सोमवार 15 दिसंबर 2008 की अव्यक्त मुरली

15-12-08 om shanti avyakt baapdaada madhuban

‘‘ek raajya ek dharma law and order ki sthaapna ke samay svayan ka parivartan kar vishwa parivartak bano’’

aaj baapdaada apne chaaron or ke raaj-dulaare bachchon ko dekh rahe hain। yeh parmaatma dulaar koton mein koi ko praapta hota hai। parmaatma dulaar mein baapdaada ne har ek bachche ko teen takhta ka maalik banaaya hai। pahla svaraajya adhikaar ka bhrakuti ka takhta doosra baapdaada ka diltakhta aur teesra hai vishwa ke raajya adhikaar ka takhta yeh teen takhta baap ne apne snehi dulaare bachchon ko diya hai। to yeh teenon takhta sada smriti mein rahne se har ek bachche ko roohaani nasha rehta hai। to sabhi bachche baap dvaara praapta varse ko dekh khushi mein rehte hain na! dil mein svatah yeh geet bajta hi rehta hai vaah baba vaah! aur vaah mera bhaagya vaah! jo svapna mein bhi nahin tha woh practical jeevan mein mil gaya। takhta ke saath-saath baapdaada ne is sangam par double taaj dvaara udti kala ka anubhvi bhi banaaya hai।

to baapdaada chaaron or ke bachchon ki yeh double taajdhaari purity ki royalty, double taajdhaari dekh rahe hain। baapdaada ne aaj chaaron or ke bachchon ke purooshaartha ki raphtaar ko check kiya kyonki samay ki raphtaar ko to aap sabhi bhi dekh aur jaan rahe ho। to baapdaada dekh rahe the ki jo har ek ko baap dvaara raaj-bhaag ka varsa mila hai, apne raajya ka, future praapti ka, to future mein jo aap sabke sanskaar natural aur nature hogi woh ab se bahutkaal ke sanskaar anubhav hone chaahiye kyonki yeh naya sansaar aap sabke naye sanskaar dvaara hi naya sansaar ban raha hai। to jo naye sansaar ki visheshtaayen hain usko bhi anubhav to karte ho na। hamaare raajya mein kya hoga, nasha hai na। dil kehti hai na ki hamaara raajya, hamaara naya sansaar aaya ki aaya। to baapdaada dekh rahe the naye sansaar ki jo visheshtaayen hain woh bachchon mein purooshaarthi jeevan mein kahaan tak emerge hain! jaante to ho, ki naye sanskaar aur naya sansaar ki visheshtaayen kya hongi। sabhi ki buddhi mein naye sansaar ki visheshtaayen emerge hain na! jaante ho na! gaate bhi ho, jaante bhi ho, pahli visheshta, check karna ek-ek visheshta mere mein kahaan tak emerge hai? mukhya visheshta hai - ek raajya, to jaise vahaan ek raajya svatah hi hota hai, doosra koi raajya nahin, aise apne sangam ki jeevan mein dekho ki aapke jeevan mein bhi ek raajya hai? ki kabhi-kabhi doosra raajya bhi hota hai? agar chalte-chalte sva ke raajya ke saath-saath maaya ka bhi raajya chalta hai to kya ek raajya ke sanskaar honge? ek raajya se doosra bhi raajya to nahin chalta? paramatma ki shreemat ka raajya hai ya kabhi kabhi maaya ka bhi dabaav hai? dil mein maaya ka raajya to nahin hota? to yeh check karo। is baaton se apne chart ko check karo। abhi sangam par ek paramatma ka raajya hai ya maaya ka bhi dabaav ho jaata hai? check kiya? abhi abhi check karo, chart to dekhte rehte ho na apna। to agar abhi tak bhi do raajya hai to ek raajya ke adhikaari kaise banenge? kya shreemat ke saath maaya ki mat bhi mix ho jaati hai kya? aise hi ek dharma - ek raajya bhi hoga to ek dharma bhi hoga। dharma arthaat dhaarna। to aapki vishesh dhaarna kaun si hai? pavitrata ki dhaarna। to check karo - sada man, vachan, karma, sambandh-samparka mein sampoorn aur sada pavitrata ki nature natural bani hai? jaise vahaan apne raajya mein pavitrata ka svadharma svatah hi hoga, aise hi is samay pavitrata ki dhaarna natural aur nature ban gai hai? kyonki jaante ho ki aapka anaadi swaroop aur aadi swaroop pavitrata hai। to check karo - ki ek dharma arthaat pavitrata natural hai? jo nature hoti hai woh na chaahte bhi kaam kar leti hai kyonki kai bachche jab roohrihaan karte hain to kya kehte hain? bahut meethi-meethi baaten karte hain, kehte hain chaahta nahin hoon, chaahti nahin hoon, lekin kabhi mansa mein, kabhi vaacha mein koi na koi apvitrata ka ansh emerge ho jaata hai? sanskaar bahut janmon ka hai na iseelie ho jaata hai। to ek dharma ka arth hai pavitrata ki dhaarna nature aur natural ho। chaahe vaani mein bhi aavesh aa jaata hai, kehte hain krodh nahin tha thoda sa aavesh aa gaya। to aavesh kya hai? krodh ka hi to bachcha hai। to ek dharma ke sanskaar kab natural banenge? to check karo lekin check ke saath baap dvaara mili hui shaktiyon dvaara change karo। abhi phir bhi baapdaada pahle se hi attention khinchava rahe hain ki abhi phir bhi check karke change karne ka teevra purooshaartha karenge to margin hai lekin kuchh samay ke baad achaanak toolate ka board lagna hi hai। phir nahin kehna ki baba ne to bataaya hi nahin। isliye abhi purooshaartha ka samay to gaya lekin teevra purooshaartha ka samay abhi bhi hai to check karo lekin sirf check nahin karna, change karo saath mein। kai check karte hain lekin change karne ki shakti nahin hai। check aur change donon saath-saath hona chaahiye kyonki aap sabka svamaan va aap sabki mahima kya hai? title kya hai? master sarvashaktivaan। hai, master sarvashaktivaan hai ya shaktivaan hai? jo kehte hain master sarvashaktivaan hain, woh haath uthaao। achha। to master sarvashaktivaan mubaarak ho lekin master sarvashaktivaan aur change nahin kar saken to kya kaha jaayega? apne hi sanskaar ko, nature ko parivartan karne chaahe bhi aur nahin kar sake to kya kahenge? apne se poochho master shaktivaan, ya master sarvashaktivaan?master sarvashaktivaan ne sankalp kiya - karna hi hai aur hua pada hai। hoga dekhenge… yeh hota nahin hai। to abhi samay ke pramaan result yeh honi hai ki jo socha to sankalp aur swaroop banna saath-saath ho।

abhi naya varsha, avyakt varsha aane vaala hi hai। 40 varsha avyakt paalna ka ho raha hai। to avyakti paalna aur vyakta roop ki paalna ko 72 varsha ho chuke hain। to kya donon baap ki paalna ka return baapdaada ko nahin denge! socho - paalna kya aur practical kya hai? baapdaada ne dekha abhi bhi albelaapan aur royal aalasya, royal aalasya hai - ho jaayega, ban hi jaayenge, pahunch hi jaayenge aur albelaapan hai kar to rahe hain, to to… yeh to hona hi hai, yeh to karna hi hai, kahne aur karne mein antar ho jaata hai। baapdaada ek drishya dekh karke muskaraata rehta hai ki kya kehte? yeh ho jaaye na, yeh kar lo na, to bahut achha main aage badh sakta hoon। doosre ko badalne ki vritti rehti hai lekin sva parivartan ki vritti kahaan kahaan kam ho jaati hai। abhi doosre ko dekhna yeh vritti change karo। agar dekhna hai to visheshta dekho, yeh to hota hi hai, yeh to chalta hi hai, yeh bhi to karte hain… yeh bhaavna kam karo। apne ko dekho, baap ko saamne rakho, baaki to koi bhi hai, chaahe mahaarthi hai, chaahe beech vaala hai, purooshaartha mein koi na koi kami ko parivartan kar hi rahe hain। isliye si father, si double father, brahma baap ko dekho, shiv baap ko dekho। jab baap ne aapko apne diltakhta par bithaaya hai aur aapne bhi apne diltakhta par baap ko bithaaya hai, aapka slogan bhi hai si father। si sister, si brother yeh slogan hai hi nahin। kuchh na kuchh kami sabmen abhi rahi hui hai lekin agar doosre ko dekhna hai to visheshta dekho, jo kami woh nikaal rahe hain apne se, usko nahin dekho। doosri baat - to apne raajya mein, yaad hai na apna raajya। kal to tha aur kal phir hone vaala hai। aapki buddhi mein, naynon mein apna raajya spashta aa gaya na। kitne baar raajya kiya hai? ginti kiya hai? anek baar raajya kiya hai। kahne se hi saamne aa jaata hai। apna raajya adhikaari roop aur shreshtha raajya, to jaise apne raajya mein law and order svatah hi chalta hai। sab knowledgeful sanskaar vaale hain, jaante hain law kya hai, order kya hai, aise abhi apne jeevan mein dekho, baap ke order mein chalte ho ya kabhi maaya ka bhi order chal jaata hai? kabhi parmat, manmat, shreemat ke sivaae chalta to nahin? aur law kya hai? law hai bephikar baadshaah, koi phikar nahin kyonki sarva praaptiyaan hain। aise hi check karo sangam ke shreshtha janma mein bhi sarva praaptiyaan hain jo baap ne di hai, yeh bhagwan ka jaise prasaad hota hai na, to prasaad ka kitna mahatva rakhte hain। to baap ki jo bhi praaptiyaan hain, woh prabhu prasaad praapta hai, prabhu prasaad ka mahatva hai! varsa bhi hai, adhikaar bhi hai aur prasaad bhi hai। to check karo - law aur order donon mein sampanna hain?

baapdaada dekh rahe the ki ek baat ki majority ko samay par jo shakti mili hai parivartan karne ki, woh parivartan shakti samay par kaarya mein lagaayen to koi mehnat nahin। dekho, sabhi ko anubhav hai ki agar kabhi bhi, kisi bhi prakaar ki haar hoti hai, maaya se to sabhi bhaashan mein kehte ho, class bhi karaate ho to yahi kehte ho ki do shabd giraane vaale bhi hain, chadhaane vaale bhi hain, woh do shabd jaante hain, sabke man mein aa gaya hai। woh do shabd hai main, mera। bhaashan mein kehte ho na, class bhi karaate ho na। baapdaada class bhi sunte hain, kya kehte hain? abhi in do shabdon ko parivartan shakti dvaara jab bhi main shabd bolo to main phalaani ya phalaana, ya brahman hoon lekin main kaun? jo baapdaada ne svamaan diye hain, jab bhi main shabd bolo to koi na koi svamaan saath mein bolo, yaani buddhi mein laao। main shabd bola aur svamaan yaad aa jaaye। mera shabd bola baba yaad aa jaaye। mera baba। yeh natural smriti ho jaae, yeh parivartan kar lo bas। aur doosri baat bahut karke jab sambandh samparka mein aate ho to do shabd dvaara maaya aati hai, ek bhaav aur doosri bhaavna। to jab bhi bhaav shabd bolte ho sochte ho to aatmik bhaav, bhaav shabd bolte hi aatmik bhaav pahle yaad aave aur bhaavna to shubh bhaavna yaad aaye। shabd ka arth parivartan kar lo। aapka title kya hai? vishwa parivartak। vishwa parivartak kya yeh shabd parivartan nahin kar sakte? to samay par parivartan shakti ko use karke dekho। peechhe aata hai, jab beet jaata hai aur man ko achha nahin lagta hai, khud hi apna man sochta hai lekin samay to beet chuka na। isliye ab teevragti ki aavashyakta hai, kabhi kabhi nahin। aise nahin socho bahut samay to theek rehta hoon lekin baapdaada ne suna diya hai ki antim ghadi ka koi bharosa nahin। achaanak ke khel hone hain। kai bachche baap ko bhi bahut meethi-meethi baaten sunaate hain, kehte hain samay thoda aur ati mein jaayega na, to vairaagya to hoga, to vairaagya ke samay aapehi raphtaar tej ho jaayegi। lekin baapdaada ne kah diya hai ki bahut samay ka purooshaartha chaahiye। agar thode samay ka purooshaartha hoga to praalabdha bhi thode samay ki milegi, full 21 janma ki praalabdha nahin banegi। teen shabd baapdaada ke sada yaad rakho - ek achaanak, doosra ever ready aur teesra bahutkaal। yeh teenon shabd sada buddhi mein rakho। kab aur kahaan bhi kiski bhi antim kaal ho sakta hai। abhi abhi dekho kitne brahman ja rahe hain, unhon ko pata tha kya, iseelie bahutkaal ke purooshaartha se full 21 janma ka varsa praapta karna hi hai, yeh teevra purooshaartha smriti mein rakho। first number, first janma, apne raajya ka। kya socha hai? first janma mein aana hai na। maja kismen hoga?first janma mein ya koi mein bhi?jo samajhta hai ki apne raajya ke first janma mein shreekrishna ke saath-saath hamaara bhi part ho, woh haath uthaao। achha part first mein? haath dekh karke to khush ho gaye। taali bajaao। lekin first janma mein aao uski mubaarak hai। lekin kahen kya… nahin kahen, aana hi hai first, phir doosri baat kyon kahen। achha hai, jitne bhi aaye hain first janma mein aana hi hai। taali to baja di,first janma aur first stage bhi। to first stage banaani hi hai, yeh jiska dridh sankalp hai, fast jaana hi hai, chaahe kuchh bhi vighna ho lekin vighna, vighna nahin rahe, vighna vinaashak ke aage vijay ka roop badal jaaye kyonki aap sabhi vighna vinaashak ho। title kya hai? vighna vinaashak। to aave bhi, khel khelne aayega lekin aap door se hi jaan jaao, royal roop mein aayega lekin aap vighna vinaashak door se hi jaan jaayenge ki yeh kya khel ho raha hai, isliye baapdaada bhi yahi chaahte hain ki sab bachche saath chalen। peechhe nahin rahe। baapdaada ko bachchon ke bina maja nahin aata hai। to dridhta ko kabhi bhi kamzor nahin karna। karna hi hai। ge ge nahin karna, karenge dekhenge, ho jaayega…dekh lena, yeh baaten nahin karna। dridhta saphalta ki chaabi hai, is chaabi ko kabhi bhi ganvaana nahin। maaya bhi chatur hai na, woh chaabi ko dhoondh leti hai, isliye is chaabi ko achhi tarah se sambhaalke rakho।

to abhi check karna - apne raajya ke sanskaar abhi se dhaaran karne hi hain। ge ge nahin karna, ek ge ge, doosra to to kehte ho…yeh shabd brahman dictionary se nikaal do। chalo, koi ki bhi koi kamzori dekhte bhi ho, purooshaarthi to sab hain, nahin to brahman jeevan se chale jaate, purooshaarthi hain tab to brahman jeevan mein chal rahe hain na, maano kai aise kehte hain main to bilkul theek hoon lekin doosre karte hain na to woh saamne vighna ban jaata hai। yeh nahin kare na, yeh badle na, lekin baap ne pahle se hi slogan diya hai, hamko badalke unko badlaana hai। mujhe badalna hai। woh badle to main badloon, nahin। sunaaya bhaav aur bhaavna ko change karo। bhaav aatma ka, aur bhaavna, shubh bhaavna। aap karke dekho, thak nahin jaao। shubh bhaavna bahut rakhke dekhi, badalta nahin hai, badalna hi nahin hai। aap braahmanon ke mukh se yeh shbda bolna, badalna nahin hai to kya yeh vardaan hua। brahman kya vardaan dete hain। jo sahaara de sako, sahaara do shubh bhaavna ka, nahin to kinaara karo। dil mein nahin rakho। shubh bhaavna ki dua do, aur shabd nahin do। ek yeh karte hain, doosra, doosra shabd bataayen kya kehte hain? kyonki aaj baapdaada ne achhi tarah se checking ki, doosra kya karte hain? yeh to chalta hi hai, yeh bhi to karta hai na, to mainne kiya to kya hua। woh kuen mein gir raha hai aur aap bhi girke dekh rahe ho kya yeh samajhdaari hai! abhi ek baat 18 January tak baapdaada purooshaartha ke liye homework de raha hai - karenge? karenge, haath uthaao। kuchh bhi ho jaae, badalna pade, samaana pade, kinaara karna pade, lekin badlenge। haath uthaaya। pakka? ki kahenge mainne bahut koshish ki, nahin hua, yeh javaab nahin dena kyonki abhi achaanak ke khel bahut hone hain। aur baapdaada chaahta hai ek bachcha bhi peechhe nahin rah jaae, saath chale। isliye ek to agar koi nahin badalta hai, shubh bhaavna rakhi aur koi nahin badalta hai to aap apne ko badlo, usne yeh kaha, usne yeh kiya iseelie mujhe bhi karna pada, yeh nahin। karte sikhaane ke bhaav se ho, lekin dekhte kami ko ho। iseelie bhaav aur bhaavna aatmik bhaav, shubh bhaavna। aur yeh shabd yeh to hota hi rehta hai, yeh to karte hi hain na, chal hi raha hai na to mainne kiya to kya hua… to kya baap jab chalenge to aap kahenge yeh bhi rah rahe hain na, main bhi rah jaata hoon, ismen kya hai। to si father, aur bhaav aur bhaavna donon ka parivartan। jab 5 tatvon ke prati aap shubh bhaavna rakhte ho aur brahman parivaar ke prati shubh bhaavna nahin rakh sakte, yeh to hota hi hai, yeh to chalta hi hai, yeh shabd samaapta karo। mujhe badalke dikhaana hai। main badloonga, aur bhi badlega, avashya badlega। is nishchay aur shubh bhaavna se chalo phir dekho jaldi jaldi apna raajya aa jaayega। to yeh 18 taareekh ko do baaten sada ke liye dhaaran kar li, yeh baapdaada nahin kehta hai ki likhkar sirf bhejo, pratigya karne ki file likhat vaale baapdaada ke paas bahut file pade hain vatan mein। pratigya nahin, dridhta ka sankalp ke roop mein yeh do baaten dhaaran karni hain। theek hai teachers? karni hai na। achha। maataayen haath uthaao, karengi? bada haath uthaao। paandav haath uthaao। paandav। paandav bhi utha rahe hain, theek hai। baapdaada to roz dekhta rahega। baapdaada ko dekhne mein deri nahin lagti hai। theek hai na। achha।

teachers jo bhi aai hain, murli to sabke paas jaayegi, aise nahin sirf jo aaye ho, unke liye hi hai, desh videsh donon bachchon, sarva bachchon ke prati hai। abhi bahut aap logon ka kaam badhna hai। yeh nahin seva kar li, bhaashan kar li, varga ko chala liya। nahin bahut seva rahi hui hai। abhi to mansa dvaara sakaash dene ka kaam karna hai। jaise shuru-shuru mein shiv baap brahma mein pravesh hua to ghar baithe kaise sakaash di। kisko saakshaatkaar hua, kisko aavaaj aaya phalaane sthaan par jaao, kise prerna aai sun karke mujhe jaana hi hai, bhaag kar aai na aur jo shuru mein aaye woh kitne pakke hain। yaad karte ho na, daadi ko, doosri bhi daadiyon ko yaad karte ho na। to jo shuru mein hua woh abhi ant mein bhi repeat hona hai। isliye apni mansa shakti ko mansa seva ko badhaao। us samay bhaashan aapka koi nahin sunega, course koi nahin karega, haalten hi gambheer hongi। mansa sakaash dene ki seva karni padegi। iseelie abhi abhyaas karo। amritvele sirf nahin, bhale karma kar rahe ho lekin beech-beech mein mind ko control karke sab taraph se, ekaagra ho karke sakaash de sakta hoon ya nahin de sakta hoon, iski trial karo। bahut aavashyakta hogi, aakhir dukh harta sukh karta aapke chitra bhi bante hain। to kya chaitanya mein nahin banenge? antarmukhi hoke beech beech mein 5 minute nikaalo। amritvela sirf nahin hai, din raat yeh abhyaas chaahiye। raat ko aankh khulti hai trial karo, phir jaake bhale so jaao। lekin thoda time trial karo aur kaam ke liye bhi to uthte ho na। to yeh abhyaas bhi karo। tabhi aapki pooja hogi। nahin to aapki pooja naammaatra hogi। bade-bade mandir nahin banenge, chaalu mandir banenge। suna। achha।

abhi baapdaada ka samaachaar to suna, aaj achhi tarah se check kiya। check karne mein baapdaada ko time nahin lagta hai। achha। abhi abhi apne man ko ekaagra kar sakte ho? kar sakte ho ki vichaar aayega time ho gaya hai, thak gaye hain, khaane ki bhookh lag rahi hai, nahin। nahin, aise baapdaada jaante hain, baap se sneh bahut hai bachchon ka। yeh certificate sneh ka baapdaada bhi deta hai, aap abhi jo sabhi aaye hain woh kis vimaan mein aaye ho? aapko pata hai bhale train mein aaye ho, ya plen se aaye ho lekin aap log ek vichitra vimaan se aaye ho, woh pata hai, woh hai sneh ka vimaan। sneh ke vimaan se aaye ho na। chaahe train ho chaahe kuchh bhi ho lekin baap se sneh hai iseelie aaye ho। abhi sirf jis samay thoda bahut aata hai na, maaya ka khel hota hai us samay baap ke sneh mein kho jaao, dikhaai nahin do maaya ko। baapdaada ne shuru-shuru mein trance dvaara bahut najaare dikhaaye the ki antim samay jab koi halchal hogi sab vrittiyaan baahar aayengi, kharaab vrittiyaan bhi to sahaara dene ki vrittiyaan bhi। to baapdaada ne shuru-shuru mein bachchon ko dikhaaya tha ki kai buri drishti vaale peechhe aate hain lekin unhon ko light hi dikhaai deti hai। manushya dikhaai nahin deta light hi dikhaai deti, pharishta roop hi dikhaai deta। aise aapka ekaagrata ka abhyaas hote bhi aap aise saamne baithe ho lekin unko dikhaai nahin dega। light light hi dikhaai degi। aise hona hai। lekin abhyaas ab se karo। pharishta। achha। abhi teen minute man ki ekaagrata ka abhyaas karo। yeh drill karo। achha।

seva ka tarna bhopaal zone ka hai:- achha bhopaal vaale bhi achhi sankhya mein pahunch gaye hain। abhi bhopaal vaalon ne naveenta kya sochi? jo kar chuke woh to sabhi kar hi rahe hain। lekin naveenta kya karenge? baapdaada ne agle tarna mein bhi kaha ki abhi vi.aai.Ps ki seva to ki hai, sabhi zone ne ki hai, sabhi vargo ne ki hai, lekin abhi baapdaada sambandh mein aane vaale vi.aai.Ps jo mike bankar auron ko apne aavaaj se parivartan karen, unhon ko najdeek laao। 6 maas mein 12 maas mein ek baari aaye ya 4-5 baari aaye, bhaashan bhi kiya, sambandh-samparka mein bhi aaye, lekin aise mike jinki aavaaj se anekon ka kalyaan ho jaae, unhon ko vaaris quality banaao। naameegraami bhi ho। lekin aajkal ke log jo hain baaharmukhi hain na, to woh baahar ka show bhi dekhne chaahte hain, to koi aisa plan banaao jo lagaataar chalta rahe aur aisi vaaris quality nikaalo, kyonki vargeekran shuru hue bhi kitna varsha ho gaya!ho gaya hai na! to abhi unhon ko itna najdeek laao jo vaaris quality ho। abhi vi.aai.pi ki line mein hain, sahayogi hain, seva bhi karte hain lekin vaaris quality nahin hain। to aisa sahayogi banen, jo jis samay jo kaarya karne ki aavashyakta hai, jo unki qualification hai, us qualification ke kaarya mein haan ji, haan ji karen। connection achhe jode hain, baapdaada is baat mein khush hai lekin abhi woh bhi ever ready sevaadhaari banen। aisi quality vaale sabhi varga vaale ikatthe karo, baapdaada ke paas le aana hai, yeh nahin। lekin kisi bhi sthaan par unhon ka sangathan ikaththa karo। kahaan bhi karo, jahaan sabhi ko thoda aane mein sahaj ho sake, aur unka special koi na koi programme rakhte raho। programme hota hai to jaate ho, milte ho, sahayog bhi dete hain lekin thoda homely ban jaaen, jo samay par sahayogi ban saken। shuru shuru mein bhopaal vaalon ne service ki hai, vi.aai.Ps ke connection banaaye hain, lekin abhi isi vidhi ki service karke dikhaao। brahman to ban rahe hain, abhi sabhi class mein braahmanon ki vriddhi ho rahi hai, yeh to achha hai। classes sab achhe hain lekin abhi aise vyakti,serviceable niklen jiski aavaaj va parichay sunke seva ho jaae aur samay par woh ready rahe। kar sakte ho, abhi karke dikhaao। list to dete hain ki itne vi.aai.pi hain lekin sangathan ikaththa karenge to honge! woh sangathan bhi dikhaai de, ek do ko dekh karke bhi umang aata hai, sochte hain, yeh bhi aate hain, yeh bhi aate hain… umang aata hai। to abhi jo bhi zone aate hain, varga bhi aate hain, abhi pahle thode mukhya-mukhya sthaan ke ikatthe karo sirf madhuban mein ikatthe hon nahin, kisi bhi sthaan par ikatthe karke unhon ko sneh aur sahayog mein aur aage badhaao। kya karengi teachers? teachers karke dikhaayengi na! kya nahin kar sakte ho। ek ek chaahe chhoti ho, chaahe badi ho, agar dridh sankalp ho to chhoti bhi kamaal kar sakti hai। sirf dridh sankalp ho, karna hi hai। abhimaan se aage nahin badhna hai lekin svamaan se aage badhna hai। baapdaada jis bhi bachche ko jis bhi zone ko dekhte hain to usi drishti se dekhte hain ki yeh har ek bachcha hovanhaar hai। koi naye bachche bhi andar hi andar seva ki bahut achhi kamaal kar rahe hain, baapdaada ke paas samaachaar bhale nahin aaye lekin baapdaada jaante hain। to kamaal karke dikhaana, shuru mein bahut achhi seva ki, aarambha kiya tha, baapdaada ko yaad hai, ab koi kamaal karke dikhaao। karenge na, karenge? achha hai। sankhya to badh rahi hai lekin abhi quality badhaao। achha।

seva ka golden chance to har zone ko bahut achha milta hai। baap bhi khush ho jaate aur aap sab bhi khushi se chance lete ho। achha hai baapdaada khush hai, vriddhi ko dekhke khush hai।

education aur administrator wing:- (shiksha evan prashaasak varga):- achha hai, education ke liye government bhi samajhti hai, ki jeevan ke liye education aavashyak hai aur aajkal majority samajhne lagi hai ki education mein spirituality zaroori hai। abhi vaayumandal change ho gaya hai। pahle kehte the yeh to bade boodhon ka kaam hai spiritual banna। abhi samajhte hain ki education mein agar aadhyaatmikta nahin hai to parivartan nahin ho sakta hai। iseelie abhi duniya ka impression badalta ja raha hai। iseelie jahaan tak ho sake har ek shahar vaale chhote bade school colleges ya bhinna-bhinna education jahaan bhi chalti hain, usmein trial karke vahaan apna part lo। kai bachche, apne maa baap ko badal sakte hain। school mein har ek sthaan mein seva honi chaahiye, school ke kaaran teachers aur maa baap donon hi aapke connection mein aa jaayenge। aaj bachche problem hai aur bachche ki chalan mein maa baap va teacher thoda bhi pharka dekhte hain to woh samajhte hain ki yeh bahut achhi baat hai। to kahaan-kahaan to karte hain lekin sab taraph hona chaahiye। kisi ko bhi agar sahayog chaahiye, bhaashan karne vaale ka ya programme banaane ka, to ek do se madad le sakte ho। aur aap department check karo, kahaan-kahaan ho sakta hai, kahaan koi madad de sakte hain, kara sakte hain, thoda phailaao। kahaan kahaan phailaate hain, lekin chaaron or gaanv mein bhi phailaao। koi koi gaanv mein to phaila rahe hain। education department bahut kuchh kar sakta hai। duniya ki reeti se bhi agar bachche educate bante hain to duniya ko bhi phaayda hai aur aap logon ka bhi punya ikaththa ho jaayega। achha hai, kar bhi rahe ho, baapdaada sunte hain lekin chaaron or aavaaj phaile ki brahmaakumaariyon ki aadhyaatmik knowledge zaroori hai, yeh aavaaj phaile। aavaaj phailaane vaala group taiyaar karo। jo bhi varga banaaye hain, sabhi varga apni-apni reeti se aavashyak hain। aavaaj phaila sakte hain। jahaan bhi jaayen, education mein jaaye, daaktari mein jaayen, ministry mein jaayen, kahaan bhi jaaye, kis bhi varga mein jaayen to yeh aavaaj sunen ki is varga mein bhi aavashyak hai, is varga mein bhi aavashyak hai, aise aavaaj phail jaaye। thoda thoda abhi shuru hua hai ki brahmaakumaariyaan jo kar sakti hain woh aur koi nahin kar sakta hai, thoda phaila hai। management ke liye bhi abhi samajhte hain ki brahmaakumaariyaan jo management karti hain woh aur koi nahin kar sakta, aise har varga har sthaan mein yeh aavaaj phailaao। jahaan bhi jaaen vahaan yahi sunen ki brahmaakumaariyon ka kaarya achha hai, tabhi to achha banenge। achha hai। baaki jo kar rahe ho woh achha kar rahe ho aage aur achha karte chalo, phailaate chalo। achha।

double videshi:- sabhi double videshi utho, youth bhi utho। aap sabki taraph se double purooshaarthi bachchon ko mubaarak de rahe hain। aap sabhi madhuban ke shrringaar ban jaate ho। to madhuban ke shrringaar ko mubaarak ho, mubaarak ho, mubaarak ho। abhi sabhi ne yeh sankalp achha kiya hai jo har tarna mein koi na koi haajir hota hai। baapdaada khush hote hain। abhi pahle-pahle koi bhi programme bada hota tha kisi bhi desh mein to pahle stage par vi.aai.pi videsh ke aate the, abhi speaker vi.aai.pi nahin aate hain, brahman aate hain woh to khushi ki baat hai, apne ghar ka shrringaar aata hai। lekin baapdaada ne suna to programme banaaya hai, videshi desh mein aake seva karen, banaaya hai na! yeh saamne khada hai na, (nijaar bhaai) plan banaaya hai? achha kiya hai kyonki shuru shuru mein baapdaada ke mahaavaakya hain ki videsh vaale India ke kumbhakran ko jagaayenge। to abhi yeh bhi koshish karo, ki jo bhi bade programme hote hain, usmein speaker bhi aane chaahiye। vi.aai bhi। to achha plan banaaya hai। apne brahman to aate hain lekin vi.aai. pi apna anubhav aake sunaaye - hamko kya mila hai। yeh bhi ho jaayega। abhi connection mein to bahut hain।

baaki double purooshaarthi hain na। jo samajhte hain ki ham double purooshaarthi hain, woh haath uthaao। double purooshaarthi! double!double purooshaarthi? majority to utha rahi hai, koi-koi nahin utha raha hai। to dheela nahin karna isko। abhi double purooshaarthi ka title mila hai na। phir aapko title milega, pharishta purooshaarthi kyonki jaise aate ho, to fly karke aate ho na! aise hi sthiti mein bhi pharishta arthaat udti kala vaale। chadhti kala, chalti kala nahin, udti kala। attention hai, seva bhi badh rahi hai। abhi aisa group banaao jo sada ekras ekaagra rahe, kabhi kabhi shabd nahin aave। sada shabd ho, aisa group banaao। sada shabd itna pakka ho, jo kabhi-kabhi kya hota hai, us purooshaartha mein anjaan ho jaae। chalte phirte sada shabd practical ho, har subject mein। aisa group videsh mein bhi bana sakte hain, desh mein bhi bana sakte hain। race karo, chaahe chhota group bane, bada group bane, lekin kahaan bhi aisa group banaake dikhaao। banaayenge! double purooshaarthi bachchon ki aadat hai - jo sochte hain woh karke dikhaate hain। to yeh karke dikhaao। hai himmat? himmat hai? teacher bataao। janak bataao, hai? abhi soch rahe hain। socho। bhale socho, trial karo aur phir sabhi ke taraph se baapdaada us group ko saugaat denge। koi bhi banaaye, chaahe desh, chaahe videsh, sada no problem ka aavaaj ho। achha।

achha - chaaron or ke bachchon ki yaadapyaar jo bhinna-bhinna bhejte rehte hain, woh baapdaada ko zaroor milti hai aur baapdaada bhi un bachchon ko dil mein samaate hue sameep emerge karte hain। aajkal kai bachche apne apne pichhle janmon ke hisaab-kitaab chuktu karne mein lage hue hain। unhon ka bhi yaadapyaar baapdaada ke paas pahunchta hai। jaise uncle, (uncle steevnaaraayan)first vi.aai.pi nimitta bana। to baapdaada aur sarva parivaar jo jaante hain, unki sakaash avashya bachche tak pahunchti hai। sabhi apne dil ki yaad de rahe hain। aise hi kai bachche baba baba kahke apna hisaab kitaab chuktu kar bhi rahe hain aur sakaash lete hue chal bhi rahe hain। to jo bhi desh mein ya videsh mein shareer ka hisaab chuktu kar rahe hain, un sab vishesh bachchon ko baapdaada ka pyaar duaayen, sada mil rahi hain aur milti rahengi। saath-saath chaaron or ke patra, aajkal to patron se bhi fast saadhan nikal gaye hain, to jinhonne bhi yaad bheji hai, un sab bachchon ko ek ek ko naam aur unki visheshtaaon sahit baapdaada yaadapyaar de rahe hain। saath saath baandheli gopikaayen unhon ke bhi dil ke aavaaj bahut aate hain lekin baapdaada aise lovely bachchon ko yaad karte hain ki kamaal hai, bandhan mein rehte bhi dil se brandhanmukta hain। apni kamaai gupta roop mein bhi kade bandhan mein bhi kar rahi hain, woh sote hain, yeh kamaai karti hain। yeh baandheliyon ke charitra vichitra hote hain। baapdaada chaaron or ke aise bandhan vaali sachchi gopikaaon ko bhi yaadapyaar de rahe hain। unhon ka special time hota hai aur baapdaada usi time par unhon ko kirnen dete hain। achha।

chaaron or ke lovely aur lucky dridh sankalp vaale bachchon ko socha aur kiya, karenge, dekhenge nahin, socha aur kiya, sada apne ko nashtomoha mein, sirf sambandh ka moh nahin, apne dehbhaan aur deh abhimaan ka bhi moh nahin। aise nashtomoha ever ready bachchon ko sada shreemat mein haath mein haath dete, saath udne vaale aur saath mein brahma baap ke saath apne raajya mein aane vaale aise teevra purooshaarthi udti kala vaale bachchon ko baapdaada ka bahut-bahut duaayen aur yaadapyaar sveekaar ho aur baalak so maalik bachchon ko namaste।

daadiyon se:-(daadi jaanki va mohini behen ne baapdaada ko bhaaki pahni)nimitta yeh do bani lekin sabko bhaaki pad gai।

shaantaamni daadi:- achha hai bhale bed par ho lekan sabke dil mein yaad ho kyonki aadi ratna ho na। aadi ratna amoolya ratna hain ginti ke ratna hain। sabhi ko daadiyaan bahut yaad hain na।

graam vikaas prabhaag ki or se poore gujraat mein 18 December se 29 December 2008 tak ‘‘shaasvat yaugik kheti jaagriti abhiyaan’’ nikaal rahe hain jiski laaching ka kaaryakram kal nadi par rakha thaah -

baapdaada ne samaachaar suna ki gaanv ki seva karne vaale bahut achha pratyaksha swaroop dikha rahe hain। kheti mein jo bhinna-bhinna prakaar ki khaad daalte hain, woh khaad na daal kar yogbal se, bina khaad daale phal ya sabji bahut achhi banaate hain aur practical trial karke dikhaai hai aur practical mein check bhi karaaya hai। to jo yog se phal ya phool ya anaaz paida hota hai, woh beemaariyaan nahin paida karta hai। beemaariyon ke keetaanu khatma ho jaate hain yogbal se। to yeh practical saboot kai jaghon par dikhaaya hai aur jo nimitta vi.aai. pi hain, unhonne bhi maana hai ki yogbal se agar koshish karen to yeh vriddhi ko praapta ho sakta hai, to yeh bahut achha pratyaksha saboot hai, to pratyaksha saboot dekh karke sab maanne ke liye taiyaar ho hi jaate hain। to yeh bhi brahman parivaar ki achhi saboot dikhaane vaali seva hai। kai sthaanon mein kiya hai na। woh aaye hue hain, kahaan hain gaanv seva vaale। graam vikaas vaale utho।

yahaan aabu mein bhi aisi kheti kar rahe hain। to kheti se kya nikaala? abhi kya taiyaar kiya hai? (abhi papeeta nikaala hai, chana aur matar taiyaar ho rahe hain) to achha hai na। apni bhi kamaai hui, yog kiya। chaahe kisi bhi kaaran se lagaataar yog kiya hoga na! to apna bhi phaayda aur logon ka bhi phaayda। achhi baat hai। practical kabhi class mein dikhaana, jo bhi nikla hai, (papeeta va chana) woh sabko dikhaana। achha hai agar aise hi aavaaj phailta jaayega to bulaane ke bina hi sab aayenge। nimantran chhapaane ki jaroorat nahin padegi। mubaarak ho, bahut achhi seva hai।

18 January tak ke liye vishesh homework

1)avyakti paalna aur vyakta roop ki paalna ka return royal aalasya aur albelepan se mukta bano।

2)doosron ko badalne ki vritti ka parivartan kar svayan ko parivartan karo। aatmik bhaav aur shubh bhaavna ko dhaaran karo।

3)doosron ki kamiyon ko dekhne ke bajaae visheshta dekho si double father।