शुक्रवार 31 मार्च 1995 की अव्यक्त मुरली

>

31-03-95 om shanti avyakt baapdaadaamdhuban

parmaatma milan mele ki saugaat - taaj,takhta aur tilak

aaj behad ka baap behad mein sabhi bachchon ko dekh rahe hain। behad ka baap hai aur aap sabhi bhi behad ke maalik so baalak ho। baapdaada sabhi snehi sahayogi bachchon ko dekhharshit ho rahe hain aur bachche baap ko dekhkar harshitho rahe hain। baap ko jyaada khushi hai va bachchon ko jyaada khushi hai-kya kahenge? donon ko! isko kaha jaata hai parmaatma milan mela। mele to bahut hote hi hain lekin parmaatma milan mela ek hi sangamayug par hota hai। saare kalpa mein nahin ho sakta hai। ab ho raha hai aur hoga। aap sabko bhi mela achha lag raha hai na! baapdaada to bachchon ke bhaagya ko dekh harshit hote hain aur dil mein geet gaate hain-vaah bachche vaah! jo bhaagya svapna mein bhi na tha, sankalp mein bhi nahin tha lekin ab saakaar mein shreshtha bhaagya anubhav kar rahe hain। har ek ke mastak par shreshtha bhaagya ki lakeer chamak rahi hai। sabhi chamakte hue sitaare ho na? apna ye shreshtha bhaagya smriti mein rehta hai na! kyon shreshtha bhaagya hai? kyonki bhaagya vidhaata dvaara aap bhaagyavaan aatmaon ka divya brahman janma hua hai। baap ko bhi bhaagya vidhaata kehte hain aur brahma ko bhi bhaagya vidhaata kehte hain। aur aap sabka janma baapdaada dvaara hua hai। to jiska baap svayan bhaagya vidhaata hai uska bhaagya kitna shreshtha hoga! parmaatma milan mana rahe ho na! (double foreigners se) ye bhi mana rahe hain! behad ke mele mein agar double videshi nahin hote to behad ka nahin kaha jaata। to aap logon ka bhi vishesh part hai, jo baap aur sarva bachche dekh­dekhharshit hote hain। bhaagya vidhaata dvaara janma hona-ye sabse number one bhaagya hai। saath­saath saare kalpa mein kisi bhi janma mein ek hi paramatma baap bhi bane, shikshak bhi bane, satguru bhi bane aur sarva sambandh bhi nibhaaye-aisa satayug se kaliyug tak kisko bhaagya mila hai? aur abhi aapko mila hai! abhi aap nishchay aur nashe se kehte ho ki hamaara paalanhaar param aatma hai। duniya vaale kahne maatra kehte hain ki paramatma hi paal raha hai lekin aap practical anubhav se kehte ho ki paramatma baap hai aur baap hi paalanhaar hai, paalna kar rahe hain! nasha hai na ya thoda­thoda bhool jaate ho? chalte­chalte apne shreshtha bhaagya ko saadhaaran samajh lete ho, hai shreshtha lekin samajh saadhaaran lete ho। isliye jo nasha aur khushi ki jhalak sada honi chaahiye, woh nahin rehti। vaise ek second bhi bhool nahin sakte lekin common samajh lete ho ki baap mil gaya, hamaara ho gaya, ham bhi baap ke ho gaye… jab hamaara hai to nasha (phakhur) hona chaahiye na? lekin kabhi ooncha to kabhi madhyam, kabhi saadhaaran ho jaata hai। socho, hamaara baap param aatma hai! aur phir shikshak direct param aatma hai! kya shiksha di? aapko kya bana diya? trinetri, trikaaldarshi, trilokeenaath। aisi koi padhaai padhta hai! abhi tak ye degree suni hai? judge barrister, doctor, engineer ye to sab digreej dekhi hain lekin trilokeenaath,trikaaldarshi, trinetri, knowledgeful…aisi degree dekhi hai? dvaapar se kaliyug tak kisko mili hai? aapko mili thi? aapne bhi to 63 janma liye hain। to na kisko mili hai, na milni hai। aisa shikshak hamaara hai। science vaale science ki kitni bhi yojna karen to bhi trilok tak nahin pahunch sakte। teenon lokon ka knowledge praapta ho nahin sakta। aur aapmen to 5 varsha ka bachcha bhi teen lokon ki knowledge deta hai! vo bhi phalak se kahega-haan, sookshm vatan hai, mool vatan hai। to param aatma shikshak bhi hai। shreshtha shiksha se ye degree to praapta karaai lekin duniya mein sabse bade te bada pad raajya pad hota hai। to padhaai se pad bhi milta hai na! to aapko raaja banaaya hai? abhi raaja ho ya banna hai? ho raaja aur baithe pat mein ho! pakka makaan bhi nahin, tent mein baithe ho! to dekho shreshtha mein shreshtha pad raaj­pad hai। abhi bhi svaraajya adhikaari ho aur bhavishya mein bhi vishwa raajya adhikaari banna hi hai। ye pakka hai na? kisko raajya karna hai? aap raajya karenge ki aapke oopar koi raaja raajya karega? nahin। ye sab itne raaja ban jaayenge! itne sab raajya karenge! praja bhi taiyaar ki hai ya apne oopar hi raajya karenge? to apna bhaagya dekho-param aatma mera shikshak hai, raajya pad dene vaala। aur phir satguru ban… guru kya karte hain? mantra dete hain na। to satguru ne kya mantra diya? manamnaabhav। satguru dvaara mahaamantra bhi mila aur sarva vardaan bhi mile। kitne vardaan mile hain? vardaanon ki list dekho kitni lambi hai! roj vardaan milta hai na! kitne samay se mil rahe hain! itne vardaan koi bhi follower ko koi guru de hi nahin sakte। aisa satguru jo roj vardaan de, aisa dekha? abhi nasha hai na! (haan ji) bahut achha। sada rakhna। aise nahin, yahaan se bas mein jaao to nasha utarna shuru ho jaaye। sada badhta rahe।

baapdaada sabhi bachchon ko sada hi har subject mein number one dekhna chaahte hain। to number one ho ki abhi banna hai? nashe se kaho ki ham nahin honge to kaun hoga! videshiyon ko double nasha hai na! achha hai। baap bhi khush hote hain ki ek­ek mera bachcha raaja bachcha hai। praja nahin hai। praja to peechhe aane vaali hai। aap to phir bhi lucky ho jo itna bhi milne ka chance mila hai। tent mein rehna pada to kya hua। mitti par to nahin so rahe ho na, gadele par so rahe ho। brahma bhojan to achha milta hai na? mitti vaala to nahin milta? pyaar se khaate ho na? thoda bahut to hota hi hai, hona hi hai। kyon? maaya aur prabhu ka khel saath­saath chal raha hai। agar paramatma dvaara mela hua to maaya bhi jhamela zaroor karti hai। aapka kaam hai mela karna, uska kaam hai jhamela karna। to jhamela bhi hua aur mela bhi hua। (kisi ne kaha aandhi chali) koi baat nahin। aapke purooshaartha ki aandhi hai aur ye hava ki aandhi hai। ghabraate to nahin ho na ki kya ho gaya? nahin, aandhi aaye ya barsaat aaye, kitni bhi halchal ho lekin aapka man achal hai na? maataayen ghabra to nahin gai, tent ud gaya, kya karen? thoda­thoda ghabraaye, kya hoga, tabiyat achhi rahegi, nahin rahegi? kuchh bhi ho bhakti se to dhakke aur mehnat kam hi hai na। bhakti ke dhakke to nahin khaate ho na, maje mein rehte ho na! to ye mela achha laga ya jhamela dekhkar ghabra gaye? nahin, koi nahin ghabraaye? ek­do to ghabraaye honge? maja aa raha hai? aur bhi do din rakhen? achha। baapdaada bhi maaya ka jhamela dekh chakkar lagaate rehte hain। khel dekhte hain-bachche kya karte hain aur maaya kya karti hai?

baapdaada ko bachchon ka sneh dekh khushi hai। sneh ne mela rachaaya hai। baap ka bhi sneh hai to bachchon ka bhi sneh hai, donon mil gaye to kya ho gaya? mela। drishya bhi kitna achha lag raha hai। aisa kabhi socha tha-itna bada parivaar milega aur itna parivaar kisko hoga? aapke ghar kitne hain? (ek hai) aur aapke seva ke sthaan kitne hain? (anek hain) to usko bhi to baba ka ghar kehte ho na! to baba ka ghar aapka ghar hai। duniya kehti hai gharbaar chhodte hain aur aapne kitne ghar banaaye hain! ginti nahin kar sakte ho, yaad rakhna padta hai। to ye chhodna nahin hai, banaana hai। aur parivaar ko chhoda hai ya parivaar itna bada banaaya hai jo milna hi mushkil hota hai। saare brahman jitne bhi jahaan bhi hain, ek sthaan par mil sakte hain? mushkil hoga na। kyoki doosre ka raajya hai na, apna raajya to nahin hai। lekin baap mila, behad ka parivaar mila। to behad ko yaad karne se behad ki khushi, behad ka nasha hoga। agar had mein samajhte hain-main to phalaane desh mein hoon, phalaane desh ka hoon, phalaane zone ka hoon to had hoti hai lekin ye to nimitta maatra nishaani ke liye kehte hain-ye phalaana zone, ye phalaana sthaan। baaki apne ko behad ka samajhte ho na। niyam bhi rakhne padte hain। kai aise bhi sochte hain ki ye kya badge lagaao tabhi khaana milega। aapko khaane par tang karte hain na? lekin ye karna hi padta hai। kyonki kaayde mein phaayde hain। ye bandhan nahin hai lekin vighnon se nirbandhan banaane ka saadhan hai। ye kya nai baat nikaali-ye nahin sochna। sankalp to baap ke paas pahunchte hain na। lekin maryaada purooshottam aap hi ho na। ya sirf badi daadiyaan maryaada purooshottam hain, aap free ho? maryaada purooshottam arthaat maryaada ke andar rahne vaale, chalne vaale। haan ji ka paath pakka hai na? achha! aur jab koi baat ho jaati hai to haan ji hota hai ya na ji bhi hota hai? jab koi aisi baat karte hain to haan ji ke badle phir na ji mein itne pakke ho jaate hain jo baap bhi kahe to bhi nahin sunenge। jaise sthaapna mein jab chhote­chhote bachche aaye to baapdaada unhon ko paath pakka karaane ke liye hamesha kehte rahe ki na karna maana naastik, haan karna maana aastik। to aap sab kaun ho? aastik ho। naastik to nahin ho na! kabhi­kabhi ban jaate ho। khel karte hain! maaya ke bhi knowledgeful ho gaye! kyonki maaya bhi knowledgeful hai। giraane mein maaya knowledgeful hai aur udne mein aap knowledgeful ho। to maaya bhi dekhti hai ki iski udaan thodi neeche­oopar ho gai hai to dekh karke vaar karti hai। aur aap knowledgeful hone ke kaaran jaan jaate ho, to haar nahin khaate ho lekin vijay ka haar gale mein pada। sabke gale mein vijay ki maala hai ya kabhi­kabhi utaar dete ho? achha।

peechhe vaale mauj mein ho? yeh bhi madhuban ki hi area hui na, to sivaae madhuban ke aur kahaan itna bada mela ho sakta hai? nahin ho sakta na। to madhuban hai behad ka ghar। yahaan sab behad hai aur aur jagah phir bhi sab dekhna padta hai aur yahaan sankalp kiya aur ho gaya। to sabhi apne bhaagya dvaara parmaatma mele mein pahunch gaye। jo pahle baari is kalpa mein aaye hain vo haath uthaao। (kareeb 13-14 hajaar bhaai bahinon ki sabha hai, usmein bahut se naye bhaai­bahinen hain) achha hai, T.vi. mein dekh rahe ho। ye bhi dekho majority science ke saadhan abhi­abhi nikle hain। kuchh varsha pahle ye science ke saadhan bhi nahin the। lekin kiske liye nikle hain? aapke liye। baapdaada bhi science vaale bachchon ko mubaarak dete hain। kyonki baap ke bachche usse sukh to le rahe hain na। to kitna achha lag raha hai। lekin baapdaada ab kya chaahte hain? sthaapna hue kitne varsha ho gaye? diamond jubilee manaane ki taiyaari kar rahe ho। to baapdaada ne abhi sabhi bachchon ko raaja bachche kaha na, sab raaja hain। raaja takhta nasheen hota hai na? raajya ki nishaani taaj, takhta aur tilak hota hai। to baapdaada is varsha mein chaahe nayo ho, chaahe puraane-agar naye bhi ho to samaapti ka samay to nayon ke liye bhi sameep hai to puraanon ke liye bhi sameep hai। aise nahin samajhna ki hamaare ko bhi 60 varsha shaayad milne hain। nahin, aapko make up karna hai। agar last aaye ho to fast jaana hai। lekin sampanna hone ka, samaapti ka samay sabka ek hi hai isliye chaahe naye ho ya puraane ho lekin main svaraajya adhikaari aatma hoon-sada smriti ka tilak laga hua hi hai। kabhi mit jaaye, kabhi laga hua ho…। nahin, raajya adhikaari arthaat tilakdhaari-is smriti ka tilak avinaashi rahe, saadhaaran nahin। main tilakdhaari hoon, main vishwa kalyaan ke jimmevaari ka taajdhaari hoon। kitna bada vishwa hai aur aap sabhi vishwa kalyaankaari ho। akela baap nahin hai। baap ke saathi aap sabhi ho। to vishwa kalyaan ki jimmevaari ke taajdhaari aur sada baap ke diltakhtansheen। neeche nahin aana। sada takhtansheen। vaise bhi dekho jo bahut pyaare hote hain, laadle bachche hote hain to maa­baap unko mitti mein jaane nahin dete, dharni par paanv rakhne nahin dete। to aap kitne laadle ho! laadle ho ya aur aane vaale hain? aap ho। to takhta ko chhod karke saadhaaran swaroop, saadhaaran sankalp… is mitti mein ya dharni mein paanv nahin rakho। buddhi roopi paanv sada takhtansheen ho। parmaatma baap ke bachche ho। mahaatma, dharmaatma ke nahin ho, param aatma ke ho। abhi to sab nashe mein theek ho, vo to dikhaai de raha hai lekin sada rahega na? ki thoda­thoda rahega phir yuddha karenge, phir vijay praapta karenge-aise to nahin? brahman ho ya kshatriy ho? brahman ho। kshatriy nahin ho, yuddha nahin karte ho? ki kabhi brahman ban jaate ho, kabhi kshatriy ban jaate ho? agar maaya se yuddha karni padti hai to kshatriy hue। brahman maana vijayi aur kshatriy maana yuddha karne vaale। baapdaada ko to kabhi­kabhi bachchon par bahut raham aata hai, baithte yog mein hain aur karte yuddha hain! kahenge ek ghante yog lagaaya lekin ek ghante mein yuddha kitna samay chali aur yog kitna samay raha? agar kisi bhi kaaran se anubhooti nahin hoti hai to avashya hi yuddha ki stage hai। baapdaada kehte hain-yogi bachche hain aur ban jaate hain yoddhe bachche! kab tak yuddha karenge? ant tak yuddha karenge! chhutti de den-bhale yuddha karo। chhutti chaahiye? nahin chaahiye? phir karte kyon ho?kamzor ho jaate ho to maaya itna adheen bana deti hai jo chaahte nahin ho lekin kar lete ho। jaise koi­koi servant bahut bhole hote hain to maalik use adheen bana lete hain, servant jo nahin kar sakta uske liye bhi maalik kehta hai karo, nahin to naukri kyon karte ho। maaya bhi aise karti hai, aap chaahte nahin ho lekin kamzor hone ke kaaran maaya ke adheen banna padta hai। to us samay yogi ho ya yoddhe ho? yogi to nahin kahenge na? to baapdaada yahi chaahte hain ki har ek bachcha yogi bachcha ho, yuddha vaala nahin। baapdaada ko bachchon ke yuddha ki mehnat achhi nahin lagti। parmaatma bachche to sada mauj mein rahne vaale hain, maje mein rahne vaale hain, yuddha ki mehnat vaale nahin। to kya banenge? yogi bachche ya yoddhe bachche? yogi banenge ya thoda­thoda yuddha karna achha hai? kahne mein to haan­haan karte ho aur jab karte ho to us samay photo nikalta hai। to is varsha sabhi ka chart ho-sada raajya adhikaari। adheenta samaapta। 63 janma to adheen rahe na, abhi ek janma adhikaari banne ka mila hai, usmein bhi adheen rahenge kya? adheen banne ka ek janma aur extra de den, maja le lo। nahin chaahiye! adhikaar to mila hai sirf adhikaar ko sambhaalo। albele nahin bano,kamzor nahin bano। kahne mein dekho kya kehte ho ki main master sarvashaktimaan hoon। koi kehta hai main maastarkamzor hoon? lekin bante kya ho? master sarvashaktimaan aur kamzor! to achha lagta hai? sunna bhi achha nahin lagta!

to is varsha ki result mein kya karenge? abhi to diamond jubilee manaane ki taiyaari kar rahe ho na! aap bhi manaayenge ya jinko 60 varsha hua hai vo manaayenge? kyonki ye sthaapna ki diamond jubilee hai। to sthaapna mein aap sabhi ho ya nahin? kyoki abhi to mix aaye hain, koi to do­chaar varsha ke hain, koi do­chaar maas ke bhi hain, lekin diamond jubilee sabhi ki hai kyonki sthaapna ki diamond jubilee hai। to dhoomdhaam se manaayenge na! manaane ka arth kya hai? kaamphrensakarna, programme karna ki banna? manaana arthaat banna aur banaana। sirf manaana nahin, banna। dekho aap sabhi is season ke samaapti mein bhog daalne vaali aatmaayen ho। to kitna achha chance mila hai। to mela achha laga? abhi aap sabke ulahne to poore ho gaye na! chance nahin milta, chance nahin milta-ye ulahna to poora hua na। dekho, bachchon ke pyaar mein jahaan bachche vahaan aana pada। kyonki baap jaante hain ki aadha kalpa bachchon ne yaad kiya-aao­aao। baap to apne samay par aaye, aapke chillaane par nahin aaye lekin sunte to hain na। to aapne aadhaakalpa kaha aao­aao aur baap ne abhi kaha mele mein aao­aao। sabhi khush ho? sab tanduroosta bhi ho ya beemaar bhi koi tent mein soya hua hai। aap to yahaan baithe hue hain aur aapke saathi? koi nahin। isse siddha hai sab itne tanduroosta hain maana brahma bhojan bahut achha mila hai। abhi to phir bhi dekho neeche sone ka prabandha mila hai aage chalkar vinaash ke samay ho sakta hai baanhon ko hi takiya banaana pade। mitti par aaraam se so jaayenge, agar patthar­kankad lagenge to saaph kar lenge, kinaare kar lenge। abhi to baapdaada ne dekha, baapdaada ne chakkar lagaaya hai, bahut achha prabandha kiya hai aur usmein bhi gujraat vaalon ko padamguna mubaarak। bahut achha kiya hai। dil se mehnat ki hai। to jinhonne dil se mehnat ki hai unko baapdaada mehnat ki padam guna mohabbat de rahe hain। haath uthaao jinhonne seva mein nimitta bankar seva ki hai? gujraat vaalon ne ki hai na! gujraat vaale haath uthaao। bahut achhi ki hai। dekho patli­patli roti to milti hain। jali hui to nahin milti? baapdaada ne result suni hai ki brahma bhojan bahut achha banta hai। abhyaas to ho gaya na pat mein sone ka! achha hai, garmi ki season mein agar tent bhi ud gaya to hava ke liye chhat khaali ho gai na। natural khidkiyaan ban gai। lekin doosre group ko aisa nahin milega, unke liye prabandha achha karenge। aur madhuban vaalon ne, jinhonne bahut achha sahayog diya vo haath uthaao। mehnat achhi ki। (daadi ne ki) daadi to nimitta hai na। daadi ko saare din mein kitni maalaayen padti hain! duaaon ki maalaayen ek ke peechhe ek padti hain jo utaarni bhi nahin padti। phoolon ki 10 maala agar gale mein pad gai to gala hi thak jaayega aur ye duaaon ki maala kitni halki aur kitni pyaari hai! jo seva karte hain, vaise to sabhi ne sahayog diya hai, bina sahayog ke koi kaarya nahin hota। sabko haan ji karna hi hai, karo, ye sahayog ka haath badhaaya tabhi ye kaarya hua। agar do­chaar bhi sahayogi na na karte to mela nahin ho sakta। lekin madhuban vaalon ne, chaahe talahti vaalon ne, chaahe hospital vaalon ne va chaaron or ke desh vaalon ne, gyaan sarovar vaalon ne bhi madad ki hai। balihaari gyaan sarovar ki, jo aapko bhojan achha mila। (gyaan sarovar ka steam system tatha bade bartan aadi mele mein use ho rahe hain) kyonki aap sabnegyaan sarovar banaaya hai na, to jo beej daala uska phal kha rahe hain। pratyakshaphal hai na, to pratyakshaphal mila hai aur bana bhi pyaar se rahe hain। jara bhi thakaavat ke chinha chehre par nahin hain। kamaal to ye hai na! kaam kare aur pyaar se karen। ghutke khaakar kaam kare to vo kaam, kaam nahin hai। to mele mein jab jaate hain na to koi na koi cheez nishaani zaroor le jaate hain। is parmaatma mele se kya nishaani le jaayenge? taaj, takhta aur avinaashi tilak ki nishaani sabhi saath mein le jaana। aise nahin karna ki teen cheejon mein se ek cheezrah gai do saath chali। yahin to nahin chhodkar jaayenge? le jaana aata hai? announce karte hain na season mein, losta praaparteerojaikatthi hoti hai, to aise nahin chhodkar jaana। main brahman aatma hoon, mai sarvashreshtha bhaagyavaan aatma hoon-is nishchay aur nashe mein sada hi rehna। yeh sirf buddhi mein nahin ho lekin chalan aur chehre mein dikhaai de, jo bhi aapke samparka mein aaye vo anubhav kare ki ye saadhaaran nahin hain lekin nyaare hain। aur alaukik nyaaraapan hi to pyaara lagta hai na! to nyaara banna aata hai?

bhaarat ke chaaron taraph se pahunche hain। sab taraph se aaye hain ya koi rah gaya hai? sabhi zone aa gaye hain। to jaise aane mein ever ready hokar pahunch gaye, aise hi agar baapdaada order kare ki abhi ek second mein vaapas ghar jaane ki taiyaari karo to kar sakte ho? ki yaad aayega telephone kar den ki ham ja rahe hain, pravritti vaale yaad karenge? aisi practice karo-ek second mein aatma shareer se pare hone ke liye ever ready ban jaaye। kyonki sabka vaayda hai-saath chalenge। vaayda hai, ki nahin? baap chala jaaye aur ham dekhte rahen! nahin, saath rahenge, saath chalenge। to chalne ke liye taiyaari bhi chaahiye na! koi golden, silver, copper ki sookshm rassiyaan to nahin hain, jo aap udne ki koshish karo aur rassi aapko neeche le aaye? to check karo aur abhyaas karo ki second mein ashareeri ban sakte hain? ashareeri ka arth hai ki shareer ki koi bhi aakarshan aatma ko apne taraph aakarshit nahin kare। chaahe jinda bhi hain, lekin jaise jeete ji marjeeva। vaise aap sabka apna shareer to hai hi nahin। mera shareer kahenge ya baap ki amaanat hai? jab hai hi baap ki amaanat to ashareeri banna kya mushkil hai? mushkil hai ya sahaj hai? (sahaj hai) kahne mein to sahaj hai। yuddha nahin karni pade ki nahin, main aatma hoon, main aatma hoon…। yuddha mein hi ek second poora ho jaayega to kahaan pahunchenge! baap ne kaha aur kiya। agar jara bhi socha-aisa nahin vaisa, abhi to thoda time chaahiye, itna abhyaas to hua nahin hai, ho jaayega… socha aur gaya। kahaan gaya? treta mein gaya। haan ji kiya to brahma baap ke saathi banenge। achha।

teachers seh­ teachers sab aage baithi hain, hoshiyaar hain। bahut achha। baapdaada nimitta ban seva karne ki mubaarak dete hain। phir bhi dekho purooshaartha karke sabhi ko yaatra to karaai hai।

kumaaron seh­ kumaar kya karenge? kumaar sada hi vishvamen koi na koi parivartan ke liye ever ready rehte hain। koi bhi kraanti ke nimitta kumaar bante hain। to ye hai shanti ki kraanti। to sabhi kumaar sada yeh yaad rakho ki hamaara har karma parivartan karne ke nimitta hai। to kumaar arthaat vishwa parivartak। aise hai na? sirf taaliyaan to nahin baja rahe ho। achhe­achhe kumaar hain। dekho, baapdaada sada kehte hain ki sevaakendra seva mein aage number par jaayen, uske liye kumaar bhi zaroor chaahiye। jahaan kumaar nahin honge vahaan seva ke plan kam banenge। to aise nirvighna sevaadhaari kumaar। khitkhit karne vaale nahin banna। nirvighna sevaadhaari kumaar। kumaar hi seva ki shobha hain iseeliye baapdaada ko kumaar pyaare lagte hain। achha hai। is varsha to sabhi ko nirvighna hona hi hai, aapke paas koi vighnon ke patra nahin aayenge-ye ho gaya, ye ho gaya…। kumaaron ko maaya bhi bahut pyaar karti hai। maaya bhi samajhti hai mera banen, iseeliye double attention। maaya ke nahin banna।

kumaariyon seh­ kumaariyaan kya karengi? kumaariyon ka to bahut­bahut bada bhaagya hai। kumaar 25 varsha ka hoga lekin unko koi daada nahin kahega, lekin kumaariyon ko daadi kahenge, deedi kahenge। kumaariyaan agar teacher ban jaati hain to daadi, deedi ka title mil jaata hai। deedi kahne vaale to bahut achhe hain aur banne vaale bhi achhe hain। lekin deedi maana badi। to deedi banna arthaat bade dil se sva ka purooshaartha aur auron ko purooshaartha karaana। sirf deedi naam se nahin khush ho jaana। kaam bhi karna hai। kumaar aur kumaariyon se dekha jaata hai ki maaya ka kuchh extra pyaar hai। lekin ye pyaar nahin hai, dhokha hai। pahle maaya bahut pyaar karti hai lekin samaaya hua dhokha hota hai। abhi koi kumaar aur kumaari ki maaya ke prati report nahin aani chaahiye। abhi report aati hai। kai khel karte hain kumaar bhi, kumaariyaan bhi। abhi khel nahin karna। abhi vishwa parivartak ban, sabhi ek­do ke sahayogi ban aage udna। theek hai na।

pravritti vaalon seh­ pravritti vaale kya karenge? pravritti vaale sada ye vardaan yaad rakhna ki ham vishwa ke show case mein bahut badhiya number one show pees hain। jitna aap show pees arthaat sample badhiya honge to baap se sauda karne vaale bahut aayenge। sample ko dekhkarke svayan bhi khareeddaar ban jaayenge। pravritti vaale apna bahut achha part baja rahe hain। agar pravritti vaale nahin hote to abhi tak bhi baapdaada ko gaaliyaan khaani padti। dekho pahle kitni gaali khaai। lekin aap pravritti vaalon ka sample dekhkar himmat aati hai। to pravritti vaalon ki bhi apni visheshta hai lekin pravritti ka arth kya hai? par vritti mein rahne vaale। pravritti ka arth ye nahin hai-mera potra, mera dhautra। nahin, par vritti mein rahne vaale। lekin hota kya hai? baapdaada kehte hain nyaare aur pyaare raho, to pyaare banenge lekin nyaare bankar pyaare nahin bante। ye galti karte hain। pyaare to ban jaate hain lekin nyaaraapan bhool jaata hai। to pyaare bhi aur nyaare bhi-ye pravritti vaalon ko aata hai na! pyaare aur nyaare rahne mein hoshiyaar hain na? abhi ye nahin likhna ki maaya aa gai kya karen? maaya ko hamesha ke liye bhaga diya-aisa patra likhna। patra likhne ki bhi jaroorat nahin, baba ke paas pahunchta hai। likhte hain to 4-4 page patra likhte hain, economy khatma। kharcha to hota hai na, kharcha kiska hua? aapka hua ya baap ka hua? to phaaltu kharcha kiya na aur phir padhne vaale ka kitna phaaltu time jaata hai। akshar bhi kya likhte hain koi east mein jaata hai, koi vesta mein jaata hai। do shabdon mein likho, detail mein nahin likho। khushkhabri ke patra kabhi bhi lambe nahin hote। ulte sulte samaachaar ka patra chaar page ka hoga। to abhi khushkhabri ke patra aane hain na ki lambe­chaude aane hain? koi kitna bhi aapke paas aise­aise patra ya samaachaar sunaaye to aapko kya karna hai? achal­adol। vesta paper box mein daal do। interest nahin lo-ye kya hota hai, ye kya hua…। nahin, kahne vaale kah rahe hain। aap to baap ka kaha hua sun rahe ho, ki auron ka bhi sunna hai? kya vaayda hai? aap se hi sunenge ki auron se bhi thoda­thoda sunenge? koi kuchh bhi kahe, koi kahe-ham baap hain, koi kahe ham ye hain… kahne do, mauj manaane do। aap baap ke hain aur baap ke rehna hai। manjoor hai na ki thoda­thoda maja lena hai? baap ke prabhaav mein rahne vaale kisi bhi aatma ke prabhaav mein nahin aa sakte। ye bhi achha bolte hain-sun liya to kya hua! lekin baap ne kya kaha hai? ek se suno, ek ka hi suno। to ye pasanda hai na ki thoda­thoda raamaayan ki katha, mahaabhaarat ki katha sunna achha hai? beech­beech mein thoda manoranjan to hona chaahiye! nahin, aap apni mauj mein raho। agar aur kuchh bhi karte hain to unko bhi mauj karne do, shubh bhaavna do। aap safe raho। safe rehna aata hai ki thoda sek aa jaata hai? sek bhi nahin aaye। sada safe rehna।

achha, sabhi ko vardaan mil gaye। kitna parmaatma pyaar hai। geet gaate ho na-itna pyaar karega kaun? parmaatma pyaar koi aur de hi nahin sakta। asambhav hai। to aashaayen sab poori hui? jab tak jeena hai tab tak milte rehna hai। kabhi bhi maaya ke jhamele se ghabraana nahin। aao, ham bhi vijayi hain। aur hi challenge karo-aao, kai harja nahin। aapka jhamela hai to hamaara mela hai।

achha, gyaan sarovar mein itna mela ho sakta hai? (ho sakta hai) baapdaada ko dikhaana, kahaan karenge? achha hai, gyaan sarovar ek vishwa ke liye sempul bana hai। aakhir to asylum banna hi hai। abhi dekh liya na, jab bhi koi baat neeche­oopar ho to aa jaana। sthaan to dekh liya na? gyaan sarovar mein sab taraph ke maaiksa ka mela hoga। sab taraph ke mike aane hain na? ye braahmanon ka mela aur vo hai chaaron or ke maaiksa ka mela। kyonki gyaan sarovar sabhi ke boond­boond se sarovar bana hai aur sabhi ne dil va jaan se sik va prem se boond­boond daali hai। iseeliye aap sabke sahayog ka sample gyaan sarovar hai। yahaan talahti vaalon ne bhi tapasya bahut samay se ki, unhon ki bhi tapasya poori hui।

sarva taraph ke deshvidesh ke sarva sookshm swaroop se drishya dekhne vaali aatmaayen, chaaron or ke sada shreshtha paalna mein palne vaali, shreshtha padhaai se raajya pad paane vaali aatmaayen, sadguru dvaara sarva vardaan praapta karne vaali aatmaayen, sada maayaajeet vijayi ratna, sada yuddha ko chhod raajayogi sthiti mein sthit rahne vaali sarvashreshtha aatmaon ko baapdaada ka yaad­pyaar aur namaste।

achha, double videshiyon ko bhi mela achha laga? aap log aise soyenge, tent mein soyenge ki neend nahin aayegi? sone ke liye taiyaar hain? ye to taiyaar hain aap nahin sulaate ho। bahut bahaadur hain, ever ready hain। agar Dunlop milega to bhi theek, jameen milegi to bhi theek। achha, double videshi bhi is season mein achhe umang­utsaah vaale dekhe। vriddhi bhi dekhi, sankhya mein bhi vriddhi hai to sthiti mein bhi vriddhi hai। abhi bachpan ka khel samaapta ho gaya, abhi bade ho gaye। achha, sab theek hai? mela pasanda aaya? aise to nahin sochte-ye jhamela kya hai? nahin, bahut achha। jo drama mein hota hai vo achha hai aur achhe te achha rahega।