गुरुवार 14 नवंबर 2002 की अव्यक्त मुरली

>

14-11-02 om shanti avyakt baapdaadaamdhuban

“brahman jeevan ka foundation aur saphalta ka aadhaar– nishchaybuddhi”

aaj samartha baap apne chaaron or ke samartha bachchon ko dekh rahe hain। har ek bachcha samartha ban baap samaan banne ke shreshtha purooshaartha mein lage hue hain। bachchon ki is lagan ko dekh baapdaada bhi haarshit hote rehte hain। bachchon ka yeh dridhsankalpa baapdaada ko bhi pyaara lagta hai। baapdaada to bachchon ko yahi kehte ki baap se bhi aage ja sakte ho kyonki yaadgaar mein bhi baap ki pooja single hai,aap bachchon ki pooja double hai। baapdaada ke sir ke bhi taaj ho। baapdaada bachchon ke svamaan ko dekh sada yahi kehte vaah shreshtha svamaandhaari,svaraajyadhaari bachche vaah! har ek bachche ki visheshta baap ko har ek ke mastak mein chamakti hui dikhaai deti hai। aap bhi apni visheshta ko jaan, pahchaan vishwa seva mein lagaate chalo। check karo - main prabhu pasanda, parivaar pasanda kahaan tak bana hoon? kyonki sangamayug mein baap brahman parivaar rachte hain, to prabhu pasanda aur parivaar pasanda donon aavashyak hain।

aaj baapdaada sarva bachchon ke brahman jeevan ka foundation dekh rahe the। foundation hai nishchaybuddhi। isliye jahaan har sankalp mein,har kaarya mein nishchay hai vahaan vijay hui padi hai। saphalta janma siddha adhikaar ke roop mein svatah aur sahaj praapta hai। janma siddha adhikaar ke liye mehnat ki aavashyakta nahin hoti। saphalta brahman jeevan ke gale ka haar hai। brahman jeevan hai hi saphalta swaroop। saphalta hogi va nahin hogi yeh brahman jeevan ka question hi nahin hai। nishchaybuddhi sada baap ke combined hai,to jahaan baap combined hai vahaan saphalta sada praapta hai। to check karo - saphalta swaroop kahaan tak bane hain?agar saphalta mein percentage hai to uska kaaran nishchay mein percentage hai। nishchay sirf baap mein hai, yeh to bahut achha hai। lekin nishchay - baap mein nishchay,sva mein nishchay, drama mein nishchay aur saath-saath parivaar mein nishchay। in chaaron nishchay ke aadhaar se saphalta sahaj aur svatah hai।

baap mein nishchay sabhi bachchon ka hai tab to yahaan aaye hain। baap ka bhi aap sabmen nishchay hai tab apna banaaya hai। lekin brahman jeevan mein sampanna va sampoorn banne ke liye sva mein bhi nishchay aavashyak hai। baapdaada ke dvaara praapta hue shreshtha aatma ke svamaan sada smriti mein rahe ki main paramatma dvaara svamaandhaari shreshtha aatma hoon। saadhaaran aatma nahin, parmaatma svamaandhaari aatma। to svamaan har sankalp mein, har karma mein saphalta avashya dilaata hai। saadhaaran karma karne vaali aatma nahin,svamaandhaari aatma hoon। to har karma mein svamaan aapko saphalta sahaj hi dilaayega। to sva mein nishchaybuddhi ki nishaani hai - saphalta va vijay। aise hi baap mein to pakka nishchay hai, uski visheshta hai - ``nirantar main baap ka aur baap mera।'' yeh nirantar vijay ka aadhaar hai। ``mera baba''sirf baba nahin, mera baba। mere ke oopar adhikaar hota hai। to mera baba, aisi nishchaybuddhi aatma sada adhikaari hai - saphalta ki, vijay ki। aise hi drama mein bhi poora-poora nishchay chaahiye। saphalta aur samasya donon prakaar ki baaten drama mein aati hain lekin samasya ke samay nishchaybuddhi ki nishaani hai - samaadhaan swaroop। samasya ko second mein samaadhaan swaroop dvaara parivartan kar dena। samasya ka kaam hai aana,nishchaybuddhi aatma ka kaam hai samaadhaan swaroop se samasya ko parivartan karna। kyon?

aap har brahman aatma ne brahman janma lete maaya ko challenge kiya hai। kiya hai na ya bhool gaye ho? challenge hai ki ham maayaajeet banne vaale hain। to samasya ka swaroop, maaya ka swaroop hai। jab challenge kiya hai to maaya saamna to karegi na! woh bhinna-bhinna samasyaaon ke roop mein aapki challenge ko poora karne ke liye aati hai। aapko nishchaybuddhi vijayi swaroop se paar karna hai, kyon?nothing new। kitne baar vijayi bane ho?abhi ek baar sangam par vijayi ban rahe ho va anek baar bane hue ko repeat kar rahe ho? isliye samasya aapke liye nai baat nahin hai, nothing new। anek baar vijayi bane hain,ban rahe hain aur aage bhi bante rahenge। yeh hai drama mein nishchaybuddhi vijayi। aur hai - brahman parivaar mein nishchay, kyon?brahman parivaar ka arth hi hai sangathan। chhota parivaar nahin hai, brahma baap ka brahman parivaar sarva parivaaron se shreshtha aur bada hai। to parivaar ke beech,parivaar ke preet ki reeti nibhaane mein bhi vijayi। aisa nahin ki baap mera, main baba ka, sab kuchh ho gaya,baba se kaam hai, parivaar se kya kaam! lekin yeh bhi nishchay ki visheshta hai। chaar hi baaton mein nishchay, vijay aavashyak hai। parivaar bhi sabhi ko kai baaton mein majboot banaata hai। sirf parivaar mein yeh smriti mein rahe ki sab apne-apne nambarvaar dhaarna swaroop hain। variety hai। iska yaadgaar 108ki maala hai। socho - kahaan ek number aur kahaan108vaan number, kyon bana? sab ek number kyon nahin bane? 16hajaar kyon bana? kaaran?variety sanskaar ko samajh knowledgeful ban chalna, nibhaana,yahi successful stage hai। chalna to padta hi hai। parivaar ko chhodkar kahaan jaayenge। nasha bhi hai na ki hamaara itna bada parivaar hai। to bade parivaar mein badi dil se har ek ke sanskaar ko jaante hue chalna, nirmaan hoke chalna, shubh bhaavna,shubh kaamna ki vritti se chalna… yahi parivaar ke nishchaybuddhi vijayi ki nishaani hai। to sabhi vijayi ho na? vijayi hain?

double foreigners vijayi hain?haath to bahut achha hila rahe hain। bahut achha। baapdaada ko khushi hai। achha - teachers vijayi hain? ya thoda-thoda hota hai? kya karen, yeh to nahin! `kaise'ke bajaae `aise' shabd ko use karo,kaise karen nahin, aise karen। 21janma ka connection parivaar se hai। isliye jo parivaar mein paas hai, woh sabmen paas hai। to chaar hi prakaar ka nishchay check karo kyonki prabhu pasanda ke saath parivaar pasanda bhi hona ati aavashyak hai। number in chaaron nishchay ke percentage anusaar milna hai। aise nahin main baba ki,baba mera,bas ho gaya। aisa nahin। mera baba to bahut achha kehte ho aur sada is nishchay mein atal bhi ho,iski mubaarak hai lekin teen aur bhi hain। teachers, chaar hi zaroori hain ki nahin? aise to nahin teen zaroori hai ek nahin? jo samajhte hain chaaron hi nishchay zaroori hain woh ek haath uthaana। sabhi ko chaaron hi baaten pasanda hain? jisko teen baaten pasanda hon woh haath uthaao। koi nahin। nibhaana mushkil nahin hai? bahut achha। agar dil se haath uthaaya to sab paas ho gaye। achha।

dekho,kahaan-kahaan se, bhinna-bhinna desh ki taaliyaan madhuban mein ek vriksha ban jaata hai। madhuban mein yaad rehta hai kya, main dilli ki hoon,main kanaartak ki hoon, main gujraat ki hoon…! sab madhuban nivaasi hain। to ek jhaad ho gaya na। is samay sab kya samajhte hain, madhuban nivaasi ho ya apne-apne desh ke nivaasi ho?madhuban nivaasi ho? sabhi madhuban nivaasi ho, bahut achha। vaise bhi har braahmanon ki permanent address to madhuban hi hai। aapki permanent address kaun si hai? baambe hai? dilli hai? panjaab hai? madhuban permanent address hai। yeh to seva ke liye sevaakendra mein bheja gaya hai। woh seva ke sthaan hain,ghar aapka madhuban hai। aakhir bhi asylum kahaan milna hai?madhuban mein hi milna hai। iseelie bade-bade sthaan bana rahe hain na!

sabhi ka lakshya baap samaan banne ka hai। to saare din mein yeh drill karo - man ki drill। shareer ki drill to shareer ke tandaroosti ke liye karte ho, karte raho kyonki aajkal davaaeeyon se bhi exercise aavashyak hai। woh to karo aur khoob karo time par। seva ke time exercise nahin karte rehna। baaki time par exercise karna achha hai। lekin saath-saath man ki exercise baar-baar karo। jab baap samaan banna hai to ek hai - niraakaar aur doosra hai - avyakt pharishta। to jab bhi samay milta hai second mein baap samaan niraakaari stage par sthit ho jaao,baap samaan banna hai to niraakaari sthiti baap samaan hai। kaarya karte pharishta bankar karma karo, pharishta arthaat double light। kaarya ka bojh nahin ho। kaarya ka bojh avyakt pharishta banne nahin dega। to beech-beech mein niraakaari aur pharishta swaroop ki man ki exercise karo to thakaavat nahin hogi। jaise brahma baap ko saakaar roop mein dekha - double light। seva ka bhi bojh nahin। avyakt pharishta roop। to sahaj hi baap samaan ban jaayenge। aatma bhi niraakaar hai aur aatma niraakaar sthiti mein sthit hogi to niraakaar baap ki yaad sahaj samaan bana degi। abhi-abhi ek second mein niraakaari sthiti mein sthit ho sakte ho? ho sakte ho? (baapdaada ne drill karaai) yeh abhyaas aur attention chalte phirte, karma karte beech-beech mein karte jaana। to yeh practice mansa seva karne mein bhi sahayog degi aur powerful yog ki sthiti mein bhi bahut madad milegi। achha -

double foreigners se - dekho double foreigners ko is season mein kaarne- akaarne sab group mein chance mila hai। har group mein aa sakte hain,freedom hai। to yeh bhaagya hai na, double bhaagya hai। to is group mein bhi baapdaada dekh rahe hain kuchh pahli baari bhi aaye hain,kuchh pahle vaale bhi aaye hain। baapdaada ki drishti sabhi foreigners ke oopar hai। jitna pyaar aapka baap se hai, baap ka pyaar aapse padmaguna hai। theek hai na! padmaguna hai? aapka bhi pyaar, dil ka pyaar hai tab yahaan pahunche ho। double foreigners is brahman parivaar ka shringaar hain। special shringaar ho। har desh mein baapdaada dekh rahe hain - yaad mein baithe hain, sun bhi rahe hain to yaad mein bhi baithe hain। bahut achha।

teachers - teachers ka jhunda bhi bada hai। baapdaada teachers ko ek title dete hain। kaun-sa title dete hain? (phraindas) phraindas to sabhi hain hi। double foreigners to pahle phraindas hain। inhon ko friend ka sambandh achha lagta hai। teachers jo yogya hain, sabhi ko nahin,yogya teachers ko baapdaada kehte hain – yeh guroobhaai hain। jaise bade bachche baap ke samaan ho jaate hain na, to teachers bhi guroobhaai hain kyonki sada baap ki seva ke nimitta bane hue hain। baap samaan sevaadhaari hain। dekho, teachers ko baap ka sinhaasan milta hai murli sunaane ke liye। guru ki gaddi milti hai na! isliye teachers arthaat nirantar sevaadhaari। chaahe mansa,chaahe vaacha,chaahe sambandh-samparka dvaara karmana - sada sevaadhaari। aise hai na! aaraam pasanda to nahin na! sevaadhaari। seva, seva aur seva। theek hai na? achha।

seva mein dilli, aagra ka tarna hai -aagra saathi hai। dilli ka lashkar to bahut bada hai। achha - dilli mein sthaapna ka foundation pada,yeh to bahut achha। abhi pratyakshata baap ki karne ka foundation kahaan se hoga?dilli se ya mahaaraashtra se? karnaatak se, landan se… kahaan se hoga? dilli se hoga? karo nirantar seva aur tapasya। seva aur tapasya donon ke balance se pratyakshata hogi। jaise seva ka dialogue banaaya na, aise dilli mein tapasya ka varnan karne ka dialogue banaao tab kahenge dilli, dilli hai। dilli baap ki dil to hai lekin baap ke dil pasanda kaarya karke bhi dikhaayenge। paandav karna hai na? karenge,zaroor karenge। tapasya aisi karo jo sab patang baba, baba kehte dilli ke vishesh sthaan par pahunch jaaen। parvaane baba-baba kehte aaven tab kahenge pratyakshata। to yeh karna hai,agle saal yeh dialogue karna hai, yeh result sunaani hai ki kitne parvaane baba-baba kehte svaaha hue। theek hai na? bahut achha, maataayen bhi bahut hain।

kumaar-kumaariyaan - kumaar aur kumaariyaan,to aadha haal kumaarkumaari yaan hain। shaabaas kumaar-kumaariyon ko। bas kumaar kumaariyaan jvaala roop ban - aatmaon ko paavan bana dene vaale। kumaar aur kumaariyon ko taras padna chaahiye, aaj ke kumaar aur kumaariyon par,kitne bhatak rahe hain। bhatke hue hamjinsa ko raaste par lagaao। achha,jo bhi kumaar aur kumaari aaye hain unmein se is saare varsha mein jisne aatmaon ko seva mein aap samaan banaaya hai woh bada haath uthaao। kumaariyon ne aap samaan banaaya hai? achha plan bana rahi hain। yeh hostel vaali haath utha rahi hain। abhi seva ka saboot nahin laaya hai। to kumaar aur kumaariyon ko seva ka saboot laana hai। theek hai!

adhar kumaar -adharkumaar bhi kam nahin hain। adharkumaar kya seva ki naveenta dikhaayenge?adharkumaar vishwa mein yeh challenge karke dikhaaven ki saare kalpa mein jo kaarya hua hai usse anokha kaarya abhi ho raha hai। adharkumaar pravritti mein rehte challenge karen ki donon saath rehte bhi svapna tak bhi pavitra rah sakte hain। yeh vishwa mein challenge karo jo asambhav samajhte hain woh sambhav karke dikhaao। asambhav samajhte hain na। woh kehte hain aag aur kapoos ikatthi nahin rah sakti hai। aur aap kya kehte ho? saath rehte bhi pavitra rah sakte hain। aisi challenge hai?kamzor to nahin hain na! svapna mein bhi sankalp maatra nahin ho tab challenge hogi। woh bhi din aayega jo bade-bade mahaamandaleshvar aapke charnon mein jhukenge। lekin aise sampanna banna hai। achha hai adharkumaaron ki sankhya bhi kam nahin hai,bahut hai। brahman parivaar ki shobha hai। achha।

achha abhi rah gai -bholaanaath ki meethi-meethi maataayen, achha dekho daadi dekho kitni maataaon ka jhunda hai। bahut achha jhunda hai। T.vi. mein dikhaao sabhi ko। science ke saadhan se phaayda to utha rahe hain। achha haishakti sena। shaktiyon ki vijay ho, vijay ho, vijay ho। dekho baapdaada ne abla se shaktiyaan bana diya। abhi apne ko abla to nahin samajhtena! shakti hain। to shaktiyaan to hain hi vijayi। shaktiyon ko vijay ki nishaani shastra dikha diye hain। shaashtradhaari shaktiyaan arthaat sarva shaktiyon dhaareeshaktiyaan। to sada apne ko sarva shakti swaroop anubhav karo। aapka yaadgaar sarva shaktiyon ka soochak hai। to aise hai na? sab shaktiyaan, shakti sampanna hain?bahut achha। vijayi hai aur sada vijayi rahengi। achha।

abhi to koi nahin kahenge ki ham baba se mile nahin। sabse mile na। sabse milan ho gaya।

Indore hostel ki kumaariyaan -kumaari woh jo aatmaon ke 21 kul ka uddhaar kare। to kitni aatmaon ke 21 kul sudhaare hain? seva karte ho ya sevaadhaari ban rahe ho? taiyaar ho rahe ho achha hai। phir bhi dekho jab bhi kuchh hota hai to aapko nimantran milta hai na। vishesh aatma ho gai na। vishesh nimantran dekar aapko bulaaya jaata hai, to bahut achha hai। svayan bhi shakti roop ban rahi ho aur doosron ko bhi banaane mein bhi aise hi hoshiyaar ban jalva dikhaayengi। achha hai। mubaarak ho।

political wing ke aaye hain - bahut achha kiya jo apne ghar mein pahunch gaye hain। host ho ya guest ho? (host) baap ka ghar so bachche ka ghar,iseelie host ho।

achha - chaaron or ke vijayi ratnon ko, sada nishchay buddhi sahaj saphalta moorta bachchon ko, sada mera baba ke adhikaar se har seva mein saphalta praapta karne vaale saphalta moorta bachchon ko, sada samaadhaan swaroop, samasya ko parivartan karne vaale parivartak aatmaayen,aise shreshtha bachchon ko sada baap ko pratyaksha karne ke plan ko practical mein laane vaale bachchon ko baapdaada ka yaadapyaar, mubaarak,akshoni baar mubaarak aur namaste।

daadi ji se - sabka aapse pyaar hai,baap ka bhi aapse pyaar hai। (ratanmohini daadi se) sahayogi banne se bahut kuchh sookshm mein praapta hota hai। aise hai na! aadi ratan hain। aadi ratan ab tak bhi nimitta hain। achha -

naaraayan daada se -(koi aagya) aagya yahi hai - balance rakho। alaukik aur laukik donon mein balance rakho। yeh balance jo hai woh svatah hi blessing dilaata rahega।

om shanti