गुरुवार 31 मार्च 2011 की अव्यक्त मुरली

31-03-11 om shanti avyakt baapdaada madhuban

“dridh sankalp dvaara tension free ka example ban sabke aadhaarmoorta bano mansa shakti dvaara duhkhi aatmaon ko khushi ka vardaan do”

aaj great great grand father apne koton mein koi koi mein bhi koi bachchon ke bhaagya ki rekhaayen dekh rahe hain। har ek ke mastak se chamakti hui divya chamakte hue sitaare ki chamak dekh rahe hain। naynon se sneh ki rekha dekh rahe hain। mukh se gyaan ki rekha dekh rahe hain। dil mein dilaaraam ke lavleen ki rekha dekh rahe hain। haathon mein gyaan ke khazaanon ki rekha dekh rahe hain। paanv mein har kadam mein padam ki rekha dekh rahe hain। har ek bachcha in rekhaaon mein nambarvaar sampanna hai। aisa bhaagya aapke bina aur kiska bhi nahin hai। aapka itna shreshtha bhaagya har bachche se chamakta hua dikhaai de raha hai। aur yeh bhaagya avinaashi ban jaata hai kyon? kyonki dene vaala avinaashi baap hai। is sangamayug par hi aisa shreshtha bhaagya praapta hota hai jo bhavishya mein bhi chalta rehta hai। yeh sangamayug sarva praaptiyon ka yug hai jo jitna apna bhaagya jama karta hai utna anek janma bhaagya ka phal hota rehta hai। is sangamayug ki mahima aap bachche hi jaante hain। sangamayug ki praaptiyaan saare kalpa mein shreshtha se shreshtha hain।

baapdaada dekh rahe hain har ek bachcha is sangamayug ki praaptiyon se kitna sampanna hai। aap sabhi bhi sarva praaptiyon ke anubhav mein sada rehte ho ya kabhi kabhi? avinaashi baap hai to praaptiyaan bhi avinaashi hain baapdaada har bachche ko kis roop mein dekhne chaahte hain jaante ho na! baapdaada yahi chaahte hain ki har bachcha svaraajya adhikaari raaja banen। sva ke oopar arthaat karmendriyon ke oopar man-buddhi-sanskaar ke oopar raaja ban raajya kare। bhavishya mein to raajya adhikaari banenge lekin abhi svaraajya adhikaari raaja banen। koi bhi karmendriyaan apne control mein hon kyonki baap dvaara sarva shaktiyon ka khazaana praapta hua hai। to baapdaada har ek bachche ko svaraajya adhikaari raaja roop mein dekhne chaahte hain। to aap sabhi svaraajya adhikaari bane ho? man buddhi ke oopar ruling power controlling power aa gai hai? adheenta to nahin hai? adhikaari hain। jab baapdaada ko saath mein rakhte hain akele nahin bante hain baap ko sada saathi banaake rakhte hain to yeh man buddhi sanskaar kisi ki bhi taakat nahin jo control mein nahin rahe। iseelie baapdaada shaktiyon ko sada kehte hain ki apne kaun se swaroop ko yaad rakho jo kabhi bhi baap ka saath bhool nahin jaae? woh hai ham shivshakti hain। shiv aur shakti saath hai। yeh smriti maayaajeet prakritijeet svatah bana deti hain kyonki baapdaada ne suna diya hai ki vartamaan samay prakriti apna kaarya karti rehti hai kyonki prakriti ko bhi manushya aatmaayen tang karte hain to prakriti bhi tang karti hai। aajkal dekhte ho ki prakriti kahaan na kahaan apna kaarya karti rehti hai lekin aap prakritijeet ban prakriti ko bhi satopradhaan bana rahe ho। log to prakriti ki halchal dekh darte hain ki kal kya hoga! lekin aap jaante ho ki achhe te achha hoga kyonki abhi yeh sangamayug srishti chakra ka amritvela chal raha hai। to amritvele ke baad kya hota hai? savera। andhakaar khatma ho roshni aa jaati to aapko khushi hai ki abhi hamaara raajya sukhmay sansaar jahaan prakriti bhi sukhmai hai woh raajya aaya ki aaya। khushi hai na! jis raajya mein duhkh ashaanti ka naamnishaan nahin hoga kyonki abhi sangam par aap prakritijeet ban rahe ho। to sabhi ko khushi hai na kiski? bolo hamaara raajya aane vaala hai। yeh khushi hai? jo is khushi mein rehte hain woh haath uthaao। bahut achha। aap to khush rehte ho iski mubaarak ho lekin aisi khushi apni khushi aapke bhaai behen jo duhkhi ashaanta hain usko apne baap dvaara li hui kirnon dvaara khushi ki kirnen pahunchaate ho? baapdaada ne kaha tha ki aisi mansa seva karne ka time har ek ko apne dincharya mein fix karna hai। jaise aur kaarya ke liye time fix kiya hua hai aise apni khushi ki khuraak dvaara duhkhi aatmaon ko mansa shakti dvaara thoda bahut vardaan dekarke unhon ko bhi khush karo to jinhonne apna time mansa seva ke liye fix kiya hai woh haath uthaao। achha jinhonne bhi nahin kiya hai। hain thode lekin iska time fix karna hai kyonki apne hi bhaai behen hain na। to taras padta hai na! ki taras nahin padta hai? padta hai na! aur baapdaada sabhi ko dekhne chaahte hain ki sangam ki jo vishesh do baaten hain jo amoolya hain ek sankalp shakti aur doosra sangam ka samay kyonki sangam ke samay mein ek janma mein anek janma ki praalabdha banaani hai।

to aajkal baapdaada ne dekha hai ki bahuton ke ashuddha sankalp kam chalte hain lekin vyartha sankalp aate jaate hain। to is ek janma ke moolya ke anusaar vyartha sankalp abhi finish hone chaahiye kyonki sangamayug ke mahatva ke hisaab se ek second kai keemti samay ka adhikaar dilaata hai isliye har ek ko in donon baaton ka samay aur sankalp donon ke moolya ko jaan samay ko aur sankalp ko saphal karo। jaise sthool khazaane ko saphal karte ho jaante ho ki ek janma mein saphal karne se anek janma unki praapti jama hoti hai। aise in donon baaton ko attention de saphal kar saphalta moorta bano।

baapdaada har bachche ko aaj vishesh ek vardaan de rahe hain har ek bachcha aaj se apne ko tension free bana sakte ho? dridh sankalp karo ki aaj se attention no tension। baapdaada bachchon ko jab tension mein dekhte hain na to sochte hain abhi abhi is bachche ka photo nikaalke bhejen। to khud hi samajh jaayega ki main kya ban gaya! baapdaada manjeet jagatjeet banaane chaahte hain। tension kismen man mein hi to aata hai na! to aap to raaja ho na svaraajya adhikaari ho na! kya man aapka hai ya man maalik hai? aap kya kehte ho? saara din mera man kehte ho na! maalik to nahin hai na! kaun himmat rakhta hai baap ka vardaan sahaj milega lekin sirf thoda attention rakhna padega। baap ke vardaan ki madad ka anubhav karke dekhna। sabhi ka chehra jab bhi dekho to kaisa dikhaai dega? tension-free kamal pushpa samaan va khila hua gulaab pushpa misal।

baapdaada ne dekha ki jo pahle kaam diya tha percentage likhne ka। sabhi sthaanon se kuchh kuchh samaachaar aaya hai। yahaan bhi result nikaali hai। attention diya uski mubaarak baapdaada de rahe hain lekin abhi baapdaada yahi chaahte hain ki samay pramaan abhi vaani dvaara sunne ka samay bhi kam milega isliye mansa dvaara aur apne chehre aur chalan dvaara service karo। abhi ka abhyaas aage aane vaale samay mein kaarya mein aayega। to aaj se tension free ka sankalp kar sakte ho? kar sakte ho? kar sakte ho? haath uthaao। tension free। achha sabhi ka photo nikaalo। bahut achha। to jo aatmaayen circumstance ke pramaan bahut tension mein rehte hain aajkal duniya mein tension bahut badh raha hai to aapka tension free ka anubhav aur tension free ki chalan aur chehra unhon ke aage ek aadhaarmoorta banega। agar aaj duniya mein chakra lagaao ya samaachaar suno to kya dikhaai deta hai? temporary apne ko khush karne ke saadhan banaate rehte hain। to tension vaalon ko tension free ka example dikhaao to unko bhi sahaara dikhaai de। to sankalp kiya apne man mein sankalp kiya ki tension free rahenge? kiya? dridh kiya ya saadhaaran kiya? jahaan dridhta hoti hai vahaan saphalta hui padi hai। karenge nahin karna hi hai। pasanda hai? ismen haath uthaao। baapdaada ne ek baat dekhi hai ki haath uthaake bahut khush kar dete hain। haath uthaake khush to kiya lekin abhi kya karenge? dridh sankalp saadhaaran sankalp usmein raat din ka pharka hai। karenge aur karna hi hai। to is season ka is varsha ki is season ka aaj last de hai lekin agli season mein baapdaada har ek chhota bada centre kaaphi time hai beech mein agle varsha ki season mein kaaran nahin lekin nivaaran swaroop dekhne chaahte hain। to kitna himmat aur umang hai ki brahman parivaar mein tension ka naamnishaan nahin ho। ho sakta hai? har ek apne se poochhe ho sakta hai? yeh khushkhabri baapdaada sunne chaahte hain।

baapdaada ne dekha ki chaahna sab rakhte hain karenge lekin jab samasya aati hai to samasya apna bana deti hai। phir bahut meethi baaten karte hain yeh ho jaata hai na yeh to hoga na! yeh to chalta hai na! baapdaada ko bahut meethi meethi baaten sunaate hain। sabka kaaran raaja ban jaao bas। svaraajya adhikaari ban jaao। to aaj baapdaada sabhi bachchon ko chaahe saamne baithe hain chaahe door baithe dil mein baithe hain। aap to aankhon ke saamne hain lekin baapdaada jo door baithe hain unko dil mein dekh rahe hain।

baapdaada ko pata hai ki aaj ke din madhuban mein bhi chhoti chhoti geeta paathshaalaayen lag gai hain। bachche aaye hain baapdaada bahut bahut bahut neeche baithne vaalon ko kahaan kahaan baithne vaalon ko sabse pahle dil ka dulaar aur yaadapyaar de rahe hain। (aaj shaantivan mein 28 hajaar se bhi adhik bhaai bahinen pahunche hue hain) baapdaada ne dekha ki bachchon ko thodi takleeph to dekhni padi hai lekin yeh takleeph khushi mein anubhav nahin karte hain। phir bhi aaraam se sone ke liye teen pair prithvi to mili hai na। jo patraani bane hain un bachchon ko baapdaada vishesh yaadapyaar de rahe hain। achha jo aaj pahle baari madhuban mein aaye hain ya baapdaada se milne aaye hain woh utho। aaj pahle baari aane vaale bachchon ko baapdaada naye brahman parivaar mein aane ki apne taraph se aur brahman parivaar ki taraph se bahut-bahut badhaai de rahe hain kyonki phir bhi toolate aaye ho lekin aa to gaye। baapdaada aur parivaar ko dekh to liya। baapdaada samajhte hain ki aap chaaho to aaj aane vaalon ko vishesh vardaan hai ki agar dil se chaaho to last so fast fast so aage aa sakte ho। baapdaada aur parivaar ka aap sab aatmaon se pyaar hai। sahayogi banenge sneh denge aur aapko aage badhaayenge। chance denge। iseelie aaj aane vaalon ko aage badhne ka chance bahut achha drama mein mil sakta hai। saara parivaar jahaan se bhi aaye ho to woh parivaar aapka sahayogi banega aap sahaj yogi banna। achha।

seva ka tarna raajasthaan aur bhopaal zone ka hai:- achha baapdaada dekh rahe hain ki jo zone seva par aaye hain unke hi jyaada nai aatmaayen bhi aai hui hain। achha hai। raajasthaan vaale to aadha class hai। raajasthaan ki dharni brahma baap ko bahut pasanda aai jo raajasthaan mein hi madhuban banaaya hai। raajasthaan ki seva baapdaada ne dekha ki har sthaan mein abhi vriddhi achhi ho rahi hai। nai nai aatmaon ko baap ka sandesh dene ke programmes bhi achhe ho rahe hain। lekin baapdaada sabhi ko yahi kehte hain har ek sevaakendra yagya snehi vaaris aisa group banaave jo svayan bhi aage badhte jaayen auron ko bhi yagya snehi banaaye। agle vaari bhi baapdaada ne yeh kaha yagya snehi seva snehi aur saphal karne mein sada aage se aage badhne vaale vriddhi ho rahi hai achha hai sandesh dene ka kaarya bhi dene mein har ek umang utsaah mein hai। abhi baapdaada yahi dekhne chaahte hain ki sva aur seva donon ka balance karne vaale har ek centre se jyaada mein jyaada aage aane chaahiye। sirf seva nahin sva aur seva kyonki ab sva parivartan ka samay itna jyaada nahin hai iseelie pahle sva saath mein seva। har ek sevaakendra nirvighna sab saathi nirvighna sirf teacher nahin lekin saara class nirvighna aur sva parivartan ka attention rakhne vaale ho। to yeh vriddhi karo। ek ek ki baaton ko suno aur unko umang-utsaah ke pankh lagaao jo baapdaada ko nirvighna centre ka samaachaar de sako। baaki baapdaada ne dekha raajasthaan bhi aage badh raha hai badhta rahega। baapdaada har ek bachche ko aage badhne ki mubaarak de rahe hain। achha।

bhopaal zone:- achha yeh bhi zone apne parivartan aur seva ki vriddhi mein achha aage badh raha hai। baapdaada ko khushi hai ki har ek bachcha sva ke prati bhi plan bana rahe hain aur practical mein bhi la rahe hain। aur baba ki shubh aasha hai ki sada aage badhte rahenge। har ek zone mein dekha jaata hai ki abhi umang-utsaah hai isliye seva mein apne apne sthaan mein vriddhi kar rahe hain। baapdaada aage ke liye bhi mubaarak de rahe hain badhte chalo udte chalo udaate chalo। achha।

double videshi bhaai bahinen:- foreigners ko title diya hai double foreigners। foreigners nahin double foreigners। to practical mein dekha jaata hai ki jaise title diya hai na double foreigners aise hi majority ko double nasha rehta hai kya double nasha rehta hai? ki ham double umang utsaah mein rahne vaale hain aur baapdaada dekhte hain umang utsaah achha rehta hai। baapdaada khush hai ki kahaan ek london ki sthaapna hui aur aaj double foreigners ne kaaphi sthaanon par seva kar sabhi ko baapdaada ka ya brahman parivaar ka banaaya hai aur banaane ka lakshya achha hai isliye proof hai। pahle apne tarna mein aate the lekin abhi majority har tarna mein pahunchte hain aur baapdaada ko khushi hai ki foreign ke bachchon ko dekh bhaaratvaasiyon ko umang aata hai ki yeh bhaaratvaasiyon se aage badh rahe hain। foreign vaale aage badh rahe hain aur ham peechhe rah nahin jaaen। bhaaratvaasiyon ko bhi umang aata hai aur purooshaartha mein bhi dekha gaya to abhi papers to aate hain foreign vaalon ke paas lekin ek visheshta hai ki woh sachchi dil se bol dete hain। andar nahin rakhte hain aur uska samaadhaan sachchi dil se karte rehte hain। yeh baapdaada ko khushi hai ki saaph dil to hajoor haajir ho jaata hai। achhi result dekh baapdaada mubaarak bhi de rahe hain aur vardaan bhi de rahe hain ki sada aage badhte rahenge। teachers bhi achhi mehnat kar rahi hain। baapdaada ko khushi hoti hai ki sabse jyaada madhuban ka phaayda foreign vaale utha rahe hain। to baapdaada dekhte hain ki foreign ke chhote chhote sthaanon par bhi aavaaj bulanda karne ki seva karna aarambha kar diya hai। to seva ki mubaarak ho sva parivartan ki mubaarak ho। udte chalo aur udaate chalo। achha।

chaaron or ke desh aur videsh ke bachchon ko baapdaada purooshaartha mein sahaj aage badhne aur badhaane ki khaas mubaarak de rahe hain। abhi jo samay aane vaala hai uske liye baapdaada ne direction de diye hain ki teevra purooshaarthi ban second mein bindu lagaane fullstop lagaane ka abhyaas ati aavashyak hai। is baat ko halka nahin karo। achaanak kuchh na kuchh hona hi hai isliye baap ki shubh aasha hai ki har ek bachcha saath hai saath chalenge saath raajya karenge brahma baap ke saath shivbaaba saakshi ho jaayega। saathi banne vaale ho to baapdaada samaan banna hi hai। achha - har ek bachche ko baapdaada ki taraph se is varsha ki mubaarak hai aur aage varsha ki bhi mubaarak hai ki sada baap samaan banna hi hai। achha।

mohini behen se:- sankalp kiya mujhe karna hai to kar liya yeh aapki taakat hai। samajh jaao hona hi hai।

daadi jaanki se:- pyaar hai pyaar aapka pahunchta hai। (sabhi daadiyon se) baapdaada aap sabhi ko dekh karke khush hota hai kyon? kyon khush hota hai? kyonki yagya rakshak ban yagya ko chalaane mein aage badh rahe ho। sab nimitta hain na। (nirmala behen se) achha kiya।

(rookamni daadi) baapdaada jaante hain ki sabhi apni tabiyton ko chala rahe hain lekin aap nimitta ho na। to nimitta to chalaayenge hi to har ek nimitta samajh khud bhi chale aur yagya ko bhi chalaaye। jimmevaar group hai। samjha। sab ek ek jimmevaar hai।

pardaadi se:- aapki kamre mein baithe baithe sahayog ki kirnen yagya mein phailti hai। sada khush rehti hai isliye chehra sada khushnuma hai। khush hai khushanseeb hai।

da ashok mehta se:- abhi theek hai! kamzori khatma ho rahi hai? (abhi operation karna shuru kiya hai) jitna chalenge na utna achha hota jaayega। aur achha part bajaaya lekin ek baat dhyaan mein rakhna ki buddhi ko sadaiv baap ke saath lagaake rakhna। buddhi mein aur baaton ka prabhaav nahin pade kyonki yeh buddhiyog ki hi kamaai hai। ekdam jo beeta so beeta uska chintan varnan nahin। usmein se bhi nuksaan se bhi phaayda uthaana kyonki baap ki nimitta aatma ho na। to aap mein baap dikhaai deve। sab yahi kahe ki jaise baap hai yeh baap samaan hai। aise ho sakta hai? apni buddhi ko bahut khush nyaara aur pyaara to kamaal ho jaayegi parivaar mein example ban jaayenge। achha hai jo kiya woh achha abhi achhe te achha।

aachaarya pramod krishnam ji se:- apna parivaar dekha। apna hi ghar hai apna hi parivaar hai। apne ghar mein aaye ho। baap ko khushi hai ki bachcha apne ghar mein pahunch gaya।

puneet issar:- (mahaabhaarat mein duryodhan ka part bajaaya hai) dekho aaj apne parivaar mein pahunch gaye ho। yeh parivaar achha lagta hai na! (adbhut) to aisa hi aapko banke banaana hai। bahut lucky hai jo madhuban mein pahunch jaate hain na jo madhuban pahunchte hain unka luck sada hi khula hua rehta hai। bahut achha। (mahaabhaarat mein duryodhan ka part bajaaya hai) abhi badal gaye abhi duryodhan nahin abhi baap ke kaarya ka saathi ban gaye। yeh bhi saathi ban gaye।

baapdaada se alag-alag vi.aai pi mil rahe hain:- (bhagavti prasaad minister uttarapradesh dhananjay munde em.L.A.mahaaraashtra tatha parivaar)

1) apna ghar lagta hai to apne ghar mein aati raho। baapdaada ka vardaan yahi hai sada khush raho aur khushi baanton।

2) dekho jitna sahayogi bante jaayenge utna yogi bante jaayenge। seva mein sahayogi bante jaao to yogi ban jaayenge। padhaai zaroor padho। eeshvareey padhaai mein accurate।

3) jaise chal rahe ho vaise chalte aage badhte jaao achhe ho badhte raho।

4) apna ghar samajhkar sahayogi ho sahayogi yogi to karmayogi ban part baja rahe ho aur bajaate rahenge। karmayogi yeh shabd yaad rakho। karma kitna bhi karo lekin yogi। yog nahin chhodna। yeh bhi karmayogi।

5) dekho murli se pyaar hai iska arth hai baap se bhi pyaar hai। to baap se pyaar hai varse ke adhikaari banna। banengi।

6) abhi is kaarya ko samajh to gaye ho abhi ismen jitna sahayogi banenge utna yog lagta rahega। mehnat nahin lagegi kyonki sahayog aage badhaata hai। to karmayogi। sirf karma nahin yog bhi। to karmayogi aatma hoon yahi yaad rakhna।

nirma group ke karsan bhaai aur yugal se:- baapdaada ne dekha ki double part achha baja rahe ho। murli aur yaad isko bhi chala rahe ho aur apne kaarya mein bhi aage badh rahe ho। isko kaha jaata hai karmayogi। karma bhi yog bhi achha। karmayogi bachcha hai।

toleevud (haidraabaad) ke mega star - chiranjeevi bhaai aur yugal surekha behen:- abhi yahaan bhi seva aur yog ismen bhi hero banna hai। yahaan hero ke saath zero bhi banna hai। aur yeh saathi hai। donon saath hain। ekmat ho gaye na। to ekmat hone mein bahut sahaj ho jaata hai bahut sukhi। yeh yaad rakho sirf hero nahin zero। bas aage badhenge sirf yeh shabd nahin bhoolna ‘mera baba’। mera kahne se saara varsa mil jaayega। to ek do se aage aap apni reeti se yeh apni reeti se।

aasheesh gupta apna pees aaph mind channel shuru kar rahe hain:- aap bhi karaane vaale nahin karne vaale banna। saathi ho na। jo bhi shubh kaarya hota hai usmein saathi banna bada punya hota hai। to sirf chalaane vaale nahin aap bhi saathi ban ke sabhi ko utsaah mein laana। aapka kaam hai utsaah dilaana। aap sirf nimitta ho। aap shubh bhaavna rakho bas। shubh bhaavna rakhna to aata hai na। aapki shubh bhaavna anekon ko shubh bhaavna bithaayegi। achha।