मंगलवार 8 अक्टूबर 2002 की अव्यक्त मुरली

> 08-10-02 om shanti avyakt baapdaadaamdhuban

“aatmik pyaar ki moorti ban shiksha aur sahayog saath-saath do” (vishesh madhuban nivaasi bhaai-bahnon se mulaakaat)

aaj pyaar ke saagar baapdaada apne master gyaan saagar bachchon se milan mana rahe hain। ye parmaatma pyaar bachchon ki paalna ka aadhaar hai। jaise parmaatma pyaar brahman jeevan ka aadhaar hai,aise hi brahman sangathan ka aadhaar aatmik pyaar hai। jo aatmik pyaar aap bachche hi anubhav kar sakte ho। aaj ke vishwa ki aatmaayen is sachche, nihsvaartha aatmik parmaatma pyaar ki pyaasi hain। aisa sachcha pyaar sivaae aap brahman aatmaon ke kisi ko praapta nahin ho sakta। pyaasi aatmaon ki pyaas poorn karne vaale apne ko har samay parmaatma pyaar va aatmik pyaar mein samaaye hue anubhav karte ho?pyaar ke daata va devta sada rahe ho?chalte-phirte aatmik pyaar ki vritti, drishti, bol,sambandh-samparka arthaat karma anubhav karte ho?kaisi bhi aatma ho lekin aap braahmanon ki natural vritti, brahman nature ban gayi hai? banaani padti hai ya ban gayi hai? follow father, follow mother। apne brahman janma ke aadi samay ko yaad karo। bhinna-bhinna nature vaale baap ke bane। pyaar ke saagar baap ne ek hi pyaar ke saagar ke swaroop ki anaadi nature se apna bana liya na! agar aap sabki bhinna-bhinna nature dekhte to apna bana sakte?to apne se poochho, meri natural nature kya hai? kisi ki bhi kamzor nature; vaastav mein brahman jeevan ki natural nature master prem ka saagar hai। jab duniya vaale bhi kehte hain ki pyaar patthar ko bhi paani karta hai,to aatmik pyaar, parmaatma pyaar le ke dene vaale, bhinna-bhinna nature ko parivartan nahin kar sakte?kar sakte hai ya nahin? peechhe vaale bolo? jo samajhte hain kar sakte hain vo ek haath uthaao। bada haath uthaao, chhota nahin। (sabhi ne haath uthaaya) achha mubaarak ho! phir circumstance aate hain। circumstance to aane hi hain। ye to brahman jeevan ke raaste ke sidescenes hain। aur sidescene kabhi ek jaise nahin hote hain। koi sundar bhi hoti hai, koi gandagi ki bhi hoti hai। lekin paar karna raahi ka kaam hai, na ki sidescene badalne ki baat hai। to baapdaada kya chaahte hain! sab jaanne mein to hoshiyaar ho gaye ho na।

aaj madhuban nivaasiyon ko vishesh chance mila hai। golden chance hai na। achha। is golden chance ka return kya?bade umang-utsaah se chance liya hai। vaise neeche baithne vaale bhi madhuban nivaasi hain (madhuban nivaasi bhaai- bahnon ke alaava anya sabhi paandav bhavan mein murli sun rahe hain) lekin aaj sirf group-group ko milne ka chance hai। itna ikattha to door-door ho jaate hain। isliye thode-thode bhaag banaaye hain। baaki hain sabhi madhuban nivaasi। jab centre par rahne vaalon ki bhi permanent address madhuban hi hai na, to brahman arthaat permanent address madhuban। ghar madhuban hai baaki seva sthaan hain। to neeche vaale aise nahin samjhen ki aaj hamko madhuban nivaasiyon se nikaal liya hai। nahin, aap sab madhuban nivaasi hain। sirf aapko saamne baapdaada dekhne chaahte hain। to chhote group mein dekh sakte hain। abhi dekho, peechhe dekhne vaale bhi itne spashta nahin dikhaai dete hain, ye najdeek vaale spashta dikhaai dete hain। lekin peechhe vaale dil se door nahin hain। neeche vaale bhi dil se door nahin hain। to baapdaada yahi chaahte hain ki vartamaan samay pramaan lav aur law ka balance rakhna padta hai,lekin law aur lav ka balance milkarke law nahin lage। law mein bhi lav mahsoos ho। jaise saakaar swaroop mein baap ko dekha। law ke saath lav itna diya jo harek ke mukh se yahi nikalta ki baba ka mere se pyaar hai। mera baba hai। law zaroor uthaao lekin law ke saath lav bhi do। sirf law nahin। sirf law se kahaan-kahaan aatmaayen kamzor hone ke kaaran dilshikasta ho jaati hain। jab svayan aatmik pyaar ki moorti banenge tab doosron ke pyaar ki, (aatmik pyaar, doosra pyaar nahin) aatmik pyaar arthaat har samasya ko hal karne mein sahayogi banna। sirf shiksha dena nahin, shiksha aur sahayog saath-saath dena - ye hai aatmik pyaar ki moorti banna। to aaj vishesh baapdaada har brahman aatma ko, chaahe desh, chaahe videsh chaaron or ke sarva bachchon ko yahi vishesh underline karte hain ki aatmik pyaar ki moorti bano। aur aatmaon ke aatmik pyaar ki pyaas bujhaane vaale daata-devta bano। theek hai na! achha।

(phir baapdaada ne madhuban vaalon se chit-chat ki tatha sabhi ko najar se nihaal karte drishti di)।

hospital, aabu nivaasi tatha party se avyakt baapdaada ki mulaakaat

sabhi apne ko khushanseeb samajhte ho?saare vishwa mein sabse bade te bada naseeb kiska hai? harek kya samajhte hain ki sabse bade te bada naseeb mera hai! har ek aisa samajhte hain? jab khushanseeb hain to khush rehte hain? sada khush rehte hain?kabhi-kabhi to nahin na! jab baapdaada ne bhaagya ka sitaara chamka diya to chamakte hue sitaare ko dekh khush rehte ho?dil mein sada khushi ke baaje bajte hain। bajte hain? kaun sa geet dil gaati hai? ``vaah mera shreshtha bhaagya'' - yeh geet gaate ho?saara kalpa aapke bhaagya ka gaayan hota rehta hai। aadhaakalpa bhaagya ki praalabdha bhogte ho aur aadha kalpa aapke bhaagya ka gaayan anek aatmaayen gaati rehti hain। sabse vishesh baat hai ki baap ko saare vishwa mein se kaun pasanda aaya? aap pasanda aaye na! kitni aatmaayen hain lekin aap hi pasanda aaye। jisko bhagwan ne pasanda kar liya, usse jyaada kya hoga! to sada baap ke saath apna bhaagya bhi yaad rakho। bhagwan aur bhaagya। saare kalpa mein aisi koi aatma hogi jisko roj yaad pyaar mile, prabhu pyaar mile। roj yaadapyaar milta hai na। sabse jyaada laadle kaun hain?aap hi laadle ho na। to sada apne bhaagya ko yaad karne se vyartha baaten bhaag jaayengi। bhagaana nahin padega, sahaj hi bhaag jaayengi।

abhi vartamaan samay ke pramaan sangamayug ke samay ka mahattva samajhkar har second apni praalabdha shreshtha banaate raho। ek second bhi vyartha nahin jaaye kyonki ek-ek second ka bahut bada mahattva hai। second nahin jaata lekin bahut samay jaata hai aur yeh samay phir nahin milna hai। samay ka parichay hai na - achhi tarah se। smriti mein rehta hai?dekho, aaj aap sabko special time mila hai na। agar ikùe aate to dikhaai bhi nahin dete। abhi dekh to rahe hain kaun-kaun hain। sab vishesh aatmaayen ho। sirf apni visheshta ko jaan visheshta ko kaarya mein lagaao। drama anusaar har brahman aatma ko koi na koi visheshta praapta hai। aisa koi nahin hai jismen koi visheshta nahin ho। to apni visheshta ko sada smriti mein rakho aur usko seva mein lagaao। harek ki visheshta, udti kala ki bahut teevra vidhi ban jaayegi। seva mein lagaana, abhimaan mein nahin aana kyonki sangam par har visheshta drama anusaar parmaatma den hai। parmaatma den mein abhimaan nahin aayega। jaise prasaad hota hai na usko koi apna nahin kahega ki mera prasaad hai, prabhu prasaad hai। ye visheshtaayen bhi prabhu prasaad hain। prasaad sirf apne prati nahin use kiya jaata hai, baanta jaata hai। baantate ho, mahaadaani ho,vardaani bhi ho। paandav bhi vardaani, mahaadaani hain, shaktiyaan bhi mahaadaani hain? ek do ghante ke mahaadaani nahin,khula bhandaar। iseelie baap ko bhola bhandaari kehte hain, khula bhandaar hai na। aatmaon ko anchali dete jaao,kitni badi line hain bhikhaariyon ki। aur aapke paas kitna bharpoor bhandaar hai? akhut bhandaar hai, khutne vaala hai kya? baantane mein economy to nahin karte?ismen phraakh dili se baanto। vyartha ganvaane mein economy karo lekin baantane mein khuli dil se baanto।

sabhi khush hain? kabhi-kabhi thoda-thoda hota hai। kabhi mood aaph, kabhi mood bahut khush aise to nahin na। follow father,baapdaada mood aaph karta hai kya? to follow father hain na। baapdaada ke paas special brahman bachchon ke liye T.vi. hai, usmein sabki bhinna-bhinna mood aati hai। kitna maja aata hoga dekhne mein! sada mahaadaani banne vaale ki mood badalti nahin hai। daata hain na, dete jaao। devta banne vaale maana dene vaale। levta nahin devta। kitne baar devta bane ho, anek baar bane ho na। to devta arthaat dene ke sanskaar vaale। koi kuchh bhi de lekin aap sukh ki anchali,shanti ki anchali prem ki anchali do। logon ke paas hai hi duhkh ashaanti to kya denge vo hi denge na। aur aapke paas kya hai - sukh-shanti। sab theek hai na! achha! milan manaaya, aise to nahin samajhte ham to peechhe aaye। special aaye ho। najdeek to madhuban ke rah rahe ho। madhuban ka gheraav to achha kiya hai।

hospital vaale bhi seva achhi kar rahe hain। shaantivan ke bhi bahut hain। party vaale sikeeldhe hain। thode hain isliye sikeeldhe hain। foreigners ke bina bhi shobha nahin hai, isliye har group mein apni shobha badhaane achha aa jaate hain। achha |

sevaadhaariyon se avyakt baapdaada ki mulaakaat

sabhi seva ke nimitta apna bhaagya banaane vaale ho kyonki is yagya seva ka punya bahut bada hai। tan se seva to karte ho lekin man se bhi seva karte raho,to double punya ho jaata hai। mansa seva aur tan ki seva। jo bhi aate hain sevaadhaariyon ki seva se vaayumandal mein dekh karke apna laabh lekar jaate hain। to jitne bhi aate hain seva ke samay, utni aatmaon ka punya ya duaayen jama ho jaati hain। aise seva karte ho,tan se bhi aur man se bhi। double sevaadhaari ho ya single, kaun ho? double। double karte ho?seva ka pratyakshaphal bhi milta rehta hai। jitna samay rehte ho, extra khushi milti hai na! to pratyaksha phal bhi khaate ho, duaayen bhi jama hoti hai, bhavishya bhi bana aur vartamaan bhi bana। baapdaada ko bhi khushi hoti hai ki bachche apni praalabdha bahut sahaj aur shreshtha bana rahe hain। bas seva, seva aur seva। aur kisi baaton mein nahin jaana। seva arthaat jama karna। jitna bhi samay milta hai to double kamaai karo। pratyakshaphal bhi, bhavishya bhi। seva ka chance bhi aap aatmaon ko praapta hai। sevaadhaariyon se baapdaada ka vishesh pyaar hota hai kyonki baapdaada bhi vishwa ka sevak hai। to samaan ho gaye na! man ko busy rakhte ho ya khaali rakhte ho? madhuban arthaat yaad aur seva। chalte-phirte man yaad mein ya seva mein busy rahe। sabhi khush rehte ho? kabheekbhi vaale to nahin ho? sada khush rahne vaale। aapki khushi ko dekh doosre bhi khush ho jaate hai। sevaadhaariyon ko bhi tarna mila, khush ho na! tarna mila na vishesh?madhuban vaalon ke nimitta aapka bhi golden chance ho gaya। svayan sada svamaan mein rah udte raho। svamaan ko kabhi nahin chhodo, chaahe jhaadu laga rahe ho lekin svamaan kya hai? vishwa ki sarva aatmaon mein shreshtha aatma hoon। to apna roohaani svamaan koi bhi kaam karte bhoolna nahin। nasha rehta hai na,roohaani nasha। ham kiske ban gaye! bhaagya yaad rehta hai na? bhoolte to nahin ho?jitna bhi samay seva ke liye milta hai utna samay ek-ek second saphal karo। vyartha nahin jaae, saadhaaran bhi nahin। roohaani nashe mein, roohaani praaptiyon mein samay jaae। aisa lakshya rakhte ho na। achha।

om shanti।