गुरुवार 16 नवंबर 2006 की अव्यक्त मुरली

>

16-11-06 om shanti avyakt baapdaadaamdhuban

“apne svamaan ki shaan mein raho aur samay ke mahatva ko jaan ever ready bano”

aaj baapdaada chaaron or ke apne parmaatma pyaar ke paatra svamaan ki seat par set bachchon ko dekh rahe hain। seat par set to sab bachche hain lekin kai bachche ekaagra sthiti mein set hain aur koi bachche sankalp mein thoda-thoda upset hain। baapdaada vartamaan samay ke pramaan har bachche ko ekaagrata ke roop mein svamaandhaari swaroop mein sada dekhne chaahte hain। sabhi bachche bhi ekaagrata ki sthiti mein sthit hona chaahte hain। apne bhinna-bhinna prakaar ke svamaan jaante bhi hain, sochte bhi hain lekin ekaagrata halchal mein le aati hai। sada ekras sthiti kam rehti hai। anubhav hota hai aur yeh sthiti chaahte bhi hain lekin kab-kab kyon hoti hai,kaaran! sada attention ki kami। agar svamaan ki list nikaalo to kitni badi hai। sabse pahla svamaan hai - jis baap ko yaad karte rahe,unke direct bachche bane ho,number one santaan ho। baapdaada ne aap koton mein se koi bachchon ko kahaan-kahaan se chunkar apna bana liya। 5 hi khandon se direct baap ne apne bachchon ko apna bana liya। kitna bada svamaan hai। srishti rachta ki pahli rachna aap ho। jaante ho na is svamaan ko! baapdaada ne apne saath-saath aap bachchon ko saare vishwa ki aatmaon ke poorvaj banaaya hai। vishwa ke poorvaj ho, poojya ho। baapdaada ne har bachche ko vishwa ke aadhaarmoorta,udaahranmoorta banaaya hai। nasha hai? thoda-thoda kabhi kam ho jaata hai। socho,sabse amoolya jo saare kalpa mein aisa moolya takhta kisko nahin praapta hota। woh parmaatma takhta,light ka taaj,smriti ka tilak diya। smriti aa rahi hai na - main kaun! mera svamaan kya! nasha chadh raha hai na! kitna bhi saare kalpa mein satayugi amoolya takhta hai lekin parmaatma diltakhta aap bachchon ko hi praapta hota hai। baapdaada sada last number bachche ko bhi pharishta so devta swaroop mein dekhte hain। abhi-abhi brahman hain,brahman se pharishta,pharishta se devta banna hi hai। jaante ho apne svamaan ko? kyonki baapdaada jaante hain ki svamaan ko bhoolne ke kaaran hi dehbhaan, deh abhimaan aata hai। pareshaan bhi hote hain, jab baapdaada dekhte hain deh-abhimaan va dehbhaan aata hai to kitne pareshaan hote hain। sabhi anubhvi hain na! svamaan ki shaan mein rehna aur is shaan se pare pareshaan rehna,donon ko jaante ho। baapdaada dekhte hain ki sabhi bachche majority knowledgeful to achhe bane hain,lekin power mein full, powerful nahin hain। percentage mein hain। baapdaada ne har ek bachche ko apne sarva khazaanon ke baalak so maalik banaaya,sabhi ko sarva khazaane diye hain, kam jyaada nahin diye hain kyonki anginat khazaana hai, behad khazaana hai। isliye har bachche ko behad ka baalak so maalik banaaya hai।

to abhi apne aapko check karo - behad ka baap, had ka baap nahin hai, behad ka baap hai, behad khazaana hai। to aapke paas bhi behad hai? sada hai ki kabhi-kabhi kuchh chori ho jaata hai? gum ho jaata hai?baba kyon attention dila rahe hain? pareshaan na ho, svamaan ki seat par set raho, upset nahin। 63janma to upset ka anubhav kar liya na! abhi aur karne chaahte ho? thak nahin gaye ho?abhi svamaan mein rehna arthaat apne oonche te oonche shaan mein rehna। kyon? kitna samay beet gaya। 70 saal mana rahe ho na! to svayan ki pahchaan arthaat svamaan ki pahchaan, svamaan mein sthit rehna। samay anusaar abhi sada shabd ko practical life mein laana,shabd ko underline nahin karna lekin practical life mein underline karo। rehna hai,rahenge,kar to rahe hain… kar lenge। yeh behad ke baalak aur maalik ka bol nahin hai। abhi to har ek ke dil se yeh anhad shabd nikle,paana tha woh pa liya। pa rahe hain, yeh behad khazaane ke behad baap ke bachche nahin bol sakte। pa liya, jab baapdaada ko pa liya, mera baba kah diya,maan liya,jaan bhi liya,maan bhi liya,to yeh anhad shabd pa liya… kyonki baapdaada jaante hain ki bachche svamaan kabhi-kabhi hone ke kaaran samay ke mahatva ko bhi smriti mein kam rakhte hain। ek svayan ka svamaan, doosra hai samay ka mahatva। aap saadhaaran nahin ho, poorvaj ho, aap ek-ek ke peechhe vishwa ki aatmaon ka aadhaar hai। socho, agar aap halchal mein aayenge to vishwa ki aatmaon ka kya haal hoga! aise nahin samjho ki jo mahaarthi kahlaaye jaate hain, unke peechhe vishwa ka aadhaar hai, agar naye-naye bhi hain, kyonki aaj naye bhi bahut aaye honge। naye hain, jisne dil se maana ‘‘mera baba’’। maan liya hai? jo naye naye aaye hain woh maante hain?jaante hain nahin, maante hain ‘‘mera baba’’ woh haath uthaao। lamba uthaao। naye naye haath utha rahe hain। puraane to pakke hi hain na, jisne dil se maana mera baba aur baap ne bhi maana mera bachcha,woh sabhi jimmevaar hain। kyon?jab se aap kehte ho main brahmaakumaar,brahmaakumaari hoon, brahmaakumaar aur kumaari ho va shivkumaar shivkumaari ho,ya donon ke ho? phir to bandh gaye। jimmevaari ka taaj pad gaya। pad gaya hai na? paandav bataao jimmevaari ka taaj pada hai?bhaari to nahin lag raha hai? halka hai na! hai hi light ka। to light kitni halki hoti hai।

to samay ka bhi mahatva attention mein rakho। samay poochh ke nahin aana hai। kai bachche abhi bhi kehte hain,sochte hain,ki thoda sa andaaj maaloom hona chaahiye। chalo 20 saal hain, 10 saal hain, thoda maaloom ho। lekin baapdaada kehte hain samay ka final vinaash ka chhodo, aapko apne shareer ke vinaash ka pata hai? koi hai jisko pata hai ki main phalaane taareekh mein shareer chhodoonga hai pata? aur aajkal to braahmanon ke jaane ka bhog bahut lagaate ho। koi bharosa nahin। isliye samay ka mahatva jaano। yeh chhota sa yug hai aayu mein chhota, lekin bade te badi praapti ka yug hai kyonki bade te bada baap is chhote se yug mein hi aata hai aur bade yugo mein nahin aata। yahi chhota sa yug hai jismen saare kalpa ki praapti ka beej daalne ka samay hai। chaahe vishwa ka raajya praapta karo, chaahe poojya bano, saare kalpa ke beej daalne ka samay yeh hai aur double phal praapta karne ka samay hai। bhaviÌta ka phal bhi abhi milta aur pratyakshaphal bhi abhi milta hai। abhi-abhi kiya, pratyaksha phal milta hai aur bhavishya bhi banta hai। aisa saare kalpa mein dekho, hai koi yug aisa?kyonki is samay hi baap ne har bachche ki hatheli par bade te badi saugaat di hai, yaad hai saugaat apni?svarga ka raaz-bhaag। nai duniya ke svarga ki gift, har bachche ki hatheli mein di hai। itni badi gift koi nahin deta aur kabhi nahin de sakta। abhi milti hai। abhi aap master sarvashaktivaan bante ho aur koi yug mein master sarvashaktivaan ka martaba nahin milta hai। to svayan ke svamaan mein bhi ekaagra raho aur samay ke mahatva ko bhi jaano। svayan aur samay,svayan ko svamaan hai, samay ka mahatva hai। albela nahin banna। 70saal beet chuke hain, abhi agar albele banen to bahut kuchh apni praapti kam kar denge। kyonki jitna aage badhte hain na utna ek albelaapan, bahut achhe hain, bahut achhe chal jaayenge,pahunch jaayenge, dekhna peechhe nahin rahenge, ho jaayega, yeh albelaapan aur royal aalasya। albelaapan aur aalasya। kab shabd hai aalasya,ab shabd hai turat daan mahaapunya।

to abhi aaj pahla tarna hai na! to baapdaada attention khinchava raha hai। is season mein na svamaan se utarna hai,na samay ke mahatva ko bhoolna hai। alert, hoshiyaar,khabardaar। pyaare hain na! jisse pyaar hota hai na uski jara bhi kamzori-kami dekhi nahin jaati hai। sunaaya na ki baapdaada ka last bachcha bhi hai to usse bhi ati pyaar hai। bachcha to hai na। to abhi is chalti hui season mein, season bhale India vaalon ki hai lekin double videshi bhi kam nahin hain, baapdaada ne dekha hai,koi bhi tarna aisa nahin hota jismen double videshi nahin ho। yeh unhon ki kamaal hai। abhi haath uthaao double videshi। dekho kitne hain! special season beet gai, phir bhi dekho kitne hain! mubaarak hai। bhale padhaare,bahut-bahut mubaarak hai। to suna abhi kya karna hai? is season mein kya-kya karna hai, woh hom work de diya। svayan ko realise karo, svayan ko hi karo, doosre ko nahin aur real gold bano kyoki baapdaada samajhte hain jisne mera baba kaha woh saath mein chale। baraati hoke nahin chale। baapdaada ke saath shreemat ka haath pakad saath chale aur phir brahma baap ke saath pahle raajya mein aave। maja to pahle naye ghar mein hota hai na। ek maas ke baad bhi kehte,ek maas puraana hai। naya ghar, nai duniya, nai chaal, naya rasam rivaaj aur brahma baap ke saath raajya mein aaye। sabhi kehte hain na,brahma baap se hamaara bahut pyaar hai। to pyaar ki nishaani kya hoti hai? saath rahe, saath chale, saath aaye। yeh hai pyaar ka saboot। pasanda hai? saath rehna, saath chalna, saath aana, pasanda hai? hai pasanda? to jo cheez pasanda hoti hai usko chhoda thode hi jaata hai! to baap ki har bachche ke saath preet ki reet yahi hai ki saath chalen, peechhe-peechhe nahin। agar kuchh rah jaayega to dharmaraaj ki saja ke liye rookna padega। haath mein haath nahin hoga, peechhe-peechhe aayenge। maja kismen hai? saath mein hai na! to pakka vaayda hai na?pakka vaayda hai saath chalna hai ya peechhe-peechhe aana hai? dekho haath to bahut achha uthaate hain। haath dekh karke baapdaada khush to hote hain lekin shreemat ka haath uthaana। shivbaaba ko to haath hoga nahin,brahma baba, aatma ko bhi haath nahin hoga, aapko bhi yeh sthool haath nahin hoga, shreemat ka haath pakadkar saath chalna। chalenge na! kaandh to hilaao। achha haath hila rahe hain। baapdaada yahi chaahte hain ek bhi bachcha peechhe nahin rahe,sab saath-saath chalen। ever ready rehna padega। achha।ab baapdaada chaaron or ke bachchon ka register dekhta rahega। vaayda kiya, nibhaaya arthaat phaayda uthaaya। sirf vaayda nahin karna, phaayda uthaana। achha। abhi sabhi dridh sankalp karenge! dridh sankalp ki sthiti mein sthit hokar baitho, karna hi hai, chalna hi hai। saath chalna hai। abhi yeh dridh sankalp apne se karo,is sthiti mein baith jaao। ge ge nahin karna। karna hi hai। achha। abhi kya karna hai!

seva ka tarna ka raajasthaan ka hai, Indore,gujraat sahayogi hai:- achha jo bhi seva ke liye aaye hain,sab utho। achha hai, aadha class to sahayogi hai। sahayog dena,dena nahin hai bahut-bahut duaayen lena hai kyonki jiski bhi seva karte hain, woh khush hote hain। to jo khush hote hain, unki duaayen automatically nikalti hain,to kitni duaayen jama ki! raajasthaan hai na। nimitta raajasthaan hai to yeh golden chance milta hai,punya ka khaata jama karne ka। achha hai,raajasthaan ko to sahaj nasha hai ki baapdaada raajasthaan mein hi aaya hai। baapdaada ko raajasthaan achha laga na। achha hai saath dene vaale gujraat to hai hi saathi, jab bhi kuchh hota hai to pahle gujraat hi madadgaar banta hai। to gujraat ko title hai ever ready group। achha hai। kabhi na nahin karte hain, pahunch hi jaate hain। kahaan hai sarla?achha gujraat ko saathi banaaya hai। raajasthaan ke najdeek gujraat hi hai,isliye jyaada punya jama hota hai। abhi tarna nimitta raajasthaan hai। to agli season beeti, abhi doosri season shuru hui hai, 6 maas beech mein padta hai to usmein raajasthaan ne kitne vaaris taiyaar kiye hain? naam hi hai raajasthaan, baap bhi raajasthaan mein aaya hai,to bolo kitne vaaris taiyaar viye hain? kyonki baapdaada ne kaha tha ki vaaris nikaalne hain, to pahla tarna aapka aaya hai,nikle hain,haath uthaao। do nikla ho ek nikla ho ya nikalne ki ummeend ho to haath uthaao। kitne ek ya 5,kitne? (jaypur se 3-4 nikle hain, purooshaartha jaari hai, jodhpur se 2 nikle hain) 5 to ho gaye na। aur kitne hain! dekhenge 5kaun se nikle hain, taiyaar kiya uski mubaarak hai। abhi kabhi bulaayenge un vaarison ko। achha hai, jo zone seva mein aaye, abhi to pahla tarna hai na, to jo zone seva mein aaye unko vaarison ki list zaroor laani hai। theek hai na, aapko pasanda hai na। double foreign bhi lekar aana। double foreigners ne kis desh mein kitne vaaris nikaale, dekhenge kyonki abhi 108 ki maala to taiyaar karni hai na। baapdaada ne suna hai aabu vaale bhi seva karte hain। aabu ke aas paas bhi aabu vaale bahut seva karte hain,aabu vaale utho। gyaan sarovar, paandav bhavan sabhi utho। achha। aabu nivaasi neeche oopar ek hi aabu hai। to aabu nivaasi kehte hain ki baapdaada hamko yaadapyaar nahin dete hain। to aaj vishesh aabu nivaasiyon ko chaahe chaar bhujaayen hain vishesh, daadi ko kehte hain bahut bhujaadhaari hai,to 4mukhya bhujaayen hain to sabhi ko baapdaada seva ke punya ke aarambha ki duaayen aur mubaarak de rahe hain kyonki chaahe sevaadhaari kitne bhi aaye lekin phir bhi aabu nivaasiyon ke bina to kaam nahin chalta। iseelie aapke punya ke khaate ki bhandaari khul gai hai। abhi dekhenge kitni-kitni bharte hain। government woh bhandaari band karaati hain na to baapdaada punya ki bhandaari khol rahe hain। aabu nivaasiyon ko nasha hai na,khushi hai na,ghar baithe punya jama hota rehta hai,pyaar aur nihsvaartha se seva karte to punya ki bhandaari bharti jaati, automatic। haath se daalne ki jaroorat nahin hai sirf pyaar se seva karne ki baat hai। to dil aur chul par to ho hi। chul par bhi ho dil par bhi ho, abhi aabu vaalon ne kitne vaaris nikaale, hisaab to poochhenge na! oopar ka nimitta kaun hai? paandav bhavan ka। kaun hai nimitta! mrityunjay,haan aap bataao,aabu ki area se kitne vaaris nikle? nikle hain ki hisaab karna hai! abhi hisaab dekhna hai kitne nikle,chalo doosre tarna mein sunaana aur neeche kaun hai! (bhoopaal bhaai) haan kitne vaaris nikle, 6 maas to pakka ho gaya। aur ismen sabhi ne seva kahaan na kahaan ki hai,abhi hisaab nahin nikaala hai chalo koi harja nahin,bahut busy rahe honge, doosre tarna mein poochhenge। nahin nikaale ho to nikaalna। kyonki aabu to head quarter hai na, to head quarter ka samaachaar bhi head ho। achha hai।

Indore hostel ki kumaariyaan:-sabhi kumaariyaan 100 brahman se uttam gaai jaati hain। saadhaaran kumaariyaan nahin, brahmaakumaariyaan। to har ek brahmaakumaari100brahman se uttam gaai jaati hai to aap kumaariyon ne kitne student taiyaar kiye hain! vaaris nahin poochh rahe hain, vaaris peechhe poochhenge,student kitne taiyaar kiye hain ya apne ko hi taiyaar kar rahe hain? bolo,aapki teacher kahaan hai! (hostel ki teacher, karoona behen, shakuntala behen) aage aao। achha kitne student taiyaar hue hain। (kai kumaariyaan,brahmaakumaariyaan bani hain, unke maata pita bhi gyaan mein aa jaate hain) kitne student bane hain, average bataao। achha hai, kumaariyaan taiyaar hoke centre sambhaalegi na,ki naukri karengi? jo centre sambhaalne ke liye taiyaar ho rahi hain, woh haath uthaao। yeh bahut hain। to inhon ki training kab poori hogi! (abhi padhaai chal rahi hain) kab tak padhengi? jiska grejueshan poora hua hai woh haath uthaao। 3-4 hain, yeh 3-4 hi centre sambhaalegi ya naukri karengi ya donon karengi! (om prakaash bhaai ne sunaaya - abhi tak lagbhag 450kumaariyaan aisi hain, jo padhkar centre sambhaal rahi hain) phir to achha hai। achha hai, hands to bante hain,to teachers ko mubaarak ho। aap jo bhi aai ho,woh purooshaartha mein santushta ho? apne purooshaartha mein santushta ho, padhaai mein santushta ho? haan ya abhi nai nai hain! khush rehti hain,santushta rehti hain? achha hands taiyaar karo kyonki samay kam hai, seva bahut hai। seva bahut-bahut rahi hui hai। aapka geet bhi hai, samay ki pukaar ka programme bhi karte ho na,to samay ki pukaar teachers ki bahut hai। isliye jaldi-jaldi taiyaar karo। achha - khush rehna aur khushi se udti rehna।

30 deshon se lagbhag 300 double videshi bhaai bahinen aaye hue hain:-to double videshiyon ka double purooshaartha chalta hai, ek hai seva ka,doosra hai svayan ka। to title to double videshi achha hai, double seva chal rahi hai sabki, individual। double seva। kis samay ek chalti,kis samay doosri chalti ya saath-saath chalti hai! jo samajhte hain ki donon hi seva svayan ki aur saath ki jo bhi aatmaayen hain unki seva saath-saath chalti hai woh haath uthaao। majority paas hain। theek raphtaar se chalti hai aur aage badhaao kyonki abhi samay ke anusaar ek hi samay double seva chaahiye। vishwa ki bhi aur svayan ki bhi। saare world mein sukh shanti ki kirnen dena hai। to aap socho abhi kitni aatmaayen rahi hui hain। chaahe videsh mein chaahe desh mein, to woh seva karni hai na। har roj yeh check karo - ki double seva hui? kitni percent mein hui? powerful hui ya percentage mein hui? vaise sabhi ke liye yeh kah rahe hain,sirf double videshiyon ke liye nahin hai,bhaaratvaasiyon ko bhi karni hai। abhi thodi fast gati karo,fast gati se aatmaayen niklen, kam se kam itna to kahen ki hamaara baba aa gaya। baba shabd to bole dil se। mukh se nahin,dil se। to yeh abhi chart rakhna। kyonki double videshi to double raphtaar mein jaane vaale hai na? baapdaada khush hote hain kyon? baapdaada ko ek visheshta double videshiyon ki bahut pyaari lagti hai। jaante ho na woh! sach bolte hain। chaahe girte bhi hain to bhi sach bolte hain, chadhte hain to bhi sach bolte hain। to sachchi dil par saaheb raaji hota hai। ab aisa vaayumandal banaao jo ek do ko dekhkar sabhi jaise race karte hain na, rees nahin race karte hain to koshish karte hain number aage jaayen। lekin aap khud to aage jaao lekin saathiyon ko bhi aisi lift do jo woh bhi aage jaayen। theek hai na? aisi himmat hai na?har ek centre ka vaayumandal aisa ho jaise madhuban ka vaayumandal। madhuban vaale sampoorn nahin ban gaye hain lekin jo bhi aate hain woh madhuban ke vaayumandal se khush ho jaate hain, aisa centre ka vaayumandal ho। jo gaaya hua hai na, ghar ghar svarga banega। to sab centre India vaalon ke liye bhi hai,to sab centre aise hon jo svarga ka naksha ho। tab to kahenge ghar-ghar svarga ban gaya। achha hai, foreigners ki yeh bhi visheshta hai agar dridh sankalp kiya kisi bhi baat ka, to woh karke dikhaate hain। abhi is sanskaar ko is kaarya mein lagaao, karke hi chhodna hai। theek hai। karna hai na? to agli season mein yeh result poochhenge। har ek centre svarga ka naksha ho। achha। mubaarak ho।

spirituality in risarchej dialogue karne ke liye planning group:- (ramesh bhaai ne baapdaada ko sunaaya ki har varga mein jo koi na koi vishesh kisi vishay par research kar rahe hain, un mukhya logon ka ek dialogue karne kaavichaar hai,uski meeting chal rahi hai)achha koi programme banaaya। achha - har ek wing apni seva karke usmein se nikaalenge,phir uska dialogue rakhenge, to har ek wing ka baapdaada bhi dekhenge, kis wing ne kya nikaala,kaun si, kaun si aatmaayen roochi vaali nikaali, achha hai phir sab milkar dialogue karenge, bahut achha। (sabhi wings aur sabhi zone ke connection se sabke sahayog se yahaan dialogue ka kaaryakram hoga) pahle har ek wing apne apne zone mein karenge, phir usmein jo nikle unhein yahaan ikatthe karo, phir yahaan dialogue karo। theek hai na। saath-saath samaachaar dete rahe, sahayog dete rahen। karo har ek varga, dekhen kismen kitne nikalte hain। bahut achha।

dilli ka programme bahut achha raha:- jo dilli se aaye hain woh utho। achha itne aaye hain, bhale aaye। dilli ka mela to achha hua, aavaaj phaila। aavaaj phaila na! kyonki T.vi. dvaara bhi sandesh mila। yeh to achha hua kyonki10 din karne se logon ko sandesh mil gaya। ek din mein to jitne aate hain utne hi sunte hain sandesh। lekin 10din mein variety aai hogi aur apna apna sandesh liya hoga। to achha laga। aap sabko achha laga? mela karna achha laga? (bahut achha laga, baba ko special thanks dilli vaalon ki taraph se) baapdaada ne dekha ki chaaron or aur zone vaalon mein bhi umang hai ki aisa ham bhi karen, to dilli nimitta ban gai,auron ko bhi prerna dene ke liye। achha hua bahut samay ke baad mela shuru kiya hai। pahle to mela hi tha na। chaaron or mele hote the, abhi bade programme ho gaye hain, to mela bhi variety achha hai। to mubaarak ho sabhi dilli vaalon ko। aur dilli vaalon ne hi kiya iski bhi mubaarak। (international tha, aabu ka bhi tha) foreign vaalon ko bhi mubaarak, aabu vaalon ko bhi mubaarak hai। achha raha, baapdaada ko samaachaar mila। ek do ko dekh karke aage badhte chalo। baapdaada yahi dekhne chaahte hain ki itni karod aatmaon ko kam se kam yeh sandesh to mile। abhi kaaphi rahe hue hain, jaise afreeka ne kiya, baapdaada ne suna ki Europe mein bhi koi desh nahin raha hai na। Europe aur aphreeka donon taraph koi vishesh desh nahin rahe hain,aise sab taraph hona chaahiye। sandesh to pahunche na। nahin to ulaahna bahut milenge aapko। sab ulhana denge hamaara baap aaya aur aapne hamko sunaaya bhi nahin। ulhana nahin rah jaae। achha।

haidraabaad, sikandraabaad se oldaej hom ka group aaya hai:-(pharishta bhavan,omnivaas boodha ghar banaaya hai। usmein anek vi.aai.Ps dekhne ke liye aate hain, sabhi milkar bahut achha purooshaartha karte hain) bhinna bhinna sevaaon se aage badh rahe hain, badhte raho। achha।

sab taraph ke double sevaadhaari bachchon ko,chaaron or ke sada ekaagra svamaan ki seat par set rahne vaale baapdaada ke mastak maniyaan, chaaron or ke samay ke mahatva ko jaan teevra purooshaartha ka saboot dene vaale sapoot bachchon ko, chaaron or ke umang-utsaah ke pankhon se sada udte, udaane vaale double light pharishte bachchon ko baapdaada ka yaadapyaar aur namaste।

daadiyon se:- sabhi saath dete chal rahe hain - yeh baapdaada ko khushi hai, har ek apni visheshta ki anguli de rahe hain। (daadi ji se) sabhi ko aadi ratna dekh karke khushi hoti hai na। aadi se leke seva mein apni haddiyaan lagaai hai। haddi seva ki hai। bahut achha hai। dekho kuchh bhi hota hai lekin ek baat dekho, chaahe bed par hain,chaahe kahaan bhi hain lekin baap ko nahin bhoole hain। baap dil mein samaaya hua hai। aise hai na। dekho kitna achha muskara rahi hai। baaki aayu badi hai, aur dharmaraajpuri se taata karke jaana hai, saja nahin khaani hai,dharmaraaj ko bhi sir jhukaana padega। svaagat karni padegi na। taata karna padega, iseelie yahaan thoda bahut baap ki yaad mein hisaab poora kar rahe hain। baaki kashta nahin hai, beemaari bhale hai lekin duhkh ki maatra nahin hai।

(pardaadi se) yeh bahut muskara rahi hai। sabko drishti do। achha। (daadi ne baba ko bhaaki pahni) bahut achha। (munni behen ne kaha baba hamne ek baar miss kiya) miss nahin kiya,baapdaada ne to dekha। yogini behen se:- seva achhi lagi na, mahaarthi se mahaarthi unki seva mein maja hai। raunak lagi na। chaahe hospital ho,chaahe kya bhi ho lekin raunak lag gai na। (mehmaan-nivaaji achhi ki) mehmaan-nivaaji nahin ki, apna punya jama kiya। jinhonne bhi seva ki, unhonne apna punya ka khaata jama kiya। (aapki gaaidensa mein sab achha hua) sabki seva ki dridhta ne kaam kiya। ashok mehta ko bahut-bahut yaad। jo bhi doctors nimitta bane,jinhonne bhi seva ki hai,dil se aur pyaar se ki hai। (baapdaada aapko bahut-bahut thanks) baapdaada ko to mubaarak di, lekin baapdaada bachchon ko mubaarak dete hain। (munni behen ne bahut dhairya rakha) dhairya to rakhna hi padega। bahutkaal kiya hai। dekho phir bhi inhonne (daadiyon ne) milke jo yahaan the sabne milkar kiya na।

(nirvair bhaai ne kaha - daadi ji aur bhi theek ho jaayegi thoda time lagega)ho jaayegi koi baat nahin,time to lagta hi hai kyonki bahutkaal ka bahut samay dena padta hai। sab daadiyon ko dekhkar kitni khushi hai। (bambai ke sabhi sevaadhaari bhaai bahinon ne, vishesh teachers bahnon ne bhi bahut-bahut yaad di hai) un sabhi ko seva ki duaayen aur yaadapyaar। (brijmohan bhaai ko)achha kiya,mele ki mubaarak ho।