रविवार 30 मार्च 2014 की अव्यक्त मुरली

> > 30-03-14 om shanti avyakt baapdaadaamdhuban

“kisi bhi vaayumandal ko dekhte baap ke sneh aur sahayog se aage badhte chalo, har ek ki visheshta dekho, svayan bhi teevra purushaartha ke umang-utsaah mein raho aur saathiyon ko bhi umang-utsaah dilaao”

om shanti। aaj baapdaada har bachche mein baapdaada se dil ka kitna pyaar hai,woh pyaar ki soorten har ek bachche ki shakla se dekh rahe hain। jitna bachchon ka pyaar baapdaada se hai usse jyaada har bachche ke liye baap ke dil mein pyaar hai। yeh dil ka pyaar sabhi bachchon ko yatha shakti chala raha hai, baapdaada dekh rahe hain har bachche ke andar baap se,baapdaada donon se dil mein bahut-bahut pyaar hai। baapdaada ko bhi har bachche ke prati dil mein pyaar hai। har ek ke dil mein baap ki yaadapyaar samaai hui hai,yeh alaukik pyaar har ek ko chala raha hai। chaahe kahaan bhi kitne bhi bachche hain lekin baapdaada ke dil ka pyaar bachchon ko chala raha hai। har ek bachcha baapdaada ke pyaar mein, parivaar ke pyaar mein nambarvaar chal rahe hain। yeh alaukik pyaar saare kalpa mein ab sangamayug mein hi anubhav karte ho। baapdaada bhi har bachche ke dil ka pyaar dekhkar har ek bachche ke prati dil ki duaayen dete hain, bachche sada dil ke dilvar dvaara dil ka pyaar lete hue aage badhte chalo। baapdaada ke dil ka pyaar,parivaar ke dil ka pyaar har ek aatma ko chala raha hai aur chalaata rahega। baapdaada har ek bachche ke mastak ki rekhaaon dvaara jaante hain ki baap ka pyaar kaise har ek bachche ko chala raha hai। abhi baapdaada har ek bachche ko mahaaveer ban chalne ki duaayen de rahe hain। kabhi bhi thakna nahin, ghabraana nahin baap ko har bachcha ati pyaara hai। yeh pyaar hi aage badha raha hai aur aage badhaata rahega। aise prabhu pyaar,dil ka pyaar har ek nambarvaar anubhav kar chal raha hai aur har ek bachche ke dil mein umang-utsaah hai lekin nambarvaar ki baap ke samaan banna hi hai। sabko umang hai na! baap samaan banna hai na! ban rahe hain aur aage bhi banenge। haath uthaao। baap ka bhi dil se pyaar hai, sada bachchon ke gun gaate hin vaah bachche vaah! badh rahe hain aur badhte raho। dekho, saare vishwa mein baapdaada ke sambandh ka practical mein anubhav karne vaale kitne aur kaun hain! to aap sabhi pratyaksha pramaan ho, dil se pyaar hai aur pyaar ki paalna se aage se aage badh rahe hain। sabhi pyaar ki paalna se aage badh rahe hain ya koi beech mein vighna aata hai to rookte to nahin hai? baapdaada ne dekha aage badhne ka sankalp kaaphi bachchon mein hai,chaahe kitni bhi chhoti-moti rookaavten aaye lekin baapdaada ne dekha majority bachche baap ke pyaar aur knowledge ke aadhaar se achhe aage badh rahe hain aur badhte rahenge। baapdaada aap bachchon ko dekhkar ek baat mein bahut khush hote, woh kaun si baat?chaahe baaten kitni bhi aayen lekin nirbhay ban majority aage badh rahe hain। baapdaada bachchon ka lakshya aur lakshan dekh khush hai isliye kabhi bhi kisi bhi vaayumandal ko dekh uske prabhaav mein na aakar baap ke sneh aur sahayog se kaaphi aage badh bhi rahe hain aur badhte rehna। ek do ko dekh unki visheshta ko dekho, doosri baaton ko nahin dekho। aage badhna hi hai,boli sabko yeh lakshya hai aage badhna hi hai! woh haath uthaao। ek do ki kamzori ki baaten sunte bhi jaise nahin suno। khud ko bhi aage badhaao aur saathiyon ko bhi aage badhaate chalo। baapdaada aise bachche bhi dekh rahe hain,achha purushaartha kar rahe hain lekin teevra purushaartha ki lahar sada apne mein laate hue auron ko bhi teevra purushaarthi ki lahar mein laao। umang-utsaah mein laao, sahayogi bano। purushaarthaheen ke vaayumandal mein nahin aakar unhon ko bhi umang utsaah mein laao। beech-beech mein kisi-kisi aatmaon ko purushaartha mein thakaavat anubhav hoti hai,baapdaada dekhte hain lekin svayan purushaartha mein teevra rahne vaale auron ko bhi purushaartha mein aage badhaao। vaayumandal dincharya ka aise banaao jo sabhi purushaartha ke umang-utsaah se badhte bhi chale, badhaate bhi chale kyonki ek do ke saathi ho na। to sabke prati shubh bhaavna ke aadhaar se badhte chalo,umang-ulhaas apne anubhav ka sunaate hue ek do ke sahayogi bano।

baapdaada ne dekha majority purushaartha ki lahar mein theek chal rahe hain lekin purushaartha mein dheele saathi hone ke kaaran thoda-thoda asar pad jaata hai, woh attention do। humein number one ya number aath tak aana hi hai। sabko umang hai,aath ke andar rahenge na ki peechhe jaayenge। jo samajhte hain ham vijayi banenge,hain aur banenge bhi। woh haath uthaao। haath to sabhi bahut achha uthaate hain, uska shukriya ho lekin haath sada uthaate rehna,kabhi-kabhi nahin। vaayumandal kya bhi banen lekin aap apne vaayumandal se vaayumandal ko parivartan karo। vaayumandal mein aao nahin,aage badho।

aur aage badhaate chalo। ek do ke saathi hain na! to sada dena arthaat aage badhaana। to aage badhte chalo। ab har ek bachcha kis lakshya mein hai। teevra purushaarthi। dheela purushaarthi nahin। theek ho jaayega, theek ho jaayega, yeh nahin socho। theek hona hi hai kyonki baap se pyaar hai na। baap se pyaar hai to baap ko kisse pyaar hai? teevra purushaarthi bachchon se। to aap kya banenge? teevra purushaarthi,jo samajhte hain teevra purushaarthi ban auron ke bhi sahayogi banenge, woh haath uthaao। haath uthaane mein to hoshiyaar hain,baapdaada khush hai। himmat to rakhi na! to himmate bachche madde khuda। zaroor madad milegi। sirf ichchha rakho bas banna hi hai, karna hi hai, purushaarthaheen nahin, purushaartha। baapdaada khush hote hain, koi koi bachcha abhi bhi dekhte hain purushaartha mein baaten aate thoda kamzor ban jaate lekin nahin, bahaadur bano, bahaadur banaao। kam se kam jo regular aane vaale hain unhon ko teevra purushaartha ka lakshya hai, aise nahin hai lakshya nahin hai, hai lakshya lekin beech mein koi baaten aane se thoda purushaartha ki baaten sochte hain lekin karne me thode dheele pad jaate hain।

to roj amritvele check karo ki mere purushaartha ki gati teevra hai ya chal rahe hain,pahunch hi jaayenge, ho hi jaayega, aise sankalp to nahin rakhte!teevra purushaarthi bano। purushaarthi to hain lekin check karo teevra purushaarthi hain? baapdaada ko priy kaun lagte hain? teevra purushaarthi। to har ek bachche ko kya banna hai? teevra purushaarthi banna hai? haath uthaao। banna hai,banna hai ya banke chal rahe ho? yeh lakshya kabhi bhi nahin chhodna,teevra purushaarthi rehna hi hai,auron ko bhi saath dena hai। yeh lakshya hai,jiske dil mein yeh lakshya hai woh haath uthaao। achha haath to sabhi uthaate hain। chalo। thoda thanda hai to teevra kar dena kyonki dinapratidin maaya bhi apna kaam karti rehti hai। lekin aap sab bachche kaun ho? aapka title kya hai?maayaajeet। kaun maayaajeet banne vaale hain,woh haath uthaao। sabhi ne haath uthaaya hai। baapdaada ko khushi hoti hai ki himmat to hai, himmate bachche madde baap to hai hi। himmat nahin haarna। baapdaada ka sahayog pahle hai। himmat haara to sab gaya। himmat hai to himmate bachche madad baap hai hi। to theek hai ! himmat vaale ho, woh haath uthaao। kai to do-do utha rahe hain। achha hai, haath uthaana to sahaj hai lekin purushaartha ka haath bhi uthaana। baapdaada khush hote hain jab bachchon mein umang ulhaas ki lahar hoti hai kyonki har ek bachche ka lakshya hai number one hone ka। hai na ! number tu to nahin banna hai na !jo samajhte hai nahin number one hona hi hai,woh haath uthaao। haath to sabhi utha rahe hain। haath to achha utha rahe hain। baapdaada khush hai aapka haath uthaana dekh khush hai lekin khush karte rehna। achha hai,

aaj tarna kiska hai?

Indore aur bhopaal zone ki seva ka tarna hai:- (10 hajaar hain) aadha class to yahi hai। (is tarna mein26 hajaar hain। sabse bada group hai)to success hai। mubaarak ho। jo tarna vaale hain woh haath uthaao। achha hai। himmate bachche madde baap hai। achha hai। hamesha himmat har kaarya mein rakhna chaahiye। ham nahin karenge to kaun karega ! ham hi to hain, aise hain na ! ham hi to hain aur baapdaada khush hote hain ki himmat se madad bhi mil jaati hai। achha hai। mubaarak ho, mubaarak ho।

double videshi bhaai bahinen:- baapdaada sabhi bachchon par to khush hai hi lekin foreigners ne achha sabha ka bhaagya spashta kiya hai। double foreigners ko baba dekh khush hai ki koi bhi aisa tarna nahin hua jismen foreigners haath nahin uthaaye। aur achhi sankhya mein aate hain isliye mubaarak ho, mubaarak ho,mubaarak ho। achha।

madhuvan nivaasiyon se:- achha hai,madhuban vaalon ka nimantran hota hai na, isliye madhuban vaale bhi achhi seva kar rahe hain। seva ki result achhi hai। baapdaada khush hai ki madhuban nivaasi achha dhyaan har ek department mein de rahe hain isliye mubaarak ho,mubaarak ho madhuban vaalon ko। achha।

pahli baar bahut aaye hain:- aadha class pahli baari aaye hain। achhi tarah se haath uthaao। achha।

chaaron or ke vishesh bhaai bahinen, jo sada direction par atal hain, aise bachche bhi baapdaada ke paas note hain। jo har kaarya mein aage badhte hain to baapdaada note karte hain,bhinna-bhinna kaarya mein vahi aatmaayen hain jo haath uthaate hain। achha hai। aise purushaarthi bachche bhi baapdaada dekhte hain, unhon ko vishesh bahut-bahut-bahut dil se yaadapyaar sveekaar ho।

daadi jaanki ji ne khaas yaad di hai, tabiyat theek nahin hai, kamre mein sun rahi hain - janak bachchi ko vishesh yaadapyaar de rahe hain। aap sabki taraph se yaad de rahe hain kyonki dil to unki yahaan hai, baaki shareer vahaan hai। saari sabha unke saamne hai। achhe purushaartha mein number le rahi hai। to beemaari mein bhi number one liya hai। nahin to kabhi miss karne vaali nahin hai। baapdaada bahut-bahut dil se pyaar de rahe hain। aap sabko bhi। (daadi jaanki kehti hai baba aisa jaadu kar de jo main sammukh aa jaaoon) abhi uthna theek nahin hai। darda hai na।

mohini behen:- yeh bhi himmat rakhti hai, mubaarak ho। badhaata rahega।

eesh daadi:- ever ready hai। har kaarya mein haan ji, haan ji। achha hai। part achha baja rahi hai।

rookamni daadi:- theek hai na। achhi hai,himmat rakhke itna badhi hai। achha hai। sabhi dilli vaalon ko bahut-bahut mubaarak ho, har kaarya mein dhyaan rakhte hain, ever ready।

(nirvair bhaai ne kaha meeting ke time bhi baapdaada ko aana hai, hamaari request hai) dekhenge।

brijmohan bhaai:- achha chal raha hai, dheere dheere badhega।

gaamdevi centre ki golden jubilee hai:- gaamdevi to foundation hai। achha chalaaya hai, (sabne yaad di hai) sabko bahut bahut yaadapyaar dena।

godly stradiyo mein double videshiyon ki sevaaon ka samaachaar dene ka banaaya hai:- bahut achha।

kalkatta baangur sevaakendra ki silver jubilee hai:- sabhi ki taraph se baapdaada mubaarak de rahe hain। mubaarak ho। (haal ke baahar bageeche mein, conference haal mein bhi bahut se bhaai bahinen baithe hain) chaaron or ke jahaan jahaan bhi bachche dekh rahe hain, baapdaada bhi aap sabko dekh karke yaadapyaar de rahe hain aur good night kar rahe hain।