शनिवार 2 फ़रवरी 2013 की अव्यक्त मुरली

> > 02-02-13 om shanti avyakt baapdaadaamdhuban

“baap ke sneh mein samaate hue, shaktiyon dvaara man ko control kar sada manjeet, jagatjeet bano”

aaj baapdaada har ek bachche ko dekh harshit ho rahe hain। har ek bachcha chaahe sammukh hai,chaahe door hai lekin baapdaada ke sneh mein lavleen hai। baapdaada bhi har bachche ke sneh ko dekh harshit ho rahe hain। har ek bachche ka chehra sneh mein samaaya hua hai aur baapdaada bhi har bachche ko dekh, lavleen bachchon ko dekh sneh mein samaaye hue bachchon ko dekh khush ho rahe hain। har ek bachche mein teen vardaan dekh rahe hain। ek baap ke swaroop mein varse ka vardaan, doosra shikshak ke roop mein shreshtha shiksha ka vardaan,teesra guru ke roop mein vardaanon ka vardaan। teenon hi vardaan ka swaroop dekh harshit ho rahe hain। chaahe yahaan baithe hain,chaahe door baithe hain lekin har bachcha sneh mein lavleen hai। baap bhi bachchon ke sneh mein lavleen hain। yeh sneh har bachche ko lav mein leen ka anubhav kara rahe hain। yeh sneh ashareeri banaane ka saadhan hai|

baapdaada har bachche ko dekh khush hain। kya geet gaate hain?vaah bachche vaah! yeh sneh ashareeri banaane vaala hai। baap bachchon ko dekh kya kehte hain? vaah bachche vaah! sada is sneh mein samaaye raho, yeh parmaatma sneh har ek ko parmaatma pyaar mein samaane vaala hai। baapdaada har bachche ke naynon mein har ek bachche ka bhaagya dekh rahe hain। is ek janma mein 21 janmon ka bhaagya bana rahe hain। har ek ke man mein parmaatma pyaar anubhav ho raha hai। yeh parmaatma pyaar ek janma mein itna shreshtha bana raha hai jo aatma lavleen ban, ashareeri ban apne ghar paramdham jaayenge, saath mein apne raajya ke adhikaari ban jaayenge।

aaj baapdaada bachchon ko vishesh vardaan de rahe hain sada baap ke sneh mein samaate hue manjeet jagatjeet banna। sada man ka maalik ban manjeet bano। kai samajhte hain man ke maalik banna yeh mushkil hai lekin baapdaada kehte hain man ko aap mera man kehte ho na, jaise aur karmendriyaan meri hain to woh control mein har kaarya karti hain vaise manjeet jagatjeet banna mushkil nahin hai। aaj har bachche ko baap manjeet, jagatjeet banaane chaahte hain। man ko shaktiyon dvaara control kar manjeet banna hi hai। baapdaada har bachche ko aaj sada man ka maalik, manjeet jagatjeet banaane chaahte hain। mera hai, mere ka maalik hoon,jaise chaahoon maalik ban man ko chalaana isse khush rahenge। jaise in haath paanv ko order mein chalaate ho kyonki mera hai, aise man ko bhi shakti swaroop ho chala sakte hain lekin maalik ban chalaana to manjeet jagatjeet ban jaayenge। is shaam samay par paramatma baap dvaara vardaan milte hain। vardaata baap har bachche ko vardaanon se jholi bhar dete hain। ek janma mein anek janmon ka bhavishya bana sakte ho।

aaj baapdaada dekh rahe hain kai aatmaayen apne ghar mein pahunch gai hain। baapdaada sabhi ko ati sneh aur shakti roop se mubaarak de rahe hain। saath mein vardaan bhi de rahe hain। vardaan kya hai? sada shakti swaroop aatma ban in karmendriyon ko chalaane vaale master ban, manjeet jagatjeet ban, sada khush rehna aur khushi baantana kyonki aaj vishwa ki aatmaayen apne-apne kaarya karte hue khushi ke bajaae anek circumstance mein apne ko majboor samajhti hain। majboor ko majboot karo। khushi baanto। sansaar ki haalat to dekh hi rahe hain lekin apne ko nyaara aur baap ka pyaara ban us pyaar mein lavleen raho। achha!

aaj jo aaye hain woh jara uthna। aaj jo vishesh nimantran par aaye hain unhon ko utha rahe hain। (vi. aai.Ps. ka guldasta aaya hai) baapdaada bachchon ko dekh khush hain ki apne ghar mein pahunch gaye hain। apna ghar lagta hai? lagta hai haath uthaao। baapdaada bhi khush ho rahe hain bachchon ko dekh aur geet ga rahe hain vaah bachche vaah! kyonki aaj vishwa ko aavashyakta hai apne khushnuma jeevan ki। to ek-ek anek aatmaon ko parichay de is bhaarat ko jaise bhaarat ooncha tha, vaise banaana hai। baapdaada bhi khush hai। aap sabhi apne parivaar ko dekh khush hain na। dekho do-do haath utha rahe hain। bahut achha। aaye hain apne ghar mein, apne baap apne parivaar se milne। baapdaada yahi vardaan dete hain ki khushi kabhi nahin gavaanna। khush rehna aur khushi baantana।

seva ka tarna karnaatak zone ka hai - 11 hajaar aaye hain:- baapdaada itne sab bachchon ko dekh vaah bachche vaah!ka geet ga rahe hain। baapdaada ne dekha har ek zone apne zone ko aage badhaane ke prayatna mein lage hue hain aur yeh jo zone-zone aata hai yeh system bhi har ek bachche ko chance deta hai,jyaada mein jyaada laane ka। baapdaada bhi ek-ek bachche ko dekh khush hote hain। dekho kitne aadha class ek hi zone se aaye hue hain। baapdaada karnaatak zone ko vishesh vardaan de rahe hain – sada ek-do mein milte kamaal karte rahenge। koi bhi programme banaao kamaal ka banaana। baapdaada ko karnaatak zone kyon pyaara hai? kyonki karnaatak se service karnaatak mein achhe vistaar se badh rahi hai, badhti rahegi। karnaatak vaalon ko sada baapdaada yahi vardaan deta hai ki sada khushi-khushi se karnaatak mein sabhi bhaai bahinon ko parmaatma sandesh zaroor pahunchaao। koi rah nahin jaaye। baapdaada khush hai ki seva kar bhi rahe ho aur karte bhi rahenge। achha hai jo karnaatak se pahle baari aaye hain woh khade raho baaki baith jaao। achha aadha class to pahle baari ka hai। achha hai apne ghar mein aaye lekin baapdaada se poora varsa le ke vaaris banke hi jaana। baapdaada khush hai abhi teachers jo baapdaada ne kaha hai manjeet jagatjeet, man ke maalik ban yeh title zaroor lena hai। manjeet jagatjeet|

dabalvideshi:- double videshi,baapdaada abhi double videshi nahin kehte। baapdaada kehte double purushaarthi aur baapdaada ne dekha videsh purushaartha mein attention bhi vishesh de rahe hain। baapdaada aap aaye hue videshiyon ko bahut-bahut vardaan dete hain ki sada badhte rahenge aur anekon ko baapdaada ka vardaan dilaayenge। baba ne dekha hai ki seva ka shauk bhi achha hai,saath-saath sva ko aage badhaane ka purushaartha bhi achha chal raha hai isliye baapdaada vishesh double pyaar dete hain। jahaan jo bhi hai woh attention deke tension free rehte hain। baapdaada khush hai, badh rahe ho aur badhte rahenge। ek baap doosra na koi, is purushaartha mein attention hai aur attention tension ko samaapta kar raha hai। to baapdaada double videshiyon ko double pyaar de rahe hain।

to sabhi aage ke liye kya lakshya rakhenge? sabhi ko yahi lakshya rakhna hai ki svayan bhi shaktishaali ban auron ko bhi baapdaada ka parichay de vaaris banaane ki seva karenge। abhi har ek centre apne aane vaale bhaai bahnon ko vaaris kyaaliti banaao। vaaris quality arthaat jo sada baap ke saathi ban khud bhi chale aur anekon ko bhi baap ke saathi banaave। baapdaada khush hai chaaron or ki service achhi badha rahe hain। har ek ko umang hai। jaise baapdaada ne suna dilli mein programme banaaya hai, aise hi is shivraatri par har ek zone programme banaae। kam se kam apne shahar mein shivraatri par shivbaaba ke kam se kam bachche zaroor banaayen। programme to sab karte hain lekin har programme se vaaris kitne banaaye, sameep kitne aaye, yeh bhi result nikaalo। baaki sabhi jo aaj baapdaada ne bataaya manjeet,jagatjeet yeh avashya banna hai। man ke vyartha sakalpon ko samaapta kar vyartha ko vidaai de do nahin to vyartha sankalp bhi samay nikaal dete hain। to aaj ka paath manjeet jagatjeet banna hi hai। mera man hai, to mere ke oopar raajya hota hai। to har ek yeh swaroop apna banaao aur doosron ko bhi sahayog do। aaye hue mehmaan, baapdaada khush hai ki apna ghar to dekh liya। abhi kya karenge?ab doosre baari aap visitor nahin,ghar ke ban ghar vaale auron ko banaayenge। manzoor hai na!pasanda hai,haath uthaao। baapdaada dekh raha hai। achhe hain। abhi visitor nahin,ab ghar ke maalik, baalak so maalik। visitor apne ko visitor hi samajhte hain ya ghar ke baalak so maalik samajhte hain। jo samajhte hain baalak so maalik hain woh haath uthaao। baapdaada hajaar guna aapko mubaarak de rahe hain। achha lag raha hai। dekho,variety group hai। jo auron ki seva ke nimitta bane hue hain donon utho। (sabha mein do mahaatmaayen,sanyaasi baithe hain) baapdaada ko bahut pyaare ho isliye auron ko bhi baapdaada ke pyaare banaane vaale ho। achha hai aap bhi apne anubhav se anekon ko anubhvi banaane vaale ho।

kumbha mele mein bhi bahut achhi sevaayen chal rahi hain:-baapdaada ne bhi suna, bachchi jo nimitta hai(manorma behen)unko baapdaada koti-koti pyaar de rahe hain। sabhi mehnat achhi kar rahe hain। baapdaada bachchi ko roj amritvele yaad karta hai kyonki yaad karne se bachchi mein umang-utsaah aa raha hai aur usi umang- utsaah se kar rahi hai। yeh baapdaada ko samaachaar milta rehta hai। bachchi ko bahut-bahut yaadapyaar|

achha-sabhi yahaan se jaate kya karenge? aap samaan banaayenge na। har ek ko yeh sankalp ho ki humein jo jaante nahin hain unko parichay de sandesh to de do, ulhana nahin deven aapko। aapne to humein bataaya nahin। apna ulhana zaroor utaaro। jo bhi connection mein hain unhon ko sandesh dena aapka pharja hai। adosi- padosi samparka vaale yeh ulhana nahin den hamko to itna pata hi nahin tha। programme kar rahe hain, achha hai। shivraatri par kam se kam yeh to pata pad jaae,aapke parichay vaalon ko to shiv paramatma ka kaarya chal raha hai। ulhana nahin den ki hamko to aapne bataaya hi nahin kyonki samay par koi bharosa nahin,kuchh bhi hona hai achaanak hona hai। yeh achaanak ki baat sabhi ko dhyaan mein rakhni hai। apna bhavishya aur auron ka bhavishya jitna banaana chaaho abhi chance hai। baapdaada ek-ek bachche ko mubaarak de rahe hain। aage badh bhi rahe ho lekin raphtaar ko aur tej karo। chaaron or ke bachche baapdaada ne dekha kitni yaad mein baithte hain aur baapdaada bhi chakra laga ke sabhi bachchon ko pyaar bhi dete hain aur pyaar ke saath-saath mubaarak bhi dete hain। chaaron or umang achha hai। ab duhkh se chhudaao। ab apna raajya aane do। to sabhi bachchon ko chaahe videsh,chaahe desh,chaahe gaanv,har ek bachche ko baapdaada bahut-bahut-bahut yaad aur pyaar de rahe hain।

daadi jaanki se:- (baba aap pighla dete ho)abhi bahut seva karengi। kar rahi ho aur bhi karengi। seva ke liye nimitta ho। chalega,shareer chalega। achha chalega।

mohini behen abhi lotas house mein hain:- achha hai hisaab-kitaab chuktu kiya abhi aur double purushaartha kar aage jaayegi। har ek ko aage badhna hi hai। baapdaada bahut bahut bahut yaadapyaar de rahe hain। (mohini behen ke saath unke saathi sevaadhaariyon ne bhi yaad di hai) sevaadhaariyon ne pyaar se seva ki hai uski mubaarak to hai lekin aage bhi aisa nirvighna bana ke aise taiyaar karen jaise kuchh hua hi nahin।

pardaadi se:- theek hai। aapki soorat baap ki yaad dilaati hai। aap bolo nahin bolo lekin aapki soorat seva karti hai।

nirvairbhaai se:- abhi seva karni hai, aise chhutti nahin hai। yeh sab nimitta hain। seva ke liye abhi to bahut chance hai। karo, khoob dhoom machaao। (aap saath hain to karenge hi)karna hi hai।

kunj daadi ne ahamdaabaad hospital se yaad di hai:-usko yaad dena,baba ki shuru se laadli rahi hai। abhi bhi laad aur pyaar shareer ko chala raha hai। baapdaada ki najar hai, seva achhi ki hai। (desh-videsh ke bahut se bhaai-bahinon ne yaad bheji hai) sabhi jinhonne bhi yaad bheji hai unko padmapdam baar respond hai। achha।

brijmohan bhaai se:-plan achha banaaya hai। sahaj hai na, sab khush ho jaate hain। ahinsa ki achhi topic uthaai hai kyonki ahinsa ko aaj bhi aadhe log to maante hain। to ahinsa ka sun ke aur bhi attention denge।

ramesh bhaai se:- (naari suraksha abhiyaan shivraatri par nikaalenge)achha hai,sangathan roop mein aavaaj bada karo। is baari sab centres milkar umang-utsaah se seva karo। jo topic vartamaan samay ki hai usko uthaao। jaise soch rahe ho woh achha hai। chaaron or aise topic rakho jo sab samjhen ki yeh duniya ke vaayumandal ko theek karne chaahte hain। aur aajkal brahmaakumaariyon ke oopar sabka pyaar hai, pahle jo woh kehte the na, abhi pyaar hai seva dekh karke, vriddhi dekh karke khush hain। (ramesh bhaai ka 80 vaan barthade mana rahe hain) mubaarak ho।

do.banaarsi bhaai se:- apne jaisa saathi nahin banaaya hai। abhi bhi saathi nahin banaaya hai। inko apne jaisa saathi banaana chaahiye kyonki kahaan bhi jaate ho to peechhe koi nahin। to patient ko aaraam nahin milta। (prataap bhaai hai) prataap bhaai to apne kaam mein hai na,in jaisa free nahin hai। theek hai।

om shanti।