बुधवार 15 दिसंबर 2004 की अव्यक्त मुरली

>

15-12-04 om shanti avyakt baapdaadaamdhuban

“baapdaada ki vishesh aasha - har ek bachcha duaayen de aur duaayen le”

aaj baapdaada apne chaaron or ke bephikra baadshaahon ki sabha ko dekh rahe hain। yeh raajasbha saare kalpa mein is samay hi hai। roohaani phakhur mein rehte ho isliye bephikra baadshaah ho। savere uthte hain to bhi bephikra, chalte phirte, karma karte bhi bephikra aur sote ho to bhi bephikra neend mein sote ho। aise anubhav karte ho na! bephikra hain?bane hain va ban rahe hain?ban gaye hain na! bephikra aur baadshaah ho,svaraajya adhikaari in karmendriyon ke oopar raajya karne vaale bephikra baadshaah ho arthaat svaraajya adhikaari ho। to aisi sabha aap bachchon ki hi hai। koi phikra hai? hai koi phikra? kyonki apne saare phikra baap ko de diye hain। to bojh utar gaya na। phikra khatma aur bephikra baadshaah ban amoolya jeevan anubhav kar rahe ho। sabke sir par pavitrata ke light ka taaj svatah hi chamakta hai। bephikra ke oopar light ka taaj hai, agar koi phikar karte ho, koi bojh apne oopar utha lete ho to maaloom hai sir par kya aa jaata hai? bojh ke tokre aa jaate hain। to socho taaj aur tokre donon saamne laao, kya achha lagta? tokre achhe lagte ya light ka taaj achha lagta?bolo, teachers kya achha lagta hai? taaj achha lagta hai na! sabhi karmendriyon ke oopar raajya karne vaale baadshaah ho। pavitrata light ka taajdhaari banaati hai isliye aapke yaadgaar jadchitron mein double taaj dikhaaya hai । dvaapar se lekar baadshaah to bahut bane hain, raaje to bahut bane hain lekin double taajdhaari koi nahin bana। bephikra baadshaah svaraajya adhikaari bhi koi nahin bana kyonki pavitrata ki shakti maayaajeet,karmendriyjeet vijayi bana deti hai। bephikra baadshaah ki nishaani hai - sada svayan bhi santushta aur auron ko bhi santushta karne vaale। kabhi bhi koi apraapti hai hi nahin jo asnushta ho। jahaan apraapti hai vahaan asantushtata hai। jahaan praapti hai vahaan santushtata hai। aise bane ho? check karo - sada sarvapraapti swaroop, santushta hain? gaayan bhi hai- apraapta nahin koi vastu devtaaon ke nahin lekin braahmanon ke khazaane mein। santushtata jeevan ka shreshtha shrringaar hai,shreshtha value hai। to santushta aatmaayen ho na!

baapdaada aise bephikra baadshaah bachchon ko dekh khush hote hain। vaah mere bephikra baadshaah vaah! vaah! vaah! ho na! haath uthaao jo bephikra hain। bephikra? phikar nahin aata? kabhi to aata hai? nahin?achha hai। bephikra banne ki vidhi bahut sahaj hai, mushkil nahin hai। sirf ek shabd ki maatra ka thoda-sa antar hai। woh shabd hai - mere ko tere mein parivartan karo। mera nahin tera । to hindi bhaasha mein mera bhi likho aur tera bhi likho to kya pharka hota hai,mein aur te ka?lekin pharka itna ho jaata hai। to aap sab mere-mere vaale ho ya tere-tere vaale ho? mere ko tere mein parivartan kar liya? nahin kiya ho to kar lo। mera-mera arthaat daas banne vaala, udaas banne vaala। maaya ke daas ban jaate hain na to udaas to honge na! udaasi arthaat maaya ke daasi banne vaale। to aap maayaajeet ho,maaya ke daas nahin। to udaasi aati hai?kabhi-kabhi taste kar lete ho, kyoki 63 janma udaas rahne ka abhyaas hai na! to kabhi-kabhi woh emerge ho jaati hai। isliye baapdaada ne kya kaha? har ek bachcha bephikra baadshaah hai। agar abhi bhi kahaan kone mein koi phikar rakh diya ho to de do। apne paas bojh kyon rakhte ho?bojh rakhne ki aadat pad gai hai?jab baap kehte hain bojh mere ko de do, aap light ho jaao,double light। double light achha ya bojh achha? to achhi tarah se check karna। amritvele jab utho to check karna ki vishesh vartamaan samay sabkonshas mein bhi koi bojh to nahin hai?sabkonshas to kya svapna maatra bhi bojh ka anubhav nahin ho। pasanda to double light hai na! to vishesh yeh hom work de rahe hain, amritvele check karna। check karna to aata hai na, lekin check ke saath,sirf check nahin karna change bhi karna। mere ko tere mein change kar dena। mera,tera। to check karo aur change karo kyoki baapdaada baar-baar suna rahe hain - samay aur svayan donon ko dekho। samay ki raphtaar bhi dekho aur svayan ki raphtaar bhi dekho। phir yeh nahin kehna ki hamko to pata hi nahin tha,samay itna tej chala gaya। kai bachche samajhte hain ki abhi thoda dheela purushaartha agar hai bhi to ant mein tej kar lenge। lekin bahutkaal ka abhyaas ant mein sahayogi banega। baadshaah banke to dekho। bane hain lekin koi bane hain, koi nahin bane hain। chal rahe hain,kar rahe hain,sampanna ho jaayenge…। ab chalna nahin hai, karna nahin hai, udna hai। abhi udne ki raphtaar chaahiye। pankh to mil gaye hai na! umang-utsaah aur himmat ke pankh sabko mile hain aur baap ka vardaan bhi hai,yaad hai vardaan? himmat ka ek kadam aapka aur hajaar kadam madad baap ki, kyonki baap ka bachchon se dil ka pyaar hai। to pyaar vaale bachchon ki baap mehnat nahin dekh sakte। muhabbat mein raho to mehnat samaapta ho jaayegi। mehnat achhi lagti hai kya?thak to gaye ho। 63 janma bhatakte, bhatakte mehnat karte thak gaye the aur baap ne apni muhabbat se bhatakne ke bajaae teen takhtake maalik bana diya। teen takhta jaante ho?jaante kya ho lekin takhta nivaasi ho। akaaltakhta nivaasi bhi ho,baapdaada ke diltakhta nasheen bhi ho aur bhavishya vishwa raajya ke takhtansheen bhi ho। to baapdaada sabhi bachchon ko takhtansheen dekh rahe hain। aisa parmaatma diltakhta saare kalpa mein anubhav nahin kar sakenge। kya samajhte hain paandav? baadshaah hain? haath utha rahe hain। takhta nahin chhodna। dehbhaan mein aaye arthaat mitti mein aa gaye। yeh deh mitti hai। takhta nasheen bane to baadshaah bane।

baapdaada sabhi bachchon ke purushaartha ka chart check karte hain। chaar hi subject mein kaun-kaun kahaan tak pahucha hai? to baapdaada ne har ek bachche ka chart check kiya ki baapdaada ne jo bhi khazaane diye hai woh sarva khazaane kaha tak jama kiye hain? to jama ka khaata check kiya kyonki khazaane baap ne sabko ek jaise, ek jitna diya hai,koi ko kam,koi ko jyaada nahin diya hai। khazaane jama hone ki nishaani kya hai? khazaane ka to maaloom hi hai na, sabse bada khazaana hai shreshtha sankalp ka khazaana। sankalp bhi khazaana hai, to vartamaan samay bhi bahut bada khazaana hai kyoki vartamaan samay mein jo kuchh praapta karne chaahe, jo vardaan lene chaahe, jitna apne ko shreshtha banaane chaahe,utna abhi bana sakte hain। ab nahin to kab nahin। jaise sankalp ke khazaane ko vyartha ganvana arthaat apne praaptiyon ko ganvaana। aise hi samay ke ek second ko bhi vyartha ganvaaya, saphal nahin kiya to bahut ganvaaya। saath mein gyaan ka khazaana, gunon ka khazaana, shaktiyon ka khazaana aur har aatma aur paramatma dvaara duaaon ka khazaana। sabse sahaj hai purushaartha mein “duaayen do aur duaayen lo”। sukh do aur sukh lo, na duhkh do na dukh lo। aise nahin ki duhkh diya nahin lekin le lo to bhi dukhi to honge na! to duaayen do,sukh do aur sukh lo। duaayen dena aata hai? aata hai? lena bhi aata hai? jisko duaayen lena aur dena aata hai woh haath uthaao। achha - sabhi ko aata hai?achha - double foreigners ko bhi aata hai? mubaarak hai । dene aata hai lene aata hai to mubaarak hai। sabhi ko mubaarak hai, agar lene bhi aata aur dene bhi aata phir aur chaahiye kya। duaayen lete jaao duaayen dete jaao, sampanna ho jaayenge। koi baddua deve to kya karenge?lenge?baddua aapko deta hai to aap kya karenge? lenge?agar bad-dua maano le liya to aapke andar svachchhata rahi?bad-dua to kharaab cheej hai na! aapne le li,apne andar sveekaar kar li to aapka andar svachchha to nahin raha na! agar jara bhi defect raha to perfect nahin ban sakte। agar kharaab cheez koi deve to kya aap le lenge? koi bahut sundar phal ho lekin aapko kharaab hua de deve, phal to badhiya hai phir le lenge?nahin lenge na ki kahenge achha to hai,chalo diya hai to le le। kabhi bhi koi bad-dua de to aap man mein andar dhaaran nahin karo। samajh mein aata hai yeh bad-dua hai lekin bad-dua andar dhaaran nahin karo, nahin to defect ho jaayega। to abhi yeh varsha,abhi thode din pade hain puraane varsha mein lekin apne dil mein dridh sankalp karo, abhi bhi kiski bad-dua man mein ho to nikaal do aur kal se dua denge, dua lenge। manjoor hai? pasanda hai? pasanda hai ya karna hi hai? pasanda to hai lekin jo samajhte hai karna hi hai, kuchh bhi ho jaaye, lekin karna hi hai,woh haath uthaao। karna hi hai।

jo snehi sahayogi aaj aaye hain woh haath uthaao। to jo snehi sahayogi aaye hain, baapdaada unhon ko mubaarak de rahe hain kyonki sahayogi to ho,snehi bhi ho lekin aaj ek aur kadam uthaake baap ke ghar mein va apne ghar mein aaye ho, to apne ghar mein aane ki mubaarak hai। achha jo snehi sahayogi aaye hain woh bhi samajhte hain ki duaayen denge aur lenge? samajhte ho? himmat rakhte ho? jo snehi sahayogi himmat rakhte hain, madad milegi, lamba haath uthaao। achha। phir to aap bhi sampanna ho jaayenge,mubaarak ho। achha jo godly student regular hain,chaahe brahman jeevan mein baapdaada se milne pahli baar aaye hain lekin apne ko brahman samajhte hain, regular student samajhte hain woh agar samajhte hain ki karna hi hai,woh haath uthaao। dua denge, dua lenge? karenge?teachers utha rahi hain? yeh cabin vaale nahin utha rahe hain। yeh samajhte hain ham to dete hi hai। abhi karna hi hai। kuchh bhi ho jaae, himmat rakho। dridh sankalp rakho। agar maano kabhi bad-dua ka prabhaav pad bhi jaave na to 10 guna duaayen jyaada de karke usko khatma kar dena। ek bad-dua ke prabhaav ko 10 guna duaayen deke halka kar dena phir himmat aa jaayegi। nuksaan to apne ko hota hai na, doosra to bad-dua deke chala gaya lekin jisne bad-tua sama li,duhkhi kaun hota hai? lene vaala ya dene vaala? dene vaala bhi hota hai lekin lene vaala jyaada hota hai। dene vaala to albela hota hai।

aaj baapdaada apne dil ki vishesh aasha sunaar he hain। baapdaada ki sabhi bachchon ke prati,ek-ek bachche ke prati chaahe desh, chaahe videsh mein hain,chaahe sahayogi hain kyoki sahayogiyon ko bhi parichay to mila hai na। to jab parichay mila hai to parichay se praapti to karni chaahiye na। to baapdaada ki yahi aasha hai ki har bachcha duaayen deta rahe। duaaon ka khazaana jitna jama kar sako utna karte jaao kyonki is samay jitni duaayen ikatthi karenge, jama karenge utna hi jab aap poojya banenge to aatmaon ko duaayen de sakenge। sirf abhi duaayen aapko nahin deni hai, dvaapar se leke bhakton ko bhi duaayen deni hai। to itna duaaon ka stock jama karna hai। raaja bachche ho na। baapdaada har ek bachche ko raaja bachcha dekhte hain। kam nahin। achha।

seva ka tarna – dilli zone:-achha dilli vaale sabhi utho। dilli ka naam sun karke sab khush hote ho na! kyonki kalpa-kalpa ki aapki raajdhaani hai। vaise dekho drama mein raajdhaani dilli to hai hi lekin seva ki aarambha bhi dilli se hui। aadi se lekar bhinna-bhinna sevaaon ki nai-nai invenshan bhi dilli vaalon ne nikaali hai। auron ne bhi nikaali hai lekin dilleevaalon ne bhi nikaali hai। yeh yagya seva ka chance mila hai। yagya seva ka phal bahut bada hai kyonki yagya seva arthaat brahman aatmaon ki seva। bhakti mein to 8 - 10braahmanon ko bhojan khilaaya, kuchh kiya to samajhte hain bada punya ho gaya laakan yahaan das hajaar, 12 hajaar, 8 hajaar braahmanon ki seva ka chance milta hai। yagya pita ke yagya ki seva hai। brahma bhojan ka, yagya ka kana-kana bahut vailyoobul hai aur aap braahmanon ko woh brahma bhojan kitna pyaar se praapta hota hai। yeh brahma bhojan kam nahin hai। jiske bhi bhaagya mein brahma bhojan hota hai unko pata nahin hota hai ki iska phal kya milna hai lekin milta zaroor hai। isliye bhakti mein bhi kehte hain shiv ke bhandaare bharpoor kaal katak sab door। to khaane vaale ko kitna phal hoga। achha hai, dilli mein seva ke plan to banaate rehte hain lekin ek visheshta baapdaada ne suni, jo achhi lagi ki dilleevaalon ne apne nimitta bane hue president ki seva bahut achhi ki hai aur woh nimitta ban auron ko bhi message deta rehta hai। to achha mike taiyaar kiya hai na, powerful। abhi dilli vaalon ko seva ka aur naya plan nikaalna chaahiye। va koi bhi zone, bombe bhi kar sakta,har ek zone mein koi na koi plan ki invention karne vaala hai। abhi megaaprograam bhi ho gaye, woh bhi common ho gaye, dekho,yeh vishesh aapke daadi ki invenshan thi। aur kitna sahaj ho raha hai। pahle samajhte the laakh ko ikattha karna bahut mehnat ki baat hai lekin abhi jahaan bhi hua hai, badi dil se kiya hai aur badi saphalta mili hai। baapdaada naam nahin lete lekin result dekhi gai ki jitni badi dil se kiya hai utni saphalta mili hai। saphalta to milni hai hi। saphalta to brahman aatmaao ke gale ka haar hai। janma siddha adhikaar hai। to dilli vaalo ko abhi kuchh naya karna chaahiye। dilli vaale theek hai na! ibebaan karne vaale bhi bahut hai। achha hai। har ek varga vaalon ne jo bhi seva abhi tak ki hai, achhi ki hai। abhi aur achhe te achhi karenge। achhi ki hai aur achhe te achhi hoti rahegi। aakhir silence ki shakti ko science ki shakti par vijay to praapta karni hi hai। abhi science vaale bhi samparka mein aa rahe hain। jo bhi sambandh-samparka mein aate hain,parichay mil gaya hai, samajhte hain kaarya achha hai, unhon ko gyaan ka kana-daana bhi buddhi mein sveekaar hua, uska phal zaroor milega। gyaan ka kana-daana bhi vinaash nahin hota hai, avinaashi phal hai। abhi dilli vaalon ne samjha na - kya karna hai? aur mike taiyaar karo। chaar-paanch taiyaar kiya hai,baapdaada ke paas list panhuchi hai lekin aur taiyaar karo। sabhi zone jo aaj aaye hain। seva ka saboot leke aaye hain na।

snehi sahayogi jo aaye hain na woh utho,thoda-sa khade ho jaao। baithe-baithe to thak gaye hoge abhi thoda khade ho jaao। achha - bahut achhe- achhe aaye hain। aap logon ko pata hai ki aap kiske messenger bane hue ho? godly messenger bane hue ho। god ka parichay dete ho na! to godly messenger ho। itni bhi seva karte ho uska phal aapka nishchit hai,koi taal nahin sakta। khushkhabri yeh hai ki aap jo godly messenger ban auron ko sandesh dete ho unko apni nai duniya ki getpaas to mil gai hai। keval get paas mili hai, abhi seat ki paas leni hai। achha hai jo bhi milta hai unko raasta to dikhaate ho na। to punya ka kaam to kar rahe ho na! to punya ka khaata kabhi khatma nahin hota hai। to punya aatmaayen to ban gaye ho lekin abhi sirf punya aatma nahin banna, thode mein khush hone vaale ho kya! thode mein khush hone vaale ho ya sab kuchh lena hai?sab kuchh lena hai। to punya aatma to bane ho, punya ka kaam kiya hai na, kar rahe ho abhi bhi karte rahenge lekin jo baap chaahta hai ki mere bachche raaja bachche ban jaayen, svaraajya adhikaari ban jaayen। to banenge na? banna hai na! banna hai?kaandh to hilaao। bahut achha kiya। aap mehmaan nahin ho, guest nahin ho, host ho। apne ghar mein aaye ho। itna bada ghar aapka achha laga na! apna ghar achha laga to abhi aate rehna। yahaan rivaaj hai, jo aate hain na aur usko jaana to padta hai, to jab jaate hain na to usko daadi go soon,kam soon ki toli khilaati hai। aapko bhi milegi। to go soon kam soon,apne ghar mein aate rehna, kyonki aana hi hai। aana hi hai na! bahut achha। sabhi bachche bhi aapko dekh karke khush ho rahe hain kyonki seva ka pratyaksha saboot laaye hain na, to sabhi khush ho rahe hain। jinhonne bhi aapko laaya hai woh khush ho rahe hain aur das hajaar brahman aatmaon ke dvaara aapko mubaarak ho, mubaarak ho। sab theek hai?aaraam se hain?bhale padhaare। first group mein aaye ho। first group ka bhi to mahatva hota hai na! achha - baith jaao, thak gaye honge।

business wing -business wing vaale utho। business wing vaalon ne kaun-sa mike taiyaar kiya hai? kiya hai? kiya hai na? kyoki business vaalon ko business karne, karaane ki aadat to hai na। to baap se business karaana bhi business group ko sahaj hai। achha hai। baapdaada ne dekha hai ki jab se vargon ki seva ke liye varga bane hain,to har ek ko seva ka vistaar karne ka umang-utsaah achha hai। abhi aur bhi baapdaada ne to kaha na,har baat mein baapdaada ko aur teevrata chaahiye। purushaartha mein bhi to seva mein bhi। bhaagdaud to kar rahe hain, samaachaar milta rehta hai lekin abhi samay ki raphtaar samaan thoda aur raphtaar ko tej karo kyonki achaanak kuchh bhi ho sakta hai। to ulhana nahin rah jaae। baapdaada ko yahi hai ki koi bhi aatma ka ulhana nahin rah jaae ki humein to maaloom hi nahin hai। baaki baapdaada ko seva ke samaachaar milte rehte hain। achha kar rahe hain। apne-apne area mein koi na koi programme banaate hi honge na! chaaron or dhoom machaalo। prabhu sandesh,prabhu sandesh ki dhoom macha do। achha।

social wing:- social wing vaalon ne jo bhi social workers hai un sabke jo bhi sthaan bane hue hai, unhi ko sandesh de diya hai? jo bhi jis bhi state se aate ho, us state vaalon ki jimmevaari hai ki us state mein aapke varga ka koi sandesh se rah nahin jaae। karte to ho, baapdaada ko maaloom hai,chaaron or programme bane hue bhi hote hain lekin har state ke jo har varga vaale hain unko kam se kam apni state mein aisi seva karni chaahiye jo koi rah nahin jaaye। to har sthaan par kar to rahe ho,hota rehta hai। baapdaada ne kaha, report pahunchti hai,kar rahe hain aur thoda tej karo kyonki baapdaada samay ki raphtaar ko dekh ishaara de raha hai। baaki achhi seva kar rahe ho । mubaarak ho। aur bhi achhe te achhi karte rahenge।

transport wing:- kitni aatmaon ko manzil tak panhuchaaya hai? kyonki transport ki to jimmevaari hai manzil par pahunchaana। baapdaada khush hai, seva ka umang achha hai। sabko achha chance mil jaata hai । seva ki meeting bhi ho jaati aur phir milan bhi ho jaata, double kamaai ho jaati hai। sabhi varga vaale hoshiyaar hain, double chance vaale hain। abhi mansa seva ko bhi aur teevra karo kyonki vaani ki seva se saare vishwa tak pahunchne mein time lagta hai lekin mansa seva fast seva hai aur powerful bhi hai aur mehnat bhi kam hai, sirf powerful stage banaani hai। to sadaiv mansa, vaacha,karmana teenon seva inheen kar sakte ho, ek samay mein। karmana arthaat sambandh-samparka mein jo aate hain unhon ke sambandh mein aana bhi karmana hai। sambandh dvaara bhi bahut seva hoti hai। to sabhi varga vaalon ko jaise aur plan banaate ho, seva ke saadhan banaate ho, aise apne- apne varga mein mansa seva ki bhi koi vidhi banaao jo vishesh mansa seva bhi aatmaon ki ho। achha। mubaarak hai, achhi seva hai। baapdaada ne kah diya hai sabhi vargon ki result achhi hai।

youth group:- youth group ko mubaarak ho। dekho, thode samay mein order milne se pahunch gaye ho। iski vishesh mubaarak hai। achha yahaan to aaye lekin mansa seva ki? jo vishesh aatmaayen aani thi unheen ki yahaan baithe mansa seva ki?kaaran akaaran aa nahin sake lekin mansa seva se un aatmaon ko kuchh pahunchaaya ki sirf meeting ki? woh aatmaayen bhi yaad to karti hogi, aana tha, pahunchna tha। achha hai youth group aur badhta jaae । to bhaarat ki samasya khatma ho jaae। youth ka kartavya hai apne-apne sthaan ke youth ko brahman youth banaave। bhrashtaachaar se bachaayen, shreshthaachaari banaayen। abhi dekho government tak bhi aavaaj pahuncha hai lekin spashta result unki buddhi mein clear ho jaae,to unhon ko aur najdeek laana padega। har shahar ke, sthaan ke jo bhrashtaachaar,jhagda karne vaale youth group hai unhon ki seva ka kuchh na kuchh tareeka banaana chaahiye। koi aisa youth ka parivartan karke dikhaao। har ek shahar mein youth group to hota hi hai na, to har ek shahar vaale koi do teen youth group ko parivartan karke dikhaave jo sabke dhyaan par aa jaaye। jaise jel mein seva ki thi to kai parivartan hue jo jahaan-tahaan anubhav sunaate the, aise hi koi youth group ki jo esoshiyeshan hai uska parivartan karke dikhaao। aur woh youth, doosre youth ko anubhav sunaave। kar rahe hain, achha hai। lekin abhi aisa koi eksaampal nikaalo, jo ati jhagdaalu ho,usko theek karke dikhaao,naameegraami ho। hai na himmat? aisa koi parivartan karke dikhaao,jaise baapdaada kehte hain na mike banaao, vaise aap jhagdaalu ko shaantimay banaake eksaampal dikhaao,aisa tap banaake yahaan laana। dekho kitne youth aaye hai, bahut hai। achhe- achhe hai aur sab taraph ke hain। pharinarsa bhi hai। achha hai। abhi koi aavaaj phailaao। thoda- thoda seva to kar rahe ho, khaali to nahin baithe ho lekin koi aise jaise bomb daalte hain na to aavaaj ho jaata hai, aise koi aatmik bomb lagaao। atom bomb nahin, aatma bomb। achha - mubaarak ho bahut। time par pahunchne ki mubaarak ho। achha।

double videshi:-haath hilaao। sabhi ne dekha। double videshiyon ko baapdaada sada double mubaarak dete hain kyonki majority double videshiyon ki visheshta hai ki woh double kaarya kar rahe hain। laukik bhi kar rahe hain aur centre bhi chala rahe hain। chaahe centre chala rahe hain, chaahe centre par sahayogi hai lekin majority double kaam kar rahe hain। vaise bhaarat mein bhi hai lekin yahaan majority aise hain। aur baapdaada kabhi-kabhi jaanboojh ke scene dekhte hain, baapdaada ke paas natural T. vi. hai, yeh T. vi. nahin। dekhte hain kaise bhaagte hain, naashta kiya, yeh kiya woh kiya,bhaaga। achha lagta hai। aise hi purushaartha mein bhi double marks lena। lene vaale hain aur parivartan kiya bhi hai aur karne ka umang bhi achha hai। baapdaada ko double videshiyon ki natural nature ek bahut achhi lagti hai ki saaph dil hai। jo bhi hoga chhipaayenge nahin, spashta। girenge to bhi spashta, chadhenge to bhi spashta। to saaph dil baapdaada ko priy lagti hai। achha hai। double mubaarak ho। aap logon ko bhi dekhkar sabhi khush hote hain। agar koi bhi tarna mein double videshi nahin hote hain na to sangathan mein kami lagti hai isliye bahut achha hai। har group mein aate rahe। shobha hai na। har ek bachcha is darbaar ka shrringaar hai। to udte rehna,chalna nahin,daudna nahin,high jump nahin dena, udna। udne vaale। dekho double videshi sthool mein bhi udne ke bina pahunch nahin sakte hain,udke hi aana padta hai। to is sampanna banne ki manzil par pahunchne mein bhi udti kala mein rehna। achha - mubaarak ho। achha -

aise nahin ki jo kisi bhi varga mein nahin uthe unhon ko mubaarak nahin hai, unhon ko padamguna mubaarak hai। aur jo door baithe sun rahe hain,dekh rahe hain,koi sunne vaale hain, koi dekhne aur sunne vaale hain, dono ko, chaaron or ke bachchon ko bahut-bahut-bahut-bahut mubaarak aur yaad kyonki har season mein, har tarna mein sabhi patra bahut bhejte hain। to baapdaada ko woh patra pahunchte hain, aise hi nahin jaate hain, pahunchte hain। koi pyaar ke patra bhejte, koi apne purushaartha ke patra bhejte, koi seva ke patra bhejte, koi promise ke patra bhejte hain, promise bhi bahut achhi- achhi karte hain। to baapdaada ke paas sab prakaar ke aur sab taraph se patra pahunch jaate hain। aapke muaaphik baapdaada patra baith padhte to nahin hain lekin pahunch jaate hain dil mein। patron ka post office baapdaada ki dil mein hai,to vahaan pahunch jaate hain।

achha - baapdaada ki aasha underline ki?jisne ki woh haath uthaao, kar li। achha। baapdaada ne 6 maas ka hom work bhi diya hai, yaad hai?teachers ko yaad hai? lekin yeh dridh sankalp ki result ek maas ki dekhenge kyonki naya varsha to jaldi shuru hone vaala hai। 6 maas ka hom work apna hai, yeh ek maas dridh sankalp ki result dekhenge। theek hai na? teachers ek maas theek hai?paandav theek hai?

achha - jo pahli baari madhuban mein pahunche hain, woh haath uthaao। bahut achha। dekho,baapdaada ko sada naye bachche bahut pyaare lagte hain। lekin naye bachche jaise vriksha hota hai na, usmein jo chhote-chhote patte nikalte hain woh chidiyon ko bahut pyaare lagte hain, aise naye-naye jo bachche hain to maaya ko bhi naye bachche bahut pyaare lagte hain। isliye har ek jo naye hain,woh har roj apne naveenta ko check karna,aaj ke din apne mein kya naveenta laai?kaun sa vishesh gun, kaun si shakti apne mein vishesh dhaaran ki? to check karte rahenge, svayan ko paripakva karte rahenge to safe rahenge। amar rahenge। to amar rehna,amar pad paana hi hai। achha।

chaaron or ke bephikra baavshaahon ko,sada roohaani phookhur mein rahne vaale shreshtha aatmaon ko, sada praapta hue khazaanon ko jama khaate mein badhaane baale teevra purushaarthi aatmaon ko,sada ek samay mein teenon prakaar ki seva karne vaale shreshtha sevaadhaari bachchon ko baapdaada ka yaadapyaar, padam-padam-padamguna yaadapyaar aur namaste।

jaypur mein 19 taareekh ko mega programme hai, uska samaachaar baapdaada ne suna

baapdaada ne samaachaar suna ki raajasthaan ki raajdhaani mein mega programme ho raha hai। poona ka bhi bahut achha hua। maingalor ka bhi bahut achha hua। sabhi jagah ka to bata diya bahut achha hua। abhi jo hone vaala hai, woh bhi achha hoga। achha - jaypur ka mela aur hi raajasthaan mein aavaaj jyaada phailaayega kyonki jahaan headquarter hai, to headquarter ka aavaaj bhi head hona chaahiye na। to achha hai, aapas mein meeting kar rahe hain sabhi mil karke karenge, saphalta to gale ka haar hai hi। to himmat hai aur vishesh madhuban ki madad hai। baapdaada ki to madad hai hi। isliye sada saphalta hai, is nishichat nishchay se badhte chalo। theek hai na! poone vaalo ko bhi bahut-bahut mubaarak ho aur maingalor mein to chhote-chhotiyon ne kamaal kar dikhaai। to chhoton ne subhaanaalla ka practical saboot dikhaaya। isliye sabhi ko mubaarak ho । mubaarak ho।

achha – om shanti ।