शुक्रवार 3 मार्च 2000 की अव्यक्त मुरली

>

03-03-2000 om shanti avyakt baapdaadaamdhuban

janmadin ki vishesh gift - shubh bhaav aur prem bhaav ko emerge kar - krodh mahaashatru par vijayi bano

aaj baapdaada apne janma ke saathiyon ko,saath-saath seva ke saathiyon ko dekh harshit ho rahe hain। aaj aap sabhi ko bhi baapdaada ke alaukik janma,saath mein janma saathiyon ke janma-divas ki khushi hai,kyon? aisa nyaara aur ati pyaara alaukik janma aur kisi ka bhi ho nahin sakta। aisa kabhi bhi nahin suna hoga ki baap ka janma-din bhi vahi aur bachchon ka bhi janma-divas vahi। yeh nyaara aur pyaara alaukik heere tulya janma aaj aap mana rahe ho। saath-saath sabhi ko yeh bhi nyaara aur pyaara-pan smriti mein hai ki yeh alaukik janma aisa vichitra hai jo svayan bhagwan baap bachchon ka mana rahe hain। param aatma bachchon ka, shreshtha aatmaon ka janma-divas mana rahe hain। duniya mein kahne maatra kai log kehte hain ki hamko paida karne vaala bhagwan hai, param-aatma hai। parantu na jaante hain, na usi smriti mein chalte hain। aap sabhi anubhav se kehte ho - ham parmaatma-vanshi hain, brahma-vanshi hain। param aatma hamaara janma-divas manaate hain। ham paramatma ka janma-divas manaate hain।

aaj sab taraph se yahaan pahuche hain kislie?mubaarak dene aur mubaarak lene ke liye। to baapdaada vishesh apne janma saathiyon ko mubaarak de rahe hain। seva ke saathiyon ko bhi mubaarak de rahe hain। mubaarak ke saath-saath param-prem ke moti, heeron,javaahron dvaara varsha kar rahe hain। prem ke moti dekhe hain na। prem ke motiyon ko jaante ho na?phoolon ki varsha, sone ki varsha to sab karte hain,lekin baapdaada aap sabhi par param-prem, alaukik-sneh ke motiyon ki varsha kar rahe hain। ek guna nahin, padma-padma-padma guna dil se mubaarak de rahe hain। aap sab bhi dil se mubaarak de rahe hain,woh bhi baapdaada ke paas pahunch rahi hai। to aaj manaane ka aur mubaarak ka din hai। manaane ke samay kya karte ho? band bajaate ho। to baapdaada sabhi bachchon ke man ke khushi ki band kaho, baaje,gaane sun rahe hain। bhakta log pukaarte rehte hain aur aap bachche baap ke pyaar mein sama jaate ho। sama jaana aata hai na? yeh sama jaana hi samaan banaata hai।

baapdaada bachchon ko apne se alag nahin kar sakte। bachche bhi alag hone chaahte nahin hain lekin kabhi-kabhi maaya ke khel-khel mein thoda sa kinaara kar lete hain। baapdaada kehte hain - main tum bachchon ka sahaara hoon,lekin bachche natkhat hote hain na। maaya natkhat bana deti hai,hain nahin,maaya bana deti hai। to sahaara se kinaara kara leti hai। phir bhi baapdaada sahaara ban sameep le aate hain। baapdaada sabhi bachchon se poochhte hain ki har ek - jeevan mein kya chaahta hai?foreigners do baaton ko bahut pasanda karte hain। double foreigners ke favourite do shabd kaun se hain? (companion aur company) yeh donon pasanda hain। agar pasanda hain to ek haath uthaao। bhaarat vaalon ko pasanda hain? companion bhi zaroori hai aur company bhi zaroori hai। company bina bhi nahin rah sakte aur companion bina bhi nahin rah sakte। to aap sabko kya mila hai? companion mila hai? bolo - haan ji ya na ji? (haan ji) company mili hai? (haan ji) aisi company aur aisa companion saare kalpa mein mila tha? kalpa pahle mila tha?aisa companion jo kabhi bhi kinaara nahin karta, kitna bhi natkhat ho jaao lekin woh phir bhi sahaara hi banta hai। aur jo aapke dil ki praaptiyaan hain, woh sarva praaptiyaan poorn karta hai। koi apraapti hai? sabki dil kehti hai ya maryaada-poorvak`haan' kehte ho? gaate to ho - jo paana tha woh pa liya,ya paana hai?pa liya?abhi paane ka kuchh nahin hai ya thodi-thodi aashaayen rah gai hain? sab aashaayen poori ho gai hain ya rah gai hain? baapdaada kehta hai rah gai hain। (baap ko pratyaksha karne ki aasha rah gai hai) yeh to baap ki aasha hai ki sabhi bachchon ko maaloom paæda jaae ki baap aaya hai aur koi rah na jaaye!… to yeh baapdaada ki vishesh aasha hai ki sabhi ko kam se kam maaloom to pad jaae ki hamaara sada ka baap aaya hai। lekin bachchon ki had ki aur aashaayen poori ho gai hain,prem ki aashaayen hain। har ek chaahta hai - stage par aayen, yeh aasha hai? (ab to baba svayan sabke paas aate hain) yeh bhi aasha poori ho gai?santushta aatmaayen hain,mubaarak ho kyonki sabhi bachche samajhdaar hain। samajhte hain ki jaisa samay vaisa swaroop banaana hi hai। isliye baapdaada bhi drama ke bandhan mein to hai na! to sabhi bachche har samay anusaar santushta hain aur sada santushtamni ban chamakte rehte hain। kyon?aap svayan hi kehte ho - paana tha vo pa liya। yeh brahma baap ke aadi anubhav ke bol hain,to jo brahma baap ke bol vahi sarva braahmanon ke bol। to baapdaada sabhi bachchon ko yahi revise kara rahe hain ki sada baap ke company mein raho। baap ne sarva sambandhon ka anubhav karaaya hai। kehte bhi ho ki baap hi sarva sambandhi hai। jab sarva sambandhi hai to jaisa samay vaise sambandh ko kaarya mein kyon nahin lagaate! aur yahi sarva sambandh ka samay prati samay anubhav karte raho to companion bhi hoga, company bhi hogi। aur koi saathiyon ke taraph man aur buddhi ja nahin sakti। baapdaada offer kar rahe hain- jab sarva sambandh offer kar rahe hain to sarva sambandhon ka sukh lo। sambandhon ko kaarya mein lagaao।

baapdaada jab dekhte hain - koi-koi bachche koi-koi samay apne ko akela va thoda-sa neeras anubhav karte hain to baapdaada ko raham aata hai ki aisi shreshtha company hote,company ko kaarya mein kyon nahin lagaate?phir kya kehte?why-why (Why-Why) baapdaada ne kaha `why'nahin kaho,jab yeh shabd aata hai, why negative hai aur positive hai `fly' (Fly),to why-why kabhi nahin karna,fly yaad rakho। baap ko saath saathi banaae fly karo to bada maza aayega। woh company aur companion donon roop se saara din kaarya mein laao। aisa companion phir milega?baapdaada itne tak kehte hain - agar aap dimaag se va shareer se donon prakaar se thak bhi jaao to companion aapki donon prakaar se maalish karne ke liye bhi taiyaar hai। manoranjan karaane liye bhi ever ready hain। phir had ke manoranjan ki aavashyakta hi nahin padegi। aisa use karna aata hai va samajhte ho bade-se-bada baba hai, teacher hai, satguru hai…? lekin sarva sambandh hain। samjha - double videshiyon ne?

achha - sabhi birth de manaane aaye ho na! manaana hai na! achha jab birth de manaate ho,to jiska birth de manaate ho usko gift dete ho ya nahin dete ho? (dete hain) to aaj aap sab baap ka birth de manaane aaye ho। naam to shivraatri hai, to baap ka khaas manaane aaye ho। manaane aaye ho na? to birth de ki aaj ki gift kya di? ya sirf mombatti jalaayenge, cake kaatenge… yahi manaayenge? aaj kya gift di?ya kal denge?chaahe chhoti do, chaahe moti do, lekin gift to dete hain na! to kya di? soch rahe hain। achha deni hai?dene ke liye taiyaar ho? jo baapdaada kahega woh denge ya aap apni ichchha se denge? kya karenge? jo baapdaada kahenge woh denge ya apni ichchha se denge? (jo baapdaada kahenge woh denge) dekhna,thodi himmat rakhni padegi। himmat hai? madhuban vaale himmat hai? double foreigners mein himmat hai? haath to bahut achha utha rahe hain। achha - shaktiyon mein,paandavon mein himmat hai?bhaarat vaalon mein himmat hai?bahut achha। yahi baap ko mubaarak mil gai। achha - sunaayen। yeh to nahin kahenge ki yeh to sochna padega? ga-ga nahin karna। ek baat baapdaada ne majority mein dekhi hai। maainoriti nahin majority। kya dekha? jab koi circumstance saamne aata hai to majority mein ek, do,teen number mein krodh ka ansh, na chaahte bhi emerge ho jaata hai। koi mein mahaan krodh ke roop mein hota,koi mein josh ke roop mein hota, koi mein teesra number chidchidepan roop mein hota hai। chidchidaapan samajhte ho? woh bhi hai krodh ka hi ansh, halka hai। teesra number hai na to woh halka hai। pahla zor se hai, doosra usse thoda। phir bhaasha to aajkal sabki royal ho gai hai। to royal roop mein kya kehte hain?baat hi aisi hai na, josh to aayega hi। to aaj baapdaada sabhi se yeh gift lene chaahte hain ki - krodh to chhodo lekin krodh ka ansh maatra bhi nahin rahe। kyon? krodh mein aakar dis-service karte hain kyonki krodh hota hai do ke beech mein। akela nahin hota hai,do ke beech mein hota hai to dikhaai deta hai। chaahe mansa mein bhi kiske prati ghrina bhaav ka ansh bhi hota hai to man mein bhi us aatma ke prati josh zaroor aata hai। to baapdaada ko yeh dis-service ka kaaran achha nahin lagta hai। to krodh ka bhaav ansh maatra bhi utpanna na ho। jaise brahmacharya ke oopar attention dete ho, aise hi kaam mahaashatru,krodh mahaashatru gaaya hua hai। shubh-bhaav, prem-bhaav woh emerge nahin hota hai। phir mood oph kar denge। us aatma se kinaara kar denge। saamne nahin aayenge,baat nahin karenge। uski baaton ko thukraayenge। aage badhne nahin denge। yeh sab maaloom baahar vaalon ko bhi padta hai phir bhale kah dete hain, aaj iski tabiyat theek nahin hai,baaki kuchh nahin hai। to kya janma-divas ki yeh gift de sakte ho? jo samajhte hain koshish karenge, woh haath uthaao। saugaat dene ke liye sochenge,koshish karenge woh haath uthaao। sachchi dil par bhi saaheb raazi hota hai। (kai bhaai-bahnen khade hue) dheere-dheere uth rahe hain। sach bolne ki mubaarak ho। achha jinhonne kaha koshish karenge,theek hai koshish bhale karo lekin koshish ke liye kitna samay chaahiye? ek maas chaahiye, 6maas chaahiye, kitna chaahiye?chhodenge ya chhodne ka lakshya hi nahin hai? jinhonne kaha koshish karenge woh phir se utho। jo samajhte hain ki ham do teen maas mein koshish karke chhodenge woh baith jaao। aur jo samajhte hain 6 maas chaahiye, agar6 maas poora lage bhi to kam karna, is baat ko chhodna nahin kyonki yeh bahut zaroori hai। yeh dis-service dikhaai deti hai। mukh se nahin bolo, shakla bolti hai। isliye jinhonne himmat rakhi hai un sab par baapdaada gyaan,prem,sukh,shanti ke motiyon ki varsha kar rahe hain। achha।

baapdaada return saugaat mein yeh vishesh sabhi ko vardaan de rahe hain - jab bhi galti se bhi,na chaahte hue bhi kabhi krodh aa bhi jaae to sirf dil se -``meetha baba''shabd kehna,to baap ki extra madad himmat vaalon ko avashya milti rahegi। meetha baba kehna, sirf baba nahin kehna, ``meetha baba'' to madad milegi,zaroor milegi kyonki lakshya rakha hai na। to lakshya se lakshan aane hi hain। madhuban vaale haath uthaao। achha - karna hi hai na!(haan ji) mubaarak ho। bahut achha। aaj khaas madhuban vaalon ko toli denge। mehnat bahut karte hain। krodh ke liye nahin dete hain, mehnat ke liye dete hain। sabhi samjhenge haath uthaaya hai,isliye toli dete hain। mehnat bahut achhi karte hain। sabko seva se santushta karna, yeh to madhuban ka example hai। isliye aaj mukh meetha karaayenge। aap sab inhon ka mukh meetha dekh,meetha mukh kar lena, khushi hogi na। yeh bhi ek brahman parivaar ka culture hai। aajkal aap log `culture aaph pees' ka programme bana rahe ho na। to yeh bhi first number ka culture hai -``brahman kul ki sabhyata''। baapdaada ne dekha hai,yeh daadi jab saugaat deti hai na, usmein ek bori ka thaila hota hai। usmein likhat hoti hai -``kam bolo, dheere bolo, meetha bolo''। to aaj baapdaada yeh saugaat de rahe hain, bori vaala thaila nahin dete, vardaan mein yeh shabd dete hain। har ek brahman ke chehre aur chalan mein brahman culture pratyaksha ho। programme to banaayenge,bhaashan bhi karenge lekin pahle sva mein yeh sabhyata aavashyak hai। har ek brahman muskaraata hua har ek se samparka mein aaye। koi se kaisa, koi se kaisa nahin। kisko dekhkar apna culture nahin chhodo। beeti baaten bhool jaao। naye sanskaar sabhyata ke jeevan mein dikhaao। abhi dikhaana hai, theek hai na! (sabhi ne kaha - haan ji)

yeh bahut achha hai,double foreigners majority `haan ji' karne mein bahut achhe hain। achha hai - bhaaratvaasiyon ki to ek maryaada hi hai - ``haan ji karna।''sirf maaya ko `na ji'karo, bas aur aatmaon ko haan ji, haan ji karo। maaya ko na-ji, na-ji karo। achha। sabhi ne janma divas mana liya?manaaya,gift de di, gift le li।

achha - aapke saath-saath aur bhi jagah-jagah par sabhaayen lagi hui hain। kahaan chhoti sabhaayen hain, kahaan badi sabhaayen hain,sabhi sun rahe hain, dekh rahe hain। unhon ko bhi baapdaada yahi kehte ki aaj ke din ki aap sabne bhi saugaat di ya nahin? sab kah rahe hain,haan ji baba। achhe hain, door baithe bhi jaise saamne hi sun rahe hain kyonki science vaale jo itni mehnat karte hain, mehnat to bahut karte hain na। to sabse jyaada phaayda braahmanon ko hona chaahiye na! isliye jab se sangamayug aarambha hua hai tab se yeh science ke saadhan bhi badhte ja rahe hain। satayug mein to aapke devta roop mein yeh science seva karegi lekin sangamayug mein bhi science ke saadhan aap braahmanon ko mil rahe hain aur seva mein bhi, pratyakshata karne mein bhi yeh science ke saadhan bahut vishaal roop se sahayogi banenge। isliye science ke nimitta banne vaale bachchon ko bhi baapdaada mehnat ki mubaarak dete hain।

baaki baapdaada ne dekha madhuban mein bhi desh-videsh se bahut shobhnik- shobhnik card, patra aur koi dvaara yaadapyaar message bheje hain। baapdaada unhon ko bhi vishesh yaadapyaar aur janma divas ki padam-padam-padam-padam-padam guna mubaarak de rahe hain। sab bachche baapdaada ke naynon ke saamne aa rahe hain। aap logon ne to sirf card dekhe, lekin baapdaada bachchon ko bhi naynon se dekh rahe hain। bahut sneh se bhejte hain aur usi sneh se baapdaada ne sveekaar kiya hai। kaeeyon ne apni avasthaayen bhi likhi hain to baapdaada kehte hain - udo aur udaao। udne se sab baaten neeche rah jaayengi aur aap sada oonche te oonche baap ke saath oonche rahenge। second mein stop aur stock shaktiyon ka,gunon ka emerge karo। achha।

chaaron or ke sarva shreshtha brahman aatmaayen,sada baap ke company mein rahne vaale, baap ko companion banaane vaale snehi aatmaayen, sada baap ke gunon ke saagar mein samaane vaale samaan baapdaada ki shreshtha aatmaayen, sada second mein bindi lagaane vaale master sindhu swaroop aatmaon ko baapdaada ka yaadapyaar aur bahut-bahut mubaarak ho, mubaarak ho,mubaarak ho। namaste to baapdaada har samay, har bachche ko karte hain, aaj bhi namaste।

education wing - education vaale haath uthaao। education vaale apni shreshtha education samay prati samay pratyaksha kar rahe hain aur karte rehna kyonki aisi education jo maanav ko aisa shreshtha banaave jo ek janma nahin lekin anek janma ke liye aatma ko koi apraapti nahin rahe। aajkal ki education,educate to bana deti lekin sarva jeevan ki praaptiyaan ek janma ke liye bhi nahin kara sakti। koi bhi student ko yeh guarantee nahin ki padhaai ke baad bhavishya kya! lekin aap unhon ko spashta kar sakte ho ki is education se kya guarantee hai, praaptiyon ki। ek janma ki nahin lekin janma-janma ke liye। isliye students ko umang aur himmat ki baaten bataakar is education ke mahattva ko spashta karo। vartamaan kya milta hai aur bhavishya kya milta hai - donon hi spashta kar sakte hain aur kitni saral education hai। kam kharcha baalaansheen ki education hai। aise himmat aur khushi ki baaten bataao। samjha। achha।

youth wing - youth wing vaale haath uthaao। aap log to geet gaate ho ki youth ki kya-kya zimmevaari hai। geet bana hua hai na! youth ka vishesh vishwa-parivartan mein vishesh part hai kyonki almighty government aur aaj ki government donon ko youth mein bahut ummeeden hain। isliye youth parivartan ka stambha ban sakte hain। bahut karke youth jab koi kaarya karte hain to mashaal aage lekar aarambha karte hain। to aap brahman youth apne chalan aur chehre mein aisa mashaal dikhaao jo sabki nazar na chaahte bhi aapke oopar hi aave। abhi jahaan-jahaan bhi youth ne seva ki hai,vahaan ke sahayogi va samparka vaale group ko ikatthe karo। pahle ek-ek shahar mein karo, phir zone mein karo। phir aisa group aabu mein laana। to seva ka pratyaksha swaroop sangathan mein dikhaai de। samjha। achha।

panjaab ke sevaadhaari - achha hai yeh seva ka chance, behad ki kaarobaar sikhaata hai। satayug mein raajdhaani sambhaalenge to sambhaalne ka abhyaas to yahaan hi daalna hai na। to har ek zone ko yeh achha chance milta hai। braahmanon ko seva se santushta karne ka aur santushtata se duaayen jama karne ka। to anubhav kiya panjaab vaalon ne? sambhaalne ka anubhav hota jaata hai na! behad ka sambhaalna। centre par to had ka ho jaata hai na। behad ka raajya sambhaalna hai,uske sanskaar bharte jaate hain। seva ke saath-saath raajya chalaane ki training bhi milti rehti hai। sameep bhi aate hain। seva se sameepta svatah hi aati hai। to bahut achha kiya aur sada hi achhe te achha hona hi hai। theek hai na - panjaab vaale। teachers haath uthaao। achha laga na। panjaab ke sevaadhaari haath uthaao। sevaadhaari maataayen haath uthaao। bahut achha।

double videshi - aaj ki sabha mein double videshiyon ka group bhi bada hai aur saamne bhi baithe hain। naam hi double videshi hai। to apna orijinal videsh,to double videshi naam sunne se hi yaad aata। jab aur bhi koi aap sabhi ko double videshi kehte hain to unhon ko bhi yaad aata aur aap sabko to hai hi। double videshiyon ko baapdaada sada majority ko himmat mein aur saaph dil mein aage rakhte hain। kuchh bhi ho jaata lekin himmat rakh aage badh rahe hain aur badhte rahenge। baapdaada ko sabse sameep ratna vahi lagta hai jismen saphaai aur sachchaai hai। dil saaph aur sachchi hai to woh bachche chaahe kitna bhi door hon lekin woh sabse sameep baapdaada ke dil par rehte hain। isliye is visheshta ko sada hi saamne rakh apni visheshta ko badhaate rehna। yeh sameep aane ka bahut sahaj saadhan hai। vaise to sabhi ke liye hai, bhaaratvaasiyon ke liye bhi hai। lekin double videshiyon mein majority mein yeh visheshta hai, ab isi visheshta ko apne mein bhi badhaao aur badhaate-badhaate sameep aate-aate samaan ban hi jaana hai। theek hai na!

baapdaada sada amritvele vardaanon ki jholi le chaaron taraph chakkar lagaate hain। achha। double videshi bachchon ko vishesh himmat mein aage badhne ki aur janma-din ki double mubaarak।

(baapdaada ne apne haston se jhanda lahraaya, 64 veen shivjayanti nimitta 64mombatti jalaai tatha sabhi bachchon ko shiv jayanti ki badhaaeeyaan di)

sabhi ne apni birth de bhi manaai,jhanda bhi lahraaya। abhi har ek aatma ke dil mein yeh jhanda lahraana। aap sabke dilon mein to baap ka jhanda lahraata rehta hai, abhi vishwa kahe - ``mera baba'',yeh aavaaz, jaise nagaada bajta hai to bulanda aavaaz se bajta hai। aise hi - ``mera baba''yeh nagaada zor-shor se baje। yahi sabhi bachchon ke dil ki aash hai। hona hi hai। anek baar hua hai,ab phir se repeat hona hi hai। us din sabhi milkar kaun sa geet gaayenge? - vaah baba vaah! aur vaah drama vaah! sabke dil mein baba, baba aur baba hi hoga। dikhaai de raha hai na - woh din! dikhaai deta hai? woh din aaya ki aaya। sabhi ko mubaarak to mil gai hai। aap sabko mubaarak hai hi aur sarva ko is divas vi mubaarak dilaani hai। avatran-divas,janma-divas,parivartan-divas,pratyakshata-divas aana hi hai। achha। sabko aaj ke divas ki golden night,diamond night।

achha - omshaanti।