रविवार 18 जनवरी 2009 की अव्यक्त मुरली

18-01-09 om shanti avyakt baapdaada madhuban

‘‘40 varsha ki avyakt paalna ka return - 4 baaten - shubhchintak bano shubhchintan karo shubh vritti se shubh vaayumandal banaao tatha (0) zero aur hero ki smriti mein raho’’

aaj baapdaada chaaron or ke apne seva ke saathi bachchon se milne aaye hain। aadi seva ke saathi aur saath mein aur bhi seva ke saathi ban bahut achhi seva ki vriddhi kar rahe hain to baapdaada apne saathiyon ko dekh khush ho rahe hain। aur dil mein geet ga rahe hain vaah! mere vishwa parivartan seva ke saathi vaah! aaj amritvele se chaaron or sneh ki maalaayen baapdaada ko daal rahe the। teen prakaar ki maalaayen thi ek thi baap samaan banne ke umang-utsaah ki doosri thi ati bichhudi hui bandhan vaali baandheli gopikaaon ki unhon ki maalaayen to thi lekin chamakte hue ati amoolya aansuon ki maala bhi thi। ek-ek aansu moti samaan chamak rahe the aur teesri maala kuchh-kuchh bachchon ki ulhanon ki thi।

aaj amritvele se leke sabhi mein vishesh sneh samaaya hua dikhaai de raha tha। baapdaada ne viraat roop jaise baanhen pasaar sab bachchon ko baanhon mein sama liya। vaise aaj ka din sneh ke saath sarva powers ki will dene ka bhi tha। ek bachchi ko haath mein haath milaake will powers ki will sabhi bachchon ko shakti sena aur paandav, kai bachche paandav bhi aur shaktiyaan bhi, baapdaada ne dekha, gupta roop se antarmukhi ban purooshaartha mein teevra gati se chal rahe hain। baahar se dikhaai nahin dete hain lekin purooshaarthi achhe hain। baapdaada ne dekha aaj ka vishesh roop sneh ka subject sabhi ke chehre chamka rahe the। gyaani tu aatma bachche to hain lekin sneh ki subject aavashyak hai kyonki snehi mehnat kam aur muhabbat ke anubhav mein sahaj rehte hain। sneh ki shakti kaisi bhi pahaad jaisi samasya ho, pahaad ko bhi rooi bana dete hain। pahaad ko bhi paani jaisa halka bana dete hain। sneh ek chhatrachhaaya hai। chhatrachhaaya ke kaaran woh sada safe rehta hai। sahaj hota hai। sneh se paramatma va bhagwan ko bhi apna dosta bana dete hain। jo yaadgaar hai khuda dosta ka। khuda ko dosta banaake koi bhi samasya dosti ke naate se sahaj kar dete hain। baap ko apna saathi bana dete hain। gyaan beej hai, lekin prem ka paani beej mein phal laga deta hai, praapti ke phal। to aise baap ke snehi bachche baap ko yaad karna mehnat nahin samajhte hain lekin bhoolna mushkil samajhte hain। snehi kabhi sneh ko bhool nahin sakta। mera baba kaha, dil ke sneh se aur sarva khazaanon ki chaabi mil jaati hai। to donon baapdaada aise snehi, jinke aage baapdaada bhi hajoor haajir ho jaata hai। yaad to sab karte hain lekin koi thodi thodi mehnat se karte hain aur koi sada sneh ke saagar mein lavleen rehte hain। duniya vaale kehte hain aatma paramatma mein leen ho jaati lekin aatma paramatma ke pyaar mein lav leen ho jaati hai। leen nahin hoti lavleen hoti।

to aaj ka din muhabbat mein lavleen ka hai। mehnat samaapta ho muhabbat ke roop mein badal jaati hai। to baapdaada ne sabhi bachchon ki result bhi dekhi, homework majority ne kiya hai। baap samaan banne ka lakshya baar-baar revise bhi kiya, realise bhi kiya। 75 percent bachchon ki result achhi rahi। aur yeh baap samaan banna hi hai, kuchh bhi toofaan aaye, hai hi kaliyug ka samaapti ka samay, to toofaan to aayenge, parivartan ka samay hai na, lekin aap bachchon ke liye toofaan kya hai!toofaan, toofaan nahin lekin tohpha hai kyonki baapdaada ke vardaan ka haath sabhi purooshaarthi bachchon ke maathe par hai। jinhonne dridh sankalp arthaat dridhta ki chaabi kaarya mein lagaai unhon ki abhi ki result pramaan saphalta bhi praapta ki hai lekin sadaakaal ke liye toofaan ko tohpha banaae, samasya ko samaadhaan roop de aage badhte chalo। to baapdaada abhi ki result mein khush hai। jo yog tapasya ki hai usmein lakshya dridh rakha hai, banna hi hai।

40 varsha avyakt paalna ke poore hue hain। to 40 varsha mein pahle kya aata - bindu, zero। to zero yaad dilaata ki main hero, sachcha hero, mahaan hero hoon aur hero paartadhaari ban har kaarya hero samaan karna hai। to zero, hero yeh sada yaad rahe aur baaki jo chaar hain, usmein chaar baaten natural jeevan mein karni hai, dridhta poorvak karni hain, karenge? taiyaar hain? kuchh bhi paper aave lekin chaar baaten apne jeevan mein karni hi hai। pakka? pakka? pakka? peechhe vaale, pakke hain na! kachche ko maaya kha jaati hai iseelie pakka rehna। ek baat - sada shubhchintak, koi ki kamzori dekh va sun merciful ban shubh chintak ban unko sahayog dena hi hai। kamzori ko nahin dekhna hai lekin sahayog dena hi hai। isko kehte hain shubh chintak। pakka rahega na! sahaare daata, merciful ban sahayog do। usse kinaara ya ghrina nahin karna, kshama karna। parvash ke oopar kabhi ghrina nahin ki jaati hai। sahaara diya jaata hai। to shubh chintak aur doosra hai shubh chintan। aajkal baapdaada dekhte hain - majority bachchon mein kabhi-kabhi vyartha sankalp bahut chalta hai, ismen apni jama hui shaktiyaan vyartha chali jaati hain, isliye shubh chintan ki, svamaan ka koi na koi apna title man ko homework de do, man ka timetable banaao, karma ka to timetable banaate ho lekin man ka timetable banaao। svamaan, amritvele milan manaane ke baad man ko de do lekin jaise sunaaya hai ki 12-13 baari sabhi ko time milta hai, usmein realise bhi karo, revise bhi karo to man busy rahne se vyartha sankalp mein samay nahin jaayega, mehnat nahin karni padegi, har samay sangamayug jo mauj ka yug hai, usi mauj mein rahenge। to doosra sunaaya - shubhchintan। check karo aur change karo। teesra hai - shubh vritti। ashubh vritti vaayumandal bhi ashuddha phailaati hai iseelie shubh vritti। aur chautha hai har ek ko yeh jimmevaari leni hai ki mujhe, mera kaam hai khaas, doosre ko nahin dekhna hai, mera kaam hai shubh vaayumandal banaana। jaise kabhi bhi vaayumandal mein badbu hoti hai to kya karte ho? khushbu phailaate ho na! badbu sahan nahin hoti, koi na koi khushbu ka saadhan apnaate ho, aise saadhaaran vaayumandal va ashubh vaayumandal badalna hi hai। chaahe chhota hai, chaahe naya hai, lekin sabki jimmevaari hai। dridh sankalp karna hai mujhe shubh vaayumandal banaana hi hai। yeh pratigya pratyakshata karegi। pratigya karte ho, baapdaada khush hota hai lekin pratigya mein kabhi-kabhi dridhta nahin hoti hai iseelie saphalta jo chaahte ho, jitni chaahte ho utni nahin hoti। saare vishwa ka, prakriti ka, aatmaon ka, aatmaon mein brahman aatmaayen bhi aa jaati hain, har ek apne sevaasthaan ka aisa vaayumandal dridhta se banaao, kuchh tyaag karna pade to kar lo, tyaag kare to main karoon, nahin। system theek ho to… to to nahin karo। mujhe to karna hi hai। vishwa parivartak svamaan hai na! sabhi vishwa parivartak ho na! haath uthaao। achha vishwa parivartak। bahut achha। to pahle baapdaada dekhne chaahte hain, hai bhi hoga bhi lekin is varsha mein baapdaada chhote ya bade sevaakendra ka chakkar lagaave to vaayumandal kaisa ho? jaise aaj ka din sneh aur shakti ka hai, aise gaanv-gaanv ka centre, bada centre ka vaayumandal chaitanya mandir ho। negative ko positive banaana ismen pahle main। pahle aap nahin karna, pahle main, kyonki baapdaada aur advance party aur aajkal to prakriti bhi intajaar kar rahi hai। intajaam karne vaale aap ho, aapko intajaar nahin karna hai, intajaam karna hai।

aaj chaaron or bhay phaila hua hai, sabke dil mein ek hi sankalp hai majority duniya vaalon ke, kal kya hoga!aapko pata hai kal kya hoga! to parivartan karne mein pahle main nimitta banoonga, yeh sankalp kaun karta hai? ismen haath uthaao। karna padega। karna padega। badalna padega। rakshak banna padega। kuchh chhodna padega aur pyaar lena padega। man ka haath uthaaya ya yeh haath uthaaya! kisne man ka haath uthaaya। kyonki man badla to vishwa badla। to is varsha mein kya slogan hoga? kya slogan hoga? ‘‘no problem’’। vijay ka jhanda dil mein lahrega। aur sabhi khushi ki dance sada man mein karenge, man ki dance hai khushi। to har samay khushi ki dance karenge। aur daata ke bachche ho to jo bhi aave har ek ko koi na koi gun ki gift do। to ek second mein woh dridh sankalp, daata ka sankalp lift ban jaayega aur second mein paramdham, sookshm vatan, sthool madhuban saakaar vatan, jahaan chaahenge vahaan bina mehnat ke second mein pahunch jaayenge। koi bhi saamne aaye usko khaali haath nahin bhejna, koi na koi gun ki, chehre se, chalan se, mukh se gun ki saugaat ke bina nahin milna।

to is varsha ka har maas result apne paas bhi rakhna aur yagya mein teacher dvaara O.ke. ka card bhejna, lamba patra nahin bhejna, O.ke. ka card bhejna। card bhi lamba nahin bhejna, jo duniya mein card chalta hai woh nahin, teacher dvaara jo vardaan ka card milta hai woh bhejna। gunon ki saugaat, shaktiyon ki saugaat kitni hai? list ginti karo to kitni badi list hai। aur jitna denge utni kam nahin hogi badhti jaayegi। jaise kehte hain na chhu mantra, to yeh shiv mantra kabhi koi gun aapse kam nahin hoga, aur hi badhega kyonki kahaavat hai de daan chhoote grahan। achha।

is baari jo pahle baari aaye hain woh uthke khade hon। achha hai - (em.pi. ke raajyapaal saamne baithe hain) is sangathan mein padhaare ho, achha hai। baapdaada aap sabhi ko, aane vaalon ko yeh vardaan de rahe hain ki sada baap se good morning aur good night zaroor karna। kyonki pahle-pahle aankh khulte hi baap ko dekhenge to saara din achha hoga। to pahle baari aane vaale bachchon ko baapdaada ka padamguna yaadapyaar aur badhaai ho। achha। aaj tarna kiska hai?

seva ka tarna Indore zone ka hai:- achha nishaani achhi rakhi hai (sabke haath mein kamal ka phool hai) achha। Indore kahenge na isko Indore ka arth kya hai? in dor arthaat antarmukhi। yeh jo nishaani rakhi hai is nishaani anusaar sada kamal pushpa samaan nyaare aur baap ke pyaare। antarmukhi sada sukhi। antarmukhi sada baap ke diltakhtansheen hain। antarmukhi sada sarva ke pyaare hote hain। achha andaaj bhi kaaphi aaya hai mubaarak ho। yagya seva ka golden chance milna yeh bahut bada punya jama karne ka hai har kadam yagya seva karna arthaat apna punya jama karna। to in 10-15 din mein har kadam seva kiya to kitne padam bane? yagya seva mahaan seva hai। aur baapdaada ne dekha hai ki jo bhi zone yeh golden chance leta hai woh bahut sik va pyaar se seva karte hain। result very good hoti hai। to aap sabki bhi result achhi hai aur achhe te achhi rahegi। abhi yeh baat yaad rakhna ki main kaun! kamal। kamal jal mein rehte nyaara rehta vaise koi bhi samasya ya koi bhi vaayumandal mein rehte nyaara aur pyaara kyoki samay to duhkh ka hai bhay ka hai lekin aapke liye sada man mein khushi ke nagaade bajte rehte hain। sada khush rehte ho na! haath uthaao। khushi ko nahin chhodna। khushi gai to jeevan bekaar। neeras jeevan achhi nahin। isliye sada khush rehna hai rehna hai na aur khushi baantani hai। itni khushi ho jo baanton bhi aur khush raho bhi kyonki baap ka brahman bachcha banna arthaat khushanseeb banna khushkismat banna। apna khushanseeb ka title sada yaad rakhna kyonki baap mila arthaat sarva praaptiyon ka bhandaar mila। to kahaavat hai bhandaara bharpoor sab duhkh door to kya karenge! khush hi rahenge na! achhi seva bhi kar rahe ho। seva karna arthaat vardaan praapta karna। to seva mein saphaltaamoorta hain na! kaandh hilaao। teachers saphaltaamoorta hain na! kaho saphalta to hamaara janma siddha adhikaar hai। bolo। saphalta hamaare gale ka haar hai। achha।

medical wing:- achha medical aur meditation donon ka group hai kyonki double doctor hain na meditation dvaara baap se milaana aur medical dvaara duhkh door karna। temporary hai lekin karte to hai na। jaise baap duhkh harta hai na to doctors ya medical department bhi thode samay ke liye patient ka duhkh to door kar dete hain। lekin abhi to aap sabhi usko meditation sikhaake yeh bhi punya kamaane vaale medical department ho। sabhi double seva karte ho। haath uthaao jo double seva karte hain double doctor hain। single doctor to bahut hain lekin aap double sevaadhaari double kaam karne vaale ho। baapdaada ko achha laga। is seva dvaara bhi kai khush honge khushanseeb banenge। baapdaada ne dekha ki yeh baambe ki hospital bhi bahut seva ke nimitta hai। aabu ki to pahle hi hai lekin woh beech mein shahar mein hone kaaran jyaada seva karne ka chance hai। achha kar rahe ho aur aage badhte rahenge aage badhne ka chance aur vardaan donon hai। achha hai। abhi naya plan banaaya hai na koi। banaaya hai? achha banaate chalo parivartan vishwa ka karte chalo udte chalo aur udaate chalo। achha।

youth group:- aajkal ki government ka bhi yuva ke liye bahut umang hai sankalp hai kyonki yuva ki visheshta hai jo chaahega jo sochega woh karke hi dikhaata hai। yuva ki double shakti hai shaareerik bhi aur man ki bhi। yuva sangathit hoke jo chaahe woh kar sakte hain paandav government bhi dekh rahi hai ki yuva chaaron or khaas apne school saathiyon ki seva achhi kar rahe hain। baapdaada ke paas yuva varga ki report aati rehti hai। abhi addition yeh karo ki is varsha mein jo bhi braahmanon ki maryaadaayen hain ek ek maryaada ko poorn reeti se mansa se vaacha se karmana se aur sambandh-samparka se chaaron hi roop mein paalan karne vaala ho - aisa group taiyaar karo is varsha mein koi bhi maryaada bhang na ho। aisa group banaao aapas mein banaao। jo ote so arjun। pasanda hai? kaun karega? aap karenge? haath uthaao। karenge? sabhi yuva karenge? kitne hain? (400) aapas mein group group mein pakka karo phir government ko dikhaayenge ki yeh maryaada purooshottam hain। government bhi chaahti hai lekin kar nahin paati hai aap karke dikhaao। example banke dikhaao। homework mil gaya na। baapdaada yahi chaahte hain ki chaaron or ke brahman aatmaayen is varsha mein kamaal karke dikhaayen। vyartha sankalp ki dhamaal bhi nahin ho। shuddh sankalp itna jama karo jo vyartha ko aane ka samay nahin mile। hai na khazaana। shuddh sankalp ka itna khazaana ikaththa hai? hai haath uthaao। shaktiyaan bhi hain achha hai shaktiyaan bhi example banen aur paandav bhi example banen। achha। baapdaada khush hai।

security wing:- security vaale hain aap bhi double security vaale ho na! ek to jo hangaama karne vaale hain unse security karte ho doosre jo bichaare chaahna rakhte hain ki ham sada sukh mein rahe shanti mein rahe unki bhi security karo unhon ko manamnaabhav ka mantra dekar shiv mantra dekarke kam se kam khush rahen khushi ki security khushi ganvaayen nahin yeh security ka raasta bataao। to double security karo to kitni aapko aasheervaad milegi। duhkhi ko sukhi karna gamgeen ko khush karna to aasheervaad milegi aur aisa har ek ke ghar ko chhota sa mantra do jo khushi nahin ganvaaye har ghar mein khushi ho jitni yeh seva karenge to double security vaale ban jaayenge। phailaao। har sthaan par yeh responsibility do hain to sab sthaan vaale apne desh mein pahle yeh security ka kaam karo gaanv gaanv bade bade sthaan khushnuma ho jaayen। to karenge? karenge? achha।

abhi sabhi sada jo chaar baaten sunaai aur paanchava zero aur hero sunaaya to in baaton ka manan karte hue magna avastha mein rahne vaale brahman so pharishta aatmaayen devta banna to aapka janma siddha adhikaar hai pharishta so devta hai hi to sada sneh ke lav mein leen lavleen rahne vaale sada dridhta ke sankalp ki chaabi ko man mein buddhi mein smriti mein rakhne vaale kyonki is chaabi ke peechhe maaya bahut chakkar lagaati hai। to man aur buddhi se sada samartha rahne vaale chaaron or ke bachchon ko baapdaada ka yaadapyaar aur namaste।

daadiyon se:-(daadi jaanki se) chakkar lagaakar aai bahut achha। jo kar rahe hain bahut achha। baba ko chitra yaad aaya ki jagdamba beech mein khadi hai jhanda lahra rahe hain aur peechhe sab shaktiyaan saath mein khadi hai। to abhi woh chitra baapdaada vishwa ke aage dikhaana chaahta hai। saare braahmanon se shakti sena aisi taiyaar karo jo nimitta banen chakkar lagaate hue vaayumandal ko powerful banaaye aur dridh sankalp kare to ham yeh dridh sankalp rakhte hain ki ham vaayumandal ko badalke dikhaayenge। yeh jhanda uthaayen। aisa group nikaalo jo chakkar lagaake vaayumandal ko theek kare apni sthiti vaani aur sang se। aisa group taiyaar karke dikhaao। to baapdaada ko chitra yaad aaya to yeh practical hona chaahiye। aise nahin kehna samay nahin milta। koi nahin kahega samay nahin milta। samay milega agar shubh bhaavna hai to aisa group baapdaada ko banaake dena।

pardaadi se:- seva kar rahi ho mansa seva se sakaash bahut de rahi ho। seva mein busy rehti ho।

kalkatta vaalon ne phoolon ka shrringaar kiya hai:- achha hamesha karte hain।

(doctor ashok mehta ji aur yogini behen se) donon ne himmat achhi rakhi aur samay par pahunchaaya (daadi guljaar ko kal baambe se madhuban lekar aaye) iski mubaarak ho। jo duty di woh ki।

avyakt baapdaada se –

madhyapradesh ke raajyapaal mahaamhim balraam jaakhad ji mil rahe hainh bahut achha dekho yeh bhi aapka bhaagya hai jo aise sangathan mein pahunche ho। abhi baapdaada yahi kehte hain ki jo is sangathan mein meditation sikhaate hain na meditation teen ghante ka hai। to yeh zaroor karna। dekho teen ghanta alag alag dena hai। agar busy ho to chhutti ke din do। achha hai। kyonki baap ke paas aaye ho to baap saugaat to denge na। aasheervaad yeh hai ki meditation dvaara sada khush rahenge। khushi kabhi nahin ganvaana। kabhi bhi koi baat aave kaho baba shivbaaba। woh baat baap ko de do aap khush raho।