शनिवार 13 फ़रवरी 1999 की अव्यक्त मुरली

>

13-02-99 om shanti avyakt baapdaadaamdhuban

‘‘shiv avatran aur economy ke avtaar’’

aaj trimoorti shiv baap apne ati pyaare-pyaare,meethe-meethe shaaligraam bachchon se milne aaye hain। aaj ke din shiv aur shaaligraamon ka vishesh divas hai। to baap ko bachchon se milkar khushi ho rahi hai ki bachchon ka birth de baap manaane aaye hain aur bachche kehte hain ki ham baap ka birth de manaane aaye hain। baap ko bhi khushi hai,bachchon ko bhi khushi hai। kyon? kyonki yeh birth de saare kalpa mein nyaara aur pyaara hai। saare kalpa mein aisa birth de kiska bhi manaaya nahin jaata hai। baap aur bachchon ka saath mein ek hi samay par birth de ho - yeh aur kisi bhi samay va kisi ka bhi hota hi nahin hai। to pahle baapdaada bachchon ko padmapadma- padmaguna mubaarak de rahe hain। bachchon ki mubaarak to amritvele se bahutabhut dil se, dil ki mubaarak baapdaada ke paas pahunch hi gai hai। baapdaada itne sab bachchon ko,saaligraamon ko dekh yahi khushi ke geet dil mein gaate hain ki vaah sikeeldhe bachche vaah! vaah laadle bachche vaah! vaah alaukik janma, alaukik birth de manaane vaale vaah! to baapdaada har bachche ke liye vaah-vaah ka geet ga rahe hain kyonki itni saari vishwa ki aatmaon mein se kitne thode se aap bachche aise padmaapadma bhaagyavaan bane ho aur aage bhi bhaagyavaan rahenge। amar bhaagyavaan aadha kalpa rahenge। ek janma ka vardaan nahin hai, anek janma amar vardaani ban gaye। aise bachchon ko apna sva-maan kitna smriti mein rehta hai?is alaukik birth de va alaukik janma ka akhut varsa baap janmate hi bachchon ko dete hain। janmate hi smriti ka shreshtha tilak har bachche ko baap ne de diya hai। tilak laga hua hai na?brahman jeevan hai to tilak bhi avinaashi hai। braahmanon ke mastak mein tilak, yeh shreshtha bhaagya ki nishaani hai।

to aap sabhi aur chaaron or ke bachche door baithe bhi bahut umang-utsaah se yeh nyaara aur pyaara birth de mana rahe hain। mana rahe hain na?sabhi khush ho rahe hain ki baap hamaara birth de mana rahe hain aur ham baap ka mana rahe hain। kitni khushi hai! khushi ko maap sakte hain? maap hai? is duniya mein,is alaukik khushi ka koi maap karne ka saadhan nikla hi nahin hai। agar aapko kahen ki saagar jitni khushi hai? to kya kahenge?ki saagar to kuchh bhi nahin hai। achha aakaash jitni hai? to aakaash se bhi oonche aapka ghar hai, aapka sookshm vatan hai। isliye koi maap-taul nikla nahin hai, na nikal sakta hai। itni khushi hai to ek haath ki taali bajaao। (sabhi ne taali bajaai) khushi hai - ismen to sabhi ne haath uthaaya,mubaarak ho। abhi doosra prashn hai, (samajh gaye hain to hans rahe hain) baapdaada har bachche ko sada khila hua roohaani gulaab dekhne chaahte hain। aadha khila hua nahin, sada aur full। khila hua phool kitna pyaara lagta hai। dekhne mein hi maja aata hai। aur thoda bhi murjha jaata hai to kya karte ho? kinaare kar lete ho। baapdaada kinaare nahin karte lekin woh svayan hi kinaare ho jaata hai।

aaj to manaane ka din hai na! murli to sada sunte hi ho। aaj to khoob khushi mein man se naacho aur gaao। man se naacho,paanv se nahin। paanv se naachna shuru karenge to ghamsaan ho jaayega। lekin baapdaada dekh rahe hain ki bachche naach bhi rahe hain aur meethe-meethe baap ki mahima aur apne alaukik mahima ke geet bhi bahut ga rahe hain। baba ko aapke man ka aavaaz pahunch raha hai। sab deshon se aavaaz aa raha hai। baap ka aavaaz sun bhi rahe hain aur baap bhi unhon ka aavaaz sun raha hai। baap bhi kehte hain - he vishwa ke bahut-bahut snehi bachche khoob naacho, khoob gaao aur kaam hi kya hai! braahmanon ka kaam kya hai? yog lagaana bhi kya hai? mehnat hai kya? yog ka arth hi hai aatma aur paramatma ka milan। to milan mein kya hota hai?khushi mein naachte hain। baap ki mahima ke meethe-meethe geet dil automatic gaati hai। braahmanon ka kaam hi yeh hai, gaate raho aur naachte raho। yeh mushkil hai?naachna-gaana mushkil hai?nahin hai na। jisko mushkil lagta hai woh haath uthaao। aajkal to naachne-gaane ki season hai, to aapko bhi kya karna hai? naacho,gaao। sahaj hai na? sahaj hai to kaandh to hilaao। mushkil to nahin hai na?jaan-boojh kar sahaj se hatkar mushkil mein chale jaate ho। mushkil hai nahin, bahut sahaj hai kyonki baap jaante hain ki aadhaakalpa mushkil ki jeevan vyateet ki hai isliye is samay sahaj hai। mushkil vaala koi hai?kabhi-kabhi mushkil lagta hai? jaise koi chalte-chalte raasta bhoolkar aur raaste mein chala jaae to mushkil lagega na। gyaan ka maarga mushkil nahin hai। brahman jeevan mushkil nahin hai! brahman ke bajaae kshatriy ban jaate ho to kshatriy ka kaam hi hota hai ladna, jhagadna… woh to mushkil hi hoga na! yuddha karna to mushkil hota hai, mauj manaana sahaj hota hai।

double foreigners mauj manaane vaale ho na! ek haath ki taali bajaao। mauj mein ho?vahaan jaakar moonjh to nahin jaayenge? dekho,aaj ke shiv jayanti ka mahattva do baaton ka hai। ek is divas par vrat rakhte hain। double foreigners ko to manaana hi nahin pada। bhaarat mein hi manaate hain to is divas ka mahattva hai - vrat rakhna aur doosra hai jaagran karna। to aap sabne vrat bhi le liya hai na?pakka vrat liya hai? ya kabhi kachcha, kabhi pakka?kachchi cheez achhi lagti hai?paka hua sab achha lagta hai na! to vrat kya liya hai?baapdaada ne sabse pahla vrat kaun-sa diya?jab smriti ka tilak laga to pahla-pahla vrat kaun sa liya?yaad hai na?sampoorn pavitra bhav। baap ne kaha aur bachchon ne dhaaran kiya। to pavitrata ka vrat sirf brahmacharya ka vrat nahin lekin brahma samaan har sankalp, bol aur karma mein pavitrata - isko kaha jaata hai brahmachaari aur brahmaachaari। har bol mein pavitrata ka vibration samaaya hua ho। har sankalp mein pavitrata ka mahattva ho। har karma mein,karma aur yog arthaat karmayogi ka anubhav ho - isko kaha jaata hai brahmaachaari। brahma baap ko dekha har bol mahaavaakya,saadhaaran vaakya nahin kyonki aapka janma hi saadhaaran nahin, alaukik hai। alaukikta ka arth hi hai pavitrata। to roz raat ko apna teacher bankar check karo aur apne ko percentage ke pramaan apne aapko hi marks do। banna 100percent hai। lekin har roz apne aapko dekho, doosre ko nahin dekhna। baapdaada ne dekha hai ki apne bajaae doosron ko dekhne lag jaate hain, woh sahaj hota hai। to apne ko dekho ki aaj ke din sankalp,bol aur karma mein kitni percent rahi?

aap logon ne is varsha chaaron or kya sandesh diya hai? parivartan sabhi function mein sunaaya hai। jahaan tahaan bhaashan kiya hai to parivartan ke topic par bahut achhe-achhe bhaashan kiye hain। to is varsha chaaron or seva mein auron ko bhi parivartan ka lakshya bahut achhe dhoomdhaam se diya hai, baapdaada khush hain। to aap apne liye bhi yeh check karo ki har roz, har din kya percentage mein parivartan hua?parivartan chadhti kala ka ho, girti kala ka nahin। baapdaada bhi har ek bachche ka chart dekhta hai। aap sochenge sabhi bachchon ka dekhte hain ya koi vishesh ka dekhte hain! baapdaada sabhi bachchon ka chart kabhi-kabhi dekhte hain, roz nahin dekhte lekin kabhi-kabhi dekhte hain - chaahe woh last hai, chaahe fast hai। sabhi hans rahe hain to baapdaada hi suna deve ki kya chart hai?aaj ka din manaane ka hai na, isliye nahin sunaate hain। lekin aage ke liye ishaara de rahe hain ki aaj ke din ka jo mahattva hai vrat lena arthaat dridh sankalp lena। vrat ko kabhi sachche bhakta todte nahin hain। to baapdaada bachchon ko phir se aage ke liye ishaara de rahe hain ki abhi bhi pahla foundation sankalp shakti kabhi-kabhi vesta jyaada aur negative vesta se thoda kam hai। is sankalp shakti ka upayog jitna sva prati va vishwa ke prati karna hai utna aur badhaao kyonki sankalp ke aadhaar par bol aur karma hota hai to sankalp shakti ka parivartan karo। jo vesta aur negative jaata hai, use parivartan kar vishwa-kalyaan ke prati kaarya mein lagaao। baapdaada sankalp ke khazaane ko sarva shreshtha maante hain isliye is sankalp ke khazaane prati economy ke avtaar bano। aaj ke din ko avatran ka din kaha jaata hai to baapdaada ki sabhi bachchon prati yahi shubh aasha hai ki aaj ke din shiv avatran ke saath aap sabhi economy ke avtaar bano। sankalp mein economy ki arthaat vesta se bachaaya, to aur sabhi khazaane automatic bach jaayenge। to 99 mein kya hoga? 99chaalu ho gaya। pahle soch rahe the, 99 mein kya hoga? kuchh hua kya? February to aa gai। agar hoga bhi to aapko kya hai? aapko koi nuksaan hai?bhay hai? kya hoga, uska bhay hota hai?aapke liye achha hi hoga। duniya ke liye kuchh bhi ho jaae aapko nirbhay aur harshitmukh ho khel dekhna hai। khel mein khoon bhi dikhaate hain to pyaar bhi dikhaate hain। ladaai bhi dikhaate hain to achhi baaten bhi dikhaate hain। phir khel mein bhay hota hai kya? kya hoga, kya hua, kya hua? yeh sochte hain kya? maje se baithkar dekhte hain। to yeh bhi behad ka khel hai। agar jara bhi bhay va ghabraahat hogi - kya ho gaya,kya ho gaya… aisa to hona nahin chaahiye,kyon ho gaya to aisi sthiti vaale ko effect aayega। achhe mein achhi sthiti aur gadbad ki sthiti mein khud bhi gadbad mein aa jaayenge,halchal mein aa jaayenge। isliye 99 ho ya 2 hazaar ho, aapko kya hai? hone do khel। maje se dekho। ghabraana nahin। haay yeh kya ho gaya! sankalp mein bhi nahin aaye। sab poochhte hain 99 mein kya hoga? kuchh hoga, nahin hoga। baapdaada kehte hain aap logon ne hi prakriti ko seva di hai ki khoob saphaai karo,usko lamba-lamba jhaadu diya hai,sapha karo। to ghabraate kyon ho? aapke order se woh saphaai karaayegi to aap kyon halchal mein aate ho? aapne hi to order diya hai। to achal-adol ban man aur buddhi ko bilkul shaktishaali banaae achal-adol sthiti mein sthit ho jaao। prakriti ka khel dekhte chalo। ghabraana nahin। aap alaukik ho, saadhaaran nahin ho। saadhaaran log halchal mein aayenge, ghabraayenge। alaukik, master sarvashaktivaan aatmaayen khel dekhte apne vishwa-kalyaan ke kaarya mein busy rahenge। agar man aur buddhi ko free rakha to ghabraayenge। man aur buddhi se light house ho,light phailaayenge,is kaarya mein busy rahenge to busy aatma ko bhay nahin hoga,saaksheepan hoga; aur koi bhi halchal ho apne buddhi ko sada hi clear rakhna,kyon-kya mein buddhi ko busy va bhara hua nahin rakhna,khaali rakhna। ek baap aur main… tab samay anusaar chaahe patra, telephone, T.vi. va aapke jo bhi saadhan nikle hain, woh nahin bhi pahunche to baapdaada ka direction clear catch hoga। yeh science ke saadhan kabhi bhi aadhaar nahin banaana। use karo lekin saadhnon ke aadhaar par apni jeevan ko nahin banaao। kabhi-kabhi science ke saadhan hote hue bhi use nahin kar sakenge। isliye silence ka saadhan - jahaan bhi honge, jaisi bhi pirasthiti hogi bahut spashta aur bahut jaldi kaam mein aayega। lekin apne buddhi ki line clear rakhna। samjha। aap hi to aahvaan kar rahe hain ki jaldi-jaldi golden ez aa jaave। to golden ez mein yeh saphaai chaahiye na। to prakriti achhi saphaai karegi।

to aaj ke din sankalp nahin lekin dridh sankalp kya liya? economy ka avtaar banna hi hai। chaahe sankalp mein,chaahe bol mein, chaahe saadhaaran karma ki economy। aur doosri baat - sada buddhi ko clear rakhna। jisko doosre shabdon mein baapdaada kehte hain - sachchi dil par saaheb raazi। sachchi dil, saaph dil। vartamaan samay mein sachchaai aur saphaai ki aavashyakta hai। dil mein bhi sachchaai, parivaar mein bhi sachchaai aur baap se bhi sachchaai। samjha। aaj ke din kehna nahin tha lekin kah diya। baapdaada ka pyaar hai na to zara bhi kamzori baapdaada dekh nahin sakte। baapdaada sada har bachche ko apne jaisa sampoorn dekhne chaahte hain।

chaaron or halchal hai,prakriti ke sabhi tattva khoob halchal macha rahe hain, ek taraph bhi halchal se mukta nahin hain, vyaktiyon ki bhi halchal hai,prakriti ki bhi halchal hai,aise samay par jab is srishti par chaaron or halchal hai to aap kya karenge? safety ka saadhan kaun-sa hai? second mein apne ko videhi, ashareeri va aatma-abhimaani bana lo to halchal mein achal rah sakte ho। ismen time to nahin lagega? kya hoga? abhi trial karo - ek second mein man-buddhi ko jahaan chaaho vahaan sthit kar sakte ho? (drill) isko kaha jaata hai - ‘‘saadhna’’। achha।

desh-videsh ke chaaron or ke baap ke lav mein lavleen aatmaon ko, sada svayan ko brahmaachaari sthiti mein sthit karne vaale snehi,sahayogi bachchon ko, sada eknaami aur economy ko kaarya mein lagaane vaale himmatvaan bachchon ko, sada halchal mein bhi achal rahne vaale nirbhay aatmaon ko,sada mauj manaane vaale,baap ke sameep rahne vaale bachchon ko yaadapyaar aur namaste।

bachchon ke sab card mile। baapdaada dekh rahe hain, sabhi ne janma din ke card aur foreign vaalon ne pyaar ke divas ke card bheje hain, to pyaar ka saagar baap sabhi bachchon ko shivraatri ke saath-saath pyaar ke lavleen divas ki bhi mubaarak de rahe hain। mubaarak ho, mubaarak ho,mubaarak ho।

daadiyon se

foreign bhi achha aage badh raha hai। abhi bachpan poora hua। abhi achhe anubhvi ho gaye hain। pahle jo bachpan hota tha na woh abhi majority ka khatma ho gaya hai। bhaarat mein bhi vriddhi achhi hai। 9 laakh chaahiye,woh to ban rahe hain na। maala bhi ban rahi hai to 9 laakh bhi ban rahe hain। donon hi ban rahe hain। last so fast bhi koi-koi aa rahe hain। achha hai। baapdaada to last number vaale par bhi khush hain। baap ko to pahchaan liya hai।

(jhanda lahraane ke pashchaat baapdaada ke uchchaare hue madhur mahaavaakya)

aaj baap aur bachchon ke donon ke birth de ki mubaarak ho,mubaarak ho,mubaarak ho। jaise abhi sabhi khoob khushi mein naach rahe hain,aise amar bhav! jaise yeh jhanda lahraaya aur pushpon ki varsha hui, aise hi sada apne dil mein baap ki yaad ka yeh jhanda lahraata rahe। neeche oopar nahin ho। kabhi bhi yaad ka jhanda neeche nahin ho,ooncha ho। to duniya vaale aho bhaagya, aho baap yeh pushpon ki varsha duaaon ke saath aap sabke oopar karenge। to ek taraph yaad ka jhanda lahraao,doosre taraph jo aaj baap ka sandesh mila - economy ka avtaar bano, to aise dridh sankalp ka jhanda apne dil mein lahraana। aur saath mein seva ke prati sada chaaron or sarva aatmaon ke aage baap ko pratyaksha karne ka jhanda lahraana। yeh hai jhande ka mahattva। ek din aayega, aaya-ki-aaya jab sab log baap ki mahima karte,pratyakshata ke jhande ke neeche aayenge। sahaara lenge aur aap sahaare daata baap ke bachche, master sahaare daata honge। aaya-ki-aaya। achha।

chaaron or ke desh,shahar, gaanv,chaaron or ke bachchon ko, sabse pahle chhote-chhote gaanv vaale bachchon ko yaad-pyaar aur mubaarak। saath mein aap sabko bhi mubaarak। kitni mubaarak den। jitna aap dhaaran kar sakte ho usse bhi jyaada mubaarak।