सोमवार 15 नवंबर 1999 की अव्यक्त मुरली

>

15-11-99 om shanti avyakt baapdaadaamdhuban

baap samaan banne ka sahaj purooshaartha aagyaakaari bano

aaj baapdaada apne`holeehans mandali' ko dekh rahe hain। har ek bachcha holeehans hai। sada man mein gyaan-ratnon ka manan karte rehte hain। holeehans ka kaam hi hai vyartha ke kankad chhodna aur gyaan-ratnon ka manan karna। ek-ek ratna kitna amoolya hai। har ek bachcha gyaan-ratnon ki khaan ban gaye hain। gyaan ratnon ke khazaane se sada bharpoor rehte hain।

aaj baapdaada bachchon mein ek vishesh baat check kar rahe the। woh kya thi? gyaan va yog ki sahaj dhaarna ka sahaj saadhan hai baap aur daada ke `aagyaakaari'ban chalna। baap ke roop mein bhi aagyaakaari,shikshak ke roop mein bhi aur sadguru ke roop mein bhi। teenon hi roopon mein aagyaakaari banna arthaat sahaj purushaarthi banna kyonki teenon hi roopon se bachchon ko aagya mili hai। amritvele se lekar raat tak har samay, har karttavya ki aagya mili hui hai। aagya ke pramaan chalte rahe to kisi bhi prakaar ki mehnat va mushkil anubhav nahin hogi। har samay ke mansa sankalp, vaani aur karma teenon hi prakaar ki aagya spashta mili hui hai। sochne ki bhi aavashyakta nahin ki yeh karen ya na karen। yeh right hai ya wrong hai। sochne ki bhi mehnat nahin hai। parmaatma-aagya hai hi sada shreshtha। to sabhi kumaar jo bhi aaye ho, bahut achha sangathan hai। to har ek ne baap ka bante hi baap se vaayde kiye hain? jab baap ke bane hain to sabse pahle kaun-sa vaayda kiya?baba, tan-man-dhan jo bhi hai, kumaaron ke paas dhan to jyaada hota nahin phir bhi jo hai, sab aapka hai। yeh vaayda kiya hai?tan bhi, man bhi, dhan bhi aur sambandh bhi sab aapse - yeh bhi vaayda pakka kiya hai? jab tan-man-dhan, sambandh sab aapka hai to mera kya raha! phir kuchh mera-pan hai?hota hi kya hai? tan,man, dhan,jan… sab baap ke havaale kar liya। pravritti vaalon ne kiya hai? madhuban vaalon ne kiya hai? pakka hai na! jab man bhi baap ka hua,mera man to nahin hai na! ya man mera hai?mera samajhkar use karna hai?jab man baap ko de diya to yeh bhi aapke paas `amaanat' hai। phir yuddha kismen karte ho? mera man pareshaan hai,mere man mein vyartha sankalp aate hain, mera man vichlit hota hai…, jab mera hai nahin,amaanat hai phir amaanat ko mera samajh kar use karna, kya yeh amaanat mein khyaanat nahin hai? maaya ke darvaaje hain - ``main aur mera''। to tan bhi aapka nahin, phir deh-abhimaan ka main kahaan se aaya! man bhi aapka nahin, to mera-mera kahaan se aaya?tera hai ya mera hai? baap ka hai ya sirf kehna hai, karna nahin? kehna baap ka aur maanna mera! sirf pahla vaayda yaad karo ki na body-conscious ki - `main hai,na mera'। to jo baap ki aagya hai, tan ko bhi amaanat samjho। man ko bhi amaanat samjho। phir mehnat ki zaroorat hai kya?koi bhi kamzori aati hai to in do shabdon se aati hai - ``main aur mera''। to na aapka tan hai, na body-conscious ka ``main''। man mein jo bhi sankalp chalte hain agar aagyaakaari ho to baap ki aagya kya hai?positive socho, shubh bhaavna ke sankalp karo। phaaltu sankalp karo - yeh baap ki aagya hai kya?nahin। to jab aapka man nahin hai phir bhi vyartha sankalp karte ho to baap ki aagya ko practical mein nahin laaya na! sirf ek shabd yaad karo ki - `main parmaatma-aagyaakaari bachcha hoon।'baap ki yeh aagya hai ya nahin hai, woh socho। jo aagyaakaari bachcha hota hai woh sada baap ko svatah hi yaad hota hai। svatah hi pyaara hota hai। svatah hi baap ke sameep hota hai। to check karo main baap ke sameep, baap ka aagyaakaari hoon? ek shabd to amritvele yaad kar sakte ho - ``main kaun?'' aagyaakaari hoon ya kabhi aagyaakaari aur kabhi aagya se kinaara karne vaale?

baapdaada sada kehte hain ki kisi bhi roop mein agar ek baba ka sambandh hi yaad rahe, dil se nikle - `baba',to sameepta ka anubhav karenge। mantra 18muaafik nahin kaho ``baba-baba'',woh raam-raam kehte hain aap baba-baba kehte,lekin dil se nikle - `baba'!har karma karne ke pahle check karo ki man ke liye, tan ke liye ya dhan ke liye baba ki aagya kya hai? kumaaron ke paas chaahe kitna bhi thoda sa dhan hai lekin jaise baap ne aagya di hai ki dhan ka potaamel kis prakaar se rakho,vaise rakha hai?ya jaise aata vaise chalaate?har ek kumaar ko dhan ka bhi potaamel rakhna chaahiye। dhan ko kahaan aur kaise use karna hai,man ko bhi kahaan aur kaise use karna hai,tan ko bhi kahaan lagaana hai,yeh sab potaamel hona chaahiye। aap daadiyaan jab dhaarna ki class karaati hain to samjhaati hain na ki dhan ko kaise use karo! kya potaamel rakho! kumaaron ko pata hai potaamel kaise rakhna hai, kahaan lagaana hai, yeh maaloom hai? thode haath utha rahe hain, naye-naye bhi hain, inhon ko maaloom nahin hai। inhon ko yeh zaroor bataana ki kya kya karna hai! nishchint ho jaayenge,bojh nahin lagega kyonki aap sabka lakshya hai, kumaar maana light। double light। kumaaron ka lakshya hai na ki hamko number one aana hai? to lakshya ke saath lakshan bhi chaahiye। lakshya bahut ooncha ho aur lakshan nahin ho to lakshya tak pahunchna mushkil hai। isliye jo baap ki aagya hai usko sada buddhi mein rakh phir kaarya mein aao।

baapdaada ne pahle bhi samjhaaya hai ki brahman jeevan ke mukhya khajaane hain - sankalp,samay aur shvaans। aapke shvaans bhi bahut amoolya hain। ek shvaans bhi common nahin ho, vyartha nahin ho। bhakti mein kehte hain - shvaanson-shvaans apne ishta ko yaad karo। shvaans bhi vyartha nahin jaaye। gyaan ka khazaana, shaktiyon ka khazaana… yeh to hai hi। lekin mukhya yeh teenon khazaane - sankalp,samay aur shvaans - aagya pramaan saphal hote hain? vyartha to nahin jaate?kyonki vyartha jaane se jama nahin hota। aur jama ka khaata is sangam par hi jama karna hai। chaahe satayug,treta mein shreshtha pad praapta karna hai, chaahe dvaapar, kaliyug mein poojya pad paana hai lekin donon ka jama is sangam par karna hai। is hisaab se socho ki sangam samay ki jeevan ke,chhote se janma ke sankalp, samay,shvaans kitne amoolya hain?ismen albele nahin banna। jaisa aaya vaise din beet gaya, din beeta nahin lekin ek din mein bahut-bahut ganvaaya। jab bhi koi phaaltu sankalp, phaaltu samay jaata hai to aise nahin samjho - chalo 5minute gaya। bachaao। samay anusaar dekho prakriti apne kaarya mein kitni teevra hai। kuchh-na-kuchh khel dikhaati rehti hai। kahaan-na-kahaan khel dikhaati rehti hai। lekin prakritipti brahman bachchon ka khel ek hi hai - udti kala ka। to prakriti to khel dikhaati lekin brahman apne udti kala ka khel dikha rahe ho?

koi bachche ne baapdaada ko yeh udeesa ki result likhkar di,yeh hua, yeh hua…। to woh prakriti ka khel to dekh liya। lekin baapdaada poochhte hain ki aap logon ne sirf prakriti ka khel dekha ya apne udti kala ke khel mein busy rahe? ya sirf samaachaar sunte rahe? samaachaar to sab sunna bhi padta hai, parantu jitna samaachaar sunne mein interest rehta hai utna apni udti kala ki baazi mein rahne ka interest raha? kai bachche gupta yogi bhi hain,aise gupta yogi bachchon ko baapdaada ki madad bhi bahut mili hai aur aise bachche svayan bhi achal, saakshi rahe aur vaayumandal mein bhi samay par sahayog diya। jaise sthool sahayog dene vaale, chaahe government,chaahe aas-paas ke log sahayog dene ke liye taiyaar ho jaate hain,aise brahman aatmaon ne bhi apna sahayog - shakti,shanti dene ka, sukh dene ka jo eeshvareey shreshtha kaarya hai, woh kiya? jaise woh government ne yeh kiya,phalaane desh ne yeh kiya… phauran hi announcement karne lag jaate hain, to baapdaada poochhte hain - aap braahmanon ne bhi apna yeh kaarya kiya?aapko bhi alert hona chaahiye। sthool sahayog dena yeh bhi aavashyak hota hai, ismen baapdaada mana nahin karte lekin jo brahman aatmaon ka vishesh kaarya hai, jo aur koi sahayog nahin de sakta,aisa sahayog alert hoke aapne diya? dena hai na! ya sirf unhon ko vastra chaahiye,anaaj chaahiye?lekin pahle to man mein shanti chaahiye,saamna karne ki shakti chaahiye। to sthool ke saath sookshm sahayog brahman hi de sakte hain aur koi nahin de sakta hai। to yeh kuchh bhi nahin hai, yeh to rehearsal hai। real to aane vaala hai। uski rehearsal aapko bhi baap ya samay kara raha hai। to jo shaktiyaan, jo khazaane aapke paas hain, usko samay par use karna aata hai?

kumaar kya karenge?shaktiyaan jama hain? shanti jama hai? use karna aata hai?haath to bahut achha uthaate hain, abhi practical mein dikhaana। saakshi hokar dekhna bhi hai,sunna bhi hai aur sahayog dena bhi hai। aakhrin real jab part bajega, usmein saakshi aur nirbhay hokar dekhen bhi aur part bhi bajaaven। kaun-sa part?daata ke bachche, daata ban jo aatmaon ko chaahiye woh dete rahen। to master daata hain na? stock jama karo, jitna stock apne paas hoga utna hi daata ban sakenge। ant tak apne liye hi jama karte rahenge to daata nahin ban sakenge। anek janma jo shreshtha pad paana hai,woh praapta nahin kar sakte hain,iseelie ek to apne paas stock jama karo। shubh bhaavna, shreshtha kaamna ka bhandaar sada bharpoor ho। doosra - jo vishesh shaktiyaan hain,woh shaktiyaan jis samay, jisko jo chaahiye woh de sako। abhi samay anusaar sirf apne purooshaartha mein sankalp aur samay do, saath-saath daata ban vishwa ko bhi sahayog do। apna purooshaartha to sunaaya - amritvele hi yeh socho ki -`main aagyaakaari bachcha hoon!'har karma ke liye aagya mili hui hai। uthne ki, sone ki, khaane ki, karmayogi banne ki। har karma ki aagya mili hui hai। aagyaakaari banna yahi baap samaan banna hai। bas, shreemat par chalna, na manmat,na parmat। addition nahin ho। kabhi manmat par, kabhi parmat par chalenge to mehnat karni padegi। sahaj nahin hoga kyonki manmat, parmat udne nahin degi। manmat,parmat bojh vaali hai aur bojh udne nahin dega। shreemat double light banaati hai। shreemat par chalna arthaat sahaj baap samaan banna। shreemat par chalne vaale ko koi bhi paristhiti neeche nahin le aa sakti। to shreemat par chalna aata hai?achha - to kumaar abhi kya karenge?nimantran mila। special khaatiri hui। dekho, kitne laadle ho gaye ho। to abhi aage kya karenge? respond denge ya vahaan gaye to vahaan ke, yahaan aaye to yahaan ke? aise to nahin hai na?yahaan to bahut maze mein ho। maaya ke vaar se bache hue ho, aisa koi hai jisko yahaan madhuban mein bhi maaya aai ho? aisa koi hai jisko madhuban mein bhi mehnat karnarpadi ho? safe ho, achha hai। baapdaada bhi khush hote hain। samay aayega jab youth group par government ka bhi attention jaayega lekin tab jaayega jab aap vighna-vinaashak ban jaao। `vighna-vinaashak'kiska naam hai? aap logon ka hai na! vighnon ki himmat nahin ho jo koi kumaar ka saamna kare, tab kahenge `vighna-vinaashak'। vighna ki haar bhale ho,lekin vaar nahin kare। vighna-vinaashak banne ki himmat hai? ya vahaan jaakar patra likhenge daadi bahut achha tha lekin pata nahin kya ho gaya! aise to nahin likhenge?yahi khushkhabri likho - O. ke., very good, vighna-vinaashak hoon। bas ek akshar likho। jyaada lamba patra nahin। O. ke.। lamba patra ho to likhne mein bhi aapko sharma aayega। sharma aayega na ki kaise likhen,kya likhen! kai bachche kehte hain potaamel likhne chaahte hain lekin jab sochte hain ki potaamel likhen to us din koi-na-koi aisi baat ho jaati hai jo likhne ki himmat hi nahin hoti hai। baat hui kyon?vighna-vinaashak title nahin hai kya? baap kehte hain likhne se,bataane se aadha kat jaata hai। phaayda hai। lekin lamba patra nahin likho, O. ke. bas। agar kabhi koi galti ho jaati hai to doosre din vishesh attention rakh vighna-vinaashak ban phir O. ke. ka likho। lambi katha nahin likhna। yeh hua,yeh hua… isne yeh kaha,usne yeh kaha… yeh raamaayan aur unki kathaayen hain। gyaan maarga ka ek hi akshar hai, kaun-sa akshar hai? - O. ke. (OK)। jaise shivbaaba gol-gol hota hai na vaise O (O) bhi likhte hain। aur ke (K) apni kingdom। to O.ke. maana baap bhi yaad raha aur kingdom bhi yaad rahi। isliye O. ke… aur O.ke. likhkar aise nahin roz post likho aur post ka kharcha badh jaae। O.ke. likhkar apne teacher ke paas jama karo aur teacher phir 15 din va maas mein ek saath sabka samaachaar likhe। post mein itna kharcha nahin karna,bachaana hai na। aur yahaan post itni ho jaayegi jo yahaan samay hi nahin hoga। aap roz likho aur teacher jama kare aur teacher ek hi kaagaz mein likhe - O.ke. ya no (NO)। inglish nahin aati lekin O.ke. likhna to aayega, no likhna bhi aayega। agar nahin aaye to bas yahi likho ki theek raha ya nahin theek raha। to youth ki result kya aayegi? O.ke. ki aayegi? ya kahenge vahaan gaye na aisa hua, vaisa hua! aisa vaisa nahin karna। youth apni kamaal dikhaao। jo sab kahen ki number one youth group hai। to special mila? vaise party mein aate ho to saamne thode hi baithne ko milta hai। koi kahaan, koi kahaan baithte,abhi to bilkul saamne baithe ho। to is madhuban ke sneh, shakti ko bhool nahin jaana। sada kuchh bhi ho, madhuban ki refreshment ko yaad karna। aise hai youth? dekhenge। saare brahman parivaar ki nazar is samay youth par hai। youth kya kar raha hai, kya aage karta hai! sab yahi soch rahe hain।

baapdaada ko bhi yeh programme achha lag raha hai। sab khush hain? to sada khush-raazi rehna। sirf madhuban mein khush nahin rehna। baapdaada ne pahle bhi sunaaya,ki chalte-chalte koi bhi naaraaz kyon hote hain? koi-na-koi gyaan ka raaz bhoolta hai tab naaraaz hote hain। to aap to sab raaz ko samajh,soch pakke hoke ja rahe hain na! kabhi naaraaz nahin hona - na apne oopar, na koi aatma ke oopar। khush rehna। aise to nahin centre par jaakar khushi ka khazaana ek maas jama rahega phir dheere-dheere khatma ho jaayega?khatma to nahin hoga na? sada saath rakhna। achha - tan-man-dhan baap ko de diya hai na? achha,dil bhi de di hai? dil baap ko di hai?agar dil de di hai to baap jaise direction de vaise chalo, aapke paas dil - aapke liye nahin hai। to bataao jisne dil, dilaaraam ko de di woh kabhi kisi bhi aatmaon se dil lagaayega?nahin lagaayega na! to kisi se bhi dil lagi ki baaten, bol-chaal,drishti va vritti se to nahin karenge?ya thodi dil di hai thodi auron se lagaane ke liye rakhi hai?dil de di hai? to dil nahin lagaana। baap ki amaanat,dilaaraam ko dil de di। dil lagi ki kahaaniyaan bahut aati hain। to kumaar yaad rakhna, aise to pravritti vaale bhi yaad rakhna। lekin aaj kumaaron ka din hai na। to baapdaada yeh attention dilaate hain kabhi aisi report nahin aave। hamaari dil hai hi nahin, baap ko de di। to dil kaise lagegi! zara bhi agar kiski drishti,vritti kamzor ho to kamzor dil ko yahaan se hi mazboot karke jaana। ismen haan ji hai! ya vahaan jaakar kahenge ki circumstance hi aise the? kuchh bhi ho jaae। jab baapdaada se vachan kar liya,kitni bhi mushkil aave lekin vachan ko nahin chhodna। baap ke aage vachan karna,vachan lena… is baat ko bhi yaad rakhna। koi aatma ke aage vachan nahin kar rahe ho, paramatma ke aage vachan de kabhi bhi mitaana nahin। janma ki pratigya kabhi bhi bhoolna nahin।

abhi sabhi ek minute ke liye apne dil se, vaise dil to aapki nahin hai, baap ko de di hai phir bhi dil mein ek minute vachan karo ki - ``sada vighna-vinaashak,aagyaakaari rahenge।'' (drill) sabhi ne vachan kiya? achha –

double videshi haath uthaao। double videshiyon ko dekhkar aap sabhi bhi khush hote ho na। dekho aap sabko dekhkar sabhi kitne khush ho rahe hain! kyonki double videshiyon ka sangamayug par drama mein baap ko pratyaksha karne ka bahut achha part hai। baapdaada kehte hain ki double videshiyon ne baap ka ek title pratyaksha kiya। pahle the bhaarat-kalyaani aur ab hain practical mein vishwa-kalyaani। to nimitta bane na! jab videsh se kalpa pahle vaali nai-nai aatmaayen aati hain to baapdaada bhi unki visheshta va kamaal dekhte hain। baapdaada to bhaarat ke philosophy ki bhi bahut baaten sunaate hain,jo videshiyon ko bilkul pata nahin, ganesh kya hota hai,hanumaan kya hota hai,raamaayan kya, bhaagvat kya, bhakti kya, kuchh pata nahin। lekin kalpa pahle ke hone kaaran sab baaten catch kar lete hain। to catching power achhi hai। samajh jaate hain kyonki ek visheshta hai ki jo sunte hain,uska anubhav karte hain। sirf sunne par nahin chalte hain। chaahe shanti ka anubhav ho, chaahe khushi ka anubhav ho, chaahe nihsvaartha pyaar ka anubhav ho, koi-na-koi anubhav parivartan kar deta hai। to baapdaada double videshiyon ki kamaal dekhte rehte hain aur vaah bachche vaah kehte rehte hain। aur aajkal chaaron or videsh ke samaachaaron mein seva ka umang achha hai। sirf yaad aur seva mein thoda sa balance aur chaahiye। lekin phir bhi seva ka umang-utsaah achha hai, aur aage badhte rehte hain। ek aur visheshta bhi hai - kabhi bhi koi kamzori chhipaate nahin hain। saaph dil hain। isliye mekaap kar lete hain। suna - double videshiyon ne। baapdaada - vaah bachche, vaah! ka geet gaate rehte hain। general mein bhi personal videshiyon ki mulaakaat hui?phir bhi dekho circumstance ko paar karke pahunch to jaate hain। baapdaada dekhte hain majority videshi har saal aate hi hain। bhaarat vaale kabhi miss bhi kar sakte hain lekin yeh nahin karte hain। aana hi hai, kya bhi karen। dekho Russia vaalon ko bhi dekho,paisa kam hai lekin group bahut bada aata hai। to videshiyon ki himmat achhi hai। isliye har ek videshi ko baapdaada vishesh yaadapyaar aur mubaarak de rahe hain।

videsh ki teachers saamne baithi hain, inhon ko madhuban mein seva karne ka chance jyaada milta hai। achha। gujraat vaale seva mein hain। gujraat ke sevaadhaari haath uthaao। nirvighna gujraat? teachers bhi sabhi himmat vaali hain। jab bulaao tab gujraat ``ji haazar'' ka paath padhta hai। achha hai। haan ji, haanji karne vaalon ko anek janma sabhi saamne se haan ji,haan ji karenge। achha hai। dekho pahla chance gujraat ko seva ka mila hai। daadiyon ki hujjat hai, bulaao aur haajir। achha hai। achha।

madhuban mein bhi chaar paanch bhujaayen hain, to baapdaada ke paas madhuban ki visheshta pahunch gai hai। madhuban vaalon ne apne chart bheje hain। baapdaada ke paas pahunche hain। baapdaada sabhi bachchon ko,aagya maanne vaale aagyaakaari bachchon ki nazar se dekhte hain। vishesh kaarya mila aur ever ready ban kiya hai,iski vishesh mubaarak de rahe hain। achha har ek ne apna spashta likha hai। (daadi se) aap bhi result dekhkar class karaana। apni avastha ka chart achha likha hai। baapdaada to mubaarak de hi rahe hain। sachchi dil par sachcha saaheb raaji hota hai। achha –

sabhi sun rahe hain na। door-door bhi sun rahe hain। (desh-videsh mein intarnet par murli sun rahe hain) deh,desh se door bhinna-bhinna samay hote hue bhi sunne ke liye pahunch jaate hain, isliye baapdaada un sabhi bachchon ko sammukh hi dekh rahe hain। sabhi dil se sameep aur sammukh hain। achha - science ke saadhan ka phaayda to utha rahe hain na। vaastav mein yeh sab saadhan refine ho aapke hi kaam mein aayenge। lekin sangam par bhi kaarya mein le aa rahe hain,uske liye mubaarak ho। achha - chaaron or ke baapdaada ke aagyaakaari bachchon ko, sada vighna-vinaashak bachchon ko, sada shreemat par sahaj chalne vaale, mehnat se mukta rahne vaale, sada mauj mein udne aur udaane vaale,sarva khajaanon ke bhandaar se bharpoor rahne vaale aise baap ke sameep aur samaan rahne vaale bachchon ko bahut-bahut yaadapyaar aur namaste। kumaaron ko bhi vishesh athak aur ever ready, sada udti kala mein udne vaalon ko baapdaada ka vishesh yaadapyaar।

(baapdaada ne diamond haal mein baithe hue sabhi bhaai-bahinon ko drishti dene ke liye haal ka chakra lagaaya)

baapdaada ka har ek bachche se bahut-bahut-bahut pyaar hai। aise nahin samjhen ki hamaare se baapdaada ka pyaar kam hai। aap chaahe bhool bhi jaao lekin baap nirantar har bachche ki maala japte rehte hain kyonki baapdaada ko har bachche ki visheshta sada saamne rehti hai। koi bhi bachcha vishesh na ho, yeh nahin hai। har bachcha vishesh hai। baap kabhi ek bachche ko bhi bhoolta nahin hai, to sabhi apne ko;vishesh aatma hain aur vishesh kaarya ke liye nimitta hain,aise samajh ke aage badhte chalo। achha। abhi sabse milna hua, sabhi mile na!

(daadi jaanki ne jagdeesh bhaai ki yaad di)sab theek ho jaayega। bahutabhut yaad dena। phir bhi shuru se seva ki invention mein achha part bajaaya hai। visheshta dikhaane vaalon ko baap ki vishesh duaayen milti hain।

daadi jaanki se -aap to theek hain na! baapdaada ne kaha tha ``rest is best'' - yeh sada yaad rakhna। seva hai lekin aap logon ko aage bhi rehna hai। shareer aap donon ke vishesh hain। aatmaayen to vishesh ho lekin shareer bhi vishesh hain। vaise to duaayen hain sabki। parantu shareer ko bhi dekhna। jab sabko santushta karne vaali ho to shareer ko bhi to santushta karo na। achha –

daadi ji se - bahut achha chala rahi ho। baapdaada padmaguna khush hai। donon ki kamaal hai। baapdaada to hai hi। aap logon ke rom-rom mein `baba' hai,tabhi sabhi ke rom-rom mein baba ki yaad dilaane ke nimitta ho। umang-utsaah dilaane mein number one ho। baapdaada donon ko dekh bahut khush hote hain। roz anek baar aapki maala japte hain। yeh sabhi (daadiyaan) bhi saath hain। sabhi apna-apna kaam kar rahe hain। aage yeh do hain baaki saath mein aap sabhi ho। sab saathi hain। paandav bhi saathi hain। yeh dekho cabin vaale bahut achhi seva karte hain। kiske naam leven, iseelie nimitta inhon ka le lete hain, baaki hain sabhi। baapdaada agar ek-ek ki mahima kare to saari raat lag jaaye। achha।

vallabh bhaai se -(bambai mein heart ki baaeepaas surgery hui hai, 8 din mein vaapas madhuban aa gaye hain)

yogayukta hone ke kaaran,achha part bajaane ke kaaran hisaab sahaj chuktu ho gaya। lamba nahin hua। thode mein hisaab chuktu ho gaya। yeh achhi visheshta dikhaai। theek hai। bahut achha। aise lagta hai jaise hua hi nahin।

(da.banaarsi se) isko bhi punya milega। punya jama ho jaayega। achha।

kaathmaandu ki sheela behen se - (accident ke 10 varsho baad baapdaada se mil rahi hai)

(sheela behen kah rahi hain - ``mera baba'') baba bhi kehte - ``bachchi meri'' hai। aap baba ki,baba aapka। sada khush raho। sada khush rehti ho yahi visheshta hai। bahut achha।

iske baad baapdaada ko jyortilingam yaatraaon ka map dikhaaya gaya tatha baapdaada ne switch on kar launching ki aur kaha ki yeh roohaani alaukik yaatra hai। sabhi umang-utsaah mein rahkar light house bankar jaao jisse anekon ko baba ka sandesh milega।