बुधवार 16 मार्च 2011 की अव्यक्त मुरली

16-03-11 om shanti avyakt baapdaada madhuban

“mansa dvaara prakriti ko satoguni banaane ki seva karo shubh bhaavna shubhkaamna rakh sanskaar milan ki raas karo aur apne puraane sanskaaron ko jalaakar prabhu ke sang ka rang lagaate sachchi holi manaao”

aaj holiest baap apne bachchon se holi manaane aaye hain। aap sabhi bhi holi manaane aaye hain। chaaron or ke door baithe hue bachche bhi door baithe bhi holi manaane baithe hain। aap sabhi kaun se rang ki holi manaane aaye hain! jaante hain sabse shreshtha rang hai parmaatma sang ka rang। yeh rang sada shreshtha te shreshtha banaane vaala hai। jaise baap oonche te ooncha hai aise yeh parmaatma sang oonche te ooncha banaane vaala hai। har ek bachche ke mastak mein chamakta hua bhaagya ka sitaara dekh rahe hain। yeh bhaagya ka sitaara saare kalpa mein aap bhaagyashaali bachchon ke sivaae aur koi praapta nahin kar sakta। woh shreshtha bhaagya hai ki aap bachche hi double pavitra arthaat holi bante ho। vaise dharmaatmaayen bhi hain lekin woh shareer se pavitra nahin bante hain। aap brahman aatmaon ka bhavishya mein aatma bhi pavitra banti aur shareer bhi pavitra banta hai। inki nishaani double pavitra to double taaj praapta hota hai। saare kalpa mein double taajdhaari aap sangamayug mein baap ke sang ke rang se double pavitra bante ho। sangamayug ka parmaatma sang double pavitra bana deta hai। to aapki holi baap ke saath rahne se baap ko combined banaane se double pavitra ban jaate ho। sada dil mein baap ka sang rehta hai। yeh rang kitna shreshtha hai jo itna shreshtha bana deta hai। log to sthool rang se holi manaate hain lekin aap baap ke sang ke rang se holi ban jaate ho। woh bhi double holi। to aapki holi duniya se nyaari paramatma ki pyaari hai। to nasha rehta hai na ki hamaari holi prabhu sang ke rang ke kaaran aadhaakalpa aisa pavitra banaati hai jo ab tak bhi aapke chitra kaayde pramaan pooje jaate hain aur koi ke bhi chitra aise prem poorvak pooje nahin jaate hain। aap svayan apne chitron ko dekh rahe ho। aur bhi pooje jaate hain lekin itna samay aur aise vidhipoorvak pooja nahin hoti। aap sada umang aur utsaah mein rehte ho। rehte ho na! umang- utsaah mein rehte ho?haath uthaao। rehte ho kabhi kabhi ya sada?jo kehte hain ham sada umang-utsaah mein rehte bhi hain aur doosre ko bhi umang-utsaah dilaate hain woh haath uthaao। kabhi kabhi nahin sada। sada shabd ko underline karte ho na! lekin aapka yaadgaar jo bhi aapki sthiti rahi hai uska yaadgaar aapke bhakta utsav ke roop mein manaate hain। aapne prabhu ke sang ka rang lagaaya to woh bhi rang lagaate hain lekin body conscious hain na to sthool rang laga dete hain। jis rang mein kharcha bhi bahut aur phir result bhi kuchh achhi kuchh nahin achhi aise manaate hain। lekin aapke utsaah ka yaadgaar utsav zaroor manaaya hai। aap paramatma ka banne ke liye pahle apne puraane sanskaaron ko jalaate ho aur phir prabhu ke sang ka rang lagne se sada manaate rehte ho। woh bhi pahle jalaate hain phir manaate hain lekin aapka manaana aur unhon ke manaane mein raat din ka antar hai। woh body conscious aap aatma abhimaani। woh deh bhaan mein aap aatmik bhaan mein।

aapko baapdaada ka direction hai holi arthaat beeti so beeti। yeh bhi kehte hain ho li lekin arth ko practical mein nahin la sakte। aap sab ho li arthaat beeti so beeti karte ho। karte ho na! ki kabhi kabhi karte ho?kyonki beeti ko yaad karne se vyartha sankalp bahut chalte hain। samay bhi vyartha jaata hai। jo bahut samay ke sanskaar hain woh na chaahte bhi jab chalte hain to is sangamayug ka ek-ek minute jo ek janma mein 21 janma ki praalabdha banaata hai woh ek-ek sankalp ek-ek minute kitna valuable hai। ek second nahin gaya lekin anek janma ki praalabdha mein pharka pad jaata hai। baapdaada ne pahle bhi kaha hai ki sangam samay ka samay aur sankalp kabhi bhi vyartha nahin ganvaana hai। agar sada prabhu rang mein range hue ho arthaat baap ko sada ka saathi banaake rehte ho to sangamayug ke ek-ek sankalp aur samay maana ek-ek minute ko saphal kar sakte ho। to check karo apne ko ki ek- ek minute ek-ek sankalp saphal hota hai?ya vyartha bhi jaata hai?kyonki ek minute nahin 21 janma ka connection har minute aur har sankalp ka hai। itni value hai। to apni dil mein socho ki itni value sada rehti hai! is sangam ke samay ke liye kaha hua hai - “ab nahin to kab nahin।” itni value sada smriti mein rahe। to aap sabhi ne aaj holi manaai arthaat sada baap ke sang ka rang lagaaya। to saara din check kiya ki baap ka rang laga hua raha? parmaatma sang mein rahe ya aur bhi kahaan samay va sankalp gaya? check kiya? kaandh hilaao haath nahin aise karo।

baapdaada sada hi ishaara dete hain ki apne man ke shubh satoguni sankalp dvaara prakriti ko bhi satoguni banaate raho। to woh mansa seva yaad rehti hai?kyonki abhi prakriti bade roop mein apna kaarya karne vaali hai। yeh to chhoti si baat hai lekin prakriti ko manushyaatmaayen tang karti hain to woh bhi tang karna shuru karti hai isliye baap kehte hain jaise maayaajeet banne ka attention rakhte ho। rakhte ho na! maaya se vaayda hai aapka kaam hai aana aur hamaara kaam hai vijay praapta karna। kiya hai na vaayda sabhi ne? kiya hai? maayaajeet banna hai na! aise hi prakriti jeet bhi banna hai kyonki aapko raajya karna hai na। aapka raajya aa raha hai na! nasha hai na! log to bichaare sochte hain kya hoga darte hain। lekin aap ko pata hai to abhi sangamayug amritvela chal raha hai। to amritvele ke baad kya aata hai? savera। us savere mein hi hamaara raajya aana hai। hai na nasha! hamaara raajya hai ki keval mahaarthiyon ke liye raajya hai?aap sabka raajya hai। aapko chinta nahin kya hoga?achhe te achha hoga। to aapke raajya mein prakriti bhi satopradhaan honi hai। to prakriti ko tamoguni se satoguni kaun banaayega?ki prakriti jaisi bhi ho chalegi? aapke raajya mein chalega? chalega?haan karo ya na karo। nahin chalegi? to prakriti ko satoguni kaun banaayega? aap hi banaayenge na! isliye abhi achaanak ka pahla drishya chhota hai yeh shuru hua hai। abhi to bade-bade aane hain aur achaanak hi aane hain। jo soch mein nahin hoga vahi hona hai।

baapdaada ne to bahut samay se achaanak ka paath padhaaya hai। lekin abhi pratyaksha roop mein dekh karke abhi apna kaam shuru karo। ghabraao nahin। kahaani sunaate hain na - chaaron or aag lagi lekin paramatma ke bachche safe rahe। to abhi bhi bachche to safe hain na! paper to aane hi hain lekin aapka double kaam hai। ek to nirbhay hoke saamna karo doosra apne bhakta aur apne duhkhi bhaai-bahinon ki seva bhi kaun karega? aap prabhu ke sang mein rang lage hue ho to jo paramatma ke sang ke rang mein praapta kiya hai woh apne bhaai bahinon ko bhakton ko khoob pyaar se dil se baanto। duhkh ke samay kaun yaad aata hai? phir bhi paramatma chaahe samjhen chaahe nahin samjhen lekin majboori se bhi he baap he paramatma kahenge zaroor। to aap parmaatma bachchon ko abhi duhkhiyon ka sahaara banna hai। unhon ko shubh bhaavna shubh kaamna dvaara baap dvaara praapta hui kirnon dvaara sahaara bano। phir bhi aapka parivaar hai na! to parivaar mein ek do ko sahayog dete hain na! to naam hi hai sah yog shreshtha yog। vahi saadhan hai sahaara dene ka। sandesh bhi bheja tha ki samay fix karo। aise nahin ho jaayega jaise traffic control amritvela nishchit hai to karte ho na। aise apne kaarya pramaan yeh mansa seva bhi abhi ke samay pramaan ati aavashyak hai। to samay nikaalo merciful bano। kalyaankaari bano। aapka svamaan kya hai? vishwa kalyaankaari। to raham aata hai?ki ho jaayega? ismen albele nahin banna kyonki jinhon ko aap sakaash denge vahi aapke bhakta banenge isliye kya karna hai?hai attention hai? jo samajhte hain hamaara attention hai aur badhega woh haath uthaao। neeche-oopar kar rahe hain। yahaan dekhne aa rahe hain। (T.vi. mein) agar itne sabhi ne apne svamaan ko practical mein laaya to aatmaayen abhi bhi sangam par aapke dil se geet gaayenge vaah parmaatma bachche vaah! humein sahaara diya। aapke liye abhi ka sahaara aadhaakalpa aapke geet gaate rahenge। aap uske poorvaj ho jaayenge। poorvaj ho। jhaad mein kahaan baithe hain brahman। neeche baithe hain na! to poorvaj ho na! aavaaj sunne aata hai bhakton ka? thoda apne ko saavdhaan karo duhkhiyon ka sahaara banna hi hai to aavaaj sunne aayegi।

to sabhi ne holi to manaai aapki to saara sangam hi holi hai। paramatma ke sang ke rang mein hi rehte ho। yaadgaar manaate hain ek do din lekin aap to poora sangam prabhu ke sang mein rahne vaale ho। nasha hai na! log bichaare maangate rehte hain he prabhu yeh kar do woh kar do lekin aapko21 janma ki guarantee mili hai kabhi duhkh ka svapna mein bhi koi drishya nahin aayega। sankalp mein bhi duhkh ki lahar nahin aayegi। to sada har ek ko agar raajya lena hai to abhi apne parivaar satayug ka saathi aur royal praja saadhaaran praja sab abhi bana sakte ho। 21janma ki guarantee hai। thodi si seva karo samay nikaalo kyonki aapke paas sankalp shakti to hai hi। sirf jo baap se mila hai woh apne bhaai-bahinon ko bhi do।

baapdaada ne pahle bhi kaha tha to apna sada yeh check karo ki mujhe brahman parivaar ke beech sanskaar milan ki raas karni hai। baapdaada ne kaha tha woh raas kab karenge uski date bhi fix karo। fix ho sakti hai? ho sakti hai? pahli line bataao। haath uthaao। ho sakti hai? paandav bhi uthaao। paandavon ke bina gati nahin hai। achha। to abhi last tarna hai ek tarna raha hua hai। usmein har ek apne liye kya dridh sankalp hai woh fix karke likhna। kitna samay lagega jo brahman parivaar mein kahaan bhi kabhi bhi sanskaar apna kaarya nahin kare। chaahe mera sanskaar chaahe doosre ka sanskaar bhi mere ko prabhaav nahin daale। yeh date fix ho sakti hai? ho sakti hai? haath uthaao। achha sabhi ka photo nikaala! kyonki jaise yeh achaanak scene dekhi na। aise sab achaanak hi hona hai isliye baapdaada taiyaari to dekhenge na! jab doosron ko shubh bhaavna shubh kaamna dete ho baapdaada ne dekha yeh doosron ki seva ka programme bhi banaaya tha to agar har aatma ke prati sada shubh bhaavna aur shubh kaamna rakho nambarvaar to hona hi hai। aapki maala yaadgaar ek number sab hain kya?nambarvaar hain lekin maala mein to piroye hain na! number kyon mila? bhinna-bhinna sanskaar hain lekin hamko sanskaar dekhne ke bajaae shubh bhaavna shubh kaamna rakhni hai। aakhir bhi brahman parivaar hai na। kaisa bhi hai parivaar to mera hai na! jaise mera baba kehte ho vaise mera parivaar bhi hai। to achha hai majority ne haath uthaaya hai। to sabhi ka umang-utsaah hai tab to haath uthaaya hai na! to ek do ko sahayogi ban shubh bhaavna shubh kaamna ki drishti vritti smriti rakhne se yeh raas hona koi badi baat nahin। is par jo bahut achha number lega date par practical karke dikhaayega unko nyaara aur pyaara inaam milega। inaam abhi nahin bataayenge। lekin baapdaada inaam denge। kyon?seva karne ka time nikaalna hai na। to yeh sanskaar ki khitkhit samay apne taraph kheench leti hai isliye samay ki abhi aavashyakta hai। theek hai na! yeh sabhi madhuban vaale hain na! pasanda hai na! kyonki madhuban vaasi vishesh hain। baapdaada ka bhi madhuban nivaasiyon prati dil ka pyaar hai। aur madhuban vaalon ka bhi hai। yeh bhi baba kehte baap se pyaar hai aur rahega। mit nahin sakta hai। amar hai ismen। tab to madhuban vaasi bane hain na! kahaan bhi madhuban vaasi jaate hain to kis regard se dekhte hain? madhuban ka hai madhuban ka hai। isliye yeh attention rakhna last tarna ke pahle sabhi madhuban mein koi sthaan mukrar karna jahaan apni chitki daalen। lekin last tarna ke pahle।

sabhi ne holi manaai?aapki to roj holi hai। abhi bhi yeh to baahar ka thoda manaana hota hai। kahaan manaane jaayen। yahin to manaayenge। lekin vo hui reeti rasam। to sabhi chaaron or ke baapdaada ke ati snehi ati pyaare laadle sikeeldhe svamaandhaari har bachche ko baapdaada padamguna yaadapyaar bhi de rahe hain aur dil ka dulaar bhi de rahe hain।

baapdaada dekh rahe hain chaaron or sab sunke dekh ke harshit ho rahe hain। achha। aaj pahli baari kaun aaye hain? utho। yeh sabhi pahli baari aaye hain। achha। pahle baari madhuban nivaasi banne ka bhaagya praapta hua hai। sabhi aapke bhaai-bahinen aur baapdaada bhi aap sabhi ko pahle baari aane ki mubaarak de rahe hain। abhi baapdaada dekhenge kyonki chance hai ki thodi deri se aaye hain lekin jo chaahe woh abhi bhi last so fast jaakarke first number lekar first division mein aa sakte ho। yeh baapdaada ka jo bhi aaj aaye hain un sabhi bachchon ko vardaan hai। sirf jo baap ke mahaavaakya hain us shreemat par chalte rahenge to shreemat aapko shreshtha division mein la sakti hai laayegi। itne saare parivaar dvaara aap sabhi ko vardaan to baap ka hota hai lekin shubh bhaavna shubh kaamna hai ki aap jitna aage badhne chaaho utna badh sakte ho। sabhi aapko dil se duaayen denge। jahaan bhi aate ho vahaan aapko duaayen milti rahengi aur woh duaayen aapko teevra purooshaarthi banaake aage badhaayengi yeh nishchay rakho। achha।

seva ka tarna panjaab zone ka hai:- (panjaab himaachal hariyaana jammu kashmeer utraachanl):- panjaab to hai hi shere panjaab। to panjaab to sher arthaat vaaris nikaalne vaale। har ek centre apne vaaris quality ki list bhejna। shuru se leke abhi tak har ek centre se kitne vaaris quality nikle? aur vaaris quality to kahaan bhi chhip nahin sakti hai। vaise to baapdaada aaj woh bhi dekhne chaahte hain ki bulanda swaroop ke mike kitne hain?jiska aavaaj dil ka sunke auron ki dil bhi dilaaraam ke taraph aakarshit ho lekin baapdaada ne suna hai ki varga bahut milne hain woh vargo se poochhenge। lekin panjaab vaale sabhi centre chaahe chhota hai ya bada hai vaaris quality kitne nikle hain? kab se nikle hain? kyonki panjaab bhi pahle pahle nikla hai। panjaab mein bhi bahut mahaaveer mahaarthi seva ke adhikaari bane hain paalna mili hai। kai poorvaj bhi seva karke gaye hain। baapdaada ka bhi panjaab se pyaar hai kyon? kyon pyaar hai? kyonki panjaab mein nadiyaan bhi bahut hain to jaise panjaab ki nadiyaan mashhoor hain aise hi baapdaada ki taraph se panjaab ke sevaadhaari bhi prasiddha hain। tyaag karne aur karaane mein bhi hoshiyaar hain isliye vaaris quality nikaalna bhi sahaj hai। baapdaada har zone ko number one dene chaahte hain। baapdaada ne dekha hai ki jab zone aate hain to abhi tak koi bhi zone kam nahin aaya hai। ek do se aage aaye hain isliye panjaab ko jo nikle hue seva se hain unhon ko khaas seva karke vaaris quality mein laana hai। la sakte hain। dhyaan denge to nikal jaayenge। sirf quality ko samajhkar unke oopar thoda shubh bhaavna shubh kaamna ki vishesh mehnat karna thoda sa vishesh mehnat karni padegi lekin quality hai। abhi samay bhi thoda sa vairaagya ka hai chaaron or alpakaal ka vairaagya aaya hua hai। aise samay par har zone aisi quality ko samajh aage sahaj badha sakte ho। yagya snehi yagya rakshak bana sakte ho। abhi taaja vairaagya hai। to pahle aaj panjaab ka tarna hai to panjaab pahla number aarambha kare। achha hai। baapdaada sabka mukhda dekh rahe hain। chaahe door hain lekin T.vi. mein najdeek hain। dekh rahe hain। achha।

8wings vaale aaye hain:-samaaj seva wing do transport media prashaasak science and engineer medical security aai.T. (sabhi wing ke bhaai bahinon ko khada kiya) majority to wing vaale hi dikhaai dete hain aur baapdaada jo bhi sabhi wings aaye hain aur seva kar rahe hain to baapdaada ne dekha wings ke seva ki result achhe te achhi ho rahi hai kyonki chaaron or seva karne se alag-alag ho gaye hain na to har ek apne-apne wing mein dinapratidin unnati kar aur aatmaon ko najdeek la rahe hain isliye baapdaada har ek wing ke oopar seva ke oopar khush hai। taali to bajaao।

abhi aage badhke kya karna hai? seva to vistaar ko praapta ho rahi hai lekin abhi jo seva se sameep aaye hain unhon ko har ek wing ikaththa karke unhon ko yagya snehi banaao। yagya snehi banne se ek baari aaye yagya mein woh alag baat hai lekin unhon ko yagya kya cheej hai yagya ke pyaar se kya hota hai najdeek laao। thoda gharu banaao। bhaashan sunte hain bhaashan karte hain ismen paas hain lekin parivaar ka saathi ban jaayen woh bhi list nikaalo। har ek wing se kitne yagya ke samparka mein aaye hain। baapdaada ko sunaaya tha ki kai aatmaayen murli tak pahunche hain। yeh bhi achha hai। jaise murli tak pahunche hain vaise yagya snehi kya hota hai yagya snehi nimitta aatma kya-kya kar svayan ko aage badha sakti hain abhi aise nimitta aatmaayen nikaalo। bhaashan mein madadgaar bane hain auron ko bhi parichay dene ke nimitta bane hain iski to baapdaada ne mubaarak di murli tak bhi pahunche hain abhi unhon ko aage badhaao। jo apne ko sirf sahayogi nahin lekin snehi bhi anubhav karen। yagya snehi yagya sahayogi parivaar ka bhaati hoon। chaahe vi.aai.pi hai lekin parivaar ka bhaati hai parivaar ke sameep hai aise dheere-dheere unhein jaise aap nimitta ho seva karne vaale aise woh bhi apne ko jimmevaar samjhen। to varga banne ke baad seva mein vriddhi hui hai kai aatmaon ko pata hi nahin tha woh pata hua hai। brahmaakumaariyaan kya karti hain kartavya ka bhi parichay pada hai। abhi aage badhaao। ek to regular present mark chaahe saamne nahin aa sakte lekin phone dvaara ya kisi bhi vidhi dvaara apni present mark karen kyonki ghar ka bhaati hai to present mark to karega na। aisi list baapdaada ne pahle bhi kaha hai to har zone se nikaalo aur unhon ka sangathan karke unhon ko umang-utsaah mein laao। har ek zone vaala sirf apne rahne vaale centre ka nahin lekin jo varga hain jo head hain varga ke woh sabhi zone mein aisi nikaalke taiyaar karen। unhon ka sangathan kare। to ek do ko dekhke bhi umang mein aate hain। us sangathan ka samaachaar nahin aaya hai ki hamne apne varga ka sabhi zone ka ikaththa sangathan kiya aur yeh-yeh quality aai। baaki baapdaada khush hai ki common reeti se attention gaya hai attention deke kar bhi rahe hain abhi sangathan taiyaar karo। jo bhi connection mein aaye hain chaahe vi.aai.pi hain chaahe aai.pi. hain lekin unhonne seva kitni ki sandesh kitno ko diya yeh samaachaar lena padega। unhon ko bhi roochi badhegi ki hamaari result madhuban mein jaati hai। baaki baapdaada ne pahle hi aap sabko sunaaya ki seva ka umang hai seva kar bhi rahe hain uski mubaarak to baapdaada pahle hi de chuke hain। achha।

har ek varga jaise ek-ek uthe ho na। to har ek varga yeh samjhe ki baapdaada ke saamne har ek varga hai chaahe peechhe bhi hai to bhi saamne hai। baapdaada aap ek-ek varga ko apne najdeek hi dekh rahe hain isliye padam padamguna mubaarak ho mubaarak ho।

600 double videshi bhaai bahinen 50 deshon se aaye hain:-baapdaada ko videshi vishesh yaad aate hain। yaad to sab bachche aate hi hain lekin videshiyon ka naam sunkar bhaaratvaasiyon ko umang aata hai ki jab videsh vaale paramatma ko jaan varse ke adhikaari bane hain to ham vanchit nahin rah jaaen umang aata hai। isliye abhi seva mein videshi aur bhaaratvaasi ikaththa programme karne shuru kiya hai। jaante hain ki jab videsh vaale pahchaan gaye to ham rah nahin jaaen umang aata hai। to aap bhaaratvaasiyon ko aage badhne ka umang dilaane vaale nimitta aatmaayen ho। iseelie har ek varga vaale bhi koshish karte hain jaise abhi dilli mein bhi milke programme banaaya hai na chaahe chhote roop mein ho chaahe bade roop mein ho lekin jo ek-do bhi videshi apna dil se umang se anubhav sunaate hain va topic par bolte hain to sunke khush hote hain kyonki baapdaada ne pahle hi kaha hai ki videsh vaale bhaarat ko jagaane ke nimitta banenge। to dekha gaya hai to yeh seva din pratidin videshi bhi karte hain aur bhaarat vaale bhi milaane ki koshish karte hain। koi bhi bada programme kahaan ho to jaise aadi mein videsh ki taraph se koi na koi vishesh vi.aai.pi aata raha hai shuru mein। aise hi abhi bhi yeh koshish karo ki koi bhi aisa programme kahaan bhi ho to koi na koi vi.aai.pi nimantran par aave। shuru-shuru mein yeh bahut achha part chala hai। abhi bhi ek to brahman aatmaon ka anubhav aur doosra vi.aai.pi. koi na koi paartadhaari banen to bhaarat aur videsh videsh bhaarat ko jagaayega bhaarat videsh ko jagaayega yeh seva hote-hote aakhir bhi videsh mein hamaare raajya mein kaun-kaun aane hain yeh prasiddha hota jaayega kyonki government jo vishesh aatmaayen aati hain to government tak aavaaj pahunchta hai। unhon ko unki dekhbhaal karni padti hai akhbaar mein naam aata hai। to isse seva badhne ka sahaj saadhan hai। to videsh seva kar raha hai yeh baapdaada ke paas record hai aur abhi sabhi varga vaale bhi chaahte hain ki koi bhi programme ho to programme pramaan jaisa programme hai usi anusaar videsh bhaarat ko jagaave aur bhaaratvaasiyon ka itna bada roop dekh karke videshi bhi jaagen। to baapdaada khush hai ki har baat mein videshi ever ready hain। ever ready ka paath achha baja rahe hain na nahin karte hain। to bhaarat ke varga vaale bhi aise programme banaaven zone vaale bhi aise programme banaaven jismen donon ka mel hota jaae। baapdaada ne dekha ki videshi bhi ever ready hain। bhaaratvaasi bhi ever ready hain lekin programme aise banaao। baaki videshi bachchon ko dekh baapdaada khush hote hain mere bachche bichhudkar kahaan-kahaan chale gaye। baapdaada ne dhoondh liya na aap logon ko। kitne deshon ke aate hain। to har desh mein apne bachchon ko baap ne dhoondh liya hai। khushi hoti hai na। aap to baap ko dhoondh nahin sake lekin baap ne kone-kone se aapko dhoondh liya। kyonki kalpa-kalpa ke adhikaari ho। har kalpa baapdaada aapko nikaalte hi rehte hain। miss ho nahin sakte ho। baap ke bachche baap ke paas aane hi hain। to bichhude hue bachchon ko dekh baap khush to hota hai na। vaah mere bachche vaah mere bachche! madhuban ko bhi sajaate rehte ho। baapdaada ne dekha hai videsh ki taraph se baapdaada ko bahut sahayog chaahe tan mein chaahe man mein chaahe dhan mein sab reeti se yagya snehi baapdaada ke snehi hain aur aage-aage badhte ja rahe hain badhte rahenge। achha। ek-ek ko baapdaada dil ka pyaar aur dulaar de rahe hain। achha।

daadi jaanki se:-achha sabhi khush hote hain। khush karne ke aapke do tareeke hain ek class doosra toli। achha। achha part baja rahi ho। baapdaada khush hai।

mohini behen se:- yagya mein har ek ka part apna-apna aavashyak hai। koi bhi actor nimitta sevaadhaari agar miss hota hai to aise nahin maaloom nahin padta hai har ek part apna-apna mahatva ka hai। koi ka bhi part agar miss ho jaata hai to pharka pad jaata hai। yeh baap ka vardaan ek-ek common paartadhaari ko bhi hai। jaise bhandaare vaale hain। hai to common part lekin bhandaare vaala nahin ho to kaam nahin chale। saphaai vaala nahin ho to bhi kaam nahin chale class karaane vaala nahin ho to bhi kaam nahin chale। har ek actor ko draamaanusaar jo part mila hua hai usko samajhna chaahiye ki main bhi vishesh nimitta hoon। drama ne har ek ko chaahe chhota sa kaarya hai lekin woh bhi zaroori hai। paanch anguliyaan hain ek anguli bhi miss ho jaae to pharka padega na। to yagya ki yahi visheshta hai jo bhi jisko part mila hai na woh bahut bahut bahut zaroori hai। achha।

achha yeh hai abhi doctor nahin hota to tum chalti yeh zaroori hai na। har ek paartadhaari yagya ke nimitta hai। yagya ki zaroori aatma hai। aaj saphaai vaala nahin aaye to aap logon ko achha lagega baithna। zaroori hai na।

pardaadi se:- aapka bhi part zaroori hai। aapki shakla dekh kuchh karo bhi nahin to bhi khush ho jaate hain। (holi pardaadi ka janma din hai) vaah! janma din hai pardaadi ka। mubaarak ho mubaarak ho mubaarak ho।

(teenon bhaaeeyon ne baapdaada ko guldasta bhent karte hue holi ki mubaarak di)sabhi holi aatmaon ko holi ki mubaarak ho mubaarak ho।

videsh ki 4 badi bahinon se:-(mohini behen jayanti behen sudesh behen nirmala behen) baap kehte hain bachchon ko bahut-bahut thanks jo baap ko pratyaksha kiya। (karnakraavanhaar ne karaaya) lekin bachchon ne kiya na। to bachchon ko thanks baap bachchon ke bina kya karega। (baba ne karaaya) donon ek do ke saathi hain। achha। (baapdaada ne bahinon ko guldasta diya) chaaron hi lo haath lagaao। (daadi jaanki ko bhi guldasta diya) iska bhi part chal raha hai na। vishesh part chal raha hai। baapdaada ne dekha abhi aap sabka attention bhi bhaarat taraph hai। koi na koi sahayog dene ke liye ever ready hain। bhaarat videsh ko videsh bhaarat ko sahayog dete donon milke chalna aur karna yeh lakshya achha hai।

(jayanti behen karaachi ja rahi hain)abhi result achhi hai badh rahi hai। koi aisi quality nikle।

(jaapaan mein jo gas nikal rahi hai woh abhi Philippines America taraph bhi phail rahi hai)jo gas niklega woh kahaan to jaayega। baaki apni sambhaal karni hai। government jo direction deti hai usko thoda paalan karte raho। aise nahin kuchh nahin hai kuchh nahin hai। jo direction dete hain uska thoda dhyaan rakho।

baapdaada ne bachchon ke sang holi kheli aur sabko holi ki mubaarak di

sabhi ne holi manaai। aapki to sada hi holi hai arthaat baap ke saath baap ki paalna mein rehte ho। baap ke saath uthte ho baap ke saath baaten karte ho baap ve saath vardaan lete ho aur vardaan dete ho। to jo aaj holi par vardaan liya woh kabhi bhi baap se alag akele nahin hona hai। saath hai saath chalenge aur phir saath mein brahma baap ke saath raajya karenge। to saath shabd nibhaana hai। ek second bhi saath nahin chhodna hai। saath rahenge saath chalenge abhi yahi smriti sada yaad rakhna। achha - abhi baapdaada sabhi se bahut badhiya sundar good night kar rahe hain। achha।