शनिवार 31 मार्च 2007 की अव्यक्त मुरली

>

31-03-07 om shanti avyakt baapdaada madhuban

“sapoot ban apni soorat se baap ki soorat dikhaana, nirmaan (seva) ke saath nirmal vaani,nirmaan sthiti ka balance rakhna”

aaj baapdaada chaaron or ke bachchon ke bhaagya ki rekhaayen dekh harshit ho rahe hain। sabhi bachchon ke mastak mein chamakti hui jyoti ki rekha chamak rahi hai। naynon mein roohaaniyat ki bhaagya rekha dikhaai de rahi hai। mukh mein shreshtha vaani ke bhaagya ki rekha dikhaai de rahi hai। hothon mein roohaani muskaraahat dekh rahe hain। haathon mein sarva parmaatma khazaane ki rekha dikhaai de rahi hai। har yaad ke kadam mein padmon ki rekha dekh rahe hain। har ek ke hday mein baap ke lav mein lavleen ki rekha dekh rahe hain। aisa shreshtha bhaagya har ek bachcha anubhav kar rahe hain na! kyonki yeh bhaagya ki rekhaayen svayan baap ne har ek ke shreshtha karma ke kalam se kheenchi hai। aisa shreshtha bhaagya jo avinaashi hai, sirf is janma ke liye nahin hai lekin anek janmon ki avinaashi bhaagya rekhaayen hain। avinaashi baap hai aur avinaashi bhaagya ki rekhaayen hain। is samay shreshtha karma ke aadhaar par sarva rekhaayen praapta hoti hain। is samay ka purooshaartha anek janma ki praalabdha bana deti hai। baapdaada sabhi bachchon ke is samay bhi jo praalabdha anek janma milni hai woh is janma mein purooshaartha ki praalabdha ki praapti abhi dekhne chaahte hain। sirf bhavishya nahin lekin abhi bhi yeh sab rekhaayen sada anubhav mein aayen kyonki abhi ke yeh divya sanskaar aapka naya sansaar bana raha hai। to check karo, check karna aata hai na! svayan hi svayan ke checker bano। to sarva bhaagya ki rekhaayen abhi bhi anubhav hoti hain? aise to nahin samajhte ki yeh praalabdha ant mein dikhaai degi? praapti bhi ab hai to praalabdha ka anubhav bhi abhi karna hai। bhavishya sansaar ke sanskaar abhi pratyaksha jeevan mein anubhav hona hai। to kya check karo? bhavishya sansaar ke sanskaaron ka gaayan karte ho ki bhavishya sansaar mein ek raajya hoga। yaad hai na woh sansaar! kitne baar us sansaar mein raajya kiya hai? yaad hai? ki yaad dilaane se yaad aata hai? kya the, woh smriti mein hai na? lekin vahi sanskaar abhi ke jeevan mein pratyaksha roop mein hain?to check karo abhi bhi man mein,buddhi mein,sambandh-samparka mein, jeevan mein ek raajya hai? va kabhi-kabhi aatma ke raajya ke saath-saath maaya ka raajya bhi to nahin hai?jaise bhavishya praalabdha mein ek hi raajya hai, do nahin hai। to abhi bhi do raajya to nahin hai? jaise bhavishya raajya mein ek raajya ke saath ek dharma hai, woh dharma kaun sa hai? sampoorn pavitrata ki dhaarna ka dharma hai। to abhi check karo ki pavitrata sampoorn hai?svapna mein bhi apvitrata ka naamnishaan nahin ho। pavitrata arthaat sankalp, bol,karma aur sambandh-samparka mein ek hi dhaarna sampoorn pavitrata ki ho। brahmaachaari ho। apni checking karne aati hai? jisko apni checking karni aati hai woh haath uthaao। aati hai aur karte bhi hain?karte hain,karte hain?teachers ko aata hai? double foreigners ko aata hai? kyon?abhi ki pavitrata ke kaaran aapke jad chitra se bhi pavitrata ki maang karte hain। pavitrata arthaat ek dharma ab ki sthaapna hai jo bhavishya mein bhi chalti hai। aise hi bhavishya ka kya gaayan hai? ek raajya, ek dharma aur saath mein sada sukh-shanti,sampatti,akhanda sukh,akhanda shanti, akhanda sampatti। to ab ke aapke svaraajya ke jeevan mein, woh hai vishwa raajya aur is samay hai svaraajya, to check karo avinaashi sukh,parmaatma sukh, avinaashi anubhav hota hai?aise to nahin,koi saadhan va koi salvation ke aadhaar par sukh ka anubhav to nahin hota?kabhi duhkh ki lahar kisi bhi kaaran se anubhav mein nahin aani chaahiye। koi naam, maan-shaan ke aadhaar par to sukh anubhav nahin hota hai? kyon?yeh naam maan shaan, saadhan,salvation yeh svayan hi vinaashi hain,alpakaal ke hain। to vinaashi aadhaar se avinaashi sukh nahin milta। check karte jaao। abhi bhi sunte bhi jaao aur apne mein check bhi karte jaao to pata padega ki ab ke sanskaar aur bhavishya sansaar ki praalabdha mein kitna antar hai! aap sabne janmate hi baapdaada se vaayda kiya hai, yaad hai vaayda? hai yaad vaayda ki bhool gaya hai?yahi vaayda kiya ki ham sabhi baap ke saathi ban, vishwa kalyaankaari ban naya sukh shaantimay sansaar banaane vaale hain। yaad hai? yaad hai apna vaayda?hai yaad? haath uthaao। peechhe vaale bhi utha rahe hain। yahaan bhi utha rahe hain, pakka vaayda hai ya thoda gadbad ho jaati hai? naya sansaar ab parmaatma sanskaar ke aadhaar se banaane vaale hain। to sirf abhi purooshaartha nahin karna hai lekin purooshaartha ki praalabdha bhi abhi anubhav karni hai। sukh ke saath shanti ko bhi check karo - ashaanta circumstance,ashaanta vaayumandal usmein bhi aap shanti saagar ke bachche sada kamal pushpa samaan ashaanti ko bhi shanti ke vaayumandal mein parivartan kar sakte ho?shant vaayumandal hai,usmein aapne shanti anubhav ki, yeh koi badi baat nahin hai lekin aapka vaayda hai ashaanti ko shanti mein parivartan karne vaale hain। to check karo - kar rahe hain na check? parivartak ho? parvash to nahin ho na?parivartak ho। parivartak kabhi parvash nahin ho sakta। isi prakaar se sampatti, akhut sampatti, woh svaraajya adhikaari ki kya hai? gyaan,gun aur shaktiyaan svaraajya adhikaari ki sampattiyaan yeh hain। to check karo - gyaan ke saare vistaar ke saar ko spashta jaan gaye ho na?gyaan ka arth yeh nahin hai ki sirf bhaashan kiya, course karaaya,gyaan ka arth hai samajh। to har sankalp,har karma bol gyaan arthaat samajhdaar, knowledgeful banke karte hain?sarvagun practical jeevan mein emerge rehte hain? sarva hain va yathaashakti hain?isi prakaar sarva shaktiyaan aapka title hai - master sarvashaktivaan,shaktivaan nahin hain। to sarva shaktiyaan sampanna hain?aur doosri baat sarva shaktiyaan samay par kaarya karti hain? samay par haajir hoti hain ya samay beet jaata hai phir yaad aata hai? to check karo teenon hi baaten ek raajya, ek dharma aur avinaashi sukh-shanti,sampatti। kyonki naye sansaar mein yeh baaten jo abhi svaraajya ke samay ka anubhav hai woh nahin ho sakega। abhi in sabhi baaton ka anubhav kar sakte hain। abhi se yeh sanskaar emerge honge tab anek janma praalabdha ke roop mein chalenge। aise to nahin samajhte hain ki dhaaran kar rahe hain,ho jaayega,ant tak to ho hi jaayenge!

baapdaada ne pahle se hi ishaara de diya hai ki bahutkaal ka abhi ka abhyaas bahutkaal ki praapti ka aadhaar hai। ant mein ho jaayega nahin sochna,ho jaayega nahin, hona hi hai। kyon?svaraajya ka jo adhikaar hai woh abhi bahutkaal ka abhyaas chaahiye। agar ek janma mein adhikaari nahin ban sakte, adheen ban jaate to anek janma kaise honge! isliye baapdaada sabhi chaaron or ke bachchon ko baar-baar ishaara de rahe hain ki abhi samay ki raphtaar teevragti mein ja rahi hai isliye sabhi bachchon ko abhi sirf purooshaarthi nahin banna hai lekin teevra purooshaarthi ban, purooshaartha ki praalabdha ka abhi bahutkaal se anubhav karna hai। teevra purooshaartha ki nishaaniyaan baapdaada ne pahle bhi sunaai hain। teevra purooshaarthi sada master daata hoga, levta nahin devta, dene vaala। yeh ho to mera purooshaartha ho,yeh kare to main bhi karoon,yeh badle to main bhi badloon,yeh badle,yeh kare, yeh daataapan ki nishaani nahin hai। koi kare na kare, lekin main baapdaada samaan karoon, brahma baap samaan bhi, saakaar mein bhi dekha,bachche karen to main karoon,kabhi nahin kaha, main karke bachchon se karaaoon। doosri nishaani hai teevra purooshaartha ki, sada nirmaan, kaarya karte bhi nirmaan, nirmaan aur nirmaan donon ka balance chaahiye। kyon?nirmaan bankar kaarya karne mein sarva dvaara dil ka sneh aur duaayen milti hain। baapdaada ne dekha ki nirmaan arthaat seva ke kshetra mein aajkal sabhi achhe umang utsaah se naye-naye plan bana rahe hain। iski baapdaada chaaron or ke bachchon ko mubaarak de rahe hain।

baapdaada ke paas nirmaan ke,seva ke plan bahut achhe-achhe aaye hain। lekin baapdaada ne dekha ki nirmaan ke kaarya to bahut achhe lekin jitna seva ke kaarya mein umang-utsaah hai utna agar nirmaan stage ka balance ho to nirmaan arthaat seva ke kaarya mein aur saphalta aur jyaada pratyaksha roop mein ho sakti hai। baapdaada ne pahle bhi sunaaya hai –nirmaan svabhaav, nirmaan bol aur nirmaan sthiti se sambandh-samparka mein aana, devtaaon ka gaayan karte hain lekin hai braahmanon ka gaayan, devtaaon ke liye kehte hain unke mukh se jo bol nikalte woh jaise heere moti, amoolya,nirmal vaani, nirmal svabhaav। abhi baapdaada dekhte hain, result suna den na, kyonki is season ka last tarna hai।

to baapdaada ne dekha ki nirmal vaani,nirmaan sthiti usmein abhi attention chaahiye। baapdaada ne pahle khazaane ke teen khaate jama karo, yeh pahle bataaya hai। to result mein kya dekha?teen khaate kaun se hain?woh to yaad hoga na! phir bhi revise kar rahe hain - ek hai apne purooshaartha se jama ka khaata badhaana। doosra hai - sada svayan bhi santushta rahe aur doosre ko bhi santushta kare,bhinna-bhinna sanskaar ko jaante hue bhi santushta rehna aur santushta karna isse duaaon ka khaata jama hota hai। agar kisi bhi kaaran se santushta karne mein kami rah jaati hai to punya ke khaate mein jama nahin hota। santushtata punya ki chaabi hai। chaahe rehna,chaahe karna। aur teesra hai - seva mein bhi sada nihsvaartha,main pan nahin। mainne kiya, ya mera hona chaahiye, yeh main aur meraapan jahaan seva mein aa jaata hai vahaan punya ka khaata jama nahin hota। meraapan,anubhvi ho yeh royal roop ka bhi meraapan bahut hai। royal roop ke merepan ki list saadhaaran merepan se lambi hai। to jahaan bhi main aur merepan ka svaartha aa jaata hai, nihsvaartha nahin hai vahaan punya ka khaata kam jama hota hai। merepan ki list phir kabhi sunaayenge,badi lambi hai aur badi sookshm hai। to baapdaada ne dekha ki apne purooshaartha se yathaashakti sabhi apna-apna khaata jama kar rahe hain lekin duaaon ka khaata aur punya ka khaata woh abhi bharne ki aavashyakta hai। isliye teenon khaate jama karne ka attention। sanskaar variety abhi bhi dikhaai denge, sabke sanskaar abhi sampanna nahin hue hain lekin hamaare oopar auron ke kamzor svabhaav, kamzor sanskaaron ka prabhaav nahin padna chaahiye। main master sarvashaktivaan hoon, kamzor sanskaar shaktishaali nahin hain। mujh master sarvashaktivaan ke oopar kamzor sanskaar ka prabhaav nahin padna chaahiye। safety ka saadhan hai baapdaada ki chhatrachhaaya mein rehna। baapdaada ke combined rehna। chhatrachhaaya hai shreemat।

abhi is season ka last tarna hai,doosri season samay pramaan chaalu hogi lekin jaise nai season milan manaane ki chaalu hogi, usamren naveenta kya dikhaayenge?apne liye koi naya plan banaaya hai? jaise seva ke liye naye-naye plan sochte ho na,to sva ke prati, jo puraani baaten hain usmein naveenta kya sochi hai? agar nahin sochi bhi hai to baapdaada ishaara de rahe hain ki sva prati har ek ko sankalp, bol,samparka-sambandh,karma mein naveenta laane ka plan banaana hi hai। baapdaada pahle result dekhenge kya naveenta laaya?kya puraana sanskaar dridh sankalp se parivartan kiya? yeh result pahle dekhenge। kya sochte ho?aisa karen?karen? haath uthaao jo kehte hain karenge,karenge? achha। karenge ya doosre ko dekhenge? kya karenge? doosre ko nahin dekhna,baapdaada ko dekhna, apni badi daadi ko dekhna। kitni nyaari aur pyaari stage hai। baapdaada kehte hain agar kisko main aur had ka meraapan se nyaara dekhna ho to apne baapdaada ke diltakhtansheen daadi ko dekho। saari life mein had ka meraapan,had ka main-pan se nyaari rahi hai,uski result beemaari kitni bhi hai lekin duhkh darda ki bhaasna se nyaari hai। ek hi shabd pakka hai, koi bhi poochhta daadi kuchh darda hai,daadi kuchh ho raha hai? kya uttar milta?kuchh nahin। kyonki nirasvaartha aur dil badi,sarva ko samaane vaali,sarva ki pyaari, iski practical nishaani dekh rahe hain। to jab brahma baap ki baat kehte hain, to kehte hain usmein to baap tha na,lekin daadi to aapke saath prabhu paalna mein rahi, padhaai mein rahi, seva mein saathi rahi,to jab ek ban sakta hai, nihsvaartha sthiti mein to kya aap sabhi nahin ban sakte?ban sakte hain na! baapdaada ko nishchay hai ki aap hi banne vaale hain। kitne baar bane hain? yaad hai? anek kalpa baap samaan bane hain aur abhi bhi aap hi banne vaale ho। isi umang se,utsaah se udte chalo। baap ko aapmen nishchay hai to aap bhi apne mein sada nishchaybuddhi,banna hi hai aisa nishchaybuddhi ban udte chalo। jab baap se pyaar hai, pyaar mein 100percent se bhi jyaada hai, aise kehte ho। yeh theek hai?jo bhi sabhi baithe hain va jo bhi apne-apne sthaan par sun rahe hain, dekh rahe hain woh sabhi pyaar ki subject mein apne ko 100percent samajhte hain? woh haath uthaao। 100percent? (sabhi ne uthaaya) achha। peechhe vaale lambe haath uthaao, hilaao। ismen to sabhi ne haath uthaaya। to pyaar ki nishaani hai samaan banna। jisse pyaar hota hai us jaisa bolna,us jaisa chalna, us jaisa sambandh-samparka nibhaana, yeh hai pyaar ki nishaani।

to agli season mein sabhi ki soorat mein baap ki soorat dikhaai de। har ek ke sambandh-samparka mein baap jaise sanskaar dikhaai den। yeh hai sneh ka return, svayan ko tarna karna। dekho, aap sabke ek sankalp ki vritti ne, yog ki shakti ne daadi ke parivartan mein (tabiyat ke parivartan mein) chaar chaand laga diye। silence ki shakti se ekmat hoke ek vritti se vidhi ne pratyaksha phal dikhaaya, iski mubaarak ho sabhi ko। haan bhale taali bajaao। jab ek baat ka pratyaksha pramaan dekh liya, dridh sankalp sangathan ki silence,yaad ki shakti ka। jab ek pramaan dekh liya to aage ke liye svaprivartan ke liye, apne ko dekhna hai,apne ko badalna hai, agar jhukna pade to jhukna hai lekin parivartan karne se sva ko hataana nahin hai। aise dridh sankalp kar har ek ko saboot dena hai kyonki sabhi sapoot bachche ho। sapoot bachche ka kaam hi hai pratyaksha saboot dena। achha।

jo baapdaada ne hom work diya tha - 15 din ke liye। ek baat ka homework diya, yaad raha? jisne sankalp tak bhi na duhkh diya,na duhkh liya,svapna mein bhi nahin, sankalp mein bhi nahin,woh haath uthaao। uth ke khade ho। jinhonne paas marks li, thodi marks vaale nahin, paas marks li,kyon! pahli line ne nahin li। pahli line vaale kyon nahin uthte! agar kiya hai to utho। agar duhkh nahin diya hai to utho। svapna mein bhi, sankalp mein bhi nahin,phir to taali bajaao inhon ke liye। double foreigners ne bhi uthaaya hai। achha। achha। amar rahenge na! amarbhav ka vardaan yaad rakhna। achha।

seva ka tarna eastern zone ka hai, (bangaal-bihaar,udeesa,aasaam,nepaal, taamilnaadu zone):- yeh to bahut achha,sabhi zone vaalon ne chance lene ki vidhi achhi banaai hai। bangaal, bihaar, udeesa,aasaam, nepaal aur taamilnaadu kitni raajdhaaniyaan hain। bahut hain। to seva mein chamatkaari seva ka chance hai। achha aap sabne koi nai invention nikaali hai, seva ki naveenta sochi hai? zone ke sabhi taraph ki vishesh teachers haath uthaao। bhinna-bhinna sthaan ki head,ek zone head nahin, lekin bhinna-bhinna sthaan ki ek ek head। achha। to aap sabhi ne seva mein naveenta ka plan kya banaaya?koi banaaya hai? aage vaali teachers banaaya hai? ki bana rahe hain?bana rahe hain। kyonki aapka zone jo hai usmein vistaar bahut hai, kitni aatmaayen hain,kitne desh hain, kitne gaanv hain, to aisa plan banaao, jaise baapdaada ne dekha to foreign mein aphreeka vaalon ne sirf plan nahin banaaya, lekin practical mein sab area cover ki hai, to aapki taraph to bahut area hai to kitne log samay samaapta hone par vanchit rah jaayenge na! to mil karke aisa koi plan banaao,aise hi baapdaada ke paas Russia vaalon ka bhi plan aaya aur aaj samaachaar sunaaya ki aaj se unhonne programme chaalu kar diya hai। aaj gaanv vaalon ne bhi sunaaya (graam vikaas prabhaag ki or se is varsha akhil bhaarteey motor saaikil abhiyaan nikaalne ke baare mein sandeshi dvaara baapdaada ko sandesh bheja gaya tha) to baapdaada ke paas samaachaar pahuncha ki India mein,har zone ke gaanv-gaanv mein sandesh pahunchaane ke liye motorcycle yaatra ka programme banaaya hai। sabhi zone milkar karenge। to aap bhi aisa aapas mein plan banaao,koi area rah nahin jaaye,kam se kam sandesh to mil jaaye, nahin to aapko bahut ulhanen milenge। hamaara baba aaya, aur humein soochna nahin di। aur doosra taamilnaadu bhi hai, woh bhi dekhe aisa plan banaaya hai? har zone ko aisa plan aapas mein milkar banaana hi chaahiye। khushi hoti hai,apne man mein satisfaction hota hai hamne apni seva ka kaarya sandesh dene ka to poora kiya। to abhi banaana। bana sakte hain na! bangaal vaale haath uthaao। bihaar vaale haath uthaao,nepaal vaale,udeesa vaale to bahaadur hain। aur bhi hain na, aasaam। dekho kitni area li hai,bahut badi area li hai,bada raaja banna hai na। to doosri season mein yeh sandesh dene ka kaarya ka plan banaake practical mein shuru kar lena। kar sakte hain na! kar sakte hain? kyonki baapdaada ko bhi koi bachche ka ulhana achha nahin lagta। plan baapdaada ne sune hain, plan sabhi ne bahut achha banaaya hai lekin baapdaada hamesha kehte hain ki plan ke saath plen buddhi। plen buddhi aur plan donon saath-saath hon। to saphalta bahut sahaj aur shreshtha nikalti hai। to taamilnaadu bhi karega na! karenge? dekho,baapdaada ne sabhi bachchon ko umang-utsaah aur himmat ka vardaan ek jaisa diya hai। kisko jyaada,kisko kam nahin diya hai। to jahaan umang-utsaah hai,vahaan himmat hain to kya nahin ho sakta hai। asambhav bhi sambhav ho sakta hai। sabhi poochhte hain aage kya karna hai?baapdaada ka sankalp hai ki abhi jyaada mein jyaada bani banaai stage par chance lo। unhon ko sahayogi banaao aur aap sakaash do। 70 saal apne himmat se kiya। abhi doosron ka bhaagya banaao। bhaagya banaane ka chance do unhon ko। bhaagya banaane ke liye sirf svayan sakaash kaun si do? ek to merciful bahut bano। kshama mein baap ke saathi bano। shaktishaali vritti se vaayumandal aisa banaao jo svayan offer karen, aise offer chaaron or se aaye। har zone mein offer aaye, yahaan aao, yahaan aao, yahaan aao, tab yahi hai, yahi hai,yeh svatah hi prasiddha ho jaayega। abhi unhon ko bhi sahayogi snehi banne ka chance do। unhon ko bhi chance do kyonki baapdaada ne dekha hai ki snehi,sahayogi har zone mein yatha shakti hai lekin unhon ko seva ke saathi banaao। unhon ko bhi umang utsaah ke pankh do। hain chaaron or kyonki baapdaada chakkar to lagaate hain na! to apne bachchon ko bhi dekhte hain aur snehi-sahayogi aatmaon ko bhi dekhte hain। baapdaada ki nazar mein hain lekin chance nahin diya hai,practical chance nahin liya hai। to yeh varsha unhon ko nimitta banaao, snehi-sahayogiyon ko umang-utsaah mein laao। laana padta hai। nahin to woh bhi aapko ulhana denge ki hamko to aapne bataaya hi nahin ki aisa bhi kar sakte hain। isliye abhi chance dene vaale bano। kaise foreign vaale ho sakta hai na? ho sakta hai foreign vaale? foreign ke bhaai utho। jo seva mein nimitta hain woh utho। dekho kitne achhe achhe sakaash dene vaali aatmaayen ho। to abhi dekhenge sabse kaun se zone ne bani banaai stage li hai। jaise ek varsha mein mega programme karne ki dhun laga di thi। aise abhi bani banaai stage ka chance lene ki dhoom machaao। ho sakta hai? foreign vaale ho sakta hai? ho sakta hai! aapko saamne kah rahe hain (Australia ke braayan ko kah rahe hain) kamaal karke dikhaana। daadi jaanki ki raay se karte chalo। baapdaada saathi de rahe hain। sabhi kar sakte hain kyonki sabhi puraane aur serviceable ho। (jayanti behen ne sunaaya - videsh mein is varsha aise international 4 nimantran mile hain, jismen daadiyaan aakar aasheervaad den,london mein jo baba ka dukaan hai usko seva ke liye gold medal mila hai) achha hai mubaarak ho। sabhi ke taaliyon ki mubaarak usko de dena।

500 double videshi aaye hain:-baapdaada sada kehta hai ki double videshi madhuban ka vishesh shrringaar hain। jaise desh apne-apne umang-utsaah se badh rahe hain aise videsh bhi kam nahin hain। videsh ne bhi thode samay mein vistaar achha kiya hai। abhi videsh ko sirf ek hi inaam lena hai,bataayen kaun sa inaam lena hai,khaas double videshiyon ko?chaaron or sva aur seva ke balance ka inaam lena hai। pasanda hai? videshi pasanda hai? lena hai? haath uthaao। welcome। mubaarak in advance mubaarak। (jarmani mein ek bade guru ne apne programme mein brahmaakumaariyon ko pravchan ke liye nimantran diya hai) bahut achha। aise to kabhi kabhi India mein bhi milte hain। lekin abhi lahar phailaao। kabhi kabhi to milte hain lekin abhi chaaron or har zone mein desh mein videsh mein yeh lahar phailaao। achha।

madhuban nivaasi kya karenge? kya karenge madhuban vaale! bataao madhuban vaale kya karenge! aabu mein stage banaayenge? koi naveenta karo madhuban vaale। madhuban ki ek visheshta to bahut achhi hai,jo bhi aate hain, jo bhi zone vaale seva karte hain, seva vahaan karte hain lekin jo chhaap lagti hai woh madhuban mein lagti hai। to madhuban vaale vaayumandal aur vibration,svachchhata aur sneh ka chhaap achhi lagaate hain। jaise aap madhuban ghar mein rehte ho na,aise jo aane vaale hain usko bhi ghar ka bana dete ho, yeh madhuban ki visheshta hai। karte ho na aise? seva achhi karte ho na! karte ho na?yeh sab madhuban vaale baithe hain। madhuban vaale utho, achha। baahar bhi madhuban vaale baithe honge। baapdaada ko pata hai baahar bahut baithte hain। achha hai woh laate hain, aap unhon ko udaate raho। double light banaake unhon ki aisi paalna karo khilaao, pilaao, apna anubhav sunaao,unko chhaap laga do। karte ho na seva?karte hain sabhi। vaayumandal ki seva to karte hain na! achha hai, daadiyaan bhi uthi hain,mubaarak ho। daadiyon ki taali to bajaao। achha hai। madhuban,madhuban hi hai aur aakhir mein sabhi ko kahaan pahunchna hai,madhuban mein hi pahunchenge na। seva achhi karte ho। duty apni achhi bajaate ho, sirf jo aaj baapdaada ne kaha hai na,sva teevra purooshaartha aur seva donon ka balance iska aapas mein sangathan kar balance karke dikhaao। agli season mein kya karenge?madhuban vaale karenge? aapas mein meeting kar daadiyon ka bhi sahayog lekar balance ka jalva dikhaao। jisko dekhe woh jaise koi haalchaal poochhte hain na,aapka haal kya hai? aapka chaal kya hai?to jo bhi aave woh sabka kushal haal aur pharishte ki chaal dekhe। jahaan dekhe vahaan pharishte ki chaal, chalne ki chaal nahin,udne ki chaal। chalne vaale to rah jaayenge, udne vaale baap ke saath jaayenge। to madhuban mein rahne vaalon ko pahla chance lena hai, daadiyon ke saath rehte ho, baap ke saath udne ka chance len, peechhe peechhe nahin। lenge na chance?meeting karenge? haan bataao aisi meeting karenge? achha। ek maas mein result denge। ek maas theek hai? dridh nishchay se haath utha rahe ho na! phir to baapdaada koi na koi gift dega madhuban vaalon ko। achhe hain। madhuban nivaasi title hi bahut badhiya hai। to pakka hai na! abhi pakka। kuchh bhi jaaye, doosre ko nahin dekhna,apne ko dekhna, mujhe karna hai, mujhe badalna hai। doosra badle to main badloon, nahin। aise karenge? karenge?peechhe vaale karenge? pakka?pakka ka aisa haath karo। dekho sabhi ko kitni khushi ho rahi hai, madhuban vaalon ka naam sunkar khush ho jaate hain। achha।

7April 2007se vaarshik meeting rakhi gayi hai uske liye baapdaada ki prerna:-us meeting mein jo baapdaada ne seva ka saadhan bataaya hai,bani banaai stage lene ka aur saath mein purooshaartha aur uski praalabdha donon ka practical swaroop pratyaksha karne ka। jo meeting mein aaye usko result deni hai। woh aapas mein raay karke do maas, teen maas, ek maas fix karna aur uski result practical mein laana। woh baapdaada dekhenge kyonki yeh meeting hai vishesh nimitta aatmaon ki। agar nimitta aatmaon ne balance ki visheshta dikhaai to uska vaayumandal bahut jaldi aur powerful phailega। apne ko pratyaksha karenge to baap ki pratyakshata bhi bahut sahaj aur jaldi hogi। meeting mein jiska bhi naam rakha hai woh jimmevaar hai,sirf sunne va sunaane ke liye nahin lekin jimmevaar hai balance rakhne aur rakhaane ke। yeh meeting ka vishesh kaarya hai। aur baapdaada sandeshi dvaara bhi result sunte rahenge phir aage ke liye programme denge। baapdaada ka lakshya to sabhi ne samajh liya ki abhi baapdaada har ek bachche ko adhikaari roop mein dekhne chaahte hain। kisi bhi seva mein ya purooshaartha mein parvash nahin। adhikaari। ek ek raajya adhikaari ho। sabhi raaje ho na! ki raaje nahin ho? raajayogi ho? prajaayogi to nahin hain na! to raajya adhikaari dekhne chaahte hain। aise nahin kya karoon, ho gaya। chaahta nahin tha ho gaya, yeh nahin। sva adhikaari। puraane svabhaav sanskaar ke adheen nahin,adhikaari। theek hai। achha।

abhi baapdaada ne jo drill bataai thi yaad hai? 5-5minute saare din mein anek baar drill karni hai। woh kiya hai? jisne woh drill ki hai, woh haath uthaao। thodon ne haath uthaaya hai। kyon? thoda time kiya hai? bahut time nahin kiya hai to abhi kya karenge? kam se kam bataayen,kam se kam 8 baari saare din mein kar sakte ho? kar sakte ho? ismen haath uthaao। karenge? karenge?achha hai। phir jab season shuru hogi na,jab doosri season shuru hogi usmein baapdaada sabhi se result mangaayenge। peechhe ek baat bataayenge, abhi nahin bataayenge। peechhe baat bataayenge। madhuban vaale to karenge na? pahla number। to is varsha ka homework, is season ka homework doosri season tak kam se kam 8baari yeh drill zaroor karni hai। zaroor, dekhenge nahin, karni hi hai। chaahe miss ho jaae to ek ghante mein anek baar karke poora karna। neend peechhe karna। sona peechhe। pahle drill, aath baari poora karke peechhe sona। theek hai na। teachers! pankhe haath mein liye hain, garmi ho rahi hai। bahut achha,teachers ka vaayumandal svatah hi phailega। aaj baapdaada sabhi ko yeh dekhna chaahte hain, abhi abhi dekhna chaahte hain ki ek second mein svaraajya ke seat par controlling power, ruling power ke sanskaar mein emerge roop se second mein baith sakte hain! to ek second mein do teen minute ke liye raajya adhikaari ki seat par set ho jaao। achha।

chaaron or ke bachchon ki yaadapyaar ke patra aur saath-saath jo bhi science ke saadhan hain unhon dvaara yaadapyaar baapdaada ke paas pahunch gai hai। apne dil ka samaachaar bhi bahut bachche likhte bhi hain aur roohrihaan mein bhi sunaate hain। baapdaada un sabhi bachchon ko respond de rahe hain ki sada sachchi dil par saaheb raaji hai। dil ki duaayen aur dil ka dulaar baapdaada ka vishesh un aatmaon prati hai। chaaron or ke jo bhi samaachaar dete hain,sabhi achhe achhe umang-utsaah ke plan jo bhi banaaye hain,uski baapdaada mubaarak bhi de rahe hain aur vardaan bhi de rahe hain, badhte chalo, badhaate chalo। chaaron or ke baapdaada ke koton mein koi,koi mein bhi koi shreshtha bhaagyavaan bachchon ko baapdaada ka vishesh yaadapyaar, baapdaada sabhi bachchon ko himmat aur umang-utsaah ki mubaarak bhi de rahe hain। aage teevra purooshaarthi banne ki, balance ki padma-padamguna blessing bhi de rahe hain। sabhi ke bhaagya ka sitaara sada chamakta rahe aur auron ka bhaagya banvaate rahen iski bhi duaayen de rahe hain। chaaron or ke bachche apne apne sthaan par sun bhi rahe hain, dekh bhi rahe hain aur baapdaada bhi sabhi chaaron or ke door baithe bachchon ko dekh-dekh khush ho rahe hain। dekhte raho aur madhuban ki shobha sada badhaate raho। to sabhi bachchon ko dil ki duaaon saath namaste।

daadiyon se:- aap sabke silence bal ne doctor ko touch kiya। nai nai invention nikaal rahe hain। koi na koi aisi baat nikaali hai jo sahaj ho raha hai। (mohini behen ne sabhi ki yaad di) sabhi bahut achhi seva kar rahe hain, dil se seva kar rahe hain। (uncle-aunty ne yaad di hai)unhon ko vishesh yaadapyaar aur toli bhejna। achha hai sthaapna ke kaarya mein nimitta banen hain। foreign mein vi.aai.pi ke roop mein yeh pahla misaal। seva ke nimitta banen। achha। daadiyaan to sabhi tandaroosta ho gai hain। (pardaadi se) kamaal karke dikhaai। (4maheena ahamdaabaad mein rahi) woh bhi seva ki, aise nahin rahi, seva ki hai। (baba ki godi mein aa gai) sada baba ki godi mein rehti hai। achha।

yogini behen:- achhi himmat rakhi hai,pyaar hai mehnat nahin। yeh to baambe vaalon ko lift mili hai। aapne himmat achhi rakhi hai।

shaantaamni daadi:- isne kamaal ki। doctor bhi maante hain yeh will power hai। to yeh will power ki pratyakshata dikhaai, iski mubaarak ho bahut। ek example to bani। will power kya cheez hoti hai uska example bani। baapdaada ko bahut achha laga। uski mubaarak hai। har nimitta daadi ki visheshta hai। aur dekho koi bhi daadi nahin hoti hai to sab kehte hain khaali khaali hain, 1000 rahe pade hain phir bhi kehte hain khaali hai। to jahaan daadiyaan hain vahaan raunak hai। aise hi sabhi ko sikhaao। aisa koi grupaavyakta baapdaada taiyaar karo, baapdaada bahut inaam dega, aisa group taiyaar karo। paandavon ko bhi aisa group taiyaar karna hai jismen bas ek do ko haan ji,haan ji karen aur hajoor haajir। dekhenge। daadiyaan group pahle taiyaar karti ya paandav taiyaar karte। nimitta daadiyaan bhale ho lekin aapas mein bhi himmat rakhni pade। himmat aapki madad daadiyon ki। baapdaada to hai hi। koi group zaroor chaahiye। paandavon ka bhi group chaahiye shaktiyon ka bhi chaahiye,isse vaayumandal bahut jaldi phailega। achha hai।

da.ashok mehta se:- ever ready ka practical roop dikha diya। aise hi purooshaartha mein bhi ever ready। achha hai hospital ek example hai। is hospital mein aisa vaayumandal banaao jo sabhi ko address mile ki agar aapko dekhna ho ki kaise sahaj yogi aur sahaj dhaarna swaroop sevaadhaari hain,lekin seva karte hue bhi yogi, aisa example sabhi workers sahit banaao। aisa group banaao jo sabhi ko address deve ki dekho karma karte bhi aise hain। aisi koi naveenta karke dikhaao। hospital ka kaam to chalta rahega lekin aap koi naveenta karke dikhaao। aisa koi group banaao phir baapdaada ke paas le aana jo karmayogi ki jeevan bataayen। kahaan bhi karo lekin jaise kehte hain na yeh davaai is hospital mein achhi milti hai yeh operation yahaan achha hota hai, aise yeh prasiddha ho jaae karmayogi group agar dekhna hai to yahaan dekho। yeh karke dikhaao। (aapki aasheervaad chaahiye) baapdaada ki aasheervaad se hi paida hue ho। paida hi aasheervaad se hue ho। paida bhi ho gaye pale bhi ho। achha hai jyaada nahin phansaao apne ko, koi naveenta karke dikhaao। achha।

brijmohan bhaai se:-seva ho rahi hai lekin abhi koi seva ki naveenta dikhaao। naveenta yeh karke dikhaao jo snehi sahayogi hain na, har varga ka woh group le aao। dilli mein agli season mein group banaao aisa, har varga ka ho। aur chhota group banaao to aapko sab kaapi karenge।

ramesh bhaai se:-achha hai baambe mein bhi koi aisa plan banaao jo short bhi ho naveen bhi ho।

da.prataap bhaai se:-hospital vaalon ko vishesh yaadapyaar dena aur aap bhi bahut achha kar rahe ho। suno nahin kiska। baapdaada jaante hain aap kya kar rahe ho kitna kar rahe ho। koi phikar nahin karo udte raho। baapdaada ka certificate theek hai।

bhopaal bhaai :- shaantivan ki shobha hai na। sabhi ko sukh to mila na। to uski duaayen milti hain।

golak bhaai- yeh bhi theek hai, thakte to nahin hain। himmat aapki madad baap ki। abhi lakshya achha rakha hai,aur hota jaayega। (meeting ki thi) result bataana daadiyon ko।

kuchh vi.aai.Ps baapdaada se mil rahe hain :- dekho aap log sabse jyaada seva kar sakte ho, kyonki aap neutral hoke apne anubhav se auron ko anubhvi bana sakte hain। kai gyaan nahin sunne chaahte lekin anubhav sunne chaahte hain। to aap sabhi apne anubhav ke aadhaar se seva kar sakte hain। aisa mike bano, might vaala mike। jaise yeh light vaala mike hai na, aap might vaala mike bano, ban sakte hain। kitna achha ban sakte hain। kitni maataaon ka kalyaan kar sakti ho। maataaon ko jagaao। shiv shakti banaao। yeh youth ko jagaaye। sabhi seva kar sakte ho। aur baapdaada ki mubaarak hai।

aap logon ka luck kitna bada hai jo kaha jaata hai koton mein koi, to aap koi ho। abhi kya banna hai! koi mein bhi koi,banna hai na! koton mein koi to ban gaye, lekin abhi koi mein bhi koi banna hai। to kya banna hai? seva karni hai na। apne bhaagya ka,praapti ka anubhav sunaao sabhi ko। kyonki practical anubhav ka prabhaav jaldi padta hai aur kuchh bhi nahin sunaao। mujhe kya mila! kya antar aaya life mein,woh sunne se aapka punya ban jaayega। punya ka khaata jama karna hai na। bhavishya banaana hai na। to vartamaan khushi milegi aur bhavishya ke liye punya jama hoga, double phaayda। bhaashan koi sune nahin sune, kahaani aapki sunenge,kyonki aapke jeevan ki kahaani ho gai to kahaani sab roochi se sunte hain aur kahaani yaad bhi aati hai। to aisi seva karo। kar sakte hain na?kar sakte hain।

inki visheshta yeh hai,jo sankalp karte hain na,woh poora karte hain। yeh bachchi bhi achhi hai। saara parivaar lucky hai। maata ji bhi lucky hai na। achha hai। dekho kahaan ke bhi aaye ho lekin serviceable ho। bahut achhi seva kar sakte ho।

blessing yahi hai ki sada santushta raho aur santushta karo। aisi life banaao jo aapke chehre se sada santushtata dikhaai de,to santushtata sabko chaahiye। aapki soorat bole, shakla bole। bol nahin, shakla bole।

jo eeshvareey kaarya mein sahayogi bante hain to sahayog ka return baap ki madad milti hai। to himmat aapki madad baap ki। sada yeh yaad rakhna himmat meri madad baap ki। sab kaarya sahaj hota jaayega। jo bhi aaye hain sabhi ko seva mein lag jaana chaahiye। sabhi ko sandesh do,apne anubhav ke aadhaar se।

jahaan bhi kaarya karte ho, vahaan apne anubhav ke aadhaar par auron ko anubhvi banaate jaao। jo bhi mile khushi baanton to punya ka khaata jama hota jaayega।

videsh ki badi bahnon se:- balance dvaara sada blessing lene vaale। jahaan balance hai vahaan blessing svatah milti hain। kitni blessing milti hain?amritvele sva sthiti ko emerge karo। apne svamaan ko emerge karo। baaki vaise seva badhti ja rahi hai, iski mubaarak hai। abhi seva aur sva donon ka balance rakho। aisa sevaasthaan banaao jo sabke aage ek example ho। jaise museum hota hai na to sab address dete hain na, shahar mein kahaan bhi jaao, to address dete hain yahaan jaao,yahaan jaao। aise jisko shanti chaahiye,himmat chaahiye, umang utsaah chaahiye woh aapki address mein pahunche। phail jaave, agar shanti ka vibration lena ho to yahaan jaao, agar himmat bharni ho to yahaan jaao। aise special banaao। theek hai na! baaki museum to jahaan tahaan aadhyaatmik museum bhi hain, bhaashan bhi karte sab kuchh hai। lekin koi visheshta aisi sthaan ki banaao jo braahmanon mein bhi aur baahar mein bhi yeh prasiddha ho jaae ki yeh chaahiye to yahaan jaao kyonki aajkal logon ko sunne ki aadat to hai lekin anubhav karne ki aadat nahin hai to agar anubhav karne chaahen to aapke paas aayen,yeh prasiddha ho jaae ki agar aapko anubhav karna hai to yeh address hai। baaki achhe hain। nimitta bane hue hain। baapdaada ko seva to badi pasanda hai। seva achhi kar rahe ho। aur aapas mein yahaan jab sangathan mein aate ho to sangathan bhi achha karte ho,svayan aur seva donon ka achha karte ho। ismen aage badhte raho।

double videshi mukhya bhaaeeyon se:-achha hai aapka sangathan badhiya hai। agar sabhi jo baap ne aaj balance sunaaya, sva ka aur seva ka,donon ka balance baap ki blessing dilaata rahega। baaki sabhi apni apni service mein achhe chal rahe ho uski mubaarak ho। nirvighna hai na! kyonki aap nimitta ho to nimitta vaale jo karenge woh sab dekh karke karenge। aur uska extra punya milta hai kyonki doosre ko himmat mili। to woh bhi aage badha। to aapke anubhav se doosra anubhvi banta hai, aage badhta hai to unka phal aapko milta hai, woh kya milta hai?andar ki khushi। halkaapan। koi problem,problem nahin lagegi। jo gaayan hai na pahaad bhi rooi ban jaayega। dekhne mein badi problem aayegi lekin anubhav ke aadhaar se aisi halki ho jaayegi jaise rooi। to problem proof ho jaayenge। aisi life ho jaayegi, no problem। hai problem? bas dil se yaad karo, koi bhi chhoti moti baat aave, mera baba, bas। baba aap le lo। to problem baba ke paas pahunch jaayegi, aap halke ho jaayenge। baap ke saath chalna hai na, peechhe peechhe to nahin aana hai, saath saath chalna hai to udna padega। baap udenge aur bachche halke nahin honge to udenge kaise। saath to chal nahin sakenge। isliye double light। koi bhi prakaar ka bojh nahin। jo bojh ho baap ko de do। khud halke raho। dena to aana hai na। aur bahut achha part bajaane vaale ho। problem nahin dekho। double light banke aage badhte raho। iske (daadi jaanki ke)direction se chalo। baap aapko madad dega। bahut seva kar sakte hain। visheshta hai। sabhi vishesh hai। group hi vishesh hai। har ek mein koi na koi visheshta hai tabhi yeh group bana hai। us visheshta ko kaarya mein laao। rooko nahin kaarya mein laao। theek hai। sab bahut achhi nimitta aatmaayen achhi ho। baapdaada ka vishesh pyaar hai। sabhi ek do se achhe ho। achha।