सोमवार 17 मार्च 2003 की अव्यक्त मुरली

>

17-03-03 om shanti avyakt baapdaadaamdhuban

“is varsha - svamaan mein rehna, sammaan dena, sabka sahayogi banna aur samartha banaana”

aaj bhaagya vidhaata baapdaada chaaron or ke har ek bachche ke mastak mein bhaagya ki teen lakeeren dekh rahe hain। ek parmaatma paalna ki bhaagyavaan lakeer, doosri sat shikshak ki shreshtha shiksha ki bhaagyavaan lakeer, teesri shreemat ki chamakti hui lakeer। chaaron or ke bachchon ke mastak beech teenon lakeeren bahut achhi chamak rahi hain। aap sabhi bhi apne teenon bhaagya ki lakeer ko dekh rahe hain na। jab bhaagya vidhaata aap bachchon ka baap hai to aapke sivaae shreshtha bhaagya aur kiska ho sakta hai! baapdaada dekh rahe hain vishwa ki anek karod aatmaayen hain lekin un karodon mein se 6laakh parivaar… kitne thode hain! koton mein koi ho gaye na! vaise har maanav ke jeevan mein yeh teenon baaten paalna,padhaai aur shreshtha mat,teenon hi aavashyak hain। lekin yeh parmaatma paalna aur dev aatmaayen va maanav aatmaon ki mat, paalna,padhaai mein raat-din ka antar hai। to itna shreshtha bhaagya jo sankalp mein bhi nahin tha lekin ab har ek ka dil gaata hai - pa liya। pa liya va paana hai? kya kahenge? pa liya na! baap bhi aise bachchon ke bhaagya ko dekh haarshit hote hain। bachche kehte vaah baba vaah! aur baap kehte vaah bachche vaah! bas isi bhaagya ko sirf smriti mein nahin rakhna hai lekin sada smriti swaroop rehna hai। kai bachche sochte bahut achha hain lekin sochna swaroop nahin banna hai,smriti swaroop banna hai। smriti swaroop so samartha swaroop hai। sochna swaroop samartha swaroop nahin hai।

baapdaada bachchon ki bhinna-bhinna leela dekhte muskaraate rehte hain। koi- koi sochta swaroop rehte hain,smriti swaroop sada nahin rehte। kabhi sochta swaroop,kabhi smriti swaroop। jo smriti swaroop rehte hain woh nirantar natural swaroop rehte hain। jo sochta swaroop rehte hain unhein mehnat karni padti hai। yeh sangamayug mehnat ka yug nahin hai, sarva praaptiyon ke anubhvon ka yug hai। 63janma mehnat ki lekin ab mehnat ka phal praapta karne ka yug arthaat samay hai।

baapdaada dekh rahe the ki dehbhaan ki smriti mein rahne mein kya mehnat ki - main phalaana hoon,main phalaana hoon… yeh mehnat ki? natural raha na! nature ban gai na body conscious ki! itni pakki nature ho gai jo abhi bhi kabhi-kabhi kai bachchon ko aatma-abhimaani banne ke samay body kaansesnes apne taraph aakarshit kar leti hai। sochte hain main aatma hoon, main aatma hoon, lekin dehbhaan aisa natural raha hai jo baar-baar na chaahte,na sochte dehbhaan mein aa jaate hain। baapdaada kehte hain ab marjeeva janma mein aatma-abhimaan arthaat dehi-abhimaani sthiti bhi aise hi nature aur natural ho। mehnat nahin karni pade - main aatma hoon, main aatma hoon। jaise koi bhi bachcha paida hota hai aur jab use thoda samajh mein aata hai to usko parichay dete hain aap kaun ho,kiske ho,aise hi jab brahman janma liya to aap brahman bachchon ko janmate hi kya parichay mila? aap kaun ho? aatma ka paath pakka karaaya gaya na! to yeh pahla parichay natural nature ban jaae। nature natural aur nirantar rehti hai, yaad karna nahin padta। aise har brahman bachche ki ab samay pramaan dehi- abhimaani stage natural ho। kai bachchon ki hai, sochna nahin padta, smriti swaroop hain। ab nirantar aur natural smriti swaroop banna hi hai। last antim paper sabhi braahmanon ka yahi chhota-sa hai - ''nashtomoha smriti swaroop।``

to is varsha mein kya karenge?kai bachche poochhte hain - is varsha mein kya vishesh lakshya rakhen? to baapdaada kehte hain sada dehi-abhimaani,smriti swaroop bhav। jeevanmukti to praapta honi hi hai lekin jeevanmukta hone ke pahle mehnat mukta bano। yeh sthiti samay ko sameep laayegi aur aapke sarva vishwa ke bhaai aur bahnon ko duhkh, ashaanti se mukta karegi। aapki yeh sthiti aatmaon ke liye muktidhaam ka darvaaja kholegi। to apne bhaai bahnon ke oopar raham nahin aata! kitna chaaron or aatmaayen chilla rahi hain to aapki mukti sarva ko mukti dilaayegi। yeh check karo - natural smriti so samartha swaroop kahaan tak bane hain?samartha swaroop banna hi vyartha ko sahaj samaapta kar dega। baar-baar mehnat nahin karni padegi।

abhi is varsha baapdaada bachchon ke sneh mein koi bhi bachche ki kisi bhi samasya mein mehnat nahin dekhne chaahte। samasya samaapta aur samaadhaan samartha swaroop। kya yeh ho sakta hai?bolo daadiyaan ho sakta hai? teachers bolo, ho sakta hai? paandav ho sakta hai?phir bahaana nahin bataana,yeh tha na, yeh hua na! yeh nahin hota to nahin hota! baapdaada bahut meethe-meethe khel dekh chuke hain। kuchh bhi ho, himaalay se bhi bada, sau guna samasya ka swaroop ho,chaahe tan dvaara, chaahe man dvaara, chaahe vyakti dvaara, chaahe prakriti dvaara samasya, par-sthiti aapki sva-sthiti ke aage kuchh bhi nahin hai aur sva-sthiti ka saadhan hai - svamaan। natural roop mein svamaan ho। yaad nahin karna pade, baarbaar mehnat nahin karni pade, nahin-nahin main svadarshan chakradhaari hoon,main noore ratna hoon, main diltakhtansheen hoon… hoon hi। aur koi hone hain kya! kalpa pahle kaun bane the? aur bane the ya aap hi bane the? aap hi the, aap hi hain, har kalpa aap hi banenge। yeh nishchit hai। baapdaada sab chehre dekh rahe hain yeh vahi kalpa pahle vaale hain। is kalpa ke ho ya anek kalpa ke ho? anek kalpa ke ho na! ho? haath uthaao jo har kalpa vaale hain?phir to nishchit hai na,aapko to paas certificate mil gaya hai na ki lena hai?mil gaya hai na? mil gaya hai ya lena hai? kalpa pahle mil gaya hai, abhi kyon nahin milega। to yahi smriti swaroop bano ki certificate mila hua hai। chaahe paas with honour ka, chaahe paas ka, yeh pharka to hoga,lekin ham hi hain। pakka hai na! ki train mein jaate-jaate bhoolta jaayega,plen mein jaake ud jaayega? nahin।

jaise dekho is varsha sankalp dridh kiya ki shivraatri chaaron or umang- utsaah se manaani hai,mana li na! dridh sankalp se jo socha woh ho gaya na! to yeh kis baat ki kamaal hai? ekta aur dridhta। socha tha 67 programme karne ka lekin baapdaada ne dekha ki usse bhi jyaada kai bachchon ne programme kiye hain। yeh hai samartha swaroop ki nishaani, umang-utsaah ka pratyaksha pramaan। svatah hi chaaron or kar liya na! aise hi sab milkar ek do ko himmat badhaake yeh sankalp karo - ab samay ko sameep laana hi hai। aatmaon ko mukti dilaani hai। lekin tab hoga jab aap sochna smriti swaroop mein laayenge।

baapdaada ne suna hai ki foreign vaalon ki bhi vishesh sneh milan va meeting hai aur bhaarat vaalon ki bhi meeting hai to meeting mein sirf seva ke plan nahin banaana, banaana lekin balance ka banaana। aisa ek do ke sahayogi bano jo sabhi master sarvashaktivaan ban aage udte chalen। daata bankar sahayog do। baaten nahin dekho, sahayogi bano। svamaan mein raho aur sammaan dekar sahayogi bano kyonki kisi bhi aatma ko agar aap dil se sammaan dete ho, yeh bahut-bahut bada punya hai kyonki kamzor aatma ko umang-utsaah mein laaya to kitna bada punya hai! gire hue ko giraana nahin hai, gale lagaana hai arthaat baahar se gale nahin lagaana, gale lagaana arthaat baap samaan banaana। sahayog dena।

to poochha hai na ki is varsha kya-kya karna hai? bas sammaan dena aur svamaan mein rehna। samartha ban samartha banaana। vyartha ki baaton mein nahin jaana। jo kamzor aatma hai hi kamzor,uski kamzori ko dekhte rahenge to sahayogi kaise banenge! sahayog do to duaayen milengi। sabse sahaj purooshaartha hai,aur kuchh bhi nahin kar sakte ho to sabse sahaj purooshaartha hai - duaayen do,duaayen lo। sammaan do aur mahima yogya bano। sammaan dene vaala hi sarva dvaara maanneey bante hain। aur jitna abhi maanneey banenge, utna hi raajya adhikaari aur poojya aatma banenge। dete jaao lene ka nahin, lo aur do yeh to business vaalon ka kaam hai। aap to daata ke bachche ho। baaki baapdaada chaaron or ke bachchon ki seva ko dekh khush hai,sabhi ne achhi seva ki hai। lekin abhi aage badhna hai na! vaani dvaara sabhi ne achhi seva ki,saadhnon dvaara bhi achhi seva ki result nikaali। anek aatmaon ka ulhana bhi samaapta kiya।

saath-saath samay ke teevragti ki raphtaar dekh baapdaada yahi chaahte hain ki sirf thodi aatmaon ki seva nahin karni hai lekin vishwa ki sarva aatmaon ke muktidaata nimitta aap ho kyonki baap ke saathi ho,to samay ki raphtaar pramaan abhi ek hi samay ikattha teen sevaayen karni hain :- ek vaani, doosra sva shaktishaali sthiti aur teesra shreshtha roohaani vibration jahaan bhi seva karo vahaan aisa roohaani vibration phailaao jo vibration ke prabhaav mein sahaj aakarshit hote rahen। dekho, abhi last janma mein bhi aap sabke jad chitra kaise seva kar rahe hain? kya vaani se bolte?vibration aisa hota jo bhakton ki bhaavna ka phal sahaj mil jaata hai। aise vibration shaktishaali hon, vibration mein sarva shaktiyon ki kirnen phailti hon, vaayumandal badal jaae। vibration aisi cheez hai jo dil mein chhaap lag jaati hai। aap sabko anubhav hai kisi aatma ke prati agar koi achha ya bura vibration aapke dil mein baith jaata hai to kitna samay chalta hai? bahut samay chalta hai na! nikaalne chaaho to bhi nahin nikalta hai, kiska bura vibration baith jaata hai to sahaj nikalta hai? to aapka sarva shaktiyon ki kirnon ka vibration,chhaap ka kaam karega। vaani bhool sakti hai,lekin vibration ki chhaap sahaj nahin nikalti hai। anubhav hai na! hai na anubhav?

yeh gujraat ne,baambe ne jo umang-utsaah dikhaaya, usko bhi baapdaada padam-padmaguna mubaarak dete hain। kyon? visheshta kya rahi? kyon mubaarak dete hain? function to bade-bade karte rehte ho lekin khaas mubaarak kyon de rahe hain? kyonki donon taraph ki visheshta rahi - ekta aur dridhta ki। jahaan ekta aur dridhta hai vahaan ek varsha ke bajaae ek maas varsha ke samaan hai। suna - gujraat aur baambe ne।

gujraat - gujraat vaale bahut hain। seva ka tarna hai। gujraat se 4500 aaye hain। (aaj ki sabha mein kareeb 18-19 hajaar bhaai bahnen diamond haal mein murli sun rahe hain) sabhi ko mubaarak ho। sirf teachers ko nahin, pahle aap logon ko,agar aapka sahayog nahin hota na, to teachers bhi kya karti। iseelie gujraat ke sarva bachchon ko abhi ke golden chance ki bhi mubaarak hai aur seva ki bhi mubaarak hai, aise hi sada sva unnati mein, seva ki unnati mein ek ne kaha, doosre ne haan ji kiya, aise sada ekta aur dridhta se badhte rehna। mubaarak ho, mubaarak ho। achha।

mumbai, mahaaraashtra - (baambe ke shivaaji park mein kareeb 75-80hajaar ka vishaal sangathan hua)achha mubaarak to mil gai। baapdaada donon ko bahut-bahut,mahaaraashtra,baambe,aandhrapradesh sabhi ko, sarva brahman parivaar ki taraph se aur baapdaada ki taraph se gujraat aur mahaaraashtra ko dil ki bahut-bahut duaayen ho। yeh dil ki duaayen,sada dil mein umang-utsaah badhaati rahengi। theek hai na paandav! sabhi ne bahut achhi seva ki। sabke sahayog se laakhon ka programme saphal hua। achha।

business industry varga -baapdaada business varga vaalon ko vishesh sankalp de rahe hain, kyonki business vaalon ke paas graahak to lene ke liye aate hi hain, aapko jaana nahin padta hai, aate hi hain। to jo bhi sambandh-samparka mein aate hain unhon ko kam se kam sandesh dete raho, har ek business ya industry vaale ne apna-apna card chhapaaya hua hai, jismen achhe se achha short mein gyaan ka slogan ho, address ho aur do shabdon mein nimantran ho। aise sabne apna-apna card chhapaaya hai, jisne chhapaaya hai woh haath uthaao। itnon ne chhapaaya hi nahin hai। business vaale to ghar baithe seva kar sakte hain। ulhana to nahin denge ki ham graahak bankar aapke paas aaye, hamko sandesh bhi nahin diya। to card zaroor chhapaana। aisa sundar card chhapaana jo vesta paper box mein koi daale nahin, sambhaal ke rakhe। aur businessman ko sauda karaana to bahut achha aata hai na, businessman woh achha hai jo koi bhi graahak ko saude ke bina vaapas nahin bheje। to aap bhagwan se sauda nahin karaate ho! sirf kapde ka aur cheejon ka karaate ho! businessman bahut hi aatmaon ko sahayogi bana sakte ho aur sahayogi se dheere-dheere yogi bhi ban jaayenge। to sahayogi ki list har ek ko is varsha mein banaani hai। har ek businessman ne kitni aatmaon ko sandesh diya, kitni aatmaon ko sahayogi banaaya,kitni aatmaon ko sahajyogi banaaya? theek hai, karenge?daadi kehti hai na sankhya badhaao to har ek businessman bhi sankhya badha sakta hai। theek hai na। abhi baapdaada bhi result dekhenge। aise nahin sochna baapdaada ko pata kya padega। baapdaada dekhta hai, vatan mein baithkar bhi dekh sakta hai। poochhne ki bhi jaroorat nahin padegi। to business vaale kamaal karenge na। jo achha kaam karte hain to unke liye kehte hain mukh mein gulaab aur baapdaada kehte hain businessman ke mukh mein gulaabjaamun। pad gaya mukh mein! achha।

sport wing (khelkood prabhaag) -khel-kood bhi chaahiye zaroor। aap kaun sa khel karaate ho?khel dekhte ho ya karaate bhi ho? dekhte to sabhi hain,aajkal to sabhi dekhne mein mashgool (magan) rehte hain। baapdaada ko pata hai। achha yeh bhi bahut zaroori hai kyonki aajkal aatmaon mein tension bahut hai to khelkood bhi chaahiye na। baapdaada ne suna ki foreign mein ek bachche ne bachchon ke liye khel bahut achha banaaya hai। kisne banaaya hai? baapdaada ko samaachaar mila aur baapdaada ko pasanda aaya hai,sabhi ko dikhaana। to khelkood department ek iski invention dekh karke aisi koi invenshansa nikaalo, jismen khel ka khel ho aur gyaan ka gyaan ho। chaahe koi course karaao to bhi khel mein। achhi invention hai, mubaarak ho। to aisa koi ramneek programme banaao। bhaashan to sabhi ne bahut sune hain na lekin aisi koi nai cheez nikaalo jo na chaahte hue bhi log aaven aur aapke bhaai behen jaag jaaven। baaki achha hai plan banaate rehte ho, meeting karte rehte ho,daada ko yeh bachchon ka plan achha lagta hai। to is varsha mein aise koi cheez banaana jaise baapdaada ko yaad hai jab pahle mele karte the usmein bhi aisi aisi cheezen rakhte the jo log svatah hi ek do ko bhejte the ki aap bhi jaake dekho। to aisi invention nikaalna। theek hai na! iski incharge (shashi behen) hai, phir to hoshiyaar hai,karenge। achha। mubaarak ho।

education wing -education ka mahattva hai,isliye government bhi education ki taraph bahut roochi rakh rahi hai to aap sabhi bhi ne milkar education ke programme kiye bhi hain,kar bhi rahe hain lekin aur bhi aage badhaate chalna। is varga se bhi bahut aatmaayen nikal sakti hain। achha।

videsh ke 125bhaai-bahnen meeting ke liye aaye hain - to kya kamaal karenge? itne sabhi baapdaada ke sikeeldhe serviceable ikatthe honge to kyaak ya jalva dikhaayenge?koi naveenta karenge na! achha hai। sabhi milkar aisa koi jvaalaaroop programme banaao, saadhaaran plan nahin,jvaala roop plan banaao। ek to sab jvaala roop ho jaaen, ban jaaen। sva mein jvaala swaroop aur seva mein aise invention nikaalo jo shortcut ho kyonki aajkal ke samay anusaar logon ko sabse badi samasya samay nikaalne ki hai। to aisa koi plan banaao, chaahe vritti ho, chaahe drishti ho, chaahe vibration ho,thode samay mein woh samajh jaae ki yahaan se hi kuchh mil sakta hai। chumbak jaisi seva ka plan banaao। jaise chumbak se koi hatne chaahte hain to bhi nahin hatte hain। door se hi sameep aa jaate hain। aise naya plan banaao, double videshi hain na! aur aapke nimitta bani hui daadi ya deediyaan, aapki deediyaan aur daadiyaan sabhi hoshiyaar hain। paandav bhi kam nahin hain। dekho, yahaan5 paandav khade hain। to 5paandavon ne kya kiya tha?akshoni sena ko khatma kar diya। to paandav bhi kam nahin hain। ek ek paandav mahaan hai। to karenge na kamaal? kaise bhi banaao, chaahe vritti se, chaahe drishti se, chaahe dridh sankalp se,koi plan banaana। daadiyaan, deediyaan theek hai na! double foreigners India ki teachers se kam nahin hain, bahut sankhya hai। phir to kamaal hui padi hai। achha hai aap pahle plan nikaalna phir India ki jo meeting hogi woh us plan mein ratna jadit bharengi। aap ghaat banaana usmein heera moti India ki meeting vaale lagaayenge। lagaayenge na?meeting mein lagaayenge? mubaarak ho। baapdaada saakaar roop mein saamne abhi dekh-dekh khush ho rahe hain, foreign mein itne taiyaar ho gaye hain, dekho। sabhi ko bahut achha lagta hai,khushi hoti hai। sabhi ne dekha kitne teachers taiyaar ho gaye hain। woh bhi vishesh teachers hain,doosre to bahut hain। to baapdaada double videshi sevaadhaari bachchon ko dekh bahut-bahut-bahut-bahut khush hain। yeh samajhte hain, ham kyon taali bajaayen,doosre bajaayen na? mubaarak to aap log denge na। (sabhi ne taaliyaan bajaai) achha kiya khoob taali bajaao।

(76 deshon ke double videshi aaye hue hain,kumaaron ki retreat bhi chali)-kumaaron ne nishaani achhi lagaai hai। youth group ne koi naya plan banaaya, ya abhi soch rahe ho? aap bhi brahman parivaar se brahman sansaar ka world cup lo। abhi dilli vaalon ne youth ke programme ka plan nahin banaaya hai। dilli vaale utho dilli vaalon ko world ke kumaaron ko,youth ko ikaththa kar, chun karke aur brahman sansaar se world cup dilaana hai। karna hai na? himmat hai na? plan banaana। bana sakte ho। prime minister aur president youth ke phevar mein hain। abhi vartamaan samay world mein ek kriket ka khel nahin kehte hain lekin aur khel chal raha hai ek taraph hai halchal aur doosre taraph hai achal। to abhi donon ka full force hai, halchal ka bhi force hai to achal sthiti vaalon ka bhi force hai isliye vaayumandal pramaan phaayda utha sakte hain। plan banaana। yeh meeting karenge na, usmein banaana। bahut achha dilli vaale। youth aap bhi socho, aap bhi plan banaana sunaana shuru karo aur dilli vaale bhi plan banaana shuru karen, kamaal karke dikhaana,vijay to aapki hai hi। achha।

ahamdaabaad se training ki kumaariyaan aai hain -kumaariyaan kya soch rahi hain? kumaariyaan to bahut lucky hain। surrender hui aur deedi kahlaai। aur dekho kitna bhaagya hai jo teacher banne se baapdaada ke murli sunaane ka takhta milta hai। guru ki gaddi milti hai। baapdaada teachers ko kehte hi hain guroobhaai hain। to aise banengi na! abhi training kar rahi hain, ya poori kar li?poori ho gai। abhi centres par rehti hain,mubaarak ho। dekho aisi teacher banna jo sabhi kahen teacher hai to yeh! nihsvaartha sevaadhaari teacher। teachers to bahut hain lekin aap aisi teacher banna, nihsvaartha sevaadhaari। nirmaan aur nirmalchit। aisi banengi na! umang achha hai। umang bhi hai,utsaah bhi hai, saphal honge nahin lekin hue pade hain। achha।

abhi second mein gyaan soorya sthiti mein sthit ho chaaron or ke bhaybheet,halchal vaali aatmaon ko,sarva shaktiyon ki kirnen phailaao। bahut bhaybheet hain। shakti do। vibration phailaao। achha। (baapdaada ne drill karaai)

chaaron or ke bachchon ke bhinna-bhinna yaadapyaar aur samaachaar ke patra aur ee-mel baap ke paas pahunch gaye hain। har ek kehta hai meri bhi yaad dena,meri bhi yaad dena। baapdaada kehte hain har ek pyaare bachchon ki baapdaada ke paas yaad pahunch gai hai। door baithe bhi baapdaada ke diltakhta nasheen hain। to aap sabko jinhonne bhi kaha hai na - yaad dena, yaad dena। to baba ke paas pahunch gai। yahi bachchon ka pyaar aur baap ka pyaar bachchon ko uda raha hai। achha। chaaron or ke ati shreshtha bhaagyavaan, koton mein koi vishesh aatmaon ko sada svamaan mein rahne vaale, sammaan dene vaale, serviceable bachchon ko, sada smriti swaroop so samartha swaroop aatmaon ko,sada achal adol sthiti ke aasan par sthit sarvashakti swaroop bachchon ko baapdaada ka yaadapyaar aur namaste।

daadi ji se - baapdaada aapke oopar vishesh khush hai। kyon khush hai?vishesh is baat par khush hai ki jaise brahma baap sabhi ko order karta tha yeh karna hai,abhi karna hai,aise aapne bhi brahma baap ko follow kiya। (aap bhi mere saath hain) woh to hai hi, nimitta to aap bani na। aur aisa dridh sankalp kiya jo chaaron or saphalta hai, iseelie aapmen roohaani taakat bahut gupta bhari hui hai। tabiyat theek hai, roohaani shakti itni bhari hui hai jo tabiyat kuchh bhi nahin hai। kamaal hai na! (gujraat ne kiya, baambe ne ek-ek laakh ka programme kiya, abhi panjaab aur madraas kar raha hai) yeh kalkatta bhi karega। (daada nirmalshaanta se) aap sirf baith jaana kursa par bas aur kuchh nahin karna, aapke sab sahayogi banenge। sab aapehi taiyaari kar lenge। (baba ko bitha denge) baba ke saath aap bhi baithna। donon baithna। (agli season mein baapdaada ka programme kaise chalega?)jaise chalta hai vaise hi chalega। baba ka milna chalta rahega। abhi to ek saal ki baat ho rahi hai। phir agle saal,agle saal ki bataayenge। daadiyon ka milna dekhkar sabki dil hoti hai ham bhi daadi hote to milte na। aap bhi daadi banenge। abhi baapdaada ne plan banaaya hai dil mein,abhi diya nahin hai। to jo seva ke,brahma baba ke saakaar samay mein seva mein aadi ratna nikle hain, unhon ka sangathan pakka karna hai। (kab karenge?) jab aap karo। yeh duty aapki (daadi jaanki ki) hai। aapke dil ka sankalp bhi hai na? kyonki jaise aap daadiyon ka ekta aur dridhta ka sangathan pakka hai, aise aadi seva ke ratnon ka sangathan pakka ho, iski bahut-bahut aavashyakta hai kyonki seva to badhni hi hai। to sangathan ki shakti jo chaahe woh kar sakti hai। sangathan ki nishaani ka yaadgaar hai paanch paandav। paanch hain lekin sangathan ki nishaani hai। achha - abhi jo saakaar brahma ke hote hue seva ke liye centre par rahe hain,seva mein lage hain, woh utho। bhaai bhi hain, paandavon ke bina thode hi gati hai। yahaan to thode hain lekin aur bhi hain। sangathan ko jama karne ki jimmevaari inki (daadi jaanki ki) hai, yeh (daadi) to backbone hai। bahut achhe-achhe ratna hain। achha। sab theek hain। kuchh bhi karte rehte ho lekin aapke sangathan ki mahaanta hai। kila majboot hai। achha।

sabhi bachchon se milan manaane ke pashchaat baapdaada ke saath bachchon ne holi kheli - khoob gulaabvaashi ek doosre par daali,baad mein baapdaada ne sabhi bachchon ko holi utsav ki yaad di। chaaron or ke holi bachche paramatma ke sang-sang ka holi ka utsav mana rahe ho,umang aur utsaah hai aur sada hi isi utsav mein utsaah mein rehna। to har din utsav ho jaayega। utsaah mein rehna arthaat utsav manaana। to sabhi utsaah mein hain na। to holi hai aur holi mana rahe hain। sada is parmaatma sang ke rang ki holi mein rehna। achha। sabhi ko holi utsav ki mubaarak।

om shanti।