गुरुवार 15 दिसंबर 2005 की अव्यक्त मुरली

>

15-12-05om shanti avyakt baapdaadaamdhuban

“naye varsha mein sneh aur sahayog ki rooprekha stage par laao, har ek ko gun aur shaktiyon ki gift do”

aaj parmaatma baap apne chaaron or ke parmaatma pyaar ke adhikaari bachchon ko dekh rahe hain। yeh parmaatma pyaar vishwa mein koton mein se koi ko praapta hota hai। yeh parmaatma pyaar nihsvaartha pyaar hai kyonki ek paramatma pita hi niraakaar, nirhankaari hai। manushya aatma shareerdhaari hone ke kaaran koi na koi svaartha mein aa hi jaati hai। parmaatma baap hi apne bachchon ko aisa nihsvaartha pyaar dete hain। parmaatma pyaar brahman jeevan ka vishesh aadhaar hai। brahman jeevan ka jeevandaan hai। agar brahman jeevan mein parmaatma pyaar ka anubhav kam hai,to pyaar ke bina jeevan ramneek nahin,sookha jeevan ho jaata hai। parmaatma pyaar hi jeevan mein sada saath bhi deta aur saathi ban sada sahayogi rehta। jahaan pyaar hai,saath hai vahaan sab kuchh bahut sahaj aur saral ho jaata hai। mehnat ka anubhav nahin hota hai। aisa anubhav hai na! parmaatma pyaare koi bhi vyakti va saadhnon ki aakarshan mein nahin aa sakte kyonki parmaatma aakarshan,parmaatma pyaar aisa anubhav karaata jo sada pyaar ke kaaran lavleen rehte hain, jisko logon ne paramatma mein leen hona samajh liya। paramatma mein leen nahin hota lekin parmaatma pyaar mein lavleen ho jaata।

baapdaada chaaron aare ke bachchon ko dekhten hain - parmaatma pyaare to sabhi bane hain lekin ek hai lovely bachche dusre hain lavleen bachche। to apne aapse poochho lovely to sabhi hain, lekin lavleen kahaan tak rehte hain? lavleen bachchon ki nishaani hai woh sada parmaatma pharmaan mein sahaj chalte hain। pharmaan mein bhi rehte aur dehbhaan se kurbaan bhi rehte hain kyonki pyaar mein kurbaan hona mushkil nahin hai। sabse pahla pharmaan hai - yogi bhav, pavitra bhav। baap ka bachchon se pyaar hone ke kaaran baap bachchon ko mehnat karte dekh nahin sakte kyonki baap jaante hain 63 janma bahut mehnat ki, abhi yeh alaukik janma mehnat se mukta ho ateendriy sukh ki mauj manaane ka hai। to mauj mana rahe ho ki mehnat karni padti hai? pyaar mein pharmaan par chalna mehnat nahin lagti। agar mehnat karni padti hai to pyaar ki percentage kam hai। kahaan na kahaan pyaar mein kuchh na kuchh leakage hai। do baaton ki leakage mahenat karaati hai - ek puraane sanskaar ka aaksharn। sansaar mein sambandh,padaartha sab aa jaata hai। aur doosra- puraane sanskaar ki aakarshan। yeh puraana sansaar aur puraane sanskaar apne taraph aakarshit kar dete hain। to parmaatma pyaar mein percentage ho jaati hai। check karo - in donon leakage se mukta hain?yaad karo aap aatma ke anaadi sanskaar aur aadi sanskaar kya the aur abhi ant ke brahman jeevan ke sanskaar kya hain? anaadi bhi hain, aadi bhi hain aur ant mein bhi shreshtha sanskaar hain। yeh puraane sanskaar madhya ke hain, na anaadi hain, na aadi hain,na ant ke hain। lekin lakshya kya hai sabhi ka? kisi bhi bachche se poochho to ek hi uttar dete hain lakshya hai baap samaan banne ka। yahi hai na! hai to haath uthaao। yahi lakshya hai pakka? ya beech-beech mein badli ho jaati hai? to baap bachchon se poochhte hain ki baap aur daada donon ke samaan sanskaar kaun se hain? sada baap har aatma ke prati udaarchitta rahe hain। har aatma ke prati sneh aur sammaan swaroop mein sahayogi rahe hain। aise svayan bhi apne ko har aatma ke prati sahayogi anubhav karte ho? sahayog de to sahayogi banen, nahin। sneh de to snehi banen,nahin। jaise brahma baap har bachche ke prati sahayogi banen, snehi banen, aise sarva ke sada snehi aur sahayogi। isko kaha jaata hai samaan banna। agar koi bhi bachche ko mehnat karni padti hai, sanskaar parivartan karne mein, uska kaaran kya hai?brahma baap ne apne oopar attention rakha lekin mehnat nahin ki, sanskaar parivartan mein mehnat ka kaaran hai - lovely bane hain lavleen nahin bane hain। baapdaada to har bachche ko lovely bachche samajhte hain, jaante bhi hain, janmapatri har ek ka jaante hain। parivaar bhi kya kahenge? lovely hain। baapdaada har bachche ko ek hi padhaai,ek hi paalna,ek hi vardaan sada dete hain। chaahe last number bhi jaante hain phir bhi baapdaada kisi bhi bachche ka avgun, kamzori sankalp mein bhi nahin rakhte। laadla hai, sikeeldha hai, meetha-meetha hai… isi drishti aur vritti se dekhte kyonki baapdaada jaante hain isi vritti aur shreshtha drishti se kamzor mahaaveer ban jaayega। aise hi apne shreshtha vritti aur shubhbhaavna,shubhkaamna dvaara kisi ka bhi parivartan kar sakte ho। jab aapne challenge kiya hai ki prakriti ko bhi parivartan karke dikhaayenge to kya aatmaon ka parivartan nahin kar sakte! prakritijeet bante ho to aatma, aatma ki shreshtha bhaavna se, kalyaan ki kaamna se parivartan nahin kar sakte hain ?

abhi naya varsha shuru hone vaala hai na - to naye varsha mein sarva behad ke brahman parivaar ke beech ek do ke prati apne shubhbhaavna,shreshtha kaamna dvaara harek ek do ke parivartan karne mein sahayogi bano,chaahe kamzor hai, jaante ho iske sanskaar mein yeh kamzori hai lekin aap sneh aur sahayog ki shakti dvaara sahayogi bano। ek do ko sahayog ka haath milaao। is sahayog ke haath milaane ka drishya aisa ban jaayega jaise haath mein haath sneh ka milaana,sahayog ka milaana, maala ban jaaye। shiksha nahin do, sneh bhara sahayog do। nyaara nahin bano, kinaara nahin karo, sahaara bano kyonki aapka yaadgaar vijaymaala hai। har ek manka,manke ke saathi sahayogi hai tab maala ka chitra bana hai। to sabhi baapdaada se poochhte hain naye saal mein kya karna hai? sandesh dene ka kaarya to bahut kiya,kar rahe hain,karte rahenge। ab sandesh-vaahkon ke sahayog aur sneh ki rooprekha stage par laao। mahaadaani bano,apne gunon ka sahayogi bano,banaao। aise apne gunon ka,hain to parmaatma gun lekin jo apne mein banaaya hai,us gun ki shakti se unhon ki kamzori door karo। yeh kar sakte hain?kar sakte hain ya mushkil hai?teachers bataao, kar sakte hain? kar sakte hain ya karna hi hai?karna hi hai?koi kamzor nahin rahe, kyonki koton mein koi hai na! chaahe last daana bhi hai, hai to koton mein koi। aapka title hi hai - master sarvashaktivaan। to sarvashaktivaan ka kartavya kya hai? shakti ki len-den karna। baap dvaara mila hua gun aapas mein len-den karo। yahi sahayog ki gift ek do mein do। naye varsha mein ek do ko gift dete hain na! to is varsha mein ek do mein gunon ki gift do। agar kalyaan ki bhaavna rakhenge to jaise bhaashan karke sandesh dete ho na,vaani dvaara vaise apne kalyaan ki bhaavna dvaara,kalyaan ki vritti dvaara, kalyaan ke vaayumandal dvaara yeh gunon ki gift do, shaktiyon ki gift do। kamzor ko sahayog dena,yeh samay par gift dena hai,gire hue ko giraao nahin,chadhaao, ooncha chadhaao। yeh aisa hai, yeh aisa hai…, nahin। yeh prabhu pyaar ke paatra hai, koton mein koi aatma hai, vishesh aatma hai, vijayi banne vaali aatma hai, yeh drishti rakho। abhi vritti,drishti, vaayumandal change karo। kuchh naveenta karni chaahiye na! kamzori dekhte, dekho nahin, umang do, sahayog do। aisa brahman sangathan taiyaar karo to baapdaada vijay ki taali bajaayega। aap bhi baar-baar taaliyaan bajaate ho na,baapdaada mubaarak ho, badhaai ho, greetings ho, uski taaliyaan bajaayega। aap bhi saath mein taali bajaayenge na। abhi taali bajaai to achha kiya lekin vishwa ke aage taali baje। sabke mukh se yeh aavaaj nikle,hamaare eeshta aa gaye। hamaare poojya aa gaye। lakshya pakka hai na! pakka hai lakshya, karna hi hai?ya dekhenge,plan banaayenge! karna hi hai,plan kya,karna hi hai। abhi sabhi intajaar kar rahen hain। abhi inhon ka intajaar samaapta karen pratyaksha haane ka intajaam karen,dekhe prakriti bhi abhi kitni tang ho rahi hai। to prakriti ko bhi shant bana do। aap pratyaksha ho jaayenge to vishwa shanti svatah ho jaayegi। achha।

is baari bhi naye-naye bachche bahut aaye hain। achha hai। baapdaada khush hote hain ki jo bhi kone-kone mein chhipe hue kalpa pahle vaale bachche hain,woh pahunch rahe hain। abhi peechhe aane vaale bhi aisa lakshya rakho samay kam hai isliye teevra purooshaartha dvaara number aage le sakte ho। abhi bhi toolate ka board nahin laga hai,let ka laga hai। isliye jitna purooshaartha karne chaaho utna aage badh sakte ho। to pahle baari aane vaale haath uthaao। achha। sabhi ne, jinhonne bhi haath uthaaya hai, teevra purooshaartha karna hai na! abhi dheele purooshaartha ka samay gaya, chalne ka gaya, abhi udne ka samay hai। to double light banke udo। jo bhi banne chaaho, ban sakte ho। ulaahna nahin dena - baba hamko peechhe bulaaya, abhi bhi double light banke ud sakte ho। itna umang hai? jinhonne haath uthaaya, itna umang hai? jisko itna umang hai,aage jaakar hi dikhaana hai, woh haath uthaao। baapdaada to inhen advance mubaarak de rahe hain। achha।

gujraat ki hi seva hai, gujraat vaale hi milan manaane aaye hain:-gujraat vaale jo bhi hain,chaahe aaye hain, chaahe seva mein aaye hain, woh haath uthaao। bahut hain, bahut achha। achha chance liya hai। gujraat ko baapdaada kehte hain, sindhi mein kahaavat hai jo chul par woh dil par। to sabse najdeek mein najdeek gujraat hai। jo najdeek hota hai na,usko kaha jaata hai shadpanth par hai, bulaao aur pahunch jaaye। to aise ever ready hai na gujraat, kabhi bhi bulaayen aa jaao, to aa jaayenge? aise hai? parivaar ko nahin dekhenge kya karenge, aa jaayenge? ever ready hain। achha hai gujraat, saakaar brahma ke prerna se sthaapan hua hai। gujraat ne gujraat ko nimantran nahin diya, brahma baap ne gujraat ko khola hai। to gujraat ke oopar vishesh brahma baap ki najar padi hui hai। aur gujraat ne purooshaartha bhi kiya hai, centre achhe khule hain। kitne centre hain? 300sevaakendra,upsevaakendra hain aur 3hajaar geeta paathshaalaaye hain। achha sabse jyaada centre kis zone ke hain? (bambai-mahaaraashtra) achha। mahaaraashtra vaale aaye hain ? (aaj nahin aaye hain ) sabse jyaada mahaaraashtra mein hain gujraat seva to achhi kar rahe hain। gujuraat ka vistaar to achha hai। abhi kya karna hai। vistaar to hai vistaar to achha kiya hai,abhi gujraat vaale number one vaaris taiyaar karen। kam se kam jo bade sevaakendra hain, jo puraane vaaris hain, woh to hain hi lekin naya koi vaaris nikaalo। chalo ek-ek to nikaalo, kyonki maala mein manke vahi banenge jo vaaris quality honge। to maala to taiyaar karna hai na। 16108 ki bhi maala bani hui hai। abhi agar baapdaada bole108 ki maala banaao, to bana sakte ho?ban sakti hai?daadiyaan bataaven, 108ki maala ban sakti hai? (daadeeji ne kaha ban sakti hai।) taiyaar hain? 108 ki maala taiyaar ho gai hai? (haan baba taiyaar hai) achha likhkar dikhaana। taiyaar hai to bahut achha, mubaarak hai। achha 16 hajaar ki, aadhe tak bani hai? (aadha to kya unse bhi jyaada bani hai) achha hai na। dekho gupta roop mein bani hai aur aapki daadi ne dekh li hai। achha hai। abhi aapse sabhi poochhenge ki mera maala mein naam hai?achha hai। aisi shubhbhaavna,shubhaummeeden taiyaar hi kar leti hain। abhi sabhi ne suna na,apne ko check karna main us maala mein ever ready hoon?achha। aur kya karna hai?

CAD group:-achha hai,yeh bhi aavaaj phailaane ka saadhan bahut achha hai kyonki practical saboot dekhte hain na aur bina kharche ke maiditeshan dvaara theek ho jaana, to sabko bahut achha lagta hai abha dheere-dheere iski vriddhi karte jaao। suna hai, kar rahe hain aur saphalta bhi mil rahi hai aur bhi milti rahegi baaki baapdaada is kaarya ke liye nimitta banne vaalon ko mubaarak de rahe hain। official government tak pahunch rahi hai aur bhi phailaate rahenge to meditation ka mahatva badhta jaayega। baaki baapdaada ko yeh vidhi pasanda hai। achha।

double videshi:-double videshi to sada double purooshaartha karte honge na! puraana sansaar aur puraane sanskaar ka naamonishaan nahin rahe,yeh hai double purooshaartha। to aisa double purooshaartha chal raha hai ? chalta hai ? kandha to hilaao। jiska attention hai is double purooshaartha par woh haath uthaao। achha-phir to pratyakshata videsh se hogi। double purooshaartha karnevaalon ki vijay pratyaksha ho jaayegi। baapdaada ko khushi hai ki double foreigners seva aur purooshaartha donon taraph attention de aage badh rahe hain। badh rahe hain iski mubaarak hai lekin aage is attention mein aur bhi teevrata laao। jis bhi centre par jaayen vahaan aisa anubhav ho jaise madhuban ka vaayumandal। ab har ek sthaan aise vaayumandal ka anubhav karaave। jaise madhuban mein koi bhi aata hai, prabhaavit hokar hi jaata hai kisi bhi baat mein, aise koi bhi aatma aave, kisi na kisi baat mein aise prabhaavit hoke jaaye jo baar-baar aata hi rahe। aage badhta rahe। baaki attention hai, purooshaartha bhi hai, lakshya bhi hai ab practical aisa prabhaavit ho jo koi bhi aane ke bina,banne ke bina rah nahin sake। achha hai,har tarna mein videshi aate hain, isse bhi madhuban achha sundar lagta hai। international ho jaata hai na! vijayi hain aur vijay ka tilak sada apne mastak par pratyaksha dikhaai de yeh aur thoda vijay ka tilak spashta karo। jo bhi dekhe vijay ka chamakta hua tilak dikhaai de। kitne baar vijayi bane hain?anek baar bane hain, abhi bhi bane hain,phir bhi bante rahenge। to donon baaton mein vijayeebhav ka vardaan chalan aur chehre se dikhaai de। nishchay aur nasha to hai hi! ham nahin vijayi banenge to kaun banega, yeh nasha hai na ! nishchay bhi hai,nasha bhi hai। abhi ek do ke sahayogi ban vijay ka jhanda vishwa ke aage lahraao। kyonki double videshiyon ke sanskaar hain jo karna hai woh poora karna hai,adhoora nahin। to ismen bhi sampanna banna hi hai। theek hai। pakka hai na! kachcha to nahin na! achha। aajkal vishwa mein do baaten vishesh chalti hain - ek exercise aur doosra bhojan ke oopar attention। to aap bhi yeh donon baaten karte ho?aapki exercise kaun si hai? shaareerik exercise to sab karte hain lekin man ki exercise abhi-abhi brahman, brahman so pharishta aur pharishta so devta। yeh mansa drill ka abhyaas sada karte raho। aur shuddh bhojan,man ka shuddh sankalp। agar vyartha sankalp, negative sankalp chalta hai to yeh man ka ashuddha bhojan hai। to man mein sada shuddh sankalp rahe,donon karna aata hai na! jitna samay chaaho utna samay shuddhasankalpa swaroop ban jaao। achha।

chaaron or ke parmaatma pyaar ke adhikaari vishesh aatmaon ko, sada ek do ke sahayogi banne vaale baap ke snehi aur sahayogi aatmaon ko,sada vijayi hai aur vijay ka jhanda vishwa mein phailaana hai,is lakshya ko practical mein laane vaale vijayi bachchon ko, sada is puraane sansaar aur sanskaar ke aakarshan se pare rahne vaale baap samaan bachchon ko dilaaraam baap ka dil se yaadapyaar aur namaste।

daadiyon se:- (daadeeji se) achhi khushkhabri sunaai। (mohini behen se) achha hai mukta hokar aa gai। sahaj ho gaya na ! sab braahmanon ki duaayen bhi thi। sooli se kaanta karke aa gai। baapdaada khush hai, aapki mansa shakti ka pramaan achha hai। (daadeeji se) bahut achha part baja rahi ho। aapko dekhkar sabhi ko pharishta life yaad aati hai। nyaara aur pyaara।

gujraat ki mukhya 13 bahinon se:-achhe-achhe mahaaveer hain। mahaaveeron ka kaam hai vijayi ban vijayi banaana। to sabhi achhi seva kar rahe hain aur aage bhi seva hoti rahegi। baapdaada bachchon ke umang-utsaah ko dekh khush hote hain। achha gujraat mein phaila rahe ho। aur bhi aage phailaate rahenge। baapdaada ko sabhi bachche aashaaon ke deepak lag rahe hain। achha hai। sangathan bhi achha hai। ek-ek ki visheshta hai। achha। khush, khushi baantane vaale।(sarla deedi poochh rahi hain, daadi ne maala mein kisko rakha hai)aap kya samajhti ho? ham to honge hi na,aise samajhti ho। thoda bahut ek do ko sahayog de aur jo kuchh bhi raha hua hai, woh khatma ho jaayega। sab baap samaan banne vaale hi hain। (naveenta kya karen) sunaaya na - ek ek centre kam se kam ek vaaris to taiyaar kare। to is varsha woh lekar aana, 21vaaris to leke aana। yeh shuru karo। pahla number aao। sabhi haan kar rahe hain। vaaris ki qualification jaante hain na। yeh sab baba ke hi banaayenge na, apna to banaayengi nahin। achha।