गुरुवार 24 अक्टूबर 2013 की अव्यक्त मुरली

> > 24-10-13 om shaantiavyakta baapdaada madhuban

“vartamaan vaayu mandal pramaan mansa shakti dvaara powerful sakaash dene ki seva karo, vriti dvaara vratiyon ka parivartan karo”

har ek bachche ka pyaar baap ko mil raha hai। pyaar ke respond mein baapdaada bhi har bachche ko padamguna pyaar de rahe hai। har ek bachcha sneh mein samaaya hua hai। baapdaada bhi snehi bachchon ko dekh baar-baar dil mein kehte hain vaah bachche vaah ! baap ko bachchon ke bina suna-suna lagta hai aur bachchon ko baap ke bina suna-suna lagta hai।

aaj har bachche ke mastak mein baap ka sneh samaaya hua hai। baap ka dil kehta ek-ek bachcha vaah bachche vaah hai। aaj vishesh double videshi bachchon ka milan din hai। to baapdaada videsh ki seva mein santushta hai। bhaarat ki seva bhi kam nahin hai lakin aaj din ke pramaan baapdaada ne dekha ki videsh ki seva bhi achhi vistaar ko pa rahi hai। achhe-achhe bichhde hue bachche apna varsa lene aa gae hain। samay apne nazaare dikha raha hai lakin bachche apni seva mein aage badh rahe hain chaahe desh, chaahe videsh। baapdaada bachchon ki seva mein khush hai aur har shreshta kaarya ki result ko dekh dil se kehte vaah bachche vaah! double videshi bhi chaaron aur sandesh dene mein, parichay dene mein kam nahin hain aur bhaarat ke bachche bhi seva mein kam nahin। baapdaada donon ki seva dekh khush hai। saath-saath man ki sthiti mein nambarvaar hain। abhi baapdaada yahi chaahte hen sva sthiti aur seva ki sthiti donon mein teevra ho। baapdaada yahi chaahte hain ki har bachcha sada achal adol aage se aage badhta jaae। duniya ke vaayumandal pramaan abhi bachchon ko mejoriti powerful sakaash se vaayumandal ko parivartan karne ki mansa shakti ki is samay aavashyakta hai। mansa shakti ko aur powerful kar mansa shakti dvaara aajkal ke prabhaav ko parivartan karne par or jyaada attention dena aavshayak hai। aajkal ke hisaab se sunne sunaane ki shakti ke bajaay vriti dvaara vratiyon badalne ki aavashyakta hai। baapdaada ne dekha vritiyaan badalne ki shakti ko aur jyaada kaarya mein lagaana hai।

to aaj double phorenersa ka vishesh din hai। baapdaada vishesh double phorenersa ko padamguna shaabaash de rahe hain। kyon ? deshvaale bhi kam nahin hain lakin videsh ke vaatavran anusaar seva ki vridhi achhi kar rahe hain isiliye aaj vishesh unhon ka din hai। baapdaada ne saare videsh ke deshon mein chakra lagaate hue dekha ki mejoreeti seva ka attention achha hai। bhaarat bhi kam nahin hai,bhaarat vaale bheebhinna-bhinna programmes,bhinna-bhinna umang-utsaah ke saadhan bana rahe hain। baapdaada service ko dekh donon taraph khush hai lakin abhi ke vaataavran pramaan mansa shakti dvaara vaayumandal ko parivartan karne ki aavashyakta hai। baaki baapdaada bachchon ka umang dekh khush hai।

aap sabhi bhi chaahe bhaarat chaahe videsh donon bhi har bachcha apne sva-unnati aur seva ki unnati dekh khush hain ? abhi mansa shakti dvaara vibration change karna,vaataavran change karna uski aavashyakta hai। yeh sunne sunaane se nahin hoga lakin ampane man ki shubh kaamna, manushyon ki vriti ko, drashti ko, kriti ko parivartan kar sakti hai। to aaj baapdaada ek-ek bachche ko videsh chaahe desh har bachche ko sevaaon ke vridhi ki mubaarak de rahe hain। achha।

videshvaale aapas mein bhi achha sangathan karke sevaaon ki lenden kar ke achha aage badh rahe hain।madhuban mein achha chance milta hai। aapas mein milneka,aapas mein roohrihaan karne kaava seva ke plan banaane ka,baapdaada sab dekhte hain kaise bachche aapas mein sangathan banaake seva ko aage badha rahe hain। baapdaada mubaarak de rahe hain। bhaarat bhi kam nahin hai। baapdaada donon ko dekhte rehte hai। seva ka umang utsaah donon taraph achha hai। result bhi achhi hai,baapdaada khush hai। abhi svaraajya adhikaari banne ki vidhi ko practical mein anubhav karna, is taraph bhi atenshanaat dena hai। aaj aavashyakta hai man ki shakti dvaara parivartan karne ki। man ki vritiyon ko parivartan karne ki। abhi chaaron aur jaise bhrashtaachaar, bhrashtaachaar ki baaten chal rahi hain abhi is vaataavran ki man ki shakti dvaara parivartan kar sab ke man mein parmaatma yaad ka umang-utsaah paida karo। achha। abhi kya karna hai।

1)Europe,middle east -ek-ek ratna mahaan aur mahaaveer hai, baapdaada ek-ek mahaaveer bachche ko vishesh dil ka yaadpyaar de rahe hain। achha hai,sangathan badhta ja raha hai iski badhaai hai। achha।

2)ostreliya-eshiya - achha sangathan hai। baapdaada ek-ek bachche ko dekh, ek-ek bachche ke dil mein gun ga rahe hain। vaah bachche woh !

3)America-kairrebiyan sahit -baapdaada ek-ek bachche dekh, unke bhaagya ko dekh vaah har ek ka bhaagya, dekh-dekh khush hote hain। har ek ki mahima ek do se aage hai। bahut achha sangathan mein milke aaye hain, jitne kadam uthaaye utne padam ikaththe kiye isliye ek-ek bachche ko jitne bhi baithe hain, chaahe desh chaahe videsh vaale ek-ek bachche ko baapdaada padamguna mubaarak de rahe hain।

4)aphreeka-maurishiyas - haath hilaao। sada aage badhnevaale aur badhaane vaali aatma ho। baapdaada har bachche ka vartamaan aur bhavishya dekh harshit ho rahe hain। sada aage badhte aur badhaate rehna। koi bhi agar thoda bhi kamzor hota hai to unko apne sahayog dvaara chaahe svayan chaahe badon se sahayog dilaate rehna। paropkaari ban sva upkaar aur par-upkaar donon ko attention mein rakhte aage se aage badh rahe hain, ye chaik karte, badhte bhi rehna aur badhaate bhi rehna। baaki baapdaada videsh ke group ko total dekh karke khush hai ki vridhi ko praapta kar vidhi poorvak ud rahe hain,udte rahenge।

5)Russia -teachers,unke liye to taali bajaao। teachers arthaat jinke features se baapdaada dikhaai de। unke naynon se unke har bol se mera baba,pyaara baba anubhav ho। teachers ko nahin dekhen lekin teachers mein baapdaada dikhaai de। aise hai bhi aur baapdaada har teacher ko yahi kehte ki aage badho aur aage badhaate baap samaan banaate chalo। vaah teachers vaah! mehnat ka phal dekh rahe hain। aapki mehnat ka phal dikhaai deta hai। bahut achha। abhi yahi har ek mein koshish karo ki har ek ke features mein future dikhaai de। aasha ke deep dikhaai den। abhi hamaara raajya aaya ki aaya। yeh umang utsaah har ek ke features mein dikhaai de। bahut achha।

pahli baar aanevaale double videshi -bhale padhaare apne ghar mein aaye। baapdaada ko khushi hoti hai ki bichhde hue bachche apna varsa lene apne ghar mein pahunch gaye। sabki taraph se, saare parivaar ki taraph se aap sabko laakh-laakh badhaaeeyaan ho,badhaaeeyaan ho।

teachers ki teacher kaun? baapdaada to hai lekin baapdaada ke aap bhi (daadi jaanki) saathi ho। achha attention to rakhte hain। chaahe bhaarat ki teachers,chaahe videsh ki, sab teachers ko aaj baapdaada dil ka pyaar de rahe hain। achha। aaj to double foreigners ka din hai na। baapdaada ko khushi hai sada khush to hai lekin khushi mein khushi hai। aap sabhi bhaaratvaasi bachchon ko phoren ki seva dekh khushi hoti hai na! hoti hai? baapdaada ko hoti hai। kyon?vishwa ka pita hai na। bhaarat ka hi pita nahin hai,sirf bhaarat nahin lekin vishwa pita hai। vishwa pita ko pratyaksha karnevaale nimitta yeh bhinna-bhinna phoren ke bachche hain। to baapdaada aaj ek-ek bachche ko badhaaiyaan de rahe hain,vaah sevaadhaari bachche vaah! achha।

(baapdaada drishti dete vaapas chale gae,phir se aahvaahan kiya gaya)

daadiyon se - aankh michauli ho gayi (daadi jaanki ji ne kaha, baba aapne itni khushi di main kya doon) aapne sab de diya। kuchh hai hi nahin,sab de diya।

videsh ki bahinon se -achhi phulvaadi banaayeen hai baapdaada ko pasand hai। achhe umang utsaah mein chal rahe hain। aap sabki mehnat ka phal achha nikla hai।

sabhi ko vishesh yaadapyaar। seva ki mubaarak ho। sada aage badhte rehna,badhaate rehna।

kamlamni daadi se -theek hain abhi uth jaao। palang par nahin jaana। baith ke seva karo।

rukmani daadi se -theek hain na। jitna tabiyat ko chala sako utna chalaao। jyaada kaam nahin lo। thoda bich-bich mein aaraam karo kyonki abhi to time pada hain na aur usme aapko seva karni hai। sambhaal bhi karo, seva bhi karo। sambhaalo achhi tarah se।

chandra behen (maurishias) -achha part bajaaya। theek hain na। har roz amritvele uthkar vaah baba, vaah mera baba vaah karti raho। shareer mein taakat jitni bhi hai baithe-baithe seva karo। class nahin karaao lekin personal seva karo। nirvighna hain।

mohini behen - abhi aayu hai isliye chalengi।

chaarli bhaai - achhi seva kar rahe ho। (gaayatri behen ne aunty ki va parivaar ki yaad di)baapdaada ka bhi jigri pyaar unhon ko dena। achhi hai। jitni taakat hai utna achha apne ko chala rahi hai aur jitna bhi rehti hai utni mansa seva achhi kar rahi hai। seva ke bina rahnevaali nahin hai। achhi hai। achha।

deepaavli nimitta baapdaada ne sabko badhaai di -vishwa ke chaaron or ke meethe-meethe sikildhe bachchon ko yaad pyaar aur good night। aanevaali deepaavli, aap to chaitanya deepak ho,to aanevaali deepaavli ki bhi aap jaagti jyot deepkon ko bahut-bahut mubaarak ho। chaaron or ke bachchon ko,chaahe deh chaahe videsh ek-ek bachche ko baap divaali ki mubaarak de rahe hain। O.ke.। O.ke.। sada O.ke.। kya phikar hain! phikar aave to baap ko de do। aap sada O.ke.। sabheen ka lakshya hai ki ham deepaavli ke deepak sada jag rahe hain aur jagte rahenge aur apne raajya mein jaake vahaan bhi deepaavli manaaenge। apna raajya yaad hai na। aaya ki aaya

(yahaan ki deepaavli aur vahaan ki deepaavli mein antar kya hoga - nirvairbhaai)

vahaan ki sajaavat hi nyaari aur pyaari hogi। sajaavat aur pyaar, dil ka pyaar। aise to roosa hua bhi deepak jaga deta hai lekin vahaan sab khushi-khushi se deepak jaagte, mauj manaate, mauj hi raajya hai। yahaan to mazboori se bhi jagaate hain। (vahaan par aapko divaali manaane ka nimantran hai) dekhenge। karenge nahin, dekhenge door se। aap jagaayenge,baap dekhega। (baapdaada vahaan saath mein aakar divaali manaaen to aur achha hoga) vahaan bachchon ka part hai। achha।

sabhi chaaron or ke meethe - meethe sikildhe bachchon ko aaj ka yaadapyaar aur deepaavli ka bhi yaadapyaar।

om shanti।