गुरुवार 5 फ़रवरी 2009 की अव्यक्त मुरली

05-02-09 om shanti avyakt baapdaada madhuban

‘‘seva karte double light sthiti dvaara pharishtepan ki avastha mein raho ashareeri banne ka abhyaas karo’’

aaj baapdaada chaaron or ke bachchon ke teen roop dekh rahe hain - jaise baap ke teen roop jaante ho, aise bachchon ke bhi teen roop dekh rahe hain। jo is sangamayug ka lakshya aur lakshan hai, pahla swaroop brahman, doosra pharishta, teesra devta। brahman so pharishta, pharishta so devta। to vartamaan samay abhi vishesh kya lakshya saamne rehta hai? kyonki pharishta banne ke bina devta nahin ban sakte। to vartamaan samay aur svayan ke purooshaartha pramaan abhi lakshya yahi hai pharishta। sangamayug ke sampanna swaroop pharishta so devta banna hai। pharishte ki paribhaasha jaante bhi ho, pharishta arthaat puraani duniya ke sambandh, sanskaar, sankalp se halka ho। puraane sanskaar sabmen halke hon। sirf apne sanskaar svabhaav sansaar mein halkaapan nahin, lekin pharishta arthaat sarva ke sambandh mein aate sarva ke svabhaav sanskaar mein halkaapan। is halkepan ki nishaani kya hai? woh pharishta aatma sarva ke pyaare honge। koi koi ke pyaare nahin, sarva ke pyaare। jaise baap, brahma baap ko har ek samajhta hai mera hai। mera baba kehte hain। aise pharishta arthaat sarva ke priy। kai bachche sochte hain ki brahma baba to brahma hi tha, lekin aap sabne aap samaan brahman aatmaon mein dekha ki aap sabki pyaari daadi, jisko sabhi pyaar se anubhav karte rahe ki meri daadi hai। sarva taraph svabhaav, sanskaar aur is puraane sansaar mein rehte nyaari aur pyaari, sab hak se kehte hamaari daadi। to kaaran kya? svayan svabhaav, sanskaar mein halke। sabko meraapan anubhav karaaya। to example raha। jagat amba ka bhi dekha lekin kai sochte hain woh to jagat amba thi na। lekin daadi aap brahman parivaar jaisi saathi thi। unke mukh se sadaiv agar purooshaartha sunte va poochhte to unke mukh mein ek hi shabd raha - ‘‘ab karmaateet banna hai।’’ karmaateet ki lagan mein auron ko bhi yahi shabd baar-baar yaad dilaati rahi। to har brahman ka abhi lakshya aur lakshan vishesh yahi rehna chaahiye, hai bhi lekin nambarvaar hai। yahi lagan ho ab pharishta banna hi hai। pharishta arthaat is deh, saakaar deh se nyaara, sada light ke dehdhaari। pharishta arthaat is karmendriyon ke raaja।

baapdaada ne pahle bhi sunaaya ki saare srishti chakra ke andar ek hi baapdaada hai jo phalak se kehte hain ki mera ek ek bachcha raaja bachcha hai। svaraajya adhikaari hai। to pharishta arthaat svaraajya adhikaari। aisa svaraajya adhikaari aatma, light ke svaroopdhaari। koi bhi aise light ke double halkepan ki sthiti mein sthit honke agar koi ko bhi milte hain to unke mastak mein aatma jyoti ka bhaan chalte phirte bhi dikhaai dega। abhi yeh teevra purooshaartha ka lakshya aur lakshan sada emerge rakho। jaise brahma baap mein dekha agar koi bhi milta, drishti leta to baat karte-karte kya dikhaai deta? aur last mein anubhav kiya ki brahma baap jyaada baat karte-karte bhi meethi ashareeri sthiti mein sthit ho jaata। doosre ko bhi chaahe kitna bhi service samaachaar ho, lekin second mein ashreereepan ka anubhav karaate rahe aur baar-baar koi bhi murli mein check karo, baar-baar main ashareeri aatma hoon, aatma ka paath ek hi murli mein kitne baar yaad dilaata raha। to abhi samay anusaar chhoti-chhoti vistaar ki baaten, svabhaav-sanskaar ki baaten ashareeri avastha se door kar deti hain। abhi parivartan chaahiye।

baapdaada ne dekha seva mein result achhi ho rahi hai, seva ke liye majority ko umang-utsaah hai, plan bhi banaate rehte hain lekin seva ke saath, sandesh dena yeh bhi aavashyak hai aur baapdaada ne aaj bhi bhinna-bhinna varga ki, bhinna-bhinna sthaan ki seva ki achhi result dekhi lekin ashreereepan ka vaayumandal mehnat kam aur prabhaav jyaada daalta hai। suna hua achha to lagta hai, lekin vaayumandal se ashreereepan ki drishti se anubhav karte hain aur anubhav bhoolta nahin hai। to pharishtepan ki dhun abhi seva mein vishesh addition karo। koi na koi shanti ka, khushi ka, sukh ka, aatmik prem ka anubhav karaao। chalan mein pyaar prem aur jo khaatiri karte ho, sambandh se, parivaar se woh to anubhav karke jaate hain lekin ateendriy sukh ki feeling, shanti ka roohaani nasha abhi vaayumandal aur vibration dvaara vishesh attention mein rakho। vishesh anubhav karaao, koi na koi anubhav karaao। jaise system mein prabhaavit hoke jaate hain aisi system parivaar ke pyaar ki aur kahaan bhi nahin milti, aise abhi koi na koi shakti ka, koi na koi praapti ka anubhav karke jaayen। abhi 70-72 varsha poore ho rahe hain, is samay mein result mein kya dekha! mehnat ki hai, lekin abhi tak brahmaakumaariyaan kaam kar rahi hain, brahmaakumaariyon ka gyaan achha hai। dene vaala kaun! chalaane vaala kaun! source kaun! baba shabd aap sabka sun karke kehte bhi hain baba hai inhon ka, lekin mera vahi baba hai, baap ki pratyakshata abhi gupta roop mein hai। baba baba kehte hain, lekin mera baba, main baba ka, baba mera, yeh koton mein koi nikalta hai।

to sangamayug ka lakshya kya hai? ham sab aatmaon ka baap aa gaya, varsa to baap dvaara milega na! woh prabhaav pharishta avastha se vaayumandal phailega। inhon ki drishti se light milti hai, inhon ki drishti mein roohaaniyat ki light nazar aati hai, to abhi teevra purooshaartha ka yahi lakshya rakho main double light pharishta hoon, chalte phirte pharishta swaroop ki anubhooti ko badhaao। ashreereepan ke anubhav ko badhaao। second mein koi bhi sankalpon ko samaapta karne mein, sanskaar svabhaav mein double light। kai bachche kehte hain ham to halke rehte hain lekin hamko doosre jaante nahin hain। lekin aise double light pharishta, double light uski light chhip sakti hai। chhoti si sthool light torch ho ya maachis ki teeli ho light kahaan bhi jalegi, chhipegi nahin aur yeh to roohaani light hai to apne vaayumandal se unhon ko anubhav karaao ki yeh kaun hain! chaahe jagdamba chaahe daadi ne kaha nahin ki mujhe jaante nahin hain। apne vaayumandal se sarva ki pyaari। iseelie daadi ka misaal dete hain kyonki brahma baap ke liye bhi sochte hain brahma baba mein to shivbaaba tha, shiv baap ke liye bhi sochte ki woh to hai hi niraakaar, nyaara aur niraakaar, ham to sthool shareerdhaari hain। itne bade sangathan mein rahne vaale hain, har ek ke sanskaar ke beech mein rahne vaale hain, sanskaar ko milaana arthaat pharishta banna। sanskaar ko dekh kai bachche dilshikasta bhi ho jaate hain, baba bahut achha, brahma baap bahut achha, gyaan bahut achha, praaptiyaan bahut achhi, lekin sanskaar svabhaav milaana arthaat sarva ke pyaare banna। koi koi ke pyaare nahin, kyonki kai bachche kehte hain ki koi koi se pyaar visheshta ko dekh karke bhi ho jaata hai। inka bhaashan bahut achha hai, ismen phalaani visheshta bahut achhi hai, vaani bahut achhi hai, pharishta banne mein yeh vighna aata hai। pyaara bhale banaao, lekin main aatma nyaari hoon, nyaari stage se pyaara banaao। visheshta se pyaara nahin। yeh iska gun mujhe bahut achha lagta hai na woh dhaaran bhale karo lekin iske kaaran sirf pyaara banna woh wrong hai। pharishta sabhi ka pyaara। har ek kahe mera, apnaapan, aisi pharishte avastha mein vighna do cheezen daalti hain। ek to deh bhaan, woh to natural sabko anubhav hai, 63 janma ka phir phir dehbhaan pragat ho jaata hai aur doosra hai deh abhimaan, deh bhaan aur deh abhimaan, gyaan mein jitna aage jaate hain, to svayan ke prati bhi kabhi kabhi deh abhimaan aa jaata hai, woh abhimaan neeche giraata hai, deh- abhimaan kya aata hai? jo bhi koi visheshta hai na, us visheshta ke kaaran abhimaan rehta hai, main koi kam hoon, mera bhaashan sabko pasanda aata hai। meri seva ka prabhaav padta hai, koi bhi kala meri handling bahut achhi hai, mera course karaana bahut achha। koi na koi gyaan mein aage badhne mein, seva mein aage badhne mein yeh abhimaan apne prati bhi aata aur doosre ke gun ya kala, ya visheshta prati bhi pyaar ho jaata। lekin yaad kaun aayega? dehbhaan hi yaad aayega na, phalaana buddhi ka bahut achha hai, meri handling bahut achhi hai, yeh abhimaan seva va purooshaartha mein aage badhne vaalon ko abhimaan ke roop mein aata hai। to yeh bhi check karna hai, aur abhimaan vaale ko abhimaan hai isko check karne ka saadhan hai, abhimaan vaale ko jara bhi koi ne apmaan kiya, uske vichaar ka, uski raay ka, uski kala ka, uski handling ka apmaan bahut jaldi mahsoos hoga। aur apmaan mahsoos hua, uski aur sookshm nishaani krodh ka ansh paida hota hai, rob। woh pharishta banne nahin deta। to vartamaan samay ke hisaab se baapdaada phir se ishaara de raha hai, apna sangamayug ka last swaroop pharishta ab jeevan mein pratyaksha karo, saakaar mein laao। pharishta banne se ashareeri banna bahut sahaj ho jaayega। apni checking karo, sookshm roop mein bhi lagaav koi visheshta ya apni ya aur kiski, abhimaan to nahin hai? kai bachchon ki chhoti si baat bhi hogi na, to avastha neeche oopar ho jaati hai। dilkhush, chehra khush uske bajaae ya chintan vaala chehra ya chinta vaala chehra, aur chalte chalte dilshikasta bhi ho jaate। dilkhush ke bajaae dilshikasta। to samjha, ab apne sangamayug ki last stage pharishtepan ke sanskaar emerge karo। jaise brahma baap ko dekha,follow father karna hai na। baat karte karte last mein kai bachchon ko anubhav hai, sunaane aaye samaachaar lekin samaachaar se pare, aavaaj se pare sthiti ka anubhav kiya hua dekha hai। baaton ka samaachaar sunaane, bahut plan banaakar aate yeh bataaoonga, yeh bataaoonga, yeh poochhoonga lekin saamne aate kya bolna tha vahi bhool jaata। to yeh hai pharishta avastha। to kya aaj paath pakka kiya? main kaun? pharishta। kisi baaton se, kisi visheshtaaon se, apni visheshta se, deh abhimaan se pare double light pharishta kyonki pharishta banne ke bina devta ka ooncha pad nahin milega। satayug mein to aa jaayenge, kyonki bachche bane hain, varsa to milega lekin shreshtha pad nahin। jo vaayda hai sada saath rahenge, saath saath raajya karenge, takhta par bhale nahin baithe lekin raajya adhikaari banen, vahaan ki raajya sabha dekhi hai na। jo bhi raajya sabha ke adhikaari hain, woh tilak aur taajdhaari, raajya tilak, raajya ki nishaani taaj। to bahut samay se svaraajya adhikaari, beech-beech mein nahin। bahut samay ke svaraajya adhikaari takhta par bhale nahin baithe lekin royal family ke adhikaari ban jaate hain। achha।

achha aaj jo pahli baari aaye hain woh utho। achha। pauni sabha to uthi hui hai। achha jo bhi pahli baari aaye hain un sabhi ko baap se saakaar mein milne ki, pahle baari ki janma ki mubaarak ho। baapdaada ka sabhi aaye hue bachchon ko yahi vardaan hai ki aaye, toolate ke samay hain lekin naye aaye hue bachchon prati ek vishesh vardaan hai ki kabhi bhi yeh sankalp nahin karna ki ham aage kaise ja sakte? toolate aane vaalon ko abhi to let mein aaye ho toolate mein nahin aaye ho। aur abhi aap sabko vishesh baapdaada aur nimitta bane hue brahman parivaar ke bhaai bahinon ki vishesh sahayog ki bhaavna hai ki agar aap thode samay ko ek ek second ko saphal karne ka, kyonki thode samay mein bahut paana hai, ek second bhi vyartha nahin ganvaana, karmayogi banke chalna, karma nahin chhodna hai lekin karma mein yog add karte, karma aur yog ka balance rakhna hai। to balance rakhne vaale ko blessing extra milti hai। to jo bhi let mein aaye ho, toolate abhi aage lagna hai, aapko chance hai, thode samay mein bahut purooshaartha kar sakte ho। baapdaada vardaan dete hain ki himmate bachche madde baap hai hi।

seva ka tarna gujraat ka hai:- achha gujraat ke jo naye pahli baari aaye hain woh utho। jo baap se pahle baari milne aaye hain gujraat ke, haath hilaao। (gujraat se 6 hajaar aaye hain) achha hua, aa to gaye। apna madhuban baapdaada ka madhuban to dekha। iski bhi mubaarak ho। achha। abhi sabhi gujraat ke utho। baapdaada shuru se gujraat ko madhuban ka kamra samajhte hain। sabse najdeek sahayogi, snehi aur abhi vartamaan samay baapdaada ne dekha result mein to jo baapdaada ne homework diya tha, ki har ek zone aapas mein milke zone ko nirvighna banaane ka programme banaake aur nirvighna banaao, to baapdaada ne dekha sabhi zone apne apne roop mein karte honge lekin gujraat ne har maas mein record dikhaaya, har maas mein topic aur samaachaar ki len den isse sangathan mein umang aata hai। alag alag purooshaartha karte hain na usse agar sangathan mein niyam pramaan, kaaydemujeeb programme rakhte hain to usse attention achha hota hai। nirvighna bane ya nahin banen woh result abhi aani chaahiye ki is programme chalte kis kis mein antar aaya hai, class chale, yeh to mubaarak hai। topic nikaali hai yeh bhi mubaarak hai lekin practical mein antar kya aaya hai, woh result abhi aani chaahiye। baaki baapdaada mubaarak dete hain ki homework ko buddhi mein rakh purooshaartha kiya hai, to purooshaartha ka baba badhaai de raha hai। aise hi chhote chhote group banaao, jaise dekha hai baapdaada ne to yeh vargeekran ka jo group banaate hain, to group tarna by tarna aapas mein bhi milte rehte aur chhota group hone ke kaaran aapas mein len den kar sakte hain, baaki vargeekran vaale bhi bahut aaye hain। unhon ko bhi baapdaada yahi kah rahe hain, ki jaise service ke plan banaate ho, result mein baapdaada ne dekha, teen chaar ki result bhi aai hai lekin jaise seva ka plan banaate ho aur usko practical mein karte ho, aur practical mein jo sahayogi bane hain, sahayogi kam bane hain, snehi bane hain, to jaise woh result nikaalte ho, vaise har varga ko dhaarna ke liye apne varga ko nirvighna banaane ke liye bhi attention dena chaahiye। koi koi karte hain, dhaarna ka point bhi rakhte hain lekin result kiya nahin kiya, vriddhi hai ya nahin hai, parivartan hua ya nahin hua, woh result bhi aani chaahiye। kya result rahi? parivartan ka koi aisa drishtaanta dikhaana chaahiye। jaise seva par attention dete ho to seva vriddhi ko to paai hai na, baapdaada khush hai lekin abhi dhaarna ke oopar attention aur chaahiye। kyonki ant mein seva chaahenge to bhi nahin kar sakenge, abhi kar li so kar li, us samay pharishta life ya ashareeri banne ka second mein bindu lagaane ka yahi kaam mein aana hai। aur achaanak hona hai। iska abhyaas agar seva bhi ki, lekin iska abhyaas kam hoga, seva mein hi lage rahe, seva mein lagna hai lekin donon ka balance chaahiye। baapdaada baar-baar ishaara de raha hai ki achaanak hona hai aur aisi circumstance mein hona hai iseelie baap ko ulhana koi nahin de ki aapne bataaya nahin। baar-baar bhinna-bhinna eeshaare de rahe hain। seva ka phal milta hai, seva ki marks, kyonki chaar subject hain na to seva ki subject ki marks milengi lekin aur teen subject, agar ek subject mein aapne marks le li aur teen mein kam li to number kya milega? chaar hi mein first number aana chaahiye। yeh baapdaada ki har bachchon ke prati shubh aash hai। to baap ki aashaaon ke sitaare kaun hain? haath uthaao। baap ki aashaaon ke sitaare ho to baapdaada ki yahi sabse badi aash hai ki chaar hi subject mein number achha ho। nahin to paas with honour mein nahin aayenge। mahaarthi usko kaha jaata hai jo chaar hi subject mein achhe number le। kahne mein bhale mahaarthi mahaarthi aata hai, lekin agar number nahin lete to baapdaada ke ummeedon ke taare hain, aashaaon ke taare nahin। to banna kya hai? ummeedon ke sitaare? aashaaon ke sitaare, saphalta ke sitaare। to gujraat achha lakshya to rakha hai। lekin result baapdaada ko bhej dena kyonki aapko dekh karke phir auron ko bhi umang aayega, ki is sangathan se phaayda kya hua। plan to achha hai aur regular karte aaye hain, iski mubaarak bhi hai। theek hai। mubaarak bhi hai aur homework bhi hai। donon hai। achha।

is group mein 5varga ki meeting hai:-(business mahila samaaj seva transport aur graam vikaas) achha sabhi ne apni nishaani rakhi hai। abhi jisne jo kuchh nishaaniyaan banaai hai na, uska ek ek saamne aave। board hai ya symbol hai। ek do aa jaao। sab aage aao। yeh bhi achha hai। abhi aise saamne face karo। achha। achha kiya hai। yeh bhi ek extra umang-utsaah bharne ka saadhan hai। abhi plen kisne nahin dekha ho to plen to dekh liya। (transport vaalon ne phlaiksa par plen banaaya hai) apne plen mein to chadhte ho na! ismen to ticket kharcha karni padegi aur aapka plen, man aur buddhi ka plen second mein kahaan se kahaan teen lokon mein pahunch sakta hai। mehnat achhi ki hai। achha।

sabhi ko khushi hoti hai na, achha kaun se wings hain। achha business vaale haath uthaao। achha yeh business vaale aur transport, transport donon hi transport ne haath uthaaya। donon hi uthaao। achha। mahilaayen। achha। inki nishaani bata rahi hai। baba ki abhi ek baat practical mein laana rah gai hai, woh group kahaan bhi ikaththa karo। maanon zone mein ikaththa karo ya do teen zone jo najdeek hain usmein jo vi.aai.pi snehi, aaya gaya woh nahin lekin snehi hai connection mein hai aur relation rakh raha hai, relation yeh hai, jo roj murli sunne nahin bhi aata hai, to phone mein bhi sunta rahe, vardaan sune, slogan sune, aur jo last mein murli ka saar hota hai, woh chalte phirte phone mein bhi sune, connection rakhe। aise nahin 6 maas ke baad bulaao to aa gaya। connection mein rahe to relation pakka hoga। connection aisa hota hai jo kheenchata hai। jab vargeekran hoga tab aayega, ek saal ke baad usko relation nahin kaha jaata। najdeek ka relation ho, apni present mark to daale। phone mein hi daale, lekin main hoon, yeh present mark to daale। aur jitna ho sake utna zone ya do teen zone milke, jahaan najdeek padta ho aane jaane mein, 6 maas mein 3 maas mein ek sangathan to karo। aur ek do mein pahle apne apne zone mein karo, do teen najdeek vaale milke karo aur phir ek baari sabko ikaththa ek sthaan par karen to parichay bhi ho jaave na, kaun kaun anubhav kar raha hai, maanon doctors hain, abhi dekhen to itne bade bade doctors bhi abhyaas kar rahe hain to prabhaav to padta hai na। aise hi sabhi varga vaalon ko ek do ko dekh karke prabhaav padta hai। yeh bhi chal rahe hain, yeh bhi chal rahe hain aur ek do ka anubhav sunte hain to bhi prabhaav padta hai। to abhi doosra tarna aapka aave usmein yeh result bataana। kitne baar sangathan kiya, kahaan kahaan kiya, kitne aaye, uski result। yeh to sahaj hai na। sahaj hai ya mushkil hai? sab varga karenge na। doosre bhi sunenge। achha।

double videshi bhaai bahinen:- (80 deshon se aaye hain) achha hai, yeh jo programme banaaya hai, madhuban mein sabka sangathan ho, yeh baapdaada ko bahut pasanda hai kyonki madhuban mein aane se parivaar kitna bada hai! sevaayen chaaron or kaise ho rahi hain! bhaarat vaale foreign ki seva se laabh uthaate ki foreign mein yeh kar rahe hain, ham bhi karen aur foreign vaale India ke samaachaar sunkar apne sthaan mein jahaan ho sakta hai, vahaan phaayda lete hain aur foreign ke foreign mein milna, mushkil hai, madhuban mein double phaayda hai। baapdaada se milna bhi ho jaata aur parivaar se milna bhi ho jaata। to abhi kuchh samay se kaayde pramaan madhuban mein meeting ya chhote chhote sangathan yeh baapdaada ko bahut pasanda aaya aur plan bhi achhe- achhe banaate rahe ho aur practical mein bhi kar rahe ho, iski bhi har saal vriddhi dekhakra baapdaada chaaron or ke double foreigners ko badhaaeeyaan dete hain, badhaaeeyaan dete hain। aur abhi jitna-jitna sangathan hota raha hai na, to usse ek do ka anubhav sunne se kaeeyon ko anubhav dvaara bhi bal milta hai। maanon koi dilshikasta ho jaata hai to doosre ka anubhav sunta, to yeh sada khushmijaaj rehta hai iski shakla kabhi murjhaaye nahin, dilkhush। to ek do ka anubhav sunne se ulhaas mein aa jaate। ek do ka anubhav kam nahin hota hai, har ek ko draamaanusaar koi na koi visheshta baap dvaara mili hui hai। to woh anubhav sunne se umang aata hai, yeh kar sakta hai to main kyon nahin kar sakta! kabhi bhi dil chhoti nahin karna। badi dil, bada baba। chhota baba hai kya, bade te bada baba hai, to bachchon ki dil sada badi। baapdaada ka slogan hai badi dil sachchi dil, saaph dil to har muraad haansil। jo bhi kichda aave na, kichde ki duniya hai na, to kabhi vaayumandal mein kichda udke aa jaata hai lekin kichda apne paas nahin rakho। jaise sthool kamre mein sote ho aur kichda ho jaae to kya hota hai, saphaai nahin karo to machchhar ho jaate hain, phir beemaariyaan hoti hain, to yeh bhi agar man mein koi bhi baat rakh li, nikaala nahin to woh vriddhi ko paati rehti। bas baba, mera baba kaho to haajir baba, bandha hua hai। bachcha, baap ka bachcha, bhagwan ka bachcha, yaad kare mera baba aur baba haajar nahin ho, yeh ho nahin sakta। aapke paas baap ko baandhane ki rassi hai! kya hai? dil ka pyaar। kaeeyon ko baap se pyaar hai, nahin hai yeh nahin kahenge, lekin do prakaar ka pyaar hai - ek hai knowledge ke aadhaar se, main aatma hoon, shareer to hoon hi nahin aur aatma ka baap paramatma hi hai aur paramatma jyoti ke sivaae aur koi sabka paramatma ho hi nahin sakta। to baap baap to hai, jyoti swaroop hai, sahayog deta hai, lekin har samay dil ke sneh se mera baba nikle automatically। saathi banaaya jaata hai samay ke liye, aaeevel ke liye saathi kaam mein aata hai, to aapne baap ko combined rakha hai, saathi banaaya hai to samay par saath lo। sneh se yaad karo, ek hai knowledge ke aadhaar se sneh, ek hai dil ke pyaar se sneh। to check karo dil ka pyaar hai? pyaar vaale ko bhoolna mushkil hai। rivaaji cheez dekho, sugar vaalon ko meetha mana hai, aur uska pyaar hai meethe se, to meetha yaad aata hai, bhoolta hai? doctor ki davaai karenge lekin meetha khaayenge। to cheez se pyaar hai to kahne se bhi nahin chhodte hain aur yeh to baap hai, sarva praapti ka anubhav karaane vaala hai। sabhi sun rahe hain na। bhale nimitta foreigners hain lekin sabhi sun rahe hain, to abhi check karo ki dil ka pyaar hai? khuda ko dosta banaaya hai? dosta kislie banaate hain? baap se bhi dosta se jyaada pyaar hota hai। to khuda dosta banaaya hai na! koi bhi baat aave, baba aap sambhaalo। chhote bachche ban jaao, bade nahin bano। to baap le lega। pyaar ki rassi se aisa baandhake rakho jo hil nahin sake। samjha! sabhi ne samjha na! kai baar kehte hain baba aaj mujhe baba bhool gaya। baapdaada ko sunke kitna aashcharya lagta hoga! bhool gaya! 63 janma bhoole, abhi bhi bhool gaye। ek janma aur chhota sa janma! 21 full janma bhool gaye, abhi bhi bhoolna raha hua hai kya? iseelie abhi maaya ki chaturaai ko samajh jaao। maaya ki kabhi-kabhi khaatiri bhi kar dete hain। kehte hain ham samay par taiyaar ho jaayenge। abhi to time pada hai na thoda! abhi toolate ka board nahin laga hai na! ham ho jaayenge aur maaya bhi sahaara dekarke, khaatiri dekarke chaay paani peeti rehti hai। baap ko follow father karne ke bajaae, maaya ko follow kar lete hain। purooshaarthi hain na, sampoorn thode hi bane hain, yeh to hota hi hai na! yeh hai maaya ke follower banna। to abhi baapdaada kabhi bhi chakra lagaane aaye to sada shakla dekhe to kaisi shakla dekhe! kabhi kabhi shakla achhi nahin hoti hai। soch mein, soch bahut karte hain। kya karoon, yeh karoon, nahin karoon, phaayda hoga, theek hoga, sochte bahut hain। baap ko follow karo, brahma baap pahunch gaya na! jyaada sochte kyon ho? sirf follow father। vyartha sankalp aate hain, lahar aa jaati hai। yeh sirf foreigners ko nahin suna rahe hain, sabko suna rahe hain।

(videsh ke devid bhaai se) baapdaada ne dekha bhi aur jaana bhi ki bachche ko umang-utsaah bahut hai। abhi umang- utsaah ko practical mein laane mein sahayogi ban karke sahayog lete rahenge sahayog dete rahenge to aage ja sakte ho। umang utsaah kabhi dheela nahin karna baaten aayengi। lekin umang utsaah ke pankh dheele nahin karna। udte rehna। pankh hai udne ke liye। umang-ulhaas jara bhi kam hua to ooncha ud nahin sakte। baat chali jaati hai lekin khushi nahin jaaye umang utsaah nahin jaaye। baaki baapdaada ne dekha umang achha hai ab sada kaayam rakhna। jump de sakte ho।

phileepeensa ki sahaani behen se - yeh to puraani hai। achhe hain। seva karke saath laai hai। achhe hain suna na umang-utsaah kab nahin chhodna। udte rehna। koi bhi baat aaye aap ud jaao baat neeche rah jaayegi aap oopar ho jaayengi। achha।

chaaron or ke dilkhush, dil sachchi, dil saaph vaalon ko har sankalp, muraad haansil। iska arth hai jo bhi sankalp kiya uski saphalta praapta hona। to aise teenon visheshta, badi dil, saaph dil aur sachchi dil vaale, aise chaaron or ke bachchon ko baapdaada dekh padamguna se bhi jyaada khush hote hain aur automatic geet bajta hai, vaah! vaah mere bachche vaah! sada mubaarak ke paatra bachche vaah! sada baap ko saathi banaake chalne vaale, haath mein haath milaake, haath hai shreemat, to sada haath mein haath milaake udne vaale, chalna to khatma hua, udne vaale, shreemat ko har kadam mein brahma baap ko follow karne vaale aur socho nahin, karoon nahin karoon, theek hoga, nahin hoga, pata nahin pasanda aayega, nahin aayega।follow karo, brahma baap ne kya kiya, jo baap ne kiya woh right hai, sochne ki jaroorat nahin।follow karna to sahaj hai na। sochne ki kya jaroorat। phir maatha bhaari ho jaata hai। phir kehte hain aaj mujhe pata nahin kya hua hai, bhaari bhaari ho gaya hai। kyonki koi na koi baat par sochne lag jaate hain।

to sabhi chaaron or ke bachchon ko baapdaada ke dil ki duaayen aur padamguna badhaaeeyaan ho। jo shiv raatri par apni seva mein rahenge, unhon ko abhi se shivraatri aapke birth de ki duaayen aur mubaarak de rahe hain aur aane vaale athva jo patra email bhejte hain unhon ka second se bhi kam samay mein baapdaada ke paas pahunch jaata hai। unhon ko bhi aur baapdaada ki pyaasi aatmaayen, baandheliyaan jo maar ko bhi gale ka haar bana deti hain, aisi aatmaon ko bhi yaadapyaar aur naye-naye snehi aatmaayen jo abhi nikal rahi hain, lekin kam। snehi aur sahayogi double hona chaahiye। to chaaron or ke sabhi yuva, vriddha, bachche, maataayen, paandav, sabhi ko in advance aapke, baap ke birth de ki mubaarak ho। achha।

daadiyon se:- sabhi number one hain na! kabhi bhi nambarvaar mein nahin aana number one। baap ke banke nambarvaar ho gaye to kya badi baat hai! number one। number one aao lekin nimitta aur nirmaan ban number one। (nirmalshaanta daadi ki yaad di hai)

daadi shaantaamni se:- himmat mein number one hai iseelie baapdaada himmate bachche madde baap khush hote hain।

ramesh bhaai se:- (ramesh bhaai ka aaj 75 vaan janma din hai)janma din ki mubaarak ho। achha hai। is janma din par kuchh na kuchh baapdaada ko dena hai jo bhi jo samjho achha।

double videshi badi bahinon se:- dekho draamaanusaar jo nimitta bane hue hain, sab bhaarat ke hi hain। (jayanti behen se) iska bhi bhaarat mein janma hua, direct brahma baap dvaara bhaarat mein janma hua। pahle pahle sevaasthaan par baba ne bheja। to sab dekho, kyonki aapka foundation pakka hai na, paalna bhi to li hai na। chaahe peechhe aai lekin paalna direct li hai, yeh bhaagya hai। aap (jayanti behen) aur rajni, rajni ka bhi bhaagya hai। phone par bhi murli sunti thi। (murli bhaai) part donon bajaaye lekin is taraph chala to bahut majboot hai। (gaayatri behen ne bhi yaad bheji hai)

(sabhi badi bahnon se) achha hai sangathan mein shobhta hai। aur jab aap sab aate ho to achha lagta hai na। kai phaayde hain, baap se milna, aapas mein len den karna aur service ki naveenta laana। yeh bahut achha hai kyonki apne-apne yahaan seva to karte ho lekin ek do ke anubhav sunne se umang aata hai। baapdaada khush hai।

sarla deedi :- theek hai na। himmat achhi rakhi hai mehnat ki hai phal nikal aayega। achha hai।

doctor ashok mehta tatha rath ki (daadi guljaar ki) seva karne vaali sabhi bahinon se:- achha hai rath ko taiyaar kar diya iski mubaarak ho। sabhi dil se duaayen de rahe hain aapko। achha hai। aur doctors ki bhi seva ho jaati hai। woh bhi sameep aa rahe hain। bahut achha। yeh sab seva bahut achhi karti hain mubaarak ho। achha। mubaarak ho mubaarak ho mubaarak ho।

vidaai ke samay:- har ek baap ka bachcha baap ko pyaare te pyaara hai। iseelie sirf vidhipoorvak sabhi ko to bitha nahin sakte, lekin aap sabhi stage par bhi ho, stage se bhi najdeek dil mein baithe ho। thoda sa rakhna padta hai thoda। lekin ek ek baap ko pyaara hai, ek do se pyaara hai। to baapdaada ki nazar sirf najdeek nahin jaati hai, last tak ja rahi hai। ek ek samjhe ham baba ke saamne baithe hain। baapdaada sammukh saamne baithne ki drishti de raha hai। achha।