रविवार 30 नवंबर 2014 की अव्यक्त मुरली

> 30-11-14 om shanti “avyakt baapdaada” madhuban

“dilaaraam ko dil mein bithaakar milan manaate sada khush rehna,amritvela din ka aarambha hai isliye amritvele ka amrit avashya peena”

aaj yeh bachchon ka mela dekh baapdaada khush ho rahe hain aur yahi man kah raha hai vaah bachche vaah!yeh baap aur bachchon ka milan kitna pyaara hai । har ek bachcha sneh aur umang se milan mana rahe hain । yeh sneh sab duhkhon ko bhool baap ke sneh aur sambandh mein vaah baap aur bachchon ka milan vaah! baap bachchon ko dekh khush ho rahe hain aur bachche baap ko dekh khush ho rahe hain । ek-ek bachcha muskara rahe hain aur baap bhi chaahe najdeek, chaahe door vaale bachche ko bhi dekh harshit ho rahe hain । yeh baap aur bachchon ka milan alaukik milan hai । baap ek-ek bachche ko dekh khush ho rahe hain aur bachche bhi saakaar roop mein baap ko dekh khush ho rahe hain । yeh alaukik milan kitna nyaara aur pyaara hai । har ek ke maijaanriti chehre muskara rahe hain aur baapdaada ek-ek bachche ko chaaron or dekh man mein geet ga rahe hain vaah meethe bachche vaah । bachchon ke dil ka geet bhi sunaai de raha hai । yeh baap aur bachchon ka milan nyaara aur pyaara hai । har ek ke dil mein milan ki khushi is soorat se dikhaai de rahi hai । ek-ek bachche ko dekh baapdaada ek-ek bachche ko vaah bachche vaah! kehte hue milan mana rahe hain । chaahe last mein bhi baithe hain lekin baap ke door baithe bhi najdeek hain ।

aaj season ka pahla din kitna suhaavna hai । bachchon ke dil mein bhi vaah baba vaah hai aur baap ke dil mein bhi har ek bachche ke liye chaahe aage baithe hain chaahe peechhe,lekin peechhe vaale bhi baap ke saamne hai । aaj ke milan din ko yaad karte-karte ab sammukh milan mana rahe hain । baap bhi har ek bachche ke bhaagya ko dekh kya geet ga rahe hain? ek-ek bachcha aage vaale ya last bachcha baap ke dil mein sammukh hai । baap bhi bachchon ka milan dekh bachchon ke geet ga rahe hain । saare vishwa se kitne bachchon ne apna dil ka sambandh,dil ka sambandh shakla se dikhaai de raha hai aur baap yahi geet ga rahe hain vaah sikeeldhe bachche,laadle bachche vaah! itna samay bhi dil mein milte rehte hain,baap ko bhi bachchon ke bina dil nahin lagti aur bachchon ko bhi sada dil mein baap yaad rehta hi hai । aap sabke dil mein kaun yaad hai? baba kahenge na! aur baba ke dil mein kaun?kya ek-ek bachche ko baba bhool sakta hai! chaahe nambarvaar hain lekin bachcha to hai na!

to aaj dil mein yaad karne vaalon ko sanmukh dekh baapdaada ko kitni khushi hai । ek-ek bachche ko dekh vaah bachche vaah! yahi dil kehti hai । bachche bhi kahenge hamaare dil mein kaun?baap bhi kehte hamaare dil mein kaun?sabhi jaante hi hain, kahne ki jaroorat nahin । baap ko bhi bachche bhool nahin sakte aur bachchon ko bhi baap bhool nahin sakta, dil mein sada baap ki yaad hai, haajir hai । sookshm mein to milan hota rehta hai lekin saakaar mein ek-ek bachche ko dekh chaahe door hai chaahe najdeek hai lekin baapdaada ke dil mein har bachcha nambarvaar yaad hai । to aaj ek-ek bachche ko saakaar roop mein dekh, sameep dekh, sammukh dekh vaah bachche vaah ka geet ga rahe hain । sabhi ke dil mein kaun rehta,kaun hai? kahenge mera baba । aur baap bhi kya kahenge?kitne bhi kahaan bhi bachche hain lekin har ek dil mein hai isliye baap ko kehte hi ho dilaaraam । baap ko ek-ek bachche ko saakaar roop mein dekhte hue kitni khushi hai,woh to bachche bhi jaante,baap bhi jaante । sabhi dil se khush hai?haath uthaao । dil mein khush hai । kyon?baap jaante hain agar koi bhi baat aati to bhi yaad karte hain aur yaad karne se emerge ho jaati hai । baap bhale kitne bhi bachche lekin bachche baap ko nahin bhoolte,baap bachchon ko nahin bhoolte । yeh to chhota sa haal hai, usmein us anusaar saakaar roop mein baithe hain lekin aakaari roop mein emerge karo to kitne bachche emerge hote hain aur har ek kisi na kisi samay yaad to karte hain । baapdaada ke paas aakaari roop mein emerge hote hain । bachche bhi anubhav karte, baap bhi anubhav karte hain kyonki bachche baap se milan ke bina akele ho jaate hain aur baap bhi bachchon se milan ke bina akele ho jaate hain । sookshm mein emerge sabhi ko kar sakte hain lekin saakaar aur sookshm roop mein milan mein pharka hai । aap bhi anubhav karte ho na! to aaj season ka pahla din hai,by chance koi na koi programme hota rehta hai is kaaran aaj bhi jitne bachche aaye hain utnon se saakaar milan mana rahe hain । to sabhi bachche sada khush rehte hain ya kabhi-kabhi?jo sada khush rehte hain,koi bhi baat ho jaae,kyonki kaliyug hai lekin yeh baap aur bachchon ka sambandh aisa hai jo bachcha kahe baba,baba kahe bachche milan hota hi rehta hai,hota hai na! haath uthaao, hota hai?yahaan bhi dikhaai de raha hai । dekho baap ke part ke saath yeh saadhan bhi nikle hue hain । door baithe bhi last vaala najdeek dikhaai de raha hai ।

shaam ke samay jab baap aate hain to science bhi apna achha madadgaar hai । vahaan baithe bhi murli sunne chaaho to sun sakte ho na । saadhan chaahiye । jaise aap baap ko yaad karne ke bina nahin rah sakte vaise baap bhi bachchon ko yaad karne bina nahin rah sakte hain । baap bhi emerge karke milte hain,rah nahin sakte hain । to aaj ke din saakaar roop mein milan ka din hai । baap bachchon ko dekh rahe hain aur bachche baap ko dekh rahe hain । sabhi sada khush rehte hain?koi kabhi-kabhi khush rehte hain aur koi sada khush rehte hain, to sada khush rahne vaale baap ke aakhon ke saamne ghoomte rehte hain kyonki baap bhi bachchon ke bina rah nahin sakte hain aur bachchon ko kabhi bhi koi baat ho jaati hai to woh bhi bhoolta nahin hai,baap ke paas pahunchta hai । yeh naata hi aisa hai jo bhool nahin sakta । baap kehte hain mere laadle bachche aur bachche kehte mera baba, ek din bhi bhool sakta hai! bhool sakte hain?bhool sakte nahin kyonki baap aur bachchon ka aisa dil ka naata hai jo dil mein rehta hi hai । baap bhi rah nahin sakta, bachche bhi rah nahin sakte । jaise aaj sthool mein sammukh milan ho raha hai aise baap bachchon ko emerge karte milte rehte hain, bachche bhi to milte rehte hain na ।

to sabhi aaj se progress kya karenge?kyonki har samay aage badhna hai । to aage kya badhegen? aage badhna arthaat dil mein baapdaada ko samaana । dil ki baat kabhi bhi bhool nahin sakti aur dil mein sada yaad rah sakti hai । rehti hai na। dil mein rah sakti hai, sammukh ki baat alag hai lekin dil mein jab bhi chaaho tab baap se mil sakte ho aur baap bhi milan manaate rehte hain, baap ko bhi chain nahin aata bachchon ke bina । to sada baap aur bachchon ka is sagmayug mein milan manaane ka part bana hua hai,jo jitna yaad kare utna emerge kar sakte hain । to baapdaada bhi khush hote hain jab sammukh milan ka programme banaate to baapdaada bhi khush hote hain । bachche to khush hote hi hain lekin baapdaada bhi khush hote hain । to sabhi sada khush rahe,khush rahe ki beech-beech mein koi khushi ke bajaae aur kuchh sthiti rahi?jo sada khush rahe koi bhi maaya ke kisi bhi roop se safe rahe kyonki bhinna-bhinna roop se maaya aati hai । sirf khushi ke roop se nahin,vichaaron ke roop se bhi maaya apna banaati hai to abhi is milan ke baad man mein baap ko bithaate rehna । dilaaraam ko dil hi pasanda hai । dil mein yaad kiya to sab tarah se yaad aa hi jaati hai । kam se kam har ek amritvela to manaate ho na! jo amritvela roj zaroor manaate hain woh haath uthaao । majority hai । har jagah amritvele ka saadhan to apnaate hain, koshish achhi kar rahe ho, amritvele ko mahatva dete ho lekin aage bhi jo amritvele mein kabhi-kabhi ho, woh aage badhna kyonki amritvela din ka aarambha hai, to usmein zaroor yaad mein rehna hai । saare din ka prabhaav padta hai । sabhi khush hain ki beech mein maaya bhi chance leti hai?khushi nahin ganvaana । maaya aave bhi to phauran baap ko sunaake change ho jaana । agar baap ko nahin pahunch sako to apne nimitta badi ko zaroor sunaao । ek din se badhaana nahin,nahin to aadat pad jaayegi । yeh amritvele ka amrit peena aavashyak hai, to avashya is samay ko saphal karte rehna । achha ।

sabhi khush hain aur khush rahenge,pakka! koi bhi chhoti moti baat aave lekin khushi nahin jaaye । jab bhi achaanak koi dekhe to sada khushnuma dikhaai de ।

seva ka tarna panjaab aur raajasthaan zone ka hai :- (pajaab se 10 hajaar aur raajasthaan se 5000 aaye hain)haath uthaao । bahut achha । (donon group ko alag- alag uthaaya,donon zone ne milkar achhi seva ki hai)।

achha hai । sevaadhaari bahut hain । abhi uthke khade hue hain to aadha-aadha to hoga, achha hai । donon zone ko mubaarak ho, mubaarak ho । achha hai । kyon? yagya seva ka chance milta hai । vaise to khaas samay nikaal ke nahin aayenge । seva bhal ho । lekin yeh chance hai yagya seva karne ka । to ismen bahut chance le sakte ho aur sab subject mein chance lena chaahiye । all-round hona chaahiye । achha hai ।

dabalvideshi 300 aaye hain :- videshi to yahaan bahut hain,videshiyon ka tarna hai kya! (har tarna mein videshi aate hain) achha hai । system theek banaai hai । har ek ko chance milta hai । achha ।

baapdaada dekhte hain ki har ek bachcha apne samay (seva ka samay) fix hone par achha saath de rahe hain । to sabhi bachchon ko samay par saath dene ki baapdaada hajaar baar yaadapyaar de rahe hain ।

(daadiyaan baapdaada se milan mana rahi hain)

mohini behen ne New York se yaadapyaar bheji hai :- mohini ko khaas yaadapyaar bhejna ।

mohini behen :- tabiyat achhi hai,mukti ho gai? achha ।