रविवार 31 दिसंबर 1995 की अव्यक्त मुरली

>

31-12-95 om shanti avyakt baapdaadaamdhuban

‘‘diamond varsha mein pharishta bankar baapdaada ki chhatrachhaaya aur pyaar ki anubhooti karo’’

aaj vishwa ko sachche diamond samaan chamkaane vaale,prakriti ko bhi diamond samaan chamkaane vaale, vishwa ki aatmaon mein se apne direct bachchon ko diamond banaane vaale,saath-saath naye varsha ke saath nav-yug, naye-vishwa sthaapan karne vaale baap diamond banne vaale bachchon ko dekh rahe hain। saakaar swaroop mein bhi baapdaada ke saamne kitne diamond chamak rahe hain aur vishwa ke kone-kone mein chaaron or chamakte hue diamond dekh rahe hain। aatma sabhi ke mastak mein chamakti hui diamond kitni achhi lagti hai! saamne se chamakti hui aatma diamond aur itne sangathit roop mein chaaron or diamond hi diamond dekhne mein drishya kitna pyaara lagta hai! to ye sangathan kiska hai? diamonds ka hai na? chaahe nambarvaar hain phir bhi chamak rahe hain। chamakte hue diamond ki sabha baap ke saamne hai। aap bhi kya dekh rahe ho? diamond dekh rahe ho na ki shareer dekh rahe ho? 63 janma shareer ko hi dekha lekin abhi shareer mein chamakta hua diamond dikhaai deta hai?ki chhipa hua hai isliye kabhi dikhaai deta hai,kabhi chhip jaata hai?

diamond jubilee hai,to jubilee mein kya hota hai? kya sajaate hain? aajkal variety lights ki sajaavat jyaada hoti hai। aap log bhi vriksha mein yahaan-vahaan light lagaate ho na? vo to ek din ke liye jubilee manaayenge ya Christmas manaayenge ya koi bhi utsav manaayenge lekin aap kya mana rahe ho? diamond divas kehte ho ya diamond varsha kehte ho? (diamond varsha) diamond varsha mana rahe ho - pakka? agar yahi sabhi ka dridh sankalp hai ki diamond varsha mana rahe hain, to aapke mukh mein gulaab-jaamun ho। to manaana arthaat banna। to saara varsha diamond banenge ki thoda-thoda daag lagega? baapdaada to bachchon ka umang-utsaah dekh padmaguna double mubaarak dete hain। aaj double hai na, ek naya varsha aur doosra diamond jubilee - donon ka sangathan hai। to diamond varsha mein baapdaada yahi visheshta dekhna chaahte hain ki har bachche ko jab dekho,jise dekho to chamakta hua diamond hi dikhaai de। mitti ke andar vaala diamond nahin,chamakta hua diamond। to saare varsha ke liye aise diamond ban gaye? kyonki sankalp to aaj karna hai na ki diamond banenge bhi aur dekhenge bhi। chaahe vo doosri aatma kaala koyla bhi ho,ekdam tamoguni aatma ho lekin aap kya dekhenge? koyla dekhenge ya diamond?diamond dekhenge, achha। to aapki drishti padne se uska bhi kaalaapan kam hota jaayega। diamond jubilee mein yahi seva karni hai na?amritvele se lekar raat tak jitnon ke bhi sambandh-samparka mein aao to diamond ban diamond dekhna hai। ye pakka kiya hai ya diamond jubilee manaana hai to har sthaan par sirf do teen function kiya aur diamond jubilee ho gai?function karo,nimantran do, jagaao,ye to karna hi hai aur kar bhi rahe hain lekin sirf function nahin karne hain,is diamond jubilee mein diamond ban diamond dekhna, diamond banaana, ye roj ka function hai। to roj function karenge ya do-chaar din,saptaah karenge?

is varsha mein baapdaada ki vishesh yahi sabhi bachchon ke prati shubh aasha kaho va shreshtha shreemat kaho ki diamond ke bina aur kuchh nahin banna hai। kuchh bhi ho jaaye diamond mein daag nahin lagaana। agar kisi bhi vighna vash ho gaye ya svabhaav ke vash ho gaye to daag lag gaya। vighna to aane chaahiye na?vighna vinaashak title hai to vighna aayenge tab to vinaash honge? agar koi vijayi kahe ki dushman nahin aave lekin main vijayi hoon to koi maanega?nahin। to vighna to aayenge, chaahe prakriti ke,chaahe aatmaon ke,chaahe anek prakaar ki paristhitiyon ke vighna aaye lekin aap diamond aise powerful ho jo daag ka prabhaav nahin pade। ye ho sakta hai?

yeh diamond jubilee varsha mahaan varsha hai। jaise koi vishesh maas manaate hain na to ye diamond jubilee varsha mahaan varsha hai। baapdaada is vashar mein sabhi ko chalta-phirta pharishta dekhna chaahte hain। kai kehte hain ki aatma ko dekhne ki sirf sevaakendra kalyaani nahin,vishwa kalyaani bano। 84 koshish to karte hain lekin aatma bahut chhoti bindi hai na to shareer dikhaai de deta hai। to baapdaada kehte hain chalo bindi khisak jaati hai lekin pharishta roop to lamba-chauda shareer hai, vo to bindi nahin hai na,pharishta maana light ka aakaar। to pharishte swaroop mein sthit hokar har karma karo। aisa nahin hai ki pharishta roop mein karma nahin kar sakte ho। kar sakte ho ki saakaar chaahiye? kyonki saakaar shareer se bahut janmon ka pyaar hai। to bhoolna chaahte hain lekin bhool nahin paate। to baap kehte hain achha agar aapko shareer ko hi dekhne ki aadat pad gai hai to koi harja nahin, abhi light ka shareer dekho। shareer hi chaahiye to pharishta bhi shareerdhaari hai। aur aap sabhi kehte bhi ho ki shiv baba aur brahma baba se bahut pyaar hai। to pyaar ka arth hai samaan banna। to jaise brahma baba pharishta roop hai aise brahma baap samaan pharishta swaroop mein sthit hokar har karma karo। kyonki jab diamond jubilee mana rahe ho, sthaapna ke 60 varsha sampanna hue,to vishesh sthaapna ke nimitta shiv baap to hai lekin nimitta brahma baba bana। aap bhi apne ko shiv kumaar aur shiv kumaari nahin kehte ho। brahmaakumaar-brahmaakumaari kehte ho। to brahma baap ke sthaapna ke kaarya ki jubilee mana rahe ho। to jiski jubilee manaai jaati hai usko kya diya jaata hai? (gift) to aap sabhi gift denge?ki ye gulaab ka pushpa le aakar denge aur kahenge ki gift ho gai। koi haathi le aayega, koi ghoda le aayega,ye gift to hai manoranjan। ye manoranjan bhi achha hai। sabhi dekhkarke khush hote hain। aaj ghoda naach raha hai, aaj koi manushya naach raha hai, khilaune dekhkar khush hote hain। vo bhale laana lekin brahma baap ko dil pasanda gift kaun-si denge?dekho, kisi ko bhi gift di jaati hai to dekha jaata hai isko kya pasanda hai? dekhte hain ki yeh ye pasanda karega ya nahin karega?to brahma baap ko kya priy hai? kaun-si gift usko achhi lagti hai?baap ke dil pasanda gift hai chalta-phirta pharishta swaroop। to pharishta samaan ban jaao। pharishte roop mein koi bhi vighna aapko prabhaav nahin daalega। aapke sankalp, vritti,drishti -sab double light ho jaayenge। to gift dene ke liye taiyaar ho? (haan ji) dekhna aapka tape bhi ho raha hai। achhi baat hai golden duniya ko laane ke liye pharishte banenge to jaise heera chamakta hai aise aapka pharishta roop chamkega। ye abhyaas achhi tarah se karte raho।

amritvele uthte smriti mein laao - main kaun? pharishta hoon। sankalp to karte ho aur chaahte bhi ho,phir bhi jab apni result dekhte ho va likh karke bhi dete ho, to majority kehte ho ki jitna chaahte hain utna nahin hua। 50 percent hua, 60percent hua। to diamond jubilee mein bhi aise percentage mein honge ya full mein honge?kya hoga?double phorenarsa bolo percentage hogi? haan ya na? thoda-thoda chhutti den! shaktiyon mein percentage hogi? haan umang se nahin karte,soch ke karte hain। double videshi ya bhaarat vaale agar percentage ke bina full paas ho gaye to brahma baba pata hai kya karega? (shaabaas denge) bas, sirf shaabaas de dega! aur kya karega? roz aapko amritvele apni baahon mein sama lega। aapko mahsoosta hogi ki brahma baba ki baahon mein,ateendriy sukh mein jhool rahe hain। badi-badi bhaaki milegi। brahma baba ka bachchon ke saath bahut pyaar hai na to amritvele bhaaki milegi aur saara din kya milega?jaise chitron mein dikhaate hain na, ki jab toofaan aaya,paani badh gaya to saamp chhatrachhaaya ban gaya। unhonne to shreekashna ke liye sthool baat dikha di hai lekin vaastav mein ye hai roohaani baat। to jo pharishta banega uske saamne agar koi bhi paristhiti aai ya koi bhi vighna aaya to baap svayan aapki chhatrachhaaya ban jaayenge। karke dekho। kyonki aise hi baapdaada nahin kehte hain। achha।

jin bachchon ki diamond jubilee hai vo haath uthaao। abhi diamond jubilee vaalon se baapdaada baat karte hain,aap logon ne 14 varsha mein yog tapasya ki to vighna kitne aaye lekin aapko kuchh hua? to baapdaada chhatrachhaaya bana na, kitni badi-badi baaten hui। saari duniya, mukhi,netaayen,guru log sab anti ho gaye, ek brahmaakumaariyaan atal rahi, practical mein beggary life bhi dekhi,tapasya ke samay bhinna-bhinna vighna bhi dekhe। bandook bhi aai to talvaaren bhi aai,sab aaya lekin chhatrachhaaya rahi na। koi nuksaan hua?jab paakistaan hua to log hangaamen mein darkar sab chhodkar bhaag gaye। aur aapka tennis court saamaan se bhar gaya। kyonki jo achhi cheez lagti thi, vo chhoden kaise,usse pyaar hota hai na,to jo sindhi log us samay anti the vo gaali bhi dete the aur saamaan bhi diya। jo badhiya-badhiya cheejen theen vo haath jodkar dekar gaye ki aap hi use karo। to duniya vaalon ke liye hangaama tha aur brahmaakumaariyon ke liye paanch roopaye mein sabjiyon ki saari bailgaadi thi। paanch roopaye mein sabjiyaan। aap kitne maje se sabjiyaan khaate the। to duniya vaale darte the aur aap log naachte the। to practical mein dekha ki brahma baap,daada - donon hi chhatrachhaaya ban kitna safety se sthaapna ka kaarya kiya। to jab inhon ko anubhav hai to kya aap anubhav nahin kar sakte? pahle aap। jo chaahe,jitna chaahe is diamond varsha mein chhatrachhaaya ka aur brahma baap ke pyaar ka practical anubhav kar sakte ho। ye is varsha ko vardaan arthaat sahaj praapti hai। jyaada purooshaartha nahin karna padega। purooshaartha se thak jaate ho na। jab koi purooshaartha karke thak jaata hai to us samay baapdaada uska chehra dekhte hain, raham bhi bahut aata hai। to abhi kya karenge?kya banenge? pharishta। pharishta roop mein chalnaaphirna yahi diamond banna hai। kyonki jo bahut keemti,moolyavaan,bedaag diamond hota hai uski nishaani kya hoti hai? use light ke aage rakho to chamkega aur jab chamakta hai to usse kirnen nikalti hain,usmein bhinna-bhinna rang dikhaai dete hain। to jab aap real diamond banenge, pharishta ban jaayenge to aapke pharishte swaroop se ye ashta shaktiyaan dikhaai dengi। jaise vo rang kirnon ke roop mein dikhaai dete hain, aise aap diamond arthaat pharishta roop bano to chalte-phirte aap dvaara ashta shaktiyon ke kirnon ki anubhooti hogi। koi ko aapse sahanshakti ki feeling aayegi,koi ko aapse nirnay karne ke shakti ki feeling aayegi,koi se kya,koi se kya shaktiyon ki feeling aayegi। aap jitna jyaada abhyaas karenge, maano abhi kal se naya varsha bhi shuru hoga aur diamond jubilee bhi shuru hogi to kal se arthaat pahla maas jo January hai us ek maas mein aap pharishta roop mein abhyaas karenge aur doosra maas aayega usmein aapka abhyaas aur badhega, teesre maas mein aur badhega aur jitna-jitna badhta jaayega na utna-utna aap dvaara auron ko mahsoosta hogi। samjha?to ye hai brahma baap ki gift। sabhi denge ya koi-koi dega?

achha,madhuban vaale bhi gift denge na! madhuban vaale to haan ji mein hoshiyaar hain। (gyaan sarovar mein bhi murli sun rahe hain) gyaan sarovar vaale pharishte ban jaayenge aur ye jo translate kar rahe hain,mike vaale,light vaale,sabhi ko double light, pharishta banna hai। mushkil to nahin lagta hai? 63 janma is shareer se pyaar hai,to mushkil nahin hoga? jo dridh nishchay rakhte hain to nishchay ki vijay kabhi tal nahin sakti। chaahe paanch hi tatva ya aatmaayen kitna bhi saamna karen lekin vo saamna karenge aur aap samaane ki shakti se us saamna ko sama lenge। kyonki atal nishchay hai। ye60 varsha jo sthaapna ke chale ismen bhi aadi se kamaal brahma baap aur ananya bachchon ka raha। kabhi nishchay mein halchal nahin hui। vijay hui padi hai, yahi bol sada brahma baap ke rahe।

to aaj vishesh brahma baap ne sabhi bachchon ko vishesh mubaarak aur bahutabhut pyaar diya। jitne bhi ho, chaahe chaar laakh ho,chaahe 14laakh ho, lekin brahma baap ki bhujaayen itni badi hain jo 14 laakh bhi ek saath bhujaaon mein sama sakte hain। iseeliye paramatma ka bhakti maarga mein viraat roop dikhaate hain,jismen sab samaaye hue hain। to sabhi brahma baap ki bhujaaon mein samaaye hue ho। kuchh bhi ho, jaise chhota bachcha kya karta hai,agar koi usko kuchh bhi kehta hai ya kuchh bhi hota hai to woh maa ya baap ki baahon mein sama jaayega। aise hota hai na! to aap bhi aise karo। bachche ho na ki abhi bade ho gaye ho? 100saal ka bhi baap ke aage to chhota bachcha hi hai। to aapko bhi kuchh bhi ho na,bas brahma baap ki baahon mein sama jaao,bas। ye to sahaj hai na?

achha,ye to hai diamond jubilee ki baaten। abhi saath mein aaj naya varsha bhi manaayenge na?to 12 baje ye saal poora hoga। abhi hai thoda time। abhi puraane saal mein baithe hain lekin naya saal mana rahe hain। iske liye aaye hain na? double videshi jyaada kyon aaye ho? vaise to india ka tarna hai, double videshi kyon aaye ho? new year manaane ke liye, Christmas manaane ke liye। baapdaada ko achha lagta hai double videshiyon se chit-chat karne mein। to naya varsha bhi manaana hai to puraane varsha ko kya karenge? vidaai denge। bas sirf mukh se kah diya vidaai denge। ya chitra banaayenge vo ja raha hai, vo aa raha hai? puraane varsha ko vidaai kaise denge?sirf geet gaayenge, naachenge,koodenge! kaam kya karenge? dekho saal samaapta ho raha hai vo vidaai le raha hai phir ye varsha kab aayega? (5 hazaar varsha ke baad) to ye paanch hazaar varsha ke liye aapse vidaai lega! jo vidaai leta hai usko bhi kuchh diya jaata hai। dekho aap log bhi jaane vaale hote ho to aapko vidaai ki gift milti hai, to aap is puraane varsha ko kya denge? kuchh denge ya khaali bhej denge-jaao,jaao। kya denge? puraane ko kya achha lagega? puraani cheez। (kamzori denge) baapdaada ne dekh ki kamzori dete to ho lekin phir vaapas le lete ho। dekho, vo (varsha) akla vaala hai jo paanch hazaar varsha ke pahle vaapas nahin aayega aur aap puraani cheejen vaapas kyon lete ho?chitki likhkar denge-haan… baba, bas,krodh mukta ho jaayenge… bahut achha likhte hain aur roohrihaan bhi karte hain to bahut achha kaandh hilaate hain,haan, haan karte hain। phir pata nahin kyon vaapas le lete hain। puraani cheejon se preet rakhte hain। phir kehte hain hamne to chhod diya vo hamko nahin chhodti hain। baap kehte hain aap chal rahe ho aur chalte hue koi kaanta ya aisi cheez aapke peechhe chipak jaati hai to aap kya karenge?ye sochenge ki ye mujhe chhode ya main chhodoon?kaun chhodega?achha,agar phir bhi vo hava mein udti hui aapke paas aa jaaye to phir kya karenge? phir rakh denge ya phenk denge?phekenge na?to ye cheez kyon nahin phenkate? agar galti se aa bhi gai to jab aapko pasanda nahin hai aur vo cheez aapke paas phir se aati hai to kya aap vo cheej sambhaal kar rakhenge? koi bhi kisko galti se bhi agar koi kharaab cheez de deve to kya use aalmaari mein sajaakar rakhenge?phenk denge na? uski phir se shakla bhi nahin dikhaai de,aise phenkenge। to ye phir kyon vaapas lete ho?baapdaada ki ye shreemat hai kya ki vaapas lo? phir kyon lete ho?vo to vaapas aayegi kyonki uska aapse pyaar hai lekin aapka pyaar nahin hai। usko aap achhe lagte ho aur aapko vo achha nahin lagta hai to kya karna pade?to baapdaada sabhi bachchon ko kehte hain puraane varsha ko vidaai dena arthaat jo baaten dil mein sochi hai na,kitni baaton ka ishaara diya?kitni baaten hain, jyaada hai kya? (8baaten hain) to vidaai ke saath in aath ko hi achhi tarah se sajaadhja kar vidaai de do। samjha? de sakte ho? himmat hai dene ki? (haan ji) baapdaada ko sabse achha lagta hai ki haan ji bahut jaldi karte hain।

to abhi jab varsha,paanch hazaar varsha ke liye vidaai leta hai to aap kam se kam ye chhota sa brahman janma ek hi janma hai, jyaada nahin hai, ek hi hai aur usmein bhi kal ka bharosa nahin to vo paanch hazaar ki vidaai leta hai to aap kam se kam ek janma ke liye to vidaai do। de sakte ho?haan ji to karte ho। lekin jis samay vo vaapas aati hai to sochte ho - bada mushkil lagta hai, chhootta hi nahin hai,kya karen! chhodo to chhoote। vo nahin chhootega, aap chhodo to chhootega। kyonki aapne unse pyaar bahut kar liya hai to vo nahin chhodega,aapko chhodna padega। to puraane varsha ko is vidhi se dridh sankalp aur sampoorn nishchay, is tray mein ye aath hi baaten saja kar usko de do to phir vaapas nahin aayengi,nishchay ko hilaao nahin। nishchay hil jaata hai - kya hua,ho jaayega,abhi do hazaar varsha poore hue nahin, do hazaar tak theek ho jaayega… ye hai nishchay mein albelaapan। baapdaada ko bhi bahut achhi-achhi baaten kehte hain-baba aap phikra nahin karo, do hazaar mein poora ho jaayega। abhi thoda-thoda…। lekin do hazaar ki date to baap ne di nahin hai,to aise na ho ki aap do hazaar ka intazaar karte raho aur nai duniya ka intazaam pahle se ho jaaye। iseeliye albele mat banna। revise karo,baar-baar revise karo। kyon bhool jaate ho? jab koi kaam shuru karte ho na to bahut achha sochte ho - main aatma hoon, main aatma hoon, ye bhi aatma hai, aatma shareer se ye kaam kara rahi hai,shuru aise karte ho। lekin kaam karte-karte aatma merge ho jaati hai। aap jo kaam karte ho, usmein haath to chalta hi hai lekin man-buddhi sahit apne ko busy kar dete ho। bhal body conscious kam hote ho lekin action conscious jyaada ho jaate ho। phir kehte ho baba mere se kuchh galti nahin hui,mainne kisko kuchh nahin kaha, lekin baapdaada kehte hain ki maano aap body conscious nahin ho, action conscious ho aur usi samay kuchh ho jaaye to result kya hogi? soul conscious jitna to nahin milega। to iski vidhi hai baar-baar revise karo,baar-baar check karo। jab kaam poora hota hai phir aap sochte ho, lekin nahin, jab tak natural soul conscious ho jaao tab tak ye sahaj vidhi hai baar-baar revise karna। revise karenge to jo peechhe sochna padta hai vo nahin hoga। to revise karne ka time hai ki bahut busy rehte ho?kabhi bhi apna chart check karte ho to do baaten check karo। ek baat nahin। mainne bura nahin kiya arthaat kuchh ganvaaya nahin,vo to theek hua lekin jama kitna kiya?ganvaaya nahin iski to mubaarak ho। lekin ganvaaya bhi nahin aur kamaaya bhi nahin to vo kis list mein jaayega? to check karo ki mainne jama kitna kiya? jama ka khaata check karo। kyonki saara kalpa chaahe raajya karenge, chaahe pooje jaayenge lekin jama abhi karna hai ya dvaapar mein ya satayug mein karenge?to ye check karo ki mainne jama kitna kiya? kam se kam itna to jama karo jo 21 janma royal family mein praalabdha bhogte raho। agar kam jama hoga to treta mein aayenge, satayug miss karenge। treta mein aana pasanda hai?saara pahla-pahla sukh to sooryavanshi le lenge, chandravanshiyon ko baad mein bacha hua milega। to jama ka khaata check karo। saare din mein jyaada se jyaada jama ho to sahaj hi aap nirvighna ho hi jaayenge aur pharishte roop mein sthit ho jaayenge। to vidhi kya hui? har ghante revise karo। kaun-si conscious rahe?kar sakte ho?ho sakta hai?

baapdaada ne sabka chart check kiya to total 50percent bachche doosron ko dekh svayan albele rehte hain। kahaan-kahaan achhe-achhe bachche bhi albelepan mein bahut aate hain। ye to hota hi hai… ye to chalta hi hai… chalne do… sabhi chalte hain… baapdaada ko hansi aati hai ki kya agar ek ne thokar khaai to usko dekhkar aap albelepan mein aakar thokar khaate ho, ye samajhdaari hai?to is albelepan ka pashchaataap bahut-bahut-bahut bada hai। abhi badi baat nahin lagti hai, haan chalo… lekin baapdaada sab dekhte hain ki kitne albele hote hain, kitne auron ko neeche jaane mein follow karte hain? to baapdaada ko bahut raham aata hai ki pashchaataap ki ghadiyaan kitni kathin hogi। isliye albelepan ki lahar ko, doosron ko dekhne ki lahar ko is puraane varsha mein man se vidaai do। jab thoda umang-utsaah aata hai na to thode samay ke liye vairaagya aata hai lekin vo alpakaal ka vairaagya hota hai। isliye jo baapdaada ne mukta hone ki baaten sunaai hain, uske oopar bahut attention dena। jitne puraane hote hain na to dekha gaya hai ki puraanon mein albelaapan jyaada aata hai। jo pahle-pahle ka josh, umang hota hai, vo nahin hota hai। padhaai ka bhi albelaapan aa jaata hai, sab sun liya, samajh liya। socho,agar samajh liya,soch liya to baapdaada padhaai poori kar dete। jab student padh chuke to phir kyon padhaai padhaaye? phir to samaapta kar den na! lekin is albelepan ko achhi tarah se vidaai do। auron ko nahin dekho। baap ko dekho। brahma baap ko dekho। agar koi thokar khaata hai to mahaarthi ka kaam hai thokar se bachaana,na ki khud follow karna। to puraane varsha ko achhi tarah se vidaai denge na? abhi kitna baja hai?paune das। achha! to abhi do ghante hain,do ghante mein vidaai ka saamaan taiyaar kar do। baapdaada dekhenge ki baap ko gift dene mein jyaada number double videshi lete hain ya bhaarat vaale lete hain?donon lenge na? haan ya na bolo। achha,double videshi kitne deshon se aaye hain? (36)aur bhaarat ke kitne zone aaye? (paanch) bhaarat ke paanch zone se aaye hain aur vo 36deshon se aaye hain। double videshi sada baapdaada ko apna saathi samajhkar saath rehte hain na। jitna naam hai videsh, utna hi saath bhi baap ka nazdeek anubhav karte ho?kyonki jab tak baap saath hai to maaya bhi baap ka saath dekhkar door se hi bhaag jaati hai। akele hote ho to maaya ko chance milta hai। akele nahin ho to maaya ko chance mil nahin sakta। aur jab baap svayan offer karta hai ki main bachchon ka saathi hoon to bhagwan ki offer saare kalpa mein phir milegi?to svayan baap ki offer hai - saath raho। koi bhi mushkil baat saath se sahaj ho jaati hai। to saath ka anubhav hota hai?double videshi brahman parivaar ka vishesh shrringaar hain। jaise aaj vishesh shrringaar kiya hai na। (poori stage sugandhit phool maalaaon se sajaai gai hai) achha lagta hai na! to aap log bhi ek- ek ratna brahman parivaar ka shrringaar ho। to shrringaar kabhi gir nahin jaaye, shrringaar gir gaya to kaise lagega?abhi shrringaar kiya hai aur gir jaaye to kya achha lagega?sadaiv samjho ki ham brahman parivaar ke taaj ke heere hain। to taaj se ek bhi heera gir jaaye to achha lagega? to itna apna mahatva samjho। saadhaaran nahin samjho, mahaan ho।

achha hai, chaaron or se seva ke samaachaar bhi bahut achhe aate rehte hain। bhaarat ke apne programme hain, videsh ke apne hain। to seva mein apne ko busy rakhte hain aur sada rakhna bhi hai। seva safety ka saadhan hai। jitna apne ko busy rakhenge utna safe rahenge। samjha?

(videsh se sindhi bhaai-bahinon ka group aaya hai,baapdaada ne sabhi ko aage bulaakar bithaaya)itna bada brahman parivaar dekh khushi hoti hai?dekho kitne hain aapke parivaar mein! aur saara parivaar chune hue shreshtha aatmaon ka hai। to bhaarat vaale aap logon ko dekhkar khush hote hain kyonki khaas jo barkhilaaph the vo phevar mein ho gaye। sindha mein kaake, chaache,maame, gaayan bhi hai maama,kaaka, chaacha … to unheen parivaar se nikal aaye। to kitne lucky ho। sindhi log bahut barkhilaaph the na aur abhi nazdeek aaye hain iseeliye is group ko nazdeek bithaaya hai। aapka group sab khush hai? achha।

sabhi double videshi sada baap ke saathi hain iseeliye saathi ka sthaan kaun sa hai? saathi kahaan rehte hain?diltakhta par। to rehte ho ya kabhi-kabhi utar aate ho?sada baap ke saathi hain, iseeliye takhta nasheen hain,adhikaar hai takhta par। jo saathi hota hai,maano raaja hai, abhi raaja takhta par baithega to raani adhikaari hai na। kyonki saathi hai। to aap sabhi double videshi saathi ho na?to aapka diltakhta sangamayug ka adhikaar hai। iska matlab ye nahin hai ki bhaaratvaasi nahin hain। abhi double videshiyon se baat kar rahe hain isliye double videshi kah rahe hain, baaki jo bhi saathi hain vo sab adhikaari hain। phir bhi daud- dhoop karke pahunch to jaate ho na! to kya yaad rakhenge?kaun ho?saathi hain aur takhtansheen hain। samjha?

bhaarat vaasiyon prati

bhaaratvaasi theek hain? bhaaratvaasiyon ko to nasha hai ki agar bhaarat mein baap nahin aate to videshi kahaan se aate?kyonki baapdaada ko drama mein gareeb nivaaz kaha jaata hai to videsh gareeb nahin hai, bhaarat gareeb hai aur baap ko gareeb pasanda hain। iseeliye gareeb se gareeb bhaarat mein aaya, london mein nahin aaya। America mein bhi nahin aaya। bhaarat avinaashi hai। avinaashi khanda phir bhi bhaarat hi hoga। ye America to abhi nikli hai,abhi khatma ho jaayegi। baap avinaashi hai to avinaashi khanda mein hi aata hai। bhaarat ko nasha bhi bahut hai। bhaarat ko sabse bada nasha hai ki hamne bhagwan ko bhi apne pyaar ke rassi mein baandh liya hai। dekho abhi bhi bhaarat mein aate hain na। aap sabko bhi bhaarat mein milne aana hai। to bhaarat bhi kam nahin aur videsh bhi kam nahin। donon laadle hain। achha।

(sindhi bhaai-bahinon se) kitne aaye hain? 70aaye hain। abhi phir maala poori karke aayenge। do prakaar ke aaye hain। lekin aate-aate aakhir jaayenge kahaan? kitna bhi koshish karen kinaare karne ki, lekin nahin ho sakta। baap ko chhod sakte ho? baap kahe aap nahin aao phir kya karenge? (aayenge) kyon aayenge?baap kahe nahin aao phir bhi aayenge kyon? kaho adhikaar hai mera। mera ghar hai, mera baap hai। to adhikaar hai। sochte hain baba milega,nahin milega, dekhega,nahin dekhega…। dekh liya na! abhi inhon ko sabhi sindhiyon ko jagaana hai। sab or jag rahe hain। jitna bada karna chaaho karo। aisi season mein karo jo sab hotel pahle se book kar len। jis hotel mein bhi jaayen to brahmaakumaariyon ka ho। jagaana to sabko hai aur bhaarat mein to jagaane ke bahut achhe-achhe programme rakhe hain। baapdaada ke paas sab samaachaar aaye hain ki bhaarat jump laga raha hai ki bhaarat mein kone-kone mein sandesh mil jaaye। koi rah nahin jaaye। to ye bahut achhi baat hai। ulahna poora ho jaayega।

youth se

youth ki retreat chal rahi hai। desh-videsh ka milkar programme ho raha hai। inka teacher kaun hai?to achha lagta hai youth ko? student bhi raaji aur teacher bhi raaji, donon raaji। achha। bahut achha promise kiya hai, pakka rakhna। sabhi ne milkar jo promise kiya hai vo mukh se bolo। (sabhi ne bolkar promise ki) bahut achha,taali bajaao। achha। dekho aise desh-videsh ke youth ikatthe hokar kamaal karke dikhaayen to government kya karegi?jab dekhegi ki desh-videsh ke sab milkar dridh sankalp kiya hai to aap youth ke sankalp ke aage aapehi surrender ho jaayenge। kabhi programme banaayenge to deshvidesh ke youth india ki government ko jagaayenge। vo bhi khush honge। achha!

chaaron or ke chamakte hue sachche daaymandas ko,sada nishchay aur dridh sankalp dvaara svayan ko sachcha diamond banaae auron ko banaane vaale, sada baapdaada ke samaan double light pharishta swaroop mein sthit hone vaale shreshtha aatmaayen, sada baap aur seva donon mein busy rahne vaale maayaajeet so vishwa ke raajya-bhaagya jeet, aise sangamayugi diamonds ko baapdaada ka yaad-pyaar aur namaste।

dekho,yeh yahaan ka rivaaz hai 12baje bel bajega,to baapdaada ko bachchon ki baat rakhni padti hai। vaise to 11 baje bel lagaao ya 12baje। brahman nahin manaayenge to kaun manaayenge!

(diamond jubilee ke uplakshya mein bachchon ne geet gaaye, naye varsha ki badhaaiyaan di,card aadi baapdaada ko diye, tatpashchaat naye varsha ka shubhaarambha hote hi baapdaada ne sabhi ko badhaaiyaan di)

aaj ke din double mubaarak hai। ek naye varsha ki aur doosri diamond jubilee varsha ki। to sada is varsha ko apne donon swaroop ek double light pharishta aur doosra sachcha diamond, bedaag diamond, amoolya diamond। to diamond bankar anek aatmaon ko diamond banaana - yahi is varsha ka lakshya hai। aur baapdaada jaante hain ki brahman bachche lakshya aur lakshan ko saath-saath karke dikhaate hain। to ye diamond jubilee varsha anek aatmaon ke,baap ke sameep aane ka varsha hai। aur saath-saath yeh varsha sahaj baap ke saath rahne se sahaj hi praapti ka varsha hai। isliye chaaron or ke bachche is sahaj vardaan ka poora-poora laabh lenge aur auron ko dilaayenge। diamond good night aur goodmorning donon।

chaaron or ke bachchon ke bahut khushi aur umang-utsaah ke card mile,patra bhi mile aur sabhi ko return mein double pyaar aur mubaarak ho।

(4 January ko talahti mein bahut bade haal ka foundation ston laga rahe hain, yeh samaachaar baapdaada ko sunaaya gaya)

jab diamond jubilee mein seva karenge to unhon ko baithne ke liye jagah banaai hai ki aap baahar baithenge unhon ko andar bithaayenge,kya karenge?aap andar hi baithenge, baahar nahin। agar baahar mike mein sunne aaye to andar baithenge?to kya karna pade? isi shubh sankalp se abhi neeche jyaada mein jyaada mil sake, baith sake, uske liye pahle stage ka foundation daal rahe hain aur sabhi daalenge na। chaaron or ke desh-videsh ke bachchon ke anguli se jab gyaan sarovar ban gaya to ye to uske aage kuchh bhi nahin hai। vo to sabhi ke sankalp aur sahayog se sahaj se sahaj banna hi hai। aapko pasanda hai? double videshiyon ko jyaada achha lagta hai ki bhaaratvaasiyon ko achha lagta hai? donon ko achha lagta। to phir foundation daalna arthaat anguli dena। pahaad to utha hi pada hai। theek hai na?desh aur videsh ka sangathan ka mela hai to desh aur videsh donon milkar jo foundation daalenge vo kitna achha hoga! to jo bhi honge un sabke taraph se us dharni par sneh se foundation daalenge। achha!