शुक्रवार 10 नवंबर 2017 की अव्यक्त मुरली

> om shanti 10-11-17 madhuban

pyaare baapdaada ke avatran divas ka yeh doosra tarna hai।

pyaare baapdaada ka rath gullaar daadi ji kal (9-11-17) ko mumbai se shaantivan pahunchi। aaj 10 taareekh ko saayan 6h30 baje se pyaare baapdaada ke mahaavaakya video dvaara sunaaye gaye। woh mahaavaakya aapke paas bhej rahe hain। yeh tarna karnaatak zone aur Indore (aarti behen) zone ki seva ka hai। avyakt mahaavaakya sunne ke pashchaat daadi gullaar ji ne pyaare baapdaada ko bhog lagaaya phir sabse nayan mulaakaat karte hue, haath hilaate milan manaaya aur sabke prati madhur mahaavaakya uchchaaran kiye, woh aapke paas bhej rahe hain।

aaj ka din kitna pyaara hai jo meethe baba ki smriti dila raha hai। bhin-bhinna samay ke din, milan ke din, mahaavaakya sunne ke din, yeh sab aapko smriti dilaane ke liye hai kyonki itne samay ke baad to bhool bhi jaata hai lekin buddhi mein, smriti mein to hai hamko yeh vardaan mile hue hain। to yeh jo vardaan hain, yeh samay par bahut kaam mein aate hain। koi samay aisa aata hai jab apne ko akela samajhte hain, koi saathi saakaar mein najar nahin aata hai lekin yeh jo hamaara samay beeta hai, yeh samay beeta hai sangathan ki shakti se। sangathan hamko bahut pyaar se, sneh se leke chal raha hai। akela bhi chalte hain lekin sangathan ki madad abhi zaroori hai। jab sangathan ki baat aati hai to sabke chehre badal jaate hain। vaise to hamaare andar sabki yaad hai aur sabke andar hamaari yaad hai। ham akele nahin chalte hain। sangathan mein chalte hain। sangathan hamko apna banaake, milaake chala raha hai aur sangathan ki jo shakti hai, woh bhi dikhaati hai ki sangathan kitna pyaara hota hai। chalte-phirte kitna sangathan ka phaayda hota hai। to sangathan ka laabh lete hue ham sangathit roop mein bhin-bhinna tareeke se sangathan ko use kar rahe hain। kahaan bhi kuchh hota hai to chaahe akele, chaahe sangathan mein kisi bhi reeti se jab saath mein sangathan mein hote hain to kitna pyaara samay beetta hai aur kitna aapas ka lav smriti mein aata hai isliye bahut achha hai jo aaj ke din ham aapas mein to milte hain lekin aapas mein milne ka aadhaar hai hamaara baba। baba bhi bachchon se dil se milte hain phir baahar school mein to hamaara school shareer bhi hai to woh bhi milta hai, to aise lagta hai jaise ham ek parivaar hain। to aapas mein milne ka, baahar aur saathiyon se milne ka aur mool baat hai, apne badon se milna। yeh bhi bahut achha milan mele ka roop ho jaata hai। achha।

sabko baba aur hamaari meethi mama ki yaad hai, yahi to hamaare mukhya aadhaar hai, saathi hai। woh saath bahut achha hai। ham sabke dil mein pyaar hai to baahar bhi milan mele ka roop dikhaai deta hai। achha। om shanti।

31-10-07 om shanti avyakt baapdaada madhuban

aaj baapdaada apne chaaron or ke shreshtha svamaandhaari vishesh bachchon ko dekh rahe hain। har ek bachche ka svamaan itna vishesh hai jo vishwa mein koi bhi aatma ka nahin hai। aap sabhi vishwa ki aatmaon ke poorvaj bhi ho aur poojya bhi ho। saare srishti ke vriksha ki jad mein aap aadhaarmoorta ho। saare vishwa ke poorvaj pahli rachna ho। baapdaada har ek bachche ki visheshta ko dekh khush hote hain। chaahe chhota bachcha hai, chaahe bujurga maataayen hain, chaahe pravritti vaale hain। har ek ki alag-alag visheshtaayen hain। aajkal kitne bhi bade te bade saainsadaan hain, duniya ke hisaab se vishesh hain lekin prakritijeet to banen, chandramaan tak bhi pahunch gaye lekin itni chhoti si jyoti swaroop aatma ko nahin pahchaan sakte। aur yahaan chhota sa bachcha bhi main aatma hoon, jyoti bindu ko jaanta hai। phalak se kehta hai main aatma hoon। kitne bhi bade mahaatmaayen hain aur brahman maataayen hain, maataayen phalak se kehti hamne paramatma ko pa liya। pa liya hai na! aur mahaatmaayen kya kehte? paramatma ko paana bahut mushkil hai। pravritti vaale challenge karte hain ki ham sab pravritti mein rehte, saath rehte pavitra rehte hain kyonki hamaare beech mein baap hai। isliye donon saath rehte bhi sahaj pavitra rah sakte hain kyonki pavitrata hamaara svadharma hai। par dharma mushkil hota hai, sva dharma sahaj hota hai। aur log kya kehte? aag aur kapoos saath mein rah nahin sakte। bada mushkil hai aur aap sab kya kehte? bahut sahaj hai। aap sabka shuru shuru ka ek geet tha - kitne bhi seth, svaami hain lekin ek alpha ko nahin jaana hai। chhoti si bindi aatma ko nahin jaana lekin aap sabhi bachchon ne jaan liya, pa liya। itne nishchay aur phakhur se bolte ho, asambhav sambhav hai। baapdaada bhi har ek bachche ko vijayi ratna dekh harshit hote hain kyonki himmate bachche madde baap hai। isliye duniya liye jo asambhav baaten hain woh aapke liye sahaj aur sambhav ho gai hain। phakhur rehta hai ki ham paramatma ke direct bachche hain। is nashe ke kaaran, nishchay ke kaaran parmaatma bachche hone ke kaaran maaya se bhi bache hue ho। bachcha banna arthaat sahaj bach jaana। to bachche ho aur sab vighnon se, samasyaaon se bache hue ho।

to apne itne shreshtha svamaan ko jaante ho na! kyon sahaj hai? kyonki aap silence ki shakti dvaara, parivartan shakti ko kaarya mein lagaate ho। negative ko positive mein parivartan kar lete ho। maaya kitne bhi samasya ke roop mein aati hai lekin aap parivartan ki shakti se, silence ki shakti se samasya ko samaadhaan swaroop bana dete ho। kaaran ko nivaaran roop mein badal dete ho। hai na itni taakat, course bhi karaate ho na! negative ko positive karne ki vidhi sikhaate ho। yeh parivartan shakti baap dvaara varse mein mili hai। ek hi shakti nahin, sarvashaktiyaan parmaatma varsa mila hai, iseelie baapdaada har roj kehte hain, har roj murli sunte ho na! to har roj baapdaada yahi kehte- baap ko yaad karo aur varse ko yaad karo। baap ki yaad bhi sahaj kyon aati hai? jab varse ki praapti ko yaad karte to baap ki yaad praapti ke kaaran sahaj aa jaati hai। har ek bachche ko yeh roohaani phakhur rehta hai, dil mein geet gaate hain - paana tha vo pa liya। sabhi ke dil mein yeh svatah hi geet bajta hai na! phakhur hai na! jitna is phakhur mein rahenge to phakhur ki nishaani hai, bephikra honge। agar kisi bhi prakaar ka sankalp mein, bol mein ya sambandh-samparka mein phikar rehta hai to phakhur nahin hai। baapdaada ne bephikra baadshaah banaaya hai। bolo, bephikra baadshaah ho? hai, haath uthaao jo bephikar baadshaah hain? bephikar ki kabhi kabhi phikar aa jaata hai? achha hai। jab baap bephikra hai, to bachchon ko kya phikar hai।

baapdaada ne to kah diya hai sab phikra va kisi bhi prakaar ka bojh hai to baapdaada ko de do। baap saagar hai na। to bojh saara sama jaayega। kabhi baapdaada bachchon ka ek geet sunke muskaraata hai। pata hai kaun sa geet? kya karen, kaise karen… kabhi kabhi to gaate ho। baapdaada to sunta rehta hai। lekin baapdaada sabhi bachchon ko yahi kehte hain he meethe bachche, laadle bachche saakshi-drishta ke sthiti ki seat par set ho jaao aur seat par set hoke khel dekho, bahut maja aayega, vaah! trikaaldarshi sthiti mein sthit ho jaao। seat se neeche aate isliye upset hote ho। set raho to upset nahin honge।

yeh teen cheezen bachchon ko pareshaan karti hain। kaun si teen cheezen? - chanchal man, bhatakti buddhi aur kya kehte hain? puraane sanskaar। baapdaada ko bachchon ki ek baat sunke hansi aati hai, pata hai kaun si baat hai? kehte hain baba kya karen, mere puraane sanskaar hain na! baapdaada muskaraata hai। jab kah hi rahe ho, mere sanskaar, to mera banaaya hai? to mere par to adhikaar hota hi hai। jab puraane sanskaar ko mera bana diya, to mera to jagah lega na। kya yeh brahman aatma kah sakti hai mere sanskaar? mera-mera kaha hai to mere ne apni jagah bana di hai। aap brahman mera nahin kah sakte। yeh past jeevan ke sanskaar hain। shoodra jeevan ke sanskaar hain। brahman jeevan ke nahin hai। to mera-mera kaha hai to woh bhi mere adhikaar se baith gaye hain। brahman jeevan ke shreshtha sanskaar jaante ho na! aur yeh sanskaar jinko aap puraane kehte ho, woh bhi puraane nahin hain, aap shreshtha aatmaon ka puraane te puraana sanskaar anaadi aur aadi sanskaar hai। yeh to dvaapar madhya ke sanskaar hain। to madhya ke sanskaar ko samaapta kar dena, baap ki madad se koi mushkil nahin hai। hota kya hai? ki samay par baap combined hai, use combined jaan, combined ka arth hi hai samay par sahayogi। lekin samay par sahayog na lene ke kaaran madhya ke sanskaar mahaan ban jaate hain।

baapdaada jaante hain ki sabhi bachche baap ke pyaar ke paatra hain, adhikaari hain। baba jaante hain ki pyaar ke kaaran hi sabhi pahunch gaye hain। chaahe videsh se aaye hain, chaahe desh se aaye hain, lekin sabhi parmaatma pyaar ki aakarshan se apne ghar mein pahunche hain। baapdaada bhi jaante hain pyaar mein majority paas hain। videsh se pyaar ke plen mein pahunch gaye ho। bolo, sabhi pyaar ki dor mein bandhe hue yahaan pahunch gaye ho na! yeh parmaatma pyaar dil ko aaraam dene vaala hai। achha - jo pahli baar yahaan pahuche hain woh haath uthaao। haath hilaao। bhale padhaare।

abhi samay ki sameepta pramaan vardaanon ko har samay anubhav mein laao। anubhav ki authority bano। jab chaaho tab apne ashareeri banne ki, pharishta swaroop banne ki exercise karte raho। abhi-abhi brahman, abhi-abhi pharishta, abhi-abhi ashareeri, chalte phirte, kaamkaaj karte hue bhi ek minute, do minute nikaal abhyaas karo। check karo jo sankalp kiya, vahi swaroop anubhav kiya? achha।

chaaron or ke sada shreshtha svamaandhaari, sada svayan ko parampoojya aur poorvaj anubhav karne vaale, sada apne ko har subject mein anubhvi swaroop banaane vaale, sada baap ke diltakhta nasheen, bhrikuti ke takhtansheen, sada shreshtha sthiti ke anubhvon mein sthit rahne vaale, chaaron or ke sabhi bachchon ko yaadapyaar aur namaste।

seva ka tarna karnaatak zone ka hai:- baapdaada ne karnaatak vaalon ko kaam diya tha, yaad hai। kya diya tha! vaaris quality nikaale ke liye, yaad hai? seva mein to number liya achha, abhi itne vaaris nikaalo jo number one aa jaao। jo nimitta hain woh to hain, naye naye nikaalo। to baapdaada sabhi bachchon ko dekh khush hai। aap bhi khush hai, baap bhi khush hai। jitna aap baap ko dekhkar khush hote hain, usse jyaada bachchon ko dekh baap khush hote hain।

seva ka tarna Indore zone ka hai:- yagya seva ka golden chance milna yeh bahut bada punya jama karne ka hai har kadam yagya seva karna arthaat apna punya jama karna। to in 10-15 din mein har kadam seva kiya to kitne padam bane? yagya seva mahaan seva hai। aur baapdaada ne dekha hai ki jo bhi zone yeh golden chance leta hai woh bahut sik va pyaar se seva karte hain। result very good hoti hai। to aap sabki bhi result achhi hai aur achhe te achhi rahegi।

double videsheeh abhi baapdaada ne dekha hai ki videsh mein bhi seva ka umang achha badh raha hai। pahle kehte the videsh mein student banna bada mushkil hai aur abhi kya hai? abhi mushkil hai ya sahaj hai? sahaj hai? aur baapdaada ko bahut achha laga ki aapas mein milkar nirvighna banaane ka plan banaaya hai aur nirvighna banaane ka plan bahut vidhi poorvak nirvighna banaaya hai। iski bahut-bahut mubaarak ho, padamguna mubaarak ho।