शनिवार 15 नवंबर 2008 की अव्यक्त मुरली

>

15-11-08 om shanti avyakt baapdaadaamdhuban

‘‘sachchi saaph dil se parmaatma snehi ban har praapti ke anubhav ki authority bano’’

aaj baapdaada apne chaaron or ke apni sachchi dil saaph dil ke sneh se bholaanaath baapdaada ko apna banaane vaale bachche snehi bachche dekh rahe hain। aise dil ke snehi bachchon ko dekh baapdaada bhi geet gaate vaah! mere snehi bachche vaah! yeh parmaatma sneh sirf is sangam par hi anubhav kar sakte hain। to aise snehi bachche jo dil se baap ko yaad karte hain woh sada hi baap ki yaad mein baap ke diltakhtansheen bante hain। baapdaada aise snehi bachchon ko vishesh amritvele koi na koi vishesh vardaan dete hain kyonki sneh dene vaale dil ke snehi bachche baapdaada ko bhi apne taraph kheench lete hain kyonki dil ka sachcha sneh hai aur jeevan mein agar sneh nahin to jeevan mauj mein nahin rehti। aap sabhi anubhvi hain ki baap ka nihsvaartha avinaashi sneh har ek bachche ko kitna pyaara hai। to parmaatma sneh is brahman jeevan ka foundation hai। isliye aap sab sneh ke paatra aur sneh ke anubhvi bachche hain। gyaan hai lekin gyaan ke saath parmaatma sneh bhi aavashyak hai kyonki jahaan sneh hai vahaan sab kuchh anubhav karna sahaj ho jaata hai। sneh ki shakti bahut hi baap ke najdeek le aati hai। sneh ki shakti sada aise anubhav karaati hai jaise baap ke vardaan ka haath sada apne sir par anubhav karte। sneh baap ka sada hi chhatrachhaaya ban jaata hai। snehi sada apne ko baap ke saathi samajhte hain। snehi aatma sada ramneek rehti hai। sookhe nahin rehte ramneek rehte hain। snehi aatma sada nishchit aur nishchint rehte hain। snehi sada apne ko baap ko yaad karne mein sahaj yogi ka anubhav karte hain। gyaan beej hai lekin beej ke saath sneh paani hai agar beej mein paani nahin milta to phal ki praapti ka anubhav nahin ho sakta। gyaan ke saath-saath yeh parmaatma sneh sada sarva praaptiyon ka phal anubhav karaata hai। sneh mein praaptiyon ka anubhav bahut sahaj hota hai। sirf gyaan hai lekin sneh nahin hai to phir bhi kyon kya ke questions uth sakte hain lekin sneh hai to sada sneh ke saagar mein lavleen rehte hain। snehi aatma ko ek baap hi sansaar hai sada shreemat ka haath mastak mein anubhav karte hain। avinaashi sneh saara kalpa snehi bana deta hai। to har ek apne aapko check karo ki sada dil ke sneh ka anubhvi hain va beech mein koi sneh mein leakage to nahin hai? agar koi bhi aatma ki taraph prabhaavit hain chaahe unki visheshta par chaahe vishesh gun par prabhaavit hai to parmaatma pyaar ke andar avinaashi ke badle leakage ho jaata hai। isliye har ek apne aapko check kare ki leakage vaale sada ke snehi sada baap ke saathi sada baap ke haath ka vardaan maathe par ho yeh anubhav nahin kar sakte hain isliye gyaani tu aatma priy hain lekin gyaan ke saath-saath sachchi dil avinaashi baap ka sneh aavashyak hai। agar gyaan ke saath sneh baap ke saath thoda bhi kam hai sachchi dil saaph dil ka sneh thoda bhi kam hai to kahaan-kahaan mehnat karni padti hai। purooshaartha mein yuddha karni padti hai। isliye nirantar yaad nirantar lav mein leen hone vaali aatma sada hi pahaad ko bhi raai banaane vaali hoti hai kyonki sneh mein praaptiyaan spashta anubhav hoti hain aur jahaan muhabbat hai vahaan mehnat kam agar muhabbat athva sneh kam to mehnat lagti hai।

to baapdaada aaj chaaron or ke bachchon ko sachchi dil se baap ke snehi mehnat se mukta sada hi sneh ke saagar mein samaaye hue kahaan tak hain woh check kar rahe the। gyaan beej hai lekin beej ko sneh ka paani aavashyak hai। nahin to sahaj phal praaptiyon ka phal anubhvon ka phal kam anubhav hota। to aajkal baapdaada har bachche ko har praapti ke anubhvi moorta dekhne chaahte hain। apne aapko check karo har shakti ka har praapti ka har gun ka anubhav hai?agar anubhav ki authority hai to koi bhi paristhiti anubhav ki authority ke aage kuchh bhi prabhaav nahin daal sakti। sabhi bachche jaante hain gyaan ki samajh se main aatma hoon jaante bhi hain bolte bhi hai lekin chalte phirte har samay aatma swaroop ki anubhooti hai?gyaan ki har pvaanit anubhav kar rahe hain? anubhvi moorta kabhi bhi kisi bhi paristhiti mein achal adol rehte hain। halchal mein nahin aate kyonki authorities to bahut hain lekin sabse bade mein badi authority anubhav hai। agar anubhav ki authority hai to har shakti har gyaan ki point har gun apne order mein honge। aahvaan karo jis samay jis shakti ka vo second mein sahayogi banegi। agar anubhav ki authority kam hai to mehnat karni padti hai। anubhvi master sarvashaktivaan hai। to master order kare aur shakti samay par kaam mein nahin aave mehnat karni pade samay lagaana pade to master sarvashaktivaan kaise hue! to har subject gyaan ki har point ka anubhvi hoon yaad ki shakti ka kya ek second mein mera baba meetha baba yaad kiya aur sama gaye aisa anubhav hai? jis samay jo dhaarna aavashyak hai us samay woh dhaarna kaarya mein laga sakte hain? ki kaarya samaapta ho jaae phir soch mein aave isko anubhvi authority moorta nahin kahenge। maalik shaktivaan hai to har shakti har gun order mein hai? to har ek apne aapko dekho ki anubhav ki authority ke takhta par va seat par sada rehte hain? anubhav ki seat par set rahne vaale arthaat sankalp kiya aur hua mehnat nahin karni padegi। samay nahin lagaana padega। har shreemat se jeevan natural sahaj sampanna hoga kyonki pahle sunaaya sachchi dil saaph dil par baapdaada bhi snehi aatma par lavleen aatma par haajir ho jaate hain। jo har shreemat par haajir hota hai to baap bhi kehte hain main bhi hajoor haajir hoon। aap ji hajoor karo to hajoor sada haajir hai। sahaj yaad to brahman jeevan ka natural gun hai।

to sabhi jo bhi pahli baar bhi aaye hain ya bahutkaal se baap ke ban gaye hain to har shakti har gun natural nature bani hain? jaise har ek mein koi na koi nature natural hoti hai। jo kabhi-kabhi koi-koi bachche kuchh bhi ho jaata hai jo brahman jeevan ke yogya nahin hai to kya kehte hain?mera bhaav nahin tha lekin nature hai। jaise woh kamzor nature natural ho gai hai aise har shakti brahman aatma ki natural nature hai। yeh jo kamzor nature bani hai woh to deh- abhimaan ki nishaani hai। to samjha gyaani tu aatma ke saath baap se dil ka sneh sab sahaj kar deta hai। sneh bhi brahman jeevan mein sahayog deta hai aur sneh yaad mushkil nahin karaata bhoolna mushkil hota hai। snehi ko bhoolna mushkil hota hai yaad karna nature hoti hai।

to baapdaada vartamaan samay aap ek-ek bachche ko abhi kis roop mein dekhne chaahte hain? kyonki samay ki raphtaar achaanak ke khel dikha rahi hai isliye baapdaada har bachche ko baap samaan dekhne chaahte hain। har bachche ki soorat mein baap ki moorta pratyaksha ho। har bachche ke naynon mein roohaaniyat ka nasha ho। har chehre par sarva praaptiyon ki muskaraahat ho har chalan mein nishchay ka nasha ho। sabhi aane vaale nishchaybuddhi hain na! nishchaybuddhi hain haath uthaao। achha। mubaarak ho। lekin nishchay buddhi ki nishaani kya gaai jaati hai? nishchaybuddhi ke peechhe kya kaha jaata hai?nishchaybuddhi kya? vijayi। nishchaybuddhi ki nishaani vijayi। to sada nishchaybuddhi ki nishaani kya hui? sada vijayi va kabhi-kabhi vijayi?sada vijayi hoga na! to abhi samay pramaan nishchaybuddhi ka pratyaksha pramaan sada vijayi aatma koshish shabd nahin chaahta to hoon koshish to karta hoon hona to chaahiye uske mukh se sada vijay ka pratyaksha pramaan dikhaai de।

baapdaada ne dekha sabhi bachche purooshaarthi to hain lekin beech-beech mein albelaapan purooshaartha ko teevra banaane ke bajaae beech-beech mein dheela kar deta hai। phir baapdaada ko bhi bahut meethi-meethi baaten sunaate hain। kya kehte?apne aapse poochho kya kehte hain?ho jaayega hona hi hai samay par pahunch jaayenge। to yeh albelaapan samay par jo vaayda kiya hai ki baba ham saath hai aur saath chalenge haath mein haath deke chalenge sivaae samaan ke saath kaise chalenge?ek baat mein baapdaada ko vishesh khushi hoti hai kis baat ki? sabhi bachche jo bhi chalte rehte hain va udte rehte hain donon baap ke pyaar mein achhi marks le rahe hain sampoorn banne mein sampanna banne mein alag baat hai lekin baap se pyaar hai pyaar ki marks achhi hain। abhi samaan banne mein marks leni hai। jo baap ke bol woh bachchon ke bol jo baap ke karma vahi bachchon ke karma samaan banne ke liye sirf ek shabd sahaj practical mein laao kehna sahaj hai woh ek shabd hai ‘‘baapdaada karaavanhaar hai’’ek karaavan shabd aatma abhimaani banne mein bhi sahaj hai main aatma bhi in karmendriyon ki karaavanhaar hoon aur har kadam mein har kaarya mein karaavanhaar baap hai main nimitta hoon kyonki vighna padta hai do shabdon ka ek main doosra mera karaavanhaar shabd se main-mera samaapta ho jaata hai। main nimitta hoon nimitta banaane vaala kara raha hai maimpan nahin। to suna baapdaada kya chaahta hai? ek to sachchi dil saaph dil ka sneh। bholaanaath baap sachchi dil par bahut sahaj raaji ho jaate hain। jab bholaanaath raaji to dharmaraaj kaaji aankh bhi nahin utha sakte। dharmaraaj ko bhi baay-baay karke chale jaayenge। woh bhi aap baapasmaan bachchon ko namaste karega jhukega। aap aise baap ke pyaare ho lekin sirf check karna koi sneh mein leakage nahin ho। apne dehbhaan va doosre ki koi bhi visheshta ki leakage khatma। anubhveemoorta। achha।

aaj pahli baari kaun aaye hain woh khade ho jaao। achha aadha class to pahle baari ka hai bahut achha baith jaao। phir bhi baapdaada khush hote hain ki let ka board to lag gaya hai lekin toolate ka nahin laga hai। isliye aaye peechhe hain lekin teevra purooshaarthi ban aage jaana hai। agar is sangam ke samay ko ek-ek second saphal karenge to saphalta aapka janma siddha adhikaar hai lekin attention please। second bhi vyartha na jaaye। attention ko bhi underline karke chalna pade। aise umang hai jo pahle baari aane vaale hain woh himmat rakhte hain ki ham aage jaayenge?woh haath uthaao। T.vi. mein dikha lo hisaab-kitaab poochhenge। phir bhi baapdaada aap sabhi ke oopar yahi shubh sankalp rakhte hain ki peechhe aate bhi aage jaakar dikhaayenge। dikhaayenge na! jitne saare uthe utne taali bajaao। achha umang hai umang mein hi chalte rehna।

sabhi bachchon ki amritvele baapdaada roohrihaan bahut achhi-achhi sunte hain। roz majority bataayen kya kehte hain?majority yahi vaayda karte hain aaj se jo yeh kamzori hai na woh aage nahin aayegi lakshya rakhte hain lekin lakshya ko lakshan mein laana usmein time laga dete hain। jhaatku nahin hote hain socha aur kiya ab aisi teevra raphtaar banaao। sochna aur karna donon ek ho। socha aaj aur karna din laga dete hain maas bhi laga dete hain aur us maas ke andar achaanak kuchh ho jaae to kya gati hogi? baapdaada ko ek-ek bachche se vishesh pyaar hai to baapdaada yahi chaahte ki sab baap samaan ban saath rehte hain abhi saath chalen apne ghar mein saath chalen aur raajya karne mein first janma mein saath aayen। pasanda hai haath uthaao। aapki seat book kar le। kar len ki sochenge?sochenge ya book kar len?jo samajhte hain book hona hi hai woh haath uthaao। book hona hi hai vaah! yeh to vi.aai.pi bhi haath utha rahe hain। kamaal hai mubaarak hai।

achha jo teachers aai hain woh haath uthaao। teachers se baapdaada kya chaahte hain? pata hai?teachers se baapdaada yahi chaahte hain ki aapke features se baapdaada va future dikhaai de। saadhaaran nahin dikhaai de future dikhaai de ya baapdaada dikhaai de। ho sakta hai? ho sakta hai? achha ismen jo bhi aai ho woh ek maas ke baad madhuban mein baapdaada ke paas apne is visheshta ki result likhna kyonki aap nimitta bani hui ho to nimitta bane hue ke oopar jimmevaari bhi hoti hai aapki shakla kabhi bhi ek maas mein chinta vaali va vyartha chintan vaali baneen ya ek maas jo baapdaada chaahte hain vaise hi features rahe? no problem theek hai? no problem ki thodi-thodi aa jaayegi। aane nahin dena। problem ka darvaaja banda। double lock lagaana। double lock hai - yaad aur seva। mansa seva sada haajir hai aise nahin chance hi nahin mila badi behen ne mere ko chance hi nahin diya mansa ke liye koi nahin rokta। raat ko bhi jaag karke kar sakti ho mansa seva sakaash do aahvaan karo aatmaon ka bichaare duhkhi aatmaayen hain sahaara do। to ek maas ki result sabhi teachers nayi puraani sabhi teachers jo nahin bhi aai hain woh bhi ek maas ki result ya likhna no problem। ya kaaran likhna kitna din problem aai। bas detail nahin likhna yeh hua yeh hua woh nahin likhna। theek hai karna hai haath uthaao jo karenge। achha bahut achha। yahaan bhi baithe hain। achha - madhuban vaale gyaan sarovar paandav bhavan hospital vaale sab haath uthaao। achha। to sabhi result likhenge। sabhi likhna। madhuban vaalon ki apleekeshan pahunch gai hai। achha - is baari seva mein do zone hain।

raajasthaan aur Indore zone ki seva ka tarna hai:- donon hi zone seva to achhi kar rahe hain lekin baapdaada ki ek baat abhi bhi rahi hui hai। woh to jaante hain na। raajasthaan mein kitne achhe-achhe vaaris nikle hain। raajasthaan hai hi raajaaon ka sthaan iseelie naam hai raajasthaan। to kitne bhavishya ke raajya adhikaari nikaale hain?har centre abhi tak kitne raajya adhikaari nikaale hain woh apne paas note kiya hai? to har ek centre raajya adhikaari banne vaale vishesh aatmaon ki sankhya likhna। seva kar rahe hain seva ke plan bhi sochte hain lekin abhi samay ke pramaan ek to apne-apne area ki aatmaon ka ulhana poora karo। jahaan centre ki area hoti hai vahaan aaspaas bhi mehnat karke sabhi ko sirf sandesh nahin do lekin baapdaada se kam se kam varsa to dilaao। aisa ulhana nahin ho ki baap aaya humein varsa dilaane se vanchit kiya। to abhi chaaron or yeh seva jaldi se jaldi poori karni chaahiye। nimitta ek zone hai lekin baapdaada sabhi zone ko kah rahe hain। koi area koi gaanv koi koloni vanchit na rah jaae। sabhi last mein aapke gun gaaye vaah! aapne humein baap ka parichay to diya yeh punya ka khaata abhi teevra gati se jama karna chaahiye। to raajasthaan kya karega?kitne samay mein apna ulhana poora karenge?kitna samay chaahiye? sochenge?plan banaana har ek ko baantake jaldi se jaldi yeh plan banaao। koi koi zone kar bhi raha hai aur saphalta mil rahi hai। achha hai nimitta teachers baapdaada teachers ko amritvele vishesh drishti dete hain kyonki teachers baap ki gaddi ke adhikaari hain। lekin drishti kahaan tak kaarya mein lagaate ho woh har ek khud jaante hain kyonki vishesh roop se baapdaada ka nimitta teachers se pyaar hai। to drishti lo aur drishti do। achha - saathi bhi bahut aaye hain seva ka umang baapdaada ne dekha hai hai umang hai lekin abhi kuchh aisi aatmaayen nikaalo jo aapki service ke hand ban jaayen। baaki achha hai vriddhi bhi ho rahi hai yeh jo bhi sabhi uthe hain woh isi zone ke hain haath uthaao। saathi banke aaye ho achha।

Indore vaale utho haath hilaao। Indore service to kar rahe hain lekin aise saathi nikaalo jo aapke madadgaar hoke sada aapke saath seva ka part bajaate rahe। beech-beech mein sahayogi bante hain seva mein saathi bhi bante hain lekin sada ke saathi taiyaar karo jisse aapke saathi bankar jaldi jaldi sabko sandesh de saken। baaki baapdaada khush hai vriddhi bhi kar rahe hain lekin vidhi ko aur thoda fast karo। nai nai aatmaayen badh bhi rahi hai yeh dekhkar baba khush bhi hote hain lekin raphtaar abhi aur tej karo sva purooshaartha aur seva ka purooshaartha aur teevra gati mein laao। baaki ek-ek bachche donon hi zone ke baapdaada ko ek do se pyaare hain। abhi aatmaon ko jaise aapne baap ke pyaar ka anubhav kiya hai aise un aatmaon ko bhi baap ke pyaar ka thoda bahut anubhav to karaao। vanchit nahin rah jaaen kyonki aap aatmaayen vishwa kalyaani ho। to vishwa abhi kitna bada raha hua hai। har ek apne zone ke kalyaani to bano zone mein koi bhi vanchit nahin rah jaae। aisa plan har ek zone milke banaao fast service। seva ki season banaao। vanchit aatmaon ko thoda-bahut baap ke pyaar ki anchali to dilaao। raham aatma hai na! aatmaon par raham aata hai?aata hai raham?to anubhav karaao। jitne bhi bhaai ya bahinen aai hain woh apna pharja samjho humein jitna bhi ho sake utna aatmaon ko jaise ham tripta hue hain aise tripta aatmaayen banaayen। abhi punya ikaththa karne ki machinery lagaao। samjha। kitne uthe hain ek-ek do chaar ko bhi taiyaar kare sandesh do woh samaachaar likhen ki hamko phalaane ne baap ke pyaar ka raasta dilaaya। apne hi centre par yeh seva ka samaachaar do। baapdaada yahi chaahte hain ki ulhana nahin rah jaae। baaki to sabhi ek do se achhe te achhe hain achhe te achhe rahenge। baapdaada ka vishesh is zone ko bhi mubaarak hai mubaarak hai lekin abhi gati ko thoda teevra karo। baapdaada to logon ke duhkh ki aahen sunte hain na। jab aatmaayen bachchon ke duhkh ki aahen baap ko sunaai deti hain to bataao baap ko kitna taras padta hai। aap bhi merciful aatmaayen kalyaankaari aatmaayen abhi duhkhiyon ka aavaaj suno। he vishwa kalyaani aatmaon ka kalyaan karo। achha bahut achha।

double videshi:-achha foreign vaale utho। foreign vaale bhi chatur hain bahut। har group mein foreign vaalon ki absent nahin hai। har group mein apna part bajaate rehte hain aur baapdaada aur brahman parivaar aap sabki himmat ko dekh khush hote hain। abhi to baapdaada ne double foreigners naam badalke kaun sa naam rakha hai?double purooshaarthi। to sabhi ka double arthaat teevra purooshaartha hai na! jo samajhte hain hamaara teevra purooshaartha hai woh haath uthaao। haath hilaao। achha majority hain mubaarak ho। teevra purooshaartha ki mubaarak ho। abhi teevra purooshaarthi to ho lekin abhi teevra sevaadhaari yeh bhi part bajaao kyonki sva purooshaartha ke saath seva ka purooshaartha bhi abhi teevra karna hai kyonki seva ka chance abhi hai aage chalke seva karne chaaho to chance nahin milega। sivaae mansa seva ke। isliye sambandh-samparka ki seva aur vaani ki seva karne ka chance abhi hai। jitni kar sako utni double triple karo। foreign ke saath baapdaada bhaarat ko bhi kah raha hai। har ek ko apna svayan ka aur seva ka record dena hi hai। apne aap hi check karo jitna ho sakta hai utna svayan prati va seva ke prati attention hai?baaki achha hai abhi foreign kaaphi sanskaaron mein apne anaadi aadi sanskaar kaho usmein aa gaye hain। abhi brahman culture ke aadti ho gaye hain। sanskaaron ke bhi aur sthool culture ke bhi। to mubaarak hai, mubaarak hai, mubaarak hai।

achha। abhi ek second mein apne man ke buddhi ke maalik ban man buddhi ko paramdham mein ekaagra kar sakte ho? abhi ek minute baapdaada dekhne chaahte hain sabhi ekaagra ho paramdham nivaasi ban jaao। (drill)

aisi practice samay par bahut kaam mein aayegi। abhi naajuk samay najdeek aa raha hai isliye yeh ekaagrata ka abhyaas bahut-bahut-bahut aavashyak hai। isko halka nahin karna। ek second mein kya se kya ho jaayega isliye baapdaada pahle se hi ishaara de raha hai। achha।

chaaron or ke teevra purooshaarthi aatmaon ko sada sachchi dil ke baap ke snehi dilaaraam ke bachchon ko sada svayan aur seva mein aage se aage udne vaale udti kala ke bachchon ko sada amritvele se raat tak har shreemat ko jeevan mein laane vaale baap samaan bachchon ko baapdaada ka yaadapyaar, dil ke vardaan sveekaar ho saath saath baapdaada ki desh videsh ke sabhi bachchon ko dil mein samaate hue namaste।

daadiyon se :- achha hai teenon hi milke saathi banaake chalte chalo। saathi to chaahiye na। aise aise saathi to chaahiye। (uncle aunty ki yaad di) unhon ko sachche dil ki yaad hai sachchi dil se baapdaada ka bhi padamguna yaadapyaar। achhe nimitta hai ant tak nimitta bane hain, bane rahenge।

shaantaamni daadi se:-baapdaada aapko himmate bachche madde baap ki adhikaari bachchi samajhte hain। achhi himmat karti hai, murli sunaati hai, baapdaada sunte hain।

pardaadi se:- vaah! yeh baapdaada ke diltakhta par baithi rehti hai। sun rahi hai। sunne mein achhi hai। aapko dekhke aapki soorat se baap dikhaai deta hai। baap ki jo shaktiyaan hain, gun hain woh aapke jeevan se dikhaai deta hai। samjha। bahut achha hai। aadi ratna hain dekho donon hi aadi ratna hain। aapki soorat bhi seva karti hai, donon ki। bahut achha।