मंगलवार 2 नवंबर 2004 की अव्यक्त मुरली

>

02-11-04 om shanti avyakt baapdaadaamdhuban

“sva-upkaari ban apkaari par bhi upkaar karo,sarva shakti,sarva gun sampanna sammaan daata bano”

aaj sneh ke saagar apne chaaron or ke snehi bachchon ko dekh harshit ho rahe hain। chaahe saakaar roop mein sanmukh hain,chaahe sthool roop mein door baithe hai lekin sneh, sabhi ko baap ke paas baithe hain - yeh anubhav kara raha hai। har bachche ka sneh baap ko sameep anubhav kara raha hai। aap sabhi bachche bhi baap ke sneh mein sammukh pahunche ho। baapdaada ne dekha ki har ek bachche ke dil mein baapdaada ka sneh samaaya hua hai। har ek ke dil mein“mera baba”isi sneh ka geet baj raha hai। sneh hi is deh aur deh ke sambandh se nyaara bana raha hai। sneh hi maayaajeet bana raha hai। jahaan dil ka sneh hai vahaan maaya door se hi bhaag jaati hai। sneh ki subject mein sarva bachche paas hain। ek hai sneh, doosra hai sarvashaktivaan baap dvaara sarvashaktiyon ka khazaana।

to aaj baapdaada ek taraph to sneh ko dekh rahe hain, doosre taraph shakti sena ki shaktiyon ko dekh rahe hain। jitna sneh samaaya hua hai utna hi sarva shaktiyaan bhi samaai hui hai?baapdaada ne sabhi bachcho ko ek jaisi sarva shaktiyaan di hai, master sarvashaktivaan banaaya hai। kisko sarvashaktivaan,kisko shaktivaan nahin banaaya hai haajir kahe,jis bhi shakti ka aahvaan karo,jaisa samay,jaisi paristhiti vaise shakti kaarya mein laga sako। aise adhikaari aatmaayen bane ho? kyonki baap ne varsa diya aur varse ko aapne apna banaaya, apna banaaya hai na! to apne par adhikaar hota hai। jis samay jis vidhi se aavashyakta ho,us samay kaarya mein lag jaae। maano samaane ke shakti ki aapko aavashyakta hai aur order karte ho samaane ki shakti ko, to aapka order maan ji haajir ho jaati hai?ho jaati hai to kaandh hilaao,haath hilaao। kabhi-kabhi hoti hai ya sada hoti hai? samaane ki shakti haajir hoti hai lekin 10baari sama liya aur 11 ven baari thoda neeche oopar hota hai? sada aur sahaj haajir ho jaae, samay beetne ke baad nahin aave, karne to yeh chaahte the lekin ho gaya, yeh aisa nahin ho। isko kaha jaata hai sarva shaktiyon ke adhikaari। yeh adhikaar baapdaada ne to sabko diya hai,lekin dekhne mein aata hai ki sada adhikaari banne mein nambarvaar ho jaate hain। sada aur sahaj ho,natural ho,nature ho,uski vidhi hai, jaise baap ko hajoor bhi kaha jaata hai, kehte hain hajoor haajir hai। haajir hajoor kehte hain। to jo bachcha hajoor ki har shreemat par haajir hajoor kar chalta hai uske aage sarva shaktiyaan bhi hajoor haajir karti hai। har aagya mein ji haajir,har kadam mein ji haajir। agar har shreemat mein ji haajir nahin hain to har shakti bhi har samay haajir hak nahin kar sakti hai। agar kabhi-kabhi baap ki shreemat va aagya ka paalan karte hain, to shaktiyaan bhi aapka kabhi-kabhi haajir hone ka order paalan karti hai। us samay adhikaari ke bajaae adheen ban jaate hain। to baapdaada ne yeh result check ki,to kya dekha? nambarvaar hain। sabhi number one nahin hai, nambarvaar hain aur sada sahaj nahin hain। kabhi- kabhi sahaj ho jaate, kabhi thoda mushkil shakti emerge hoti hai।

baapdaada har ek bachche ko baap samaan dekhne chaahte hain। nambarvaar nahin dekhne chaahte hain aur aap sabhi ka lakshya bhi hai baap samaan banne ka। samaan banne ka lakshya hai va nambarvaar banne ka lakshya hai?agar poochhenge to sab kahenge samaan banna hai। to check karo - ek sarva shaktiyaan hain?sarva par underline karo। sarva gun hai? baap samaan sthiti hai? kabhi svayan ki sthiti, kabhi koi parasthiti vijay to nahin praapta kar leti'par sthiti agar vijay praapta kar leti hai to uska kaaran jaante ho na?sthiti kamzor hai tab paristhiti vaar kar sakti hai। sada sva sthiti vijayi rahe, uska saadhan hai – sada svamaan aur sammaan ka balance। svamaandhaari aatma svatah hi sammaan dene vaala daata hai। vaastav mein kisi ko bhi sammaan dena, dena nahin hai, sammaan dena maan lena hai। sammaan dene vaala sabke dil mein maanneey svatah hi ban jaata hai। brahma baap ko dekha - aadi dev hote hue, drama ki first aatma hote hue sada bachchon ko sammaan diya। apne se bhi jyaada bachchon ka maan aatmaon dvaara dilaaya। isliye har ek bachche ke dil mein brahma baap maanneey bane। to maan diya ya maan liya?sammaan dena arthaat doosre ke dil mein dil ke sneh ka beej bona। vishwa ke aage bhi vishwa kalyaankaari aatma hain, yeh tab anubhav karte jab aatmaon ko sneh se sammaan dete ho।

to baapdaada ne vartamaan samay mein aavashyakta dekhi sammaan ek do ko dene ki। sammaan dene vaala hi vidhaata aatma dikhaai deta hai। sammaan dene vaale hi baapdaada ki shreemat (shubh bhaavna, shubh kaamna) maanne vaale aagyaakaari bachche hain। sammaan dena hi eeshvareey parivaar ka dil ka pyaar hai। sammaan vaala svamaan mein sahajhi sthit ho sakta hai। kyon? jin aatmaon ko sammaan deta hai un aatmaon dvaara jo duaayen dil ki milti hai, woh duaaon ka bhandaar svamaan sahaj aur svatah hi yaad dilaata hai। isliye baapdaada chaaron or ke bachchon ko vishesh underline kara rahe hain - sammaan daata bano।

baapdaada ke paas jo bhi bachcha jaisa bhi aaya, kamzor aaya, sanskaar ke vash aaya, paapon ka bojh leke aaya, kade saskaar lekar aaya, baapdaada ne har bachche ko kis najar se dekha! mera sikeeldha laadla bachcha hai, eeshvareey parivaar ka bachcha hai। to sammaan diya aur aap svamaandhaari ban gaye। to follow father। agar sahaj sarvagun sampanna banna chaahte ho to sammaan daata bano। samjha! sahaj hai na? sahaj hai ya mushkil hai? teachers kya samajhti hain, sahaj hai? koi ko dena sahaj hai,koi ko mushkil hai ya sabhi ko dena sahaj hai? aapka title hai - sarva upkaari। apkaar karne vaale par bhi upkaar karne vaale। to check karo - sarva upkaari drishti, vritti,smriti rehti hai? doosre par upkaar karna,svayan par hi upkaar karna hai। to kya karna hai? sammaan dena hai na! alag- alag baaton mein dhaarna karne ke liye jo mehnat karte ho, usse chhoot jaayenge kyoki baapdaada dekh rahe hain, ki samay ki gati teevra ho rahi hai। samay intajaar kar raha hai, to aap sabhi ko intajaam karna hai। samay ka intajaar samaapta karna hai। kya intajaam karna hai? apne sampoornata aur samaanta ki gati teevra karni hai। kar rahe hain nahin, teevragti ko check karo - teevragti hai?

baaki sneh se naye-naye bachche bhi pahunche hain,baapdaada naye-naye bachchon ko dekh khush hote hain। jo pahle baari aaye hain woh haath uthaao। bahut hain। bhale padhaare baap ke ghar mein, apne ghar mein, mubaarak ho।

seva ka tarna – karnaatak:-karnaatak vaale utho। seva ke golden chance ki mubaarak ho। dekho pahla number liya hai to pahla number hi rehna hai na! purushaartha mein, vijayi banne mein sabse pahla number lene vaale। doosra number nahin lena, pahla number। hai himmat! himmat hai? to himmat aapki aur hajaar guna madad baap ki। achha chance liya hai। apne punya ka khaata bahut-bahut jama kar liya। achha karnaatak ne mega programme kiya hai? nahin kiya hai, kyon?kyon nahin kiya? karnaatak ko sabmen pahla number lena chaahiye। (Bangalore mein karenge) achha, jinhonne bhi bada programme kiya hai woh utho। kitne programme ho gaye hain? (8 - 10 ho chuke hain) to baapdaada bade programme ki badi mubaarak de rahe hain। zone kitne hain! har ek zone ko bada programme karna chaahiye kyoki aapke shahar mein ulhana dene vaale ulhana nahin dege। bade programme mein aap advertise bhi badi karte ho na,chaahe media dvaara, chaahe poster, hordig aadi bhinna-bhinna saadhan apnaate ho to ulhana kam ho jaayega। baapdaada ko yeh seva pasanda hai lekin lekin hai। programme to bade kiye uski to mubaarak hai hi lekin har programme se kam se kam 108 ki maala to taiyaar honi chaahiye। woh kahaan hui hai?kam se kam 108,jyaada se jyaada 16 hajaar। lekin itni jo energy lagaai, itna sampatti lagaai, uski result kam se kam 1०8 to taiyaar hon। sabki address to aapke paas rahni chaahiye। bade programme mein jo bhi laane vaale hain, unhon ke paas unka parichay to rehta hi hai to unhon ko phir se sameep laana chaahiye। aise nahin ki hamne kar liya, lekin jo bhi kaarya kiya jaata hai uska phal to nikalna chaahiye na। to har ek bade programme karne vaalo ko yeh result baapdaada ko deni hai। chaahe bhinna-bhinna centre par jaaye, kis shahar ka bhi ho vahaan jaae, lekin result nikalni chaahiye। theek hai na, ho to sakta hai na! thoda attention dege to nikal aayege 1०8 to kuchh bhi nahin hain। lekin result baapdaada dekhne chaahte hain, kam se kam student to bane। sahayog mein aage aave,kaun-kaun kitne nikaalte hain,woh baapdaada is season mein result dekhne chaahte hain। theek hai na? paandav theek hai? to dekhenge number one kaun hai? kitne bhi nikaalo, nikaalo zaroor। kya hai,programme ho jaate hain lekin aage ka samparka woh thoda attention kam ho jaata hai aur nikaalna koi mushkil nahin hai। baaki baapdaada bachchon ki himmat dekh khush hain। samjha। achha -

Indore hostel tatha sabha mein upasthit sabhi kumaariyon se:- bahut kumaariyaan aai hain, jitni bhi kumaariyaan aai hain, unmein se hands kitne niklenge? kumaariyaan baapdaada ke right hands ban sakti hain। golden chance hai। to kitni sankhya hai! maaloom hai, kitni kumaariyaan hain। (5 -6 sau) inhon ka naam note karna aur yeh result dekhna ki itni saari kumaariyon mein se right hand kitni baneen! haath uthaao, centre par rahne vaali nahin uthaao। jo right hand banegi woh haath uthaao। inhon ka video nikaalo। kyoki aap logon ko maaloom hai ki centre kholne ke nimantran bahut hai lekin hands kam hain। to aapki to maangani hai। isliye kumaariyon ko jaldi se jaldi seva ke right hand banna chaahiye। jo chhoti-chhoti hai unki baat chhodo, lekin jo seva kar sakti hain unhon ko samay ke pramaan jaldi taiyaar ho jaana chaahiye। dahej aapka taiyaar hai,centre dahej hai, var to hai hi aur dahej bhi taiyaar hai। to taiyaari karo। karegi na! haan, badi-badi to nikal sakti hai। jo samajhti hai jalda se jaldi nikal sakti hai,woh haath uthaao। dekho,kitni kumaariyaan haath utha rahi hain। video nikal raha hai। achha - mubaarak ho, inaedvaas mubaarak ho। achha।

sabhi taraph se jo bhi snehi bachche baapdaada ko dil mein yaad kar rahe hain,va patra, email dvaara yaad bheji hai, un chaaron or ke bachchon ko baapdaada door nahin dekh rahe hain lekin diltakhta par dekh rahe hain। sabse sameep dil hai। to baapdaada dil se yaad bhejne vaalon ko aur yaad bheji nahin lekin yaad mein hain, un sabko bhi diltakhtansheen dekh rahe hain। respond de rahe hain। door baithe bhi number one teevra purushaarthi bhav।

achha - abhi sabhi ek second mein,ek second ek minute nahin,ek second mein “main pharishtaaso devta hoon” -yeh mansa dil second mein anubhav karo। aisi dil din mein ek second mein baar-baar karo। jaise shaareerik dil shareer ko shaktishaali banaati, vaise yeh man ki dil man ko shaktishaali banaane vaali hai। mai pharishta hoon,is puraani duniya, puraani deh, puraane deh ke saskaar se nyaari pharishta aatma hoon। achha -

chaaron or ke ati snehi, sada sneh ke saagar mein lavleen aatmaon ko,sada sarva shaktiyon ke adhikaari shreshtha aatmaon ko, sada baap samaan banne baale baap ke pyaare aatmaon ko,sada svamaan mein rahne vaali har aatma ko sammaan dene vaali, sarva ke maanneey maannevaali aatmaon ko,sada sarva upkaari aatmaon ko baapdaada ka dil ka yaavdhaar aur dil ki duaayen sveekaar ho। aur saath-saath vishwa ke maalik aatmaon ko namaste।

daadiji se:- sammaan dene mein number one paas hai। achha hai, sab daadiyon se madhuban ki raunak hai। (sabha se) in sabhi ko daadiyon se raunak achhi lagti hai na। jaise daadiyon ki raunak se madhuban mein raunak ho jaati hai,aise aap sabhi daadi nahin, deediyaan aur daade to ho। to sabhi deediyaan aur sabhi daadaayen,sabhi ko yeh sochna hai, karna hai, jahaan bhi rehte ho us sthaan mein raunak ho। jaise daadiyon se raunak hai, vaise har sthaan mein raunak ho kyoki daadi ke peechhe deediyaan to ho na, kam nahin ho। daade bhi hain, deediyaan bhi hai। to kisi bhi centre par rookhaapan nahin hona chaahiye,raunak honi chaahiye। aap ek-ek vishwa mein raunak karne vaali aatmaayen ho। to jis bhi sthaan par ho woh raunak ka sthaan najar aave। theek hai na? kyonki duniya mein had ki raunak hai aur aap ek ek se behad ki raunak hai। svay khushi,shanti aur ateendriy sukh ki raunak mein honge to sthaan bhi raunak mein aa jaayega kyonki sthiti se sthaan mein vaayumandal phailta hai। to sabhi ko check karna hai - ki jahaan ham rehte hain, vahaan raunak hai? udaasi to nahin hai?sab khushi mein naach rahe hain?aise hai na! aap daadiyon ka to yahi kaam hai na! follow deediyaan aur daadaayen। achha।

aaj is varsha ke Indian season ka aadi hai। to aap sabhi aadi mein aa gaye hain। achha hai। baapdaada ne yeh haal aapke liye hi banaaya hai। aap nahin hote ho na to haal ki raunak nahin hoti hai। (baba aate hain to raunak ho jaati hai) baba aave aur yeh nahin hon to! (daadi ko raunak chaahiye, achha hai।

om shanti ।