शनिवार 21 नवंबर 1998 की अव्यक्त मुरली

> 21-11-98 om shanti avyakt baapdaadaamdhuban

seva ke saath deh mein rehte videhi avastha ka anubhav badhaao

aaj baapdaada apne chaaron or ke bachchon ko dekh harshit ho rahe hain kyonki baap jaante hain ki mera ek-ek bachcha chaahe last purushaarthi bhi hai phir bhi vishwa mein sabse bade te bade bhaagyavaan hai kyonki bhaagya vidhaata baap ko jaan,pahchaan bhaagyavidhaata ke direct bachche ban gaye। aisa bhaagya saare kalpa mein kisi aatma ka na hai, na ho sakta hai। saath-saath saare vishwa mein sabse sampattivaan va dhanvaan aur koi ho nahin sakta। chaahe kitna bhi padmapti ho lekin aap bachchon ke khazaanon se koi ki bhi tulna nahin hai kyonki bachchon ke har kadam mein padmon ki kamaai hai। saare din mein har roz chaahe ek do kadam bhi baap ki yaad mein rahe va kadam uthaaya,to har kadam mein padma… to saare din mein kitne padma jama hue? aisa koi hoga jo ek din mein padmon ki kamaai kare! isliye baapdaada kehte hain agar bhaagyavaan dekhna ho va richest in di world aatma dekhni ho to baap ke bachchon ko dekho।

aap bachchon ke paas sirf ek sthool dhan ka khazaana nahin,vo to sirf dhan ke saahookaar hain aur aap bachche kitne khazaanon se bharpoor hain! khazaanon ki list jaante ho na? yeh sthool dhan to koi badi baat nahin hai lekin aapke paas jo gyaan ka khazaana, shaktiyon ka khazaana, sarva gunon ka khazaana, khushi ka khazaana aur sarva ko sukh-shanti ka raasta bataane se jo duaaon ka khazaana milta hai, yeh avinaashi khazaane sivaae parmaatma bachchon ke avinaashi kiske paas nahin hain। to baapdaada ko aise khazaanon ke maalik bachchon par kitna roohaani naaz hai। baapdaada sada bachchon ko aise sampanna dekh yahi geet gaate vaah bachche vaah! aapko bhi apne par itna roohaani naaz arthaat nasha hai na! haath ki taali baja sakte ho। (sabhi ne taaliyaan bajaaeen) donon haath ko kyon takleeph dete ho,ek haath ki bajaao। ek haath ki taali bajaana aata hai na! braahmanon ka sab kuchh niraala hai। brahman shant pasanda hain isliye taali bhi shanti ki theek hai। to nasha to sabhi ko sada hai bhi aur aage bhi rahega। nishchit hai।

baapdaada samay ke parivartan ki teevra raftaar ko dekh bachchon ke purooshaartha ki raftaar ko bhi dekhte rehte hain। baapdaada har ek bachche ko jeevanmukta sthiti mein sada dekhne chaahte hain। aap sabka yeh challenge hai ki baap se mukti-jeevanmukti ka varsa aakar lo। lekin aapko to mukti va jeevanmukti ka varsa mil gaya hai na? ya nahin mila hai (mila hai) satayug mein ya muktidhaam mein mukti va jeevanmukti ka anubhav nahin kar sakenge। mukti-jeevanmukti ke varse ka anubhav abhi sangam par hi karna hai। jeevan mein rehte, samay naazuk hote,paristhitiyaan,samasyaayen,vaayumandal double dooshit hote hue bhi in sab prabhaavon se mukta, jeevan mein rehte in sarva bhinna-bhinna bandhanon se mukta ek bhi sookshm bandhan nahin ho - aise jeevan mukta bane ho va ant mein banenge? ab banenge ya ant mein banenge?jo samajhte hain ant mein banne ke bajaae abhi banna hai,va bane hain ya banna hi hai,woh haath uthaao। (sabhi ne haath uthaaya) donon mein mix haath utha rahe hain,chatur hain। bhale chaturaai karo। lekin baapdaada abhi se spashta suna rahe hain,attention please। har ek brahman bachche ko baap ko bandhanmukta,jeevanmukta banaana hi hai। chaahe kisi bhi vidhi se, lekin banaana zaroor hai। jaante ho na ki vidhiyaan kya hain? itne to chatur ho na! to banna to aapko padega hi। chaahe chaaho,chaahe nahin chaaho, banna to padega hi। phir kya karenge? (abhi se banenge) aapke mukh mein gulaabjaamun। sabke mukh mein gulaabjaamun aa gaya na। lekin yeh gulaabjaamun hai - abhi bandhanmukta banne ka। aise nahin gulaabjaamun kha jaao।

haal ki shobha bahut achhi hai। ekdam maala lagti hai। yahaan se aakar dekho to aise maala lagti hai। yeh kursiryo vaalon ki maala taiyaar ho gai hai। achha hai। kaarne-akaarnen jaise abhi kursi li hai na aise hi jab baapdaada final samay pramaan seeti bajaayenge ki jeevanmukti ki kursi par baith jaao to bhi baithenge ya abhi kursi par baithe hain?aise nahin ki dharni par baithe hue kursi nahin lenge, pahle aap। dharni par baithna - yeh hai tapasya ki nishaani। tandaroosti ki nishaani hai। health bhi hai,tapasya dvaara khazaanon ki wealth bhi hai to jahaan health hai, wealth hai vahaan happy to hai hi। to achha hai -healthy ho, wealthy ho।

to baapdaada aaj dekh rahe the ki bachchon ki teen prakaar ki stages hain। ek hain - purushaarthi,usmein purushaarthi bhi hain aur teevra purushaarthi bhi hain। doosre hain - jo purooshaartha ki praalabdha jeevanmukta avastha ki stage mein anubhav kar rahe hain। lekin last ki sampoorn stage hai - deh mein hote bhi videhi avastha ka anubhav। to teen stage dekheen। purooshaartha ki stage mein jyaada dekhe। praalabdha jeevanmukta ki,praalabdha yeh nahin ki centre ke nimitta banne ki va speaker achhe banne ki va drama anusaar alag-alag vishesh seva ke nimitta banne ki… yeh praalabdha nahin hai, yeh to lift hai aur aage badhne ki, sarva dvaara duaayen lene ki lekin praalabdha hai jeevanmukta ki। koi bandhan nahin ho। aap log ek chitra dikhaate ho na! saadhaaran agyaani aatma ko kitni rassiyon se bandha hua dikhaate ho। woh hai agyaani aatma ke liye lohe ki zanjeer। mote-mote bandhan hain। lekin gyaani tu aatma bachchon ke bahut maheen aur aakarshan karne vaale dhaage hain। lohe ki zanjeer abhi nahin hai, jo dikhaai de deve। bahut maheen bhi hai,royal bhi hai। personality feel karne vaale bhi hain, lekin woh dhaage dekhne mein nahin aate,apni achchhaai mahsoos hoti hai। achchhaai hai nahin lekin mahsoos aise hoti hai ki ham bahut achhe hain। ham bahut aage badh rahe hain। to baapdaada dekh rahe the - yeh jeevanbandha ke dhaage majority mein hain। chaahe ek ho, chaahe aadha ho lekin jeevanmukta bahut-bahut thode dekhe। to baapdaada dekh rahe the ki hisaab ke anusaar yeh second stage hai jeevanmukta,last stage to hai - deh se nyaare videheepan ki। us stage aur jo stage sunaai uske liye aur bahut-bahut-bahut attention chaahiye। sabhi bachche poochhte hain 99 aayega kya hoga?kya karen?kya karen,kya nahin karen?

baapdaada kehte hain 99 ke chakkar ko chhodo। abhi se videhi sthiti ka bahut anubhav chaahiye। jo bhi paristhitiyaan aa rahi hain aur aane vaali hain usmein videhi sthiti ka abhyaas bahut chaahiye। isliye aur sabhi baaton ko chhod yeh to nahin hoga, yeh to nahin hoga। kya hoga, is question ko chhod do। videhi abhyaas vaale bachchon ko koi bhi paristhiti va koi bhi halchal prabhaav nahin daal sakti। chaahe prakriti ke paanchon hi tatva achhi tarah se hilaane ki koshish karenge parantu videhi avastha ki abhyaasi aatma bilkul aisa achal-adol paas with honour hoga jo sab baaten paas ho jaayengi lekin woh brahma baap ke samaan paas with honour ka saboot rahega। baapdaada samay prati samay ishaare dete bhi hain aur dete rahenge। aap sochte bhi ho,plan banaate bhi ho, banaao। bhale socho lekin kya hoga!… us aashcharyavat hokar nahin। videhi,saakshi ban socho lekin socha, plan banaaya aur second mein plen sthiti banaate chalo। abhi aavashyakta sthiti ki hai। yeh videhi sthiti paristhiti ko bahut sahaj paar kar legi। jaise baadal aaye,chale gaye। aur videhi, achal-adol ho khel dekh rahe hain। abhi last samay ko sochte ho lekin last sthiti ko socho।

chaaron or ki sevaaon ke samaachaar baapdaada sunte rehte hain aur dil se sabhi athak sevaadhaariyon ko mubaarak bhi dete hain,seva bahut achhe umang-utsaah se kar rahe hain aur aage bhi karte raho lekin seva aur sthiti ka balance thoda-sa kabhi is taraph jhuk jaata hai,kabhi us taraph isliye seva khoob karo, baapdaada seva ke liye mana nahin karte aur zor-shor se karo lekin seva aur sthiti ka sada balance rakhte chalo। sthiti banaane mein thodi mehnat lagti hai aur seva to sahaj ho jaati hai। isliye seva ka bal thoda sthiti se ooncha ho jaata hai। balance rakho aur baapdaada ki, sarva seva karne vaale aatmaon ki, sambandh-samparka mein aane vaale brahman parivaar ki blessing lete chalo। yeh duaaon ka khaata bahut jama karo। abhi ki duaaon ka khaata aap aatmaon mein itna sampanna ho jaae jo dvaapar se aapke chitron dvaara sabhi ko duaayen milti rahengi। anek janma mein duaayen deni hain lekin jama ek janma mein karni hain। isliye kya karenge?sthiti ko sada aage rakh seva mein aage badhte chalo। kya hoga, yeh nahin socho। brahman aatmaon ke liye achha hai,achha hi hona hai। lekin balance vaalon ke liye sada achha hai। balance kam to kabhi achha, kabhi thoda achha। suna kya karna hai?question mark sochne ke hisaab se aashcharyavat hoke sochne ko finish karo, yeh to nahin hoga, yeh to nahin hoga…। woh sthiti ko neeche oopar karta hai। samjha।

naye-naye bhi bahut aaye hain, jo is kalpa mein pahle baari madhuban mein aaye hain,woh haath uthaao। bahut achha। baapdaada naye-naye bachchon ko dekh khush hote hain aur bade khushi se baapdaada welcome bachche,welcome bachche kar rahe hain। achha hai jo final samaapti ke pahle pahunch gaye ho। phir bhi milne ke samay par pahunche ho। isliye peechhe aane vaalon ko abhi bhi chance hai,aage badhne ka। to aap log golden chance le lo। achha।

gujraat se samarpan vaali kumaariyon ka group aaya hai (ahamdaabaad mele mein 38 kumaariyon ka samarpan samaaroh 13November ko manaaya gaya tha,ve sabhi baapdaada ke sammukh baithi theen) samarpan to hue bahut achha hua। seva bhi hui, manaaya bhi aur seva ka bhaagya bhi banaaya। abhi aur bhi koi samarpan samaaroh manaana hai va mana liya bas finish hua? to baapdaada yahi kahenge ki yeh poora group bandhanmukta ka samarpan samaaroh manaave। hai taakat? agar hai to haath ki taali bajaao। ek do ko dekhkar nahin uthaana। ahamdaabaad ko to vardaan hai, seva ka phal bhi hai aur seva ka bal bhi hai। isliye aisa samarpan samaaroh manaana। phir baapdaada aaphreen denge। theek hai na! pahle main। ismen doosron ko nahin dekhna। pahle bade-bade karen phir ham karenge। nahin। pahle main। theek hai। achha - aapas mein is par rooh-roohaan karna aur ek do ko vaayda yaad karaate aage badhte rehna। bahut achha।

(education wing ki training mein lagbhag 100teachers aaye hain) bahut achhi training hui, achhi lagi? abhi seva mein aage badhenge, yeh to bahut achha। parantu jo aaj baapdaada ne kaha apne aapko bhi trenda karna। pahle sva ki training saath mein sarva ke prati training। to double kaarya karte hue aage badhte jaana। udte jaana। udne vaale ho na?achha। yeh madhuban ki training ko avinaashi rakhna। jaise seva mein chance lene ka sankalp rehta hai, chance len, aise hi sva sthiti mein aage badhne ka bhi chance lete rehna। achha hai na! baapdaada dekhenge kaun number one arthaat balance mein win praapta karne vaale hain। bahut achha।

(panjaab vaalon ne pahle group mein seva ki hai) achha bada group hai। achha chance mila hai। panjaab ko baapdaada vishesh ek baat ki mubaarak dete hain। jaante ho kaun si? panjaab ne kalraathi zameen ko phaldaayak banaane mein achhi unnati ki hai। progress achhi hai isliye mubaarak ho। aur bhi panjaab sher gaaya hua hai। aapki daadi (chandramni daadi) ko bhi panjaab ka sher kehte the। to sabhi sher ho na! to sher kiska shikaar karenge?bakri ka?number one sher woh hai jo sher ka shikaar kare। abhi panjaab ki dharni to achhi ban gai hai, abhi aise vishesh vaaris banaao। yeh hai sher ka shikaar। koi mandaleshvar ki vishesh seva karke doosri season mein lekar aao। dekhenge agli season mein panjaab se kitne vaaris aate hain। achha - seva ki khushbu to achhi hai। sab santushta rehte bhi hain aur santushta karte bhi hain। mubaarak ho।

(double videshi bhi bahut aaye hain) videsh ka group utho। videsh mein bhi ek visheshta baapdaada ko bahut achhi lagti hai। kaun si?sabhi ko umang-utsaah bahut hai ki videsh ke kone-kone mein baap ka sthaan banaayen aur banaaya bhi hai। is varsha kitne naye sthaan banaaye hain? (12-15) achha umang hai ki sandesh chaaron or mil jaae। yeh lakshya bahut achha hai। jahaan jaate hain vahaan koi-na-koi ko nimitta banaane ki seva ka lakshya achha rakhte hain। yeh visheshta hai। har ek jitna ho sakta hai utna apne aapko seva ke nimitta banaane ki offer bhi karte hain aur practical mein bhi karte hain। yahi sochte hain ki ghar-ghar mein baba ka ghar ho, yeh umang-utsaah bahut achha hai। isliye is umang-utsaah ke liye baapdaada aur advance mein aage badhne ki mubaarak de rahe hain। baapdaada videshi arthaat vishwa-kalyaan karne ke nimitta banne vaale bachchon ko yahi kehte hain ki ab seva aur videhi avastha mein number one videshi bachchon ko banna hi hai। banna hai - kab? 99 mein ya 2 hazaar mein banna hai?kab nahin, ab। avyakt baap ki paalna ka pratyaksha saboot dena hai। jaise brahma baap avyakt ban videhi sthiti dvaara karmaateet banen, to avyakt brahma ki vishesh paalna ke paatra ho isliye avyakt paalna ka baap ko respond dena - videhi banne ka। seva aur sthiti ke balance ka। theek hai, manjoor hai? karna hi hai। baapdaada yeh nahin sochte - dekhenge, sochenge। nahin। karna hi hai। apni bhaasha mein bolo - karna hi hai। jo bhi sabhi T.vi. mein bhi dekh rahe hain woh sabhi bhi aise bol rahe hain na? baapdaada dekh rahe hain। chaahe bhaarat mein dekh rahe hain,chaahe foreign mein dekh rahe hain lekin sabhi ko umang aa raha hai ham karenge,ham karenge। humein karna hi hai। advance mein mubaarak ho। achha।

(videsh ke bahut se bhaai-bahinen pahli baar aaye hain, retreat mein aaye hue guest bhi baithe hain)

bahut achha - sab number one lene vaale hain। bahut achha,mehmaan bankar aaye aur baap ke bachche adhikaari ban gaye। adhikaari ho gaye na? adhikaari hain? bahut achha, abhi aage badhte rehna।

(hospital ke trustee se) - sabhi double trustee ho। ek pravritti mein rehte trustee aur doosra hospital mein rehte trustee। hospital ke bhi trustee to jeevan mein bhi trustee। achha hai। hospital aatmaon ki bhi seva kar rahi hai aur shareer ki bhi seva kar rahi hai। to double seva ho rahi hai isliye jo nimitta bani hui aatmaayen ho unhon ko bhi double duaayen milti rehti hain। bahut achhe plan banaaye hain na। seva ka chance lena yeh hai chancellor banna। woh chancellor nahin,roohaani yoonivaarsiti ke chancellor। achha hai।

(Australia vaale olampik game ke samay bada programme karne ka plan bana rahe hain,baapdaada ko plan dikhaaya)jahaan umang-utsaah hai aur sabki ekmat hai। to jahaan ekmat hai aur umang-utsaah hai to saphalta hai hi hai। achha hai bhale karo। foreign mein naam baala karo। bahut achha।

jo bhi sabhi bhaarat se aaye hain,to bhaarat vaalon ko to vishesh nasha hai ki baapdaada avatrit bhi bhaarat mein hote hain aur saath-saath agar milne aate hain to bhi bhaarat mein hi aate hain। to double nasha hai na! bhaarat ne hi videsh mein sandesh diya,to bhaarat ne videsh mein bhi apne parivaar ko dhoondh ek parivaar bana diya। isliye bhaaratvaasi bachchon ka sada mahattva hai aur bhaarat ka mahattva badhna hai to bhaaratvaasiyon ka mahattva to hai hi। iseelie jo bhi naye-puraane bachche aaye hain woh bahut pyaar se pahunche hain,baapdaada sabhi bachchon ka sneh aur chaaron or seva ke sahayog ko dekh khush hain aur bachche bhi sada khush hain। khush rehte ho na? kabhi khushi kam nahin karna। yeh special baap ka khazaana hai। isliye khushi kabhi nahin chhodna। sada khush। achha।

chaaron or ke sarva shreshtha bhaagyavaan,sarva shreshtha khazaanon ke maalik, sada seva aur sthiti ka balance rakhne vaale gyaani tu aatma, sarva shakti sampanna aatmaayen,sada bandhanmukta,jeevanmukta aatmaon ko baapdaada ka yaadapyaar aur namaste।