सोमवार 30 नवंबर 2009 की अव्यक्त मुरली

30-11-09 om shanti avyakt baapdaada madhuban

‘‘baap va sarva ka priy banne ke liye santushtamni ban har paristhiti ke prabhaav se mukta raho’’

aaj chaaron or ke santushta aatmaon ko dekh rahe hain। santushta maniyaan chaaron or apne mani ki chamak phaila rahi hain। sabse bade se badi sthiti hai hi santushtata ki। sada santushta sabhi ko priy lagte hain। baap ko to priy hai hi, sada santushta vahi rah sakta hai jisko sarva praaptiyaan hain। praaptiyon ka aadhaar santushtata hai isliye aisi aatmaayen sarva brahman aatmaon ko priy hain। sarva praaptiyaan arthaat sada santushta। santushta aatma ka vaayumandal mein bhi prabhaav padta hai aur sarva praaptiyaan hain paramatma ki den। paramatma baap dvaara sarva shaktiyaan, sarva gun, sarva khazaane praapta ki hui aatma sada santushta rehti hai। santushta aatma ki sthiti sada pragtisheel rehti hai। paristhiti santushta aatma ke oopar prabhaav nahin daal sakti kyonki jahaan santushtata hai vahaan sarva shaktiyaan sarva gun svatah hi aate hain। ek santushtata anek gunon ko apna leti hai। to har ek apne se poochhe ki main sada santushta aatma rehti hoon! santushta aatma sada sarva ke, baap ke sameep aur samaan sthiti mein rehti hai। lekin is sthiti mein rahne ke liye bahut saakshi drishta avastha chaahiye, trikaaldarshi avastha chaahiye। har karma trikaaldarshi arthaat har baat ko teenon kaalon ko parakh phir karma karne vaale। iske liye do baaten aavashyak hain। woh do baaten hain sambandh aur sampatti। sambandh bhi avinaashi, sampatti bhi avinaashi। woh praapta hota hai avinaashi baap dvaara। jab avinaashi sampatti aur sambandh praapta ho jaata to aatma sada santushta aur baap ki, sarva aatmaon ki ati priy ho jaati hai। koi bhi paristhiti maaya ke roop mein aati hai to ghabraate nahin hain। aise mahsoos karte hain jaise behad ke parde par Mickey mouse ka khel chal raha hai। pareshaan nahin hote, Mickey house ka khel dekh manoranjan karte hain। maaya ke bhinna-bhinna roop, bhinna-bhinna Mickey mouse ke roop mein anubhav karte hain। aisi sthiti ka anubhav baap dvaara sarva ko praapta karna hi hain aur kiya bhi hai।

baapdaada dekhte hain nirbhay, ekaagra buddhi ban koi bhi paristhiti mein dagmag nahin hote। aise vijayi aatmaayen sada jo baap ki har bachche mein shubh aasha hai ki har bachcha sada vijayi ban baap ko apna vijay ka swaroop dikhaave, to har ek apne se poochhe main kaun? baapdaada ne pahle bhi sunaaya hai ki kabhi-kabhi ka shabd samay pramaan abhi brahman dictionary se samaapta kar do। jab baap se varsa sada ka lena hai to har praapti sada praapta ho kyonki baap ke dil ki aashaaon ko poorn karne vaale aashaaon ke deepak hain। unke sankalp mein bhi kabhi-kabhi shabd aa nahin sakta kyon? sada baap ke saath aur baap ke saathi hain। saath rahne vaale bhi aur saathi ban vishwa parivartan ka kaarya karne vaale।

to bolo, yeh sada ka vardaan baapdaada dvaara praapta kar liya hai na! yeh to janma lete hi baapdaada har bachche ko sada yahi vardaan dete hain, sada yogi bhav, pavitra bhav। us vardaan dvaara jo bhi praaptiyaan hoti hain woh sada ke liye hoti hain। kabhi-kabhi ke liye nahin। to sabhi bachche sada ke adhikaari hain kyonki baap ka har bachche se chaahe last bachcha hai lekin baap ko har bachche se dil ka pyaar hai kyonki jo bade-bade log hain, apne ko samajhdaar samajhte hain woh bhi baap ko pahchaan nahin sake, lekin baapdaada ke last bachche ne baap ko pahchaan liya। dil se kehte hain mera baba isliye baap ka har bachche se avinaashi pyaar hai isliye har bachche ko baap ka vardaan hai। roz baapdaada chaahe nambarvaar hain lekin ek hi samay, ek hi vardaan sabhi bachchon ko ikaththa dete hain। har roz baapdaada ka har bachcha nambarvaar bhale hai lekin mera baba kaha to vardaan ke adhikaari ban gaya। har ek bachche ko chaahe kahaan bhi rehte hain, india mein rehte hain ya foreign mein rehte hain lekin vardaan sabhi ko ek hi baapdaada ka milta hai aur vardaan ko praapta kar khush bhi hote hain lekin do prakaar ke bachche hain ek bachche vardaan ko dekh khush zaroor hote hain lekin aage number vahi lete hain jo sirf vardaan ko dekh khush nahin hote, varnan nahin karte ki yeh mera vardaan hai lekin vardaan ko phaleebhoot karte hain। vardaan se laabh lekar vardaan ka phal nikaalte hain। beej hai lekin beej ko phaleebhoot nahin karen, phal nahin nikaalen to sirf khushi hoti hai, vardaan se phal nikaalne ke liye jaise koi bhi beej hota hai, uska phal nikaalne ke liye unko paani aur dhoop chaahiye tabhi phal nikalta hai। to yahaan bhi har bachche ko jab vardaan ka phal nikaalna hai, jisse vistaar hota jaae, apne hi man mein vardaan ke phal dvaara vriddhi hoti jaae, to yahaan bhi baap kehte hain ki vardaan ka phal nikaalne ke liye baar-baar vardaan ko smriti mein laao। smriti swaroop ke sthiti mein sthit raho। baar-baar simran nahin lekin smriti, yeh hai paani dena aur swaroop mein sthit hona yeh hai dhoop lagaana। to yeh phaleebhoot hone se svayan mein bhi bahut shakti bharti hai aur doosre ko bhi us phal dvaara shakti ka anubhav kara sakte hain।

to baapdaada abhi kya chaahte hain? har bachcha, kyonki baapdaada kuchh samay se leke warning de hi rahe hain samay ki। har bachche ki padhaai ki result ka samay achaanak aana hai। iske liye sada ever ready। saath-saath baapdaada yeh bhi ishaara de rahe hain ki abhi samay hai udti kala ke teevra purooshaartha ka। chal rahe hain nahin, ud rahe hain। saadhaaran reeti se apni dincharya vyateet karna, ab woh samay common purooshaartha ka gaya isliye baapdaada ishaara de rahe hain, har second, har sankalp check karo। maano apna teevra purooshaartha na kar ek ghanta saadhaaran purooshaartha mein rahe to ek ghante mein achaanak agar final paper ka time aa gaya to ant mate so gati, woh ek ghante ka saadhaaran purooshaartha kitna nuksaan kar dega! isliye baapdaada har bachche ko, har sankalp, har second samay ke mahatva ko, samay prati samay ishaara de rahe hain। halchal ke samay achal rahne ka purooshaartha teevra purooshaarthi hi kar sakta। saadhaaran purooshaarthi ever ready banne mein samay laga dega aur baapdaada ne kaha hai ki second mein bindi arthaat fullstop, agar teevra purooshaartha nahin hoga to kya hota hai? anubhvi to hain। fullstop ke bajaae question mark to nahin ban jaayega! bindi kitna sahaj hai aur question kitna tedha baanka hai। fullstop to fullstop ho jaae। comma ki maatra bhi nahin ho, aashcharya ki maatra bhi nahin ho। kya karoon, yeh sochne ka bhi samay nahin milega। to koi bhi bachcha yeh soch nahin sakta ki itna fast purooshaartha karna hi paper mein paas hona hai।

to baapdaada dekhte hain abhi bhi kaarne akaarnen kyon, kya, kaise, aise… yeh koi-koi bachchon ke roz ke chart mein dikhaai deta hai। bahuton ke chart mein baapdaada ne dekha hai ki vesta thoughts ki lahar samay le leti hai aur vesta ki raphtaar aisi teevra hoti hai jo saadhaaran sankalp ka ek ghanta aur fast sankalp ka ek minute। isliye aaj yeh dekh rahe the ki sabki priy, baapdaada ki priy santushta aatmaayen kaun-kaun hain? santushta aatma ke sankalp mein bhi yeh kyon, kya ki bhaasha svapna mein bhi nahin aayegi kyonki us aatma ko teen vishesh baaten, teen bindiyaan, aatma, paramatma aur drama, teen hi samay par kaarya mein laga sakte hain kyonki aise samay par shaktiyon ka khazaana aavashyak hai aur master sarvashaktivaan woh hain jo jis samay jis shakti ko order kare woh haazir ho jaae। chaahiye sahanshakti aur aa jaave saamna karne ki shakti, to hai shakti lekin us samay kaam ki nahin hai। to sarva khazaanon ki chaabi hai teen bindiyaan – aap, baap aur drama।

to baapdaada ka ek sankalp hai, bataayen? karna padega। jo karne ke liye taiyaar hain, woh haath uthaao। karna padega। karna padega। haath utha rahe hain। man ka haath utha rahe hain ya shareer ka haath utha rahe hain? man ka haath pakka hota hai। baapdaada samay pramaan har ek bachche se yeh shubh aasha rakhte hain ki 15 din ke baad phir baap ka milna hota hai, to yeh jo 15 din beeten usmein yeh vishesh abhyaas karo trial ke liye, rehna to sada hai lekin 15 din ki trial karo aur apne-apne connection vaale centres ko bhi karaao, chakkar lagaake phone karke unko yaad dilaao ki homework kar rahe ho? homework kya hai? easy hai, har ek bhinna-bhinna circumstance baaton se cross to karte hi hain lekin yeh 15 din har ek ko sankalp, vaani aur karma mein kam se kam 80 pratishat ki marks leni hain। phir bhi baapdaada 20 percent chhutti dete hain। hai manjoor। manjoor hain? deven। yeh kaam deve। achha 15 din, maaya bhi sun rahi hai। baaten to aayengi, baaton ko nahin dekhna, paas hona hai, yeh yaad rakhna। 15 din koi badi baat nahin hai lekin baapdaada ke paas har ek sachchi dil, saaph dil svapna mein bhi sankalp, vaani aur karma mein paas hoke dikhaayen। ho sakta hai? ho sakta hai? teachers bataao ho sakta hai? 15 din to kuchh bhi nahin hain lekin baapdaada trial ke liye sankalp bhi vesta nahin, yuddha nahin vijayi। 15 din ke full vijayi। mushkil hai ya easy hai? easy hai, haath uthaao। easy hai? to baapdaada yeh 15 din ki result dekhenge। phir aage badhaayenge। 15 din to koi bhi kar sakta hai na! kar sakte hain na! madhuban vaale, madhuban vaale haath uthaao। yeh aage aage madhuban baitha hai। bahut achhe hain। foreigners ya india vaale sabhi ko karna hai। gaanv vaale ya bade shahar vaale sabko 15 din ka record rakhna hai। kya kyon ka, kya karen baat hi aisi hui, nahin bataana। 80 percent lena hi hai। phir bhi baapdaada halka kar raha hai, 20 percent chhod raha hai kyonki baapdaada dekhte hain ki kahaan-kahaan chalte chalte maaya albela aur aalasya, royal aalasya yeh tha, yeh tha, yeh royal aalasya, albelaapan yeh teevra purooshaartha mein kami daalta hai kyonki abhi baapdaada sabhi jo bhi student hain, har ek student ko abhi pahle yeh 15 din ki rehearsal karaake kuchh samay aise hi abhyaas karaane chaahte hain, jo sabhi se haath uthvaaye, ever ready। sab haath utha sake, samay ka bhi abhyaas chaahiye। isliye yeh thoda sa abhyaas karaate hain। achha। abhi kya karna hai?

seva ka tarna panjaab zone ka hai:- achha hai panjaab, jahaan 5 nadiyaan bahti hain, nadiyon ka prabhaav bhi naameegraami achha hai। to gyaan gangaayen bhi prasiddha hain na! panjaab bahut achha kaarya kar rahe hain, panjaab ki visheshta hai ki panjaab ki kumaariyaan bahut achhi ikatthi serviceable nikli। taali bajaao। panjaab mein pahle pahle bedhdak hoke sanyaasiyon ke sammelan mein bhaashan kiya। sanyaas bhi bahut achha kaarya hai, yeh stage par baith bola, abhi shurooaat thi aur panjaab ke connection se samay prati samay yahaan bade-bade sanyaasi math vaale aabu mein sammelan karne aaye hain aur kaaphi sankhya mein aate hain, aate to aur desh ke bhi hain lekin khaas sangathan woh haridvaar se aate hain। connection bhi hai। to panjaab ko draamaanusaar yeh sanyaasiyon mahaatmaaon ki seva ka chance achha mila hua hai aur kar bhi rahe hain। panjaab mein sthaapna ke samay par jaise seva aarambha hui vaise sahayogi aur vaaris quality vaale nimitta banen। jitna hi hangaamen vaale the utne hi sher quality bhi nikli। abhi panjaab ko kya karna hai? yeh visheshta to hai abhi panjaab vaale koi aisa sher taiyaar karen naameegraami, jo sabha mein mike ban apna anubhav sunaaye। mike bada ho, chhota nahin। jaise government ke vi.aai.pi to alag hote hain lekin mahaatmaaon mein bhi vi.aai.pi hote hain, aisa koi bada mike taiyaar karo, jo apne anubhav se auron ko umang mein laaye। aisa koi nikaalo, taiyaari karo। ho sakta hai kyonki aajkal sabhi samajhte hain ki saadhu santa ki sevaayen to dvaapar se shuru hui lekin aap samaan aise bada guru doosre ko, shishya ko banaaven, aisa example nahin hota aur baapdaada ne apne se bhi hoshiyaar bachchon ko taiyaar kiya hai, jo public mein aate hain, isliye panjaab koi naveenta karke dikhaao। vi.aai.pi to sab taraph se aate hain lekin aap aisa laao jo sabhi sunkarke jag jaaven, sandesh mil jaaye। ho sakta hai? dekhenge। thoda samay to lagta hai lekin aisa koi taiyaar karke dikhaao। baaki vriddhi to ho rahi hai। abhi dekho aadhi sabha panjaab ki khadi hui hai। seva vriddhi ko ho rahi hai, uski mubaarak ho। (kumbha mele ki taiyaari ho rahi hai) yeh chance achha hai। ho jaayega। achha। seva ka chance lene vaale aur aane ka chance lene vaale kyonki jiska tarna hota hai uski sankhya ko chance achha milta hai। yeh bhi achha saadhan bana hua hai, to sabhi panjaab vaale bhaai-bahinen maataayen kumaariyaan-kumaar, bujurga sabhi ko baapdaada aur sabha mein baithe hue sabhi ka bahut-bahut mubaarak ho, mubaarak ho।

media wing:- achha hai, media ne seva to achhi ki hai aur baapdaada ne dekha ki baap ke ishaare pramaan sabhi ne jo is baari aavaaj phailaane ki, sandesh dene ki seva ki, sab braahmanon ke mukh mein bhi yahi raha baapdaada ne kaha hai, baapdaada ne kaha hai, usko practical roop dene mein sabhi ne purooshaartha achha kiya aur media vaalon ne bhi chaaron or ke taraph ka sabhi jagah kya-kya hua, woh dikhaane mein mehnat achhi ki। pahle karne vaalon ne umang se kiya, chaahe bade chaahe chhote lekin chhoton ne bhi kam nahin kiya। baapdaada chaahte hain ki jinhonne bhi bade centre ya chhote centre ne programme kiya, sandesh dene ka, jinhonne is programme mein seva ki, nimitta banen, jisko bada programme kehte hain woh utho। jinhonne bhi kaam kiya। centre vaale bhi uth sakte, jin-jin centres ne programme kiya, woh sabhi uthen। baapdaada ko achha laga। teachers kam uthi hain। baapdaada padamguna mubaarak dete hain ki aise hi beech-beech mein thode samay ke baad sandesh dene ka umang utsaah se jagah jagah par programme banaate raho। kyonki samay ka koi bharosa nahin। kam se kam yeh to kahen hamaara baba aa gaya। hamne nahin pahchaana, lekin baap aaya mainne nahin pahchaana। aapka pharja hai sabhi ko aavaaj dvaara soochna dena। to aap sabhi ne jo tan se, man se, dhan se seva ki, uske liye aapka padam padamguna return jama ho gaya। aur seva ka phal bhi mila। centres par aa rahe hain। aur aage ke liye yeh karne ka bal bhi mila। phal bhi mila, bal bhi mila। to achha hai। sabhi ne apne roochi se kiya। baapdaada sabhi ka umang utsaah dekh, baap se pyaar dekh mubaarak de rahe hain। aise hi koi na koi programme banaate raho। chhote-chhote centres mein sab prabandha aa gaya na। nahin to sochte hain programme karna maana pahle prabandha karna padega। lekin yeh achaanak sabhi jagah tan man dhan ka khushi khushi se prabandha ho gaya। kisne bhi kaise karen, yeh nahin kaha, karna hai। aise hi aapas mein ek do ke saathi ban ek do ko umang utsaah ka saath de aage badhte chalo। theek hai na। achha hai, mubaarak ho, mubaarak ho। jo nahin aaye hain unhon ko bhi mil jaayegi mubaarak। achha।

media vaale utho - achha hai, abhi attention diya hai, media dvaara service achhi ho rahi hai। regular student bhi bane hain। inhon ko bhi badhaai ho (ravi bhaai, sivaani behen aur kanupriya behen se) achha hai, jitna jo seva karte hain uska phal hai sada khushi rehti hai। seva ka phal khushi, nirvighna। kabhi-kabhi nahin, sada। to achha kar rahe hain aur sab raay karke kaise isko bhi badhaana hai, desh mein chaahe videsh mein, sab ek do mein raay karke sabki raay se jo kaarya hota hai, usmein saphalta sahaj hoti hai। to raay karte raay bahaadur ban ek do ki sunna aur karna। ho jaayega abhi time hi kya hai isliye media vaale, itne log hai na media vaale to apne-apne area mein sandesh dene ka programme bhi banaao। yeh to madhuban ya nimitta bane hue ne kiya lekin har ek ko apne-apne area mein, jo media vaale hain unhon ko kisi roop se sandesh apni area mein phailaana chaahiye। achha kar rahe hain, mubaarak ho।

transport wing:- donon hi department ka kaarya aajkal zaroori hai kyonki din pratidin accident bahut ho rahe hain। to donon department accident kam hon, akaale mrityu na ho, chillaate chillaate duhkhi hoke na jaayen, iske purooshaartha ke liye plan banaate rehte hain, abhi bhi banaaya hai, baapdaada ne jab sthaapna ki, bachche jab padhne ke liye aaye shuru mein to shuru mein hi baapdaada kehte the ki yeh mrityulok hai, to bachche the na, woh kehte the mrityulok kaise hai। kyonki mrityu to dekha nahin bachche the। lekin abhi har ek dekh raha hai ki yeh samay mrityu ka jyaada hai, koi aisa din nahin hoga jismen ek do akaale mrityu na hota ho। to achha hai donon ko jor-shor se apna kaarya badhaana chaahiye। sab aapko mubaarak denge kyonki log bhi chaahte hain ki yeh akaale mrityu nahin ho। to bahut achha, aapas mein meeting karte hain, baapdaada ne dekha hai jab se yeh vargo ki seva shuru hui hai to kai centre ke bachchon ko chance mila hai seva karne ka lekin ek baat baapdaada ki abhi tak poori nahin ki hai, yaad hai? baapdaada ne kaha tha har ek varga ka koi aisa naameegraami speaker nikaalo, mike nikaalo, aur ek stage par teen chaar varga ke vishesh vyakti apna anubhav sunaayen। aapas mein ek group banaaven jismen har varga ka ek vishesh ho, jaise brahman parivaar ko nimantran dekar bulaate hain speech ke liye, vaise un party ko jahaan tahaan nimantran deke bhaashan ka chance do। to dekhe ki har varga vaale kaise kamal pushpa ke samaan rah aage badh sakte hain। achha hai।

samaaj seva wing:- samaaj seva, samaaj mein yeh aavaaj phail jaaye to yeh kya seva kar rahe hain? samaaj seva to vaastav mein sab varga vaalon ki kar sakte hain। aur aapas mein baapdaada ne dekha hai ki har varga umang utsaah se sangathan mein aate hain aur seva bhi kar rahe hain। ek do ko madad bhi de rahe hain। ab samaaj mein aavaaj phaile। agar samaaj ko theek karna hai to brahmaakumaariyon ke paas jaake dekho। kaise samaaj ki seva ho sakti hai। har ek achha karta hai, chance bhi lete hain to badho aur badhaao। samaaj mein thoda aavaaj phailaao ki yeh kya kar rahe hain। achha।

double videshi:- double videshiyon ne yeh achha chance liya hai, har ek group mein double videshi aate hi hain। chatur hain। apna chance alag bhi lete hain aur phir har group mein bhi aate hain। naam double pada hua hai na to double phaayda lete hain। aur bhaaratvaasi bhi aap sabko chance lete hue dekh khush hote hain। aur yeh bada programme bhi foreign mein bhi achha kiya hai chaahe ek naam ka pharka kiya lekin seva achhi hui। baapdaada ne foreign mein bhi seva ki result suni bhi hai aur dekhi bhi hai। abhi baapdaada yahi chaahte hain ki desh va videsh ka har bachcha ever ready sada rahe। jaise achhe student jo hote hain padhaai mein woh sada yahi intajaar karte hain ki jaldi-jaldi imtahaan ho, aise hi har bachcha aisa ever ready ho ki kal bhi kuchh ho jaae to ever ready। sab subject mein, chaar hi subject mein ever ready। samay aaya aur paas with honour bana। yahi baapdaada ki sabhi bachchon ke prati shubh aasha hai aur double videshi ko to baapdaada double purooshaarthi ka title deta hi hai। to bahut achha double chance lene vaale ho। achha।

world religious conference Australia mein ho rahi hai jismen daadi jaanki ji ja rahi hain:- achha hai unhon ko bhi samay ki pahchaan aur baap ki pahchaan samay aur baap donon ki pahchaan, kam se kam yeh ulhana na den ki hamaara baba aaya, hamko pata nahin pada। to sandesh dene mein to aap hoshiyaar ho hi। haan karaane vaala to baap hai lekin karne vaala bhi yogya hoga tab baap bhi karaayega। to achha hai। aap pahunch rahi ho to bahut achha। baapdaada to saath hai hi। saath bhi hai, saathi bhi hai। achha।

pahle baari kitne aaye hain, woh utho:- achha hai aapko baapdaada ke saamne aane ke din ka bahut-bahut mubaarak ho, mubaarak ho। baap ki najar bachchon par padi aur bachchon ki najar baap ke oopar padi। to bahut-bahut badhaaeeyaan hain। achha। aur cake to nahin hai lekin khushi ka cake kha lo। achha hai, abhi deri se aaye ho lekin fast jaake number aage le sakte ho। isliye baapdaada ki taraph se aur sarva aapke saathi bhaai aur bahinon ka, sabka mubaarak ho, mubaarak ho। aisa misaal hoga jo last aane vaala bhi fast jaake first line mein aa sakta hai। achha।

chaaron or ke baapdaada ki aashaaon ko poorn karne vaale aashaaon ke deepak, kyon, kya ki bhaasha se nyaare rahne vaale sada ekras, sada ek baba doosra na koi, baap mein hi vishesh jeevan ke teen sambandh, baap, shikshak, satguru anubhav karne vaale, baap se varsa, teacher se padhaai ka varsa aur satguru se vardaanon ka varsa praapta karne vaale padamguna bhaagyavaan har bachche ko baapdaada ka yaadapyaar aur namaste।

daadiyon se:- sabhi ko madad bhi sabhi ne achhi ki hai। kisi ko soch nahin karna pade kaise karen, karna hi hai। ek do ki madad se sabhi programme achhe hue। aavaaj to phail gaya। sandesh to mila abhi aage badho। kyonki topic hi thi na vardaan lena hai। to yog ke programme se anubhav kiya।

santosh behen (saayan) ne yaad diya hai:- usko yaad dena। bahut-bahut yaadapyaar sveekaar ho।

daadi nirmalshaanta se:- himmat karne se baap ki madad to hai hi। achha hai, karmabhog ko bhi karmayog se badal diya। bahut achha।

ramesh bhaai oosha behen, aneela behen- abhi teenon ki tabiyat theek hai। yahaan sabki shakti milti hai। vaayumandal ki madad milti hai। achha hai, yahaan achhe hain to achha hai। jab tak rah sako,raho। (ramesh bhaai) aap apna kaam karo, yeh apna kare। (oosha behen se) aap yahaan baithe centres par phone ghuma karke khush khairaaphat deti raho। inka kaam apna hai, aapka apna hai। (inke 50 saal manaaye) 50 varsha nirvighna nibhaaya, aage aage badhte rahe, peechhe nahin rahe, uski mubaarak achhi hai। ek do ke madadgaar bhi banen aur seva ke bhi madadgaar hain। yeh bhi khush ho rahi hai। baapdaada ko shaanta maata bhi bahut yaad rehti hai। foundation rahi। gupta ratna thi।

brijmohan bhaai se:- programme banaate rehna, yeh poora hua bas khatma nahin। topic alag prakaar ki thoda change karke rakhen।(vi.aai.pi baapdaada se mil rahe hain):- jo himmat rakhte hain usko madad 100 guna milti hai। to milti rahegi। bhale woh bhi duty bajaao, tab tak hain jab tak duty bajaao lekin double kaam, single nahin।

2- shakti bharke connection poora rakho। jinka connection rakhengi utna relation pakka hota jaayega। agar time nahin bhi mile na to daily phone par bhi present mark daalo to pakki student number one ho jaayengi।

jo aatma gai, woh bhi connection mein gai। beton ko koi na koi kaaran se sambandh mein laao। regular nahin to function mein laao, unki seva karo, woh bhi theek rahega। is samparka mein saath bhi milega aur bhavishya bhi banega। connection nahin todna। pakka। to baapdaada abhi bhi shakti de raha hai, aage bhi badhaayega। koi phikar nahin karo, bephikar hokar seva karo। baapdaada saath hai।

vishesh 15 din ke liye homework

check karna :-

1) har circumstance va baaton ke beech - sankalp, vaani aur karma mein vyartha se mukta rahe?

2) svapna mein bhi kyon, kya se mukta vijayi rahe?

3) halchal mein bhi achal rahe? fullstop lagaaya ya question mark?