बुधवार 19 अक्टूबर 2011 की अव्यक्त मुरली

19-10-11om shanti avyakt baapdaada madhuban

“follow father kar brahma baap samaan vyartha samay,vyartha sankalp ke vijayi, karmaateet ban mukti ka get kholne ke nimitta bano,is deevaali par har ek aapas mein milkar sanskaar milan ki raas ka sankalp karo”

aaj baapdaada apne chaaron or ke meethe-meethe pyaare-pyaare bachchon ko dekh rahe hain। sabhi bade pyaar se apni yaad de rahe hain। itna pyaar sirf baap ko hi karte hain। yeh parmaatma pyaar sirf abhi praapta hota hai। har ek bachcha pyaar mein lavleen hai। baap bhi har bachche ko pyaar ka respond de rahe hain। vaah bachche vaah! chaahe sammukh hain, chaahe door hain lekin har ek bachcha baap ke dil mein samaaya hua hai। sabke dil mein yeh geet baj raha hai itna pyaar karega kaun! yeh baap aur bachchon ka aatmik pyaar har bachche ko deh se nyaara aur baap ka pyaara banaane vaala hai aur yeh pyaar abhi hi bachchon ko praapta hota hai। yeh pyaar bachchon ko kya se kya banaane vaala hai। yeh pyaar sirf is ek janma mein praapta hota hai। baap bhi bachchon ka sneh dekh bachchon ke sneh mein sama jaata hai।

aaj baapdaada har ek ke mastak mein teen bhaagya dekh rahe hain। ek baap ke swaroop mein praapta varse ka bhaagya, doosra shikshak ke roop mein shreshtha shiksha ka bhaagya aur teesra satguru ke roop mein vardaanon ka bhaagya। har ek ka mastak in teenon bhaagya se chamak raha hai। baapdaada bhi apne bhaagyashaali bachchon ko dekh harshit ho rahe hain। chaahe sammukh baithe hain, chaahe door baithe hain lekin dil mein najdeek hain। aise bachchon aur baap ka pyaar saare kalpa mein is samay hi praapta hota hai। yeh pyaar ka anubhav auron ko bhi kara rahe ho। abhi koi-koi log samajhte hain ki in brahman aatmaon ko kuchh mila hai। kya mila hai, uska spashteekran hota ja raha hai। baap ne dekha ab is platinum jubilee ka chaaron or prabhaav hai aur bachchon ne bhi dil se seva ki hai aur aage bhi plan banaaya hai। to baapdaada bhi chaaron or ke bachchon ko mubaarak de rahe hain vaah bachche vaah! yeh 75varsha apne-apne purooshaartha anusaar karte nirvighna banke; banaake pahunch gaye ho। abhi baap bachchon se kya chaahte hain? baap ko sada har bachche mein yahi aasha hai ki har bachcha baap samaan ban jaae। jaise brahma baap vijayi bane,aise har bachcha sada vijayi bane। iske liye jaise brahma baap ne kya kiya?follow father। to aap sabhi bhi har kadam uthaate pahle check karo ki yeh kadam brahma baap ne kiya? brahma baap ne har bachche prati chaahe jaante the ki yeh bachcha kamzor hai, purooshaartha mein bhi, seva mein bhi lekin kamzor ke oopar aur hi raham aur kalyaan ki bhaavna rahi। aise hi baapdaada sabhi bachchon ko bhi yahi kehte apne parivaar ke harek bhaai ya behen prati shubh bhaavna, shubh kaamna, raham aur kalyaan ki drishti se unke bhi sahayogi bano। baapdaada ne pahle bhi sunaaya ki pyaar ki subject mein har ek bachcha yatha shakti paas hai। pyaar ke kaaran hi aage badh rahe hain। abhi baapdaada bachchon ke pyaar ko dekh khush hai। pyaar ki subject ke kaaran har ek bachcha nambarvaar chal raha hai। abhi baapdaada chaahte hain ki pyaar mein kuchh kurbaani bhi ki jaati hai। baap se pyaar hai isliye kaun si kurbaani karni hai? jo baapdaada chaahta hai woh samajh to gaye ho,samajhte ho na baap kya chaahta hai? samajhte ho? kaandh hilaao। samajhte ho?to karna hai iski bhi himmat hai na! hai himmat haath uthaao। himmat hai? achha। to himmate bachche madde baap hai hi।

abhi baapdaada chaahte hain,result mein dekha to abhi tak sampoorn pavitrata ke hisaab se vyartha sankalp bhi apvitrata ka beej hai। to baapdaada ne dekha yeh vyartha sankalp chalna, yeh majority bachchon mein ab bhi sanskaar raha hua hai। ek vyartha sankalp aur doosra vyartha samay yeh majority bachchon mein ab bhi dikhaai deta hai। aur vyartha sankalp ka aadhaar hai man, jo manamnaabhav hone nahin deta kyonki baapdaada ne kaaphi samay se ishaara de diya hai ki jo kuchh hona hai woh achaanak hona hai। to achaanak ke hisaab se baapdaada ne check kiya majority bachchon mein yeh vyartha sankalp ka sanskaar hai। to jab brahma baap vyartha samay,vyartha sankalp ke vijayi ban karmaateet hue to follow father।

baapdaada ne dekha ki man hai to aapki rachna, aap man ke rachta ho to man ko chalaane vaale ho। man ki controlling power, ruling power ke maalik ho lekin phir bhi man kahaan dhokha de deta hai। hai aapki rachna, mera hai na! lekin controlling power kam hone ke kaaran dhokha de deta hai। man ko ghoda bhi kaha jaata hai lekin aapke paas shreemat ki lagaam hai। hai na lagaam! to kabhi bhi agar man vesta sankalp ki taraph le jaata, lagaam ko tight karne se apne ko vyartha sankalp ki thodi bhi apvitrata ko khatma kar sakte ho। man ke maalik ban,jaise brahma baap ne roz man ki checking ki, aise roz check karo aur vyartha sankalp ko samaapta karo। to aaj baapdaada yahi chaahta hai ki is vyartha sankalpon ko samaapta karo। bure sankalp kam hain, vyartha jyaada hain lekin ismen time bahut jaata hai। man ke maalik ban man ko aise busy karo jo aur taraph aakarshit ho aapki lagaam ko dheela nahin kare। ho sakta hai yeh?aaj baapdaada vyartha sankalp ke samaapti ka sabko sankalp de rahe hain। ho sakta hai?haath uthaao jo samajhte hain vyartha sankalp bhi samaapta, ceremony manaayenge। vyartha samay bhi bachaana hai। samay aur sankalp donon ko bachaana hai kyonki baapdaada sabka chart dekhte hain। to chart mein yeh kami majority mein dekhne aai। man ke maalik hi vishwa ke maalik banne hain। jaise baap brahma manjeet ban vishwa ka maalik ban gaya,abhi to aapke liye, bachchon ke liye aavaahna kar rahe hain,aapki advance party bhi aavaahna kar rahi hai। sunaaya tha chaar baje advance party vaale bhi vatan mein aate hain, to poochhte hain kab mukti ka get kholenge? kisko kholna hai? aap sabhi mukti ka get kholne vaale ho na! aapka sampoorn banna arthaat mukti ka get khulna। to baapdaada se advance party roohrihaan karti hai kab tak?to baap aapse poochhte hain kab tak? to kya javaab denge? pahli line vaale bolo, kab tak? har kaarya ke liye date fix karte ho na! to is kaarya ki date kab tak? brahma baap to pharishte roop mein aavaahna kar rahe hain। bata sakte ho date?bolo, date fix kar sakte hain? abhi date fix hai?paandav haath uthaao, date fix hai? nahin hai। kyon? deedi kehti hai baba ham logon ko lagan thi ghar jaana hai,ghar jaana hai,ghar jaana hai। daadi kehti hai hamko lagan thi karmaateet hona hai, karmaateet hona hai…। to aap sabhi ka to deedi daadi se pyaar hai na। hai to sabhi se kyonki jo bhi advance party mein gaye hain un sabhi se aapka pyaar to hai। abhi uske prashn ka uttar do। to aapas mein roohrihaan kar ab kuchh javaab taiyaar karna। karenge?

aaj to double foreigners ke milan ka din hai na! to double foreigners bhi aapas mein raay karke date bataana aur bhaarat vaale bhi is par charcha karke bataana। hai javaab। haan bolo, bolo…। jo bole woh haath uthaao। (mohni behen Newyork - baba date aap fix kariye, ham log ever ready hain)nahin aap fix karo na। taiyaar aapko hona hai na। baap to kahega ki is deevaali par deevaali karo। ever ready। ever ready? kahenge jaldi hai। isliye kehte hain aap bataao। (da.nirmala behen ne kaha - baba ek saal do) achha, ismen shaamil ho, yeh kah rahi hai ek saal। jo samajhte hain ek saal woh haath uthaao। bada haath uthaao। achha। ek saal vaalon ka naam note karo। achha hai। doosre sab muskaraate hain। bolo। (nirvair bhaai ne kaha - now aur never,aaj abhi hona hai) to taali bajaao। achha,bahut achha। to abhi abhi sabhi apne man mein yeh promise karo ki kabhi bhi vyartha sankalp nahin aane denge। yeh ho sakta hai?abhi se kehte hain now aar never, to kam se kam yeh sab promise karte hain ki abhi se na vyartha sankalp,na vyartha samay ganvaayenge?ismen jo taiyaar hain woh haath uthaao। majority ne uthaaya hai। jo samajhte hain ki time lagega woh haath uthaao। koi nahin। woh thode hain jo kehte hain, haath utha rahe hain thode thode। achha to is deevaali par yeh ek dridh sankalp karna,jinhonne majority ne haath uthaaya hai woh svaaha karna iseelie aap sabki taraph se dridh sankalp ke liye aaj cake kaatenge। pasanda hai na! aaj ka cake is dridh sankalp ka soochak hai kyonki sabhi chaahte hain, agyaani bhi chaahte hain ki ab kuchh hona chaahiye, ab kuchh hona chaahiye lekin taakat nahin hai। aap bachchon mein to sankalp ko poorn karne ki taakat hai। follow father hai na। brahma baap ka janma hi dridh sankalp se hua hai। karna hai, sochenge nahin, kya karoon, kya nahin karoon, karna hai। us ek dridh sankalp ne itne bachchon ka bhavishya banaaya। ek brahma baap ne kitni himmat rakhi। aadha hissa mila aur yagya racha। yagya ke brahman rache aur ab desh videsh ki aatmaayen pahunch gai hain,ek brahma baap ke dridh sankalp ke kaaran। to dridh sankalp kya nahin kar sakta। yeh to example hai aapke aage। sankalp karte ho bahut achhe achhe sankalp baap ke paas pahunchte hain lekin usmein dridhta kam hoti hai। koi baat saamne aai na to dridhta kam ho jaati hai। dridhta saphalta ki chaabi hai।

dekho,dilli vaalon ne dridh sankalp kiya,karna hi hai। ho gaya na! sochenge, dekhenge,yeh nahin kiya। sabka dridh sankalp,nimitta banen jaise nimitta banen yeh bachchi, bachche,lekin sabka sahayog aur dridh sankalp usne practical saphalta laai। ismen sabne saath diya aur ekmat hue। haan na, haan na nahin, ek dridh mat hui to dridhta mein itni shakti hai। jo kaarya aarambha karte hain usmein pahle dridh sankalp ka beej daalo, uska phal nikalna hi hai। yeh itna 75 varsha kaise beeta, brahma baap aur bachchon ke saath ne dridh sankalp se 75 varsha poore kiye। umang-utsaah se badhte badhaate rahe, tab yeh 75 varsha poore kiye। abhi yeh sankalp karo aaj vyartha samay,vyartha sankalp samaapta karna hi hai। jab vyartha samaapta ho jaayega to sada shreshtha sankalp ka khazaana kamaal dikhaayega।

to aaj double foreigners ka vishesh milan divas hai। baapdaada khush hai double videshi bachche chaaron or double seva achhi kar rahe hain। ek svayan ka purooshaartha aur doosra aatmaon ki seva, donon baat mein achhi himmat rakh aage badh rahe hain। baapdaada is double seva ki mubaarak de rahe hain। mubaarak ho, mubaarak ho। aaj vishesh inhon ka din hai, to inhon ko mubaarak de rahe hain। mubaarak aapko bhi hai, bhaarat vaalon ko bhi mubaarak hain। jaise dilli mein nimitta bane na yeh brijmohan, aasha nimitta banen aur inhon ke saath madadgaar thi gupta roop mein guljaar bachchi। aur ekmat haan ji,haan ji karne mein saari dilli mein umang raha aur practical kiya। haan na nahin kiya। karna hi hai। to yeh ek mat hona arthaat saphalta। saphalta aap bachchon ka har ek ka janma siddha adhikaar hai। usko use karo। albele nahin bano। ho jaayega, kar lenge, yeh nahin socho। karna hi hai,yeh hai braahmanon ki bhaasha। to baapdaada vaise to sabhi bachchon par khush hai lekin aaj dilli vaalon ne bhi kamaal dikhaai, baapdaada ne dekha ki government ke vishesh log jo nimitta hain unko achhi tarah se sandesh pahunch gaya ki brahmaakumaariyaan jiske liye samajhte the, yeh kya karengi। kuchh galat phahmi bhi thi lekin yeh 75 varsha ka sunke abhi yeh samajhte hain ki yeh jo chaahen woh kar sakte hain isliye jo bhi nimitta hain government mein unhon tak aavaaj achha pahuncha hai, yeh kamaal hai ekmat ki।

to baapdaada double videshiyon ko dekh khush hai,vriddhi bhi kar rahe hain aur double seva ki taraph se attention achha hai। sirf baapdaada yeh ishaara phir bhi de raha hai ki aapas mein sanskaar milan ki raas karo। yeh nahin socho,centre to achha chal raha hai, service to achhi ho rahi hai lekin jab ek parivaar hai, prabhu parivaar hai, laukik parivaar nahin prabhu parivaar hai। prabhu parivaar ka arth hi hai ek do mein shubh bhaavna, kalyaan ki bhaavna। ek do mein yahi sankalp rahe ki ham sabhi saath-saath ek do ko aage badhaate mukti ka get kholke saath jaana hi hai। isliye har centre mein aisa vaayumandal ho jo samajh mein aave yeh 8nahin, 10nahin lekin 10 hi ek hain। abhi sanskaar milan ki raas har ek apne man mein deevaali mein sankalp karo। ek bhi aatma ek do se door nahin ho, sab ek ho। to is deevaali par sanskaar milan ki raas karna। man mein dridh sankalp karna ki ek bhi mere se bhaari nahin ho, sab halke। sanskaar nahin milte hain to bhaari hote hain। to baap samajhte hain ki is sankalp se get ka darvaaja kholne ke liye jaldi taiyaar ho jaayenge। check karo koi bhi hamaare se naaraaz nahin,lekin bhaari bhi nahin hona chaahiye। ho sakta hai yeh?ho sakta hai?kaandh hilaao ho sakta hai। ho sakta hai haath uthaao। to is deevaali par achhi raunak ho jaayegi।

double foreigners,baapdaada dil mein roz double foreigners ko emerge karte hain, kyon?kyon emerge karte hain? kyonki double foreigners nimitta bane hain saare vishwa mein baap ka naam baala karne ke liye। kis baat par? ki jab yeh bhaaratvaasi nahin hain, foreigners hain inhonne apna bhaagya bana liya to ham kyon rah jaaen। yeh prerna is dilli ke programme se bhaarat mein achhi phaili hai isliye baapdaada seva ke nimitta aap sabhi ko emerge karte hain। bhaarat ko jagaayenge,jaga rahe hain aur aage bhi aise vi.aai.pi taiyaar karenge jo bhaarat ko jagaayenge। unka anubhav bhaarat vaalon ko jagaayega। baapdaada ko yaad hai shuru-shuru mein bahut vi.aai.Ps le aate the। programmes karte the। abhi yeh seva nahin hai। aise vi.aai.pi taiyaar karo jo stage par apna anubhav sunaayen। abhi jyaada cultural dikhaaya, anubhav bhi sunaaya lekin thoda time tha,abhi aise vi.aai.pi laao jo bhaarat vaalon ki takdeer ko jagaaye। abhi bhi jo foreigners aur bhaarat ki seva ikaththi ki uska bhi prabhaav achha raha। ab mil karke aisi seva ko badhaate chalo। aur mukhya baat apne ko har ek chaahe bhaaratvaasi chaahe foreigners jaldi jaldi aise sampanna banaao jo aap sabki sampannata mukti ka get khol de। achha।

(90 deshon se 2400 double videshi aaye hain, usmein600 naye bhaai bahinen aaye hain)mubaarak ho। baapdaada ko khushi hai ki bichhude hue bachche aaj apne parivaar aur baap se mil rahe hain। to bahut achha abhi sabhi ko teevra purooshaarthi banna pade kyonki thode samay mein number aage lena hai। to teevra purooshaarthi ban aage se aage badhte chalo। phir bhi mubaarak hai jo pahunch gaye hain। baapdaada ek ek ko dekh harshit ho rahe hain। abhi bahut sahaj yaad ki yaatra dvaara apne ko sampanna banaake aage se aage badhne ka prayatna karenge aur aage ho sakte hain, peechhe aane vaale bhi peechhe nahin rehna, aage badhna। achha।

(global hospital ke 20 saal poore hue hain)hospital ne anek aatmaon ko parivaar mein laaya hai। aabu ki hospital ke baad logon mein yeh vibration jo tha yeh pata nahin kya karte hain,abhi yeh sochte hain ki yeh double seva kar rahe hain। shareer ke liye bhi aur aatma ke liye bhi double part baja rahe hain iske liye jahaan bhi seva kar rahe ho to seva ki mubaarak hai, mubaarak hai। baapdaada ko achha lagta hai ki double doctor bane hain, double sevaadhaari bane hain। abhi har ek aur bhi aage badhte rehna। achha। achha hai seva mein achhe hain। achha –

chaaron or ke chaahe saamne baithe hain, chaahe kahaan bhi baithe hain lekin sabka attention madhuban mein hain। baapdaada ko dekh rahe hain,majority to dekh hi rahe hain। baapdaada bhi sabhi bachchon ko, chaaron or ke bachchon ko sada harshit rahne vaale, sada double purooshaarthi,double purooshaarthi arthaat sva ke purooshaartha mein bhi aur seva ke purooshaartha mein, aise double purooshaarthi aur double nishchay aur nashe mein rahne vaale, sada baap ke saath rahne vaale,sada aapas mein bhi kalyaan aur raham ki shubh bhaavna mein rahne vaale, ek-ek bachche ko naam sahit baapdaada dil ki yaad pyaar de rahe hain।

lekin aaj ki baat vyartha sankalp ki samaapti ki bhool nahin jaana। baapdaada ke paas record to pahunch hi jaata hai। baapdaada dekhenge kitne teevra purooshaarthi bachche hain aur ek do ko bhi umang utsaah de aage badhaane vaale hain। agar koi galat bhi karta hai to uske prati woh galat karta hai, aur aap uski galti ka man mein sankalp karte ho, yeh karta hai, yeh karta hai, yeh karta hai… yeh bhi khatma karo। unko sahayog do,shreshtha bhaavna do, aisi seva karte saare sangathan ko shreshtha sankalp vaale banaana hi hai। koi centre par kabhi bhi koi ek do ke prati koi bhi aur bhaavna nahin ho,shubh bhaavna,shubh kaamna,theek hai na! bahut achha। abhi sabhi bachchon ko baapdaada mubaarak ke saath dil ka yaadapyaar bhi saath mein de rahe hain।

daadi jaanki ji se:- videsh aur desh donon ko refresh karne ka achha part bajaaya। nimitta to aap ho na। banaane vaala baap hai।

mohini behen:- tabiyat theek hai, chalaati chalo। kyonki jyaada chal gai hai, thoda time lagega,lekin baap ki nazar hai। (aapka vardaan hai) vardaan to baba hai hi vardaata। achha hai, sabhi milke chala rahe ho to baapdaada ek ek ke oopar raazi hai। kahaan bhi kaise bhi chala rahe hain। achha hai।

(guljaar daadi sab kuchh karte gupta rehti hai)uska bhi gupta part tha। gupta number aage hota hai,pata hai।

nirvair bhaai se:-baapdaada to khush hai। baap to sabhi bachchon ke saath hai। madad hai।

brijmohan bhaai se:-achha kiya,dilli ne naam baala kiya। achha kiya, nimitta bante hain koi lekin sabka saath,sabka umang yeh ikaththa ho gaya to chaarchaand lag gaye। aur kisi ka bhi na shabd nahin nikla। (shanti behen se) shareer ko chalaana achha aata hai। samay par kaam nikaalna, yeh achha kiya। lekin madad bhi koi leve। baap ki madad to hai lekin samay par leve। achha kiya। sabhi mein umang aa jaayega abhi।

dilli vaale milkar karenge, kamaal to karna hi hai। himmat rakhi na। himmat se sabki madad, baap ki bhi madad। sabhi ne achha kiya,apne-apne sthaan par achha kiya। to dilli ko mubaarak ho।

pardaadi se:- brahma baap ko dekhna ho to ismen dekho। achha hai। bahut achhi himmat aur umang utsaah mein rehti ho isliye beemaar nahin lagti ho। (rookamni behen se)achha sambhaalti hai। aap sambhaalne vaalon ko bhi mubaarak ho।

videsh ki badi mukhya bahinon se:-(baapdaada ko mubaarak di) aapko bhi ho। aap nahin hote to yeh kaise aage badhte। abhi vi.aai.Ps laao। pahle aap vi.aai.Ps laate the। abhi vahaan seva karke unhon ko taiyaar karo kyonki aajkal logon ko akhbaar mein samaachaar bahut milta hai। saamne thode se aate hain lekin akhbaaren kai gharon mein samaachaar pahunchaati hain। vi.aai.pi ka samaachaar akhbaar zaroor daalte hain। (videsh mein 40 varsha ki seva ka manaaya) sabhi ne milke kiya to logon ke man mein aaya ki yeh koi chhoti sanstha nahin hai। videsh mein bhi jahaan tahaan muslim student hain, unka thoda aavaaj bulanda karo। unka aana chaahiye ki muslim bhi aate hain। centre hain lekin chhipe hue hain। abhi Buddhist ki service nahin hui hai,Buddhist ka koi aisa sample nahin hai, woh bhi hona chaahiye। (shreelanka, China mein hain) abhi stage par nahin aaye hain। (vajeeha ne yaad di hai)vajeeha ko bahut bahut yaad dena।

ramesh bhaai se:- (pair ka operation achha ho gaya) aap theek rehte hain na, to jo mukhya nimitta hain woh theek rehte hain to sabko khushi hoti hai। achha kiya time ke pahle kara liya, yeh theek hai aur sabhi ki aapko shubh bhaavna bahut hai। har ek jo bhi nimitta hain,unhon ki aapko aasheervaad bahut hai। (baambe mein bhi aisi seva ho uske liye prerna do) haan ho jaayega,kya badi baat hai। abhi ek example (dilli mein) hua to sab prerna lenge, karenge।