सोमवार 30 नवंबर 2015 की अव्यक्त मुरली

>

30-11-15 om shanti avyakt baapdaadaamdhuban

‘‘sada phakhur mein rah bephikra baadshaah bano, teevra purooshaartha dvaara sampanna aur samaan ban saath chalne ki taiyaari karo’’

aaj baapdaada bephikra baadshaahon ki sabha dekh rahe hain। yeh sabha is samay hi lagti hai kyonki sabhi bachchon ne apne phikar baap ko dekar baap se phakhur le liya hai। yeh sabha abhi hi lagti hai। aap bhi har ek savere se uthte karma karte bhi bephikra aur baadshaah ban chalte ho na! yeh bephikra ka jeevan kitna pyaara lagta hai। bephikra ki nishaani kya dikhaai deti hai? har ek ke mastak mein light, aatma chamakti hui dikhaai deti hai। yeh bephikra jeevan kaise bani? baap ne sabhi bachchon ke jeevan se phikar lekar phakhur de diya hai। jinke jeevan mein phakhur nahin phikar hai unke mastak mein light nahin chamakti hai। unke mastak mein bojh ki rekhaayen dekhne mein aati hain। to bataao aapko kya pasanda hai? light ya bojh? agar koi bojh bhi aata hai to bojh arthaat phikar baap ko dekar phakhur le sakte hain। aap sabko bephikra life pasanda hai na! dekhne vaale bhi bephikra life pasanda karte hain।

to baapdaada aaj chaaron or ke bachchon ke chaahe sammukh hain, chaahe jahaan bhi baithe hain, bachchon ke mastak beech chamakti hui light hi dekh rahe hain। to sada bephikra rehte hain ya kabhi koi phikra bhi aata hai? hai koi phikar? jab baap ne prakritijeet, vikaaron jeet bana diya to phikar kaise aa sakta hai? to haath uthaao bephikar bane ho? bane ho sada? sada bane ho ya kabhi-kabhi? kabhi-kabhi vaale bhi hain? haath to nahin uthaate, baapdaada bhi nahin dekhne chaahte hain। baapdaada har bachche ko bephikra baadshaah dekhne chaahte hain। agar kabhi-kabhi vaale bhi hain to bahut sahaj vidhi hai jo bhi thoda bahut phikar aata hai to mere ko tere mein badal lo। yeh had ke merepan ko, mere ko tere mein badalne ki bahut sahaj vidhi hai। aap to kehte hi ho mera baba, to ab mera kya raha? had ka mera to samaapta hua na! mera baba ho gaya। sabhi dil se kehte ho na mera baba! pyaara baba! meetha baba! to mere mein tere ko samaana mushkil hai kya? pharka kya hai? te aur main, itna chhota sa pharka hai। sankalp kar liya sab tera aur mera kya raha? mera baba।

to baapdaada ne dekha majority bachchon ne had ke mere ko tera banaaya hai isliye kya ban gaye? bephikra baadshaah। to aaj baapdaada bachchon ko bephikra baadshaah swaroop mein dekh rahe hain। dekho, bhakti maarga mein bhi aapke chitra banaate hain to double taaj dikhaate hain। ek to light ka taaj hai hi kyonki bephikra aatma ki nishaani hai mastak mein light chamakti hai aur doosra taaj vikaaron par vijayi bane ho isliye taaj dikhaaya hai isliye yeh attention rakho ki jab baapdaada ne phikar lekar phakhur de diya to kya ban gaye? bephikra baadshaah। baadshaah bane hain to takhta bhi chaahiye na! to baapdaada ne teen takhta ke maalik banaaya hai। jaante ho teen takhta kaun se hain? ek takhta bhrakuti ka, yeh to sabko hai hi। doosra takhta hai baapdaada ka diltakhta aur teesra hai vishwa ka takhta, raajya ka takhta। to aap sabko yeh teen takhta praapta hain na! sabse shreshtha hai baapdaada ka diltakhta। to check karo takhta par rehte ho? kyonki baapdaada ke diltakhta par kaun baithta hai? jisne sada svayan bhi baapdaada kaae apne diltakhta mein bithaaya hai, jo sada shreshtha sthiti mein master sarvashaktivaan hai। to check karo ki sada takhtansheen hain? ya kabhi mitti mein bhi aa jaate hain। yeh dehbhaan mitti hai। bahut samay mitti mein rahe hain to kabhi-kabhi mitti mein to nahin chale jaate?

to baapdaada sabhi bachchon ko samay ka eeshaara de rahe hain। achaanak ka paath pakka kara rahe hain, iske liye is sangam ke samay ka bahut-bahut mahatva rakhna hai kyonki is ek janma mein anek janmon ki praalabdha banaani hai isliye baapdaada ne ishaara diya tha to sangam ke samay mein do baaton ka har samay attention dena hai। woh do baaten to yaad hongi - samay aur sankalp। baapdaada ko sabhi ne vyartha sankalp, sankalp dvaara dene ki himmat rakhi thi। to check karo himmat sada kaayam hai? kyonki himmate bachche, ek baar to baap hajaar baar madadgaar hai। to abhi kya samajhte ho? vyartha sankalp ka jo himmat rakh baap ke aage sankalp kiya woh kaayam hai? kyonki is vyartha sankalpon mein samay bahut jaata hai aur aapka is samay ke pramaan kaarya hai vishwa ki aatmaon ko sandesh dene ka। to vyartha sankalp ko samaapta karna hai tab duhkhi, ashaanta aatmaon ko sukh shanti ka anubhav kara sakenge। baapdaada ko duhkhi bachchon ko dekh taras padta hai। aapko bhi apne bhaai-bahinon ko dekh taras to padta hai na!

baapdaada ne dekha ki vartamaan samay sabhi ko roochi hai, plan banaaya bhi hai, practical kiya bhi hai, is 75 varsha ki jubilee manaane ka। baapdaada yahi chaahte hain, programme to sab achhe kiye hain, iski mubaarak bhi de rahe hain। lekin abhi samay ke pramaan jaldi-jaldi unhon ko vaaris banaao, jo kuchh na kuchh varse ke adhikaari ban jaayen। achha- achha bahut kehte hain, baapdaada ne bhi bachchon ke seva ki yeh result to dekhi hai aur baap bachchon par khush bhi hai। dil se kar rahe hain aur abhi samay pramaan sunte bhi roochi se hain। itna antar to aaya hai। achha-achha lagta hai lekin achha banaake kuchh na kuchh varse ke adhikaari banaao। iske liye baapdaada ne pahle bhi ishaara diya hai ki abhi samay anusaar teevra purooshaarthi banne ki aavashyakta hai। teevra purooshaarthi banne ke liye mukhya purooshaartha hai second mein bindi lagaana। second aur bindi, donon samaan। to ab baapdaada bachchon ka to bephikra baadshaah ka roop dekh raha hai। abhi isi roop ko sada anubhav karo। koi bhi kuchh bhi aave to mere ko tere mein sama do।

aaj baapdaada ne dekha, guroovaar ka din hai bahut bachche baapdaada ke paas pahunche, to baapdaada ne kaha saptaah ke do din vishesh hain। ek guroovaar doosra itvaar, Sunday। to guroovaar ke din guru ka din hai, guru se kya milta hai? vardaan। to guroovaar ke din vardaan ka din vishesh hai, is roop se guroovaar ko manaao। koi na koi vishesh vardaan amritvele se apne buddhi mein emerge rakho। vardaan to anek hain lekin vishesh ek vardaan apne liye buddhi mein rakh check karo ki vardaani din mein vardaan swaroop ban, vardaan ko repeat nahin karna hai lekin vardaan swaroop banna hai aur check karte raho to aaj kitna samay vardaan swaroop rahe? Sunday ka din vishesh duniya mein chhutti ka din hota hai। to Sunday ke din manaao jo bhi kuchh apne jeevan mein sankalp maatra bhi kamzori ho, svapna maatra bhi kamzori ho usko chhutti dena hai। to jaise log yeh donon hi din achha bitaate hain, aise aap bhi in donon din mein vishesh yeh lakshya aur lakshan sirf lakshya nahin lekin lakshya ke saath lakshan ko attention mein rakho। baapdaada ne sabhi bachchon ko saath le chalne ka vaayda kiya hai। iske liye saath chalne ki taiyaari kya karni hai? baap to second mein ashareeri ban jaayenge lekin aapne jo vaayda kiya hai, baap ne bhi vaayda kiya hai saath chalenge, to check karo uski taiyaari hai? second mein bindi lagaai, sampanna aur sampoorn ban chala। to aisi taiyaari hai? saath to chalna hai na! chalna hai? kaandh hilaao। chalna hai, achha। pakka? haath mein haath dena, iska arth hai samaan banna। to check karo samay to achaanak aana hai, to itni taiyaari hai jo saath mein chalen?

baap ka bachchon se pyaar hai na! to baap ek ko bhi saath chalne mein peechhe chhodne nahin chaahte। saath hai, saath rahenge, saath chalenge aur saath raajdhaani mein raaj gharaane mein aayenge। manjoor hai na! manjoor hai? taiyaari hai? manjoor hai mein to haath utha lenge, yeh haath nahin uthaao। taiyaari hai, ismen haath uthaao। bada haath uthaao। achha। kal bhi vinaash ho jaae to taiyaar ho? lekin apni seva ko samaapta kiya hai? seva to abhi rahi hui hai? seva samaapta ho gai hai? sandesh sabko pahunch gaya hai? sirf apne mohalle mein hi dekho, aapne har ek ko baap aa gaya hai, varsa lena ho to le lo, yeh sandesh diya hai? abhi plan bana rahe hain। baapdaada ne suna ki ghar-ghar mein sandesh dene ka plan bana rahe hain। achha hai, sandesh to dena hi hai, nahin to ulhana milega। programme banaaya hai na! utho, baap ko plan bataaya hai na! utho। (media vaalon ko uthaaya) achha hai ulhana poora kar lo kyonki hona to achaanak hi hai। to aapas mein milkar isi plan ko practical mein laao। aapas mein raay salaah jaldi karo, samay lag jaata hai na to umang bhi thoda kam ho jaata hai। baaki baapdaada ko to pasanda hai ki ghar-ghar mein yeh ulhana poora ho jaae to hamko to pata nahin pada, baap aaya aur chala bhi gaya, vanchit rah gaye। sabhi ko umang hai na! sabko umang hai? seva karke ulhana poora karna hai। umang hai to baapdaada ka sahayog bhi hai। achha।

to baapdaada ke dil ki aash ko to sabhi jaante hi ho। samaan aur sampoorn, yeh do shabd sada check karo to kya baap ki yeh aasha poorn ki? kyonki baapdaada har bachche ko baap ke aashaaon ka sitaara samajhte hain। har ek bachche ka baap se pyaar hai, yeh to baapdaada bhi jaante hain। in sabhi ko madhuban mein laane vaala kya hai? yeh pyaar ki train mein aate hain। pyaar ke plen mein aate hain। to baap bhi bachchon ke pyaar ki subject mein bachchon se khush hai। lekin jo do shabd baap chaahte hain samaan aur sampoorn, isko bhi sampanna karna hi hai।

to aaj baapdaada chaaron or ke bachchon ko dil se sneh se dekh ek-ek bachche ko dil ke pyaare ki mubaarak de rahe hain। achha।

seva ka tarna Indore aur bhopaal ka hai:- mubaarak ho। yeh bhi chance achha lagta hai na! seva ka bhandaar sahaj mil jaata hai। donon ॰zone umang-utsaah se purooshaartha mein bhi badh rahe hain aur aage bhi har ek apne purooshaartha ko teevra kar aage badh rahe hain। baapdaada khush hote hain, yeh chance bhi ek to seva ka phal bhi milta hai aur bal bhi milta hai। sabki na॰jar kahaan jaati hai? abhi kis ॰zone ka tarna hai, woh na॰jar jaati hai aur seva, madhuban ki seva arthaat seva ka phal aur bal milna। to bahut achha kiya। nirvighna seva ki, sabko santushtata ka phal khilaaya। baapdaada ko khushi hoti hai kyonki vishesh chance milta hai na aur bachche madhuban mein pahunchte hain, madhuban mein aana, itne bade parivaar se milna aur itne bade parivaar ki seva ke nimitta banna, yeh bhi bahut bada bhaagya ban jaata hai। to nirvighna santushtata ka phal khaaya isliye baapdaada vishesh donon ॰zone ko mubaarak de rahe hain। achha hai, har ek ke oopar baap ki bhi na॰jar jaati aur parivaar ki bhi na॰jar jaati। pratyaksha aatmaon ko khushi bhi milti, khush karte bhi aur milti bhi khushi, donon hi। to mubaarak ho donon ko।

graam vikaas, security aur business wing ki meeting hai:-achha। har ek apni nishaani le aaye hain। sabhi ko khushi hoti hai aur baapdaada ko bhi ek-ek varga ko dekh khushi hoti hai। baapdaada ne dekha ki har ek varga koi na koi invention kar apne varga ki seva ko vriddhi mein la rahe hain। aur baapdaada teenon ki alag-alag result ko dekh khush hai। jaise yeh jo yogbal ke kheti ki seva badha rahe hain aur government tak aavaaj pahunch raha hai, government bhi khush ho rahi hai ki is dvaara aatmaon ko phaayda mil raha hai। har ek varga dekha gaya, ki seva mein har ek number one hai। yeh kheti vaalon ki bhi report dekhi, unhonne jo abhi baap ne kaha tha to list nikaalo, kaun kaun najdeek sambandh mein aaye hain। to yeh pahla hi varga hai jinhonne list di hai। baapdaada ne dekha ki bhinnabhinna prakaar ke connection mein aaye hain aur samajhte hain ki brahmaakumaariyaan abhi government ke saathi ban rahi hain kyonki practical dekhte hain na ki kitne pyaar se mehnat karte hain। to teenon varga achhi mubaarak yogya seva kar rahe hain isliye mubaarak ho, mubaarak ho, mubaarak ho। achha yeh jo banaaya hai, chhote-chhote bachche, yeh sabko dikhaao। (graam vikaas vaalon ne kathputli ka dance dikhaaya) baapdaada ne dekha sabhi khush ho rahe hain bahut। apni khushi bachchon ke roop mein dikha rahe hain। achha। to graam vikaas ka detail achha aaya hai। woh likhat mein le aaye hain lekin aur do bhi hain woh bhi kam nahin hain। aise hi badhte raho badhaate raho aur vishwa mein yeh aavaaj phailaate raho ki ham sevaadhaari ban vishwa ko, ismen bhi bhaarat ko svarga sukhmay zaroor banaayenge। abhi samajhne lage hain ki brahmaakumaariyon ka yeh vaayda, brahmaakumaariyaan poora kar bhi rahi hain aur karke hi chhodengi। to baapdaada teenon ko alag-alag mubaarak de rahe hain।

(business vaalon ki silver jubilee hai)abhi business vaale utho, achha। himmat rakhke jo mehnat ki hai, usmein saphalta bhi mili hai aur aage bhi saphalta aapka janma siddha adhikaar hai। baapdaada ko achha lagta hai, yeh varga mein ek-ek varga mein dekha hai, tarna chaahe teen ka ho, chaar ka ho lekin har ek varga jab se bane hain tab se service mein vriddhi hui hai aur aage bhi hogi। yeh baapdaada dekh rahe hain aur advance mein mubaarak de rahe hain। achha।

1500 teachers aai hain:-teachers ko to baapdaada sada hi yaad karte, pyaar karte kyonki teachers nimitta banti hain har bhaai aur bahinon ko aage badhaane ke liye। teacher ko baapdaada guroobhaai kehte hain। guroobhaai ka arth hai samaan kyonki jaise baap ka kartavya hai sada seva mein busy rehna, aise yogya teachers baap samaan sada sevaadhaari aur sada saphalta swaroop ban saphal swaroop banaane vaali hain। baapdaada ko teachers prati sada hi dil mein pyaar hai। kyon? teacher arthaat sada sevaadhaari, sada baap samaan banaane vaali aur nayon nayon ko baap ka parichay de anubhvi banaake baap ke varse ke adhikaari banaane vaala। to baapdaada teachers par khush hai aur yahi dil ka pyaar, baap ka pyaar student mein bhi bharkar unhon ko bhi baap ke poore varse ke adhikaari banaane vaali hain। baap ki har ek teacher mein ummeend rehti hai ki yeh har ek teacher jo baap ki aashaayen hain, jo baap chaahte hain woh pratyaksha karne aur karaane vaali hain isliye ek- ek teacher ko baapdaada padamguna mubaarak de rahe hain। mubaarak de rahe hain। achha।

double videshi bhaai bahinon se:-double videshi bhi baapdaada ne dekha seva mein bhaarat ki aatmaon se kam nahin hain। baapdaada khush hote hain ki har ek apne-apne sthaan mein seva ki vriddhi bhi kar rahe hain aur svayan ko bhi achhe umang utsaah mein chala rahe hain। double videshiyon ka yeh sanskaar hai ki jo karenge woh umang utsaah se karke poora karenge aur purooshaartha ke taraph bhi attention hai। to sabhi haath uthaao ki sabhi teevra purooshaarthi hain? teevra purooshaarthi hain? achha। sabke taraph se bhi bahut-bahut mubaarak hai kyon? teevra purooshaarthi arthaat baapdaada ki aashaaon ko poorn practical karne vaale। to baapdaada teevra purooshaartha ki mubaarak de rahe hain। teevra purooshaarthi hain aur sada teevra purooshaarthi ban auron ko bhi teevra purooshaarthi banaayenge। to saara videsh teevra purooshaarthi ki list mein aa jaaye। aisa record kuchh hai aur kuchh dikhaana hai। lekin baapdaada purooshaartha ki mubaarak de rahe hain। murli ke oopar bhi attention hai, yeh baapdaada ko murli ka sneh achha lagta hai। madhuban se bhi pyaar, murli se bhi pyaar, parivaar se bhi pyaar aur mera baba se bhi pyaar। abhi sookshm purooshaartha ke taraph bhi attention achha hai aur baapdaada ne dekha ki janak bachchi ka bhi bahut dhyaan hai। yahaan rehte bhi har class pahle foreign ko pahunchta hai। to paalna bhi achhi mil rahi hai। yeh bhi aapka luck hai। luckiest aur sweetest donon hi hain। achha।

pahli baar aane vaalon se:- yeh to bahut hain। haath hilaao। to sabhi apne madhuban ghar mein padhaare hain, uski baapdaada ek-ek bachche ko mubaarak de rahe hain kyonki last samay ke pahle pahunch gaye ho। last so fast jaane ka chance hai। baapdaada bachchon ko dekh khush ho rahe hain। aaye, bhale padhaare aur aage ke liye ab teevra purooshaartha kar aage se bhi aage jaane ka dridh sankalp karo। dridhta saphalta ki chaabi hai। to baapdaada jo bhi aaj bachche aaye hain unhon ko vishesh dridhta ke chaabi ki saugaat de rahe hain। dridhta ko kabhi bhi halka nahin karna। dridhta aapko sada sahaj aage badhaati rahegi। to baapdaada khush hai bhale padhaare, apna varsa lene ke liye aaye, iski bahut-bahut mubaarak। achha।

chaaron or ke sarva braahmanon ko baapdaada dil ka pyaar aur sada aage badhne ka shreshtha sankalp de rahe hain। ek-ek bachche ko baap dekh bhi rahe hain aur dekh-dekh dil mein sama rahe hain। najdeek vaale to baapdaada ko saamne dekh rahe hain aur aap sab saadhan dvaara saamne hi dekh rahe ho। baapdaada bhi aap sabhi ko jahaan bhi baithe ho to aise hi dekh raha hai jaise sammukh hi baithe hain aur ek-ek ko dil ka pyaar de rahe hain। badhte chalo, teevra purooshaartha kar aage se aage badhte chalo। achha।

sammukh baithne vaalon ko bhi baapdaada ka yaadapyaar aur sada aage badhne ki mubaarak ho, mubaarak ho, mubaarak ho। achha।

daadi jaanki se:- (sabhi Christmas pyaar se mana rahe hain, sabhi ne yaadapyaar bheja hai) sabko baapdaada ki taraph se padamguna badhaaeeyaan dena। achha hai, baapdaada ne kaha na seva mein bhi aage ja rahe hain। achhi seva kar rahe hain, baapdaada khush hai। jahaan bhi programme chalte hain vahaan saphalta hi saphalta hai। achha hai। yahaan baithe aap bhi unhon ki seva karti ho na, yeh bhi achha hai।

mohini behen se:- theek rahengi। jyaada bhaagdaud nahin karo। baaki theek rahengi, aage chalkar seva karengi। vanchit nahin rah sakte।(munni behen se) yeh bhi saathi hai, saath achha de rahi hai। (eeshu daadi se) yeh to gupta yagya rakshak hai। lekin bahut achha ra॰jayukta hoke jo bhi kaarya kar rahi ho, baapdaada khush hai। achha hai।

pardaadi se:-bahut achha prakritijeet ban prakriti ko chala rahi ho। khush rehti hai isliye iski khushi bhi seva karti hai। (rookamni behen se) aap bhi seva mein thakengi nahin, kyonki iski khushi hai na, woh thakaavat ko khatma kar degi। achha।

(daadi jaanki ne poochha ki baba January maas mein london aur jarmani mein bula rahe hain, jaana chaahiye ya nahin jaana chaahiye?)

baapdaada yahi kehte hain ki had nahin rakho, nahin jaana hai। jahaan aavashyakta hai vahaan zaroor jaao। (baambe vaale bhi bahut bula rahe hain, kya baambe jaaoon?) haan zaroor jaao। dekho, jahaan aavashyakta hai vahaan jaane mein koi harja nahin hai। sabhi jagah nahin jaao, jahaan aavashyakta hai vahaan jaao। (bhuvneshvar nahin gai, woh bahut yaad kar rahe the) woh to beet gaya। abhi jahaan aavashyakta samjho ki zaroori hai vahaan jaane ki mana nahin hai। apne ko bandhan mein nahin rakho, svatantra raho। yeh jo bandhan daala hai ki nahin jaana hai, woh theek nahin hai। ever ready। jahaan jaroorat hai vahaan jaane mein harja nahin hai। (sabhi sochte hain kabhi haan karti hai, kabhi na karti hai) nahin, yeh to baapdaada kah raha hai। ekdam apne ko bandhan mein nahin rakho, nahin jaana hai, nahin jaana hai। (sankalp hai, bandhan nahin hai) sankalp poora ho jaayega।

(nirvair bhaai bhi kahin nahin jaate hain) yeh tabiyat ke kaaran nahin jaata hai। (daadi ki tabiyat anusaar abhi nahin jaana chaahiye), nahin, yeh ja sakti hai, lekin apne ko bandhan mein rakha hai ki nahin jaana hai।

ramesh bhaai se:- tabiyat theek hai? (abhi studio bankar taiyaar ho raha hai) bahut achha, yeh bhi seva karega। taiyaar karenge, programme hote rahenge। achha hai। tabiyat ko chalaane ka koi tareeka socho kyonki jimmevaari bahut hai। (ham bhi tabiyat ke kaaran kahin nahin jaate hain) koi bhi bandhan mein, jaana na jaana, woh nahin rakho। jaana hai, aavashyak hai to shareer bhi saath dega। jahaan aavashyakta hai vahaan madad milegi। jab dekho ho sakta hai to na nahin karo। chal sakta hai shareer to jaana chaahiye। kabhi to ekdam kharaab hota hai, woh baat doosri hai। baaki chal sakta hai to seva se khushi hoti hai, yeh bhi davaai hai। kitne khush hote hain, sabke khushi ki khuraak milti hai।