रविवार 4 सितंबर 2005 की अव्यक्त मुरली

> 04-09-05om shanti avyakt baapdaadaamdhuban

“shiksha ke saath kshama aur raham ko apna lo। duaayen do,duaayen lo to aapka ghar aashram ban jaayega”

aaj baapdaada sarva bachchon ke mastak mein purity ki rekhaayen dekh rahe hain kyonki brahman jeevan ka foundation hi hai pavitrata। pavitrata ki rekhaayen kaun-si hain,jaante ho?pavitrata sarva ko priy hai। pavitrata sukh, shanti,prem,aananda ki janni hai। pavitrata maanav ka sachcha shrringaar hai। pavitrata nahin to maanav jeevan ka moolya nahin। jaise dekhte ho devtaayen pavitra hain,isliye hi maanneey aur poojneey hain। pavitrata nahin to maanav jeevan ko aajkal dekh rahe ho। baapdaada ne aap sabhi bachchon ko baahman janma ka vardaan yahi diya - pavitra bhav, yogi bhav। jis aatma mein pavitrata hai, uski chaal, chalan,chehra chamakta hai isliye pavitrata hi jeevan ko shreshtha banaane vaali hai। vaastav mein aapsab bachchon ka aadi swaroop hi pavitrata hai। anaadi swaroop bhi pavitrata hai। aisi pavitra aatmaon ki visheshtaayen unki jeevan mein sada pavitrata ki personality dikhaai deti hai। pavitrata ki reality,pavitrata ki royalty chehre aur chaal mein dikhaai deti hai। yeh rekhaayen jeevan ka shrringaar hai। reality hai – “mera anaadi-aadi swaroop pavitra hai”,yeh smriti samartha bana deti hai। royalty hai - svayan bhi svamaan mein aur har ek ko sammaan dekar chalne vaala। personality hai – “sada santushtata aur prasannata”। svayan bhi santushta aur anya ko bhi santushta karne vaale। pavitrata se praaptiyaan bhi bahut hai। baapdaada ne aap sabhi bachchon ko kya-kya praapti karaai hai, woh jaante ho na ! kitne khazaanon se bharpoor kiya hai। agar praaptiyon ko smriti mein rakhen to bharpoor ho jaayen।

sabse pahla khazaana diya hai - gyaan ka khazaana। jisse jeevan mein rehte dukh-ashaanti se mukta ho jaate। vyartha sankalp, negative sankalp, vikalpa,vikarma se mukta ho jaate hain। agar koi bhi vyartha sankalp va vikalpa aata bhi hai, to gyaan ke bal se vijayi ban jaate hain। doosra khazaana hai - yaad, yog। jisse shaktiyon ki praapti hoti hai aur shaktiyon ke aadhaar se sarva samasyaaon ko,sarva vighnon ko sahaj paar kar lete hain। teesra khazaana hai - dhaarnaaon ka, jisse sarvagunon ki praapti hoti hai। aur chautha khazaana hai - seva ka। seva karne se,jiski seva karte ho uski duaayen milti hai, khushi praapta hoti hain।

itne khazaane baap se aap sabhi bachchon ko praapta hote hain। baap sabhi ko ek jaise hi khazaane dete hain। koi ko kam, koi ko jyaada nahin dete hain। lekin lenevaalon mein pharka ho jaata hai। koi bachche to khazaane ko praapta kar khaate, peete,mauj karte aur phir mauj mein khatma kar dete hain। aur koi bachche khaate,peete, mauj karte jama bhi karte hain। aur koi bachche kaarya mein bhi lagaate aur badhaate bhi jaate hain। badhaane ki chaabi hai- khazaane ko sva ke prati aur doosron ke prati use karna। jo use karta hai woh badhaata hai। to apne aapse poochho ki yeh vishesh khazaane jama hain? jama hain? kya kahenge? haan ya thoda-thoda?jiske paas yeh khazaane jama hain woh sada bharpoor rehta hai। dekho koi bhi cheez bharpoor rehti hai na,to halchal nahi hoti hai। agar bharpoor nahin hoti to halchal hoti hai, hilti hai। koi bhi cheez ko agar poori reeti se bhar nahin do to woh hilti hai, to yahaan bhi agar sarva khazaanon se bharpoor nahi hain, to halchal hoti hai। sada yeh nasha rahe ki baap ke khazaane mera janmasiddha adhikaar hai। baap ne diya,aapne liya to sab khazaane kiske hue? aapke ho gaye na। to jiske paas khazaane hain,woh kitna nashe mein rehta hai? jaise chhota-sa raaja ka ladka raajkumaar hota hai। pata bhi nahi hota hai ki baap ke paas kya-kya khazaana hai lekin nasha rehta hai ki baap ke khazaane mere khazaane hain aur khazaane ki khushi mein rehta hai। agar khushi kam rehti hai to uska kaaran kya hota hai? baap ne to khazaane diye hain, suna। lekin ek hain sunnevaale,doosre hain samaanevaale। jo samaanevaale hain woh nashe mein rehte hain।

aaj naye-naye bachche bhi aaye hain। baapdaada aap lucky bachchon ko aap sabke bhaagya ki mubaarak de rahe hain। apne bhaagya ko pahchaana। pahchaana hai? parmaatma-pyaar,avinaashi pyaar jo sirf ek janma nahin chalta, anek janma sada hi pyaar kaayam rehta hai kyoki yeh jo samay chal raha hai,yeh samay bhi sangamayug bhaagyavaan yug hai। satayug ko bhi bhaagyavaan kehte hain lekin vartamaan sangamayug ka samay usse bhi bhaagyavaan hai। kyon? is sagmayug mein hi baap dvaara akhanda bhaagya ka vardaan, varsa praapta hota hai। to aise sangamayug mein,bhaagyavaan samay mein aap sabhi apna bhaagya lene ke liye pahunch gaye ho। baapdaada bachchon ko bahut ek sahaj purushaartha ki vidhi sunaate hain - sahaj chaahte ho na। mushkil to nahin chaahte ho na। in bachchon ko to bhaagya ki sahaj vidhi mil gai hai। mili hai na? sabse sahaj, aur kuchh bhi nahi karna, sirf ek baat karna। ek baat to kar sakte ho na ! haan karo ya na karo। kaho haan jo। to sabse sahaj vidhi hai - amritvele se leke sabko jo bhi mile, usse duaayen lo aur duaayen do। chaahe krodhi bhi aave, lekin aap usko bhi duaayen do aur duaayen lo kyonki duaayen teevra purushaartha ka bahut sahaj yantra hai। jaise science mein rocket hai na,to kitna jaldi kaarya kar leta hai। aise duaayen dena aur duaayen lena, yeh bhi ek bahut sahaj saadhan hai aage badhne ka। amritvele baap se sahaj yaad se duaayen lo aur saara din duaayen do aur duaayen lo। yeh kar sakte ho? kar sakte ho to haath uthaao। koi baddua de to kya karenge?aapko baar-baar tang kare to? dekho,aap paramatma ke bachche daata ke bachche daata ho na ? master daata to ho। to daata ka kaam kya hota hai? dena। to sabse achhi cheez hai duaayen dena। kaisa bhi vyakti ho,lekin hai to aapka bhaai-behen। paramatma ke bachche to bhaai-behen ho na। to paramatma ka bachcha hai, mera eeshvareey bhaai hai, eeshvareey behen hai, usko kya denge?baddua denge kya? baap kabhi baddua deta hai? dega?deta hai?haan ya na?haan-na karo। bahut khush rahenge। kyon? agar baddua vaale ko bhi aap dua denge, woh de na de, lekin aap dua lenge,to duhkh kyon hoga। baapdaada aap aaye hue bachchon ko ek vardaan deta hai- vardaan yaad rakhenge to sada khush rahenge। vardaan sunenge? sunenge।

vardaan hai- agar aapko koi dukh de to bhi aap dukh lena nahin। woh de lekin aap nahi lena। kyonki denevaale ne de diya, lekin lenevaale to aap ho na। denevaala,lenevaala nahin hai। agar woh buri cheez deta hai, dukh deta hai, ashaanti deta hai, to buri cheez hai na। aapko dukh pasanda hai? nahin pasanda hai na। to buri cheez ho gai na। to buri cheez li jaati hai kya?koi aapko buri cheez deve to aap le lenge? lenge?nahi lenge। to lete kyon ho? le to lete ho na। agar dukh le lete ho to duhkhi kaun hota hai?aap hote ho ya woh hota hai?lene vaala jyaada duhkhi hota hai। agar abhi se duhkh lenge nahin to aadha duhkh to aapka door ho gaya। lenge hi nahin na। aur aap duhkh ke bajaae usko sukh denge to duaayen milegi na। to sukhi bhi rahenge aur duaaon ka khazaana bhi bharpoor hota jaayega। har aatma se, kaisi bhi ho aap duaayen lo।

shubhbhaavna,shubhkaamna rakho। kabhi-kabhi kya hota hai?koi aisa kaam karta hai na,to koshish karte hain shiksha dene ki। isko theek kar doon, shiksha dete ho। shiksha do lekin shiksha dene ki sarvottam vidhi hai ki kshama ka roop banke shiksha do। sirf shiksha nahin do, raham-kshama bhi karo aur shiksha bhi do। do shabd yaad rakho - shiksha aur kshama-raham। agar merciful banke usko shiksha denge to aapki shiksha kaam karegi। agar merciful banke nahin denge,to shiksha ek kaan se sunenge doosre kaan se nikal jaayegi। shiksha dhaaran nahin hogi। aise hai na? anubhav hai? aap bhi kiseeka shikshak to nahi ban jaate? shikshak banna jaldi aata hai lekin kshama karna,donon saath-saath chaahiye। abhi se raham। raham karne ki vidhi hai shubhbhaavna, shubhkaamna। jaise kehte hain na sachcha pyaar patthar ko bhi paani kar deta hai, aise hi kshama swaroop se shiksha dene se aapka kaarya jo chaahte ho, yeh nahi kare, yeh nahin ho, woh pratyaksha dikhaai dega। aapke merciful ban shiksha dene ka prabhaav uski kathordil bhi parivartan ho jaayegi। to kya vardaan mila? na duhkh dena, na duhkh lena। pasanda hai? pasanda hai to abhi lena nahin। galti nahi karna। jab baap duhkh nahin deta to follow father to karna hai na? kar rahe hain। kabhi-kabhi thoda daant dete ho। daantana nahin। raham karo। raham ke saath shiksha do। baar-baar kisko daantane se aur hi aatma jo hai na, woh dushman ban jaati hai। ghrina aa jaati hai। parmaatma bachche ho na। to jaise baap patit ko bhi paavan banaane vaala hai,to aap duhkhi ko sukh nahi de sakte ho? abhi jaakar trial karna, trial karenge na। to pahle charity begins at hom। parivaar mein agar koi duhkh deve, to bhi duhkh lena nahin। duaayen dena, merciful banna। pahle gharvaalon par karo। aapke ghar ka prabhaav mohalle mein padega, mohalle ka prabhaav desh mein padega, १ desh ka prabhaav vishwa mein padega। sahaj hai na। apne parivaar mein shuru karo kyonki dekho ek bhi agar krodh karta hai to ghar ka vaataavran kya ho jaata hai?ghar lagta hai ya yuddha ka maidaan lagta hai?us samay achha lagta hai?nahin lagta hai na ?

aap logon ke liye bhi hai (aaj vi. aai.pi. ke saath madhuban vaale samarpit bhaai-bahnen bhi saamne baithe hain)। apne-apne saathiyon se,apne-apne kaaryakartaaon se na dukh lena,na duhkh dena। duaayen dena aur duaayen lena। agar aap adhikaar se aise samay par bhi dil se mera baba kahenge,paramatma baba, mera baba, to kahaavat hai ki bhagwan sada haajir hai। agar aapne dil se,adhikaar roop mein aise samay par mera baba kaha, to baap zaroor haajir ho jaayega। kyonki baap kislie hai? bachchon ke liye to hai। aur adhikaari bachche ko baap sahayog nahin de,yeh ho hi nahin sakta hai। asambhav। to parivartan karke jaana। jaise aaye vaise nahi jaana, parivartan karke hi jaana। kyonki tekho,itna kharcha karke aaye ho,ticket to lagi na। kharcha bhi kiya, samay bhi diya, to uski value to rakhenge na। to value hai- svaprivartan se pahle ghar ka parivartan, phir vishwa ka, desh ka parivartan। aapka ghar aashram ban jaaye। ghar nahin,aashram। vaise bhi aashram hi kehte hain,grihastha aashram, lekin aaj aashram nahin hain। aashram alag hai, ghar alag hai। to ghar ko aashram banaana। duaayen dena aur lena, yeh aashram ka kaarya hai। aapka ghar mandir ban jaayega। mandir mein moorti kya karti hai?duaayen deti hai na। moorti ke aage jaakar kya kehte hain?dua do। mercy, mercy kahke chillaate hain। to aapko bhi kya dena hai? dua। eeshvareey pyaar do, aatmik pyaar। shareer ka pyaar nahin,aatmik pyaar। aaj pyaar hai to svaartha ka pyaar hai। sachchi dil ka pyaar nahin hai। svaartha hoga to pyaar denge, svaartha nahin hoga to don't-care। to aap kya karenge?aatmik pyaar dena,dua dena,dukh na lena,na duhkh dena। dekho aapko chance mila hai,baapdaada ko bhi khushi hai। itne jo bhi sab aaye hain, (bhaarat ke kareeb २५० vi.aai.pi retreat mein aaye hue hain)|itne ghar to aashram banenge na। banaayenge na? pakka?ki thoda-thoda kachcha? jo samajhte hain kuchh bhi ho jaae, thoda sahan to karna padega, samaane ki shakti kaarya mein lagaani padegi,lekin sahanshakti ka phal bada meetha hota hai। sahan karna padta hai lekin phal bada meetha hota hai। to jo pakka vaayda karte hain, ghar-ghar ko svarga banaayenge, mandir banaayenge, aashram banaayenge, woh haath uthaao। dekha-dekhi mein nahin uthaana kyonki baapdaada hisaab lega na phir। dekhkar nahin uthaana। sachcha-sachcha man ka haath, man se haath uthaao। achha। daadiyaan, inko iski kya prize denge?haan bolo,daadi itne mandir ban jaayenge to aap usko kya prize dengi? (apne gharvaalon ko le aave)। yeh to prize nahin di, yeh to kaam suna diya। (baba jo aagya karenge)। dekho,prize to aapko mil jaayegi, koi badi baat nahin hai, lekin -lekin hai? lekin bolo। aap jaane ke baad apni dhaarna se parivartan karna aur 15din ke baad,maas ke baad apni result likhna। jo ek maas bhi dukh nahi lega, na dega, usko bahut achhi prize denge। agar aap aayenge to mubaarak hai, agar nahin aa sakenge to bhi centre par bhejenge।

aaj vishesh inhon ke prati aana hua hai na to kamaal karke dikhaana। parmaatma bachche ho,kamaal nahin karenge to kya karenge ?dhamaal nahin karna, kamaal karna। agar koi galti se aapke paas bura sankalp aa jaaye, to kya karenge?aayega to sahi, kyonki aapne bahut samay buraai ko paal ke rakha hai, to dekho, pashu jise paalte hain usko agar door bhi chhodkar aate hain, to woh phir vaapas aa jaata hai। to maano aapne haath to uthaaya, bahut achha kiya lekin galti se koi kamzori aa jaae, to kya karenge?kamzori laane denge?dekho, iski bhi vidhi bataate hain। aapne vaayda to kiya na, buraai de diya na। buraai baap ko de di na। achha koi ko koi cheez de dete hain,phir agar galti se aapke paas aa jaati hai to aap kya karenge?apne paas rakhenge ki vaapas karenge?vaapas karenge na? to agar aapke paas thodi krodh ki rekha,lobh ki,moh ki, abhimaan ki, galti se aa bhi jaaye,kyonki bahut samay rakha hai, to use vaapas kar dena। baba, baba aap apni cheez aap sambhaalo,meri nahin hai। baap to saagar hai na। saagar mein sama dena। aap use nahin karna kyonki amaanat ho gai na, to amaanat mein khayaanat nahin ki jaati hai। baap ko de do, baba aap jaano, yeh jaane। main nahin use karoonga। chhote bachchon ko bhi aap sikhaate ho,mitti nahin khaana। sikhaate ho na ? aur bachcha phir mitti kha leta hai। usko mitti achhi lagti hai phir aap kya karte ho? baar-baar uske haath ko chhudaate ho ya khaane dete ho?chhudaate ho na। to yahaan apne man ko chhudaana। man mein hi to aayega na। to apne man ka maalik banke is cheez ko chhodna। vidhi theek hai na। karenge to sahaj ho jaayega। himmat nahin chhodna। aapki himmat ka ek kadam aur hajaar kadam baap ki madad ka hai hi। anubhav karke dekhna। himmat nahin haarna, dilshikasta nahin hona। sarvashaktivaan ke bachche hain,dilshikasta nahin hona। himmat nahin haarna, dridhaskalpa karna, saphalta aapka janmasiddha adhikaar hai।

bahut achha kiya। achha abhi kya karna hai?isko kehte hain vi. aai .pi. group। dekho,aapko title achha mila hai। abhi vi.aai.pi. nahi banna,vi.vi aai.pi.। vi.aai.pi. to common hai, lekin vi.vi.aai.pi। vishesh aatma aai pi। achha। aaj madhuban nivaasiyon ko chance mila hai। yeh sabhi madhuban nivaasi aap sab aaye hue bhaai-bahnon ko bahut thanks de rahe hain ki aapke kaaran madhuban nivaasi bhi mile kyonki aapka group chhota hai। nahin to bahut hajaaron ka group hota hai।

to ek maas ke baad apne centre ki taraph se result likhna। phir prize zaroor denge। achha। achha,abhi kya karna hai? (zone -wise milna hai)

dilli zone- dilli nivaasiyon ko to seva ka chance bahut achha hai kyonki dilli ki jo bhi sevaayen hoti hain,woh vishwa mein phailti hai। dilli ka aavaaj vishwa tak pahunchta hai। to dilli se abhi kitne aaye hain? (५०) to jab dilli mein ५० ghar aashram ban jaayenge to naam kitna hoga। vaayumandal to badlega na kyonki koshish to sab karte hain ki ghar-ghar mein har aatma shant ho jaae, sukhi ho jaae। to jab dua denge aur lenge to ghar mein sukh aur shanti ka vibration hoga aur woh aavaaj vaayumandal mein phailega। ek to ghar aashram banega aur vaayumandal bhi phailega। double seva ho jaayegi। to kya banenge?dilli vaale number one banenge ya do bhi chalega? ek number lena hai ya do bhi chalega? (ek number lena hai) achha, phir to sab taali bajaao। bahut achha himmatvaan bachchon ko baapdaada ki padamguna madad hai hi hai। achha।

panjaav-hariyaana, himaachal, jambu kashmeer aur uttaraanchal-achha hai|panjaab mein nadiyaan bahut hai। to nadiyon ka kaam kya hai? nadiyaan sabhi ko sheetalta deti hai। to aap parmaatma bachche panjaab mein sheetalta, shanti ka vaayumandal phailaayenge। vaise panjaab ko sher bhi kehte hain। panjaab sher hai, to sher kisse darta nahin hai,daraata hai। darta nahin hai to aap bhi maaya se darna nahin। master sarvashaktivaan ban saamna karna,theek hai। itni taakat hai panjaab mein? karenge? chaahe uttaraanchal ho,chaahe kya bhi ho, sabhi karenge? to himmate bachche madde baap। kuchh bhi aave, mera baba kahne se sab khatma ho jaayega। dil se kehna, sirf mukh se nahi,man se kahenge to sab duhkh door ho jaayenge। achha।

aandhra pradesh-(kareeb ४० hain) sada apne ko,ham vijayeeratna hain kyonki paramatma ka saath hai to paramatma jiska saathi hai woh sada vijayi hai hi hai। to sada apne ko parmaatma saathi paandav anubhav karna। vijay aapke gale ka haar hai,yahi sada smriti mein rakhna। gale mein vijay ki maala piroi hui hai। yeh nishchay aur nasha rakhna। theek hai na ! abhi aandhra number lena। woh kehte hain number one aur aap bhi number one banna hai to number-two banke kya karenge। to aap bhi number one banna। win karenge to one honge। win karna aata hai na, to win,one। achha।

mumbai aur mahaaraashtra-mahaaraashtra ka arth hi hai mahaan, mahaan ho na। abhi baap ki yaad aur seva dvaara apne ko mahaan banaaye auron ko bhi mahaan banaana। jaisa naam hai na mahaaraashtra। to koi mahaan kaarya karenge na। to mahaan banna hi hai,aur mahaan kaarya karke dikhaana hai। aise pakke hain?pakke?mahaan to pakke hi hote hain। baapdaada ko khushi hai har ek jo bhi aaye hain woh himmatvaale hain। ghabraane vaale nahin hain। imlie mubaarak ho, mubaarak ho,mubaarak ho।

karnaatak-karnaatak vaalon ko baapdaada kehte hain, dekho naam hai, kar-naatak,naatak kar। to is srishti ko bhi naatak kehte hain, behad ka drama। ismen karnaatak vaale kya bajaayenge?hero part bajaaenge? hero। achha iske liye kya karna padega। bahut chhoti-si baat hai, zero ka yaad karna to hero ban jaayenge। sahaj hai na। aur zero svayan aatma bhi hai,aur zero baap bhi hai, to zero ko yaad karna, hero ban part bajaana, theek hai na। bahut achha। bhale aaye। mubaarak ho।

taamilnaadu-dekho paandav bhi paanch the|aap agar thode hain, koi harja nahi। lekin paanch paandav thaade hote bhi vijayi ban gaye। to aap aaye thode ho lekin vijayeeratna hain, aur sada vijayi rahenge, sankhya kam hai to koi harja nahin lekin vijayi hain,vijayi rahenge। to vijay ka vardaan aap sabka vishesh hai। theek hai,vijayi banenge।

gujraat-baapdaada aap sabke mastak mein kya dekh rahen hain?baapdaada aapke mastak mein teen binduon ka tilak dekh rahen hain। woh teen bindiyaan hain, ek aap aatma bindi,bindi ho na। baap bhi bindi, aur jo kuchh drama mein beet jaata hai to usko fullstop lagaaya jaata hai,to fullstop bhi bindi hota hai na। to aap sabke mastak mein teen binduon ka tilak dekh rahen hain। abhi roj amritvele uthkar baapdaada se milan manaayen shakti len, duaayen len,apne aapko teen binduon ka tilak lagaana। tilak mastak mein hi lagaaya jaata hai kyonki mastak smriti ka sthaan hai। to aap smriti ka, teen binduon ka roj tilak lagaana। tilak lagaana aata hai na। abhi yeh tilak lagaana to saara din bahut sahayog milega। tilakdhaari ban taajdhaari ban jaayenge, takhtadhaari ban jaayenge। achha।

eastern-east se kya nikalta hai?soorya nikalta hai। to aap eastern zone ki taraph se aaye ho to kya jaakar karenge? gyaansoorya uday ho chuka hai, iska parichay sabko dena। jaise soorya sabko sakaash deta hai na, roshni deta hai na,aise aap bhi master ho na। aap master gyaansoorya ho gaye to aap kya karenge?sabko roshni dena, sakaash dena। yeh hai eastern zone ka kaarya। theek hai? bahut achha। vaise eastern se hi brahma baap nikla,lucky hai। to aap log to double lucky ho gaye। sthaan bhi lucky aatmaayen bhi lucky। achha। bahut achha।

raajasthaan-naam hi hai raajasthaan। to raajasthaan mein raajaayen rehte the। abhi to nahin hain lekin rehte the। to aap bhi raaja banke ja rahe hain। raaja bane?svaraajya। svaraajya ka tilak lagaaya na। to hamesha yahi yaad rakhna ki ham raajasthaan ke svaraajya adhikaari hain। jo svaraajya adhikaari banta hai woh vishwa ka raajya adhikaari understood banta hai। to svaraajya kabhi dheela nahin karna, raaja to raaja hota hai na। kabhi bhi koi kamenndriyon ke vash nahin hona। raaja banke order karna, raaja banke kaayde se chalaana। to raajasthaan ko svaraajya adhikaari ka vardaan hai। theek hai na 'svaraajya hai na pakka'। dekho raajasthaan bahut najdeek hai to jo nearest hota hai woh dearest hota hai। to aise hi apne ko anubhav karna। achha।

UP:-teen hain। teen to trimoorti gaai hui hai। to ek hai master brahma, master vishnu, master shankar, trimoorti ho gai। bahut achha। dekho,paramatma bhi trimoorti shiv kahlaaya jaata hai। to aap trimoorti bhi kamaal karke dikhaayenge। baapdaada hamesha chhota jo hota hai na usko samaan baap kehte hain। to aapki sankhya thodi hai lekin hain baap samaan। abhi doosri baari apna jyaada sangathan banaake aana। banaayenge na ?aap samaan banaake phir bade sangathan se prize aake lena। achha।

madhya pradesh, chhatteesgadh:-achha hai। aap sabhi Indore aur bhopaal donon aisi kamaal karke dikhaana jo abtak kisne ki nahin ho kyonki Indore brahma baap ne apne sankalp se sthaapan kiya tha। Indore ki visheshta hai,brahma baap ki najar Indore ke oopar padi thi। to Indore vaale aur bhopaal vaale, hain to madhyapradesh। lekin aisi kamaal karke dikhaana,kam-se-kam ek kamaal yeh karna,easy hai –koi-na-koi aisa mike taiyaar karo jiski aavaaj sunkar sabhi par,anekon ke oopar, prabhaav pade। anekon ka kalyaan karne ke nimitta ban jaae। jaise dekho ek mike kitna kaarya kar raha hai, kitne sun rahe hain। to aisa authority vaala bol ho, jo anek sun karke parivartan ho jaae, usko baapdaada kehte hain ‘mike’। to kam-se-kam ek mike taiyaar karke aana। theek hai? kamaal karna। bas sirf mera baba, meri seva, yeh yaad rakhna to sab kaam ho jaayega। achha।

shreelanka, Malaysia, yu.S.A.:-dekho videsh ki bhi saugaat dekh li na। shreelanka mein seva bahut achhi ki hai। baapdaada ne samaachaar suna ki prakriti ke jal tsunami ki haalat mein shreelanka vaalon ne bahut sahayog diya,aadhyaatmik bhi aur cheejon ka bhi। aur baapdaada ne bahut achhi khabar suni hai ki vahaan sevaakendra kholne ki koshish kar rahe hain, jahaan aapdaayen aai thi,to yeh bhi achha plan bana rahe hain aur shreelanka ka naam sun karke to raavan ko jeetne ka sankalp aata hai। to shreelanka mein raavan ka naamnishaan nahin rahe, raavan woh nahin, yeh5 buraaeeyaan hi raavan hai। 5 vikaar naari mein bhi hai, 5vikaar nar mein bhi hai, to donon ka mila hua १० sheesh vaala raavan dikhaate hain। baaki १० sheeshvaala manushya soyega kaise, khaayega kaise, lekin yeh buraaeeyon ka soochak hai। to lanka nivaasi bahut achha plan bana rahen hain aur saare brahman parivaar aapke sahayogi hain,baapdaada to hai hi। pahle baapdaada phir sarva parivaar bhi is seva ke sahayogi hain। achhi unnati kar rahe hain। iske liye mubaarak hai, padamguna mubaarak। achha।

Malaysia mein bhi seva ka umang bahut hai। baapdaada ke paas to sab samaachaar bhi aate hain। aur abhi-abhi yaad bhi bheji hai na। to Malaysia mein service ka shauk achha hai aur centre ke peechhe centre kholte hi jaate hain aur saphalta bhi milti jaati hai iseelie Malaysia vaali sabhi brahman aatmaon ko jinhonne bhi yaadapyaar bheja hai, patra bheja hai, un sabhi bachchon ko padamguna duaayen aur yaadapyaar। achha।

aap sabhi madhuban nivaasi apne bhaai-bahnon ko dekhkar bahut khush hue na। khush hain? aap logon ne madhuban mein raunak kar di। baapdaada kahten hai ki bachche madhuban ka shrringaar hain। to madhuban vaale, dekho aap logon ko dekhkar bahut khush ho rahen hain। seva ka chance diya to kitna punya jama ho gaya,iseelie khush ho rahe hain। achha। yeh bhi aaj ka milan drama mein noondha hua tha jo repeat hua aur har kalpa repeat hota rahega। achha।

chaaron or ke desh videsh ke bachchon ki yaad baapdaada ko mili hai। chaahe phone dvaara yaad bheji hai,chaahe patra dvaara, chaahe dil mein yaad kiya hai, to baapdaada sabhi bachchon ko chaahe bhaarat ke,chaahe videsh ke return mein duaayen aur yaadapyaar padamguna de rahen hain। chaaron or ke parmaatma pyaar ke adhikaari bachchon ko, chaaron or sarva khazaanon se bharpoor, nirvighna,nirvikalp,niravyartha sankalp rahne vaali shreshtha aatmaon ko,saath-saath sarva parivartan karne aur karaane ke umang-utsaah mein udne vaale bachchon ko, saath-saath baapdaada ko sachchi dil ka samaachaar denevaale sachche dilvaale bachchon ko vishesh dilaaraam ke roop mein, baap ke roop mein,shikshak ke roop mein, satguru ke roop mein padamguna yaadapyaar aur namaste।

bi.ke. guide aur sevaadhaari-baapdaada sevaadhaari bachchon ko seva ki mubaarak de rahe hain। bahut achhi-achhi aatmaayen laai hain, himmat vaali laai hain,aur himmat ka pratyaksha pramaan dikhlaane vaali aatmaayen laai hai, isliye jo bhi jitnon ko bhi laaye hain, utne padamguna mubaarak ho। achha hai। golden chance bhi mil gaya। seva ka pratyaksha phal to mil gaya। aise hi saare vishwa ko baap ke pyaar, baap ke sandesh ka zaroor kaarya karte rahenge। karna hi hai। hai hi iseelie nimitta। to sachche-sachche pande to aap ho। kitni achhi yaatra kara di hai। baapdaada bachchon ki sevaako dekh khush hote hain। to dekh liya,achhe hain,mahaarthi hain,seva mein mahaarthi banke aaye hain। achha। teachers ko bhi achha chance mila hai। paandavon ko bhi achha chance mila hai।

daadiyon se:- daadiyon ko dekh karke sabhi khush ho rahe ho na। daadiyon ko pyaar mila,sabko mila। achha hai, aap sabhi nimitta bane hue ko dekh karke harshit hote hain।

munni behen se:-nimitta bane hue kaarya ko achhi tarah se chala rahi ho,chalaati rahegi।

aap sabhi bhi nimitta ho। sabki najar pahle madhuban nivaasiyon ke oopar padti hai। madhuban mein nimitta banna arthaat light house banna,light dena।

neelu behen se:-achha part baja rahi ho aur nirsankalpa hokar bajaati raho। baapdaada aapke dil ki baaten jaante hain।

(daadi ratanmohini ne jaapaan, haangakaang,maneela ke bhaai-vahnon ki yaad di), vahaan seva karke vaapas aai hain - seva mein kitno ki duaaye milti hai। duaaye dekar bhi aate ho aur duaaye lekar bhi aate ho। refresh hona arthaat dil mein shaktiyo ki jvaala jag jaati hai। sab khush bhi hote hai aur aapki seva ka pratyaksha phal aapko bhi mil jaata hai।

teenon vade bhaaeeyon se - seva ka phal aapko bhi mil jaata hai। teeno hi milke yagya ki kai kaarobaar sambhaal rahe ho,sambhaalte rehna, teeno milke। ekne kaha doosre ne ho ji kiya। aisa hai na! baapdaada khush hote hai, jab mil karke koi kaarya saphal karte ho। kar rahe ho, karte rahege। achha।

(madurai ke mega programme ka samaachaar baapdaada ko sunaaya aur sabhi ki yaad di)baapdaada ne kaha madurai va taamilnaadu ke sabhi bhaai-bahnon ko bhi bahut-bahut yaad dena।

(nivair bhaai Australia,nyoojeelainda seva par jaane ki chhutti le rahe hain) - Australia ko thoda bal bharna। Australia number one tha। abhi ho raha hai, ho jaayega। aatmaayen bahut achhi himmat kar aage badh rahi hain,lekin gupta hai। achha।

madhuban nivaasi samarpit bhaai-bahnon ne baapdaada se mulaakaat

madhuban nivaasi bachchon ko,jo bhi brahman hain woh sabhi kis najar se dekhte hain। jaante ho na। madhuban niyaasiyon ko sabhi bahut vishesh najar se dekhte hain। jaise sthaan vishesh hai, headquarter kaha jaata hai। aise hi har ek madhuban nivaasiyon ko usi najar se dekhte hain। yeh vishesh aatmaayen hain। aur aaj to vishesh samarpit bhaai-behen baithe ho। samarpit arthaat tan-man-vastu chaahe kisi bhi roop mein hai, saadhan ke roop mein hai ya dhan ke roop mein hai। lekin samarpit arthaat jo bhi hai woh baap ke arpan ho gaya। usi ko hi samarpit kaha jaata hai। samarpit arthaat jismen meraapan ka ansh bhi nahin। kabhi galti se bhi meraapan nahin hai। samarpit ka arth hi hai- mera ek baba,baap ke saath daada to hai hi। samarpit arthaat saakaar roop mein karma mein brahma baap samaan aur niraakaari shreshtha yog ki sthiti mein niraakaar shiv baap ke samaan। to aise apne ko samajhte ho?na had ka maimpan, na had ka meraapan। sthaan bhi dekho chaahe paandav bhavan hai, chaahe shaantivan hai,chaahe gyaan sarovar hai, chaahe hospital hai,lekin sthaan bhi behad ke mile hain। sangathan bhi behad ka mila hai। aise behad ki sthiti anubhav karte ho? jo samajhte hain ki behad ki sthiti rehti hai, had ka main aur meraapan nahin hai, woh haath uthaao। meraapan nahin hai? phir to madhuban nivaasi majority paas hai। to daadiyon dvaara paas certificate mila hai? haan sabhi kehte hain,mere mein meraapan nahin hai, maipan nahin hai। aapne (daadi se) certificate diya hai? (nahin)|jinhonne haath uthaaya hai vo likhkar de deve to pakka ho jaayega। phir to baap samaan ban gaye na। dekho, teen certificate lene hain। ek svayan ko saakshi hokar certificate dena। haath uthaane se nahi,haath to sabhi utha lete hain। koi bhi question mein utha lete hain। man ka haath uthe। ek apne aapko saaksheedrishta ban certificate do। aur doosra- jin saathiyon ke saath kaarya karte ho unka certificate chaahiye। teesra- daadiyon ka chaahiye। chautha- baap ka chaahiye kyonki baap to sabke man ki gati ko dekhte hain। mukh ki gati nahin, man ki gati ko dekhte hain। achha hai, himmat rakhi hai haath uthaane ki, to himmat ko kaayam rakhna। pratyaksha roop mein dikhaai deve ki madhuban nivaasi har ek certificate lene vaala hai kyonki madhuban ka vaayumandal chhipta nahin hai। madhuban vaale sameep rehte hain, baap ki paalna, vishesh aatmaon ki paalna mil rahi hai। abhi baapdaada madhuban nivaasiyon se ek baat chaahte hain, har shakhsa jo bhi seva arth nimitta hai,us seva mein vaayumandal aise spashta dikhaai de, jaise pharishte karmayogi banke karma kar rahe hain kyonki sabhi ki najar madhuban nivaasiyon ki taraph jaati hai। madhuban mein kya ho raha hai, madhuban vaale kya kar rahe hain। madhuban mein aap nahi rehte ho lekin world ki stage par rehte ho। to stage par svatah hi sabhi ki najar jaati hai। achha hai seva mein majority ka certificate bahut achha hai samaan banne mein। abhi banna hai, yeh lakshya rakhna hai। baap jaisi chalan ho, chehra ho, tabhi baap pratyaksha hoga। to abhi madhuban nivaasiyon ko har sankalp,bol…bol mein bhi samaanta chaahiye। aur karma, aapas mein sambandh-samparka,sabmen samaanta। yeh vishesh attention dena hai। saadhaaran hai,samaanta laani hai। seva ka bal chala raha hai lekin chaaron hi subject mein apne ko check karo। phir apne ko certificate do। achha। aaj vishesh milna to hua na। baap ne to aapki aasha poorn ki,abhi baap ki aasha poorn karna।

samarpan hona yeh chhoti-si baat nahin hai। samarpit usko kaha jaayega jo baap samaan sabhi subject mein ho। baaki vishesh to ho hi। madhuban ki sabhi aatmaon ko har ek bahut bade regard sai dekhte hain। madhuban ke hain,madhuban ke hain। to kaai kamaal karke dikhaana,aapas mein chhota-chhota sangathan ka programme banaake baap samaan kis-kis baat mein hain. kisme thoda-sa raha hua hai,yeh check karo। vaastav mein checking jitni apne aap gahri kar sakte ho,yathaartha kar sakte ho vaisa doosra nahi kar sakta। baaki sabhi achhi tarah se rah rahe ho na, koi kami to nahin hai| yeh bhi bhaagya hai। bhaagya ne aapko madhuban nivaasi banaaya hai। to sab khush hain?khush rahat ho ki beech-beech mein thode naaraaz ha jaate ho?apne aapko realise karo। realise arthaat main jo hoon, jaisa hoon, vaise apne ko samajhna। aatma hoon, yeh common hai, lekin chalte-phirte mahoosasta aatma-abhimaani ki rehti hai?isko kahenge realisation। sanskaar hai,sanskaar ka gyaan hai, knowledge hai, sanskaar samaapta hue hain, parivartan hue hain va nahin? yeh apne ko mahsoos ho, yeh nahin hai, yeh theek hai, yeh nahin theek hai। doosra mahsoos karaayega to mahsoos nahin hota hai। to apne aapko realise karne ka paath padhaana। jaise saptaah course karte ho na aatma, paramatma,yog, drama,aise apne aapko realise karna। abhi realisation ka samay hai। jo baap chaahta hai woh kar raha hoon?sambandh-samparka mein bhi realise karo,shubhbhaavna,shubhkaamna hai?theek hai। realisation course apne aapko karaao। yeh doosra nahin kara sakta। sab course kiya,abhi last course hai realisation course। apne ko chalaana nahin,chalta hai, hai hi। samay dhokha nahin de deve na, madhuban nivaasi ho। to saath chalne vaale ho na। beech mein atakne vaale to nahin ho na। to realisation course apne aapka shuru karo। ek-ek baat mein realise karo। achha। mil to liya, abhi kya karna hai।

drishti leni hai to drishti mein baapdaada ko sada rakhna hai। aise hi drishti nahin leni hai। drishti lena arthaat drishti mein baap ko samaana। aisi drishti lena। achha।

om shanti।