मंगलवार 7 नवंबर 1995 की अव्यक्त मुरली

> 07-11-95 om shanti avyakt baapdaadaamdhuban

‘‘baapdaada ki vishesh pasandagi aur gyaan ka foundation - pavitrata’’

aaj pyaar ke saagar baapdaada apne pyaar ke swaroop bachchon se milne aaye hain। sabhi bachchon ke andar baap ka pyaar samaaya hua hai। pyaar sabhi bachchon ko door se sameep le aata hai। bhakta aatma the to baap se kitna door the। isliye chaaron or dhoondhate rehte the aur abhi itna sameep ho jo har ek bachcha nishchay aur falak se kehte hain ki mera baba mere saath hai। saath hai ya dhoondhana padta hai - is taraph hai,us taraph hai?to kitna sameep ho gaya! koi bhi poochhe paramatma kahaan hai? to kya kahenge?mere saath hai। falak se kahenge ki ab to baap bhi mere bina rah nahin sakta। to itne sameep, saathi ban gaye ho। aap bhi ek second bhi baap ke bina nahin rah sakte ho। lekin jab maaya aati hai tab kaun saath hota hai? us samay baap agar saath hai to maaya aa sakti hai?lekin na chaahte bhi beech-beech mein bachche baap se aankh michauli ka khel kar dete hain। baapdaada bachchon ka yeh khel bhi dekhte rehte hain ki bachche ek taraph kah rahe hain mera baba,mera baba aur doosre taraph kinaara bhi kar lete hain। agar abhi yahaan aise kinaara karenge to aapko dekh nahin sakenge na। to aap bhi maaya ki taraf aise kar lete ho। baap ko dekhne ki drishti banda ho jaati hai aur maaya ko dekhne ki drishti khul jaati hai। to aankh michauli khel kabhi-kabhi khelte ho? baap phir bhi bachchon ke oopar merciful ban maaya se kisi bhi dhang se kinaara kara leta hai। vo behosh karti aur baap hosh mein laata hai ki tum mere ho। banda aankh yaad ke jaadu se khol dete hain।

baapdaada poochhte hain ki sabhi ka pyaar kitne percent mein hai? to sabhi kehte hain -100 percent se bhi jyaada hai। padmaguna pyaar hai। aisa kehte ho na?achha jiska padmaguna se kam hai, karod hai, laakh hai,hazaar hai,sau hai, vo haath uthaao। (koi ne nahin uthaaya) achha, sabhi pakke hain! baapdaada phir doosra question karenge, phir nahin badalna। achha, ye to bahut khushkhabri sunaai ki padmaguna pyaar hai।

abhi baap poochhte hain ki pyaar ka saboot kya hota hai? (samaan banna) to samaan bane ho? (nahin) phir padmaguna se to kam ho gaya। aap sabhi kahenge ki abhi sampoorn banne mein thoda-sa time pada hai isliye ho jaayenge - aise? lekin agar pyaar vaala kehta hai ki tum pyaar ke peechhe jaan kurbaan kar lo to vo jaan dene ke liye bhi taiyaar hote hain। baapdaada jaan to lete nahin hain kyonki jaan se to seva karni hai। lekin ek baat par baapdaada ko thode samay ke liye aashcharya karna padta hai। aashcharya karna nahin chaahiye,vo to aapko bhi kehte hain,lekin baapdaada ko aashcharya karna padta hai, part bajaate hain। jaan kurbaan chhodo lekin pyaar ki nishaani hai nyochhaavar hona, jo kahe vo karna। to baap sirf ek baat mein nyochhaavar hona dekhna chaahte hain। baaten anek hain, lekin baap anek ko nahin lete sirf ek baat mein nyochhaavar hona hai। uske liye haath utha lete hain, pratigya bhi kar lete hain lekin pratigya karne ke baad bhi karte rehte hain vo kya? har ek svayan samajhte hain ki mera baar-baar baap se kinaara hone ka mool sanskaar ya mool kamzori kya hai। har ek apni mool kamzori ko jaante ho na? to vo kamzori jaante hue bhi nyochhaavar kyon nahin karte ho? 63 janma ki saathi hai iseelie usse pyaar hai?

pyaar ka arth hi hai jo pyaar vaala pasanda kare vo karna। agar maano pyaar karne vaala ek baat kehta hai aur vo doosra kuchh karte hain to kya ho jaata hai?pyaar hota hai ya jhagda hota hai? us samay pyaar kahenge ki achhi tarah se laathi uthaakar ek-do ko lagaayenge? to baap ko kya pasanda hai? baapdaada kehte hain ki samaan banne mein to kai baaten hain। brahma baap ki visheshtaaen dekho aur brahma baap samaan hi banna hai to kitni badi list hai! uske liye bhi baapdaada kehte hain chalo koi baat nahin। ek-do baat kam hai to bhi harja nahin। lekin jo mool foundation hai,jo brahma baap va gyaan ka aadhaar hai vo kya hai? brahma baba shiv baap ki vishesh pasandagi kya hai? (pavitrata,antarmukhta,nishchaybuddhi,sachchaai-saphaai)। vaastav mein foundation hai - pavitrata। lekin pavitrata ki paribhaasha bahut guhya hai। pavitrata jahaan hogi vahaan nishchay,sachchaai-safaai,ye sab aa jaata hai। lekin baapdaada dekhte hain ki pavitrata ki guhya bhaasha,pavitrata ka guhya rahasya abhi buddhi mein poora spashta nahin hai। vyartha sankalp chalna ya chalaana, apne andar bhi chalta hai aur doosron ko bhi chalaane ke nimitta bante hain। to vyartha sankalp - kya ye pavitrata hai? to phir sankalp ki pavitrata ka rahasya sabhi ko practical mein laana chaahiye na। vaise dekha jaaye to paanchon hi vikaar, chaahe kaam ho, chaahe moh ho, sabse number one hai kaam aur last mein hai moh। lekin koi bhi vikaar jab aata hai to pahle sankalp mein aata hai। vyartha sankalp krodh bhi paida karta hai to kaam arthaat vyartha drishti, kisi aatma ke prati agar vyartha drishti bhi jaati hai to us samay pavitrata nahin maani jaayegi। to yeh vyartha sankalp baap ke pyaar ke peechhe nyochhaavar kyon nahin karte? kar sakte ho? (haan ji) haan ji kehna bahut sahaj hai। lekin baapdaada ke paas to sabka chart rehta hai na। abhi tak paanch hi vikaaron ke vyartha sankalp majority ke chalte hain। phir chaahe koi bhi vikaar ho। ye kyon, ye kya, aisa hona nahin chaahiye,aisa hona chaahiye… ya common baat baapdaada sunaate hain ki gyaani aatmaon mein ya to apne gun ka, apni visheshta ka abhimaan aata hai ya to jitna aage badhte hain utna apni kisi bhi baat mein kami ko dekh karke, kami apne purooshaartha ki nahin lekin naam mein, maan mein, shaan mein, poochhne mein, aage aane mein, centre incharge banaane mein, seva mein,vishesh part dene mein - ye kami, ye vyartha sankalp bhi vishesh gyaani aatmaon ke liye bahut nuksaan karta hai। aur aajkal ye do hi vishesh vyartha sankalp ka aadhaar hai। to aap jab seva par jaao to ek din ki dincharya note karna aur check karna ki ek din mein in donon mein se chaahe abhimaan ya doosre shabdon mein kaho apmaan - mere ko kam kyon,mera bhi ye pad hona chaahiye,mere ko bhi aage karna chaahiye, to ye apmaan samajhte ho na। to ye do baaten abhimaan aur apmaan - yahi do aajkal vyartha sankalpo ka kaaran hai। in donon ko agar nyochhaavar kar diya to baap samaan banna koi mushkil nahin hai। to kya nyochhaavar karne ki shakti hai? achha,kitne samay mein? abhi aaj November hai na, naya saal aayega to do maas ho jaayega na! naye saal mein vaise bhi naya khaata rakha jaata hai, to har ek chaahe teacher, chaahe vidyaartha hain, chaahe mahaarthi hain,chaahe pyaada hain। aise nahin ki ye to mahaarthiyon ke liye hai, ham to hain hi chhote! raajya-bhaagya lene ke time to koi nahin kahega ki main chhota hoon, us samay to kahenge ki second naaraayan mujhe hi bana do। to har ek ko sirf do shabd apna samaachaar dena hai aur us post ke oopar vishesh ye likhna- ‘‘avastha ka potaamel’’। to vo post alag ho jaayegi। aur andar likhna ki vyartha sankalp kis percentage mein nyochhaavar hue? 50percent ya 100 percent nyochhaavar hue?bas ek line likhna,lamba-chauda nahin likhna। jo lamba-chauda likhenge usko pahle hi phaad denge। to taiyaar ho? zor se bolo - haan ji ya na ji?jo samajhte hain ki ismen himmat chaahiye,time bhi chaahiye, to abhi se haath utha lo to aapko pahle se hi chhutti hai। koi hai ya peechhe likhenge - purooshaartha to bahut kiya lekin hua nahin। aise to nahin likhenge? pakke hain? achha।

baapdaada ne dekha ki pyaar madhuban tak to le aata hai। lekin isi pyaar se pahunchna kahaan hai? baap samaan banna hai na! to jaise madhuban mein bhaagte-bhaagte aate ho na, mera naam zarur likho,mera naam zarur likho। aur nahin likhte to teacher ko thodi aankh bhi dikha dete ho। to jaise madhuban ke liye pyaar mein bhaagte ho, aate ho aise hi purooshaartha karo ki mera naam baap samaan banne mein pahle ho। to ye pavitrata ka foundation pakka karo। brahma baap ne pavitrata ke kaaran, ek naveenta ke kaaran gaaliyaan bhi khaaeen। to pavitrata foundation hai aur foundation ka brahmacharya vrat dhaaran karna ye to ek common baat hai lekin abhi aage badhe ho to bachpan ki stage nahin hai, abhi to vaanaprastha sthiti mein jaana hai। main brahmachaari to rehta hoon,pavitrata to hai hi, sirf ismen khush nahin ho jaao। vaise to abhi drishti-vritti mein pavitrata ko aur bhi underline karo lekin mool foundation hai apne sankalp ko shuddh banaao,gyaan swaroop banaao,shakti swaroop banaao। sankalp mein kamzori bahut hai। kya karen,kar nahin sakte hain, pata nahin kya ho gaya… kya ye pavitrata ki shakti hai? pavitra aatma kahegi - kya karen, ho gaya, ho jaata hai, chaahte to nahin hain lekin…?ye kaun-si aatma hai? pavitra aatma bolti hai ki kamzor aatma bolti hai?trikaaldarshi aatmaayen ho। jab kyon, kya kehte ho, to baapdaada kehte hain inhon ko jigyaasu ke aage le jaao,unko chitra samjhaate hain ki84 janmon ko ham jaante hain। samjhaate ho 84 janma aur karte ho abhi kya aur kyon? jab jaante ho to jaanne vaala kya, kyon karega? vo jaanta hai ki ye isliye hota hai। kya ka javaab svayan hi buddhi mein aayega ki maaya ke prabhaav ke parvash hai। chaahe mahaarthi ho, chaahe pyaada ho। agar mahaarthi se bhi galti hoti hai to us samay vo mahaarthi nahin hai, parvash hai। to parvash vaala kahaan bhi lahar mein lahra jaata hai lekin aap us roop mein dekhte ho ki ye mahaarthi hokar kar raha hai! us samay mahaarthi nahin,parvash hai। samjha, naye saal mein kya karna hai? vyartha ke samaapti ka naya khaata। theek hai? pakka?ki koi na koi kaaran bataayenge। agar kaaran hoga to koi naya plan bataayenge। abhi nahin bataayenge। abhi bataayenge to aap koi reezan nikaal lenge। kaaran nahin nivaaran। samasya swaroop nahin,samaadhaan swaroop।

abhi prakriti bhi thak gai hai। prakriti ki bhi taakat saari khatma ho gai hai। to prakriti bhi aap prakritipti aatmaon ko arja kar rahi hai ki abhi jaldi karo। abhi deri nahin karo। achha!

baapdaada ko bhi tan ko chalaana padta hai। chale,nahin chale,lekin chalaana to padta hai। kyonki baap ka bachchon se pyaar hai। to itne pyaar vaali aatmaayen aaven aur baap roohrihaan nahin kare to kaise hoga! to jabardasti bhi chalaana hi padta hai। achha, sabhi khush hain?baap mila - santushta hain na?

eastern

kitna andaaz aaye hain? (550) to saadhe paanch sau aaye ho na to saadhe ko nikaal dena baaki raha paanch,to paanchon par vijay pahla number eastern zone hona chaahiye। (sabhi ne taaliyaan bajaai) likhne ke time bhi taali bajaana। number one। vaise to eastern brahma baba ka praveshta ka bhi pahla number hai। to baap samaan banne mein,baap ke pyaar ke peechhe nyochhaavar karne mein bhi eastern ko pahla number lena hai। sabhi teachers haan kar rahi hain to student ko bhi karna padega। eastern ki teachers utho। sabhi teachers vaayda karte ho ki samajhte ho ki pata nahin kya hoga! dekhna T.vi. mein aa raha hai। eastern to number one hona hi hai।

bambai, mahaaraashtra

baambe kya karega?mahaaraashtra kya karega?solaapur bhi hai, jalgaanv bhi hai। koi bhi pur ho lekin baapdaada kehte hain ki solaapur nahin, sola sampoorn। kolhaapur hai, solaapur hai, kai pur hain to unhon ko to yaad aana chaahiye ki ham poor to hain sirf sampoorn aage add karna। theek hai solaapur। solaapur vaali teachers haath uthaao। abhi kya hoga? solaapur ya sola sampoorn? himmat hai ki kahenge ki ham to chhoti teachers hain। chhoti subhaan allaah। samjha?achha jalgaanv aur udgeer। to jalgaanv kya karega? apne vyartha vikalpon ko jal mein khatma kar dega। ekdam khatma। jal mein ho gaya khatma। to kya karenge? vikalpon ko jalmay karna। koi vikalpa rahe nahin। jaise kahaan-kahaan jalmay hota hai na to ek bhi nishaani nahin rehti। aise aap samaapta kar lena। theek hai? achha,baambe vaale kya karenge?aajkal bahut bade-bade bomb nikaale hain। deepaavli mein dekha hoga na, itne bomb ikatthe jalaate hain jo line ki line khatma। to baambe vaale anek vikalpon ki line ko ek teeli lagaana aur saare ke saare khatma ho jaayen। bombe vaali teachers utho। achha! teeli to hai na? achhi powerful teeli hai? ki teeli lagi phir bujh jaayega। dridh sankalp ki teeli se phataaphat। ek ke peechhe ek, ek ke peechhe ek khatma। sabhi khush ho jaayenge। achha।

taamilnaadu

taamilnaadu kya karega?taamilnaadu mein dance bahut achhi karte hain। koi bhi daadiyaan jaati hain to achhi-achhi dance dikhaate hain। jaise shaastron mein shankar ke liye dikhaate hain, nritya karte-karte saara vinaash kar diya। to dance karte-karte kya karenge?bhinna-bhinna prakaar se sabhi vighnon ka vinaash। jaise dance ve bhinna-bhinna pose rakhte ho na aise ek-ek vikalpa ko achhi tarah se,aise khatma karna jo naam-nishaan bhi nahin rahe। theek hai? taamilnaadu, taamilnaadu ki teachers utho। achha। taamilnaadu ki teachers bahut aai hain। teachers ko bhi milne ka chance milta hai। baapdaada ko teachers vaise bahut pyaari lagti hain। ismen to taali baja di lekin vaise ke peechhe aise bhi hai। vaise to teachers ko baapdaada ekdam samaan drishti se dekhte hain ki ye baap samaan hain, nimitta hain lekin jab aisi-vaisi ulti dance kar deti hain, jo man ko nahin bhaati hai, kabheekbhi aisi dance karte hain to sab kehte hain banda karo, banda karo। to jab teachers aisa kuchh karti hain to baapdaada ki,khaas brahma baba ki aankhe neeche ho jaati hain। itna teachers ko attention rakhna chaahiye। title to teachers ko bahut achha hai,badge bhi bahut jaldi pahan lete ho। lekin teacher ka arth hi hai baap samaan। vishesh brahma baba teachers ko dil se pyaar karte hain lekin kabhi-kabhi drishti neeche bhi karni padti hai। to aise nahin karna। baaki achha hai, taamilnaadu ne vistaar achha kiya hai aur ek visheshta ye bhi hai ki hands bhi apne nikaalte jaate aur seva bhi badhaate jaate। to ye bhi achhi baat hai। hands taiyaar bhi karna aur seva bhi badhaana - donon hi karna।

aandhra pradesh

aandhra pradesh mein ek visheshta brahman parivaar ki hai jo vahaan se ek laadla bachcha nikla raaju, to us ek ne ek egzaampal ban anek vi.aai.pi.,aai.pi. ki service kar sample banaaya। seva bahut hoti hai lekin isne himmat rakh karke ek egzaampal sthaapan kiya aur vaise bhi aandhra mein vi.aai.pi.,aai.pi. jyaada hi hain। chaahe vo kisi bhi desh mein chale jaate hain lekin aandhra ke aai.pi., vi.aai.pi. chaaron or bahut hote hain। to aandhra ne jaise ek egzaampal taiyaar kiya,aise ye vikalpa vinaash ka egzaampal bhi aandhra ko dikhaana hai। taiyaar hain? aandhra vaali teachers utho। achha,teachers to bahut hain। abhi ye bhi egzaampal dikhaayenge। dekho kitna achha ratna nikla aur advance party mein bhi achha part baja rahe hain। to karenge na! khitkhit nahin honi chaahiye। khitkhit khatma। vijay ka jhanda har sevaakendra par lahraaye। ye nahin baapdaada sune ki phalaane centre par khitkhit hai isliye phalaani daadi ko bhejo। ye nahin hona chaahiye। aise thoda-thoda beechbi cha mein khel karte hai। abhi khatma। pahle teachers khatma karengi tabhi vibrations phailega। ye sookshm vibrations hai। aap samjhenge ek ne kiya na,sabhi ko kya pata? lekin vibration aisi cheez hai jo na pata hote bhi…। mainne sirf kiya,nahin। mainne sabhi baba ke sevaakendron ka vibration kharaab kiya। itni zimmevaari har ek teacher ke oopar hai। badge pahanna to bahut achha hai। achha bhi lagta hai। sabhi ek jaisa badge pahan kar baithti hain to achha lagta hai lekin badge ki laaj rakhna। achha!

karnaatak

Bangalore aaya hai। Bangalore ki visheshta hai ki jagdamba sarasvati maa ne Bangalore mein bahut-bahut seva kar beej daala hai। baambe aur Bangalore mein kiya hai। to baambe ko aur Bangalore ko jagdamba maa ke beej ka sada phal dena hai। aur dekha jaaye to Bangalore ke jo vishesh sevaadhaari hain vo hain bhi jagdamba ke paalna ke phal। to Bangalore vaalon ko,jaise jagdamba sampoorn ban bhinna naam-roop mein seva ke nimitta hai,aise jagdamba ka naam baala karna hai। vaise Bangalore ka vaayumandal duniya ke hisaab se bhi auron se kuchh achha hai। seva bhi hai bahut। abhi seva ko niravyartha sankalp banaana-ye Bangalore ka kaam hai। samjha? Bangalore ki teachers utho। achha hai,nirvighna banaana hai na?ki thodi-thodi khitkhit achhi lagti hai?to number one jagdamba ki paalna ka phal Bangalore ko avashya dena hai। samjha?

raajasthaan

raajasthaan kya karega?raajasthaan ki ek seva bahut kaal se baapdaada ne kahi hai lekin hui nahin। raajasthaan ki ministry ko bahut sameep laana chaahiye। chaahe minister ho,chaahe secretary,lekin ek baar raajasthaan ko kamaal karke dikhaani chaahiye। chaahe kiski bhi madad lo। sabhi madad denge। lekin raajasthaan ki government ke vishesh officers ka ek kam se kam 20-25ka group laana chaahiye। kyonki raajasthaan ka prabhaav saare india par padta hai। jaise dilli ki seva world mein naam baala karti hai। chaahe jigyaasu bane,nahin bane,lekin raajasthaan ke itne log yahaan ikatthe hokar aaye, to yahaan ke jo chhote-mote officers hain unka bhi kuchh dimaag khule। abhi Mauritius ka aa gaya, aur raajasthaan? to raajasthaan ko yeh seva kisi bhi reeti se karni chaahiye। chaahe kisi se bhi madad lo, group banaao। jahaan se kahenge vahaan se madad milegi। lekin ek baari aabu vaalon ki aankh khulni chaahiye aur vo hi officers yahaan bhaashan karen, anubhav sunaayen to aabu vaale dekho peechhe-peechhe…। nahin to ek taraph seva hoti aur doosre taraph aabu vaale mazaak karte rehte hain। to raajasthaan ko baapdaada ki ye ek aasha poorn karni hai। mushkil hai kya? phir yahaan laddu baantenge। jo bhi honge na unke mukh mein laddu padega। chaahe udaypur ho,chaahe jodhpur, … jahaan kaarya badhta hai vahaan ke log bahut sahayogi hone chaahiye। abhi dekho dilli ke officer raajasthaan ke officer ko himmat dekar theek kar rahe hain aur vahaan ke bilkul hilte nahin hain। to karo kamaal। aabu vaale bhi plan banaao। baapdaada samajhte hain ki jab tak aabu vaale achha nahin kehte, chaahe akhbaar mein, chaahe mukh se nahin bolte tab tak seva ki result parde ke andar hai। pratyaksha nahin hoti। to raajasthaan ke bade log chhoton ko bhi theek kar denge। parmaatma kaarya aur itne chhote officer parmaatma kaarya ke beech mein vighna roop banen to ye hain to cheenti na। to abhi kuchh hilen। kamaal karke dikhaao। plan banaao। ek baar in teen-chaar mukhya sthaanon ki seva lagkar karni chaahiye। aise nahin, jab kaam pada to kaam ke time bhaagte hain aur kaam poora hua to khatma। vaise to raajasthaan ke braahmanon ko bahut nasha hai na ki raajasthaan mein hi mukhya kendra hai। ye raajasthaan ka luck hai lekin abhi isi nashe se yeh karke dikhaana। chaaron or phail jaaye ki raajasthaan ka sammelan hai। raajasthaan ka yog shivir hai। phir dekho aapke ye vyaapaari vagairah sab aapehi kahenge ham bhi baithen। achha, to raajasthaan yeh kamaal karega। kyon, head quarter ki zimmevaari raajasthaan par hai। bahut bada taaj pada hai। achha! paandav bhi kuchh himmat karenge na, himmat karke dikhaao। achha। raajasthaan ki teachers saamne baithi hain, ye to bahut teachers hain। ye ek-ek teacher ek-ek aai.peez. ko la sakti hain। ek-ek ko to laao to bhi 20-25ka group ban jaayega। bahut achhi-achhi teachers hain। achha।

aagra

aagra vaale kya kar rahe hain? aagra vaalon ne bhi koi nai kamaal karke dikhaai nahin hai। honi to hai na! saare vishwa mein baap ka naam baala to hona hi hai। lekin jo nimitta banta hai usko extra mark mil jaati hain। uska pad, jitni seva ki us anusaar add hokar marks jama hoti jaati hain। samjho saadhaaran hai lekin seva nirvighna hai,to seva ki marks addition hone se saadhaaran raaja se aage number mein aa jaate hain। aur aage-aage jaate aakhir vishwa mahaaraaja ke royal family mein aa jaate hain। to ye karna hai na! aagra bhi kamaal karega। baapdaada ko to sada hi sabhi bachchon mein aashaayen rehti hain aur vo bhi aashaaon ke deepak jage hue। har ek bachcha jage hue aashaaon ke deepak hain। to kamaal karke dikhaana। dekhenge, ye kitne samay mein kamaal karte hain। theek hai na? achha।

double videshi

double videshi kya karenge? double kamaal karenge। double videshiyon ki ye visheshta achhi hai ki seva ke bina unhon ko chain nahin aata, maza nahin aata। unko seva bahut chaahiye। aur umang-utsaah se chaahe time kam milta hai, thak bhi jaate hain,sthool kaam karte hain, lekin phir bhi seva ke liye ever ready rehte hain, seva ke liye bulaava ho to baithenge ya bhaagenge?bhaagenge। to seva ka umang-utsaah yahi aap double videshi aatmaon ki safety ka saadhan hai। seva mein lage hue ho to maaya se bhi bache hue ho। maaya bhi dekhti hai ki inhon ko phursat nahin hai isliye vo bhi vaapas chali jaati hai। aur doosri baat apne purooshaartha mein sachchaai se apni checking achhi karte hain, vo sachchaai baapdaada ke paas pahunchti hai। aur sachchaai baapdaada ko priy hai। isliye sachchaai ke phalasvaroop baapdaada dvaara vishesh madad bhi milti hai। chaahe koi kamzori aa bhi jaati hai lekin baap aur seva se pyaar hone ke kaaran vo bhi extra himmat ki madad dilaate hain। samjha? achha! sabhi taraph ke hain। maurishiyas ne to kamaal ki। kyonki koi bhi videshi vi.aai.pi. ya aai.pi. india mein aakar apne desh se yahaan ka programme set kare aur karaaye-ye ek example morishiyas ne dikhaaya। darvaaja khol diya, vi.aai.pi.,aai.pi. ka। to morishiyas vaalon ko mubaarak। kehte hain, bade to bade chhote shubhaan allaah। to morishiyas ne shubhaan allaah karke dikhaaya। bahut achha, mubaarak। achha!

madhuban, gyaan sarovar,hospital,talahti

har ek apna naam samjhe। baapdaada abhi madhuban mein to aate hi rahenge। to har ek chaahe madhuban ho, chaahe double madhuban, chaahe upsevaakendra hain, chaahe geeta paathshaalaayen hain, sabhi ko baapdaada ki yaad-pyaar mil rahi hai aur milti rahegi।

nepaal

(nepaal ka naam bhool gaye) to nepaal bhoolne ka arth hai ki aap gupta mahaarthi ho। chhipe hue roostam ho। nepaal to baapdaada ko sada pyaara hai। kyonki nepaal mein government ki seva sahaj aur achhi hai bhi aur hoti bhi rahegi। aakhir nepaal ka raaja bhi aana hi hai। achha, seva achhi hai। himmat vaali teachers hain। isne (raaj behen ne) naya janma lekar seva ka saboot diya। sheela ko bhi khaas yaad dena। achha।

chaaron or ke padmaguna prem swaroop aatmaon ko,sada svayan ko nirvikalp banaane vaale vishesh aatmaon ko,sada baap aur nirvighna seva ve lagan mein magna rahne vaali aatmaon ko, sada baap ke sneh mein nyochhaavar hone vaale sabhi aatmaon ko baapdaada ka yaad-pyaar aur namaste।

achha! sab khush! koi naaraaz to nahin hua - main nahin mila?raaz ko jaanne vaale kabhi naaraaz nahin hote।

daadiyon se

dekho aap aadi ratnon mein sabhi ka pyaar ke saath-saath shuddh moh badhta jaata hai। sabhi dekhte hain ki aadi ratna theek hain to sab theek hain। to aap logon mein sabka shuddh moh badh gaya hai। baapdaada in donon (chandramni daadi, ratanmohni daadi) ke oopar bhi khush hain। gyaan sarovar ki jimmevaari sabhaanli hai। jimmevaari to kya, khel hai। bhaareepan hai kya? khel halka hota hai na? to jimmevaari kya hai? khel hai। to baapdaada khush hai ki samay par sahayogi bane hain aur aadi se sahayogi rahe hain। aadi se haan ji karne vaale hain - yahi saakaar baap ka aap sabko vishesh vardaan hai। brahma baba ko‘na’ shabd kabhi achha nahin lagta। ye to maaloom hai, anubhvi hain।

(eeshu behen se)isne aadi se ab tak bahut achha part bajaaya hai। aur aapki (daadi ki) to vishesh sahayogi hai। koi bhi baat mein sunne-sunaane vaali bahut achhi hai kyonki gambheer rehti hai। ye gambheerta ka gun bahut aage badhaata hai। koi bhi baat bol di na,samjho achha kiya aur bol diya to aadha khatma ho jaata hai, aadha phal khatma ho gaya,aadha jama ho gaya। aur jo gambheer hota hai uska full jama hota hai। kehte hain na-dekho jagdamba gambheer rahi, chaahe seva sthool mein aap logon se kam ki, aap log jyaada kar rahe ho lekin ye gambheerta ke gun ne full khaata jama kiya hai। kat nahin hua hai। kai karte bahut hain lekin aadha, pauna kat ho jaata hai। karte hain, koi baat hui to poora kat ho jaata hai ya thodi baat bhi hui to pauna kat ho jaata hai। aise hi apna varnan kiya to aadha kat ho jaata hai। baaki bacha kya? to jab jagdamba ki visheshta - jama ka khaata jyaada hai। gambheerta ki devi hai। aise aur sabhi ko gambheer hona chaahiye, chaahe madhuban mein rehte hain, chaahe sevaakendra mein rehte hain lekin baapdaada sabhi ko kehte hain ki gambheerta se apni marks ikatthi karo, varnan karne se khatma ho jaati hain। chaahe achha varnan karte ho, chaahe bura। achha apna abhimaan aur bura kiska apmaan karaata hai। to har ek gambheerta ki devi aur gambheerta ka devta dikhaai de। abhi gambheerta ki bahut-bahut aavashyakta hai। abhi bolne ki aadat bahut ho gai hai kyonki bhaashan karte hain na to jo bhi aayega vo bol denge। lekin prabhaav jitna gambheerta ka padta hai itna vaani ka nahin padta। achha।

(baapdaada ko guldaste bhent kiye) –

ye guldaste to kya hain,aap ek-ek roohaani gulaab sabse pyaare ho।

(prasiddha gaayak omavyaas ji ne naye geeton ki cassette ka vimochan baba se karaaya) - achha hai, drama ne nimitta banaaya hai aur nimitta banna hi bhaagya ki nishaani hai। to bhaagya bana rahe ho aur banaate hi rahenge।achha-om shanti।