachers ye samajhti hain ki aaj ke baad karnaatak se sneh ke bina aur koi samaachaar nahin aayenge? himmat hai teachers mein? haan bolo ya na bolo। achha, aisi guarantee hai? jo samajhte hain ki is visheshta ko practical mein laana hi hai, vo haath uthaao। abhi dekhna koi patra aisa nahin aayega। theek hai? manjoor hai? achha hai, snehi to bahut hain। drishti ke itne snehi hain, bhaasha nahin samjhen lekin sneh bahut hai। to baapdaada sneh ko dekh khush hote hain। lekin sampoorn to banna hai na। to thoda bhi snehi aatmaon ke beech mein rookaavat nahin aani chaahiye। isliye karnaatak sada ye sneh ka naatak karke dikhaaye। phir bhi baapdaada dekhte hain ki vriddhi karne mein bhi hoshiyaar hain। lekin sada snehi rehna aur snehi banaana, sneh ka hi naatak karna। samjha?

achha - aandhra vaale kya kamaal karenge? seva mein sva­unnati mein number one। theek hai? number one banna hai। achha!

double videshi - double videshi Christmas manaane aaye hain, new year manaane aaye hain। to pahle sabhi double videshiyon ko Christmas ki mubaarak। kyonki chaaron or se card aur patra bhi bahut aaye hain na। baapdaada ke paas to post ke pahle hi pahunch jaate hain। aap log eyarmel se bhejte ho na aur baapdaada ke paas eyraphlaai se pahunch jaate hain। videsh mein bhi seva aur sva purooshaartha ki lahar achhi chal rahi hai aur majority sabhi ke andar ye umang bahut achha hai। din­raat ek hi lagan hai ki vishwa mein baap ke pratyakshata ka jhanda jaldi se jaldi lahraayen। kyonki videshiyon ki duty hai bhaarat ko jagaana। to ooncha jhanda lahraayenge tab to sabki najar jaayegi। lekin baapdaada double videshiyon ko kamaal karne vaale bhi kehte hain। to kaun­si kamaal ki hai? doori ko sameep anubhav karne ki kamaal ki hai। jitna desh door hai na, itna dil se sameep hain। chaaron or se aaye hain। baapdaada sabhi double videshiyon ko vishesh visheshta ka vardaan dete hain ki sada dil takhta nasheen। baap ke dil par aap hain aur aapke dil par baap hai। Russia vaale bhi kamaal kar rahe hain na! aage badhte jaate hain। Russia vaalon ko sabse jyaada kis baat ki vishesh khushi hai? Russia vaalon ko vishesh khushi is baat ki hai - jo svatantrata ki priy ichchha thi vo svatantrata mil gai। samjha? desh ke hisaab se, aatma ke bandhan ke hisaab se partantra bahut rahe aur abhi svatantra ho gaye। svatantra hai na! to svatantrata ka jhanda Russia mein lahra raha hai। shiv baba ke jhande ke saath sabhi sthaanon par svatantrata ka jhanda bhi lahra raha hai। aur kitne khush hote hain। saare partantrata ke bandhan se mukta ho gaye aur kitna sahaj sarva praaptiyaan kar li! sarva praaptiyaan ho gai na! (haan ji) achha hai, himmat bhi achhi hai। double videshi apne ko chalaane ki himmat aur auron ko bhi chalaane ki himmat achhi rakhte hain। aur himmat ke kaaran hi videsh mein seva mein aage badhte hain। to vishesh himmat aur madad donon ke paatra aatmaayen hain। dekho, London vaalon ne bhi himmat karke museum le liya na! chaabi mil gai na! svarga ki chaabi ke pahle seva ki chaabi mil gai। achhi kamaal ki। sabki najar jaati hai ki aakhir bhi ye raajayogi hain kya? ye gupta hi gupta kya kar rahe hain? ostreliya ya jo bhi bhinnabhinnadeshon se aaye hain to baapdaada sabhi bachchon ko vishesh Christmas ki saugaat de rahe hain ki ‘‘sada dil khush mithaai khaate raho aur khilaate raho।’’ svarga ki baadshaahi ki saugaat to sabhi ko mili hui hai na। sabhi ke haath mein nai duniya, svarga ka gola hai na? patra aur card bhejne mein fast gati vaale hain। baapdaada samajhte hain ki apne yaad ka saboot va nishaani bhejne mein hoshiyaar hain। theek hai? mauj mein rahne vaale hain na? sabhi sthaan ke sikeeldhe, laadle aatmaon ko vishesh baapdaada sammukh dekh rahe hain aur sada sameep rahne ki visheshta se aage badhte rahenge। samjha? achha!

chaaron or ke sarva brahman so pharishta, pharishta so devta, teenon swaroop ke smriti swaroop aatmaon ko, sada ek shabd ‘karnakraavanhaar’ ki smriti se svayan ko double light banaane vaale shreshtha aatmaon ko, sada devta arthaat daata ban dene vaale, sarva khazaanon se sampanna aatmaon ko, sada vardaanon ko karma mein laane vaale karmayogi aatmaon ko baapdaada ka yaad­pyaar aur Christmas ki mubaarak aur namaste।

(sabhi daadiyaan baapdaada ke sammukh stage par khadi hain)

daadi jaanki se - achha hai udne mein hoshiyaar ho gai hai। jeevan daan mila hai। aur jitni seva karte jaate to jeevan ki tanduroosti aur badhti jaati hai। kyonki sabki duaaen tanduroosta bana deti hain। baap ki to madad hai hi lekin duaayen javaan bana rahi hain। jab kisko duaayen milti hain na, ya koi bhi khushi, shanti ki praapti hoti hai to mukh se, dil se yahi duaayen hoti hain ki hamaari aayu aapko lag jaaye। card mein bhi kya bhejte hain ki hamaari aayu aapko mil jaaye। to aap ek chakra mein hajaaron ki seva karte ho to yahi jaar guna duaayen mil jaati hain। achha hai, sabhi apni­apni seva achhi karte rehte ho।

sabhi ka daadiyon mein shubh moh hai na? saadhaaran moh to nahin hai na। duhkh dene vaala moh nahin, sukh dene vaala। lekin jitna moh, utne hi nirmohi। nyaare bhi aur pyaare bhi। aise hai na? ki sirf pyaare hain, nyaare nahin? nyaare aur pyaare donon ka balance rakhne vaale। ye bhi drama mein aadi se vishesh aatmaon ka nimitta banne ka part hai। paalna li bhi bahut hai, jitni aap logon ne paalna li hai direct baap ki, utni inhonne to nahin li hai। to jitni paalna li hai utni paalna karne ka part bhi mila hai। to sab khush hain? hajaar saal sabhi ki aayu ban jaaye! hajaar saal! ghar nahin jaana hai? puraani duniya mein hi rehna hai?

achha hai, yeh museum bhi kamaal karega। ye hai dridhta ka pratyaksha swaroop। to dridhta saphalta ke liye asambhav se bhi sambhav kara deti hai। himmat vaale hain। to sabhi jo vishesh nimitta bane hain unhon ko vishesh yaad pyaar। yeh bhi seva ka achha saadhan hai, koi na koi nimitta ban apna bhaagya banaate hain। dene vaale pahle hi drama mein noondhe hue hain। achha।

chandramni daadi se - ye bhi chakra lagaakar aai। chakravarta raaja mein naam pakka ho gaya na। achha hai, seva bhavishya ko pratyaksha kar rahi hai। naam to nahin lenge na ki ye ye hain lekin seva svayan mein pratyaksha kar rahi hai। kitne chakravarta raaja taiyaar ho rahe hain? ek chakra mein anek aatmaayen santushta ho jaati hain to us chakra mein chakravarta raaja ka vardaan hota hai। kitni aatmaayen santushta hoti hain? bahut hoti hain। jitni aayu badhti jaati hai utne jyaada chakra lagaate hain।

daadi ji - abhi mele ka soch rahi hai। dilli aur baambe ke bhi baithe hain na। kamaal karke hi dikhaayenge। dilli aur baambe nimitta hain hi। sthaapna ke bhi nimitta hain to pratyakshata ke bhi nimitta hain। aise hi videsh mein London, sthaapna ke bhi nimitta hai aur pratyaksha karne ke bhi nimitta hai। achha।