बुधवार 18 जनवरी 2012 की अव्यक्त मुरली

> > 18-01-12 om shaantiavyakta baapdaadaamdhuban

‘‘sevaaon ke saath-saath ek do ke sahayogi ban vaayumandal mein teevra purooshaartha ki lahar phailaao, manjeet ban aatmaon ki mansa seva karo’’

aaj vishesh sneh ka din hai। chaaron or ke bachche sneh swaroop se milan mana rahe hain। aap sabhi bhi sneh swaroop mein magan hain। aaj amritvele se chaaron taraph ke bachche amritvele se bhi pahle sneh roop se dil ke sneh ke motiyon ki maalaayen lekar pahunch gaye the। anek prakaar ke bhinna-bhinna man ke bhaavon ko baap ke aage varnan kar rahe the। aap jaante ho ki bachchon ka sneh kitna pyaara hai। bhinna-bhinna bhaashaayen, bhinna-bhinna bhaav se baapdaada ke aage apne dil ki baat bol bhi rahe the aur naynon se mukh se apne bhaav bhi spashta kar rahe the। baapdaada chaaron or ke bachchon ke sneh ke bhaav dekh sabhi ke sneh mein sama gaye aur dil se yahi bol nikle vaah bachche vaah! aur bachchon ke mukh se vaah baba vaah! ke geet sunaai de rahe the। baapdaada har bachche ko dekh bachchon ke lav mein leen the aur bachche baap ke lav mein leen the।

aaj ka din baap bachchon ko baalak so maalik banaane ki drishti se dekh rahe the। aaj ka din bachchon ke raaj tilak ka din hai। aaj ke din baapdaada svayan pharishte roop mein rahkar bachchon ko vishwa seva arth nimitta banaaya। svayan backbone banen,bachchon ko vishwa stage par pratyaksha kiya aur baapdaada abhi bachchon ki seva ko dekh,jo jimmevaari di uski result ko dekh bachchon par bahut-bahut khush hai aur dil se mubaarak de rahe hain। mubaarak ho, mubaarak ho।

baapdaada ne dekha abhi bhi baap dvaara diye hue vishwa sevaadhaari ka vardaan har bachche ne ati sneh aur dil se kiya hai aur kar rahe hain। result bhi baapdaada ne dekhi,har ek bachche ke dil mein lagan hai mera baba aur baap ke dil mein sneh hai vaah mere bachche। vartamaan samay majority chhote bade centres nivaasi bachchon mein umang hai ki abhi jaldi se jaldi chaaron or baap ko pratyaksha karna hi hai। yeh umang, yeh utsaah baapdaada ne chakra lagaake dekha, chhote bade sevaakendra ke bachchon ko seva ka umang bahut-bahut-bahut achha hai aur aage bhi achha rahega। to baapdaada aaj sneh ke din chaaron or ke chaahe desh, chaahe videsh sabhi bachchon ko apne drishti se, dil se sneh aur seva ka return dil ka sneh yaadapyaar padamguna de rahe hain।

abhi samay anusaar jo umang hai ki baap ko pratyaksha karna hai, woh dheere-dheere aatmaon ke dil mein bhi aane laga hai। samajhte hain ki brahmaakumaariyon ne kuchh paaya hai, parivartan ho raha hai। pahle jo samajhte the pata nahin kya karte hain,abhi yahaan tak aaye hain ki achha kaarya kar rahe hain। jo ham nahin kar sakte woh inhonne apne sangathan mein saphalta paai hai isliye aaj baapdaada saamne baithe hue bachchon ko va chaaron or jo bhi bachche sun rahe hain,dekh rahe hain sabhi bachchon ko dil ka sneh,dil ka pyaar vishesh de rahe hain। abhi aage kya karna hai? seva ki mubaarak to baapdaada ne de di, ab baapdaada yahi chaahte hain ki abhi har ek bachche ko yeh umang-utsaah,dridh nishchay,teevra purooshaartha karna hai ki ab baap samaan pharishta banna hi hai kyonki abhi sabhi ko baap ke saath return journey karni hai। samaan pharishta banna hi hai kyonki sabhi ka vaayda hai saath chalenge,saath raajya karenge। to brahma baap bhi pharishta ban gaya, to saath kaise chalenge? brahma baap ne jeevan mein hi pharishtaapan ka swaroop dikhaaya। kitni jimmevaari rahi! sabhi ko yogi banaana hi hai lekin itni jimmevaari hote bhi aap sabne dekha nyaara aur pyaara raha। sada bephikra baadshaah raha,phikar nahin bephikra baadshaah। aise hi aap bachchon ko bhi abhi baap samaan bephikra baadshaah pharishta banna hi hai। yeh dridh sankalp hai, banna hi hai! ki yeh sochte ho ban hi jaayenge!

abhi baapdaada ne dekha ki abhi samay anusaar jitna seva ka umang-utsaah practical mein hai itna hi abhi teevra purooshaarthi banna aur banaana,sampanna banna aur banaana,is point ke oopar bhi abhi svayan bhi umang-utsaah mein rehna aur vaayumandal mein bhi umang-utsaah dilaana। ek do ke sahayogi ban ab vaayumandal mein teevra purooshaartha ki lahar phailaao। jaise ek do mein seva ka umang vaayumandal mein phailaaya hai aise abhi baapdaada bachchon mein yahi shubh aasha rakhte hain ki yeh lahar vaayumandal mein phaile। baapdaada khush hai lekin abhi bhi purooshaartha hai,teevra purooshaartha karna hai। abhi har bachche mein baapdaada ki yahi aash hai to har bachcha baap ke aashaaon ka sitaara ho na! hain? jo samajhte hain ham baap ke aashaaon ke sitaare ban yeh umang-utsaah vaayumandal mein phailaayenge woh haath uthaao। achha। haath to bahut achha uthaate hain। baapdaada haathon ko dekhke khush ho jaate hain। majority ne haath uthaaya hai,peechhe vaalon ka dikhaai nahin deta lekin aage vaalon ka dikhaai diya। abhi utha rahe hain peechhe vaale bhi, mubaarak ho, mubaarak ho। achha। baapdaada ne dekha ki vishesh man mein koi bhi baat ka umang-utsaah aata hai to woh kaarya saakaar roop mein achha ho jaata hai isliye baapdaada is baari sneh ke din mein yeh homework de raha hai ki har ek bachcha man ke kaaran jo sankalp aur samay vyartha jaata hai, agar kabhi bhi koi vyartha sankalp aa jaata hai to sabhi ko anubhav hoga ki usmein time kitna vesta jaata hai। inarja kitni vesta jaati hai। to baapdaada yeh homework dene chaahta ki yeh do maas har ek bachcha man ke vyartha sankalp aur vyartha samay ki bachat ka apne prati vidhi banaave। in do maas mein har ek apna chart rakhe ki vyartha samay, vyartha sankalp ke oopar kitna control kiya? kyonki abhi samay ke pramaan aap sabhi ko mansa shakti dvaara aatmaon ki mansa seva karne ka samay hoga। iske liye sada man ke oopar attention rakhna zaroori hai। kaha hua bhi hai manjeet jagatjeet। to manamnaabhav ke vaayumandal mein man ke vyartha ko sampanna karna hai। kar sakte hain? karenge?woh haath uthaao। baapdaada inaam dega। apni result aap dekhna। man khush to man ki khushi baantenge। yeh purooshaartha mein number sabhi aage se aage lene ka attention rakho। vyartha samaapta, sankalp samay donon samaapta aur samartha sankalp,samartha samay aane vaale samay mein vaayumandal mein phailega।

baapdaada ek baat par bachchon ko dekh khush hai। kaun si baat par?ki har bachche ne seva to ki hai lekin saath mein jo baapdaada ka ishaara hai ki double raaja bano। jaante ho na! ek svaraajya adhikaari aur doosra bhavishya raajya adhikaari। svaraajya adhikaari aur baap ko nasha hai ki aisa aur koi baap nahin jiska har bachcha svaraajya adhikaari ho। aap sabhi svaraajya adhikaari ho na! sva par aatma raajya karne vaali hai। karmendriyon ke vash nahin,raajya adhikaari। to baap yahi chaahte hain ki har ek bachcha svaraajya adhikaari sada rahe, kabhi kabhi nahin। ban sakte hain? yeh do maas jo diya hai, ismen note karna svaraajya adhikaari rahe?ya karmendriyon ke vash ban gaye?abhi karmaateet banna hai, samay sameep aa raha hai। to kya karna hai? chalte-phirte svaraajya adhikaari banna hi hai। yeh sanskaar aap brahman bachchon ke hi hain। double raajya, svaraajya aur phir bhavishya mein vishwa raajya। baapdaada chakra lagaate bachchon ka result note karte hain to sada svaraajya adhikaari ismen abhi attention chaahiye। to do kaarya baapdaada ne diya ek yeh do maas svaraajya adhikaari kahaan tak rehte? woh apni result dekhni hai aur saathsaath man ki controlling power, ruling power dvaara vyartha samaapta karna hai। ismen jo number lenge usko baapdaada inaam dega। pasanda hai? karna hai na! karenge?karenge na! kaandh hilaao। achha।

baapdaada ne aaj sabhi ka jo sneh hai woh sveekaar kiya। amritvele to vatan mein bhi bahut bachchon ki rimjhim thi। advance party bhi vatan mein aaj apne dil ka sneh dene liye, lene liye aaye the। ab woh baap se poochhte hain ki aakhir hamaara yeh part kab tak?kya javaab den? pahli line vaale bataao kya javaab den? kya kaha? (daadi jaanki ne kaha ham ready hain) aap akele jaayengi? (sabhi jaayenge) aapka pyaar hai na,aise chhodkar raajya kaise karenge। (advance party vaale hamko kyon chhodkar chale gaye) unhon ka part tha na। unhon ko jaana hi tha। abhi aap yeh koshish karo ki jaldi jaldi sangathan taiyaar karo। jo do maas kaam diya hai na, agar yeh kaam aap sabhi ko kara denge, result nikaalenge to jaldi ho jaayega। (baba ke sneh mein kar lenge) sneh to hai,sneh mein sabhi paas hai। baapdaada bhi dekhte hain ki sneh sabka hai lekin sneh ke saath shakti bhi chaahiye। iske liye amritvele ko powerful banaao, baithte hain baapdaada baithne ki mubaarak dete hain lekin jo baithne ka vaayumandal shaktishaali chaahiye, koi kaise baithta hai,koi kaise baithta hai। agar aap photo nikaalo na, to aapko khud lagega ki aur kuchh hona chaahiye। jo baapdaada ne jvaalaamukhi yog kaha, uske oopar abhi aur gahra attention dena। purooshaartha karte hain sabhi lekin purooshaartha ke aage teevra shabd jodo। abhi baapdaada ne har bachche ko yeh do maas diye hain, ismen jitna attention denge to attention ke saath baapdaada bhi extra aapko sahayog dega। man ke maalik, man ko aise chalaao jaise paanv aur baanh ko chalaate ho। jo chaahte ho woh karte hain na। abhi aap chaaho yahaan nahin yahaan rakhoon to rakh sakte ho na। aise mind control, jo chaahe vahi man sankalp kare। roz raat ko result dekho aaj man ki ruling power,controlling power kahaan tak rahi? abhi vyartha ko samaapta jaldi-jaldi karna chaahiye ab samartha ban vaayumandal mein samarthapan ki shakti phailaao। baapdaada to bachchon ka duhkh darda, pukaar sun karke bachchon dvaara abhi jaldi samaapti karaane chaahte hain। sunaaya na, purooshaartha sab kar rahe hain lekin abhi add karo teevra। karna hi hai,karenge, dekhenge… yeh ge-ge nahin chalega।

sneh ka nazaara bhi aaj dekha, har ek ke dil mein kitna pyaar hai lekin jitna pyaar hai na, saath mein utna shakti bhi chaahiye। abhi shakti ko bharo। kabhi bhi koi bhi bahnen apne ko sirf shakti nahin, shivshakti samjho। shivshakti,baap saath hai। paandavon se paandavapti saath hai। to abhi kya karenge? jo baapdaada ne kaha hai purooshaartha ke aage teevra shabd lagaao। vaayumandal banaao। ek do ke sahayogi ban har ek apne-apne sthaan par rehte hain, sthaan ko shaktishaali banaao, saathiyon ko shaktishaali banaao। to kya karenge abhi?naveenta karenge na! jab mera baba kehte hain, to‘mere’jaisa banna to padega na। har ek apne dil mein dridh sankalp karo, sankalp achhe-achhe karte ho, amritvele baapdaada dekhte hain ki sankalp achhe karte ho yeh karenge, yeh karenge, yeh karenge lekin jab karmayogi bante ho, sambandh-samparka mein aate ho usmein pharka ho jaata hai। karmayogi ki sthiti usmein attention jyaada chaahiye। achha।

sabhi khush to hain na! khush hain? dekho naye-naye bhi kitne aate hain। jo naye pahli baar aaye hain woh haath uthaao। dekho kitne hain? aadha class naye aaye hain। baapdaada aaye hue naye bachchon ko dekh khush hai kyonki last samaapti ke samay se to pahle aa gaye hain। lekin jitna let aaye ho itna hi teevra purooshaartha karna padega kyonki is thode time mein aapko poore 21 janmon ka bhavishya banaana hai। itna attention rakhna padega। samay ko bachaana, second bhi vyartha nahin ganvaana। teevra purooshaarthi rehna, saadhaaran purooshaartha se pahunchna mushkil hai। phir bhi baapdaada aaye hue bachchon ko dil se mubaarak de rahe hain। mubaarak de rahe hain। achha।

seva ka tarna Indore zone ka hai, 7 hajaar aaye hain:-achha। Indore zone ki teachers haath uthaao। baapdaada teachers ko mubaarak de rahe hain। baapdaada sabhi teachers ko mubaarak kyon de rahe hain?kyonki baapdaada ne dekha ki Indore ki seva mein nimitta jo bane hain woh seva ki result achhi dikha rahe hain। jo bhi vahaan ke vishesh nimitta bane hain, baahar vaale unhon se connection achha hai। sandesh achha diya hai abhi aage kya karna hai? ismen to theek hai, iski to baapdaada mubaarak dete hain। lekin jitna sambandh-samparka mein hain, inhon ko abhi vaaris banaao। samparka vaale hain lekin vaaris quality baap ke aage laao। la sakte ho,connection achha hai। (khaansi aa rahi hai)

aaj rath ki tabiyat thodi dheeli hai। phir bhi baapdaada to milne aa gaye। baapdaada ko bachchon ko dekhkar khushi hoti hai vaah bachche vaah! yahi dil se nikalta hai। jitna aap dil se vaah! baba vaah! kehte ho usse jyaada baapdaada vaah! bachche vaah! kehte hain। to Indore vaale connection jo hai usko thoda sameep laao। la sakte ho। ummeendavaar hain। ummeendavaar ko saamne laao। achha। phir bhi seva ke nimitta aa gaye ho baapdaada bhi khush hote hain ki ekagyek zone ko bahut achha yeh chance milta hai। jyaada se jyaada sankhya laane ka chance milta hai, to yeh programme bahut achha banaaya hai। har ek zone ko chance milta hai lekin chance leke phir uska result bhi nikaalna,baapdaada ke saamne laane ka। achha।

double videshi 400 aaye hain:- bahut achha। double videshi yagya ka shrringaar hain। jab bhi aate hain na to yagya ka shrringaar ho, sabhi kitne khush hote hain kyonki aapki ek visheshta achhi hai, jo bhi karna hai na woh phauran karte ho,lamba nahin karte ho। baapdaada dekhte hain ki umang-utsaah jyaada badhta ja raha hai। koi bhi aisa tarna nahin hota jismen double videshi nahin hon। to baapdaada double videshiyon ko title deta hai double purooshaarthi। abhi karke dikhaana। double purooshaarthi banke result dikhaana। baapdaada ko maaloom hai seva badhti rehti hai,samaachaar aata rehta hai। seva bhi achhi hai,abhi sirf jo aaj kaha na,purooshaartha ke aage teevra shabd sada lagaao। to teevra purooshaarthi bachche sada baapdaada ko apne dil mein rakhte aur baapdaada har bachche ko apne dil mein rakhte। sabke dil mein baapdaada hai na। haath uthaao। dil mein kaun rehta hai? baapdaada। aur baapdaada ke dil mein aap bachche hain। baapdaada, jin bachchon ne khaas yaadapyaar bheji hai unhon ko khaas yaadapyaar de rahe hain। jayanti bachchi ne bhi bahut dil se yaadapyaar bheja hai, gaayatri bachchi ne bhi bheji hai aur kiska bhi naam tha,to jinhonne vishesh yaadapyaar bheji hai, baap ne bhi unhon ko vishesh yaadapyaar di hai। aur agar kisi ki koi bhi aash hai to us aash ko poora karte hue unhon ko aage badhaate chalo। aashaayen inhon ki kharaab nahin hoti hain, achhi hoti hain। seva ka umang bhi achha hota hai to jinhonne khaas yaad bheji hai unhon ko baapdaada padamguna yaadapyaar de rahe hain। achhi all-round sevaadhaari hai। aise nahin kaho aur yaad nahin hain, yaad sab hain lekin unhonne vishesh bheji hai isliye vishesh de rahe hain। kamaal hain, koi zone mein videshi miss nahin hote hain। (vajeeha ne bahut pyaar se yaad karke patra likha hai) bachchi achhi yaad mein rehti hai। baapdaada ne dekha ki bachchi ki beemaari ne kitnon ka kalyaan kiya hai। doctors bhi isko dekhkar khush hote hain ki beemaar dekhne mein nahin aati hai,jitni beemaari hai! khushmijaaj rehti hai। isko kaha jaata hai beemaari ke oopar vijayi। beemaari apna kaam kar rahi hai aur bachchi apne yaad ke kaam mein busy hai। yeh bhi double videshiyon ka example hai। to double videshiyon ko baapdaada dil se yaadapyaar bhi dete hain aur vishesh mubaarak dete hain madhuban ka shrringaar banke aane ka। achha lagta hai na aap logon ko? sabhi bachchon ko bhi aap logon ka aana dekh karke khushi hoti hai। sabke dil se vaah! vaah! nikalti hai। abhi kamaal to ki hai jo jagah-jagah par apna sandesh diya hai lekin abhi vaaris quality taiyaar karo, videsh se vaaris laao taiyaar karke। kar sakte ho kyonki sabmen fast jaane vaale ho na। to yeh bhi kar sakte ho। achha।

teachers bahinen bahut aai hain:-teachers ko dekhkar to baapdaada bahut khush hote hain kyonki jo nimitta teachers bani hain,woh baapdaada ko pratyaksha karne ke nimitta bani hui hain। koi bhi teacher ko dekhte khush hote hain kyonki teachers maana hi jiske features se future dikhaai de। future aapka kya hai?future hai sada dilkhush,sada adhikaari,adheen hone vaale nahin। to teachers ke features yeh saakshaatkaar karaate hain। har ek teacher sada yahi samjhe kahaan bola, kahaan nahin bola bhale,lekin aapke features vartamaan samay ki praapti aur bhavishya ki praapti aapki shakla dikhaati hai। sada yeh attention rakho ki hamaara chehra aisa saakshaatkaar karaane vaala hai?koi bhi teacher ke saamne aaye,teacher ko dekh ek to khushmijaaj ho jaae, khushi uske jeevan mein dikhaai de। aise khushnuma aur khushkismat ho। baapdaada ne dekha hai har ek teacher ka lakshya achha hai। karna hi hai। banna hi hai। aise hai na?lakshya kya hai? yahi lakshya hai na! to yeh lakshya lakshan mein dikhaai deta bhi hai aur jyaada dikhaai dena chaahiye। jo bhi aave khushi zaroor le jaaye kyonki khushi har manushya ko aavashyak hai। chaahte hain lekin ban nahin paate hain to teachers maana features dvaara bhi seva kare। anubhav karen ki yeh kya ban gai hai! abhi aage chal karke aapka chehra aur chalan yeh seva jyaada karega kyonki jaise samay naajuk aayega to samay kam milega lekin chaahna badhegi, kuchh mile, kuchh mile। iske liye teachers ko sada aise ever ready rehna chaahiye, jo koi aave woh kam se kam kuchh leke hi jaave। chehre aur chalan dvaara bhi kuchh na kuchh leke jaaye। daata ke bachche ho na! baapdaada to teachers ko dekhkar bahut khush hote hain। dil hi dil mein gun gaate hain vaah teachers vaah! kyonki har ek teacher seva to karte hi hain aur apni result raat ko bhi dekhte honge ki aaj ki seva kya hui! apna chart to aapehi dekhte hain। jo lakshya rakha seva ka woh hua। agar nahin hua kaarne akaarne,to doosre din double karo। khaali nahin chhodo kyonki teachers maana nimitta daata ke bachche daata। to baapdaada to khush hote hain chaahe chhote centre ki hain chaahe bade centre ki hain lekin tyaag karke sevaasthaan par aana yeh bhi himmat hai na। to baapdaada aapki himmat par to khush hai। ab aarai saathi banaao। aarai bhi teachers nikaalo kyonki seva badhni hi hai। abhi thoda hangaama hoga aur sab utkantha se aapke aage aayenge। service badhne vaali hai,kam hone vaali nahin hai। achha hai, ek zone ki hain aur doosri to thodi hongi। (2000 teachers aai hain) mubaarak ho teachers ko।

kalkatta vaalon ne bahut achha shrringaar kiya hai:-kalkatta vaalon ne yeh seva bahut achhi dil se li hai। baapdaada dekhte hain shrringaar kya bhi ho lekin dil se karte hain। baapdaada dil dekhte hain ismen,shrringaar nahin dekhta woh to chalte-phirte dikhaai de deta hai lekin dil se karte hain iski mubaarak ho, mubaarak ho। achha hai। vaise bhi kalkatta brahma baap ki divya janma bhoomi hai। achha hai। aapki incharge daadi bhi wonderful part baja rahi hai। abhi sabhi zone ko baapdaada kehte hain abhi seva vaaris quality laao abhi ismen number lo। sevaasthaan badhaaye aur baap ke bachche bhi badhaaye iski to mubaarak hai lekin abhi har zone lakshya rakhe vaaris quality badhaao। baapdaada hamesha kehte hain ki mike bhi ho vaaris bhi ho,aisi quality badhaao। jiske kahne se, ek ke kahne se anek prabhaavit ho jaaen। isko kehte hain quality। achha।

chaaron or ke ati snehi, sahayogi,serviceable bachchon ko baapdaada sneh ke din ki, sneh bhari yaadapyaar de rahe hain aur saath-saath baapdaada har snehi bachchon ko yeh baat kah rahe hain ki ab har bachche ko teevra purooshaartha mein number one ka lakshya rakh banna hi hai aur drama banaayega hi। sabhi bachchon ko chaaron or ke kahaan bhi baithe hain, baapdaada sabhi ko dekh rahe hain kaise umang-utsaah se baithe hain,sun bhi rahe hain, dekh bhi rahe hain। ek-ek bachche ko sneh bhari yaadapyaar aur mubaarak ho, mubaarak ho।

daadiyon se:- achha dekho,sabhi daadiyaan jo bhi hain na nimitta woh bahut pyaari hain। (daadi guljaar bahut achhi hai) aap nahin hoti to kya karte। sabhi daadiyaan bhi pyaari hain,nyaari hain। (baba ki duaayen bahut hain)

mohini behen se:- yeh bahaadur hai,theek ho jaayegi। baapdaada chala raha hai na। yeh bhi chal rahi hai,baapdaada chala raha hai। thoda bahut hisaab chuktu karke chal to rahi hai,aa to gai। bahut achha।

baapdaada ko har bachcha aisa pyaara hai,chaahe daadiyaan aage aati hain aap nahin aate ho lekin baap ko har bachcha pyaara hai। aise nahin samjho ham to door se dekhne vaale hain,dil mein rahne vaale hain। achha।

pardaadi se:- aapka zone aaya hai, dekha kitne achhe-achhe aaye hain। achha।

(teenon bhaaeeyon ne baapdaada ko guldasta diya) aapki trimoorti bhi achhi hai।

(ramesh bhaai ne godly vud studio ka photo baapdaada ko dikhaaya aur bataaya ki 26January ko udghaatan hai) bahut achha, abhi khoob chalaana, sabhi jor deke chalaana। nai-nai baaten karna, hongi। seva maana meva khaana। seva nahin kar rahe ho meva kha rahe ho। (oosha behen ko bahut umang tha seva ka) uski bhaavna kaam karegi। jo bhaavna seva ki rahi na, uske dil mein bhaavna rahi seva ho,seva ho, woh kaam karegi। seva ka umang tha tabhi to parivaar ko bhi pyaari, baap ko bhi pyaari। (ramesh bhaai se) aapki tabiyat theek hai? chalaao।

bhoopaal bhaai se:- abhi officer theek ho gaya। abhi kuchh na kuchh karta rehta hai। usko yog se theek karo aur jaakarke thoda seva karo। jisse usko lage ki yeh kitne shabhchintak hain। yeh anubhav zaroor karen। theek ho jaayega phir। achha।

golak bhaai se:- (bahut mehnat karta hai) mehnat ka phal isko andar mil raha hai। mehnat vyartha nahin jaati। mehnat ka phal yeh hai jo sabka pyaar hai,yeh phal hai। koi baat ho jaati hai woh baat doosri hai,lekin dil ka pyaar hai। achha।

naaraayan daada aur manoj se:- donon aaye hain bahut achha। achha hai aa gaye na। har tarna mein aapko aana chaahiye। pahle aate the,abhi kabhi-kabhi aate ho। kabhi-kabhi baba ko achha nahin lagta। aana chaahiye kyonki baap chaahte hain ki har aatma aage se aage badhe। aayenge, jaayenge,milenge khushi hogi। chehra khushnuma ho jaayega aur vichaar khatma ho jaayenge। vichaar karte ho na! woh khushmijaaj ho jaayenge kyonki phir bhi gyaan mila hua hai na। yeh bhi khush। aap donon ko to aisa khush rehna chaahiye jo koi poochhe kahaan se mili khushi। hona chaahiye। achha hai। khush rahenge na to problem sab khatma ho jaayengi, guarantee hai। sochte ho na, khush raho। jitna khush rahenge utni tabiyat bhi achhi aur sabhi dekh karke bhi khush ho jaayenge। phir bhi sambandh hai na, parivaar se, kitne sambandhi hain। kahaan bhi raho lekin seva karo chehre se। jo bhi dekhe kaun hain yeh, kahaan se aaye hain। paalna to li hai na।