मंगलवार 7 अप्रैल 2009 की अव्यक्त मुरली

07-04-09 om shanti avyakt baapdaada madhuban

‘‘kaaran shabd se mukta rah chalan aur chehre se mukti dene vaale muktidaata bano seva ke umang-utsaah ke saath sada behad ki vairaagya vritti mein raho’’

aaj baapdaada chaaron or ke bachche jo double maalik hain un har ek bachche ko dekh rahe hain। ek to baap ke sarva khazaanon ke maalik hain aur doosra svaraajya ke maalik hain। donon maalikpan har bachche ko baap dvaara mila hua hai। baalak bhi hain aur maalik bhi hain। mera baba kaha aur baap ne bhi mera bachcha kaha to baalak aur maalik donon anubhav hai।

aaj bahut-bahut bachche aaye hain is varsha ka last tarna hai। to aaj baapdaada ne har ek ka purooshaartha check kiya। to bataao kya dekha hoga? har ek apne se poochhe mera purooshaartha kya? baapdaada sabhi bachchon ko dekh khush bhi hue lekin ek aash baap ki hai bataayen woh kya hai! baap ki aash ko poorn karenge na! ek hi aash thi bataayen! haath uthaao jo aash poorn karenge। bahut achha। chhoti si aash hai woh hai aaj se ek shabd badli karo kaun sa shabd? jo baar-baar neeche le aata hai woh shabd hai - ‘‘kaaran’’। is kaaran shabd ko parivartan kar nivaaran shabd sada dhaaran karo kyonki aapki seva bhi abhi kaun si hai? vishwa ke aatmaon ki sabki samasya ka kaaran nivaaran kar nivaaran karte hi nirvaandhaam mein le jaana hai kyonki aap sabhi muktidaata ho। to jab auron ko bhi mukti dilaane vaale ho to svayan bhi kaaran ko nivaaran karenge tab auron ko mukti dila sakenge। nirvaan mein bhej sakenge। to yeh ek shabd ka antar karna mushkil hai ki sahaj hai? socho।

aaj baapdaada jo bhi aaye hain va apne apne sthaan par dekh rahe hain sun rahe hain un sabhi se ek shabd ka parivartan chaahte hain kyonki kaaran neeche le aata hai। kaaran mein to aadhaakalpa rahe abhi nivaaran karne ka samay hai। nivaaran aur nirvaan mukti। to himmat hai aaj baap ko dene ki। last tarna hai na sabhi umang-utsaah se aaye hain aur baapdaada ek ek ko mubaarak de rahe hain। sone ki khaana khaane ki mushkil bhi hai lekin sab sneh se sneh ke plen ne aap sabko madhuban mein pahuncha diya hai। baapdaada har ek ka sneh dekh har ek ko padamguna dil ka sneh de rahe hain। lekin sneh mein aap kya karte ho? jisse sneh hota hai na usko sneh mein saugaat bhi di jaati hai। to aaj baapdaada saugaat mein yeh kaaran shabd lena chaahte hain। yeh aash baapdaada ki poorn karni hai na! phir haath uthaao yahaan hi chhodkar jaana hai। yahaan get se niklo to kaaran shabd samaapta ho। galti se aa bhi jaae to baap ko di hui cheez amaanat hai। to amaanat mein kya kiya jaata hai? vaapas liya jaata hai? to sabhi ne dridh sankalp kiya? kiya? kiya? haath uthaao phir se। phir vaale haath hilaao। achha। bahut achha। kyonki abhi samay anusaar aapke paas queue lagegi। kislie queue lagegi? he muktidaata mukti do। to dene vaale muktidaata pahle aap is ek shabd se mukta banenge tab to mukti de sakenge।

baapdaada yahi chaahte hain ki abhi is varsha ka homework yahi rahe ki mujhe mukta ban mukti dilaana hai kyonki samasyaayen dinapratidin bahut badhni hai। to samasya samaadhaan roop mein badal jaae। mehnat aur samay samasya mitaane mein nahin lage। kya aapko apne bhakton ki aur samay ki pukaar sunaai nahin deti! to abhi samay anusaar kya parivartan karna aavashyak hai? kyonki abhi har ek ko anubhvi moorta ban koi na koi anubhav karaane ki aavashyakta hai। to baba abhi chaahta hai ki aap sabka chehra chalan aisa spashta dikhaai de ki yeh muktidaata ke bachche mukti dene vaale hain। aapke mastak se chamakte hue sitaare ka anubhav ho। sirf sunaane se nahin lekin chehre se hi anubhav ho kyonki anubhav najdeek le aata hai। to yeh anubhav chehre aur chalan se dikhaao। jaise dekho science ke saadhan anubhav karaate hain na abhi garmi ki season hai to garmi ka aur sardi ka anubhav kara rahe hain na। jab science ke saadhan anubhvi banaate hain to kya silence ki power shakti ka anubhav nahin kara sakti! to baapdaada abhi bachchon se yahi chaahte hain ki anubhav ki sthiti mein sthit rah naynon se mastak se koi na koi shakti ka anubhav karaao। suni hui baat sunne ke samay achhi lagti hai lekin phir koi samasya aati to bhool bhi jaate hain। lekin anubhav jeevan bhar tak bhoolta nahin hai।

baapdaada ne ek kaaran dekha। result bhi dekhi ek result dekh bahut-bahut mubaarak di। kaun si result? aaj tak seva ka umang-utsaah achha hai। to baapdaada mubaarak bhi dete hain seva badhaate bhi hain aur plan bhi achhe banaate hain result bhi yatha shakti milti hai lekin ek baat anubhav karaane ke liye apne mein attention dena padega। jaise seva aapki abhi prasiddha hoti jaati hai। khush bhi hote rehte hain aur aajkal interest bhi badhta jaata hai। abhi baaki anubhav karaane ki vidhi kya hai? woh hai umang-utsaah sahit jitna umang utna hi samay anusaar abhi behad ki vairaagya vritti bhi chaahiye। purooshaartha mein koi samasya roop banta hai to uska kaaran hai behad ke vairaagya vritti mein kami। ab behad ka vairaagya chaahiye। behad ka vairaagya sadaakaal chalta hai। agar samay par hota hai to samay number one ho jaata hai aur aap number tu mein ho jaate ho। samay ne aapko vairaagya dilaaya। behad ka vairaagya sadaakaal hota hai। ek taraph umang-utsaah khushi aur doosre taraph behad ka vairaagya। behad ka vairaagya sada na rahne ka kaaran? baapdaada ne dekha ki kaaran hai deh abhimaan। deh shabd sab taraph aata hai - jaise deh ke sambandh deh ke padaartha deh ke sanskaar deh shabd sabmen aata hai aur vishesh deh abhimaan kis baat mein aata hai? dehi abhimaan se deh abhimaan mein le hi aata hai woh ab tak baapdaada ne check kiya ki mool kaaran puraane sanskaar neeche le aate hain। sanskaar mitaaye hain lekin koi na koi sanskaar nature ke roop mein abhi bhi kaam kar leta hai। jaise deh abhimaan ki nature natural ho gai hai aise dehi abhimaani ki nature natural nahin hui hai। kehte hain hamne khatma kiya hai lekin ekdam beej ko bhasma nahin kiya hai। isliye samay aane par phir woh dehbhaan ke sanskaar emerge ho jaate hain। to abhi aavashyakta hai is deh bhaan ki nature ko powerful dehi abhimaani ki shakti se vansh sahit naash karne ki kyonki bachche kehte hain chaahte nahin hain lekin kabhi kabhi nikal aata hai। kyon nikalta? ansh hai to vansh hoke nikal jaata। to abhi aavashyakta hai shakti swaroop banne ka aadhaar hai apne aapko check karo ki kisi bhi swaroop mein anshamaatra bhi puraana deh bhaan ka sanskaar raha hua to nahin hai? aur woh khatma hoga behad ki vairaagya vritti se। service dekh sun baapdaada khush hai lekin ab baap ki yahi chaahna hai ki jaise service ki phalak jhalak ab logon ko dikhaai deti hai। anubhav hota hai seva ka aise behad ki vairaagya vritti ka prabhaav ho kyonki aajkal seva dvaara aapki prashansa badhegi aapki prakriti daasi hogi। aapko anubhav karenge saadhan badhenge lekin behad ki vairaagya vritti se saadhan aur saadhna ka balance rahega। jaise aap logon ko pravritti mein rahne vaalon ko drishtaanta dete ho ki sab kuchh karte karmayogi kamal pushpa ke samaan raho। aise aap sabhi ko bhi seva karte saadhan milte saadhna aur saadhan ka balance rahega। to aajkal addition seva ke saath behad ki vairaagya vritti bhi aavashyak hai। chalte phirte bhi anubhav kare ki yeh vishesh aatmaayen hain। sirf yog mein baithne ke time nahin bhaashan karne ke time nahin lekin chalte phirte bhi aapke mastak se shanti shakti khushi ki anubhooti ho kyonki samay prati samay abhi samay badalta jaayega।

to baapdaada ne samay prati samay ishaara to de diya hai lekin aaj vishesh baapdaada ek to behad ke vairaagya taraph ishaara de raha hai iske liye abhi apne ko check karke dehi abhimaani ka jo vighna hai deh abhimaan anek prakaar ke deh abhimaan ka anubhav hai iska parivartan karo। aur doosri baat bahut samay ka bhi apna socho। bahut samay ka abhyaas chaahiye। bahut samay purooshaartha bahut samay ka praalabdha। agar abhi bahutkaal ka attention kam denge to antim kaal mein bahutkaal jama nahin kar sakenge। toolate ka board lag jaayega isliye baapdaada aaj doosre varsha ke liye homework de rahe hain। yeh deh abhimaan sab samasyaaon ka kaaran banta hai aur phir bachche ramneek hain na to baap ko bhi dilaasa dilaate hain ki samay par ham theek ho jaayenge। baapdaada kehte hain ki kya samay aapka teacher hai? samay par theek ho jaayenge to aapka teacher kaun hua? aapki creation samay aapka teacher ho yeh achha lagega? isliye samay ko aapko najdeek laana hai। aap samay ko najdeek laane vaale hain। samay par rahne vaale nahin। samay ko teacher nahin banaao।

to baapdaada aaj yahi baar-baar ishaara de rahe hain ki svayan ko check karo baar-baar check karo aur parivartan karo। bahutkaal ka parivartan bahutkaal ke praalabdha ka adhikaari banaata hai। to baapdaada chaahe ab tak dheela-dhaala purooshaarthi ho lekin last number vaale bachche se bhi baap ka sneh hai। sneh hai tab to baap ka bana hai baap ko pahchaana hai mera baba to kehta hai isliye samay par nahin chhodo। samay aayega nahin samay sampoornata ka hamko laana hai। baapdaada ke vishwa parivartan ke kaarya ke aap sabhi saathi ho। akela baap kaarya nahin kar sakta bachchon ka saath hai। baap to kehte hain pahle bachche aage bachche। to abhi agar doosre varsha mein aana hi hai to yeh hom work karke rakhenge! karenge? haan haath uthaao। achha। peechhe vaale bhi haath utha rahe hain।

dekho aaj sankhya badh gai hai to baapdaada ne bachchi ko ishaara diya to chakkar lagaake dekhkar aao kahaan-kahaan soye hain kaise line mein khaate hain। lambi line। lekin sabke chehre par khushi hai। madhuban mein to hain। lekin yeh khushi madhuban mein hi chhodke nahin jaana saath le jaana। baapdaada ne vatan mein baithe aap sabke sone ka khaana khaane ki queue ka najaara dekha। baapdaada ko aisa sankalp hota ki abhi abhi rajaaeeyon ki gadelon ki barsaat pad jaae। parantu yeh bhi maujon ka mela hai। aur achhi tarah se baapdaada ne dekha jahaan bhi mila jaise bhi mila hai sab majority achhi tarah se paas hain। taali bajaao। lekin yeh homework bhoolna nahin। ismen taali nahin bajaate। baapdaada aur vishesh brahma baap hamesha bachchon ko madhuban ka shrringaar kehte hain। to aap sab madhuban mein aaye baapdaada bhi saakaar roop se itne parivaar ko dekh khush hai। sahan karna pada hai lekin yeh sahan sada ke liye sahanshakti badhaayega। sabhi khush ho na! takleeph to nahin hui। aur dekho itne parivaar mein paani phir bhi milta raha hai। sabhi ne paani use kiya na! thoda kam hai to dhyaan rakhna padega parantu aajkal gaanv mein paani peene ka bhi nahin milta yahaan to aapko kapde dhone ka bhi paani mila। aur itna parivaar dekh khushi bhi hoti hai। saare kalpa mein baapdaada ko yeh phakhur hai ki itna bada parivaar kisi ka nahin hai। achha।

jo pahli baari aaye hain pahle baari baapdaada se milne aaye hain woh utho। dekha aadha class pahle baari vaala hai। peechhe vaale haath uthaao। khade hokar dekho। jo bhi pahle baari aaye hain unhon ko baapdaada naye birth ka birth de ki mubaarak de rahe hain। log kehte hain laakh-laakh badhaai ho baap kehte hain padam padamguna badhaai ho। aur baapdaada abhi aane vaalon ko sada ek chance dete hain woh chance hai ki abhi aane vaale bhi agar teevra purooshaartha karen to baapdaada va drama unhon ko last so fast fast so first yeh bhi aage number de sakta hai। chance hai। chancellor bano। sirf attention dena pade। achha hai aap sabhi ko bhi parivaar ki vriddhi achhi lagti hai na। dekho madhuban ke sevaadhaari vaise to har zone tarna by tarna aata hai madadgaar hai lekin madhuban nivaasi madhuban ki sab bhujaayen daadi kehti thi yeh sab madhuban ki bhujaayen hain। chaahe neeche chaahe oopar chaahe bageecha chaahe hospital chaahe neeche ke aabu nivaasi chaahe oopar ke aabu nivaasi sab madhuban ki bhujaayen hain। to baapdaada ne dekha ki aaj madhuban vaalon ne tyaag kiya hai। yahaan ke bajaae apne apne sthaan par baithe hain lekin baapdaada door se nahin dekh rahe hain baapdaada dil mein samaaya hua dekh rahe hain। phir bhi athak sevaadhaari ban seva mein sahayogi to bante hain na। to aaj vishesh madhuban uski sarva bhujaayen sabhi ko baapdaada vishesh madhuban nivaasiyon ko mubaarak de rahe hain mubaarak ho mubaarak ho। abhi sabhi kehte hain ek do ko last tubbi hai last tubbi dekho 40 varsha bhi poore hone vaale hain। 40 varsha mein seva ka chance lene vaale kitne bhaagyashaali hain। seva arthaat meva। seva karna nahin hai meva khaana hai। baba ki nazar mein dil mein har ek bachcha diltakhtansheen hai। koi bhi aise nahin samjhe pata nahin baba ne hamko dekha ya nahin dekha। baapdaada ek-ek bachche ko chaahe doordesh mein bhi hai, to bhi diltakhta nivaasi dekh rahe hain। peechhe vaale bhi peechhe nahin ho baapdaada ke dil par ho। aur anek hote bhi dekho silence kitni achhi hai। kyon? sabhi sneh mein khoye hue hain। sneh ki shakti sabko aakarshan kar rahi hai baapdaada ki aur parivaar ki। itna parivaar aur shanti ki shakti mein khushi manaaye yahi is silence ki parivaar ki visheshta hai। chaahe seat kaisi bhi mile lekin aap kaun si seat par baithe ho? peechhe hai baaju mein hai saamne nahin hain lekin ek-ek sneh ke seat par baithe ho। madhuban nivaasiyon (bhujaaon sahit) ek-ek ko baapdaada padamguna sneh de raha hai। aaj daadiyon ko bhi aur nimitta saathiyon ko bhi baapdaada sada athak ban seva karne ki mubaarak de rahe hain। saath mein bachchi ko rath ko bhi baapdaada mubaarak de rahe hain। aapki bhaaki pahunch gai। dekho yeh bachpan se vardaan hai। bachchi ko trance ka vardaan bachpan se hi hai isliye bachchi mein saralta aur sahansheelta iski visheshta ke kaaran yeh nimitta part mila hai। har ek ka apna-apna achha part hai। to baapdaada daadiyon ko sambhaalne vaale munni-mohini ko bhi khaas daadi badi ko saath dene ki mubaarak de rahe hain aur abhi jo nimitta hain unhon ko bhi mubaarak। aur seva sthaanon par teachers hain un teachers ko bhi baapdaada jahaan se bhi aaye hain abhi jiska tarna hai woh to aayega। lekin jahaan se bhi teachers aaye hain unhon ko baapdaada ek vishesh seva yaad dilaata hai jo homework karna। teachers ke liye homework hai ki sada teacher apne ko baapdaada ki sachche saathi sameep ke saathi apne dvaara baap ko pratyaksha karne vaali koi bhi aapko dekhe to inhon ko banaane vaala kaun! inhon ka bhi baap shikshak satguru kaun! aapko nahin dekhe baap ko dekhe। isi svamaan mein yeh 6-7 maas jo milna hai yeh homework baapdaada poochhega। har ek ne kitne percent mein kiya? jyaada samaachaar nahin poochhega kitni percent yeh homework kiya? aap nahin dikhaai de baap dikhaai de। ismen sab dhaarna aa jaati hai। madhuban vaalon ko bhi baapdaada yaadapyaar to de hi rahe hain। lekin madhuban vaale bhi chaaron taraph ke yeh samjhen ki madhuban ka ek-ek ratna vishesh baap ko pratyaksha karne ke nimitta hai। to saara samay madhuban vaale aise mansa seva karmana seva aur sabko baap samaan banaane ka example banke dikhaayen। madhuban vaalon ko yeh result deni hai ki baap samaan banne ka naksha apne mein dikhaaya? har ek ke mukh se nikle vaah baba ke bachche vaah! aur aap sabhi kya karenge? aap sabhi apne ko nambarvaar nahin lekin number one banne ka example banke dikhaana। nambarvaar banne mein maja nahin banna hai to number one। nambarvaar banna kya badi baat! to sabhi win aur one yeh result sunaana। achha।

sabhi taraph ke baapdaada ke diltakhtansheen aur bhrakuti ke takhtansheen aur bhavishya ke bhi raajya takhtansheen aise baapdaada ke sikeeldhe padam padamguna bhaagyashaali bachchon ko sada apne naynon dvaara roohaaniyat ka anubhav karaane vaale aur chehre dvaara sada khushkismat man sada khushi mein naachta rahe koi bhi saamne aave anubhav kare ki in jaisi khushi kahaan bhi nahin hai aur sabak seekhke jaaye। aise har baap ke bachche apne dvaara baap ka mukh dvaara baap ka parichay dete ho lekin naynon aur chehre dvaara baap ka saakshaatkaar karaane vaale aise chaaron or ke bachchon ko jinhonne patra bheje hain email kiya hai sabhi ke baapdaada ke paas pahunche hain aapne kiya usi samay baap ke paas pahunch gaya saamne baithe hue vaalon se aap sabne jis samay kiya usi samay pahunch gaya। iseelie bahut-bahut mubaarak ho। desh videsh sab bachchon ko baap dil ke sneh ka respond de rahe hain। to chaaron or ke bachchon ko baapdaada padamguna dil ka dulaar dil ka pyaar de rahe hain aur sabhi ko namaste kah rahe hain। achha - aaj tarna kiska hai?

eastern zone nepaal taamilnaadu (bangaal bihaar udeesa aasaam):- (teachers ne taaj pahne hain) achha -is zone mein aur zone ke bhi add hain। to alag nepaal vaale haath uthaao। chennai vaale taamilnaadu vaale achha hai। sabhi ko milaakar eastern zone kehte hain। jahaan gyaan soorya pragat hua। to gyaan soorya ke prabhaav ki shaktishaali dharni hai। jaise foreign vaale kehte hain na bhaarat mein hi baap kyon aaya? to bhaarat mein prabhaav hai na। aise bhaarat mein bhi eastern mein gyaan soorya pragta। to dharni mein prabhaav hai isliye is zone mein aur bhi zone hain। achhi bhinna-bhinna prakaar se seva kar rahe ho। ab baapdaada koi kamaal dekhne chaahte hain। baapdaada ne pahle bhi kaha hai ki har zone vishesh apne vi.aai.pi bhi taiyaar karo। lekin sirf snehi sahayogi nahin seva mein har kaarya mein saathi sirf sahayogi nahin। saathi bhi sahayogi bhi mike bhi aisi list abhi tak koi-koi zone ne diya hai lekin mix vi.aai.pi hai। khaas aise vi.aai.pi jo vaaris quality ke najdeek ho bhale vaaris practical nahin ho surrender nahin ho lekin quality vaaris ki। to aise baapdaada ke paas group nahin aaya hai। do chaar alag naam bheje hain lekin naam aave aur vishesh committee paas kare phir us group ko baapdaada vishesh kaarya mein lagaayega। phir bhi vriddhi-vistaar achha hai। iska naam rakhte hain bangaal aur bihaar yeh bhi title dete hain। to baapdaada ke paas bihaar mein bahaar aai yeh photo aaya hai aur samaachaar achha sunaaya ki jab se bihaar mein halchal hui to jo bhi area hai usmein centre khul gaye hain। uski mubaarak ho। bangaal vaale bhi aas paas mein badh rahe hain। lekin abhi jo hom work diya hai usmein number one banenge na। baaki baapdaada seva ke kshetra mein chaaron or ke mehnat aur plan dekhte rehte aur khush hain। jaise dilli mein bhi abhi kiya। aise kuchh na kuchh naveenta laate raho। chaahe vighna aaya lekin yog ki shakti ne cover kar liya। to aise chhote-bade chhote-chhote programmes karte raho aur baapdaada ne is varsha ke liye jo plan diya ki ek hi samay ek hi topic har zone mein bhaarat mein aur videsh mein bhi ho to yeh result bhi baapdaada ke paas aai hai ki kaeeyon ko yeh umang utsaah hai aur meeting mein iska plan banaayenge। yeh bhi achha hai। jaise dilli mein media mein programme chaalu kiya to result hai na। student jagah-jagah par bane hain yeh hai result। aise har ek apne apne shahar mein ya zone mein zone mein to kar hi sakte hain। koi na koi programme ke time media dvaara chaaron or dikhaayen koi aisa prabandha karen। to kya hai agar ghar baithe sabhi ko ghar mein dekhne ko milta hai to woh bhi aapka ulhana poora ho jaata hai। isliye jab bhi koi programme karte ho thoda sa jaise aur kharcha karte ho vaise woh programme media dvaara bhi chaaron or dekhen yeh bhi prabandha karna achha hai aur ho sakta hai ki media vaale chaaron taraph aapka function dekh shubh bhaavna dekh saathi bhi ban jaayen। saathi nahin banen to sahayogi to ban jaayen। to seva karo lekin seva ke saath saath apni behad ke vairaagya ki checking bhi zaroor rakhna balance ho। achha mubaarak ho zone ko। jo sabhi ko dekho kitnon ko yagya seva ka chance diya। achha laga na। achha laga? yagya seva ka hajaar guna punya jyaada banta hai। to aap jo sachchi dil badi dil se seva karne vaale banen unhon ka hajaar guna jyaada punya ka khaata jama hua। achha hai sankhya bhi achhi hai। baaki koi naya kaam karke dikhaana। achha। sabhi ko zone mein aaye hue ek-ek bhaagyavaan aatma ko baapdaada padamguna mubaarak de rahe hain। achha।

double videshi:- (40 deshon ke 300 bhaai bahinen aaye hain) aap videshi ho? lekin sabse bada videshi kaun?baapdaada to aapse bhi bada videshi hai। kitna door se aate hain। aapke area to maap sakte hain lekin baap ki area hisaab nikaal sakte hain? aapko videsh se desh mein aane mein time kitna lagta hai? aur baapdaada ko aane mein kitna time lagta hai? to videsh mein bhi seva aur sva parivartan ki lahar chal rahi hai। baapdaada ne samaachaar suna ki jo madhuban mein nahin aaye kaaran se unhon ko bhi apne apne sthaan par training va bhatthi ka programme chalaate hain yeh bhi achhi baat hai। aur woh bhi anubhav karte hain ki man se madhuban pahunch gaye hain। aap tan aur man se pahunche ho woh man se madhuban mein pahunchte hain। achha gaayatri pahunch gai। achha hai। anubhav achha ho raha hai। uncle aur aunty ka bhi yaadapyaar pahuncha। baapdaada to hamesha kehte pahla vi.aai.pi videsh mein nimitta uncle aunty banen aur pyaar bhi yaad bhi achhi hai। baapdaada bhi aise serviceable bachchon ko vishesh kirnen dete hain। brahma baba saakaar mein bhi aise sikeeldhe bachchon ko raat ko jaag jaagkar current dete the। to ab bhi baapdaada vatan se bachchon ko snehi bachchon ko serviceable bachchon ko current dete hain sakaash dete hain aur sakaash pahunchti hai।

to double videshi double teevra purooshaarthi hain। aise hain na। double teevra purooshaarthi hain aise? haath uthaao। achha। baapdaada har ek bachche ko teevra purooshaarthi dekhne chaahte hain। purooshaarthi nahin teevra purooshaarthi। (murli bhaai bhi bahut yaad karta hai) baapdaada ko yaad pahunchti hai। woh bhi nimitta to bana na। rajni bachchi bhi gupta roop mein london ka centre khulvaane ke nimitta to bani। indirect murli bachche ka bhaagya to bana। abhi to bachcha ban gaya। woh bhi yaad karta hai। vaise chaaron or ke desh vaale ya videsh vaale jo bhi yaad karte hain aur karte hain baapdaada ke paas list lambi hai। dil se nikalta hai mera baba aur baapdaada haajir ho jaate hain। to achha hai। achha yeh (kuvet se vajeeha behen) aai hai aapka group kahaan hai? dekho saathi bhi bana diya। sikeeldhe bachche laai ho। achha। ek-ek bachcha baap ko ek do se pyaara hai। agar naam leven to kitnon ka leven। sabhi samjho hamaara naam baap ke dil par hai। achhi seva karte hain। aajkal videsh mein dikhaai deta hai MiddleEast ki baari jyaada hai। sab dharmo ko sandesh to pahunchna hai na।

abhi har zone ek purooshaartha kare kya kare? koi aisa naastik kada naastik ko aastik banaake laave। phir woh sabke aage apna anubhav sunaaye। naastik se aastik kaise bana। badi sabha mein apna sunaave। chhote-mote nahin lekin aisa ho jiska prabhaav janta par pade। jaise har varga ki seva karte ho na to aise bhi koi taiyaar karo। aise hi koi dharma vaale ko authority ko taiyaar karo jo apna anubhav sunaave ki vaastav mein jo paramatma ka parichay sahi brahmaakumaariyaan deti hain brahmaakumaar dete hain woh right kaise hai? unke mukh se yeh authority ke bol niklen। aakhir ek point rahi hui hai geeta ka bhagwan kaun? woh bhi siddha to hogi na। jab yeh siddha ho tab kahen bhagwan aa gaya। bahut achha। madhuban ka shrringaar banke aate ho aur baapdaada dekhkar khush hote hain। achha।

daadiyon se:- aap door baithe bhale door baithe ho lekin aap sabhi ko baapdaada bhaaki pahan raha hai। peechhe vaalon ko pahle bhaaki pahan rahe hain। sneh kya nahin anubhav kara sakte। achha। (da.nirmala se) achha part baja rahi ho baapdaada khush hai।

(pardaadi se) (eastern zone ki incharge hai) nimitta to bani। nimitta bani hai aapke kaaran sabhi baba baba yaad karte hain jo naye-naye aaye hain woh aapko dekhkarke aapko nahin dekhte baap ko dekhte hain। yeh vishesh vardaan hai। achha।

shaantaamni daadi se:- apna-apna part samay par achha baja rahi ho। lekin puraanon ko kis nazar se sab dekhte hain? aadikaal ke hain। aadikaal ka mahatva hai। baaki thode bache hain lekin aadiratna to hain na। achha।

brijmohan bhaai se:- dilli ka programme achha hua। ek baari system ban gai na to abhi aage ke liye bhi banti rahegi। abhi sabhi ke dhyaan mein aayega ki kya kaarya kar rahe hain।

dilli ki teachers utho। khadi ho jaao। achha।service ki achha laga na। yeh hai sabhi ka ek sankalp saath raha। abhi aage badhta rahega। jo anubhav hua woh aage bhi badhega lekin koi bhi kaarya mein saphalta chaahte hain to uska pahla foundation hai sabki ekmat। sabhi ke dil mein umang utsaah ho। to paper bhi anubhvi banaata hai। to aise hi sangathan ki shakti sab sahaj kar sakti hai। baapdaada himmat dekh khush hai। jahaan himmat hai vahaan prakriti ki saathiyon ki sab madad mil jaati hai। to mubaarak ho।

(abhi isse bhi badi sabha karenge usmein baapdaada ko bhi aana hai) baapdaada ne to abhi bhi dekha। aapne nahin dekha। (ajmer mein bhi achha programme hua) achhi himmat rakhi। himmat rakhi to saphalta hai।

chennai ka samaachaar bhi suna tha। to jo programme kar rahe hain chhota sa programme lekin result achhi hai।(chennai vaali teachers uthen) achha hai। baapdaada ne result suni। kam kharcha aur result achhi nikaali hai। kyonki us taraph shiv ki pooja dil se karte hain। to chhota sa mela (jyortilingam mela) hai lekin result achhi hai। har ek zone kuchh na kuchh kar raha hai। kabhi koi karta hai kabhi koi karta hai lekin sabhi zone ko baapdaada jinhonne nahin bhi kiya hai unko bhi pahle se karne ki mubaarak de rahe hain। achha।