शुक्रवार 18 जनवरी 2002 की अव्यक्त मुरली

>

18-01-2002 om shanti avyakt baapdaadaamdhuban

sneh ki shakti dvaara samartha bano, sarva aatmaon ko sukh-shanti ki anchali do

aaj samartha baap apne smriti swaroop, samartha swaroop bachchon se milne ke liye aaye hain। aaj vishesh chaaron or ke bachchon mein sneh ki lahar lahra rahi hai। vishesh brahma baap ke sneh ki yaadon mein samaaye hue hain। yeh sneh har bachche ke is jeevan ka vardaan hai। parmaatma sneh ne hi aap sabko nai jeevan di hai। har ek bachche ko sneh ki shakti ne hi baap ka banaaya। yeh sneh ki shakti sab sahaj kar deti hai। jab sneh mein sama jaate ho to koi bhi paristhiti sahaj anubhav karte ho। baapdaada bhi kehte hain ki sada sneh ke saagar mein samaaye raho। sneh chhatrachhaaya hai,jis chhatrachhaaya ke andar koi maaya ki parchhaai bhi nahin pad sakti। sahaj maayaajeet ban jaate ho। jo nirantar sneh mein rehta hai usko kisi bhi baat ki mehnat nahin karni padti hai। sneh sahaj baap samaan bana deta hai। sneh ke peechhe kuchh bhi samaarpit karna sahaj hota hai।

to aaj bhi amritvele se har ek bachche ne sneh ki maala baap ko daali aur baap ne bhi snehi bachchon ko sneh ki maala daali। jaise is vishesh smriti divas mein arthaat sneh ke din mein sneh mein samaaye rahe aise hi sada samaaye raho,to mehnat ka purooshaartha karna nahin padega। ek hai sneh ke saagar mein samaana aur doosra hai sneh ke saagar mein thode samay ke liye dubki lagaana। to kai bachche samaaye hue nahin rehte hain, jaldi se baahar nikal aate hain। isliye sahaj mushkil ho jaata hai। to samaana aata hai?samaane mein hi maza hai। brahma baap ne sada baap ka sneh dil mein samaaya, iska yaadgaar kalkatta mein dikhaaya hai।

ab baapdaada sabhi bachchon se yahi chaahte hain ki baap ke pyaar ka saboot samaan banne ka dikhaao। sada sankalp mein samartha ho,ab vyartha ke samaapti samaaroh manaao kyonki vyartha samartha banne nahin denge aur jab tak aap 49 nimitta bane hue bachche sada samartha nahin bane hain to vishwa ki aatmaon ko samarthi kaise dilaayenge! sarva aatmaayen shaktiyon se bilkul khaali ho, shaktiyon ki bhikhaari ban chuki hain। aise bhikhaari aatmaon ko he samartha aatmaayen, is bhikhaareepan se mukta karo। aatmaayen aap samartha aatmaon ko pukaar rahi hain - he muktidaata ke bachche master muktidaata,humein mukti do। kya yeh aavaaj aapke kaanon mein nahin padta? sunne nahin aata? ab tak apne ko hi mukta karne mein busy hain kya? vishwa ki aatmaon ko behad swaroop se master muktidaata banne se svayan ki chhoti-chhoti baaton se svatah hi mukta ho jaayenge। ab samay hai ki aatmaon ki pukaar suno। pukaar sunne aati hai ya nahin aati hai? pareshaan aatmaon ko sukh-shanti ki anchali do। yahi hai brahma baap ko follow karna।

aaj vishesh brahma baap ko yaad jyaada kiya na! brahma baap ne bhi sabhi bachchon ko smriti aur samarthi swaroop se yaad kiya। kai bachchon ne brahma baap se roohroohaan karte meetha-meetha ulahna bhi diya ki aap itna jaldi kyon chale gaye? aur doosra ulahna diya ki ham sab bachchon se chhutti lekar kyon nahin gaye? to brahma baap ne bola ki mainne bhi shiv baap se poochha ki humein achaanak kyon bula liya? to baap ne bola - agar aapko kehte ki chhutti leke aao to kya aap bachchon ko chhod sakte the, ya bachche aapko chhod sakte the?aap arjun ka to yahi yaadgaar hai ki ant mein nashtomoha smriti swaroop hi rahe hain। to brahma baap muskaraaye aur bole ki yeh to kamaal thi jo bachchon ne bhi nahin samjha ki ja rahe hain aur brahma ne bhi nahin samjha ja raha hoon। saamne hote bhi donon taraph chup rahe kyonki samay pramaan san shows father ka part drama ki noondh thi, isko kehte hain vaah drama vaah! seva ka parivartan noondha hua tha। brahma baap ko bachchon ka backbone banna tha। to avyakt roop mein fast seva ka part bajaana hi tha।

vishesh aaj double videshiyon ne bahut meethe-meethe ulahne diye hain। dablap foreigners ne ulahne diye?double foreigners ne brahma baap ko bola teen saal aap rook jaate to ham dekh to lete। to brahma baap ne hansi mein bola, hansi ki - to drama se baat karo,drama ne aisa kyon kiya? lekin yeh last so fast ka example banna hi tha - chaahe bhaarat mein,chaahe videsh mein। isliye abhi last so fast ka pratyaksha saboot dikhaao। jaise aaj samartha divas manaaya,aise hi ab har din samartha divas ho। kisi bhi prakaar ki halchal na ho। jo brahma baap ne aaj ke din teen shabdon mein shiksha di, (niraakaari,nirvikaari aur niranhakaari) in teen shabdon ke shiksha swaroop bano। mansa mein niraakaari, vaacha mein nirhankaari,karmana mein nirvikaari। second mein saakaar swaroop mein aao, second mein niraakaari swaroop mein sthit ho jaao। yeh abhyaas saare din mein baar-baar karo। aise nahin sirf yaad mein baithne ke time niraakaari stage mein sthit raho lekin beech-beech mein samay nikaal is dehbhaan se nyaare niraakaari aatma swaroop mein sthit hone ka abhyaas karo। koi bhi kaarya karo, kaarya karte bhi yeh abhyaas karo ki main niraakaar aatma is saakaar karmendriyon ke aadhaar se karma kara rahi hoon। niraakaari sthiti karaavanhaar sthiti hai। karmendriyaan karanhaar hain,aatma karaavanhaar hai। to niraakaari aatma sthiti se niraakaari baap svatah hi yaad aata hai। jaise baap karaavanhaar hai aise main aatma bhi karaavanhaar hoon। isliye karma ke bandhan mein bandhenge nahin,nyaare rahenge kyonki karma ke bandhan mein phansane se hi samasyaayen aati hain। saare din mein check karo - karaavanhaar aatma ban karma kara rahi hoon?achha! abhi mukti dilaane ki machinery teevra karo।

achha - is baari jo is kalpa mein is baar aaye hain,woh haath uthaao। to naye-naye aane vaale bachchon ko baapdaada vishesh yaad-pyaar de rahe hain ki samay par baap ko pahchaan baap se varse ke adhikaari ban gaye hain। sada apne is bhaagya ko yaad rakhna ki hamne baap ko pahchaan liya।

achha - double foreigners haath uthaao। bahut achha। double foreigners ko baapdaada kehte hain ki brahma ke sankalp ki paidaais hain। ek hain direct mukh dvaara vanshaavli aur doosre hain sankalp dvaara vanshaavli। to sankalp shakti badi 51 mahaan hoti hai। jaise sankalp shakti fast hai, aise hi aapki rachna double foreigners fast purooshaartha aur fast praalabdha anubhav karne vaale hain isliye saare brahman parivaar mein double foreigners double sikeeldhe ho। bhaarat ke bhaai- bahnen aapko dekh karke khush hote hain,vaah double foreigners vaah! double foreigners ko khushi hoti hai na? kitni khushi hai? bahut hai? koi aisi cheez hi nahin hai jisse tulna kar saken। double foreign mein bhi sun rahe hain,dekh bhi rahe hain। achha hai,yeh science ke saadhan aapko behad ki seva karne mein bahut saath denge aur sahaj seva karaayenge। aapki sthaapna ke connection se hi yeh science ki bhi teevragti hui hai।

achha - sabhi paandav samartha hain na?kamzor to nahin, sab samartha hain? aur shaktiyaan,samaan baap?shakti sena ho। shaktiyon ki shakti maayaajeet banaane vaali hai।

achha। aaj vishesh shringaar karne vaale bhi aaye hain (kalkatta ke bhaai-bahnen phool lekar aaye hain, sab jagah phoolon se bahut achha shringaar kiya hai) yeh bhi sneh ki nishaani hai। achha hai apna sneh ka saboot diya। achha। teachers haath uthaao। har group mein teachers bahut aati hain। teachers ko chance achha mil jaata hai। seva ka pratyaksha phal mil jaata hai। achha hai abhi apne features dvaara sabhi ko future ka saakshaatkaar karaao। suna,kya karna hai? achha।

madhuban vaale haath uthaao - bahut achha। madhuban vaalon ko chance bahut milte hain। iseelie baapdaada kehte hain madhuban vaale hain roohaani chancellors। chancellor ho na?seva karni padegi। phir bhi sabko madhuban nivaasi raazi to kar lete hain na! iseelie baapdaada madhuban vaalon ko kabhi bhoolte nahin hain। madhuban nivaasiyon ko khaas yaad karte hain। madhuban vaalon ko kyon yaad karte hain?kyonki madhuban vaale baap ke pyaar mein majority paas hain। majority, baap se pyaar atoot hai। kam nahin hain madhuban vaale, bahut achhe hain।

Indore zone ke sevaadhaari aaye hain - Indore zone vaale haath uthaao। bahut hain, achha hai। seva karna arthaat sameep aane ka phal khaana। seva ka chance lena arthaat punya jama karna। duaayen jama karna। to sabhi sevaadhaariyon ne apna punya ka khaata jama kiya। yeh duaayen va punya extra lift ka kaam karti hain।

achha - desh va videsh jo door baithe bhi sameep hain,sabhi bachchon ko baapdaada sneh ke divas ke return mein padamguna sneh ka yaad-pyaar de rahe hain। baapdaada dekhte hain ki kahaan kya bajta hai, kahaan kya time hota hai lekin jaagti jyoti athak ban sun rahe hain aur khush ho rahe hain। baapdaada bachchon ki khushi dekh rahe hain। bolo,sabhi khushi mein naach rahe ho na? sabhi kaandh hila rahe hain, haan baba। janak bachchi bhi bahut meetha-meetha muskara rahi hai। vaise to sab baap ko yaad hain lekin kitnon ka naam len। anek bachche hain isliye baapdaada kehte hain har ek bachcha apne naam se personal yaad-pyaar sveekaar kar rahe hain aur karte rehna। achha - abhi ek second mein niraakaari sthiti mein sthit ho jaao। (baapdaada ne drill karaai)

living values ki training chal rahi hai:-achha seva ka saadhan hai। living value karaate-karaate apni lovely living ka abhyaas badhaate rehna।

achha - baapdaada aaj ek baat gulzaar bachchi ko kah rahe the, vishesh mubaarak de rahe the ki brahma tan ki seva jaisa is rath ne bhi 33 varsha poore kiye। yeh bhi drama mein part hai। baap ki madad aur bachchi ki himmat, donon milkar part bajaate hain। achha - sarva sada sneh ke saagar mein samaaye hue,sada lav mein leen rahne vaale,sada karaavanhaar aatma swaroop mein sthit rahne vaale, sada teen shabdon ke ‘‘shiv-mantra’’ko pratyaksha jeevan mein laane vaale, sada baap ke samaan master muktidaata ban vishwa ki aatmaon ko mukti dilaane vaale aise sarva shreshtha aatmaon ko baapdaada ka yaad-pyaar aur namaste।

daadi ji se

aaj ke din baap ne bachchon ko vishesh vishwa ke saamne pratyaksha kiya। baap karaavanhaar bane aur bachchon ko karanhaar banaaya। achha hai,yeh sneh ki lahar sabhi ko sama deti hai। achha - shareer ko chalaane ki vidhi aa gai hai na! chalaate-chalaate baap samaan avyakt ban jaayengi। sahaj purooshaartha hai - duaayen। saare din mein koi bhi naaraaz nahin ho, duaayen milen - yeh hai first class purooshaartha। sahaj bhi hai, first bhi hai। theek hai na! shareer kaise bhi ho lekin aatma to shaktishaali hai na! to jo aap sabhi bachchon ne 14 varsha tapasya ki, woh tapasya ka bal seva kara raha hai। abhi to aapke bahut saathi ban gaye hain। achhe-achhe seva ke saathi hain। bas aapko dekhkar khush hote hain, yahi bahut hai। theek hai।

(varishtha bade bhaaiyon se) -draamaanusaar jo seva ke plan bante hain, woh achhe ban rahe hain aur har ek sada sangathan mein sneh va duaayen lene ke liye baalak so maalik ka paath pakka kar ek do ko aage badhaate hue,ek do ke vichaaron ko bhi sammaan dete hue aage badhte hain to saphalta hi saphalta hai। saphalta to honi hi hai। lekin abhi jo nimitta aatmaayen hain unhon ko vishesh sneh ke sambandh mein laana; yeh sabke purooshaartha ko teevra banaana hai। sneh, nihsvaartha sneh, jahaan nihsvaartha sneh hai woh sammaan denge bhi aur lenge bhi। vartamaan samay sneh ki maala mein sabko pirona, yahi vishesh aatmaon ka kaarya hai aur isse hi, sneh sanskaaron ko parivartan bhi kara sakta hai। gyaan har ek ke paas hai lekin sneh kaise bhi sanskaar vaale ko sameep la sakta hai। sirf sneh ke do shabd sada ke liye unke jeevan ka sahaara ban sakta hai। nihsvaartha sneh jalda se jalda maala taiyaar kar dega। brahma baap ne kya kiya? sneh se apna banaaya। to aaj iski aavashyakta hai। hai na aise!

(soneepat ke liye meeting ho rahi hai, vahaan anubhooti karaane ke liye saadhnon ka upayog kaise karen) woh to plan bana rahe hain, har ek ke sankalp, vichaaron ko jo vishesh majority sveekaar karen,woh banaao। anubhooti tab kara sakenge jab anubhooti swaroop banenge। achha।