शनिवार 25 नवंबर 1995 की अव्यक्त मुरली

>

25-11-95 om shanti avyakt baapdaadaamdhuban

‘‘parmat, parchintan aur pardarshan se mukta bano aur par-upkaar karo’’

aaj baapdaada apne chaaron or jo baap ke bachche hain, vishesh hain, un sarva vishesh aatmaon ko dekh rahe hain। chaahe bhaarat ke va videsh ke kisi bhi kone mein hain, lekin baapdaada sarva vishesh aatmaon ko sameep dekh rahe hain। baapdaada ko apne vishesh bachchon ko dekh harsha hota hai। jaise aap bachchon ko baap ko dekhkar khushi hoti hai na! khushi hoti hai tab to bhaag karke aaye ho na। to baap ko bhi khushi hoti hai ki mera ek-ek bachcha vishesh aatma hai। chaahe bujurga hain,anpadh hain,chhote bachche hain, yuva hain, pravritti vaale hain lekin saare vishwa ke aage vishesh hain। chaahe kitne bhi bade-bade vaigyaanik chamatkaar dikhaane vaale bhi hain, chandrama tak pahunchne vaale bhi hain lekin baap ke vishesh bachchon ke aage vo bhi anjaan hain। paanchon hi tatvon ko jaan liya, unhon par vijay bhi praapta kar li lekin chhoti si bindu aatma ko nahin jaana। yahaan chhote bachche se bhi poochhenge-tum kaun ho, to kya kahega?aatma hoon kahega na। aatma kahaan rehti hai, vo bhi bataayega। aur vaigyaanik se poochho aatma kya hai? aatma ke gyaan ko abhi tak jaan nahin sake। to kitne bhi bade history ke hisaab se, is duniya ke hisaab se vishesh hon lekin jisne apne ko nahin jaana, usse to yahaan ka paanch varsha vaala bachcha vishesh ho gaya। aap logon ka shuru-shuru ka bahut falak ka geet hai,yaad hai kaun sa geet hai? ek geet tha-kitna bhi bada seth,svaami ho lekin alaf ko nahin jaana…। to kitne bhi bade ho, chaahe neta ho, chaahe abhineta ho lekin apne aapko nahin jaana to kya jaana?to aisi vishesh aatmaayen ho। yahaan ki anpadh bujurga maata hai aur doosri taraph achha mahaatma hai lekin bujurga maata falak se kahegi ki hamne paramatma ko pa liya। aur mahaatma kahega-paramatma ko paana bahut mushkil hai,lekin yahaan 100 varsha ke aayu vaali bhi nishchaybuddhi hogi to vo kya kahegi?tum dhoondhate raho, hamne to pa liya। to mahaatma bhi aapke aage kya hai! pravritti vaale falak se kahenge ki ham double palang par sote, ikatthe rehte bhi pavitra hain,kyonki hamaare beech mein baap hai। aur mahaatmaayen kya kahenge?kahenge - aag-kaapoos ikaththa rehna, yeh to asambhav lagta hai। aur aapke liye kya hai? pravrittivaale bataao-pavitra rehna mushkil hai ya sahaj hai?sahaj hai ya kabhi-kabhi mushkil ho jaata hai?jo pakke hain vo to badi sabha ho ya kuchh bhi ho falak se kah sakte hain ki pavitrata to hamaara svadharma hai। pardharma nahin hai, svadharma hai। to sva sahaj hota hai,par mushkil hota hai। apvitrata pardharma hai lekin pavitrata svadharma hai। to aise apni visheshta ko jaante ho na?kyonki naye-naye bhi bahut aaye hain na? lekin kitne bhi naye hain pavitrata ka paath to pakka hai na? kai bachche aisa bhi karte hain - jab tak baap se milne ka ek saal poora nahin hota, sabko pata hai ki yeh niyam pakka hai,to madhuban mein aane tak to theek rehte hain lekin dekh liya, pahunch gaye, to kai vaapas jaakar albele bhi ho jaate hain lekin socho ki pavitrata ki pratigya kisse ki? baap se ki na? baap ka pharmaan hai na? to baap se pratigya kar aur phir agar albele hote hain to nuksaan kisko hoga?brahman parivaar mein to ek jaate, 10aate hain। lekin nuksaan kamzor hone ka, un aatmaon ko hota hai isliye jo bhi naye-naye pahli baar aaye hain vo baap ke ghar mein to pahunch gaye-yeh to bhaagya ki baat hai hi lekin takdeer ki lakeer ko kabhi bhi kam nahin karna। takdeer ko bada karna।

achha,jitne bhi aaye hain, sabka naam register mein to hai hi। register mein apna naam pakka karaaya hai ya thoda-thoda kachcha hai? achha,jo bhi naye jahaan se bhi aaye hain, teachers ke paas to list hai hi aur present mark bhi daalte hain ya nahin daalte?kaun-sa centre hai jahaan present mark nahin padti ho, koi centre hai? teacher sach bataao। kabhi neend aa jaati hogi, kabhi beemaar ho gaye,kabhi class mein pahunch nahin sake, to roz ki present mark padti hai?jo teachers kehti hain roj ka register aur present mark hai vo haath uthaao। achha, regular hai ya kabhi-kabhi?ki do-teen din miss ho jaata hai? sab teachers paas hain to taali bajaao। to abhi kya karna - jo bhi aap naye laaye hain,chaahe bhaai,chaahe bahnen,unka teen-chaar maas ke baad, kyonki pahle thoda nasha rehta hai, peechhe dheere-dheere kam hota hai, to chaar maas ke baad jitne naye aaye, utne kaayam hain ya chakkar lagaane gaye hain kahaan? yeh result likhna। kyonki kai chakkar lagaane bhi jaate hain। do saal ki maaya ki yaatra karke phir yahaan pahunchte hain। to result mein sirf yeh do shabd likhna ki60 aaye aur 60 hi hain। ya 60 aaye 40hain। sirf ye do akshar vishesh ratanmohini ke naam se alag likhna। baahar mein (liphaaphe par) brahmaakumaareez to likhenge lekin bade aksharon mein ratanmohini likhna, andar nahin। to samjhenge iska hai, nahin to uske paas (eeshu ke paas) post bahut aa jaati hai। dekhenge, kitni vishesh aatmaayen apni visheshta dikhaati hain?

dekho,koi bhi bachcha laukik mein bhi paida hota hai to sabhi kya kehte hain?sada zinda rahe, badi aayu rahe। to baapdaada bhi vishesh aatmaon ki avinaashi visheshta dekhna chaahte hain। thode time ki nahin। ek saal chale, do saal chale-ye nahin। avinaashi rahne vaale ko hi avinaashi praalabdha praapta hoti hai। to maataayen bhi pakki hain? kyonki chaahe aap ek saal ke ho ya do saal ke ho,chaar ke ho lekin samaapti to ek hi samay honi hai na! vinaash to ikaththa hi hoga na! ki aap kahenge ki ham to do saal ke hain hamaari silver jubilee ho jaave, peechhe vinaash hove! yeh to nahin hoga na। isliye peechhe aane vaale ko aur aage jaana hai। thode samay mein bahut kamaai kar sakte ho। phir bhi aap logon ko purooshaartha ka samay mila hai। aage chal karke to itna samay bhi nahin milega। sunaaya tha na ki abhi let ka board to lag gaya hai lekin tu let ka nahin laga hai। to aap sabhi lucky ho। sirf apne bhaagya ko smriti mein rakhte hue badhte chalna। koi baaton mein nahin jaana।

aaj baapdaada dekh rahe the ki bachchon ke purooshaartha ka samay vesta kyon jaata hai?chaahta koi nahin hai, sab chaahte hain ki hamaara samay saphal ho lekin beech-beech mein kahaan aadha ghanta, kahaan15 minute,kahaan5 minute vesta chala jaata hai। to uska kaaran kya? aaj baapdaada ne dekha ki majority ka vishesh purooshaartha jo kam ya dheela hota hai uske teen kaaran hain। pahle bhi sunaaya hai, nai baat nahin hai lekin diamond jubilee mein vishesh kya attention do vo baapdaada shuru se suna rahe hain to teen kaaran –

pahla,chalte-chalte shreemat ke saath-saath aatmaon ki parmat mix kar dete hain। koi ne koi baat suna di aur aap samajhte ho ki sunaane vaala to achha, sachcha mahaarthi hai aur aapka us par faith bhi hai, jab aisi koi aatma aapko koi aisi baaten sunaati hai jismen interest bhi aata hai, samaachaar to achha hai… jaise sansaar samaachaar achha lagta hai na to brahman sansaar samaachaar bhi achha lagta hai, to aapne us par faith rakh karke vo baat sun li maana apne andar sama li,kat nahin kiya, to baat sachchi bhi hai, samaachaar sachcha bhi hota hai, sab jhootha nahin hota, koi sachcha bhi hota hai lekin baap ka pharmaan kya hai?ki aise samaachaar bhale suno - ye hai pharmaan? nahin,jisse aapka koi connection nahin hai, sirf dilchaspa samaachaar hai, aap kar kuchh nahin sakte, sirf sun liya to woh samaachaar buddhi mein to gaya, time vesta to hua ya nahin? aur baap ki shreemat mein parmat mix kar di। kyonki baap ki aagya hai - sunte hue nahin suno। to aapne suna kyon? uski aadat daali। maano ek baari aapko samaachaar sunaaya, aapko bhi bahut achha laga, nai baat hai, aisa bhi hota hai-ye pata to pad gaya,lekin agar ek baari aapne unki baat suni to doosre baari vo kahaan jaayega?aapke paas aayega। aap uske liye koode ka dibba ban gaye na! jo bhi aisa samaachaar hoga vo aapke paas hi aakar sunaayega। kyonki aapne suna! isliye ya to usko samjhaao,aisi baaton se usko bhi mukta karo। sun karke interest nahin badhaao lekin agar sunte ho to aapmen itni taakat ho jo usko bhi sada ke liye full stop laga do। apne andar bhi full stop lagaao। jis vyakti ka samaachaar suna uske prati drishti mein va sankalp mein bhi ghrina bhaav bilkul nahin ho। itni power aapmen hai to yeh sunna nahin hua, uska kalyaan karna hua। lekin result mein dekha jaata hai majority thoda-thoda kichda ikaththa hote-hote ye ghrina bhaav ya chaal-chalan mein antar aa jaata hai। aur kuchh bhi nahin hoga to bhi us aatma ke prati seva karne ki bhaavna nahin hogi, bhaareepan hoga। isko kaha jaata hai-shreemat mein parmat milaana। samaachaar to baapdaada bhi sunte hain, lekin hota kya hai? majority ka bhaav badal jaata hai। sunaane mein bhi bhaav badal jaata hai। ek aakar kehta hai mainne dekha ki ye do baat kar rahe the aur ek ka suna hua doosra phir kehte hain nahin-nahin khade bhi the aur bahut achhi tarah se nahin khade the,doosra addition hua। phir teesra kahega inhon ka to hota hi hai। kitna bhaav badal gaya। unhon ki bhaavna kya aur baaton mein bhaav kitna badal jaata hai। to ye parmat vaayumandal ko kharaab kar deta hai। to jo time vesta jaata hai uska ek kaaran parmat aur doosra kaaran hai parchintan। ek se baat suni to aath-das ko nahin sunaave,yeh nahin ho sakta। agar koi doordesh mein bhi hoga na to bhi usko patra mein bhi likh denge-yahaan bahut nai baat hui hai, aap aayenge na to zarur sunaayenge। to ye kya ho gaya? parchintan। samjho aapne chaar ko sunaaya, un chaar ki bhaavna us aatma ke prati aapne kharaab to ki na aur parchintan shuru hua to iski gati badi fast aur lambi hoti hai।

parchintan ek-do second mein poora nahin hota। jaise baapdaada sunaate hain ki jab kisko bhi gyaan sunaao to interest dilaane ke liye usko kahaani ke reeti se sunaao। pahle ye hua, phir kya hua, phir kya hua, phir kya hua…। to interest badhta hai na। aise jo parchintan hota hai vo bhi ek interested hota hai। usmein doosra zarur sochega,phir kya hua, phir aise hua, haan aise hua hoga… to ye bhi kahaani badi lambi hai। baapdaada to sabki dil ki baaten sunte bhi hain, dekhte bhi hain। koi kitna bhi chhipaane ki koshish kare sirf baapdaada kahaan-kahaan lok sangrah ke arth khula ishaara nahin dete, baaki jaante sab hain,dekhte sab hain। koi kitna bhi kahe ki nahin, main to kabhi nahin karta,baapdaada ke paas register hai, kitne baar kiya, kya-kya kiya, kis samay kiya, kitnon se kiya - yeh sab register hai। sirf kahaan-kahaan chup rehna padta hai। to doosri baat sunaai-parchintan। uska svachintan kabhi nahin chalega। koi bhi baat hogi, parchintan vaala apni galti bhi doosre par lagaayega। aur parchintan vaale baat banaane mein number one hote hain। poori apni galti doosre ke prati aise siddha karenge jo sunne vaale badon ko bhi chup rehna padta hai। to svachintan isko nahin kaha jaata hai ki sirf gyaan ki points repeat kar deen ya gyaan ki points sun leen, suna deen-sirf yahi svachintan nahin hai। lekin svachintan arthaat apni sookshm kamzoriyon ko, apni chhoti-chhoti galtiyon ko chintan karke mitaana, parivartan karna, ye svachintan hai। baaki gyaan sunna aur sunaana usmein to sabhi hoshiyaar ho। vo gyaan ka chintan hai, manan hai lekin svachintan ka maheen arth apne prati hai। kyonki jab result niklegi to result mein yeh nahin dekha jaayega ki isne gyaan ka manan achha kiya ya seva mein gyaan ko achha use kiya। is result ke pahle svachintan aur parivartan,svachintan karne ka arth hi hai parivartan karna। to jab final result hogi, usmein pahli marks practical dhaarna swaroop ko milegi। jo dhaarna swaroop hoga vo natural yogi to hoga hi। agar marks jyaada leni hai to pahle jo doosron ko sunaate ho, aajkal values par jo bhaashan karte ho,uski pahle svayan mein checking karo। kyonki seva ki ek mark to dhaarna swaroop ki 10 marks hoti hain, agar aap gyaan nahin de sakte ho lekin apni dhaarna se prabhaav daalte ho to aapke seva ki marks jama ho gai na।

aajkal kai samajhte hain ki hamko seva ka chance bahut kam milta hai,hamko chance milna chaahiye,doosre ko milta hai, mere ko kyon nahin?seva karna bahut achha hai kyonki agar buddhi free rehti hai to vyartha bahut chalta hai। iseelie seva mein buddhi busy rahe yeh saadhan achha hai। seva ka umang to achha hi hai lekin draamaanusaar ya circumstance anusaar maanon aapko chance nahin mila aur aapki avastha doosron ki seva karne ki bajaay apni bhi giraavat mein aa jaaye ya vo seva aapko halchal mein laaye to vo seva kya hui? us seva ka pratyakshaphal kya milega?sachchi seva,pyaar se seva, sabhi ki duaaon se seva,uska pratyakshaphal khushi hoti hai aur agar seva mein feeling aa gai to yahaan brahman feeling ko kya kehte hain?flu। flu vaala kya karta hai? so jaata hai। khaana nahin khaayega,so jaayega। yahaan bhi feeling aati hai to ya khaana chhodega ya roos karke baith jaayega। to yeh flu hua na। agar aap dhaarna swaroop ho, sachche sevaadhaari ho,svaartha seva nahin। ek hoti hai kalyaan ke bhaavna ki seva aur doosri hoti hai svaartha se। mera naam aa jaayega, mera akhbaar mein photo aa jaayega,mera T.vi. mein aa jaayega,mera braahmanon mein naam ho jaayega, braahmani bahut aage rakhegi, poochhegi… yeh sab bhaav svaartha-seva ke hain। kyonki aajkal ke hisaab se,pratyakshata ke hisaab se,abhi seva aapke paas aayegi, shuru mein sthaapna ki baat doosri thi lekin abhi aap seva ke pichhaadi nahin jaayenge। aapke paas seva khud chalkar aayegi। to jo sachcha sevaadhaari hai us sevaadhaari ko chalo aur koi seva nahin mili lekin baapdaada kehte hain apne chehre se, apne chalan se seva karo। aapka chehra baap ka saakshaatkaar karaaye। aapka chehra,aapki chalan baap ki yaad dilaave। ye seva number one hai। aise sevaadhaari jinmen svaartha bhaav nahin ho। aise nahin mujhe hi chance mile, mere ko hi milna chaahiye। kyon nahin milta, milna chaahiye - aise sankalp ko bhi svaartha kaha jaata hai। chaahe brahman parivaar mein aapka naam naameegraami nahin hai, sevaadhaari achhe ho phir bhi aapka naam nahin hai, lekin baap ke paas to naam hai na, jab baap ke dil par naam hai to aur kya chaahiye! aur sirf baap ke dil par nahin lekin jab final mein number milenge to aapka number aage hoga। kyonki baapdaada hisaab rakhte hain। aapko chance nahin mila, aap right ho lekin chance nahin mila to vo bhi note hota hai। aur maang kar chance liya,vo kiya to sahi lekin vo bhi marks kat hote hain। ye dharmaraaj ka khaata koi kam nahin hai। bahut sookshm hisaab-kitaab hai। isliye nihsvaartha sevaadhaari bano,apna svaartha nahin ho। kalyaan ka svaartha ho। yadi aapko chance hai aur doosra samajhta hai ki hamko bhi mile to bahut achha aur yogya bhi hai to agar maano aap apna chance usko dete ho to bhi aapka share usmein jama ho jaata hai। chaahe aapne nahin kiya, lekin kisko chance diya to usmein bhi aapka share jama hota hai। kyonki sachcha diamond banna hai na। to hisaab-kitaab bhi samajh lo, aise albele nahin chalo,theek hai,ho gaya… bahut sookshm mein hisaab-kitaab ka chaupda hai। baap ko kuchh karna nahin padta hai, automatic hai। kabhi-kabhi baapdaada bachchon ka chaupda dekhte bhi hain। to pahli baat parmat aur doosri baat parchintan।

teesri baat hai pardarshan। doosre ko dekhne mein majority bahut hoshiyaar hain। pardarshan - jo dekhenge to dekhne ke baad woh baat kahaan jaayegi? buddhi mein hi to jaayegi। aur jo doosre ko dekhne mein samay lagaayega usko apne ko dekhne ka samay kahaan milega? baaten to bahut hoti hain na, aur jo baaten hoti hain vo dekhne mein bhi aati hain, sunne mein bhi aati hain, jitna bada sangathan utni badi baaten hoti hain। ye baaten kyon hoti hain? kai sochte hain yeh baaten honi nahin chaahiye। nahin honi chaahiye vo theek hai lekin jiske liye aap samajh rahe ho nahin honi chaahiye,usmein samay kyon diya?aur ye baaten hi to paper hain। jitni badi padhaai utne bade paper bhi hote hain। yeh vaayumandal banna - yeh sabke liye paper bhi hai ki parmat ya pardarshan ya parchintan mein kahaan tak apne ko safe rakhte hain? do baaten alag hain। ek hai zimmevaari,jiske kaaran sunna bhi padta hai, dekhna bhi padta hai। to usmein kalyaan ki bhaavna se sunna aur dekhna। zimmevaari hai, kalyaan ki bhaavna hai,vo theek hai। lekin apni avastha ko halchal mein laakar dekhna, sunna ya sochna - yeh wrong hai। agar aap apne ko zimmevaar samajhte ho to zimmevaari ke pahle apni brake ko powerful banaao। jaise pahaadi par chadhte hain to pahle se hi soochna dete hain ki apni brake ko theek check karo। to zimmevaari bhi ek oonchi sthiti hai,zimmevaari bhale uthaao lekin pahle yeh check karo ki second mein bindi lagti hai? ki lagaate ho bindi aur lag jaata hai question mark?vo wrong hai। usmein samay aur inarja vesta jaayegi। isliye pahle apna brake powerful karo। chalo - dekha, suna,jahaan tak ho saka kalyaan kiya aur fullstop। agar aisi sthiti hai to zimmevaari lo, nahin to dekhte nahin dekho, sunte nahin suno, svachintan mein raho। phaayda ismen hai।

to aaj ka paath kya hua?parmat, parchintan aur pardarshan in teen baaton se mukta bano aur ek baat dhaaran karo, vo ek baat hai par-upkaari bano। teen prakaar ki par ko khatma karo aur ek par - par-upkaari bano। banna aayega?to kin baaton se mukta banenge?maataayen kya karengi?bachchon ke upkaari ya par-upkaari? sarva upkaari। sahaj hai ya kathin hai?jo naye-naye aaye hain vo samajhte hain yeh sahaj hai ki mushkil hai?teachers bolo-sahaj hai? (haan ji) nahin,baapdaada samajhte hain mushkil hai। baaten itni hoti hain, bada mushkil hai! abhi yahaan baithe ho to sahaj-sahaj kah rahe hain। phir jab train se utrenge aur koi chhoti-moti baat hui to kahenge mushkil hai। aur ghar gaye, centre par gaye to koi na koi baat paper lene aayegi zarur। achha-double videshiyon ko sahaj lagta hai ya mushkil lagta hai? agar sahaj lagta hai to haath uthaao। teachers to number one lengi na? us samay nahin kehna ki hamko to pata hi nahin tha,hamko yeh gyaan hi nahin tha। iseelie baapdaada pahle se hi suna rahe hain - kismen marks jama hoti hai aur kismen marks kat hoti hain। agar number lena hai to make up karo। abhi koi bhi kar sakte hain। seat fix koi nahin hui hai। sivaae brahma baap aur jagdamba ke aur sab seat khaali hain। koi bhi le sakta hai। ek saal vaala bhi le sakta hai।

to sada kya yaad rakhenge? apni visheshtaaon ko yaad rakho। vishesh samjhenge to yeh khel ki baaten hongi nahin। to vishesh hain aur sada saare kalpa mein vishesh honge। aur kisi bhi dharma neta ya mahaatmaaon ki aise vidhipoorvak pooja nahin hoti। jaise devtaaon ki pooja hoti hai,vaise kisi ki bhi nahin hoti। netaaon ko to bichaaron ko dhoop mein latka dete hain। achha!

(phir sabhi zone ke bhaai bahinon se baapdaada ne haath uthvaaye)

achha hai, sabhi ko tarna mil jaata hai। abhi gyaan sarovar mein achhe rahe pade ho। gyaan sarovar mein achhe hain ya yahaan aana chaahte ho? pasanda hai na? panjaab ko pasanda hai?bhopaal bhi vahaan hai। bhopaal ko achha laga? (bahut achha laga) achha, to inhon ko hamesha wahin bhejna। sangam par itna achha prabandha mila hai। satayug mein to ek-ek mahal gyaan sarovar se bhi bada hoga lekin abhi sangam par to teen pair prithvi bhi achhi। aur baapdaada ne to dekha hai। saakaar mein bhi dekha hai aur vaise to dekhte hi hain। door bhi nahin hai aur prabandha bhi achha hai। iseelie tarna by tarna kisko dena। doosre baari panjaab yahaan aa jaayega। achha।

kumaariyon se

kumaariyaan kya kamaal karengi? kamaal karni chaahiye na! jo sab karte hain agar vahi kiya to kamaal kya hui? to ye kumaariyon ka group kya karega? agar aap nahin bataayenge to jo baapdaada bataayega vo karna padega। nahin to aap log bata do। is diamond jubilee mein kumaariyaan kya karengi?kyonki aap logon ko to abhi diamond jubilee ka chance hai। phir baad mein to milega nahin। to kumaariyaan kya karengi,diamond jubilee ko saamne rakh karke phir socho। pahle to ve haath uthaao jinka lakshya hai ki ham seva mein lagengi। khadi ho jaao। achha, inhon ka photo nikaalo। ye to bahut hain। to kumaariyon ko kya karna hai? aap logon ne to haath uthaaya, khade bhi ho gaye aur photo bhi aapka nikal gaya to aap sabhi ko to seva mein lagna chaahiye,ye to pakka hai na? ki ghar jaakar teacher ko kahengi ki nahin, main to naukri karoongi। aisi to nahin ho? jinhon ne haath uthaaya vo pakki ho na ki naukri karne vaali? seva karengi na? achha,jo nirbandhan hai,sirf padhaai ka ek saal hai ya thoda sa hai vo haath uthaao,jo nirbandhan ho sakti hain? achha। kyonki baapdaada ne kaha hai ki abhi samaapti ka samay sameep aa raha hai। date nahin bataayenge। lekin sameep aa raha hai usi pramaan seva mein vriddhi to honi hai na। to jo bhi kumaariyaan uthi theen, vo agar khud nirbandhan nahin ho sakteen,koi kaaran hai to apne koi na koi hamjinsa kumaari ko taiyaar zarur karo। maano aapko ghar ka bandhan hai। svayan agar nirbandhan nahin ho sakti to koi ek ko taiyaar zarur karo। yeh kar sakti ho?ek saal hai,ek saal mein ek ko aap samaan nahin bana sakte?banaana padega na। to har ek kumaari jo svayan seva mein lagni hai vo lagengi lekin agar koi svayan nahin lag sakti hai to apne hamjinsa ko taiyaar karo। pasanda hai kumaariyon ko?haan ya na bolo? soch rahi hain। achha, panjaab ki kumaariyaan haath uthaao। panjaab vaale sab milkar bolo ki ye seva karengi?panjaab ka sher kahaan gaya?kyon aantakvaadiyon se ghabra gaye kya? panjaab ko sher kehte hain to sher to aage aana chaahiye na, ghar mein thode hi baithna chaahiye। to kumaariyon ko apne ham jinsa ko taiyaar karna hai। kyonki dekho bhaai sabhi hansate hain ki kumaariyaan teen saal ki trial vaali bhi hongi, aur kumaar 40saal ke puraane honge, to centre par rahne vaali kumaari ko deedi-daadi kehna shuru kar dete aur kumaaron ko daada koi nahin kehte। kumaaron ki ye report hai na,ulahna hai। achha, kumaar haath uthaao।

kumaaron se

kumaar daada to nahin banenge, daada to koi nahin kahega lekin raaja ban sakte hain। diamond jubilee mein kumaar kam se kam aath motiyon ka ek-ek kangan va maala taiyaar karo। ashta ka gaayan hai na। to aapki praja ban jaayegi aur praja banaane se aap raaja ban jaayenge। kumaariyon ko daadi-deediyaan banne do। aap aur hi raaja ban jaao। kumaar to bahut hain, agar ek-ek aath bhi laave to praja ban jaayegi। aur praja taiyaar ho gai to aapko raajtilak zarur milega। kyonki bahut karke abhi vaaris quality kam nikalti hai। agar kumaaron ne ek bhi vaaris quality nikaal diya to mahaaraaja ban jaayenge। kumaar taiyaar hain? samajhte ho vaaris kisko kehte hain? saadhaaran to aate hi rehte hain na lekin vaaris jo hoga us ek ko dekh karke aur anek bhi aayenge। usko kehte hain vaaris quality, chhote-chhote mike। to kumaar raaja banenge na! (haan ji) achha, yahaan madhuban mein haan ji hai ya panjaab aur baambe ya jahaan bhi jaayenge vahaan bhi haan ji honge?

kumaaron ko dekh karke baapdaada khush hote hain। sirf kumaar, kumaariyon se baap ko ek baat ka dar bhi lagta hai। khushi bhi hoti hai to dar bhi lagta hai। samajhdaar ho na kumaar, bolne ki aavashyakta nahin। bas ismen sada ek baap doosra na koi,thoda-thoda bhi nahin। kya karoon… thoda sa to chaahiye…aisa nahin। ye aisi maaya hai jo dekha hai na, gaj aur graah ki kahaani suni hai na, vo kya karta hai?pahle thoda andar karega,phir poora andar kar leta hai। pata nahin padega। to diamond jubilee mein yeh dar to nikaal lena। aisa ek bhi patra nahin aana chaahiye। diamond jubilee arthaat kuchh kami nahin hai। to baapdaada dekhenge ki haath to sabhi ne uthaaya lekin raaja kitne bane vo bhi list aa jaayegi na! achha।

pravritti vaalon se

pravritti vaalon ko baapdaada ek baat ke liye mubaarak dete hain ki jab se pravritti maarga vaale seva saathi bane hain to seva mein naam baala karne mein egzaampal bane hain। pahle log samajhte the ki brahmaakumaar ya brahmaakumaari banna maana gharbaar chhodna… yeh dar tha na। aur abhi samajhte hain ki inhon ka to ghar bhi bahut achha chalta, dhandha bhi bahut achha chalta, khud bhi khush rehte,to yeh dekh karke samajhte hain ki ham bhi ban sakte hain। to egzaampal ban gaye na। pahle kehte the hamaara banna mushkil hai aur abhi kehte hain ki pavitra pravritti mein rehna achha hai। to seva mein vriddhi ke liye nimitta ban gaye na - iski mubaarak ho। abhi pravritti vaale kya karenge? mubaarak mein to khush ho gaye। abhi kuchh karna bhi to hain na।

baapdaada ka diamond jubilee ke prati ek shubh sankalp hai ki jo pravritti mein rehte hain,egzaampal hain, laukik aur alaukik seva bhi karte hain, double sevaadhaari hain, to har ek pravritti vaale aisi maala taiyaar karo jo har sevaakendra par har varga ka koi na koi zarur ho। jo bhi hamaare 13bhinna-bhinna varga bane hue hain, us har varga ka group ho jismen sab varga hon, koi bhi varga nahin rah jaaye, bada zameendaar bhi ho,saainsadaan bhi ho …, sab varga ke hon,aisi vargon ki bhinna-bhinna maala pravritti vaale har sevaakendra par taiyaar karen। kam se kam sab vargon ka ek-ek to hona hi chaahiye lekin har centre par har varga ka ho। to sabhi vargon ke taiyaar karo phir sabhi centre ke sabhi vargon ki diamond jubilee manaayenge। samjha? pravritti vaalon ko pasanda hai। har sevaakendra par har varga ka hona chaahiye,kam se kam ek। baaki jyaada honge to mahaaraaja ban jaayenge। maataaon ko pasanda hai? ki mahilaayen sirf mahilaayen le aayengi, mahilaaon mein bhi koi vakeel hai, koi doctor hai। achha!

double videshiyon se

double videshi kya karenge? london vaale bataao kya karenge?mike taiyaar karenge। to conference tak mike aayenge ya abhi taiyaar ho rahe hain? achhi baat hai, agar double videshi har ek state se ek-ek mike bhi laayen to kitne mike ho jaayenge? phir mike ki ceremony karenge। theek hai? achha,sabhi ko yaad-pyaar mil gaya?

karnaatak vaale khush hai?panjaab khush hai? baambe khush hai? bhopaal khush hai? aandhra vaale khush hain?yu.pi. nepaal khush hai?nepaal ki topiyaan hoti hain, achhe lagte hain। ye kaliyug ke taaj hain।

achha,teachers sabhi khush hain? dekho,murli to nayon ke hisaab se guhya hai lekin baapdaada ko diamond jubilee mein sabhi se mukta karaana hi hai। nahin karenge to dharmaraaj banenge। abhi to pyaar se kah rahe hain,phir dharmaraaj ka saath lena padega na। lekin kyon len? kyon nahin baap ke roop se hi sab mukta ho jaayen। puraane-puraane sochte hain ki baapdaada aisa kuchh karen na to sab theek ho jaayen। lekin baap nahin chaahte। baap ko dharmaraaj ka saath lena pasanda nahin hai। kar kya nahin sakta hai! ek second mein kisi ko bhi andar hi andar saza de sakte hain aur vo second ki saza bahut-bahut tez hoti hai। lekin baapdaada nahin chaahte। baap ka roop pyaara hai, dharmaraaj saathi bana to kuchh nahin sunega। isliye baapdaada ko diamond jubilee mein sabhi ko sab baaton se mukta karna hi hai। samjha?

chaaron taraph ke sarva vishwa ke vishesh aatmaon ko sada svachintan,gyaan chintan karne vaale shreshtha aatmaon ko,sada baap ke shreshtha mat par har sankalp, bol aur karma karne vaale sameep aatmaon ko, chaaron or ke diamond jubilee ke liye svayan ko aur seva ko aage badhaane vaale-aise vishesh aatmaon ko baapdaada ka yaadapyaar aur namaste।

daadiyon se

daivi parivaar ka vishesh shrringaar hai na। to shrringaar ko dekh karke kya hota hai?khushi hoti hai ki ye hota hai ki ham bhi oopar chalen? lok sangrah karne vaale ho na।

vaise baapdaada ka ek-ek bachche se ek-do se jyaada pyaar hai। aise nahin,daadiyon se bahut hai, teachers se bahut hai,student se kam। nahin,sabhi se pyaar hai aur sada hi rahega। agar pyaar nahin hota to shiksha kyon dete? ye shiksha bhi pyaar hai। kyonki baap bachchon ko kisi bhi baat mein kam nahin dekhna chaahte। har ek ko aage dekhna chaahte hain। aise nahin,daadiyaan to theek ho gaeen,aap log hove ya nahin… pahle aap। iseelie hi aate hain। chaahe gala chale ya nahin chale lekin chalaate hain। jab bachche door-door se,bujurga bhi aate hain, chhote bhi aate hain,sab aate hain to baap kaise nahin aayenge! zarur aayenge। to daadiyon se pyaar jyaada hai va teachers se jyaada hai va students se jyaada hai?kisse hai?sabhi se। chaahe baapdaada sabhi ko nazdeek bhi nahin bitha sakte, naam bhi nahin le sakte lekin dil par naam sabka hai। dil ke nazdeek sabhi ho। samjha? achha! to yeh brahman sansaar ka shrringaar achha lagta hai na। dekho foundation se kitne thode bache hain। jab aadi mein aaye aur abhi dekho to kitne thode bache। diamond jubilee vaale to kitne chale gaye।

meeting ke mukhya bhaaiyon se

achhi mehnat kar rahe ho। baapdaada ke paas to sab samaachaar pahunchta hai। jab sabhi milkar kisi bhi kaarya ko karte hain to aap bhi anubhav karte honge vo kaarya sahaj bhi aur saphal bhi hota hai। aur yeh aapas mein milna jaldi-jaldi hona chaahiye। kyonki yagya ke jo sthool kaarobaar hai,khaana-peena chhodo, vo to inhon ka kaam hai, lekin jo ophishial kaarobaar hai vo to aap log hi samajh sakte ho। iseelie kaarya badhta jaata hai aur jab 9 laakh banaana hai to kaarya kitna badhega! bahut badhega na! to aap logon ko aapas mein jaldi-jaldi milna chaahiye। phone aur phaiksa ka milna aur hai, aur sammukh milne se ek-do ke vichaar clear kar sakte hain। agar nahin bhi hua to kara bhi sakte hain। iseelie aapas mein raay karna। jab ek meeting poori karte ho na to doosre ki date pahle se hi fix karo। achha।

aap logon se poochhne ki aavashyakta nahin ki khushraaji ho? bas nimitta hain,to nimitta samajhne se necharli zimmevaari bhi hai aur halkaapan to rahega hi। achha।