रविवार 24 अक्टूबर 2010 की अव्यक्त मुरली

24-10-10 om shanti avyakt baapdaada madhuban

‘‘samay ki raphtaar pramaan abhi vishesh svabhaav-sanskaar parivartan karne mein teevrata laao mansa dvaara aatmaon ko bhinna-bhinna kirnen do’’

aaj chaaron or ke parmaatma takhtansheen bhrakuti takhtansheen aur vishwa ke takhtansheen bachchon ko dekh harshit ho rahe hain। yeh parmaatma diltakhta sirf aap braahmanon ke liye hi hai। bhrakuti ka takhta to sabke paas hai lekin parmaatma takhta sirf brahman aatmaon ke hi bhaagya mein hai। yeh parmaatma takhta vishwa ka takhta dilaata hai। to teenon takhta ke adhikaari aatmaayen aap brahman hi ho। yeh parmaatma takhta kitna shreshtha hai aur koi yug mein parmaatma takhta praapta nahin hota। yeh parmaatma takhta gaaya bhi jaata hai parmaatma takhta ke adhikaari bhakti maarga mein bhi maala ke mankon ke roop mein gaaye aur pooje jaate hain। koton mein koi ke roop mein gaaye jaate hain। badi bhaavna se ek-ek manke ko kitni oonchi drishti se dekhte rehte hain। to aap sabko phakhur hai na! hai phakhur?ki hamaare sivaae koi bhi is takhta ka anubhav nahin kar sakte hain। lekin aap sabka braahmanon ka janma siddha adhikaar hai। aapke liye yeh takhta gale ka haar hai। to itna nasha bhagwan ke diltakhta ke adhikaari yeh nasha aur khushi sabko sada smriti mein rehti hai? ham kaun hain! iska nishchay aur nasha rehta hai?

baapdaada to aise teen takhta ke adhikaari bachchon ko dekh khush hote hain vaah mere shreshtha adhikaari bachche vaah! bachche kehte vaah baba vaah! aur baap kehte vaah bachche vaah! svayan baap bhi aise bachchon ki mahima gaate hain। to nasha hai ham kaun hain?jitna nishchay hoga utna hi nasha hoga। aur nishchay ka nasha aapke chehre aur chalan se dikhaai de raha hai। jisko nishchay hai usko nasha zaroor hota hai। baapdaada bhi abhi har bachche dvaara chehre aur chalan se aatmaon ko anubhav karaane chaahte vaani dvaara to anubhav karne lage hain abhi anubhav karne ka kaarya shuru ho gaya hai। pahle sunte the sochte the abhi aap brahman aatmaon ki sthiti ka prabhaav anubhav karne lage hain। to apne aapko check karo ki main saare din mein kitna samay parmaatma diltakhta par rehta hoon? kyonki yeh diltakhta vishwa ka raajya praapta karaane ka aadhaar hai। kyonki is diltakhta ke aadhaar se jitna samay aap diltakhta ke adhikaari rehte ho utna jyaada samay bhavishya mein raajya gharaane mein adhikaari bante ho। to check karna jabse main brahman bana kitna samay diltakhtansheen bana iske aadhaar se takhta par to nambarvaar baithenge lekin sada raajya family mein gharaane mein adhikaari banenge। check kiya hai kabhi?diltakhta se utar to nahin jaate ho? apna hisaab nikaalna kyonki iske aadhaar se aap sada raajya gharaane mein aayenge। check karna ki takhta ko chhod kabhi mitti mein paanv to nahin rakhte! 63janma ka sanskaar dehbhaan roopi mitti mein paanv rakha। ek hai dehbhaan aur doosra hai deh-abhimaan। deh-abhimaan ki mitti gahri hai lekin dehbhaan yeh bhi mitti hai। log bhi kehte hain jab manushya chala jaata hai aur jalaate hain to yahi kehte hain mitti mitti mein mil gai। to check karo mitti mein paanv to nahin jaata! dehbhaan mein aana arthaat mitti mein paanv rakhna।

baapdaada ne aap shreshtha aatmaon ke liye teen takhta diye hain kyonki laadle ho na। sikeeldhe bhi ho laadle bhi ho। to jo laadla bachcha hota hai usko jhoole mein ya godi mein rakhte hain। mitti mein paanv rakhne nahin dete। to baapdaada ne jo teen takhta ke adhikaari hain unhon ke liye kitne bhinna-bhinna jhoole diye hain। kabhi shanti ke jhoole mein jhoolo kabhi sukh ke jhoole mein jhoolo kabhi prem ke jhoole mein jhoolo। takhta aur jhoole isi mein hi paanv rakhna hai। kai bachche poochhte hain ham bhavishya mein kahaan aayenge? kya banenge? to baap kehte hain jitna samay se aaye ho utne samay mein check karo ki mera paanv jitna samay hua hai utna hi samay jhoolon mein ya takhta par raha hai? utna hi bhavishya mein royal gharaane mein rahenge। royal praja mein bhi nahin aayenge royal gharaane mein hi aayenge। to yeh hisaab har ek apne aap apna nikaalo। doosre ko nahin dekhna apna hisaab nikaalna। har ek chaahta kya hai? royal gharaane raajya gharaane mein hi rahen। to ab bhi jitna samay milta hai kyonki samaapti to achaanak honi hai। to jab tak samaapti ho tab tak ab bhi check karenge to jitna samay jyaada baap ki godi mein takhta par jhoole mein rahenge utna samay royal family mein royal gharaane mein bhaagya praapta karenge।

baapdaada to har bachche ko saara samay 21 janma hi royal gharaane mein chaahe sooryavanshi chaahe chandravanshi donon yug mein royal family mein rahne ka adhikaar de raha hai। lekin adhikaar lena yeh har bachche ke oopar adhikaar hai। brahma baap se pyaar hai to brahma baap ka bhi aap bachchon se pyaar hai। brahma baap aap bachchon ko saath-saath royal gharaane mein dekhne chaahta hai। aap kya samajhte ho - brahma baap ke aaspaas royal gharaanon mein rahne vaale ho ya thoda samay rahenge?phir door to nahin jaane chaahte na! sunaaya aadhaar hai sangamayug ka। baapdaada ka bachchon se itna pyaar hai jo jaise abhi kehte ho saath rahenge saath chalenge abhi brahma baap aur brahman saath hain chaahe avyakt roop mein hain lekin saath hain।

abhi baapdaada ne dekha ki bachchon ko maaya bhi ab tak chhodti nahin hai unka bhi pyaar hai। aur aajkal do roopon mein vishesh maaya bhi chance leti hai। do roop mein aati hai - ek vyartha sankalp aur doosra kahin-kahin kabhi-kabhi bhi yeh bhi lahar hai jo mainne kiya va socha main hi right hoon main kam nahin hoon। yeh lahar phaili hui hai - main hi right hoon lekin jo connection mein aate hain ya nimitta bane hue hain woh bhi aapke vichaar ko saath dete hain! doosron ki bhi verification milni chaahiye। yeh vyartha sankalp time vesta karte hain। isliye baapdaada roj ki murli manan karne ke liye seva karne ke liye homework mein roj dete hain। agar manan karo ya manan karte-karte magan ho jaao to yeh roj ka homework man ko busy karne ka saadhan hai। sunna aur manan karna ya magan ho jaana yeh baapdaada roj ka homework iseelie deta hai। jaise bachchon ko homework itna jyaada de dete hain jo unki buddhi karne mein busy rahe। aise roj ki murli usmein chaar hi subject ka homework hai। mansa ka bhi hai vaani ka bhi hai karma ka bhi attention aur divyata ka ishaara homework hai। to homework mein busy rahenge to vyartha sankalp ke aane ki margin nahin rahegi। is vidhi ko apnaate rahenge to vyartha sankalp svatah hi aapse vidaai le jaayenge kyonki baapdaada ne dekha yaad ki yaatra par sabhi ka nambarvaar attention hai vaacha seva mein bhi attention hai। lekin abhi apne sanskaar ya doosron ke sanskaar ko parivartan karna yeh svabhaav sanskaar jisko royal roop mein aap kehte ho nature meri nature hai bhaav nahin hai nature hai yeh dhaarna ki subject abhi bhi royal roop mein aati rehti hai। to baapdaada aajkal yahi ishaara dete hain ki jo bhi dhaarnaaon mein kami hoti hai usko abhi vishesh attention do।

baapdaada ne pahle bhi kaha hai ki abhi dhaarna mein yeh mukhya dhaarna ka attention do koi bhi baat ho gai to check karo second mein fullstop de sakte ho! ki chaahte fullstop hain lekin ho jaata hai question mark?fullstop nahin aadha fullstop lagta hai aur maatra ban jaata hai। aage chalkar aise circumstance aayenge jo aapko second mein fullstop lagaana padega। us samay question mark aashcharya mark ko theek karne lago itna samay nahin milega। second mein fullstop ki aavashyakta hogi iska abhyaas kaaphi samay pahle ka chaahiye tab samay par vijayi ban sakenge। to halchal ke samay jab sanskaar svabhaav ka paper ho uske liye abhi se aise samay mein abhyaas karo to bahut samay ka abhyaas aage chal aapka bahut sahayogi banega।

to baapdaada amritvele chakkar lagaate hain to har ek ke purooshaartha ko check karte hain। kya chaar hi subject mein purooshaartha teevra hai va saadhaaran hai?to kya dekha? samay ki raphtaar pramaan abhi purooshaartha mein sada teevra purooshaartha ki aavashyakta hai। to baapdaada ishaara de raha hai samay teevragti se sameepta ke najdeek aa raha hai। us hisaab se abhi vishesh svabhaav aur sanskaar ke parivartan mein teevragti chaahiye।

abhi baapdaada sabhi bachchon ko samaan banaane chaahte hain। aapka lakshya bhi hai baap samaan banna hi hai। iske liye sabse sahaj saadhan hai brahma baap ko follow karo। tally karo jo bhi karma karo pahle tally karo milaan karo। brahma baap ka yeh karma ya bol ya sankalp hai? kaha bhi jaata hai pahle socho phir karo। bolne ke pahle tolo phir bolo। to suna baapdaada abhi kya chaahte hain? aap bhi chaahte to ho jab roohrihaan karte ho na to baapdaada bahut meethi-meethi baaten sunte hain। umang ki baaten bhi bahut achhi karte ho yeh karke dikhaayenge yeh karna hi hai yeh hona hi hai! sankalp bahut umang ke hote hain lekin karma tak aane mein kuchh badal jaate hain kuchh hote hain। baaki baapdaada bhinna-bhinna prakaar ki seva ke plan jo banaate ho woh sab pasanda karte hain। programmes bhi jahaan tahaan achhe chal rahe hain lekin abhi jitna vaacha dvaara ya bhinna-bhinna vidhiyon dvaara kar rahe ho saphalta bhi hai baapdaada khush bhi hai sirf abhi mansa dvaara anek aatmaon ko sukh ki kiran shanti ki kiran khushi ki kiran prem ki kiran pahunchaana yeh seva bhi saath-saath karo। apne hi sanskaar parivartan ya doosron ke sanskaar ko sahayog dena ismen time kaeeyon ka jyaada jaata hai। to mansa seva dvaara bhinna-bhinna kirnen aatmaon ko dena iska attention aage chalke bahut aavashyakta padegi uske oopar bhi dhyaan dete raho। jo bachche samajhte hain ki yeh seva main karta rehta hoon woh haath uthaao। achha। kar rahe hain unhon ko mubaarak hai aur jo nahin kar rahe hain unko karna chaahiye kyonki aage chalke circumstance aise banenge jo sunne aur sunaane vaale donon ka mel mushkil ho jaayega isliye donon seva abhi se jitna ho sake utni aadat daalo। man busy bhi rahega to manamnaabhav hona sahaj ho jaayega। man busy hone se sanskaar svabhaav ko sahaj parivartan karne mein madad milegi।

aaj khaas double foreigners ke milan ka din hai baapdaada ko khushi hai vaah double foreigners vaah! baapdaada ko khushi hai ki vishwa ke kone- kone mein jo baap ke kalpa pahle vaale bachche chhipe hue hain to vishwa ki seva mein double foreigners nimitta bane hain aur baapdaada ne suna ki har ek apni-apni area mein gaanv-gaanv ya shahron mein jo rahe hue hain usmein pahunchne ka plan banaate rehte hain। iski mubaarak ho mubaarak ho। nahin to jab samaapti honi hogi haalten badlengi to aap sabko chaahe bhaarat chaahe videsh bahut-bahut-bahut ulhanen milenge ki hamaara baap aaya aur aapne humein bataaya bhi nahin। sandesh to dete bahut ulhanen milenge। isliye abhi kar rahe hain aur jyaada koi kona rah nahin jaaye iska prayatna karna। baaki baapdaada double foreigners ya desh vaale donon bachche jo chaaron or apna purooshaartha kar rahe hain unhon ko dekh khush hai bahut bahut khush hai। kyon? kyon khush hai? abhi desh mein videsh mein yeh plan bana rahe hain baapdaada ko pasanda hai kisi bhi saadhan se sandesh pahunchna chaahiye। yeh science vaastav mein aap logon ke liye bahut samay par madadgaar hai। saadhan dinapratidin naye naye nikalte rehte hain usko kaarya mein nirvighna ban lagaate jaao। baapdaada jahaan bhi meeting karte ho service badhaane ki woh sunte hain aur khush hote hain ki bachchon ki buddhi abhi all-round ja rahi hai saadhnon ko seva mein lagaane ke liye। iseelie jo bhi aap plan banaate ho woh baapdaada sunte hain chakkar lagaate hain na! aap kahaan bhi meeting karo chaahe dilli mein karo desh mein kisi bhi shahar mein karo chaahe videsh mein kahaan bhi karo baapdaada sab sunte rehte hain। baapdaada ke paas bhi saadhan hai। iske liye baapdaada foreign ke ek-ek desh se jo bhi aaye hain har ek ko kya dete hain? bahut-bahut pyaar de rahe hain। sirf abhi thodi teevrata laao। plan ko practical mein nai nai baaten laate raho। yeh sab dekho aapka yeh yagya aarambha hone ke thode varsha pahle yeh sab invention shuru hui hain। science bhi aapki seva ki madadgaar hai। khoob laabh uthaao aapke liye hi nikli hai। dinapratidin dekho kitni nai-nai baaten abhi abhi nikal rahi hain। yeh drama aapko sahayog de raha hai। saadhan aapko sahayog de raha hai।

achha। sabhi sada khush to ho na! sada khush hain? jo sada khush rehta hai woh haath uthaao sada khush। koi baat ho jaae to bhi khush?baaten aati hain na to bhi khush rehte ho?rehte ho? bada haath uthaao। welcome karte ho na! ghabraate nahin ho welcome karte ho। anubhvi banaate hain। yeh vighna anubhav ki authority ko badhaate hain। maaya aa gai maaya aa gai yeh nahin kaho yeh paper hai maaya-maaya kehte maaya ko aage badhaate ho। paper hai। maaya ko to aap jaan gaye ho kitne varshon se jaan gaye ho। maaya kya hai? isliye maaya se ghabraao nahin paper samajhke khushi-khushi se paper do aur anubhav ki class mein aage badho। yeh class badhaana hai moonjhana nahin hai kya karoon kaise karoon kya kyon yeh braahmanon ka sochne ka kaam nahin hai। trikaaldarshi ho kya kyon kaise yeh uth hi nahin sakta। paper aaya anubhav ki class mein aage badhe। khush ho। abhi to anubhvi ban gaye ho aur bante rahenge। achha।

foreign ki teachers haath uthaao। sabhi ko jo bhi nimitta bane hain sabhi ko baapdaada teachers maana baap samaan kyonki baap jaise roj murli chalaate hain aise aap bhi murli chalaane ke takhtansheen ho। to baap ke saathi ho। to saathi ke swaroop mein baapdaada aap sabhi teachers ko chaahe india ki ho chaahe foreign ki ho lekin sabhi teachers ko khaas kya de rahe hain? shaabaas bachche shaabaas! achha। abhi jo bhi aaj yahaan haal mein baithe hain kahaan ke bhi ho lekin dubaara jab madhuban mein aayenge baap se milenge to baapdaada kya dekhne chaahta hai?kahen? koi na koi jo kuchh purooshaartha mein khud samjho ki yeh nahin hona chaahiye samajhte to sabhi hain ki yeh nahin hona chaahiye woh parivartan karke aayenge! karenge?yeh apne aapko dekhna kyonki doosra koi dekh nahin sakta। to yeh karne ke liye kaun taiyaar hain? do-do haath uthaao। bindi laga diya na। phir baapdaada unhon ko chaahe chhoti chaahe moti gift denge। parivartan ceremony manaayenge। pasanda hai na! pasanda hai? apne-apne classes vaalon ko bhi kehna jitne bhi parivartan karen utna achha hai। samay ko sameep laayenge। achha।

80 deshon se 2200 double videshi aaye hain:-to baapdaada har ek bachche ko dil ke pyaar ki gift de rahe hain। jo first time aaye hain woh utho। aap sabko apne aadhyaatmik janma din ki mubaarak ho mubaarak ho kyonki aap har ek parivaar ki shobha ho shrringaar ho। iseelie baapdaada yahi chaahte ki bhale let aaye ho lekin toolate ke pahle aaye ho iski vishesh parivaar ko aapke aane ki khushi hai। aa gaye hamaare bichhude hue parivaar ke saathi aa gaye। abhi samay anusaar aapko teevra purooshaartha karna padega। slow purooshaartha dheela purooshaartha nahin karna teevra purooshaartha karenge to last so fast aur fast so first aa sakte hain। karenge na! karenge?achha hai। bahut bahut parivaar ki taraph se baapdaada ki taraph se bahut-bahut-bahut yaadapyaar lete rehna aur badhte rehna। achha।

media se connected:-achha hai media ek saadhan hai saadhnon ko seva mein lagaana yeh aapka kaam hai। baaki baapdaada ne suna achhi meetings ki hain aur baapdaada bhi chaahta hai ki media dvaara kone-kone mein sandesh pahunche। ulhana nahin mile। achha kiya achha karte rahenge aur chaaron or aatmaon ko apne pita ka paigaam milta rahega। baapdaada ne dekha jo bhi programme chala rahe ho yeh bhi chala rahe hain na programme। (nijaar bhaai se) yeh bhi achha hai aur jo aajkal jagah-jagah par bhavishya ka sandesh dene ke programme bana rahe ho woh bhi achhe chal rahe hain result kuchh na kuchh nikal rahi hai। mubaarak ho। achha।

jo bhi patra phone jinhon ke bhi yaad pyaar ya sandesh baapdaada ke prati aaye hain un sabhi bachchon ko baapdaada apne naynon mein samaate hue yaadapyaar ya service samaachaar ya man ka purooshaartha ka samaachaar diya hai un sabko baapdaada mansa dvaara emerge kar sukh ki shanti ki khushi ki kirnen de rahe hain। chaahe koi ne yahaan nahin bheja hai lekin dil mein bhi sankalp kiya woh sankalp bhi baap ke paas pahunch gaya hai। chaaron or ke himmate bachche madde baap meethe-meethe bachchon ko baapdaada yaadapyaar de rahe hain। aur is varsha apne prati ya sevaakendra prati ya vishwa ki aatmaon prati koi na koi aisa plan banaana jo seva ka bal aur phal sarva aatmaon ko praapta ho jaae। chaaron or ke bachchon ko baapdaada ka vishesh dil ka yaad aur pyaar sveekaar ho। om shanti।

munni behen se:-achha hai yeh janma din seva ke liye manaaya। to seva ke liye manaaya hai seva ka return sabhi taraph se aapko seva ka bal aur seva ka phal milta rahega। abhi finish karo। bas ho gaya। achha manaaya।

daadi jaanki se:-baap nacha rahe hain aap naach rahi ho। time par to uthaata hai na।

mohini behen se:- har ek achhe se achha hai। (baba shareer ka hisaab kab tak?)jaldi jaldi chuktu ho raha hai chuktu ho jaayega। thoda time lagta hai pichhla hisaab hai na। abhi ka to hai nahin pichhla hai। pichhle ko peechhe karte jaayenge।

daadiyon se:- sabhi mahaarthi hain। achhe hain aur achhe rahenge। rookamni daadi se:- (daadi hai) haan shuru ki hai nimitta hai।

pardaadi se:- achha hai sabke aage ek hisaab kitaab hansi khushi se chuktu karne ka sample ho। beemaar nahin ho sample ho। sab aapko dekhkar himmat mein aa jaate hain aap sample ho।

ramesh bhaai se:- apni tabiyat ki abhi sambhaal karna। aise nahin chalaao thoda dhyaan deke time nikaalke bhi tabiyat ko thoda theek kar do। jo bhaagdaud ki hai na thoda aaraam se tabiyat ko theek kar do। kaam mein aage chalna hai। aage jimmevaari uthaani hai yagya ko chalaana hai। to shareer ko theek karo vishesh dhyaan rakho। shareer to puraane hain। (nirvair bhaai) yeh bhi dhyaan to rakhta hai। rakhna chaahiye lekin seva mein koi kami nahin rakhni chaahiye। programme aise banaane chaahiye। theek hai। (brijmohan bhaai) teenon nimitta ho। teenon hi nimitta hain। apne ko jimmevaar samajhte ho na। (ramesh bhaai) paper ko face kiya iski mubaarak ho। bahut achha paar kiya।

double videshi bhaai bahinon ne baapdaada ko guldasta aur maala bhent ki):-yahaan ke the yahaan pahunch gaye। bahut achha। achha part baja rahe ho। sabhi apna-apna part baja rahe hain। achha। videsh ki badi mukhya bahinon se:- yeh bhi group achha hai। nimitta banke ek do ko sahayog dete aage badh rahe hain। bhaarat ke pakke hain na anubhvi hain iseelie nimitta bane। nirvighna chal raha hai na। koi mushkil to nahin? set ho gaye hain। kaayde kaanoon mein bhi set ho gaye hain। (chakradhaari behen se) iska chal raha hai। bahut achha। chaahe bhaarat ke hain lekin jahaan bhi gaye ho vahaan mix ho gaye ho। bhaarat aur videsh ka pharka nahin hai yeh achha hai aur bhaarat ke anubhvi hone ke kaaran handling bhi achhi milti hai। baapdaada khush hai। (bhaarat mein bhi seva ke chance milte hain) chance milte hain ek hi baat hai kahaan bhi seva karo। baapdaada khush hai aage badh rahe hain gaanv-gaanv mein jo badh rahe ho bahut achha hai। jahaan centre nahin hai vahaan centre ya kisi bhi reeti se sandesh pahunchaao।